مدني البتريدوها دي سويتو ليها شنو؟؟؟

[نزار الكاشف]

كلنا من اولاد مدني ،،، وكلنا بنريدها..
بس وحات الله ريدة الخشم دي لا بتودي ولا بتجيب..
يعني مدني النحن بنهاتي بيها دي لو جينا لي الجد مقصرين معاها..

مستشفي تدخل ليهو بي تذكرة... وكل 6 ساعات يكشوكم برة وتاااااني تدخل بي تذكرة الا كان صاحبت بتاع الهدف( لمن مرقنا كانو بتاعين الهدف في الباب ما عارف هسة في منو) ولا تبقي مفتح وتعرف ليك حتة واطية كدة بي وراء تتلب بيها..دة حالتو حق الحكومة.

إستاد وحات الله تقعد فيهو المساطب تهد حيلك ( دة لو ما جاك ضغط وانت بتشوف الأهلي سيد الأتيام بتغلب من خرطوم تلاتة ولا حي العرب)..ويااااااااا حليل زمان.

شوارع الدقداق فيها يكسر التركتر.. الخ

مدني دي بتريدوها ساي كدة بالكلام...

اي زول في همو بس ممكن الناس تعمل ليها وتجيب ليها دعومات وتجيب ليها تمويل وصدقوني دة حصل وانا عارف انو في واحد معانا في المنتدي دة جاب تمويل لي مسجد واتنفذ المسجد وبقي علامة واقفة وشامخة اضافة حقيقية لي امنا الحبيبة.

يلاكم كلنا نحاول نقدم حاجة لي مدني الحبيبة ،، عشان لما يسألوك من وين اللخو( تقول من مدنـــــــــــــــــي)..

وهسه البقول انت من وين عاين لي في جوة عيونو وقول ليهو من ودمدني وخليك مطمن (ياك ود بلد..)

[جنيـــــدو]

مدني ياها مدني ما بتتغير .

والبعض في المنتدى دي حالات شخصية واجتهادات فردية وتكاتف بين الناس .


نتكاتف على أي شيء فيه مصلحة لمدني . وسجلني أول واحد معاك .
















لكن باقي الكلام أحسن تقولوا للوالي .

[نزار الكاشف]

يا ود الجنيد الحبيب..

قول اتنين

[خالد أحمد الصول]

تغيير الحال يكون بالفعل و العمل و المال و باللسان و بالقلب وهو اضعف الايمان
أن تكاتفكم هذا و كتاباتكم هذه لابد أن توصلكم يوما الي مدينة جميلة ... لا تفتروا فالنحاول و نحاول مثل المخترع أديسون 999 مرة فسوف ننجح في المرة الالف

[هيثم عبدالعال]

معاكم معاكم
بس يا ريت تكون نفرة عملية تقدم شئ لمدني
نسمع منكم مقترحات

[hesho]

قول اربعة نشوف المقترحات ونقول بسم الله ونبداء

[محمد حسين (المميز)]

أحييــــــــك يا جـــاري على هذا الأحساس وهذه الكلمــــات

ونتمنى من المسؤوليــن أولا النظر لمدني بعيــن
الطفلــه التي تحتــاج الى رعاية

ونتمنى من كل فرد من أفراد عائلــة مدينة ودمدني
شايف انه يقدر يقدم حاجه تمشي بمدني لقدام يسرع ويتقدم

مره تانيه بشكرك يا نــــزار على الموضـــوع

*-*-*-*-*-*-*-*-*-*-*-*

[DANY]

والله ده كلو تنظير ساى !! يعنى مدنى دى فيها مسؤلين ومحافظ وناس بلديه ومحليات ودنيا وامكانيات !!ماعملوا شىء تجو انتو بالكلام اللى لايودى ولايجيب تعملوا حاجه ؟؟؟ خليكم عمليين وخاطبوا المسؤليين وادوهم مقترحاتكم !!! كان يأخدوا بيها!!!

[ناصر عمر دبيب]

والله كلام مئه ي المئه لكن مدني في حدقات عيوني

[عمر معتصم]

لك التحية اخي نزار علي طرح الموضوع الهام فعلا مدني تحتاج الي عنيه في الشوارع والنظافة نامل ان تصبح مدني اجمل المدن في السودان