نحن والعيد

[بنت الرفاعي]

كل سنة وأنتم طيبين وربنا يحقق أمانيكم..
أيام العيد كانت كيف معاكم ، إنشاءالله إستمتعوا بيها.
رايكم شنو كل واحد يجي يحكي لينا عن أيام العيد كانت أو عيده كيف ،
و إذا كان قضاها مع الأهل أو لا ؟! وإذا إستمتعتوا بالعيد وفرحتوا بيهو؟!
و..........، و...........!

في إنتظاركم ودمتم بوافر الصحة والسعادة.

[القيصر]

اول حاجه يامرام كل سنه وانت طيبه بعدين العيد
انتهي من بعد الصلاه طوالي لانو معظم الناس
او الجزء الاكبر منهم لم يضحي وذلك لسبب
الوباء ونحنا منهم عشان كده كان العيد مسييييييخ



لكي تحياتي............

[بنت الرفاعي]

اليومين اللي فاتوا مع إني ماعيدت في البلد والمكان العايزة أعيد فيهو،لكن حاولت أخلي العيد جميل ونفرح ونستمتع بيهو قدر الإمكان، أول يوم مشينا مدينة الألعاب مع جيرانا ، وتاني يوم كان زيارات ، وبعد شوية إنشاءالله ماشيين نتم باقي الزيارات ، والمهم في ده كلو إنو الحمدلله إستمتعت بالأيام إللي فاتو مع إنو إحساس العيد جاني متأخر حبتين كده!!:confused::eek::D:p

[بنت الرفاعي]

القيصر العيد ماخروف وبس معقولة ما عملت شي ولا زرت ولا حاولت تعمل ليك برنامج يشيل المساخة دي؟؟!!!

[moh_alnour]

كل سنو وإنت طيب يا مرام
وربنا يحقق أمانيك
طبعاً ما في مظاهر عيد في السعودية
أنا قضيت العيد في الغرفة مع قنوات
النيل الأزرق ، السودان ، الشروق
ومنتدى ود مدني
وإتصالات مع الأهل والأصدقاء

[بنت الرفاعي]

كل سنو وإنت طيب يا مرام
وربنا يحقق أمانيك
طبعاً ما في مظاهر عيد في السعودية
أنا قضيت العيد في الغرفة مع قنوات
النيل الأزرق ، السودان ، الشروق
ومنتدى ود مدني
وإتصالات مع الأهل والأصدقاء


عيدك عجب:confused::eek:
الله يعوضك ليهو السنوات الجاية إنشاءالله.

[ناصر عمر دبيب]

كل سنو وإنت طيب يا مرام
وربنا يحقق أمانيك
طبعا مافي اي برنامج في الرياض ونسة في البيت ونوم وتلفزيون
كل عام وانت بخير

[المكاشفى]

مرام كل سنه وانت طيبه
والله عيدى لم يكن مثل اصحابى
جوه السودان ولكن بعيد من الاهل
والاولاد معيد فى الشغل وصلينا
صلاه العيد انا وزميلى بس؟؟؟؟
ومواصلين شغلنا وعيدنا ع الكل
بس بالتلفون ...
ربنا يعوضنا ونعيد فى منى