أنا والمنتدى .

[ود المطامير]

السودانيون اللى ساكنين معانا فى منطقتنا
كلهم كبار وصغار رجال ونسوان أولاد وبنات
كلهم بقوا شابكنى يا ود المطامير .. يا ود المطامير
ونسوا إسم عروه نهائى
وقلت لنفسى دى شهاده أفتخر بيها جداً وهم بيدخلوا المنتدى كزوار
أها .. الحكايه تطورت شويه شويه
قبل يومين جارتنا جابت لى شمار وقالت لى فلان الفلانى .. سودانى ..
نصب على بنغالى وقال ليهو بشغلك ولهف منو 10 ألف درهم
وصاحبنا هو زاتو عاطل ولمّا عاينت ليها قوّى مستغرب يعنى قالت لى
هووووى يا ود المطامير الكلام دا ( منقووووول ) من نسوان الفريق

وشجن بتى .. تعزم صاحباتها .. وتفتح النت والمنتدى ومن يشوفن صورتى يهتف
دى صورة أبوك .. دى صورة أبوك وشجن تبتسم بزهو ( تجدع جد ) هع هع هع
بمعنى أن المنتدى ليس جلوس خلف الشاشه لبعض الوقت
بل .. أصبح واقع يعيشه معى كل من يعرفنى فى منطقتى
وهذا من فضل الله والحمد لله .

[معتز الريح]

الحبيب عروة (ود المطامير) ..
طبعاً مكسب يا حبيب .. وشهرة حميده ..

أها أنا عاكسه معاي ..
بدل ما كنت معتز الريح ..
بقيت معتز الخفيف (نسبة لموضوع خفيف خفة) ..
قلت ليهم أبوي لو عرف بزعل ..
----------------------------
ناس وناس ..
ههههههههههه

[moh_alnour]

هاهاهاهاها
الله يجازي محنك يا عمدتنا

[مرتضى يوسف العركي]

الحبيب ود المطامير
عروة دي ما خايلة فيك ابدا ....
الله نساله لكم دوما بالتوفيق لكم وللاسرة الكريمة التي يحق ان تزهو بكم دوما وانتم نثرون التسامح وخفة الدم والتواصل تقبل مروري وتحياتي لكم وللاسرة الكريمة

[محمد حسين (المميز)]

ود المطاميــــــــر

خليني من اولاد حلتكم واولاد حارتكم
الصبــــــاح إستلمت طلب من عادل إمام بيطلب
إنك تشاركه بطولة فلمه الجديــــــد
اها أدينا رأيك نرد ليهو بشنو؟؟

فكــــّـــــــــــــر,,

لك ولأسرة المنتــدى كل التحيــّــه يافاكهة المنتدى

*-*-*-*-*-*-*-*-*-*

[عثمان جلالة]

الحبيب عمدتنا ود المطامير .... الله يديك العافيه ويديك الفي مرادك ويخلي ليك وليداتك ... وان شاء الله بركة من صلى وقال يا الله من ود المطامير بمنتديات ود مدني لود المطامير بجمهورية السودان ..... وتقبى شهرتك عالمية كرئيس للجمهورية ... قول آآآمين هع هع هع

[ود المطامير]

الحبيب عروة (ود المطامير) ..
طبعاً مكسب يا حبيب .. وشهرة حميده ..

أها أنا عاكسه معاي ..
بدل ما كنت معتز الريح ..
بقيت معتز الخفيف (نسبة لموضوع خفيف خفة) ..
قلت ليهم أبوي لو عرف بزعل ..
----------------------------
ناس وناس ..
ههههههههههه
حبيب قلبى الغالى ... معتز ...
ياخى مشتاقين والله مشتاقين
وينك ياخى ؟ وإنت عارف أخوك أون لاين على الطول

والله ضحكتنى من القلب
شفت البِحّيت بعمل شنو ؟
الله يحفظك لى

[ود المطامير]

هاهاهاهاها
الله يجازي محنك يا عمدتنا
أخوى الحبيب .. محمد ..
هع هع هع هع هع
يعنى أواصل ؟

[ود المطامير]

الحبيب ود المطامير
عروة دي ما خايلة فيك ابدا ....
الله نساله لكم دوما بالتوفيق لكم وللاسرة الكريمة التي يحق ان تزهو بكم دوما وانتم نثرون التسامح وخفة الدم والتواصل تقبل مروري وتحياتي لكم وللاسرة الكريمة
مستشارنا حبيب الجميع .. مرتضى يوسف
الشوق بحووووور
مره رسلت وصيه مع زميل لى هنى ويوديها بيتنا فى الشرفه بركات
ومن عجائب الصدف لاقى أخوى خالد وسأله من بيت ناس عثمان إبراهيم
اللى موجود فى أبوظبى .. ويوجد إسم مطابق لإسمى وهو فعلا معانا فى أبوظبى
وخالد أخوى طوالى وداهو ليهم ومشى
دخل صاحبى وسلم على ناس البيت وبعد الضيافه وكدا سلمهم الفلوس
وهو ماشى سألهم وين خالد ؟
قالوا ليهو خالد منو ؟
قال ليهم خالد ولدكم أخوى عثمان
قالوليهو ما عندنا ولد إسمو خالد
المهم .. عرف إنو دخل غلط ولما تمت معالجة الموضوع وودهو بيتنا
دقّ الباب وفتح ليهو خالد أخوى
يعنى على عموم المطامير يعرفونى بعروه لأنه الإسم الوحيد
وكتااار بيقولوا لى إنت دائما مشاتر
حتى فى إسمك
هع هع هع هع

[ود المطامير]

ود المطاميــــــــر

خليني من اولاد حلتكم واولاد حارتكم
الصبــــــاح إستلمت طلب من عادل إمام بيطلب
إنك تشاركه بطولة فلمه الجديــــــد
اها أدينا رأيك نرد ليهو بشنو؟؟

فكــــّـــــــــــــر,,

لك ولأسرة المنتــدى كل التحيــّــه يافاكهة المنتدى

*-*-*-*-*-*-*-*-*-*
حبيبنا المميز .. مشتاقين
قول ليهو قال ليك ... تعال إنت أشترك معاى فى بطولة فلمى الجديد
هع هع هع هع هع
تسلم يا الحبيب على الشعور الطيب .

[okasha]

بما انك ياسيد عروة حصلت على الشهرة من هذا

المنتدى فبالتالى وبالانابة عن اعضاء المنتدى


نقول واصل ما تنقطع وبس

[ود المطامير]

الحبيب عمدتنا ود المطامير .... الله يديك العافيه ويديك الفي مرادك ويخلي ليك وليداتك ... وان شاء الله بركة من صلى وقال يا الله من ود المطامير بمنتديات ود مدني لود المطامير بجمهورية السودان ..... وتقبى شهرتك عالمية كرئيس للجمهورية ... قول آآآمين هع هع هع
حبيب قلبى ود أهلى الحنين
نجم النجوم ومن شفتك عهدى بيك نجم لامع
إلى الأمام وربنا يحفظك لينا

ولك من القلب أصدق التحايا والشكر على المشاعر النبيله

بينى وبينك لى فتره طويله بحلم فى النوم كلمّا البشير يمشى
إجتماع ويقول كلام بيسألنى .. صاح يا ود المطامير
وكلما يقول كلمه للناس يسألنى
صاح يا ود المطامير
تكون دى دعوتك يا حبيبى جلاله جايه فى الطريق ؟
هع هع هع هع هع

[ود المطامير]

بما انك ياسيد عروة حصلت على الشهرة من هذا

المنتدى فبالتالى وبالانابة عن اعضاء المنتدى


نقول واصل ما تنقطع وبس
أخوى الحبيب
والله حيرتنى عديل كدا
وحات الله حيرتنى

ياترى هل قرأت أفكارى ؟
أحيّك من على البعد أيها الحبيب الغالى يا من تغلغلت فى أعماق أعماقى
وخبرت مكنون الهواجس ولمست بنات أفكارى

والله .. أنا لم أكتب ما كتب أعلاه لكى يعرف الناس والإخوه والأحبّه إنى بقيت
مشهور ولأ مغرور لا حاش لله
ما كتبته .. هو رساله لإنسان معين .. نحبه كلنا ونحترمه ونجلّه
فيا ريت يقرأ رسالتى أعلاه كما قرأتها إنت أيها الحبيب

[باسطه]

قبل يومين جارتنا جابت لى شمار وقالت لى فلان الفلانى .. سودانى ..
نصب على بنغالى وقال ليهو بشغلك ولهف منو 10 ألف درهم
وصاحبنا هو زاتو عاطل ولمّا عاينت ليها قوّى مستغرب يعنى قالت لى
هووووى يا ود المطامير الكلام دا ( منقووووول ) من نسوان الفريق

.



هههاااااااااااااااااااااااااااااااااااي
هردته مصراني بالضحك والله شرقتني بالضحك
عجبتني منقوووووووووول دي
والله ياود المطامير بقى منك خوفه
الواحد كان قحه بقى يراجع روحوا ماتكون القحه دي منقوله كمان خخخخخخخخخخ

الله يديك العافية ويخليك لود مدني ومنتداها وأبنائها

[سواااح]

عزيزي ود المطامير ..
فعلا المنتدي اصبح واقع معاش
وجزء لا يتجزا من حياتنا اليومية
للارتباط الوثيق بيننا وبين كل من فيه
والاكبر من ذلك انطباع الاسماء الحركية
التي نطلقها علي انفسنا علينا واقعيا
فهنئيا لنا به وبه لنا

[ود المطامير]

هههاااااااااااااااااااااااااااااااااااي
هردته مصراني بالضحك والله شرقتني بالضحك
عجبتني منقوووووووووول دي
والله ياود المطامير بقى منك خوفه
الواحد كان قحه بقى يراجع روحوا ماتكون القحه دي منقوله كمان خخخخخخخخخخ

الله يديك العافية ويخليك لود مدني ومنتداها وأبنائها


حبيب قلبى .. باسطه ..
والله ليك فى القلب مكانه ساميه وعاليه

والله يا الحبيب كونى أضحكتك فى الزمن الصعب دا
فهذا ما أريده زرع البسمه وإضحاك النفوس الطيبه

والله يا أخوى الحبيب ... جارتنا دى كلمة منقووووووول
جرتها كبيره ... وهى ضحكتنى والله لحد الدموع
تسلم الله يحفظك لى .

[ود المطامير]

عزيزي ود المطامير ..
فعلا المنتدي اصبح واقع معاش
وجزء لا يتجزا من حياتنا اليومية
للارتباط الوثيق بيننا وبين كل من فيه
والاكبر من ذلك انطباع الاسماء الحركية
التي نطلقها علي انفسنا علينا واقعيا
فهنئيا لنا به وبه لنا
فعلاً أخوى الحبيب سواح
والدليل زمان لمّا إنت ضربت لى تلفون
وردت عليك أم عمرو وإنت قلت ليها أنا .. سواااح ..
طوالى عرفتك من أبناء منتديات ود مدنى .
وفعلا هنيئا لنا به وبه لنا

[Madanawi]

شكلك يا ود المطامير عامل زي دكان ود البصير

لامي الجماعة وطالع بيهم الجو .. بس يستاهلوا

لانك وريتهم الصورة بس .. ما وريتهم كلام شبارقة!!!

[abomazeen]

حبيب قلبى الغالى ... ود المطامير ...
ياخى مشتاقين والله مشتاقين عديل كده

تعرف والله في البدايات كنت مقتكر إنو ده اسمك
زي ( الوجيه ) ود الطاهر يعني ؟!؟!؟

لكن بصراحة لو ( غيرت ) اسم ود المطامير ده إلى اسم الحقيقي ( عروة)
وطبعاً ( نحترم اسمك الحقيقي – ومكانته في الرأس والقلب باقية ) ...

صراحة بكون الحال زي طعم الملاح بدون ملح !!!

أو زي قسم النفاج بدون ود المطامير !!!

ولو عاوزنا نأكل الملاح بدون ملح ...
أو عاوزنا ندخل قسم النفاج بدون ودالمطامير غير اسمك ... وأنت تشوف ؟؟

[ود المطامير]

شكلك يا ود المطامير عامل زي دكان ود البصير

لامي الجماعة وطالع بيهم الجو .. بس يستاهلوا

لانك وريتهم الصورة بس .. ما وريتهم كلام شبارقة!!!
حبيب قلبى ... أبوشنطه ..
والله إنت فقرى خلاص
أسكت أسكت ما تسمعك أم عمرى
أصلو هى من يوم قرأت رسالتى الكتبتها ليها فى العام زمان
وهى مطمئنه .. هع هع هع
بس أنا مالاميهم هم جارين وراى يبحتوا ساى
بس أخوك حريف الحاجات اللى بتجيب الهوا بدسها
بين الصفحات
هع هع هع هع

[ود المطامير]

حبيب قلبى الغالى ... ود المطامير ...
ياخى مشتاقين والله مشتاقين عديل كده

تعرف والله في البدايات كنت مقتكر إنو ده اسمك
زي ( الوجيه ) ود الطاهر يعني ؟!؟!؟

لكن بصراحة لو ( غيرت ) اسم ود المطامير ده إلى اسم الحقيقي ( عروة)
وطبعاً ( نحترم اسمك الحقيقي – ومكانته في الرأس والقلب باقية ) ...

صراحة بكون الحال زي طعم الملاح بدون ملح !!!

أو زي قسم النفاج بدون ود المطامير !!!

ولو عاوزنا نأكل الملاح بدون ملح ...
أو عاوزنا ندخل قسم النفاج بدون ودالمطامير غير اسمك ... وأنت تشوف ؟؟



أبو مازن حبيب قلبى
والله الشوق بحووووووور
والله تسلم وربنا يحفظك لى ومشكور على المشاعر الأخويه الصادقه

تعرف يا الحبيب ؟ كان فى بوست فى العام زمان يطلب من الإخوه
أن يغيرو أسمائهم إلى الأسماء الحقيقيه والله والله أنا ولا فكرت حتى
والعشرات قالوا لى نفس كلامك دا رغم إنى ولا كنت ناوى حتى مجرد نيه
ود المطامير ... إسم حبيب إلى قلبى .. أحببته لأنكم أحببتموه فبادلكم الحب بالحب
تسلم وصدقنى أحسُ بمحبتك لى وتأكد إنه نفس شعورى نحوك
تسلم لى يا أغلى الناس .

[بنت الرفاعي]

أيااااااامك طحنية، والله ماشاءالله عليك ، عارف أحلى حاجة في الدنيا لما يكون الحواليك عايشين معاك حياتك بحلوها ومرها، والأحلى لو كانوا عايشين معاك في المنتدى، أحيانا الواحد مابيتكلم حواليهو كتير ، لكن بيكتب أكتر من ما يتكلم، لدرجة إنو ممكن يقولوا الزول ده مابيعرف يتكلم أو يتساءلوا لييه مابيتكلم كتيير؟ لكن لو قرأوا كتاباتوا وإتعمقوا فيها بيلقوهوا زول تاني وشي تاني.

لكن طلعت جاااااااااااااااااااااااااااااااااامد ياراستا.;)
(ماشاءالله وإنشاءالله دايم عالي)

[شبارقة]

والله كلام !!

أها وناس المنتدى وشمارات ناس المنتدى !!

ناس الأمارات ما سمعوا بيها !!

تلقاها مكتوبة في الأعمدة وصخور شواطئ الخليج !!

والله ياجنا المطامير خايف يجيبوك في الجزيرة والعربية والقنوات الاخبارية!!

بالراااحة:
المنتدى زي الحلة ، وبيتك فيها بيت كبير أبيض (بيت ود العمدة) ..
أبرم شنبك وخليك عمدة!!

[نزار حسن محمد]

شبارقه مشاكل ;)
قلت لى كيف ابقى العمده عدددددديل
والله كلام ...:rolleyes:

[ود المطامير]

أيااااااامك طحنية، والله ماشاءالله عليك ، عارف أحلى حاجة في الدنيا لما يكون الحواليك عايشين معاك حياتك بحلوها ومرها، والأحلى لو كانوا عايشين معاك في المنتدى، أحيانا الواحد مابيتكلم حواليهو كتير ، لكن بيكتب أكتر من ما يتكلم، لدرجة إنو ممكن يقولوا الزول ده مابيعرف يتكلم أو يتساءلوا لييه مابيتكلم كتيير؟ لكن لو قرأوا كتاباتوا وإتعمقوا فيها بيلقوهوا زول تاني وشي تاني.

لكن طلعت جاااااااااااااااااااااااااااااااااامد ياراستا.;)
(ماشاءالله وإنشاءالله دايم عالي)
أختنا العزيزه مرام
والله كلامك حِكم .. ربنا يحفظ ليك عقلك

مره .. كنا قاعدين فى أبوظبى مع جماعه قعده عائليه
وكانوا كلهم بيشاركوا فى الكلام إلا أنا .. وبعد شهر صاحبى اللى ودانى ليهم
لاقى سيد البيت وفى الكلام صاحبى قال لسيد البيت الكنا قادين عندهم زمان
قال ليهو طلّت فيزا كارت
داك قال ليهو عرفت درب الفيزا كارت من وين ؟
صاحبى قال ليهو طلّعها لى عثمان
قال ليهو عثمان منو ؟
صاحبى قال ليهو ياخى الجاك معاى فى بيتك بأولادو قبل شهر
داك إستغرب وقال لى صاحبى
ياخى دا مسكين والغنمايه تأكل عشاهو
صاحبى قال ليهو غنماية شنو والله دا يأكل مُراح كامل
هع هع هع هع هع
أوردت هذا الموقف صُدقاً لكلامك
تسلمى أختى مرام

[ود المطامير]

والله كلام !!

أها وناس المنتدى وشمارات ناس المنتدى !!

ناس الأمارات ما سمعوا بيها !!

تلقاها مكتوبة في الأعمدة وصخور شواطئ الخليج !!

والله ياجنا المطامير خايف يجيبوك في الجزيرة والعربية والقنوات الاخبارية!!

بالراااحة:
المنتدى زي الحلة ، وبيتك فيها بيت كبير أبيض (بيت ود العمدة) ..
أبرم شنبك وخليك عمدة!!
قراءه مطاميريه
هع هع هع هع هع
هههههههههههههههههههههه
ههههههههههههههههههههههههههه
إنت ما جابولك خبرى ؟
ما أنا من شفت شبارقه حبيب قلبى وود أهلى
من رجع من الإجازه كلامو بقى سمح سماحة الجن
شئ دقاق وشئ حنان وكلام أصلى مرتب وموزون
وأكان أبوى العمده سألنى بقول ليهو إتعلمت من شبارقه
هع هع هع هع
عِلا يا شبارقه آخوى دى ما العولمه
ولأ شايفنى لابس طاقيه ؟
هع هع هع هع
قلت لى لمّا مديت الجواب الرُكب كركبت
هع هع هع هع هع

[ود المطامير]

شبارقه مشاكل ;)
قلت لى كيف ابقى العمده عدددددديل
والله كلام ...:rolleyes:
ماله يا أبو سفروق
كتيره على ؟
أعملوا إنتخابات
وخلونا نشوف !!!

[ود المطامير]

بالراااحة:
المنتدى زي الحلة ، وبيتك فيها بيت كبير أبيض (بيت ود العمدة) ..
أبرم شنبك وخليك عمدة!!
هوووووووووى يا شبارقه
داير تدخلنى السجن ؟

[GREY MAN]

ود البلد كيف حالك......الرهيفه مقدوده والكبير كبير.
ياكا ود المطامير
فاكهة المنتدي والروح النابض
والمنتدي ذي اولادك ولا ما كده.
وكان ضبحو ليك تاني برضك ود المطامير
وهاك القصه المنقوله دي من غير رابط

لكن زكرتني بالعسكري الدغري الجاي من البلد
وقدر ما يعمل مخالفه الواسطات تقع هبطرش
ولما خلاس وصل الحد طلع من علبو وخته اشاره ما في محلها...وده كان غصبا عنو....وعشان الماره ساكنين دمه شال الاشاره رماها بعيد.
وفكر يخلي الشارع ولكن هو عارف انو بحب الماره والماره بحبوه..فلاقاه اخو اخوان وقال ليه انت عملت العليك ومصير الماره ترجع ....ومن يومها ولحدي ما العسكري بقي شاويش بقي كل من ما يشوف ليههو مخالفه يبتسم ساخرا.

[بورتبيل]

الرصين الجميل صديقي عروة ( ود المطاميــــــر)
ما عارف اكتب ليك شنـــو وما عندي حاجة اقولها الا انني احسبك من الذين يتواصلون بالــود مع الاخرين ويكفى ان شعارك في الماسنجر ( بالحب نتقابل) انا اشكرك غاية الشكر لاحتوائيك لي ولنصحك لي مراراً وتكراراً . قد تكون هذه تجربتك مع المنتدى اما تجربتي انا مع المنتدى انه قد عرفني باشخاص امثالكم.
اتمنى ان تتواصل الصلات بين الجميع
ولك الــــــــود

[جنيـــــدو]

ده انت يا ود المطامير !!! وانا اقول شفتك في ياتو زقاق .

[صديق بلال]

السودانيون اللى ساكنين معانا فى منطقتنا


بمعنى أن المنتدى ليس جلوس خلف الشاشه لبعض الوقت
بل .. أصبح واقع يعيشه معى كل من يعرفنى فى منطقتى
وهذا من فضل الله والحمد لله .

صدقت يا أخي الكريم على أن المنتدى ليس جلوس خلف الشاشة فقط...
أصبح عنصر هام في حياة كل من يستخدمه للمنفعة ويكفي أن الشخص يسعد الناس من كتاباته ومشاركاته والدعوات الطيبة من الناس ولا ننسى الأجر والمثوبة من الله تعالى...

[ابو صفاء]

الوجه الصبوح ود المطامير
سوف يكون هذا الاسم اول شي يورثه عمرو منك
(عمرو ود المطامير)
الالقاب في كثير من الدول لها وزنها بل تجد في جوازات بعض الدول يكتب اللقب

[Jamal Elmahi]

الوجيه المتميّز ود المطامير
تجلب لنا الضحكه في زمن مكشّر شحّت فيه البسمه..دائماَ بشغف أتابع منظوماتك وأرتاح فيها ..وطمعي في قراءة المذيد يسلبني زمن التعقيب عليها ..

مشاققه ...
الوجيه الخواجه عزيز غاب قوسين أو أدني من أبوظبي ...وأنا قلته ليهو الكيشه قدموا والحقو...وبيني وبينك الخواجه ما بتلحق بعد دا ..لكن متصبرين بالحاري ولا المتعشي وناويين زيارة البلد في شهر سته والمقدم الله والرسول ...

ود الماحي