مستشفى ودمدنى التعليمى ؟؟!!!!؟؟

[ابوزيد محمد نور]

مـــــســتشـــــفى ودمـــــــدنى التــــــــعــلــــيــــــــــمى

وماادراك ما مستشفى ودمدنى التعليمى

ترقبوااااااا

ترقبوااااااا

معنا بالكلمه والصوره احداث ليلة ثالث ايام عيد الاضحى المبارك داخل اسوار مستشفى ودمدنى التعليمى

[المكاشفى]

ابذيد كل سنه وانت طيب
ياخوى دا اللحم ولا الشربوت؟؟؟؟
اها ماذا تحمل فى طياتك
الهم اجعله خير..........

[ناصر عمر دبيب]

مـــــســتشـــــفى ودمـــــــدنى التــــــــعــلــــيــــــــــمى

وماادراك ما مستشفى ودمدنى التعليمى

ترقبوااااااا

ترقبوااااااا

معنا بالكلمه والصوره احداث ليلة ثالث ايام عيد الاضحى المبارك داخل اسوار مستشفى ودمدنى التعليمى



اخي ابوزيد كل عام وانت بخير
اخبار المستشفي انشاءالله خير
ارجوالافادة اخوك ناصر عمر

[moh_alnour]

خير اللهم أجعله خير

[نزار حسن محمد]

فى انتظار التفاصيل اخى ابوزيد ..

[المكاشفى]

ابوزيد لزوم الشحتفه شنو؟؟؟؟

[عزيز عيسى]

الخواجة يحيكم من داخل مدينة ودمدني..
كل عام وأنتم بخير..
لحمة الضحية ما أكلناها
وجاينكم بالأخبار

[ابوزيد محمد نور]

يا خواجه الناس ديل نديهم جرعه صغيره ولارايك شنو ....
شويه وجايكم قربت تستوى

[عثمان جلالة]

ما زلنا ... في الانتظار ..... أخونا أبو زيد .. كل سنة وانت طيب

[ابوزيد محمد نور]

احبابنا انها جد مآسأة ويا لها من مآساة مستشفى ود مدني التعليمي وما آل اليه من تردي مريع في الخدمات
وهذه اشياء مسلم بها كانت القصة كالأتي بعد الطرب والبهجة في حفل ابنة اخت اخونا العزيز خالد هاشم ورغم
البهجة التي كنا بها إلا أن الوعكة التي ألمت بحبيبنا خالد هاشم نتيجة الارهاق المتواصل مما اضطرنا للذهاب به
الى ذلك المستشفى البائس لنتفاجأ بكل الاهمال والإستهتار بالبشر من قبل السادة الدكاتره مما اضطرنا لإسعاف
حبيبنا خالد بأنفسنا ويا ليتها انتهت بذلك لكفى المؤمنين شر القتال لكن ونقولها بكل اسى عندما حاولنا التفاهم مع
احد الدكاتره وبكل عنجهية وتكبر يرد علينا بانه غير ملزم بمتابعة المرضى بالله عليكم هل هذه هي اخلاق الطب ببلادنا الحبيبة ولكن ليست هذه اخر الاسافي بل ان هناك مريض ملقى على الارض مما يدل على عدم الانسانية من قبل ذوي الامر بالمستشفى ويا له من منظر مقرف والبقية تأتي

[أسماء الشريف]

اذيك ياأبوذيد وكل ثانيه وانت طيب
وبقول لي خالد هاشم مبروك وكفاره وكل ثانيه وانت طيب برضو
بالنسبه لمستشفي ودمدني فهو يحتاج لوقفه فهنالك الكثير من الاحداث المؤسفه والمؤلمه
والمحيره حدثت في تلك المستشفي
هي مستشفي ودمدني ونحن ابناء ودمدني فماذا تقترحون ؟
ختاما
لكم مني تحيه الصحه والعافيه

[بورتبيل]

اولاً الف سلامــة للاخ العـزيــــــز خالد هاشم
وثانياً كل عام والجميع بخيــر يا ابو زيد

اما ما آل اليــه الوضع الطبــي في السودان من تردي في الخدمات والامدادات واكتــزاظ الحقل الطــبــي بالاطبــاء حديثي التخـــرج وعدم المامهم بابجديات ممارسة مهنة الطب في المستشفيات - اذ ان ممارسة هذه المهنة يعتمد اولاً على ان يكون الطبيب انســاناً بكل معانــي الكلمة - ممكن تجاوز الاخفاق والتقصير في الامدادات ولكن لا يمكن تجاوز استهترار الاطباء ورعونة بعضهم في التعامل مع المرضى.
لا ارمي باللوم على كل الاطبــاء ولكن هناك اطباء ينظرون الى البشر بعيون الاستخفاف والاستهجان ويتعاملون مع المرضى بانه عبارة عن مخلوقات مختلفة واقل من الحيوانات في الدرجة (( وهذه حقيقة قائمة في كيان الاطباء) وموجودة).
ارجو من القائمين على امر المستشفيات بان يكون هناك جهاز رقابي على اداء وسلوك الاطباء والمساعدين والسسترات داخل المستشفى وان وجد يجب ان يكون بارز ويفرض سلطانه على المستشفى ككل ويكون هناك مجال لقبول شكاوي المرضى والمرافقين التى تتعلق باداء القائمين على الامر.
هذا اذا اردنا ان ننهض بهذه الامــة من هذا الثبات العميق.
ولكم خالص الود

[حبيبة ودمدني]

والله ياجماعه من الله خلقني ماشفت مستشفى مقرف شكلا ومعنى زي مستشفى ودمدني التعليمي

انا ياجماعه اجازتي الكنت فيها قي السودان كان احد الاقرباء عيان وراقد هناك واول ما رقدوه مشت اختي الكبيره طبعا المنظر مفاجئ بي النسبه ليها السرير الواحد راقدين اتنين اتنين ولا التاني مركبين ليه درب وهو راقد في الارض دا حالتو جوا الاوض

يلا برا
المستنقعات المائيه تقرف المايتقرف والمويه لونا اخضر والريحه العجيييييييييييبه الفي المستشفى جوا وبرا
والله تمشي باليل من المستنقعات تنط ليك فجئه كعونجه تخلعك ترجع لي ورا طوالي
والناس المقرشه سجادتا برا يازوووووول منظر مبالغه ولا كانهم قاعدين على الكورنيش

طبعا اختي اتعودت على مستشفيات السعوديه نظافه اربعه وعشرين ساعه

المهم لمن شافت المنظر قعدت تبكي في المستشفى طبعا في ناس اتعودت على المنظر دا وقعدوا يضحكو عليها وقالوا

(بت السعوديه جات صدمه حضاريه من ودمدني التعليميه)

[نزار حسن محمد]

حسبنا الله ونعم الوكيل

[محمد السر احمد]

والله دا كان يوم السواد واللواد
اول مرة اعرف انو الانسان ما عندو قيمة داخل مستشفي مدني يعني نحنا لو ما كان معانا دكتور كان خالد هاشم راح فيها لكن ربك كريم .
يا اخوانا اخونا عزيز عيسي وين عشان يوريكم الصور

[ابوجود]

حبيبه ود مدنى الله يجازى محنك والله ضحكتينى
لكن الانقعونجه دى ماليها حق
هى ماعارفاك جايه من السعوديه ولاشنو ؟
ههههههههههههههههها
هو مالبركه مانط عليك كديس من كدايس المستشفى ديل
والله سمان سمنه .
اعملى ليك ساتر تانى لو مشيتى

ابوجود

[مرتضى يوسف العركي]

اخي ابو زيد
لا حول ولا قوة الا بالله .......دعوات صادقات بان يغير الله الحال والاحوال ...

[nehroo]

سلامات للاخ خالد هاشم..
واتمنى من الله اللطف والعافية لأهلنا بمدني فقد شاهدت مستوى التردى بعيني..
فما الحلل....
قال ليهم أكان العيش غلا أكلوا باسطة...

[ناصر عمر دبيب]

لا حول ولا قوة الا بالله

[Madanawi]

الأخوة ابو زيد .. خالد هاشم .. عزيز .. ود السر
وجميع المتداخلين
كل عام وانتم بخير
نقول الحمد لله على كل حال
ولا حول ولا قوة الا بالله .... سلامات
للأخ خالد هاشم .. ومبروك الأفراح للأهل
حسبنا الله ونعم الوكيل،،

في انتظاركم يا ابوزيد وعزيز،،

[المكاشفى]

الصور فى استديو صداح
ياابوزيد ولا السعاده
حيرتونا؟؟؟؟؟؟

[عزيز عيسى]

الأخوة والأخوات الأعزاء في منتدى ودمدني،

أولا أسف جدا على التأخير في إنزال الصور العجيبة الغريبة عن مستشفى مدني
وذلك بسبب السفر.

شاهدت بأم عيني مناظر داخل مستشفى مدني لم أشاهد قط مثلها في حياتي..
مناظر يند لها الجبين..
مستشفى ودمدني لم يعد بذلك المستشفى الذي كنا نعرفه زمان
ويمتاز بالنظافة وخيرة الأطباء الممتازين..
مستشفى مدني أصبح مجرد إسم على لوحة مكتوبة خارج المدخل..
إهمال.. غازورات وروائح نتنة تفوح في كل مكان..
أطباء ليست لديهم الخبرة اللازمة لمعالجة المرضى..
ولا يهتمون بالمريض مهما كان نوع حالته الصحية..
أطباء يجعلوك تتأسف لما آلت إليه مهنة الطب في السودان..
لم أصدق أبدا بأن يصل الوضع داخل غرف الحوادث الى
هذا الوضع الرديء.

الصور التالية تحكي لكم الوضع الحقيقي داخل غرف الحوادث
في مستشفى ودمدني..

http://www4.0zz0.com/2008/01/02/15/67845424.jpg

الغازورات تغطي أرضية غرف الحوادث في كل مكان.

[عزيز عيسى]

هذه صورة أخرى داخل غرفة الطبيب المعالج..
أنظر الى كراسي الجلوس مقيدة بالسلاسل والطبل وهي مغطاة بالغازورات..

من الأفضل أن يظل المريض واقفا حتى لا يلوث ملابسه بالغازوات.


http://www4.0zz0.com/2008/01/02/15/69554374.jpg

[عزيز عيسى]

في هذا المكان من الأفضل أن لا تغسل يديك..
تلوث في كل مكان حتى على جدار الحائط..
ولو الطبيب غسل يديه في هذا المكان وعاد الى المريض
أكيد سيصاب المريض بجراثيم من نوع جديد
ويبدأ يصارع في مأساة أخرى.



http://www4.0zz0.com/2008/01/02/15/79169615.jpg

[عزيز عيسى]

الكارثة الكبرى..

هذه صورة تدعو الى الإشمئزاز..
مريض ملقى على الأرض وهو في حالة يرثى لها من شدة الألم
دون الشفقة عليه بإلقاء نظره إليه والكشف على حالته.

إنظر الى الغازورات حول المكان.. في هذه المنطقة لا تستطيع
التنفس لمدة 10 ثواني من شدة الروائح الكريهة.


http://www4.0zz0.com/2008/01/02/15/63781465.jpg

[عزيز عيسى]

غرفة لإستقبال الحالات الطارئة.

http://www4.0zz0.com/2008/01/02/15/88260297.jpg

[محمد السر احمد]

الاخ عزيز عيسي ربنا يديك العافية
وين انت من زمان عشان الناس تعرف ماساة السودان وعشان ناس نزار حسن بقولو ليك السودان احسن
وين الحسنة دي وربنا يكون في عون السودان

[عزيز عيسى]

الاخ عزيز عيسي ربنا يديك العافية
وين انت من زمان عشان الناس تعرف ماساة السودان وعشان ناس نزار حسن بقولو ليك السودان احسن
وين الحسنة دي وربنا يكون في عون السودان

الأخ محمد السر أحمد،

مدني مهمشة من جميع النواحي..
خدمات النظافة معدومة..
أوساخ في كل مكان..
والله في أماكن غلبني أصورها من شدة الأوساخ.
الخدمات الصحية معدومة..
لا توجد صيانة للطرق والمجاري..
يعني بالمعنى العام لايوجد إهتمام بالمواطن..
والشيء الذي لاحظته هو الغياب التام للجهات المسؤولة في كل
القطاعات الحكومية المختلفة.. الكل في ثبات دون أي حراك.
المواطن نفسه يشارك بنسبة كبيرة في عدم المحافظة على نظافة
البيئة.. لا توجد توعية للمواطن أو حتى قوانين رادعة لمنع
التلوث..

http://www6.0zz0.com/2008/01/02/18/64707325.jpg
هذه غرفة أخرى لاستقبال الحوادث أو الحالات الطارئة

[Jamal Elmahi]

الكارثة الكبرى..

هذه صورة تدعو الى الإشمئزاز..
مريض ملقى على الأرض وهو في حالة يرثى لها من شدة الألم
دون الشفقة عليه بإلقاء نظره إليه والكشف على حالته.

إنظر الى الغازورات حول المكان.. في هذه المنطقة لا تستطيع
التنفس لمدة 10 ثواني من شدة الروائح الكريهة.


http://www4.0zz0.com/2008/01/02/15/63781465.jpg


يا ساتر من الدعاتر والوسخ المشاتر ...
وحليل الانسان الماليهو.. قيمه ولا خاتر...
اللهم أصلح حالنا وأسترنا يا سا تر ....
مشاققه ...
والله يا الخواجه الصور دي كان ما أخدتها إنتا وحاة أبكبس ما كنا صدقناها .. وكمان معاك ستين شهود عيان...
المريض في الواطه بين الحياه والموت والدكاتره يتعشوا وينكتوا وآخر قرقراب ...والله ياحليل الطب والاطبّه ...وياحليل أهلنا الغبش ...آخره مجيهه ولادنيا بالمهانه دي ...لا تمحنّا ولا تبلينا ...والله يكضب الشينه ....

[moh_alnour]

يا حليل الدكاترة أولاد الهنا
ويا حليل الطب البقى قبول خاص
ويا حليل مستشفى مدني
والله يا خواجة الوضع أقل ما يوصف أنه مزري
وصورة المريض الملقى على الأرض هذه تجعلك
تتأسف على حال الطب في بلادنا
والله يرحم أيام الدكتور الأنسان : عبد الرحيم أبو عيسى
والدكتور : عباس رمزي ، ودكتور فراج ، ودكتور عمر بليل

[عبدالرحيم سعيد]

الكارثة الكبرى..

هذه صورة تدعو الى الإشمئزاز..
مريض ملقى على الأرض وهو في حالة يرثى لها من شدة الألم
دون الشفقة عليه بإلقاء نظره إليه والكشف على حالته.

إنظر الى الغازورات حول المكان.. في هذه المنطقة لا تستطيع
التنفس لمدة 10 ثواني من شدة الروائح الكريهة.


http://www4.0zz0.com/2008/01/02/15/63781465.jpg
لاحولة ولاقوة الا بالله

[محمد السر احمد]

الي متي اخوتي سنظل نتحسر علي ما مضي
وعلي ناس زمان نحن محتاجين للناس اسه

[عزيز عيسى]

والله يا الخواجه الصور دي كان ما أخدتها إنتا وحاة أبكبس ما كنا صدقناها .. وكمان معاك ستين شهود عيان...
المريض في الواطه بين الحياه والموت والدكاتره يتعشوا وينكتوا وآخر قرقراب ...والله ياحليل الطب والاطبّه ...وياحليل أهلنا الغبش ...آخره مجيهه ولادنيا بالمهانه دي ...لا تمحنّا ولا تبلينا ...والله يكضب الشينه ....

ناس الحفلة كلهم كانوا شهود..
هذا غير بقية المواطنين الذين كانوا متواجدين بصحبة مرضاهم..
والله يا جمال لو شفت المناظر التي شاهدناها
عمرك تاني ما تجي ماري بالقرب المستشفى
نهايك عن دخولها.

http://www2.0zz0.com/2008/01/03/13/24665549.jpg

هذه غرفة أخرى.. شاهد كيف تنتشر الغازورات

[عزيز عيسى]

يا حليل الدكاترة أولاد الهنا
ويا حليل الطب البقى قبول خاص
ويا حليل مستشفى مدني
والله يا خواجة الوضع أقل ما يوصف أنه مزري
وصورة المريض الملقى على الأرض هذه تجعلك
تتأسف على حال الطب في بلادنا
والله يرحم أيام الدكتور الأنسان : عبد الرحيم أبو عيسى
والدكتور : عباس رمزي ، ودكتور فراج ، ودكتور عمر بليل

صدقني يا mohalnour الدكاترة الذين ذكرتهم كانوا يعتقدون أن الطب
سيتطور الى الأفضل خاصة بعد دخول المعدات الطبية
الحديثة وأن الأطباء الذين سيأتون من بعدهم سيحملون
الراية ويحافظون على سمعة الطب في بلادنا.
الدكتور عباس رمزي كان الطبيب المعالج لي وأخوتي
عندما كنا صغار.. كنت أسمع والدى رحمة الله عليه
لاينقطع لسانه عن مدح الدكتور عباس رمزي كلما جاء
ذكر إسمه.. كان طبيبا إنسانا لا يهتم بالمادة بل كان يضع
جل إهتمامه بصحة الإنسان.
الله يرحمهم جميعا ويجزيهم عنا خير الثواب لما قدموه
لأبناء مدينتهم من خدمات طبية رفيعة المستوى ستظل
ذكراها باقية على مر السنين .


http://www2.0zz0.com/2008/01/03/13/80175582.jpg

كل الغرف بهذه الطريقة.. والتلوث في كل بقعة حتى على جدار الحائط..

[عزيز عيسى]

الي متي اخوتي سنظل نتحسر علي ما مضي
وعلي ناس زمان نحن محتاجين للناس اسه

والله يا ود السر كثر خيرك على وقفتك وإهتمامك بهذا الموضوع
الخطير الذي يهم أبناء مدينة ودمدني.. مستشفى مدني هو المستشفى
العام الوحيد ولابد أن يكون موضع إهتمام من الجميع..
وفعلا عايزين نعرف الناس مفروض تعمل شنو
لمعالجة هذا الأمر.

تعريجة:
يازول الحكاية شنو.. من الحفلة وعيك تاني ما شفناك.. أبوزيد قال لي إنك سافرت.

http://www2.0zz0.com/2008/01/03/14/78694039.jpg

مرافقي المرضى فرشوا الأرض وناموا بعد أن فقدوا الأمل في عودة الدكاترة من عشاؤهم وونستهم.

[حبيبة ودمدني]

الكارثة الكبرى..

هذه صورة تدعو الى الإشمئزاز..
مريض ملقى على الأرض وهو في حالة يرثى لها من شدة الألم
دون الشفقة عليه بإلقاء نظره إليه والكشف على حالته.

إنظر الى الغازورات حول المكان.. في هذه المنطقة لا تستطيع
التنفس لمدة 10 ثواني من شدة الروائح الكريهة.


http://www4.0zz0.com/2008/01/02/15/63781465.jpg






والله العظيم الموت اهون من انو الزول يتعالج في المستشفى دا الزول بيجيهم متالم وهم يزيدوا الم بي الرقده على الارض




لاحولا ولاقوة الا بالله

[Jamal Elmahi]

ناس الحفلة كلهم كانوا شهود..
هذا غير بقية المواطنين الذين كانوا متواجدين بصحبة مرضاهم..
والله يا جمال لو شفت المناظر التي شاهدناها
عمرك تاني ما تجي ماري بالقرب المستشفى
نهايك عن دخولها.

http://www2.0zz0.com/2008/01/03/13/24665549.jpg

هذه غرفة أخرى.. شاهد كيف تنتشر الغازورات
ياخواجه بالله مش حرام عليكم تودوا ود هاشم عظيم الشأن لي مستشفي زي دي ...مش كان أقرب ليكم تجيبوهو عندنا في ميموريال هوسبتال (Memorial Hospital) ولاّ يعني عشان كان دايخ شويّه وماجايب خبر ...
غايتو يا الخواجه ..الوصيّه في الزمّه أنا كان حصل علي البودي المستشفي وأنا كنته في مدني الرسول عليك كان ما وديتوني المقابر ودفنتوني وأنا أعاين ...دفن الليل أبكراع برّه ..والله أهون من المستشفي ...قال مستشفي تعليمي قال ...
مشاققه ...
ود هاشم الحبيب ...ألف لا بأس عليك ...إتا آآآآبوي عندك حساسيه من الجكس ولاّ شنو ؟؟
ما بتدي حريف ...زول في حفله زي دي مليانه جكس زي دا يدوخ عشان يودوهو مستشفي زي دي ...دوخ تاني وألقوا ليكم خواجه يصوّر زي البلاوي دي ....

ود الماحي

[حسن على]

حسبنا الله ونعم الوكيل

[محمد السر احمد]

والله يا ود السر كثر خيرك على وقفتك وإهتمامك بهذا الموضوع
الخطير الذي يهم أبناء مدينة ودمدني.. مستشفى مدني هو المستشفى
العام الوحيد ولابد أن يكون موضع إهتمام من الجميع..
وفعلا عايزين نعرف الناس مفروض تعمل شنو
لمعالجة هذا الأمر.

تعريجة:
يازول الحكاية شنو.. من الحفلة وعيك تاني ما شفناك.. أبوزيد قال لي إنك سافرت.

http://www2.0zz0.com/2008/01/03/14/78694039.jpg

مرافقي المرضى فرشوا الأرض وناموا بعد أن فقدوا الأمل في عودة الدكاترة من عشاؤهم وونستهم.


عزيزي خواجة ايها الرجل المرح والله كميات من الشوق الفايت الحد لكن تقول شنو ؟؟؟
وبالجد انا كلمتة ابوزيد يلبغك سلامي لاني سافرتة لولاية نهر النيل
تعريجة : والله احسن مستشفي مدني كان شفته هنا تبكي بس عين قطرة وعين مس
برضو هنا جنس برد انسي بس لكن كان لقي ليهو حفلة بتريحو

[عزيز عيسى]

والله العظيم الموت اهون من انو الزول يتعالج في المستشفى دا الزول بيجيهم متالم وهم يزيدوا الم بي الرقده على الارض

لاحولا ولاقوة الا بالله

صدقيني يا حبيبة ودمدني الواحد أحسن يشوف ليهو فكي أو علاج بلدي
يتعالج بيه ولا يعتب على باب مستشفى ودمدني..
الشخص الذي يأتيهم ماشي على رجليه بيرجع حاملنو على الأكتاف.
غايتو البمشي عليهم يكون ما نصيح.. بيروح فيها.

[عزيز عيسى]

ياخواجه بالله مش حرام عليكم تودوا ود هاشم عظيم الشأن لي مستشفي زي دي ...مش كان أقرب ليكم تجيبوهو عندنا في ميموريال هوسبتال (Memorial Hospital) ولاّ يعني عشان كان دايخ شويّه وماجايب خبر ...
غايتو يا الخواجه ..الوصيّه في الزمّه أنا كان حصل علي البودي المستشفي وأنا كنته في مدني الرسول عليك كان ما وديتوني المقابر ودفنتوني وأنا أعاين ...دفن الليل أبكراع برّه ..والله أهون من المستشفي ...قال مستشفي تعليمي قال ...
مشاققه ...
ود هاشم الحبيب ...ألف لا بأس عليك ...إتا آآآآبوي عندك حساسيه من الجكس ولاّ شنو ؟؟
ما بتدي حريف ...زول في حفله زي دي مليانه جكس زي دا يدوخ عشان يودوهو مستشفي زي دي ...دوخ تاني وألقوا ليكم خواجه يصوّر زي البلاوي دي ....

ود الماحي


يا ود الماحي.. ود هاشم كان مغمى عليه وما عارف نفسه وين..
لكن اللذيذة لما الزول دا فتح من غمرته لقي الشكلة حامية قدامه
ولسه الدرب مركب على يده على طول نط في رقبة الدكتور..
أها بقينا نحاحي ونفتش في الطريقة التفك رقبة الدكتور من يد ود هاشم..
نجحنا فكينا رقبة الدكتور من ودهاشم.. قام نط أخو الدكتورة أم هاشم وأبوزيد
ومسكوا في رقبة الدكتور تاني.. غايتو لو ما أنا وأخوي محمد السر
بقينا حجازين كان الدكتور دا الجماعة إستضافوه في واحدة من الغرف العجيبة دي..

وصيتك حنفظها ليك زمة في رقبتنا.. بس إنت لازم تجي تمشي معانا
الحجل بالرجل وتحدد عايز تندفن وين وإنت مفتح عيونك؟
جمب المستشفى ولا بعيد شوية؟.. وبرضو لازم تحجز بالمواعيد
وتدينا خبر من بدري علشان نجهز الكوريك والطورية.
المستشفى بعد دا كله فيها رسوم دخول..
ما تخاف ما حندفعك أي أتعاب.

[عزيز عيسى]

حسبنا الله ونعم الوكيل

الاخ حسن علي،

يازول الله في.. وربنا يكون في عيون أهلنا هناك.

[عزيز عيسى]

عزيزي خواجة ايها الرجل المرح والله كميات من الشوق الفايت الحد لكن تقول شنو ؟؟؟
وبالجد انا كلمتة ابوزيد يلبغك سلامي لاني سافرتة لولاية نهر النيل
تعريجة : والله احسن مستشفي مدني كان شفته هنا تبكي بس عين قطرة وعين مس
برضو هنا جنس برد انسي بس لكن كان لقي ليهو حفلة بتريحو

الأخ محمد السر..
والله اللحظات التي قضيناها كلنا مع باقي الأخوان هناك في مدني كانت بالدنيا..
لا أدري كيف أصف لك شعوري وغبطتي بلقاءكم الذي أسعدني أيما سعادة..
وبتمنى من المولى عز وجل أن يجمع بيننا مرات ومرات في المستقبل القريب.

قصدك حفلة فيها (سكسكة) ذي دي.. معليش شايف يدك فقط ظهرت في الصورة
وما وجدت الصورة التي تظهر أنت فيها كاملا.

http://www6.0zz0.com/2008/01/04/17/41324037.jpg

خالد هاشم وأبوزيد (ويد) محمد السر آخر سكسكة وهجيج في حفلة زواج بنت أخت خالد هاشم.

[محمد السر احمد]

يا زول الحمد لله ما لقيت صورة كاملة انت داير تعمل اينا فضيحة ذي حقت المستشفي ولي شنو
وتسلم كتير يا حبيبنا

[معتز الريح]

http://wadmadani.com/vb/showthread.php?t=22864

حنك رايقين (رسالة لمن يهتم) (1)..
يتعلق بالأمر ..

[عزيز عيسى]

يا زول الحمد لله ما لقيت صورة كاملة انت داير تعمل اينا فضيحة ذي حقت المستشفي ولي شنو
وتسلم كتير يا حبيبنا

ود السر حظك قوي إني ما صورتك بالفيديو..
كان الناس دي تشوف الأناقة والرقيص الجميل كيف..
لكن ما تقول لي.. السكسكة والوجاهة ما عندك.

[عزيز عيسى]

http://wadmadani.com/vb/showthread.php?t=22864

حنك رايقين (رسالة لمن يهتم) (1)..
يتعلق بالأمر ..

بيني وبينك يا ود الريح الزول اللي إسمو ود العركي دا ما قاعد في الواطة.
حكي جميل وفي غاية الأهمية.. وهو فعلا بتعلق بنفس الأمر.

[ابراهيم]

يا عزيز ...
ويقولو ليك البلد سمحة واتطورت وشنو ما تعرف
تعرف واحدة اختنا قبل فترة قالت كانت عايزة ليها كريم كراميل حامت مدني كلها ما لقت انا طبعاً ما صدقتها ..
وبرضو حكى لي صديق عن المستشفى وتخيلت الوضع من خلال حديثه لكن ما آراه الآن في هذه الصور تجاوز كل الخيالات
حسبنا الله ونعم الوكيل

[ابراهيم]

بالنسبه لمستشفي ودمدني فهو يحتاج لوقفه فهنالك الكثير من الاحداث المؤسفه والمؤلمه
والمحيره حدثت في تلك المستشفي
هي مستشفي ودمدني ونحن ابناء ودمدني فماذا تقترحون ؟
ختاما
لكم مني تحيه الصحه والعافيه


الأخت أسماء تحياتي
اذا اقترحنا.. من يستمع الينا؟

[المكاشفى]

الا رحم الله اهل بلدى
وجعل السلامه فى حلهم وترحالهم
اللطف يارب

[tofee]

والله يا ود السر كتر خيرك على وقفتك وإهتمامك بهذا الموضوع
الخطير الذي يهم أبناء مدينة ودمدني.. مستشفى مدني هو المستشفى
العام الوحيد من سوبا لي سنار كان مجهز
حسبنا الله ونعم الوكيل

[محمد السر احمد]

والله يا ود السر كتر خيرك على وقفتك وإهتمامك بهذا الموضوع
الخطير الذي يهم أبناء مدينة ودمدني.. مستشفى مدني هو المستشفى
العام الوحيد من سوبا لي سنار كان مجهز
حسبنا الله ونعم الوكيل

والله الواحد بقي لمن يتكلم عن ماسي مدني الناس ما بتصدقو لانها فوق الخيال لكن دا حالنا وحال البلد عشان لازم نشوف الحل مع بعض
وشكرا كتير tofee