الما بعرف يخرمج ما يخش

[ابراهيم]

خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري



ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد



هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود

[ابراهيم]

هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا ما استمرت الحالة

سأعود



آي لأنو الخمج ما سمح لذا عندما تكون الخرمجة "ما خمج" هذا بلا شك سيكون محمدة لخواطري المبعثرة هنا وهناك .. لأنو ما ممكن الواحد يكون قاعد في سندان الخرمجة وتجي واقعة فيهو مطرقة الخمج .. والذي قيل عنه هذا الأخير في مقال منسوب لاحدى الصحف الالكترونية بأنه مرض خطير وعلاجه يتطلب المواظبة في تجرع سم القعونجة البرازيلية ..

[ابراهيم]

http://www.20at.com/images/main/Flowers-Main-1.jpg


أًصفر ، احمر ، ازرق ، اخضر ، فوشي
جوطة بتاعة ألوان وفي الوضع الطبيعي ما اظن يتفقو
بالاخص لو نظرنا ليها بي زاوية هلاريخية
واختلاف الكرسيين شكلاً ولوناً
والزهريتين حجماً وألوان بعيوية
والخلفية تحكي عن ظروفها
خرمجة
ولكن الشكل العام جميل لابعد الحدود

[ابراهيم]

مصطفى سيد احمد الرجل الذي كان ينشد قدوم تلك الفتاة المدبجة بالاريج، قد رحل وهو يحلم بامرأة تحملنا فراشات في مقلتيها ، رحل وطال الانتظار فلم تحضر (مخلصته)، وطال بنا الانتظار فخرجت البنت الحديقة امرأة نشاذ ، حضرت البنت (الصحراء ) تجر خلفها رمال التخاذل والهزيمة لتنثره بأعيننا فبكينا ملئ العينين متاهات، انشدنا اخر ما تبقى من سِفر حزين لمحراب يضج بصلوات الوداع وتراهات المغيب ، طرقات للمستحيل لا تعرف الوصول وتفضي الى ( لا شئ ) ... وعندما يعتصرنا الحلم تخرج (البنت الحديقة ) معبأة بأعياء السنين ( وعجاج البحر ) وحينما يحضرها المخاض تخرج من رحم الغيب نغم اشبه بي الانفلات من المحتوم .

لوتعلم يا رجل كم هي مرهقة ومُرهِقة لما كلفت نفسك هذا الفناء

[ابراهيم]

اكتبو لي حجاب


<object width="425" height="355"><param name="movie" value="http://www.youtube.com/v/ReMD8rhhwrs&rel=1"></param><param name="wmode" value="transparent"></param><embed src="http://www.youtube.com/v/ReMD8rhhwrs&rel=1" type="application/x-shockwave-flash" wmode="transparent" width="425" height="355"></embed></object>


من الهلكني هلاك

[admin]

مافي زول يكلم

[نزار حسن محمد]

كيفن ما بخرمج ..والله الخرمجه دى حلوه حلا بس تقول راجل ...هناى ..اهآ وقيفنا وين فى الخرمجه ..طبعا يا اتلش الخرمجه انواع ومقاسات
مثال يوم راس السنه ..ابناء الحى البريطانى بحضرو راس السنه فى نادى الجزيره وابناء جزيرة الفيل ..لل الله درهم بحضره حفلة راس السنه خلف الاسوار وتبتدى الخرمجه شى قليع مرايات العربات السمحات وشى لطيش اسبيرات
ابناء الدرجه توش النادى طوالى ابناء الدباغه
خلط شديد وين فندق امبريل من خارج الاسوار.. . كدى بمشى وبجيك ونواصل ..

[ابراهيم]

مافي زول يكلم


انت عرفت الحالة من امبارح
انا ظاتو شليق ومستعجل
الله يجازيكم يا نفيسة وسكينة
اشوف فيكن يوم

[ابراهيم]

كيفن ما بخرمج ..والله الخرمجه دى حلوه حلا بس تقول راجل ...هناى ..اهآ وقيفنا وين فى الخرمجه ..طبعا يا اتلش الخرمجه انواع ومقاسات
مثال يوم راس السنه ..ابناء الحى البريطانى بحضرو راس السنه فى نادى الجزيره وابناء جزيرة الفيل ..لل الله درهم بحضره حفلة راس السنه خلف الاسوار وتبتدى الخرمجه شى قليع مرايات العربات السمحات وشى لطيش اسبيرات
ابناء الدرجه توش النادى طوالى ابناء الدباغه
خلط شديد وين فندق امبريل من خارج الاسوار.. . كدى بمشى وبجيك ونواصل ..


تعرف يا ابو سفروق
اجمل شي في كلامك دة
"توش"
ولو شكسبير كان شافها هسي كان عملنا لينا تاريخ تراجيكوميدي
جزيرة الفيل أجدع ناس

[سواااح]

خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري



ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد



هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود

عزيزي المخرمج ..

اااا اخوي
الخرمجة سمحة بالحيل
والنسالك ..
في شنو في الدنيا الان
ماشي بنظام
محل ما تمشي
خرمجة * خرمجة

[سواااح]

خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري



ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد



هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود

عزيزي المخرمج ..

اااا اخوي
الخرمجة سمحة بالحيل
والنسالك ..
في شنو في الدنيا الان
ماشي بنظام
محل ما تمشي
خرمجة * خرمجة

[سواااح]

آي لأنو الخمج ما سمح لذا عندما تكون الخرمجة "ما خمج" هذا بلا شك سيكون محمدة لخواطري المبعثرة هنا وهناك .. لأنو ما ممكن الواحد يكون قاعد في سندان الخرمجة وتجي واقعة فيهو مطرقة الخمج .. والذي قيل عنه هذا الأخير في مقال منسوب لاحدى الصحف الالكترونية بأنه مرض خطير وعلاجه يتطلب المواظبة في تجرع سم القعونجة البرازيلية ..

اخوي الخرمج ..

عندما تكون الخرمجة باهمال
كل شي يحلو
والنسالك تاني
هسي العرس بدون خرمجة وخمج بنفع ؟؟
لفتة : سم القعونجة دي نلقاهو وين ؟؟

[سواااح]

http://www.20at.com/images/main/Flowers-Main-1.jpg


أًصفر ، احمر ، ازرق ، اخضر ، فوشي
جوطة بتاعة ألوان وفي الوضع الطبيعي ما اظن يتفقو
بالاخص لو نظرنا ليها بي زاوية هلاريخية
واختلاف الكرسيين شكلاً ولوناً
والزهريتين حجماً وألوان بعيوية
والخلفية تحكي عن ظروفها
خرمجة
ولكن الشكل العام جميل لابعد الحدود

خرمجة الالوان حاجة تانية
وده بسوقني للسؤال عن الفن
عملو ليهو مدارس
يقول ليك دي خرمجة سيريالية
وحاتك كان تفهمني سيريالية معناها شنو ؟؟

[سواااح]

مصطفى سيد احمد الرجل الذي كان ينشد قدوم تلك الفتاة المدبجة بالاريج، قد رحل وهو يحلم بامرأة تحملنا فراشات في مقلتيها ، رحل وطال الانتظار فلم تحضر (مخلصته)، وطال بنا الانتظار فخرجت البنت الحديقة امرأة نشاذ ، حضرت البنت (الصحراء ) تجر خلفها رمال التخاذل والهزيمة لتنثره بأعيننا فبكينا ملئ العينين متاهات، انشدنا اخر ما تبقى من سِفر حزين لمحراب يضج بصلوات الوداع وتراهات المغيب ، طرقات للمستحيل لا تعرف الوصول وتفضي الى ( لا شئ ) ... وعندما يعتصرنا الحلم تخرج (البنت الحديقة ) معبأة بأعياء السنين ( وعجاج البحر ) وحينما يحضرها المخاض تخرج من رحم الغيب نغم اشبه بي الانفلات من المحتوم .

لوتعلم يا رجل كم هي مرهقة ومُرهِقة لما كلفت نفسك هذا الفناء

مصطفي سيد احمد
كان هذا الرجل يخرمج ولكن بادب
خرمجته اقتلعت وزعت كثير من الاحزان
وعندما خرمج بي لمحتك قلت بر امن
حينها لم اجدها هي ولم اجد مكان ارسو فيه

[ابراهيم]

اخوي الخرمج ..

عندما تكون الخرمجة باهمال
كل شي يحلو
والنسالك تاني
هسي العرس بدون خرمجة وخمج بنفع ؟؟
لفتة : سم القعونجة دي نلقاهو وين ؟؟


بس نطلع "الخمج" برة القوس وخرمجو علي كيفكم
سم القعونجة البرازيلية "احتمال كبير يكون في البرازيل"
يعني لازم تحندكنا يا سواح

[سواااح]

انت عرفت الحالة من امبارح
انا ظاتو شليق ومستعجل
الله يجازيكم يا نفيسة وسكينة
اشوف فيكن يوم

نفسية تكون بت الجيران
وسكينة قالوا احتمال تكون اختها
وتحت تحت قالوا
هن سبب خرمجة شباب الفريق

[ابراهيم]

عزيزي المخرمج ..

اااا اخوي
الخرمجة سمحة بالحيل
والنسالك ..
في شنو في الدنيا الان
ماشي بنظام
محل ما تمشي
خرمجة * خرمجة


لا ما بتفق معاك
انت لازم تفرق بين الخرمجة والبشتنة والجهجهة والبعزقة
قول محل ما تمشي
بشتنة * بشتنة
جهجهة * جهجهة
بعزقة * بعزقة
عشان ما تجهجهنا

[ابراهيم]

خرمجة الالوان حاجة تانية
وده بسوقني للسؤال عن الفن
عملو ليهو مدارس
يقول ليك دي خرمجة سيريالية
وحاتك كان تفهمني سيريالية معناها شنو ؟؟


غايتو ما بعرفها لكن احتياطياً كدة ممكن تكون من خرمجات العصور الحجرية
ومنسوبة لاحد رواد الخرمجة في ذاك العصر والله اعلم

[ابراهيم]

مصطفي سيد احمد
كان هذا الرجل يخرمج ولكن بادب
خرمجته اقتلعت وزعت كثير من الاحزان
وعندما خرمج بي لمحتك قلت بر امن
حينها لم اجدها هي ولم اجد مكان ارسو فيه


يعني الموضوع كان شرك "بفتح الشين والراء"
وكنا نحن صيد ثمين وسمين

[عثمان جلالة]

ابراهومه الحبيب .... مرحب بالخرمجه ... الما خمج

(1) خرمجه أدبيه .... بالفصحى .. خرجت منها هاشا باشا مليئا بها حتى غازلني الناس في الشوارع ... دي منو فيهن .. الهدت في الكاتب ... سؤال محيرني

[COLOR="Red"]خرمجه موسيقيه ...(جلالة جيش) ياهو يا مريم سمبلا ماهيه مافي .. والواسطه خربت سودان بقى سمبلا ماهية مافي .... ما معنى كلمة سمبلا؟؟؟؟ وماهي العلاقة بينها ومسلسل الاطفال ... عودة سنبل؟؟؟؟

غلوتيه ... شفع ... الأولاد عايزين اللبن ... واللبن عند البقر ... والبقر عايز حشيش ... والحشيش عايز مطر والمطر عند ربنا ... ربنا يا ربنا .. ربنا جيب المطر ... هل تصلح هذه الغلوتيه .. في زمن الحمى النزفيه؟؟؟؟

[COLOR="Blue"][SIZE="4"]دعوة حبوبة ... ان شاء الله يا ابراهيم ... دايما .. دلوياً ملان .... وعشا الضيفان ... وفي وداعة الرحمن :D

[ابراهيم]

نفسية تكون بت الجيران
وسكينة قالوا احتمال تكون اختها
وتحت تحت قالوا
هن سبب خرمجة شباب الفريق


نفيسة دي ظاهرة نادرة بتجي في ديسمبر عادة
وسكينة دي سلاح ذو حدين حسب حظك
ودي سبب جهجهة فريق الشباب

[جنيـــــدو]

يا ابراهيم -

الحكاية شنو عملت لينا خربجة ولخبطة ....

كلامك ده كله مكرمش -

أنديك المعلومة دي :
توش + عوش = بوش .

لكن عندي واحد كده بجيبه ليك استاذ في الخربطة ..

[ابراهيم]

ابراهومه الحبيب .... مرحب بالخرمجه ... الما خمج

(1) خرمجه أدبيه .... بالفصحى .. خرجت منها هاشا باشا مليئا بها حتى غازلني الناس في الشوارع ... دي منو فيهن .. الهدت في الكاتب ... سؤال محيرني



سلامات عثمان يا ابوي وحاة الله الواحد يشوف الابتسامة دي سااااي بيبقى سعيد
اريتني بالملهمة التغذيني بس عشان اجاوب على سؤالك دة وامرق ذاتي من الحيرة والدهشة اللابساني دي .. يا عثمان الواحد بقى زي واحد كدة قالوا يومي يصحى من النوم مندهش.. في مرة من المرات صحى ولقى نفسو ما مندهش
قام اندهش

[نزار حسن محمد]

اهآ ..وقفتووو وين فى النظام العام ...
يا تلش الرجاء شرح معانى هذه الخرمجات
1- ام دلدوم حمانا النوم
2- شلوت صاموتى
3- فليتت حاج ابكر
4- زردية ..مفك
5- حنكشة العدمان

[ابراهيم]

خرمجه موسيقيه ...(جلالة جيش) ياهو يا مريم سمبلا ماهيه مافي .. والواسطه خربت سودان بقى سمبلا ماهية مافي .... ما معنى كلمة سمبلا؟؟؟؟ وماهي العلاقة بينها ومسلسل الاطفال ... عودة سنبل؟؟؟؟



سمبلا دي على ما اعتقد مركبة سم + بلا
لأنها مقترنة بي بلاوي والله اعلم
توجد علاقة عكسية حيث أن الوديع سمبل كما في مدخل المسلسل
صديقنا سنبل
سنبل سنبل سنبل
يعود من جديد
يروي لنا الحكايا عن عالم سعيد
وحيث ان ذلك العائد بخفي حنين ومريم عشمانة بالعالم السعيد
كما عشم هناي داك بسعيدة الحظ التي لم تكن إلا تلك البنت الحديقة التي قيل أنها ستأتي

[عماد السائح]

جملكتكم خميرة
واللوحة بتاعة الكراسي ي ابراهيم
تشبه نول اللين
وطعمها ذي
ذبدة السلاطي
المدفوق فيها
لاب بي شجن
والله يطيبو جيب

[ابراهيم]

غلوتيه ... شفع ... الأولاد عايزين اللبن ... واللبن عند البقر ... والبقر عايز حشيش ... والحشيش عايز مطر والمطر عند ربنا ... ربنا يا ربنا .. ربنا جيب المطر ... هل تصلح هذه الغلوتيه .. في زمن الحمى النزفيه؟؟؟؟



هذه الغلوتية لها شجن يا صديق
هل لديك علم بأن معالم القرقريبة والمعراكة اكل عليها الدهر وشرب
وحل مكانهما الإسكراتش
ذاك زمان حنين وهذا ضنين
تلك الغلوتية لا تصلح في هذا الزمان



دعوة حبوبة ... ان شاء الله يا ابراهيم ... دايما .. دلوياً ملان .... وعشا الضيفان ... وفي وداعة الرحمن



النصيحة لله awesome على قول جماعتنا ديل.
وحاة الله دعوات الحبوبات دي زادنا في الغربة ودفونا في الصقيع
تسلم يا الغالي

[ابراهيم]

يا ابراهيم -

الحكاية شنو عملت لينا خربجة ولخبطة ....

كلامك ده كله مكرمش -

أنديك المعلومة دي :
توش + عوش = بوش .

لكن عندي واحد كده بجيبه ليك استاذ في الخربطة ..


ما هو عشان مكرمش يا جنيد انا جايبو هنا يمكن يتفرد
جنيدو مرحبتين حبابك الف وحباب الاستاذ برضو الف

[سواااح]

سمبلا دي على ما اعتقد مركبة سم + بلا
لأنها مقترنة بي بلاوي والله اعلم
توجد علاقة عكسية حيث أن الوديع سمبل كما في مدخل المسلسل
صديقنا سنبل
سنبل سنبل سنبل
يعود من جديد
يروي لنا الحكايا عن عالم سعيد
وحيث ان ذلك العائد بخفي حنين ومريم عشمانة بالعالم السعيد
كما عشم هناي داك بسعيدة الحظ التي لم تكن إلا تلك البنت الحديقة التي قيل أنها ستأتي


صديقك سنبل عاد من جديد
ولكنه لم يعد يحلم بعالم سعيد
تراها تلك خرمجو من زمن الجاهلية الصغري
ام من زمن جاهلية وخرمجة ؟؟

[سواااح]

سمبلا دي على ما اعتقد مركبة سم + بلا
لأنها مقترنة بي بلاوي والله اعلم
توجد علاقة عكسية حيث أن الوديع سمبل كما في مدخل المسلسل
صديقنا سنبل
سنبل سنبل سنبل
يعود من جديد
يروي لنا الحكايا عن عالم سعيد
وحيث ان ذلك العائد بخفي حنين ومريم عشمانة بالعالم السعيد
كما عشم هناي داك بسعيدة الحظ التي لم تكن إلا تلك البنت الحديقة التي قيل أنها ستأتي


وبعدين يا مخرمج
عمك سنبل ده كان راجل امير
الا كان لحقك وانضم لي نقابة المخرمجين

[بنت الرفاعي]

أها يا أخواني الخرمجة دي مرات بيصرفوها في حاجات كدة لكن يصرفوها من ويييييييييين؟؟؟!!!
بمناسبة آآآخر السنة (بالله هي آخر السنة دي ذاااااااته جات بتين، سبحان الله ده كلو من عمرنا، غايتو الحمدلله على كل حال)!!:confused::eek:
المهم أها كم خرمجة خرمجتوها في السنة دي وماهي النتائج أوالمشاكل التي أدت إليها خرمجاتكم ، وكم فلقة فلقتوها وإتفلقتوها؟؟!!!:D

[Jamal Elmahi]

الخرمجه فاتت اللحم الحي ودخلت في العضم ..أقصد البرد الكنداوي وبالحلمنتيشي السقط الشديد فات العضم ودخل علي المخيخ الايسر لامن شعرة جلدو كلّبت فأرتجف العقل الباطني وكرد فعل منعكس حفر مطموره ود الصير كايس للدفئ فطفت علي السطح سكينه ونفيسه وحاجات تانيه حامياني ..فتوارت خجلاَ إليزابيس ..مارقريت و جيسيكا ...وفي رواية أخري لورين وجولييت ...فأختلط الغروب مع الشروق ..فأنشرق أبراهومه حتي ظهرت خرمجاته ..ولله في خلقه شئون ....

ود الماحي

[zoolfrda]

رفيق هادا شكل ما في زين

إنت في معلوم ليش نفر في واجد كركر (بكسر الكاف وتسكين السين) عليك الله هسي وينا الغين

نفرات هادا بلاد كلش مجنون

كل يوم يركب نسوار نسوار

بعدين يقول أنا ما في معلوم

بس على طول جنجال جنجال

هادا شكل في سيم سيم خرمشه

والله يا إبراهوته ... إنت في نفر واجد زين

كولش ما يوقف خرمشة

[ابراهيم]

جملكتكم خميرة
واللوحة بتاعة الكراسي ي ابراهيم
تشبه نول اللين
وطعمها ذي
ذبدة السلاطي
المدفوق فيها
لاب بي شجن
والله يطيبو جيب


عليك نور يا عمدة
إدريس جماع قال في رحلة النيل

النيل من نشوة الصهباء سلسله وساكنو النيل سمار وندمان
وخفقة الموج أشجان تجاوبها من القلوب التفاتات وأشجان


وهسي كلامك دة تجاوبو التفاتات واشجان برضو

[ابراهيم]

صديقك سنبل عاد من جديد
ولكنه لم يعد يحلم بعالم سعيد
تراها تلك خرمجو من زمن الجاهلية الصغري
ام من زمن جاهلية وخرمجة ؟؟


يكون سمع ناس عقد الجلاد بقولوا
لا تحلمو بعالم سعيد
ففوق كل قيصر
فخلف كل قيصر يفوت
قيصر جديد

[ابراهيم]

وبعدين يا مخرمج
عمك سنبل ده كان راجل امير
الا كان لحقك وانضم لي نقابة المخرمجين


انا غايتو ما بعرفو معرفة شخصية
لأنو في الوقت داك هو لما يكون متوهط في التلفزيون
انا بكون متوهط في خرمجتي في البحر والجناين
اريتو كان انضم لينا كان الواحد يبقى صاحب الأمير:D

[ابراهيم]

اهآ ..وقفتووو وين فى النظام العام ...
يا تلش الرجاء شرح معانى هذه الخرمجات
1- ام دلدوم حمانا النوم
2- شلوت صاموتى
3- فليتت حاج ابكر
4- زردية ..مفك
5- حنكشة العدمان


انت في زول قال ليك انا جاكي شان؟؟
أم دلدوم:
نوع من أنواع البنيات (بضم الباء) لكنها تتميز بأنه بُنية لولبية وما معروفة توصل وين
يطلق عليها في بعض الثقافات بإسم "الهجروك علي" وهي سلاح ذو حدين لو صادفت بتهلك المستقبل ولو جلت بتهلك المرسل وفي الحالتين ما حبابو.

فليتة حاج ابكر:
الفليتة او القطيعة في رواية اخري هو اعياء وإنشماط وبعزقة تصيب العضلات والاعصاب في الظهر ومنطقة الرقبة تخلي الواحد مقبل يمين وماشي شمال وعلاجها المساج بزيت السمسم من ذوي الخبرات.

حنكشة العدمان:
عندنا واحد صاحبنا كان عدمان في يوم من الايام ولكنه اجتهد وكد حتي كادت اسنانه تتساقط
حتي تلاشي من معقل العدومية وانضم إلى زمرة المرطبين ومن ثم راودته في الحنكشة عن نفسها فأبت نفسه إلا أن يبداها من السيريلاك والكورنفلكس هذا لا نعيب عليه لأنه وصل بشرف.
ولكن حنكشة العدمان ما حبابو.

على جنب:
يا ابو سفروق ابعدنا من ام دلدوم والشلاليت دي عشان ما تفتل البوست

[ابراهيم]

أها يا أخواني الخرمجة دي مرات بيصرفوها في حاجات كدة لكن يصرفوها من ويييييييييين؟؟؟!!!
بمناسبة آآآخر السنة (بالله هي آخر السنة دي ذاااااااته جات بتين، سبحان الله ده كلو من عمرنا، غايتو الحمدلله على كل حال)!!:confused::eek:
المهم أها كم خرمجة خرمجتوها في السنة دي وماهي النتائج أوالمشاكل التي أدت إليها خرمجاتكم ، وكم فلقة فلقتوها وإتفلقتوها؟؟!!!:D


يقول المثل:


اذا عُرِفت الحاجات، عُرف الويييييييين

اصلو آخر السنة طوالي دي حركاتها بتجي للواحد في غفلة من أمره

الخرمجة عادة لا تؤدي إلا مشاكل وإنما هي تهيئة لترتيب اشياء السنة الجاية

[ابراهيم]

الخرمجه فاتت اللحم الحي ودخلت في العضم ..أقصد البرد الكنداوي وبالحلمنتيشي السقط الشديد فات العضم ودخل علي المخيخ الايسر لامن شعرة جلدو كلّبت فأرتجف العقل الباطني وكرد فعل منعكس حفر مطموره ود الصير كايس للدفئ فطفت علي السطح سكينه ونفيسه وحاجات تانيه حامياني ..فتوارت خجلاَ إليزابيس ..مارقريت و جيسيكا ...وفي رواية أخري لورين وجولييت ...فأختلط الغروب مع الشروق ..فأنشرق أبراهومه حتي ظهرت خرمجاته ..ولله في خلقه شئون ....

ود الماحي


جبت الرايحة يا ود الماحي السقط الشديد وملحقاته الملحقات دي اهم حاجة وسكينة ونفيسة وديل متلازمات وضف اليهم حاجات تانية حامياتني وهلم جر ..
كلهم تكالبوا فأتت هذه الحالة من الإنشراح او إنشراق في رواية جمالية "نسبة لجمال ود الماحي" ولولا مطمورة ود الصير لكان الرماد كال اسلام اباد والدول المجاورة "وسبحان من يحي العظام وهي رميم"

[ابراهيم]

http://wadmadani.com/vb/image.php?u=2276&type=sigpic&dateline=1182918292

انا يا فردة من زمااااان مشرك ليك
البتاعة دي يومي انا وهي بنتضارب
وطوالي انا الخسران
بس تغرم لي شاشاتي وبعدين بنتفاهم

[ابراهيم]

رفيق هادا شكل ما في زين
إنت في معلوم ليش نفر في واجد كركر (بكسر الكاف وتسكين السين) عليك الله هسي وينا الغين
نفرات هادا بلاد كلش مجنون
كل يوم يركب نسوار نسوار
بعدين يقول أنا ما في معلوم
بس على طول جنجال جنجال
هادا شكل في سيم سيم خرمشه
والله يا إبراهوته ... إنت في نفر واجد زين
كولش ما يوقف خرمشة


كلامك دة كلو انا فهمت منو (بكسر الكاف وتسكين السين)
مشيت اسكن السين ما لقيتها ...
جنجال جنجال دي عجبتني
لكن نسوار نسوار دي قلبي ابااها ما عارف ليه
تعال نحل مسعلة الضبانة دي وبعدين الترجمة

[ابراهيم]

http://yaward.hanaa.net/postcard/images/orchid_phalaenopsis.jpg

[ابراهيم]

http://www.sudaneseonline.com/video/killmma.wma



أعيش في ظلمة وانت صباحي

[ابراهيم]

التسوي بايدك يغلب اجاويدك

[moh_alnour]

ما قلت لينا يا إبراهيم
الخرمجة السنة دي وين

[ابراهيم]

ما قلت لينا يا إبراهيم
الخرمجة السنة دي وين

محمد النور ود حلتنا وود جيرانا

بتتذكر الخرمجة في جناين ابوعجاجة؟
ونادي جيفارا؟
ومدرسة شقدي؟
يا حليل زمان
وخرمجة زمان

[ابراهيم]

http://www.sudaneseonline.com/u/hhhh3.JPG

[ابراهيم]

جميلة انت كالبطاطس
حزينة كانسياب الزيت في قدح الشواء
اجتحتي حياتي ثائرة
اسقيتني كأس الحساء
خبريني هل انا ابدو جيعاناً
هل انا اشتاق اطباق الشواء
خبئيني حيث هاتيك المسقعة
ثم هاتي كأس ماء
قد سئمت الباباغنوج البلاء
وانا الآن التشحتف
في انتظار الفول والكبدة فطور
ثم ضلع وكباب في الغداء
ثم هاتي الباسطة تحلية وصبي
من عصير التانج كوبين سواء
وانثري الرمان والعنب كثيراً
كي اقزقز ثم عودي بالعشاء
لا تبالي ففي هذا شتاء
انني بالجوع مبلي بلاء

[سواااح]

http://www.sudaneseonline.com/u/hhhh3.JPG

تعرف يا مخرمج
اعمامك الاتنين مخرمجين
عمك الحاج خرمجتو في الضحية
وعمك الخروف خرمجتو في الهروب

[جيفارا]

وقفة على الايقاع بين التجاوب والانجزاب بعيداً عن التعقيد والمهاترات اللا واقعية في زاوية المصلحة الشخصية والمحفظة المليونية .

أها كدا كيف

خرمجة ولا ما خرمجة

[moh_alnour]

جميلة انت كالبطاطس

حزينة كانسياب الزيت في قدح الشواء
اجتحتي حياتي ثائرة
اسقيتني كأس الحساء
خبريني هل انا ابدو جيعاناً
هل انا اشتاق اطباق الشواء
خبئيني حيث هاتيك المسقعة
ثم هاتي كأس ماء
قد سئمت الباباغنوج البلاء
وانا الآن التشحتف
في انتظار الفول والكبدة فطور
ثم ضلع وكباب في الغداء
ثم هاتي الباسطة تحلية وصبي
من عصير التانج كوبين سواء
وانثري الرمان والعنب كثيراً
كي اقزقز ثم عودي بالعشاء
لا تبالي ففي هذا شتاء

انني بالجوع مبلي بلاء


الخرمجة عندك يا جار
دي مريم والقطار
ولا مريم الأولى
ولا مريم الشجاع

[بنت الرفاعي]

أها وصلتوا ويييييييييييييييييييييييييييييييييييين؟؟؟؟؟؟؟؟؟؟؟؟ ؟!!!!!!!!!!:D:D:D

[ابراهيم]

تعرف يا مخرمج
اعمامك الاتنين مخرمجين
عمك الحاج خرمجتو في الضحية
وعمك الخروف خرمجتو في الهروب


عمك دة بكون عنده شربوت قافل عليه
والخروف ما عايز يجيبها علي بر
يحلهم الحل بل:o

[ابراهيم]

وقفة على الايقاع بين التجاوب والانجزاب بعيداً عن التعقيد والمهاترات اللا واقعية في زاوية المصلحة الشخصية والمحفظة المليونية .



أها كدا كيف



خرمجة ولا ما خرمجة



ودة يا جيفارا ناتج من حوصلة الناس في صيرورة اللاخرمجة وبالتالي الواحد ببقى قاعد في بوتقة تعجبية تخلي الواحد فًَوووو يقوم جاري ..
لكن خرجمة التاباني والياباني
وكدة مية مية

[ابراهيم]

الخرمجة عندك يا جار

دي مريم والقطار
ولا مريم الأولى

ولا مريم الشجاع



محمد النور يا لمَاح
هناك ارضهم اتغطت بالتعب
وصاحبنا وروه الحقيقة وقالو ليهو ابقى ثابت "ما عارفو ثبت ولا ما ثبت"
ومريمنا هنا دي على ما اظن كانت "مريم الصحافة"
وبمناسبة مريم الشجاعة
في ناس بقولو مريم الشداعة:D

[ابراهيم]

أها وصلتوا ويييييييييييييييييييييييييييييييييييين؟؟؟؟؟؟؟؟؟؟؟؟ ؟!!!!!!!!!!:D:D:D



مرام يا سمحة كلام

انتي جنك تكتبي وييييييييين؟

تفتكري بالطريقة دي بنوصل قريب؟

[ابراهيم]

احمر حمور ... مييييييييع
ابيض بيوض ... مييييييييع
اسود سوود ... مييييييييع
والصوت صوت غنمي
كضاب يا عربي
الصوت صوت غنمي
كضاب يا عربي
أنا صقراً بختفها
وانا اماً بحجزه

[ابراهيم]

الغنماية مخلوق وديع جداً وطيبة خالس
كان عندنا تلاتة غنمايات في البيت
قمة في الكرم من ناحية اللبن والعجب لمن الغنماية تكون نفسا "يعني بعد الولادة" في حاجة اسمها "لِبَا" بكسر اللام وفتح الباء وهو طبعاً مفروض للسخلان والسخلات .. لكن في ذاك الوقت لم يكن لنا نصيب من حصص الرفق بالحيوان ..
اها اللبا دة تدرش فيهو لمدة اسبوع وتمش تلعب كورة ويا حبذا لو لعبت راس حربة يمين الحارس الا يقوم جاري ...
لكن يا حسرة في الوقت داك كنا شفع ناكل اللبا ونلعب عِدة عِدة وكنوع من التغيير الخرمجي بنلعب لعبة الغنم ذات النشيد أعلاه ..

[ابراهيم]

واحد كدة وبالحالة ما رباطابي
قال الغنماية اضنينها عاملات زي الهمزة

[ابراهيم]

حكاية تضحك الغنماية
طبعاً الزول القال المثل دة قايل الغنماية ما بتضحك وانو الحكاية مشت بعيد لكن مسكين
اذا كان البقرة بتضحك فكيف الغنماية تلك التي تقول ميييييع وذات اللبا مربي الاجيال كيف ما تضحك؟؟؟
هسي البقرة بتاعة اللاباشكري
لي هسي بتضحك علينا

[بنت الرفاعي]

مرام يا سمحة كلام

انتي جنك تكتبي وييييييييين؟

تفتكري بالطريقة دي بنوصل قريب؟



(وييييييييييييييييييييين)؟؟؟؟؟!!!!! سؤال سؤال سؤال،، يعني بالعربي وصلت لشنو؟؟!!!:D:D:D
بنوصل قريب؟؟ هو نحن ماقربنا نوصل؟؟؟؟؟!!!!:confused::eek: ماترجعنا ورى كتير ياخ كلها كم يوم ونصل (السنة الجديدة فضل ليها كم؟؟؟!!!)
شكرا ليك يا أبو الشباب.:D:p

[ابراهيم]

(وييييييييييييييييييييين)؟؟؟؟؟!!!!! سؤال سؤال سؤال،، يعني بالعربي وصلت لشنو؟؟!!!:D:D:D
بنوصل قريب؟؟ هو نحن ماقربنا نوصل؟؟؟؟؟!!!!:confused::eek: ماترجعنا ورى كتير ياخ كلها كم يوم ونصل (السنة الجديدة فضل ليها كم؟؟؟!!!)
شكرا ليك يا أبو الشباب.:D:p

ايواااااااااااا وصلنا لشنو
معليش الفهم قسمة ونصيب زي العرس
وقسيم الريد ازانا
والسنة الجديدة انتي مستعجلة ليها مالك
خليها تجي بي راحتها

[zoolfrda]

ضرسي ليهو يومين قايم علي وأنا مطنش :o

والناس شابكيني ياخي ماتمشي لعيادة الأسنان وارتاح
هاااااي قال أمشي قال .... امشي وين

بعد الشفتو من عم عوض ...الكان عامل لي فيها دكتور أسنان :eek:

كنت شافع ما ناقش حاجة وقام كده ضرسي قام علي وقاموا كده ساقوني لي عم عوض

هو في وادي وطب الأسنان في وادي :rolleyes:

والله خرمجني ليك خرمجة ... مشيت ليهو عشان ضرس واحد ... وحياتك اسبوع والطقم كلوا ينتح :mad:

http://www2.0zz0.com/2007/12/19/05/74548244.jpg
http://www2.0zz0.com/2007/12/19/05/42255648.jpg
http://www2.0zz0.com/2007/12/19/05/49830286.jpg
http://www2.0zz0.com/2007/12/19/05/63310918.jpg
http://www2.0zz0.com/2007/12/19/05/44098736.jpg
http://www2.0zz0.com/2007/12/19/05/82095924.jpg

[بنت الرفاعي]

لكن ما شي عجيب خلاص!!!!!!!!!:confused::eek::D:p
ويقولوا الأمراض بتنتقل كيف؟؟؟!!!:confused:

[moh_alnour]

دا برنامج صحة وعافية
على الهواء مباشرة
كلام يا عوض دكام
والله يازول يافردة بالغت
الحمد لله عوض دكام مات قبل مايشوف الحاجات دي
وقبل ما يسمع سنتر الخرطوم

[ابراهيم]

http://www2.0zz0.com/2007/12/19/05/63310918.jpg


حسي يا فردة يعني الزول دة منتظر الخشوم:confused:
دة ارهاب بالمناسبة
زي الكماشة دي انا في المكنة ما برضاها خليك من الخشم

[ابراهيم]

http://www.9m.com/upload/1-12-2007/0.27636011964853.png

دودو بي
في مدني شارع الري
اللوري

[moh_alnour]

http://www.9m.com/upload/1-12-2007/0.27636011964853.png

دودو بي
في مدني شارع الري
اللوري

وساتي إشاعة
كل سنة وأنت طيب يا جار
ليك مدة ما بنت في الماسنجر وأنا في إشتياق لشوفتك
الناس في السودان ضحوا بالدجاج والسمك
أنتو ضحيتو بشنو في كندا يا إبراهيم
خرمجة موزونة على وزن خدرة موزونة
والخدرة الكملت كسرتنا وما بعرف ليك شنو

[ابراهيم]

وساتي إشاعة

كل سنة وأنت طيب يا جار
ليك مدة ما بنت في الماسنجر وأنا في إشتياق لشوفتك
الناس في السودان ضحوا بالدجاج والسمك
أنتو ضحيتو بشنو في كندا يا إبراهيم
خرمجة موزونة على وزن خدرة موزونة
والخدرة الكملت كسرتنا وما بعرف ليك شنو


والله يا محمد اخوك اندمج جنس اندماج خليها بالنية بس المسنجر قربت انسى الباسورد بتاعتو
ناس السودان لو ضحو بي طحنية وموليته احسن مننا ...
رايك شنو في اللوري ..
(اللوري حل بي ودلاني في الودي)
وتوقعاتك يكون مكتوب شنو بي ورا؟:D

[moh_alnour]

والله يا محمد اخوك اندمج جنس اندماج خليها بالنية بس المسنجر قربت انسى الباسورد بتاعتو
ناس السودان لو ضحو بي طحنية وموليته احسن مننا ...
رايك شنو في اللوري ..
(اللوري حل بي ودلاني في الودي)
وتوقعاتك يكون مكتوب شنو بي ورا؟:D

الله يعينك يا إبراهيم
أتوقع يكون مكتوب ( شطة بس )
عين قطرة وعين مس
موليتة دي كان تشرحا بين قوسين
حاسي باقي ليك يا إبراهيم زي حبيبة ود مدني دي بتعرف الموليتة

[ابراهيم]

يا سلاااام يا محمد نور
والله انا مدهوش من ذاكرتك الحديدية
متذكر اشهر لوري في المكي
كان مكتوب عليه "شطة بس"
اول ما شفت صورة اللوري جا في خاطري "شطة بس"
بالنسبة للموليتة دي احتمال 70% من ناس المنتدي ما يكون عارفينها
ياخ مشتاقين والبوست دة كان رايح مني وانا ذاتي رايح من نفسي وكدة

[ابوالنور]

الكلام ده لاقني في حتة لكن وييييييين الله اعلم

تمشي مني ويييييييييييييييييييييين يا برهتا

بس جيتيني في جرح سمعتا بيها

[ابراهيم]

الكلام ده لاقني في حتة لكن وييييييين الله اعلم

تمشي مني ويييييييييييييييييييييين يا برهتا

بس جيتيني في جرح سمعتا بيها



ابو النور .. سلامات يا عم الحج
انت قاصد ياتو كلام يا اخوي .. وضح لينا اكتر قبل ما نفكر نمشي وين؟؟
هو لسا حنمشي كتييير:D
كدى تعال وضح يا ود الخالة
ودي كويييعة

[saleh farah]

ابراهيم يا اخوي حجيتك مابجيتك
كوع بس ماتخت كوعك تحت مخدة
المخدة بتجيب ليك وجع فقر
والفقر ( بي كسر الفاء ) احر من الفقر ( بي فتح القاف )
زول فرده قلع ضرسه وارتاح وصيتى ليك تمشى تقلع المخيخ حقك عشان الخرمجة دى الفيروس بتاعه بتواجد فى المخيخ جنب الى جنب مع فيروس السحائى ، والسحائى مرض يصيب العمود الفقري واحسن علاج ليه الرملة لما البحر ينزل والناس يزرعو الجروف وابدوا احصدوا الموليته واجمل انواع الموليته النوع الاخضر خصوصا لو تم اكلها مع الدانبوي .
صدقنى فترت من الخرمجه انا زاته ماشى اعمل لي عملية عيون

[عثمان جلالة]

والله يا محمد اخوك اندمج جنس اندماج خليها بالنية بس المسنجر قربت انسى الباسورد بتاعتو
ناس السودان لو ضحو بي طحنية وموليته احسن مننا ...
رايك شنو في اللوري ..
(اللوري حل بي ودلاني في الودي)
وتوقعاتك يكون مكتوب شنو بي ورا؟:D

برهوته والخرمجات ... يا حبنن بالبنن .. يا استا بالنا .. عرفتها ولا أشرح ليك ... حبنن بالبنن دي يعني ... حلاوة لبن ... تتذكرها:confused: واستنا بالنا ... يعني قهوة بالحليب:D وأحسن حاجه الموليته ... وخاصة في بداية الخريف ... قبل اللواري تقيف .. تمشي تلقطها من الخلا ... وبتقوم برووس .. وبروس دي جايه من بروسلي ... بتاع الكراتيه .. يعني بتقوم زنديه ... والما عاجبو يحلق حواجبو :p أها ... تجيبها وتغسلها ... وتقطع ليها بصل وحبة ملحه ... وبعدين عزيزتي المشاهدة تصوتيها ... من صات يصوت صواتة ... بعض الناس بحبها بالفول السوداني والبعض .. بحبها بالطحنية ... وأنا من الناس رقم (2) ... والوقت المثالي لتناولها .. عقب أداء صلاة المغرب ... حليلنا نحن في الوقت الفيهو ناس العمارات بيشربوا في الشاي بالكيك ... نحن بنكون بنعزف في ألحان الموليته :D وأنا في تصوري الشخصي أنو الكلمة جايه ... من المولاه والتوالي .. لانها تكون يوميا ... كبديل أصيل لحبوب الكلوروكوين .. وبمناسبة اللوري ... اتوقع يكون مكتوب عليهو (قشه ما تعتر ليك .. يا المنطط عينيك):p

[الاندلسي]

خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري



ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد



هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود










خرمجـــــــــــــــة ................:confused::confused::confused:
وبعده خرمجـــــــــــــــه


يا جماعة الحاصل شنو ؟؟

براحة كدة....

عدم موضوع ولا حاجة تانية؟


ســــــــــــــــــــــــــــــــــلام

[الاندلسي]

خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري



ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد



هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود










خرمجـــــــــــــــة ................:confused::confused::confused:
وبعده خرمجـــــــــــــــه


يا جماعة الحاصــــــل شنو ؟؟

براحة كـــــــــــــدة....

عدم موضوع ولا حـــــــــــاجة تانيـــــــــــــة؟.....;)


ســــــــــــــــــــــــــــــــــلام

[ابراهيم]

ابراهيم يا اخوي حجيتك مابجيتك
كوع بس ماتخت كوعك تحت مخدة
المخدة بتجيب ليك وجع فقر
والفقر ( بي كسر الفاء ) احر من الفقر ( بي فتح القاف )
زول فرده قلع ضرسه وارتاح وصيتى ليك تمشى تقلع المخيخ حقك عشان الخرمجة دى الفيروس بتاعه بتواجد فى المخيخ جنب الى جنب مع فيروس السحائى ، والسحائى مرض يصيب العمود الفقري واحسن علاج ليه الرملة لما البحر ينزل والناس يزرعو الجروف وابدوا احصدوا الموليته واجمل انواع الموليته النوع الاخضر خصوصا لو تم اكلها مع الدانبوي .
صدقنى فترت من الخرمجه انا زاته ماشى اعمل لي عملية عيون


حبيبنا صالح سلامات ياخ ومشتاقين كتييير
انت عارف فيروز الخرمجة دة "مزمن" وبعدين انا عندي ظن يكون عندو علاقة وطيدة جداً مع التشيزوفرينيا .. لأنو لمن يمشي ما بكون عارف الحاصل شنو وكان مشيت للدكتور بي خرمجتي دي بتحصل ليهو عدوي وكدة نكون ساهمنا في انتشار مرض خرمجة الوادي المتصدع كفاية علينا بتاعة الخرفان ديك ...
بي سيرة الرملة دي في الحقيقة انا ما بكيت لكن الرقرقة حصلت لأنو بيتنا جنب البحر مقاصد بيت ناس شيخ طه بشير اها بقى الرملة والبحر والجناين واللوبة والموليتة والمنقة والجوافة والسمك دي كلها بتهيج شجن خاص وتخلي في الحالة الياها ..
انشاءالله يا صالح نتلاقى هناك قول آمين.

[ابراهيم]

برهوته والخرمجات ... يا حبنن بالبنن .. يا استا بالنا .. عرفتها ولا أشرح ليك ... حبنن بالبنن دي يعني ... حلاوة لبن ... تتذكرها:confused: واستنا بالنا ... يعني قهوة بالحليب:D وأحسن حاجه الموليته ... وخاصة في بداية الخريف ... قبل اللواري تقيف .. تمشي تلقطها من الخلا ... وبتقوم برووس .. وبروس دي جايه من بروسلي ... بتاع الكراتيه .. يعني بتقوم زنديه ... والما عاجبو يحلق حواجبو :p أها ... تجيبها وتغسلها ... وتقطع ليها بصل وحبة ملحه ... وبعدين عزيزتي المشاهدة تصوتيها ... من صات يصوت صواتة ... بعض الناس بحبها بالفول السوداني والبعض .. بحبها بالطحنية ... وأنا من الناس رقم (2) ... والوقت المثالي لتناولها .. عقب أداء صلاة المغرب ... حليلنا نحن في الوقت الفيهو ناس العمارات بيشربوا في الشاي بالكيك ... نحن بنكون بنعزف في ألحان الموليته :D وأنا في تصوري الشخصي أنو الكلمة جايه ... من المولاه والتوالي .. لانها تكون يوميا ... كبديل أصيل لحبوب الكلوروكوين .. وبمناسبة اللوري ... اتوقع يكون مكتوب عليهو (قشه ما تعتر ليك .. يا المنطط عينيك):p


حبنن بالبنن : دة يا جلالة رندوك القرن السبعطاشر اجيبو ليك من وين وانا ما شغال
وبعدين يا جلالة موليتة بالطحنية دي اول مرة اسمع بيها .. دي موليتة وين دي وما هي الايدولوجية في اختيار المغيرب لتناولها حيث اننا كنا حيثما توفرت .. وهناك فلسفة تكوينية موليتية ثابتة ومركب اساسي وهو محلول الدكواتيك وعنصر اساسي ايضاً اكسيد الشطة وعلى بالطلاق تاكلها في الراكوبة البهناك وصديق كراع الديك باكل جنبك وما بديك .. وتخلي صحن نضيييييييف كما صنع "بضم الصاء وكسر النون" وخلي العين تسكن اينما يعجبها.
اما بالنسبة لللوري اذا كان بدور بالمنفلة فبكون مكتوب عليه "يا لحاق بعيد" وبعدين الشي بتوقف علي حسب فلسفة السواق وحالته النفسية ونوع اللوري سفنجة فور هوست
والبابور جاز خلو يشتغل:D

[ابراهيم]

خرمجـــــــــــــــة ................:confused::confused::confused:
وبعده خرمجـــــــــــــــه
يا جماعة الحاصل شنو ؟؟
براحة كدة....
عدم موضوع ولا حاجة تانية؟
ســــــــــــــــــــــــــــــــــلام


الاندلسي مرحبتين حبابك مية
ابقى داخل لا جوة
تشرب بيبسي ، كولا، قهوة ، خيارات اخري:D

[saleh farah]

والله يا ابراهيم دايرين الرمله لكن الرمله مادايرانا نسوي شنو ؟
بس الله استر مانلقاها نقلوها كلها بالقلايب والحمير ولا اقوليك حاجه ماتخاف البحر بجيبها تانى
تلاته منقات وجوافه خجوله وشوية ليمون ورمله فى القيف جنبها غصن لوبيا ضائع وكيس نايلون ماسكاهو شوكه فى الزريبه وواحد بكورك ليه لى واحد فى الشرق لشنو ماعارف بس لزوم زهج وقرفه وبعد شويه نبز وكان راجل اقطع تعال
والشمس تغيب والناس الملموا حاجاتم وفى النهايه انسو الليمون فى القيفه لكن برضو مامشكله
بغشوا الجنينه تانى والقطوا ليهم كم ليمونه عشان فتة العشا
الله ما اجملك يا امس

[ابراهيم]

والله يا ابراهيم دايرين الرمله لكن الرمله مادايرانا نسوي شنو ؟
بس الله استر مانلقاها نقلوها كلها بالقلايب والحمير ولا اقوليك حاجه ماتخاف البحر بجيبها تانى
تلاته منقات وجوافه خجوله وشوية ليمون ورمله فى القيف جنبها غصن لوبيا ضائع وكيس نايلون ماسكاهو شوكه فى الزريبه وواحد بكورك ليه لى واحد فى الشرق لشنو ماعارف بس لزوم زهج وقرفه وبعد شويه نبز وكان راجل اقطع تعال
والشمس تغيب والناس الملموا حاجاتم وفى النهايه انسو الليمون فى القيفه لكن برضو مامشكله
بغشوا الجنينه تانى والقطوا ليهم كم ليمونه عشان فتة العشا
الله ما اجملك يا امس


الرملة الدقاقة
انا متأكد يا صالح لو مشيت هناك محل الجوافة الخجولة دي حتكتب ديوان شعر حننافس بيهو الشعر الجاهلي وحنمسيه (جوافة خجولة) لأنو الاماكن ديك ملهمة وهسي يا صالح طالبنك قصيدة بعنوان (جوافة خجولة) وعلى راحتك ودي حاجة ارتجالية كدة لزوم مقبلات وكدة.

فوق الرملة
عز الصيف
سرحت موجة رزينة حنينة
جات اتمدت فوق القيف
فرحت نسمة وهبت فينا دعاش ريحاني
واصبح لينا كأنو خريف
منظر يعجب
شجر المنقة وثمر المنقة
لوحة بديعة كأنها طيف

[saleh farah]

ما اجملك ياابراهيم وما اجمل الايام الحلوه
بين الضفاف وعيشة الكفاف
وان شاء الله جوافتك الخجولة قربت تنضج
بس سألتك بى الله ماتقطعه قبال ماتصفر
عشان انا بحب الصفير
بس مايكون اوف سايد

زي ماقلت ليك خليها تنضج

بين التربة وصفق الشجرة
حبة غبرة وموية متره
وغيمة جميلة شايله المطره
وريحة ثمره تناسم عطره
سلبت شوقنا وسرقت شوفنا
مشينا وراها معانا قطوفنا
حفنة فكة وريحة جوفنا
وسهر الغربة الهد كتوفنا
وصلنا زرايب الشوك الطعن
كراع مشوارنا وليلنا الالعن
ونلعن يوماً ساقنا وامعن
فوق الغربة حباها وادمن
مرقنا الشوكه الكان خوافه
وحرقنا سيجاره بين اطرافه
وبين القيفه وكم صفصافه
لامس جوفنا رحيق جوافه
كانت خجلة بين اوصافه
وكنا فى عجله من اوصافه

[zoolfrda]

رأيك شنو في الخرمجة دي !!!

http://www6.0zz0.com/2008/02/07/13/644158001.jpg

http://www6.0zz0.com/2008/02/07/14/313285784.jpg

http://www6.0zz0.com/2008/02/07/14/847328080.jpg

http://www6.0zz0.com/2008/02/07/14/843336532.jpg

http://www6.0zz0.com/2008/02/07/14/124081673.jpg

أريتا خرمجة بيتك بعد الحال !!!

[ابراهيم]

ما اجملك ياابراهيم وما اجمل الايام الحلوه
بين الضفاف وعيشة الكفاف
وان شاء الله جوافتك الخجولة قربت تنضج
بس سألتك بى الله ماتقطعه قبال ماتصفر
عشان انا بحب الصفير
بس مايكون اوف سايد

زي ماقلت ليك خليها تنضج

بين التربة وصفق الشجرة
حبة غبرة وموية متره
وغيمة جميلة شايله المطره
وريحة ثمره تناسم عطره
سلبت شوقنا وسرقت شوفنا
مشينا وراها معانا قطوفنا
حفنة فكة وريحة جوفنا
وسهر الغربة الهد كتوفنا
وصلنا زرايب الشوك الطعن
كراع مشوارنا وليلنا الالعن
ونلعن يوماً ساقنا وامعن
فوق الغربة حباها وادمن
مرقنا الشوكه الكان خوافه
وحرقنا سيجاره بين اطرافه
وبين القيفه وكم صفصافه
لامس جوفنا رحيق جوافه
كانت خجلة بين اوصافه
وكنا فى عجله من اوصافه

عليك الله يا صالح ما ليها حق تخجل!؟
كيف ما تخجل وانت بتغازلها!!؟
عشان كدة انا بحب جزيرة الفيل
وبحب ناسها ..
"جوافة خجولة"

[ابراهيم]

رأيك شنو في الخرمجة دي !!!

http://www6.0zz0.com/2008/02/07/13/644158001.jpg

http://www6.0zz0.com/2008/02/07/14/313285784.jpg

http://www6.0zz0.com/2008/02/07/14/847328080.jpg

http://www6.0zz0.com/2008/02/07/14/843336532.jpg

http://www6.0zz0.com/2008/02/07/14/124081673.jpg

أريتا خرمجة بيتك بعد الحال !!!

تعرف يا فردة ...
انا بس نفسي في بيت زي دة وعروس هندية
تاني ما داير حاجة
ولو اتذكرت حاجة برجع ليك

[ابوالنور]

الاندلسي مرحبتين حبابك مية

ابقى داخل لا جوة

تشرب بيبسي ، كولا، قهوة ، خيارات اخري:D


عليك الله يا برهتا عدد اتنين خيارا اخري واحد ساده والتاني ملون

[ابراهيم]

عليك الله يا برهتا عدد اتنين خيارا اخري واحد ساده والتاني ملون

بارد ولا ساخن؟؟