جلاليب وطواقي البهجة

[محمد يوسف]

ظاهرة الجلاليب الملونة والطواقي المزركشة ظاهرة غريبة تفشت وسط الشباب بصورة كبيرة فالزي القومي السوداني هو الجلابية البيضاء أو السمني الفاتح فقط والعمة للرجال الكبار والطواقي للشباب صغار السن.

طيب خلينا لبس العمة صعب علينا ولفها شغلانة وغالية كمان وما عملية حكاية الجلابية الملونة والطاقية الملونة دي شنو؟

والله يا جماعة لمن ألاقي واحد ما بعرفوا لابس اللبس الغريب دا بخاف ما بسلم عليهو يمكن يكون رطاني ما بعرف عربي يعني من زنجبار ولا من نجريا ولا من الكنغو ولا من السنغال لكن لمن يتكلم سوداني عديل تتحسر على الزي السوداني والتشبه بأجناس مع إحترامنا لها فهي غير عربية وإقتبست هذا الزي أصلاً من العرب الذين زاروا تلك المناطق وأخذوا عنهم الدين الإسلامي والزي العربي ولكن شابه التحريف بحسب البيئة وطبيعة تلك الشعوب التي تحب الألوان والبهجة والأفارقة في مظاهراتهم المختلفة يعبرون حتى عن غضبهم بالرقص والغناء.

والغريب في العيد لفيت لمن فترت في السوق علشان أشتري جلابية بيضاء وطاقية بيضاء ما لقيت غير جلاليب البهجة وطواقي البهجة هاهاهاهاها

طبعاً تسمية جلاليب البهجة وطواقي البهجة دا ما أسم حقيقي موجود بس من بنات أفكاري لكن مش مظبوط مية المية ؟؟

[عمر البشير]

محمد يوسف ليس فقط اللبس الي تغيرؤ في السودان والسودانيين. الواقع اصعب من ان يوصف.
بس الواحد يدعو ربنا انو يصلح الحال.

ولك ودي.

[عبدالرحيم سعيد]

كل زمن ليهو رجالة

[محمد يوسف]

محمد يوسف ليس فقط اللبس الي تغيرؤ في السودان والسودانيين. الواقع اصعب من ان يوصف.
بس الواحد يدعو ربنا انو يصلح الحال.

ولك ودي.

الأخ عمر البشير مشكور على المرور

اللهم أصلح حالنا وأحوالنا

[عثمان جلالة]

محمد يوسف ... شكرا لكم على هذه الإضاءة .. ونحمد الله كثيرا إنو لسه عندنا البعض من العادات والتقاليد ... محتفظين بيها رغم تداخل الثقافات الكثيره ... والتحية للهوية السودانية ... لكن في الجلابية السودانية وملحقاتها قطع شك أجمل الألوان ... الابيض ... ومفروض كل الناس تركز على الأبيض عشان يعكس بشكل باهي وجميل ... البشره السودانية السوداء - السمراء غالبا ... وتقبل مروري

[النور محمد يوسف]

أخي محمد يوسف ...عزيزي الغالي
كم عانى من سبقونا لجعل هذا الزي ميزة نمتاز بها نحن السودانين مقرونا بالأمانة والصدق والمروءة ونبل الخلق..... فقد كانت القلوب بيضاء كما لون ملابسنا .... ليتنا نحافظ على بياض تلك القلوب بعد تغير لون ملبوسنا..... ونظل نحنُّ الى الماضي لنبني مستقبلا سعيدا

وما جربناها تلك الجلابية المبهجة ولا كذلك قلنسوتها

والعافية أكوام ليك محمد

[Madanawi]

الجلابية البيضاء هي عنوان السوداني في كل مكان
والعمة هي حصرية على كل سوداني

لبس الجلابية بلون غير الأبيض ليس فيها نقصا

ولا انتقاص من وزن ومكانة الزي القومي السودني

وكمان الملون يتحمّل أكثر من الأبيض

الا أنني أقول الأبيض هو الأفضل وهو الأساس،،

[جنيـــــدو]

البروف : محمد يوسف .


الشخصية السودانية أصبحت مزيفة ودليل ذلك أن كل شعب لديه لبس شعبي عام والشعب السوداني أصبح عائم ما بين العروبة والزنجية . يعني ممكن تلقى جلاليب خليجية في السوق وغيرها الكثير .

لو داير الجلابية البيضة المكوية إلا تفصلها ...

[سواااح]

مهندس / محمد يوسف

بينا وبينك ..
الدنيا بقت كلها بهجة
يعني اي حاجة تغيرت
الجلاليب بهجة
العرس بهجة
المواصلات بهجة
الناس متهجة
والما مبتهج ح يبتهج

دمــــــــــــــــــــــــت ،،

[بنت الرفاعي]

إنتو ياجماعة مش في ألوان بتتلبس في الشتاء وأخرى في الصيف؟؟؟؟

[محمد يوسف]

الاخوة الأعزاء
عبد الرحيم سعيد
عثمان جلالة
النور محمد يوسف
مدناوي
سواح
مرام
تعليقاتكم ومروركم الكريم شرفنا وأثرى الموضوع ولايحتاج لتعقيب غير الشكر

[ناصر عمر دبيب]

http://www.arb-up.com/files/arb-up-Nov2/28Q06659.jpg (http://www.arb-up.com/)

[عزيز عيسى]

الأخ محمد يوسف،

موضوعك جميل وفي غاية الأهمية..
والله أنا ذيك كدا لاحظت لتغيير أخوانا السودانيين للجلاليب والعمامة والطواقي البيضاء
الناصعة البياض التي تميزنا نحن السودانيين عن باقي خلق الله وإستبدالها بالجلاليب
الملونة والطواقي العاملة كيف ما عارف..
ناقشت هذا الموضوع مع أخوة كثيرين وعلقت على الألوان الجديدة العجيبة الغريبة..
وبقول ليهم دائما وين الجلابية البيضاء والعمة والطاقية الزمان؟
بيقولوا لي الزمن إتغير وكل حاجة إتغيرت..
قلت ليهم: غيروا أي حاجة تانية علي كيفكم.. لكن (خلقاتنا) ديل ما تهبشوهن..
غايتو الجلاليب والطواقي الملونات ديل مكجنهم.. وحالف ما ألبسهم أبدا.
يا خي تلقى واحد لابس ليهو جلابية وطاقية طقم ألوان صارخة
ذي الكاشحين فيهو كركدي.. وآخر لون جلابيتو وطاقيتو ذي الطوبة المحروقة.
في صلاة عيد الفطر المضى كنت لابس جلابية سمنية ومقنطر عمة بيضاء
ومعاها عباءة سمنية وماسك عكاز.. تصدق كل السودانيين وباقي العرب
عندنا هنا كانوا بيسلموا علي بإحترام شديد.. تفتكر لو كنت لابس واحدة
من نوع الملون ديك كان في حد جاب خبري؟
كدي عليك الله شوف الوجاهة وسماحة اللبس في صورة أخونا الوجيه تحت..
يا جماعة بالله في وجاهة وجمال لبس أحسن من كدا؟
والعجب لما تكون معاها عباءة سمنية.. يا أبووووي.

واللي نسى جديدو تاه.

http://www3.0zz0.com/2007/12/03/21/98624193.jpg

[moh_alnour]

عمدة والله
يا أستاذنا عزيز عيسى

[مرتضى يوسف العركي]

استاذنا محمد يوسف
الطرح بقيمة عالية ... اسمحوا لي ان اشبه امر هذا اللبس المزركش كما المهرج ...بلا سيرك
يا جماعة الخير الدنيا كلها لديها ثوابت وبتحافظ عليها وكلما تاخذ زمنا مستقرا بتكون قيمتها عالية حيث ترتبط بالاصالة والجزور وتحقيق الهوية والفلكلور والتراث وكثير من المفردات المثقفاتية التي لا احذقها ....دعوة خالصة ان لا يكون امر هذا اللبس الملخبط فالالوان لاسابق عهد لنا بها والطواقي الملونة لا اصل لها الا في شرق اسيا وليس لدينا شتاء يكفي للبس الملون ثم اخيرا واحد يقدر يعيب لي الابيض ده مالو والله في النية سمح .

[ابو صفاء]

اخي محمد يوسف -( سي آي ايه )
اشكرك مرة اخرى
انت سي اي ايه في فعل الخير
بالنسبة لموضوع البوست
حقيقة عندما أرى انسان بهذا اللبس المزركش
احس انه قد انقص وقاره وهيبته بهذا اللبس
خاصة عندما يكون انسان كبير اما الشباب فأعتقد نوع من التغيير مجاراة لما لموجة الموضة والتغيير كانتشار لبس جيبي شورت في العالم الاسلامي مع الفارق الكبير .
رقم ان البياض هو شعار لبس المسلمين
وعند ما نزل جبريل يعلم الصحابة في الحديث الطويل كان يلبس الثوب الابيض والعمامة البيضاء
فلباسنا تراث اسلامي قبل ان يكون سوداني
وفلنحافظ عليه

[صديق بلال]

ظاهرة الجلاليب الملونة والطواقي المزركشة ظاهرة غريبة تفشت وسط الشباب بصورة كبيرة فالزي القومي السوداني هو الجلابية البيضاء أو السمني الفاتح فقط والعمة للرجال الكبار والطواقي للشباب صغار السن.

طيب خلينا لبس العمة صعب علينا ولفها شغلانة وغالية كمان وما عملية حكاية الجلابية الملونة والطاقية الملونة دي شنو؟

والغريب في العيد لفيت لمن فترت في السوق علشان أشتري جلابية بيضاء وطاقية بيضاء ما لقيت غير جلاليب البهجة وطواقي البهجة هاهاهاهاها

طبعاً تسمية جلاليب البهجة وطواقي البهجة دا ما أسم حقيقي موجود بس من بنات أفكاري لكن مش مظبوط مية المية ؟؟
يا
حبيبنا محمد يوسف...
العملية لا تكمن في اللبس فقط...
فالناس إتجهوا لتقليد الغرب في الملبس والمأكل والمشرب... حتى في عملية المشي... والإتيان بالمصطلحات العجيبة في اللغة... حتى التغيير تم في شكل الإنسان من تسريحة الشعر إلى وضع العدسات اللاصقة في العينين إلى تلميع البدن ووووإلخ...
فعملية اللبس سهلة إذا تغيرت ألوانها فلا حرج في ذلك...
فاللبس الملون قد يناسب فترة الشتاء...
ونجد أن التغيير ليس في اللبس السوداني فقط... فتعالوا وشاهدوا أن االزي السعودي قد تغير كليا فهناك النقش والتطريز في الثوب السعودي... فمعظم الشباب السعودي إتجهوا لمثل تلك الموديلات الجديدة...
إلا أن هناك البعض مازال متمسك بالموديل القديم...
فأنا من رأي الشخصي من ناحية الزي السعودي... أجد أن الموديل القديم هو الأجمل....
وعموما أرجو إنني قد أضفت شيئا عن هذا الموضوع... وبالله التوفيق