جريدة المنتدى ـ عدد خاص

[شبارقة]

جريدة شهرية توزع مجاناً تهتم بشمارات وأعضاء المنتديات ـ السعر أبقرشين أو ما يعادله بالدولار الأمريكي خارج السودان
العدد الخاص ـ التلات، تمانية شهر واحد سنة الفين وتمانية ميلادية


كلمة العدد:
الإخوة الأعزّاء رواد وأعضاء المنتدى، السلام عليكم ورحمة الله، يطل عليكم هذا العدد الخاص من جريدتكم ، جريدة المنتدى، لأننا وبصراحة (فقدنا العد) وتشابهت علينا الأيام والأعداد وما عارفين وقفنا في العدد الكم آخر مرّة! وكالعادة تم إغلاق مباني الجريدة للفترة الماضية بسبب غلاء المعيشة وعدم استلام الموظفين رواتبهم ،يلا نشوف العدد الخاص لمن ربنا يلمنا في عدد نبدا بيهو من جديد:


الشمارات الإشتماعية:
جنا المطامير ونزار اختفوا اختفاءه غامضة زي اختفاءات الطائرات في مثلث برمودا ، علا بعد كبينا الموية في بيت النمل قلعوا زي الشياطين ، (وفي رواية أخرى أنهم ظهروا بعد استخدام عناصر من شمال أفريقيا استخدمت كوسيلة ضغط لا يمكن مقاومتها) المهم أنهم عادوا بروح معنوية عالية، والمسعلة وما فيها دايرين يتعززو شوية!! (مش البركة اللي لقيتو زول اتذكركم يا جوز الفقر؟؟)!!

Admin دخل في حالة حب غريبة من نوعها، أصبح يقرض الشعر بالرغم من عدم ميوله للشعر،وأصبح رقيقاً جداً . وشمار خطير تاني: قاعد يعمل في ريجيم وتمارين رياضية الأيام دي قال داير يخفف وزنزو إلى 100كلغم!! وقاعد يخش ساونه (نبرا من خرف الكبر!!).

عبدالله الشمراني عضو سعودي جديد كرت من الورقة يطل علينا بإطلالة رائعة راقية بالشماغ الأحمر والعقال وأعلن أنه يحب السودانيين ومن هنا نقول له (أحبك الله الذي أحببتنا فيه)، وتعال نعزمك على الويكة والكمونية والكسرة وفنجان جبنة ، بس أوعى تقول عرسوا لي سودانية!!

أبوحشيش زعلان على المسكول ،وقال دي ظاهرة غير حضارية!! والكلام دا يا أخوانا كلام فلس سااااااااااااااكت!!

مدنية المريخابية وmoram الهلالابية عملوها شكلة في النفاج بسبب الكورة، خلااااص النسوان خلن المسلسلات وقعدات الجبنة وتركلست ضل الضحى ونقل القوالات والشمارات وقرميش الفول والتسالي وانتقلوا نقلة نوعية كبيرة إلى عالم الرياضة، (الزمن ميّل، يا لطيف!!).

عمر البشير (ما رئيس الجمهورية، واحد تاني) عامل عيد ميلاد ومولع الشموع الأربعين (مخير الله!!) من متين يا و البشير بتحتفل بي عيد الميلاد، لا ، ومتين يا خوي عرفت تاريخ ميلادك أصلاً!! جنس فلهمه عليك!!..

سواااح (اسم مشلّخ مطارق!!) قرر انو ما يتكلم نهائي ، وهاك يا سكتة واحدة وبقى زول مؤشراتي ، عارفين السبب؟؟ أنا أقول ليكم: عمل شكلة مع بتاع تاكسي، بتاع التاكسي طلع مفتل شوية ، وبنية واحد أسفل منتصف الحنك أفقدته الحنك ، وأصبح يحتاج إلى مبرد لإعادة الحنك السنين ، ودي فرصة يا جماعة نخلي السبب شماعه وكل زول داير يفش غبينتو في سواااح يشد ويركب!!.


الشمارات السياسية:
بحمد الله وتوفيقة تم بنهاية شهر ديسمبر المنصرم حل مجلس الإدارة والمشرفين (ويا دار ما دخلك شر )، وربطوهوا مرّة تانية (ويا دار ما دخلك شر)، ومن واجبنا من هذا المنبر أن نتقدم بأسمى آيات الشكر و التهاني والتبريكات لكل المشرفين والزعماء السابقين لما قدموه، ونقول للحاليين ربنا يوفقكم ، وان شاء الله إلى الأمام متقدمين ، وبننصح الزعماء الجدد أيضاً أن يسمعوا كلام المعارضة عشان نتلافى المظاهرات وأعمال العنف!!


شمارات المنتديات:
منتدى الجكس (الجنس البفرغ جيب عبداللطيف) أصبح يتسم بصبغة نسوية أكثر،كالمكياج والمطبخ والتجميل ونحوه ودا كلام طيب وجميل، بس نوصي الإدارة بتعيين حارس أمين لمنع تطفل ناس عبداللطيف، وياريت تشوفو زول كبير في السن قنع من الدنيا وما فيها يصلح لهذا المنصب ( يكون في عمرنا كده )، وربنا يحمي بنوتنا!!


أدبيات:
أعجبني قول الشاعرة:
راجلك ان زعل رضيهو
وان داير الغدا غديهو
وان غاب فات بعيد صونيهو
وان فلّس عدم أديهو


لم يعجبني قول الشاعرة:
راجلك ان زعل حمر العيون وريهو
وان دار الغدا خليهو ما تغديهو
وان عدم القرش عاديهو ما تسايسيهو
و ان طار الريال على جيبو تب لقيهو


خاتمة:
فتناك يا البلد ورجعنا تاني نشوفك
بنريدك كتير وموجعانا لسّه ظروفك
راجينك نشوف قبال مماتنا قطوفك!!

في الختام لا يسعنا الا أن نقول مقولة (أبورجاء) الخالدة ( ربنا يرد غربتو!!)
مع كل الود باقة ورد،،،

[سواااح]

يا زول اخير ليك تبعد
لانو الضربة عملت احولال

اهلين شبارقة بعد طول الصمت والغياب

[admin]

Admin دخل في حالة حب غريبة من نوعها، أصبح يقرض الشعر بالرغم من عدم ميوله للشعر،وأصبح رقيقاً جداً . وشمار خطير تاني: قاعد يعمل في ريجيم وتمارين رياضية الأيام دي قال داير يخفف وزنزو إلى 100كلغم!! وقاعد يخش ساونه (نبرا من خرف الكبر!!).
كلام جرايد

[ابوالنور]

هلا والله شبارقة واتحفتنا

[ابوزيد محمد نور]

احنا وين من كلام الجرايد

[عبدالله الشمراني]

عبدالله الشمراني عضو سعودي جديد كرت من الورقة يطل علينا بإطلالة رائعة راقية بالشماغ الأحمر والعقال وأعلن أنه يحب السودانيين ومن هنا نقول له (أحبك الله الذي أحببتنا فيه)، وتعال نعزمك على الويكة والكمونية والكسرة وفنجان جبنة ، بس أوعى تقول عرسوا لي سودانية!!
**********************************
الله يسلمك وانا تشرفت بأنضمامي الى هذا الصرح الكبير ..
وعلى طاري الكنمونيه من افضل الاكلات بصراحه لدي .. كسرى وواويكه من الاكلات الرائعه .. قراصه بالدمعه .. عصيده بالتقاليه .. هذه الاسماء اللي اعرفها واتمنى ما اكون غلط بكتابتها .. وطبعا كل هذا لذيذ ولكن ليس بلذه الزواج من سودانيه...

[zoolfrda]

الشمارات السياسية:
وبننصح الزعماء الجدد أيضاً أن يسمعوا كلام المعارضة عشان نتلافى المظاهرات وأعمال العنف!!




ياخوي أصلوا ما حيكون في أي صلح مع المعارضة
واللساتك الصادرناها من أعمال الشغب القديمة .. دايرين نولع فيها تاني

[مدنيّة]

اخير يا شبارقة:D

حمدا لله علي السلامة
عدد رائع والله زي ما عودتنا دائما
يارب كفيلك دا يسافر كل اسبوع عشان تقدر تنزل العدد اسبوعي

اها انت مع منو معانا ولا مع مرام ؟
وما تقول لي الكلمة القطعتها من راسك في النفاج بهناك
حدد موقف بصريح العبارة

[ابراهيم]

Admin دخل في حالة حب غريبة من نوعها، أصبح يقرض الشعر بالرغم من عدم ميوله للشعر،وأصبح رقيقاً جداً . وشمار خطير تاني: قاعد يعمل في ريجيم وتمارين رياضية الأيام دي قال داير يخفف وزنزو إلى 100كلغم!! وقاعد يخش ساونه (نبرا من خرف الكبر!!).



شبارقة كل سنة وانت طيب (كل الأعياد)

جريدتك رااايقة يا حبيب
وكتر لينا من الحاجات دي:D

[عمر البشير]

عمر البشير (ما رئيس الجمهورية، واحد تاني) عامل عيد ميلاد ومولع الشموع الأربعين (مخير الله!!) من متين يا و البشير بتحتفل بي عيد الميلاد، لا ، ومتين يا خوي عرفت تاريخ ميلادك أصلاً!! جنس فلهمه عليك!!..

الواحد كان حاول يعمل فيها عندو تاريخ ميلاد ناس شبارقه ما يخلوه.
وبعدين الحسد ليك شنو التورتة ما ضقناه كمان الصورة حقتها برضو كتيره علينا.

همسة:

لكن جريده ما روعة عديل وين انت من زمان والله فقدنا اطلالتك الرائعة يا مستشار.

ولك كل الاشواق.

[مدناوية]

شبارقة والله جريدتك خطييييييرة


النبي فوقك تشغلني معاك


لقاطة شمارات يعني


وكان مافي طريقة إن شاء الله غفيرة

أها قلته شنو؟؟؟

[شبارقة]

يا زول اخير ليك تبعد
لانو الضربة عملت احولال

اهلين شبارقة بعد طول الصمت والغياب

ربنا يعدل الاحولالات ويصلح الحالات ويفتح خشمك بعد صمتك!، حباب الخزين دخري الحوبة ...

[شبارقة]

كلام جرايد

أحلف!!......

[شبارقة]

هلا والله شبارقة واتحفتنا

حباب أبوسديرية ... جايينّك ...

[شبارقة]

احنا وين من كلام الجرايد

درتها برااااااك لي رقبتك .. أبشر بالشمار!!

[شبارقة]

ولكن ليس بلذه الزواج من سودانيه... [/I][/COLOR]

يا خوي مهرنا غااااااالي ودمنا حاااااااار بتقدر على الكلام دا ؟؟؟!!

[شبارقة]

ياخوي أصلوا ما حيكون في أي صلح مع المعارضة
واللساتك الصادرناها من أعمال الشغب القديمة .. دايرين نولع فيها تاني

أصلك عامل خليقتك الزي الترابي دي ماااااااااااا بتدور السلام كلو كلو ، أها نحن ما ناس حرب ، ولو دايرين تحاربوا أمشو شوفو ليكم ناس حاربوهم!!
نحن ناس سلام ساااااااااكت!!

[شبارقة]

اها انت مع منو معانا ولا مع مرام ؟
وما تقول لي الكلمة القطعتها من راسك في النفاج بهناك
حدد موقف بصريح العبارة




أهلاً يا مدون ....
أنا زول زول الله ...
معرفتي بالرياضة قدر معرفتي بالسياسة ..
ومعرفتي بالسياسة ما بتتعدى معرفتي برئيس الجمهورية الحالي، ولو الحيكومة اتقلبت (لا قدر الله) اسم الرئيس السابق بروح لي !!!

[شبارقة]

شبارقة كل سنة وانت طيب (كل الأعياد)

جريدتك رااايقة يا حبيب
وكتر لينا من الحاجات دي:D

أبشر بالشمارات ، يا خوي ما تجي نعينك معانا وبنديك بياضك!!

[شبارقة]

همسة:

لكن جريده ما روعة عديل وين انت من زمان والله فقدنا اطلالتك الرائعة يا مستشار.

ولك كل الاشواق.

وين يا ود البشير ...
ما قلنا مستشار نفسو ابليس!!
دا من زوقك يا ود البشير تسلم!

[شبارقة]

شبارقة والله جريدتك خطييييييرة


النبي فوقك تشغلني معاك


لقاطة شمارات يعني


وكان مافي طريقة إن شاء الله غفيرة

أها قلته شنو؟؟؟



نحن لاقين موظفين ، عيناك من هسي ..
ودي أوراق تعيينك ....
أها خليك نجيضة في لقيط الشمارات!!

[مدناوية]

نحن لاقين موظفين ، عيناك من هسي ..
ودي أوراق تعيينك ....
أها خليك نجيضة في لقيط الشمارات
!!



كدا ناولني الكونترات عشان أمضي عليهو


ماباخد أقل من 2000 كوكار أخضرليني

[عثمان جلالة]

[QUOTE=شبارقة;278112]
[CENTER]
[COLOR="blue"]الشمارات السياسية:
بحمد الله وتوفيقة تم بنهاية شهر ديسمبر المنصرم حل مجلس الإدارة والمشرفين (ويا دار ما دخلك شر )، وربطوهوا مرّة تانية (ويا دار ما دخلك شر)، ومن واجبنا من هذا المنبر أن نتقدم بأسمى آيات الشكر و التهاني والتبريكات لكل المشرفين والزعماء السابقين لما قدموه، ونقول للحاليين ربنا يوفقكم ، وان شاء الله إلى الأمام متقدمين ، وبننصح الزعماء الجدد أيضاً أن يسمعوا كلام المعارضة عشان نتلافى المظاهرات وأعمال العنف!!


[SIZE="5"]هع هع هع كما يضحك ود المطامير ..... [SIZE="6"]الخواف ربى عيالوا !!!!

[Madanawi]

تحايا .. وأشواق .. لقلم المبدع شبارقة

أخذتني في رحلة سياحية الى زمن جميل

أتمنى أن يعود بافضل ما كان ينثره في

ربوع المنتدى .. رغم افتقادي لبعض الأعمدة
الاساسية في الجريدة وشخصياتها الجميلة
العمدة .. وبت الحاج .. واواواواو!!!!!

نتوقع عدد قادم أقوى .. يا شبارقة،،

[شبارقة]

كدا ناولني الكونترات عشان أمضي عليهو


ماباخد أقل من 2000 كوكار أخضرليني


هي الجريدة كلها راس مالها 2000 كوكار أخضرليني (بالعملة الجديدة)!!

[شبارقة]

هع هع هع كما يضحك ود المطامير ..... الخواف ربى عيالوا !!!!

يا خوي الجعليين ما بخافو، لكن دا لزوم السياسة بس :D :D

[شبارقة]

.. رغم افتقادي لبعض الأعمدة
الاساسية في الجريدة وشخصياتها الجميلة
العمدة .. وبت الحاج .. واواواواو!!!!!



يااااااااااااا حليل ناس بت الحاج وعمي العمدة !!
زمن يا Madanawi العزيز!!


العدد الجاي عليك يا خوي ، ألبع صدرك !!

[ود المطامير]

الشمارات الإشتماعية:
جنا المطامير ونزار اختفوا اختفاءه غامضة زي اختفاءات الطائرات في مثلث برمودا ، علا بعد كبينا الموية في بيت النمل قلعوا زي الشياطين ، (وفي رواية أخرى أنهم ظهروا بعد استخدام عناصر من شمال أفريقيا استخدمت كوسيلة ضغط لا يمكن مقاومتها) المهم أنهم عادوا بروح معنوية عالية، والمسعلة وما فيها دايرين يتعززو شوية!! (مش البركة اللي لقيتو زول اتذكركم يا جوز الفقر؟؟)!!

،
حبيب قلبى ..
هذا ما نريده ونتمناه أن تأخذنا على بساط الريح إلى عوالم جميله وزاهيه

قلت لى غطسوا وقلعوا ؟ هع هع هع هع هع
أقول ليك سر ؟ أنا إسمى عروه ابراهيم عثمان ( القلع ) وحاة الله جد وجدى القلع دا
قالوا غطس فى البحر وقلّع بعد تلاته أيام شايل تقابه مولّعه هع هع هع

شمال أفريقيا .. ياربى تحفظ لينا ناس شمال أفريقيا ويديهم لى ألف عافيه

وربنا يحفظ كل من خط حرف فى حقنا وكل من جال بخاطره ولو مجرد ذكرى
ومن هنا أحُىّ وأشكر كل من أرسل لى فى الخاص ستظل رسائلكم عالقه بذنى أبد الدهر
الله لا يحرمنا منكم ... آمييييييييييييييييييين يا رب العالمين

[ود المطامير]

أها يا شبارقه يا ود عمّى
أنا هسى بقيت زول الله ساااااى وسلمت ود البشير
البيت والعربيه ومفاتيح خزنة النفاج بعدما خمشها الكاشف أخوى ود الطاهر وسافر بالرصيد السودان ..
وبدور أرجع لقديمى يا ود عمّى .. نحنا ما ناس سياسه .. نحنا ناس خلا ساااى
سعيه ورواعيه وعرضه مع طنبور ود حميدان فى قيفة البحر
بس عليك الله مش المفروض أدخل موسعة الخواجه داك حقت الأرقام القياسيه
تحت عنوان .. ود المطامير كان وزير
هع هع هع هع هع هع

[التيمان]

ربنا يعينكم مع الراجل ده

[ودتابر]

العزيز / شبارقة ..

والله أكثر من رائع ...
على الرغم من أني جديد عليكم لكن والله استمتعت جدا بجريدتك الرائعة
أما شماراتك دي ريحتها شميتها هنا في الدوحة ....



لك تحياتي

[شمس الامل]

واخيرا وبعد طول غياب عادت جريدة المبدع شبارقة ...
والله اكثر من رائعة وتسلم


ودمتم في امان الله ،،،

[moh_alnour]

[CENTER]
عمر البشير (ما رئيس الجمهورية، واحد تاني) عامل عيد ميلاد ومولع الشموع الأربعين (مخير الله!!) من متين يا و البشير بتحتفل بي عيد الميلاد، لا ، ومتين يا خوي عرفت تاريخ ميلادك أصلاً!! جنس فلهمه عليك!!..
[COLOR="

[SIZE="5"]الفيك بدربو
يعني عشان ما جيبت هدية يا شبارقة عايز تتهرب من الهدية
على العموم الشمار جابني عشان أنا العملت البوست لود البشير
وعلى العموم برضو هو لسة بقبل في الهدايا ، ما عدا التورتة والحلويات
وبالمناسبة رقم حساب ود البشير على الراجحي

[شبارقة]

أها يا شبارقه يا ود عمّى
أنا هسى بقيت زول الله ساااااى وسلمت ود البشير
البيت والعربيه ومفاتيح خزنة النفاج بعدما خمشها الكاشف أخوى ود الطاهر وسافر بالرصيد السودان ..
وبدور أرجع لقديمى يا ود عمّى .. نحنا ما ناس سياسه .. نحنا ناس خلا ساااى
سعيه ورواعيه وعرضه مع طنبور ود حميدان فى قيفة البحر
بس عليك الله مش المفروض أدخل موسعة الخواجه داك حقت الأرقام القياسيه
تحت عنوان .. ود المطامير كان وزير
هع هع هع هع هع هع


بعد إيه جيت تصالحني بعد إيه؟؟
بعد ما خليتنا نحن برانا ليه ؟؟
لييييييييييييييييييييييييييييييييييييه
جيتنا بعد ما سفيت قروشنا جيتنا ليه
بعد ما علوية فاتت؟؟
جيتنا ليه ؟؟
بعد ما حلتنا ماتت؟؟؟
جيتنا ليه ؟؟
بعد ما عمدتنا سافر
جيتنا ليه ؟؟
لييييييييييييييييييييييه ليه!!

[شبارقة]

ربنا يعينكم مع الراجل ده

آآآآآآآآآميييييييييييييييين ..

[شبارقة]

العزيز / شبارقة ..

والله أكثر من رائع ...
على الرغم من أني جديد عليكم لكن والله استمتعت جدا بجريدتك الرائعة
أما شماراتك دي ريحتها شميتها هنا في الدوحة ....



لك تحياتي


أها طالما انت جديد النمشهدك شوية وأوريك راس الخيت (الخيط) ..
الناس هنا قسمين:
أهل العوض الغبش ... (ديل ناس ود المطامير وهلمجرا)
وأهل الناس الودو ليهم قزازة السمن .. (ديل نحن وليس هلمجرا)
أها أبقى في واحد من الصفين من هسي عشان ما تكون عايم ساكت

همسة مسموعة:
حباب أخونا ودتابر...
انزل علينا سيداً كريماً نفرش لك من الورد أنداه وأعطره
على الرؤس في المقل قلوبنا هي المحل وهي عظيم المقعد
حبابك الف في منتديات ودمدني ..
ويلا ورينا ابداعاتك..

[شبارقة]

واخيرا وبعد طول غياب عادت جريدة المبدع شبارقة ...
والله اكثر من رائعة وتسلم


ودمتم في امان الله ،،،


حباب شمس المحنة الأشرقت ضاءت ..
لا ان شاء الله دائماً مواصلين معاكم ..
أبقو انتو واصلوا ..
أعذب التحايا

[شبارقة]

الفيك بدربو
يعني عشان ما جيبت هدية يا شبارقة عايز تتهرب من الهدية
على العموم الشمار جابني عشان أنا العملت البوست لود البشير
وعلى العموم برضو هو لسة بقبل في الهدايا ، ما عدا التورتة والحلويات
وبالمناسبة رقم حساب ود البشير على الراجحي

mohalnour محمد النور الغالي العزيز انت ما سيد المجاملات
انت ماسيد الطاحونة
انت ما سيد الديوان
ربنا يخليك ويحضرك عيد ميلادي قول يامين

الراجحي دا منو؟؟

[مدناوية]

هي الجريدة كلها راس مالها 2000 كوكار أخضرليني (بالعملة الجديدة)!!



جريدتك راس مالها تعبان شديد ياشبارقة

لكن الله غالب الوظائف بقت معدومة في المنتدى

والحيكومة قسموها ومافي لينا طريقة

أخير نشوف بعد دا الخاص ونرضى بي نصيبنا

أها بنطلع منك بي كم في الشهر ياشبارقة؟؟؟

عشان نتفق من هسي

أقل من خمسمية كوكار أخضرليني يفتح الله

كدا حدد لينا عشان يا واصلنا معاك ولا ..........؟؟؟؟؟

[ودتابر]

العزيز .. شبارقة

والله العظيم ترحيبكم بي زادني حباً لكم .. ودي المنتديات ولا بلاش ..

بالمناسبة أنا من (( فاطمة السمحة )) .. يعني من أهل العوض .. ومن الناس الودوا ليهو قزازة السمنة ..

مداخلة (( وينك أنت .. الجري ورا الشمارات للجريدة ماليه عليك زمنك .. أعمالي موجودة ومثبتة في زاوية للإتكاءة على القصة القصيرة والخاطرة )) ..
اتمنى أن تجد فيها إتكاءة تساعدك في لم الشمارات تمتعك ..

ولك التحية إلي أن نلتقي

[نزار حسن محمد]

اسمع ياشبارقه ..النمه دى فى تبادى

من زمنن بعيد واقف على كرعى لامن غابت نجمه المقابله برياء ..ليمون بلدى ياناس الراوينو
بالماهيه انا كل ما اطراك نارك تولع فيييييى
****
قال الليل والنهار واحد على العميان واللوم والشكر واحد على ود المطامير السجمان
****
حبابك حباب محامى الغبش حباب الاسد
حباب زعيم المعارضه الاغبش
الماحنكوش ..ولا بعرف البس الكرفته
حباب الزول ابوتكه ...
اكتب ..جريده ..والحبر على
اكتب بحروف من نار والجاز على
اكتب والتوزيع بالكامرى بتاعت
الحيكــــــــــــــــــــــــومه
والماعاجبه ..يحلق شواربوووو

[ود المطامير]

****
قال الليل والنهار واحد على العميان واللوم والشكر واحد على ود المطامير السجمان
****

هع هع هع هع هع
حبيب قلبى والله صدقت

[ود المطامير]

لييييييييييييييييييييييه ليه!!

من غير ليه
مع الإعتزار لورثة الفنان
محمد عبدالوهاب

[شبارقة]

جريدتك راس مالها تعبان شديد ياشبارقة




يعني وريناك راس مالنا دايرة تفضحينا مع خلق الله!!



أقل من خمسمية كوكار أخضرليني يفتح الله



انت جنك هارد كارنسي ، نحن بنتعامل بالقرش السوداني بس!!

[شبارقة]

اسمع ياشبارقه ..النمه دى فى تبادى

من زمنن بعيد واقف على كرعى

ما تقعد !! موقفنك طابور في الجيش!!


اسمع

والماعاجبه ..يحلق شواربوووو

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!

[شبارقة]

من غير ليه
مع الإعتزار لورثة الفنان
محمد عبدالوهاب

ليه من غير ليه!!!!!!

[GREY MAN]

والله يا شبارقه جريده ميه الميه
بس ناقصها قسم الكاركتير
وانا عشان ما بعرف ارسم بدير ليك القسم ده من غير مقابل.
وعدييييييييل كده مافي كركتير حا يحذف

[فتحي همام]

شبارقة الزول المبدع الفنان
والله حاجة روعة وشماراتك مغربلة و تستاهل ليها صحن فول فى الجو البارد ده :D:D
لكن ما قلت لى إشتراكم السنوى بي كم !!! ( طبعاً هسة الآدمن تلقاهو قعد يتاوق عشان يعرف ردك على بي كم دى :D:D:D

[شبارقة]

والله يا شبارقه جريده ميه الميه
بس ناقصها قسم الكاركتير
وانا عشان ما بعرف ارسم بدير ليك القسم ده من غير مقابل.
وعدييييييييل كده مافي كركتير حا يحذف

من هسي انت مدير قسم الكاركاتير، أها لقط ليك موظفين ومكتب وأدوات مكتبية للقسم

[شبارقة]

شبارقة الزول المبدع الفنان
والله حاجة روعة وشماراتك مغربلة و تستاهل ليها صحن فول فى الجو البارد ده :D:D
لكن ما قلت لى إشتراكم السنوى بي كم !!! ( طبعاً هسة الآدمن تلقاهو قعد يتاوق عشان يعرف ردك على بي كم دى :D:D:D

بسسسسسسسسسسسس
الآدمن دا جنو قروش، وعشان ما يسمعنا بكلمك في الخاص واديك رقم الحساب!!

[هشام السماني إبراهيم]

عمر البشير (ما رئيس الجمهورية، واحد تاني) عامل عيد ميلاد ومولع الشموع الأربعين (مخير الله!!) من متين يا و البشير بتحتفل بي عيد الميلاد، لا ، ومتين يا خوي عرفت تاريخ ميلادك أصلاً!! جنس فلهمه عليك!!..
دي بالغته فيها شكيت محنك العرس تقول عليو كدا الزول دا تاني ايامو كلها افراح وعيد ميلاد بس انا قلت ليو ابرد لكن هو مضايق شديد قال العيد قرب

[بنت الرفاعي]

[quote=شبارقة;278112]
مدنية المريخابية وmoram الهلالابية عملوها شكلة في النفاج بسبب الكورة، خلااااص النسوان خلن المسلسلات وقعدات الجبنة وتركلست ضل الضحى ونقل القوالات والشمارات وقرميش الفول والتسالي وانتقلوا نقلة نوعية كبيرة إلى عالم الرياضة، (الزمن ميّل، يا لطيف!!).


[SIZE=4]العدد الخاص لكن ما................................................ ......!!!!!!!!!!!!!!
يا شبارقة.


أنا محااااااااايدة ولما كنت بفهم في الرياضة ماكنت بشجع فريق إلا البلعب فيهو أنا وبس!!! (شفت الكلام ده كييف)!!:D
وبعدين النسوان من زماااااااااااااااااااااااااااااااااااان دخلوا عالم الرياضة ،ولا علشان مازي ناس.......... مابنمشي الاستاد ونشجع ومابنلعب؟؟:confused::eek::D:p

[ريانية]

والله كلاام جميل يا شبارقة...

[النور محمد يوسف]

شبارقة كثير حلو.....وسيد الجنيات إنتَ.....فعلا مالي المكان ومدفق .....


بس أنا محتار في ودتابر دا بعد كلامو الحلو دا ..... يطلع من الناس الودوو السمن !!!! والمحيرني أكثر أنك بكلامك البشبهنا دا تكون من الناس الاستلمو السمن !!!!!

وبعدين ايه حكايتك مع مدناوي انت تقول ليهو العدد الجائي من الجريدة دي عليك وهو في مجلتو يقول ليك العدد الجاي من المجلة عليك .....

الظاهر الاتنين ناوين ما تتنو ليهن شطر أمهن

[الزبير محمد عبدالفضيل]

صراحه ياشبارقه بالغته عديل كده وفي انتظار المزيد من الشماريككك

[ودتابر]

شبارقة كثير حلو.....وسيد الجنيات إنتَ.....فعلا مالي المكان ومدفق .....


بس أنا محتار في ودتابر دا بعد كلامو الحلو دا ..... يطلع من الناس الودوو السمن !!!! والمحيرني أكثر أنك بكلامك البشبهنا دا تكون من الناس الاستلمو السمن !!!!!

وبعدين ايه حكايتك مع مدناوي انت تقول ليهو العدد الجائي من الجريدة دي عليك وهو في مجلتو يقول ليك العدد الجاي من المجلة عليك .....

الظاهر الاتنين ناوين ما تتنو ليهن شطر أمهن

العزيز / النور .. صاحب القلم المميز والحس المرهف ..

لك ودي وتحياتي .. أنا فعلاً من الناس الودو السمنة .. ومن ناس العوض كمان .. وزي ما أنت بعقلك ووعيك قت (( بداخلي سوداني يتكون )) فهذا السوداني ذو السمات المتعددة والسحنات المختلفة والطباع المتباينة في داخل كل منا ... يكبر وينمو وسيكون عملاقاً يتضح في كل النفوس ..
ولك جل التحايا .. يا رقيق يا فنان القلم

[شبارقة]

دي بالغته فيها شكيت محنك العرس تقول عليو كدا الزول دا تاني ايامو كلها افراح وعيد ميلاد بس انا قلت ليو ابرد لكن هو مضايق شديد قال العيد قرب

بالغ ود البشير البحتفل بي عيد ميلادو

[شبارقة]

[quote=شبارقة;278112]
مدنية المريخابية وmoram الهلالابية عملوها شكلة في النفاج بسبب الكورة، خلااااص النسوان خلن المسلسلات وقعدات الجبنة وتركلست ضل الضحى ونقل القوالات والشمارات وقرميش الفول والتسالي وانتقلوا نقلة نوعية كبيرة إلى عالم الرياضة، (الزمن ميّل، يا لطيف!!).


[SIZE=4]العدد الخاص لكن ما................................................ ......!!!!!!!!!!!!!!
يا شبارقة.


أنا محااااااااايدة ولما كنت بفهم في الرياضة ماكنت بشجع فريق إلا البلعب فيهو أنا وبس!!! (شفت الكلام ده كييف)!!:D
وبعدين النسوان من زماااااااااااااااااااااااااااااااااااان دخلوا عالم الرياضة ،ولا علشان مازي ناس.......... مابنمشي الاستاد ونشجع ومابنلعب؟؟:confused::eek::D:p

اها شوفي
النسوان لو خشو في أي حاجة ماشاء الله كراعن باردة
شوفي مبارة السودان وزامبيا!!

[شبارقة]

والله كلاام جميل يا شبارقة...

شووووووووووووووووووووووووكراً ريانة!!

[شبارقة]

شبارقة كثير حلو.....وسيد الجنيات إنتَ.....فعلا مالي المكان ومدفق .....


بس أنا محتار في ودتابر دا بعد كلامو الحلو دا ..... يطلع من الناس الودوو السمن !!!! والمحيرني أكثر أنك بكلامك البشبهنا دا تكون من الناس الاستلمو السمن !!!!!

وبعدين ايه حكايتك مع مدناوي انت تقول ليهو العدد الجائي من الجريدة دي عليك وهو في مجلتو يقول ليك العدد الجاي من المجلة عليك .....

الظاهر الاتنين ناوين ما تتنو ليهن شطر أمهن

المكان مليان بوجودك يا النور أخوي ..
أنا من الناس الودو السمن ، بس كنت راكب بي ورا في الحمار عشان كده ما شافوني!

[شبارقة]

صراحه ياشبارقه بالغته عديل كده وفي انتظار المزيد من الشماريككك

المشاركات جايات يا الزبير أخوي، الله يدي العافية!!

[كاتم الأحزان]

مراحب ياشبارقة
طولنا منكم ومن أخباركم