شمارات ساااااااااااي

[ابراهيم]

الشمار يا جماعة ينقسم الى ثلاثة أقسام

مدخل:-
1- شمار عادي
2- شمار أخضر
3- شمار شمارات

جدعة أولى:-
شمار في مرقة يعني خلاص ... مافى حاجة ... راح .. لحق أمات طه

ندخل في الموضوع توووووش: وهو شمار نمرة تلاتة

والشمارات دي يا جماعة في ناس بعتبروها عدم موضوع ، وفي ناس يموتو في الشمار ات فالشمارات لها فلسفتها وايدلوجيتها ومتعتها ، وقد انتشر مسى شمارات في القرن الثاني والعشرين بفهم الثرثرة والشمشرة بين النساء ولكنما سرعان ما دخل الرجال الى غرفة الشمارات فتطور الشمار مع بذوق فجر التنكلوجيا والعولمة فأخذ طابع الونسة عبر الهاتف ثم عبر المسنجر حسي بقى اساسي في المنتديات حتى يوم لقيت موقع كااااااااااامل اسمو شمارات وما زالت الشمارات تنتشر ولكن اختلط الفهم .. وفي هذه النافذة اردت ان اترك لمتعاطي الشمارات ومحبي الشمارات وفي فرق طبعاً بين المحب والمتعاطي وأنا اعترف قدامكم بحب الشمارات ولكن لا اتعاطاها ..





فما هي وجهة نظركم الفنية للشمارات

وما هي في نظركم الآثار الرجعية للشمارات

هل الشمارات عادة سيئة

المساحة للجميع ولكم ودي

[wadmadani]

مشكور يا ابراهيم علي الموضوع الحلو ده

بس انا في راي انو الشمار اسي وخصوصا في زمن العولمه ما زي زمان يعني زمان كان ممكن الشمار يكون حدود الحاره او البيت او حتي بي المبالغه المدينه
بس اسي بقي الشمار يوصل العالم كلو بي سرعه واديكم مثال بسيط لي اخونا هنا في مصر

بس غلط اتخيلو في مصر مشي مشوار علشان يشتري ؟!!
يشتري شنو اشتري مفراكه تصدقو الزول ده بس دخل المفراكه البيت من هنا في نفس اليوم بس لقا اصحابو في النت قالو ليهو مبروووووك المفراكه :) :)
وكمان الي اصعب من كدا صاحبو في ماليزيا برضو عرف.

وده نوع من الشمارات معقول وظريف لاكن في انوع من الشمارات ما كويسه زي نقل فضايح العائلات وغيرها يعني دي ما مستحبه وما محببه ايضا لاكن برضو منتشره وبكثره اكثر من غيرها.


ودي وجهه نظر بس يعني ممكن تكون صح ممكن تكون غلط..

[ابراهيم]

أخي المشتاق لك الود والتحية و

http://hawaaworld.net/files/30570/eid4.gif


لكن لقيتكم بتاعين شمارات وصاحبكم دا والله الجاتو في المفراكة سامحتو ، انا بعرف شماراتية كتيرين لكن ما للدرجة دي ههههههههههههه يعني الواحد تاني كان عايز يشترى حاجة لو ما إتأكد من خلو المنطقة من الشماراتية ما يشتري ... لكن فعلاً دا نوع لذيذ من الشمارات
وتشكر أخي على المرور الطيب لك خالص ودي وتحياتي

[ابومرام]

ابراهيم فكرتك كويسة لكن نحن والله الواحد فينا محتاج لاي معلومات عن البلد ماعاد محصلنها الا من الشمارات (زي ماقال المشتاق اخوكم بتاع المفراكة الله يكون في عونه ونحن من هنا بنبارك ليه المفراكة ولاذم تضوقنا ملاحك 00
مرةفي واحد من المناطق الغربية من الرياض وطلب من واحد ماشي الرياض قال ليه داير لي ليفه حمام قبل ما تجيه وقبل مايشتريه ليه صاحبنا قام فكة الشمار يومه كان اسود واتمني لو مارسله عموما هذه مجرد افكار بت

[ابوقيس]

اولا كل عام وانت بخير

والله الشمارات دي مرات بجيب الفائده ومرات بجيب الجلاء

فأنا من راي ان الواحد بس ممكن يكون محب ليه لكن تسمع من هنا

وتفرغ من هنا يعني يكون الموضوع قبله

يااخوان الفول ده من غير شمار ببقي

اها الواحد لازم كمان ينفس حبه لكن في حدود

وليكم مني الف تحيه

واخونا الفاضل ابراهيم

[امير عبدالباقي]

ابراهومه انا واحد من الناس بموت في الشمارات ؛واذا في شمار جي طاير من جنبي ماعرفتو كويس بموت من الغيظ
لكن المفروض نفرق بين الشمار والقطيعه ؛ بكره القطيعه والبجيبه

[ابراهيم]

أخواني .... أبو مرام ... أبو قيس ... أمير

لكم الود والتحية وانتم تدلون بآرائكم في الشمارات ...

أنا أحب الشمار حتى الثمالة

وانا في انتظار مزيد من البوح عن الشمار


ودي لكم

[زيكو منيب]

الشمار ده زي النميمة و واحد

[wadmadani]

يعني يا زيكو انا اغالطك وبشده في كلامك ده يعني كيف الشمار زي النميمه
اشمار ده مارات بيكون زي النميمه واكعب منها ومرات بيكون زي النكته واحسن منها.
لاكن احنا ما ممكن نقول انو الشمار نميمه بس.

ولك خالص ودي

[زيكو منيب]

انت كتبتها براك الشمار زي الميمة واكعب

[wadmadani]

يا زول انتا عايز تعمل زي الكفار لمن قالو

(ويل للمصلين)

[ابومرام]

يا ابراهيم شايف الشمار اخد منك كل شي ياريت تزودنا بشوية شمار نحن هنا ماعندنا شمار السودان عندنا الشمار المحلي بتاع البلد دي (المملكة) ياريت كل يوم تدينا جرعة على خفيف 00000000

[ابراهيم]

ابو مرام ليك مني الفين تحية




وبمناسبة فقدان الشمارات في المملكة أنا برضو في القاهرة فاقد الشمارات والله المشار بجينا متأخر لكن أحلى حاجة إنو بجينا جاهز يعني بعد ما يدقو ويغربلو ولمن يصلنا بكون طازج خالي من الشوائب .. وبالمناسبة دي أديك آخر شمارات لكن ما تكلم زول يعني يكون بيني وبينك ... اتفقنا؟ .. والشمار هو قالو مريام فارس الفنانة سودانية وكمان شايقية وابوها من كريمة وتحت تحت كدا برضو قالو ماريا كيري من الديم وكان اسمها مريم خيري .. وبعد ما انتشرت نكرتنا حطب وغيرت اسمها لماريا كيرى



وإلي شمار قادم لكم التحايا