زيارة أرض الوطن بعد غيبة طويلة

[عزيز عيسى]

الأخوة والأخوات الأحباب،

السلام عليكم ورحمة الله وبركاته،

لقد فاض بي الشوق وإزدادت لهفة الحنين الى أرض الوطن وتفجرت في دواخلي كل براكين الحب واللهيب المتطاير وعدت لم أحتمل نار البعد والغربة أكثر.. لذلك قررت السفر الى أم المدائن لزيارة الأهل والأصحاب والأحباب هناك لمدة 12 يوما فقط.
وإن شاء الله سأغادر برحلة مباشرة من مدينة هيوستن بولاية تكساس على متن الأماراتية يوم الخميس 12 ديسمبر متجها الى مدينة دبي بالإمارات العربية المتحدة وسأصلها يوم 13 ديسمبر. . وسأظل ما بين مدينة دبي وأبوظبي لمدة يومين فقط ومنها أغادر الى عاصمة بلادي الخرطوم التي سأصلها يوم 15 ديسمبر.
علما بأن الأخ أنيس التوم أيضا سيصل الى مدينة دبي قادما من سيئول – كوريا الجنوبية في نفس اليوم الذي سأصل فيه ونغادر معا الى الخرطوم على نفس رحلة الإماراتية..
هذه فرصة طيبة جدا بالنسبة لي والأخ أنيس التوم أن نلتقي بالأخوان نزار حسن وعروة ود المطامير وعبدالمنعم (زول فردة) وكذلك أخونا ( الزول الشين) خطاب العبيد وباقي الأخوان الأحباب في الإمارات العربية المتحدة.. راجيا أن تسمح ظروفهم بلقائنا.
كما أنني أيضا أعتبر هذه فرصة طيبة جدا للقاء الأخوان والأخوات في كل من الخرطوم ومدني.. ونظرا لضيق فترة زيارتي للسودان أرجو أن ننسق مع بعض لاختيار موعد ومكان محدد حتى نستطيع أن نلتقي بالجميع في مدني خلال أيام عيد الأضحى المبارك.

أرجو إذا سمحتم أن تمدونا بأرقام هواتفكم.. وسأمدكم بالهواتف التي سأتواجد بها لاحقا.

في مدني يمكن الإتصال بي مؤقتا على الهاتف التالي بعد يوم 17 ديسمبر:

915738355
918320043

في الخرطوم من يوم 16 لغاية 17 ديسمبر على الأرقام التالية:

912843780
912551569

مع فائق تحياتي وتقديري

[شبارقة]

استمتع بإجازة سعيدة ..
واتكلم عربي ..
كل الأمنيات،،

[عزيز عيسى]

استمتع بإجازة سعيدة ..
واتكلم عربي ..
كل الأمنيات،،

سعادة المستشار شبارقة،

تحياتي،

ولو إنها إجازة قصيرة لكن أكيد حأستمتع بيها
لما أزور مدني.. على الأقل الواحد يبعد شوية
عن جو الجماعة الرطانة ديل ويتعلم شوية عربي..
ياخي ذكرتني أغنية سيد مكاوي
الأرض بتتكلم عربي الأرض الأرض.
عارف يا شبارقة الأغنية دي ما سمعتها
لفترة تزيد عن العشرين عاما.
وشكرا على شعورك النبيل.

[عوض صقير]

العزيز عزيز

هنيئاً لك بإجازة سعيدة موفقة بأم المدائن بين الأهل والأحباب وأنا بإذن الله ح أكون معاكم بمدنى فى عيد الأضحى ولنا لقاء

[خالد النور]

ربنا يوصلكم بالسلامة ونشوفكم فى الأمارات، وتكون فرصة طيبة للقاء بقية العقد الفريد الذين لم تسنح لى فرصة لقاءهم. حيث أننى إلتقيت فقط بنزار حسن وزول فردة فى لقاء الشارقة.

ورقم الموبايل هو 0507372001
وفى إنتظار إتصالكم

[معروف الجزولي]

العزيز / عزيز عيسي وصلك الله بالسلامه وجعل عطلتك سعاده للاخوان والاصدقاء لكن عشمنا ان تكتب عن هذه الاجازه بكل تفاصيلها بعد ما ترجع لكي ناخذ منها المفيد ليفيدنا عندما نرجع للوطن العزيز-- وكما ارجو ان تبلغ تحياتي لكل من تراه من الاعضاء- ودمت

[نزار حسن محمد]

حباب الخواجه وحباب انيس
نفرش لكم الارض بالبساط الاحمر ونجيب النحاس ونلم الناس ود المطامير بعزف طنبور وبعزف حاجات تانى ربنا يستر ما يغنى لكم لغات
زول فرده بوزع البسمات واكتم الاهات ..
نزار ودحسن بتاع وجهات
خالد النور مواعيده مواعيد خواجات
جيفارا زول حاره
وبقية العقد الفريد
منتظرنكم ..
فى الفسحه خلف المطار جنب حجة التسالى والفول المدمس ما تتاخره وتمشى تخشوا كمان اليابان..الركشه بتاعت انيس بتصل متين والامجاد بتاعت الخواجه بتجى بى شارع دبى ولا ابوظبى
مبايلى 0507877187

[Jamal Elmahi]

الخواجه عزيز ...بختك يا يابا ...وحالتك أريتا حالي ...
خشمك المعووج بالرطانه دا حيكون سنين في الراندوق ...بس أعمل حسابك من شماشة شندق فوق...ما يجيك عكّاز طاير ولاّ سفروق ...وما يأكلوك بدل الباسطه ماروق...وما يركبوك بدل الركشه خازوق....

مشاققه...
ماشي يوم إتناشر في شهر إتناشر وإجازتك إتناشر يوم وشايل إتناشر ألف دولار ...حكايتك شنو مع إتناشر دي!!!؟

ود الماحي

[عزيز عيسى]

العزيز عزيز

هنيئاً لك بإجازة سعيدة موفقة بأم المدائن بين الأهل والأحباب وأنا بإذن الله ح أكون معاكم بمدنى فى عيد الأضحى ولنا لقاء

الأخ العزيز عوض صقير،

أتوق شوقا لمشاهدتكم.

وبإذن الله سألتقي بك في أم المدائن أنت والأخوان خالد الصول
والأخ عوض إبراهيم أبوالمهتدي والأخ نبيل حمدتو وخالد هاشم
والسلامابي وبقية الأخوة والأخوات من أعضاء المنتدى.
وتجد أرقام الهواتف التي سأتواجد بها أعلاه.
مع فائق تحياتي وتقديري.

[عزيز عيسى]

ربنا يوصلكم بالسلامة ونشوفكم فى الأمارات، وتكون فرصة طيبة للقاء بقية العقد الفريد الذين لم تسنح لى فرصة لقاءهم. حيث أننى إلتقيت فقط بنزار حسن وزول فردة فى لقاء الشارقة.

ورقم الموبايل هو 0507372001
وفى إنتظار إتصالكم

الأخ العزيز خالد النور،

شفت كيف بقيت ليكم سبب جاي ألم الأخوان الأحباب..
وربنا يجمعنا كلنا في ساعة خير.

وحتى نلتقي..

مع عاطر تحياتي وتقديري.

[عزيز عيسى]

العزيز / عزيز عيسي وصلك الله بالسلامه وجعل عطلتك سعاده للاخوان والاصدقاء لكن عشمنا ان تكتب عن هذه الاجازه بكل تفاصيلها بعد ما ترجع لكي ناخذ منها المفيد ليفيدنا عندما نرجع للوطن العزيز-- وكما ارجو ان تبلغ تحياتي لكل من تراه من الاعضاء- ودمت

الأخ العزيز معروف الجزولي،

بالتأكيد سأقوم بالكتابة وتدوين ملاحظاتي عن رحلتي للسودان
وإن شاء الله ستكون بالصورة والفيديو أيضا.
وترقب ذلك بعد عودتي مباشرة.
وتحياتك واصله للأخوان.
وشكرا كثير على شعورك النبيل.
مع وافر التحايا العطرة.

[عزيز عيسى]

حباب الخواجه وحباب انيس
نفرش لكم الارض بالبساط الاحمر ونجيب النحاس ونلم الناس ود المطامير بعزف طنبور وبعزف حاجات تانى ربنا يستر ما يغنى لكم لغات
زول فرده بوزع البسمات واكتم الاهات ..
نزار ودحسن بتاع وجهات
خالد النور مواعيده مواعيد خواجات
جيفارا زول حاره
وبقية العقد الفريد
منتظرنكم ..
فى الفسحه خلف المطار جنب حجة التسالى والفول المدمس ما تتاخره وتمشى تخشوا كمان اليابان..الركشه بتاعت انيس بتصل متين والامجاد بتاعت الخواجه بتجى بى شارع دبى ولا ابوظبى
مبايلى 0507877187

أبو سفروق،

واحد شايل سفروق وواحد شايل نبلة.. يا جماعة حرام عليكم!
يعني الواحد لازم يعمل حسابو من بعيد قبل ما يلاقيكم.

يا نزار عايزك أول حاجة تعملها تنبه ود المطامير دا ما يجيب معاهو النبلة ..
الزول دا خايفو يوم يجلي ويقتل ليهو زول ويفتكرو كلب ولا كديس.
لو بيعزف طنبور ويرقص الدليب ما عندنا مانع.. لكن
عزف الحاجات التانية دي ذي ما قلت ربنا يستر
أنا ما بحضرها معاكم.. أحضروها براكم :D
الزول الفردة عبدالمنعم زول أنيق وبسماته مقبولة.
وخالد النور طالما مواعيده مواعيد خواجات.. دا زولي
قلت لي جيفارا زول حارة.. يعني بشيل المديدة. :D
تحياتي لبقية العقد الفريد.
في أبوظبي يمكن الإتصال بي على رقم هاتف الأخ هاشم عبدالعزيز:

0556211794

والى اللقاء.

[عزيز عيسى]

الخواجه عزيز ...بختك يا يابا ...وحالتك أريتا حالي ...
خشمك المعووج بالرطانه دا حيكون سنين في الراندوق ...بس أعمل حسابك من شماشة شندق فوق...ما يجيك عكّاز طاير ولاّ سفروق ...وما يأكلوك بدل الباسطه ماروق...وما يركبوك بدل الركشه خازوق....
ود الماحي

إنت عارف يا ود الماحي الجماعة ديل بي شماشتهم أصلو ما أديهم ليك فرصة يدقسوني..
حأدق ليهم راندوق من النوع السجلي بلي.. أخلي شعر راسهم يطير.
ما تخاف علي حأخليهم ليك بدل يتكلموا راندوق يغلبوا يتكلموا إنجليزي وكمان فصيح.
وأطلعم ليك أي كلام..
بس إنت أصبر لي لغاية ما أرجع وأديك الخبر.


مشاققه...
ماشي يوم إتناشر في شهر إتناشر وإجازتك إتناشر يوم وشايل إتناشر ألف دولار ...حكايتك شنو مع إتناشر دي!!!؟
ود الماحي
الغريبة يا جمال بقول يا ربي أنا ليه بشوف إتناشر إتناشر..
وكمان معاها جنس كبكبة.. خليها بس ساكت.
أتاري إنت إكتشفت المسألة دي وأنا ما جايب خبر..
تصدق برضو حأخرج يوم السفر من المكتب الساعة 12
برضو لاحظ للولد البيضقل في الكورة في البروفايل بتاعي تحت
تلقاهو بيضقل 12 مرة وبيتوقف.
يا للصدفة. :eek:

[عزيز عيسى]

وين ناس مدني؟
ما عندكم نية تلاقوني؟

[صالح ابوشوارب]

وين ناس مدني؟
ما عندكم نية تلاقوني؟


الاخ عزيز عيسي
اولا والله فرحان ليك وكنت اتمنى ان اكون معك .. لان اللقاء فعلا كان حيكون ليه طعم جميل .. ولكن نسأل الله ان تجد كل الاهل بخير وصحة جيدة .. وللمعلومية تصديقا لقول الاخ جمال الماحى .. انت قصتك حتكون مع العدد 12 في السودان جميلة جدا .. اولا البرتكان بالدستة .. جنى الجداد بالدستة .. والكبابي بالدستة .. وهل الدستة دسته

[ابوزيد محمد نور]

افو كيفن ماعايزين نلاقيك احنا فى انتظارك فى ام المدائن يااستاذنا عزيز عيسى وهلا ومرحبا بك وانشاء الله اجازة جميله بأذن الله

وهذه هى ارقامى داخل ودمدنى

الجوال : 0912530990
المكتب :0511850155 - 850152
وصف المكتب : عمارة عباس كنين شركة بلو لخدمات الكمبيوتر المحدودة شارع المحطة مع الجمهورية

[عزيز عيسى]

الاخ عزيز عيسي
اولا والله فرحان ليك وكنت اتمنى ان اكون معك .. لان اللقاء فعلا كان حيكون ليه طعم جميل .. ولكن نسأل الله ان تجد كل الاهل بخير وصحة جيدة .. وللمعلومية تصديقا لقول الاخ جمال الماحى .. انت قصتك حتكون مع العدد 12 في السودان جميلة جدا .. اولا البرتكان بالدستة .. جنى الجداد بالدستة .. والكبابي بالدستة .. وهل الدستة دسته

العزيز أبو الله جابو،

والله يا صالح برضو كنت بتمنى إني إلتقي بيكم..
قبل أن أحدد موعد لسفري كنت بقول يا ربي أسافر عن طريق أي بلد..
في البداية كنت عايز أسافر عن طريق السعودية علشان تكون فرصة ألتقي بي ناس السعودية بحكم
أن الغالبية العظمي من أعضاء المنتدى متواجدة في السعودية.. لكن تذكرت موسم الحج وغيرت رأيي..
تاني قلت أسافر بالخليجية وأنتهزها فرصة للقاء ود المأذون وبقية الأخوة في البحرين..
لكن إتضح لي إنو الخليجية بتتوقف في محطات كثيرة لذلك غيرت رأيي..
في النهاية الحظ ضرب لأن الإماراتية حتسيير رحلات جديدة مباشرة من هيوستن
الى دبي بدون توقف 15 ساعة وعشرة دقائق إعتبارا من 3 ديسمبر لذلك فضلت أسافر عليها.
أما حكاية العدد 12 إحتمال يكون رقم الحظ وبتمنى إنو تكون رحلتي الى السودان موفقة.
لكن كلمة دستة دي أعتقد بيرجع أصلها الى التركية..
أما الكبابي بالدستة دي كدي نسأل عنها الفردة ودالصول كان ببيعها زمان قدام الإسبتالية بي كم؟..
إنت عارف يا صالح ود الصول دا تلقى كان من النوع بتاع الصلبطة لو الزبون كسر كباية
ببقى ليهو في رقبتو إلا يغرمها ليه :D
يا صالح ما عارف حكايتي مع القزاز شنو.. المدام كلما تضع إناء زجاجي على كاونتر المطبخ
بمجرد ما أدخل على المطبخ وبطريقة غير مقصودة تلقاني (طقشتو) كسرتو.. هسع لي مدة منعوني
ما أجي حتى ماري بجمب المطبخ خالص.. أعاين وأشمشم من بعيد.. ولو عايز حاجة إلا أشر بأصبعي.

[عزيز عيسى]

افو كيفن ماعايزين نلاقيك احنا فى انتظارك فى ام المدائن يااستاذنا عزيز عيسى وهلا ومرحبا بك وانشاء الله اجازة جميله بأذن الله

وهذه هى ارقامى داخل ودمدنى

الجوال : 0912530990
المكتب :0511850155 - 850152
وصف المكتب : عمارة عباس كنين شركة بلو لخدمات الكمبيوتر المحدودة شارع المحطة مع الجمهورية

الأخ العزيز أبوزيد،

سجلت أرقام الهواتف وإن شاء الله بمجرد ما أصل ود مدني حأتصل بيك..
ربنا يجمعنا كلنا على خير.

مع تحياتي لبقية الأخوان.

[ناصر عمر دبيب]

ربنا يوصلك بلسلامه الاخ عزيز وفقك الله

[بدر الدين محمد]

نقلنا التللفونات وتلفوني 0121712100
الخرطوم
مرحب بيك

[114]

يا عزيز دنيانا

تصل بالسلامة
وتلقى اهلك سالمين وتامين
وتتهنى بتراب الوطن العزيز

ويبدو لي اننا حنلاقيك في الإمارات، لأني واسرتي بمشيئة الله ماشين لعرس خال الأولاد هناك، وهو جاي من قارتكم برضو، بس شمال ليكم شويه، من كندا، وقد نصل الامارات قبلكم، احتمال يوم 13 او 14 واخدت تلفونات نزار وخالد، واكيد حالأقي واحد منهم ويدلوني عليك، وبالتالي تكبر اللمه..

وعاشت مدني
وعاش اهل مدني

[خالد أحمد الصول]

فرح مسرور حتي الثمالة ... و أكاد أن افنجط من الطرب لانني سوف القاكم ... أغدا ألقاكم ... يالشوقي و إحتراقي لهذا الموعد ... نراكم و نمني أنفسنا بلمة لذيذة يحسدنا عليها كل الناس و يغازلونا في الشوارع ... الان بين ظهرانينا صلاح و د الطاهر و غدا عوض صغير و بعد غد إنت و أنيس ... يا لروعة القدر الذي سطر هذا اللقاء .... سوف تكونوا برنامجنا الايام القادمات و سوف نكون كواكبكم تضي لكم الطريق ... ابوزيد و رضا الوالدين ... أنا و الاكسنت ... و ود الطاهر و الركشة ... و ما يقولوا ليكم الحمي النزفية و ما تضبحوا ... ما في سما عقب النار
الدراسات العليا - كلية الطب الطابق الثالث
0912641167
852421 المكتب
وراجنكم ... و الحمد لله أنو كندا ما فيها طواقي ولا سبح
أصلو ود الطاهر كتر لينا منها و اخوكم نزار ابوسفروق جاب لينا مصحف سارقو من جامعو الجديد
راجنكم

[عثمان جلالة]

ان شاء الله تصل بالسلامة والله يعينك على كترة ال لاندنق والتيك أوف

وان شاء الله تلقى الأهل تامين ولامين

[بنت الرفاعي]

بلادي تحيي وتفرح وتفتح يديها لكل قادم إليها من بعيد أومن قريب...
بلادي بلاد العزة والشهامة والكرم الشايلة أهلها فوق راسه...
فمرحبا بك صاحب الدار إلى دارك...:)

[معتز حمدتو]

عمنا الخواجه سلامات ومراحب بيك في الامارات والسودان واتمني إن لم تسمح لنا الظروف بمقابلتك في الامارات بان نلتقي في السودان والدعوة لك وود صقير لحضور زواج اخونا ايهاب حمدتو وسوف نكون في انتظاركم بمعية كبيرنا نبيل والاكبر منً ابو نبيل بديارنا العامرنا بلمتكم .

[عزيز عيسى]

ربنا يوصلك بلسلامه الاخ عزيز وفقك الله

الأخ ناصر،

شكرا يا أمير على الشعور الطيب.

[عزيز عيسى]

نقلنا التللفونات وتلفوني 0121712100
الخرطوم
مرحب بيك

بدر الدين إزيك،

إن شاء الله لما أوصل الخرطوم سأتصل بيك..
وأيه رأيك حأسوقك معاي مدني تعيد هناك.

[عزيز عيسى]

يا عزيز دنيانا

تصل بالسلامة
وتلقى اهلك سالمين وتامين
وتتهنى بتراب الوطن العزيز

ويبدو لي اننا حنلاقيك في الإمارات، لأني واسرتي بمشيئة الله ماشين لعرس خال الأولاد هناك، وهو جاي من قارتكم برضو، بس شمال ليكم شويه، من كندا، وقد نصل الامارات قبلكم، احتمال يوم 13 او 14 واخدت تلفونات نزار وخالد، واكيد حالأقي واحد منهم ويدلوني عليك، وبالتالي تكبر اللمه..

وعاشت مدني
وعاش اهل مدني

يا سلام يا عمر يبقى يوم عيد عديييل..
معنى ذلك حتلاقينا حفلة في نصف طريق السفر
غايتو أنا وأخوي أنيس جاهزين (للسكسكة)..
وبعدين ما تنسى كمان العريس من عندينا
كندا إمريكا كلو واحد..
وبقول لناس الإمارات حظكم جينا نتلم عندكم..
والمجد والخلود لأهل مدني.
وكل من أحب مدني.

[عزيز عيسى]

فرح مسرور حتي الثمالة ... و أكاد أن افنجط من الطرب لانني سوف القاكم ...

هههههه.. لا حول يا خالد ضحكتني بكلمة أفنجط دي لغاية ما قربت أقع من الكرسي..
يازول ذكرتني بنكة واحد أخونا إسمو د. أحمد خير كان معانا هنا في هيوستن
والآن هو في واشنطن العاصمة.. أحكي ليك النكة:
كنت أنا والدكتور احمد خير ماشين في الطريق.. وفجأة زاد سرعته في المشي
قلت ليه يازول مالك مستعجل كدا لاحق شنو؟
دكتور أحمد ضحك وقال لي: لما كنت صغير جاتني كحة (كتكوتة)..
واحد في الحلة نصح بشراب لبن (الحمير) الله يكرمك..
شربوني لبن الحمير.. أها من ديك ولي هسع بقيت أفنجط.
أنا ضحكت في كلمة أفنجط دي لمان قعدت في الواطة.



الان بين ظهرانينا صلاح و د الطاهر و غدا عوض صغير و بعد غد إنت و أنيس ... يا لروعة القدر الذي سطر هذا اللقاء .... سوف تكونوا برنامجنا الايام القادمات و سوف نكون كواكبكم تضي لكم الطريق ... ابوزيد و رضا الوالدين ... أنا و الاكسنت ... و ود الطاهر و الركشة ... و ما يقولوا ليكم الحمي النزفية و ما تضبحوا ... ما في سما عقب النار


يا سلام بالله الناس الجميلين ديل كلهم حيكونوا هناك..
وما تنسى إحتمال نزار حسن (أبوسفروق) برضو يحضر
العيد في مدني.. وما عارف منو تاني.
يا للسعادة ويا للهناء.. ربنا يجمعنا كلنا على خير
غايتو ود الماحي ما محظوظ.
يازول حمى تسوي لينا شنو مع الجمع الطيب دا كلو..
جايين قاطعين ليها بحار ومحيطات وفيافي وغيره.
نتكل على الله.. نضبح ونشوي بالنار جيد وناكل..
والزارعها الله في الحجر بتقوم..


و الحمد لله أنو كندا ما فيها طواقي ولا سبح
أصلو ود الطاهر كتر لينا منها و اخوكم نزار ابوسفروق جاب لينا مصحف سارقو من جامعو الجديد
راجنكم
حلوه يا خالد.. حأجيب ليكم معاي جليد وبرنيطة خواجة.. ينفع؟
وأبو سفروق دا أنا خايفو يلطش إمام الجامع ذاتو يجيبوا ليكم.

[عزيز عيسى]

ان شاء الله تصل بالسلامة والله يعينك على كترة ال لاندنق والتيك أوف

وان شاء الله تلقى الأهل تامين ولامين

الزول الجميل الأديب عثمان جلاله بشحمو ولحمو..

أيه الهنا اللي أنا فيه دا.. يا أنيس أخوي ما تجي تساعدني
في الرد على الناس الجميلين ديل.

أخوي عثمان.. ما تخاف على.. أخوك (نجيض)..
إخترت طيران الإمارات علشان إتفادى
عملية الهبوط والإقلاع الكثيرة دي..
اليوم 3 ديسمبر أول رحلة حتبدأ لطيران الإمارات من هيوستن
مباشرة الى دبي.. ورحلتنا يوم 12 حأكون معلق في الجو 15 ساعة
يعني الواحد ينوم ويقوم برضو يلقى نفسو لسع محلق في السماء.
ومن دبي حنطير على الخرطوم يعني توقف مرة واحدة فقط..

صدقني.. أخوك (فيري إكسيتت) لأني حأقابل أكبر عدد من أعضاء المنتدى.

وتشكرات كثير.. وربنا يجمعنا بيكم إنتم أيضا.

[عزيز عيسى]

بلادي تحيي وتفرح وتفتح يديها لكل قادم إليها من بعيد أومن قريب...
بلادي بلاد العزة والشهامة والكرم الشايلة أهلها فوق راسه...
فمرحبا بك صاحب الدار إلى دارك...:)

يا سلام عليك يا مرام..
أشكرك كثير على الكلمات الرائعة وعلى شعورك الطيب.
متشوق كثير لما أصل حدود مدني إني أشاهد اللوحة الكبيرة
المكتوب عليها:
إبتسم أنت في مدني..
دار أبوي ومتعتي وعجني.

[عزيز عيسى]

عمنا الخواجه سلامات ومراحب بيك في الامارات والسودان واتمني إن لم تسمح لنا الظروف بمقابلتك في الامارات بان نلتقي في السودان والدعوة لك وود صقير لحضور زواج اخونا ايهاب حمدتو وسوف نكون في انتظاركم بمعية كبيرنا نبيل والاكبر منً ابو نبيل بديارنا العامرنا بلمتكم .

العزيز معتز حمدتو،

عرس في أبوظبي وعرس في مدني..
يا جماعة ما قلت ليكم ود الماحي ما محظوظ؟

يا معتز لا أدري كيف أعبر لك عن منتهى سروري وغبطتي..
إنتم أناس عزاز علينا.. دعوتكم مقبولة.. وإن شاء الله
سأحضر زواج إيهاب.. ربنا يتمم بالخير..
وعقبال الباقين.
مع تحياتي لأبو نبيل والأخ نبيل والى كافة أفراد عائلة حمدتو

[فدوى الحسن]

وانا حاسبقكم لمدني يوم يوم بإذن الله ...

[مرتضى يوسف العركي]

اهلا وسهلا بالفرنجي عزيز عيسى
اهلا بالخواجة على النيل .. على شتول المحنة الشبت فوق الجروف لنخلة متكيئة مع الموجة الصباحية بتطلع من غابات ووديان .... لكم طبول تدق وساحات لفرح تنور وتجمل لقدومكم ممشى فامشي معاها خطاكم حتما ستكون الالفة والوحشة
وايقن لا البتلقاهو بيعرفك ولا تعرف معاها نفسك هذا الوطن برغم كل شيء ...فالوطن لا يعلى عليه ..
اتمنى لكم اجازة ممتعة ....وللاسرة والاهل ....مارنجان سودان سبعة لغات والثامنة ابتسامة تضاف لمدني التي تطالبك لتبتسم منذ الان ..دعني اقول لكم لا تحسب الابتسامات .....لكم الود

[انيس التوم]

اخوي الغالي العزيز خواجه معليش في التاخير والله كنت الايام الفاتت في تايلاند في شغله صغيرة كده لكن علي موعدنا انشاء الله دبي لكن ياخوي اخي 12 يوم شنو انا هنا اخذته اجازة طويله والله وجمدتة حاجات كتيرة خلاص عشان نقعد اطول فترة في مدني لانوا تاني ما معروف الظروف
علي العموم مافي عوجه انا ظبته الاوضاع مع ود المطامير وبتصل بباقي الاخوة نزار وخالد وحيفار وبتصل عليك انشاء الله ما ناسيك
تخريمه
لكن الكمونية يا خواجه راحت علينا صدق ولحمة الصاج الله غالب

[انيس التوم]

اخوي عزيز عيسى
طبعا الضحية طارت عشان كده انا شايل معاي زي 10 كليو اخطبوط حكاية مبالغه عارفك ما بتكل الحاجات دي لكن اسمع كلامي والله حكاية مبالغه فيها انا مجرب الشغل ده وعلي فكرة ممكن نعملوا دمعة كويس او اقاشي او شية بالطوة او كباب المهم خليك عامل حساب الحاجه دي ولمن نصل دبي انشاء الله حاعمل ليك عينة صغيرة كده تشوفها وتدني رايك
تخريمة
والله بتصل عليك بس شنو مسالة زمن لاني الايام دي خارج سئول اوكي

[نزار حسن محمد]

ولمن نصل دبي انشاء الله حاعمل ليك عينة صغيرة كده تشوفها وتدني رايك

انيس الذيذ
اهم شى لمن تصل دبى تعمل لنا عينه
وقالووو العينه بينا ..غايتو انا بغمض عينى
وباكل المشكله فى ود المطامير لو عملت ليه
شية كدايس بياكله ..
نحن فى الانتظار

[ود المطامير]

يا نزار عايزك أول حاجة تعملها تنبه ود المطامير دا ما يجيب معاهو النبلة ..
الزول دا خايفو يوم يجلي ويقتل ليهو زول ويفتكرو كلب ولا كديس.
لو بيعزف طنبور ويرقص الدليب ما عندنا مانع.. لكن
عزف الحاجات التانية دي ذي ما قلت ربنا يستر
أنا ما بحضرها معاكم.. أحضروها براكم :D


هع هع هع هع
عمّى الخواجه .. والله مستنين جيتك بفارغ الصبر
لا لا لا ما تخاف ما بجلى عشان نبلة أبوظبى شغاله
بالريمونت كنترول والتصويب بالأشعه فوق الحمراء

زمان ود أبرق بيعمل لى فيها تفتيحه
يرك فى الغصن ويعمل فيها يزقزق وما شايفنى
ومجردما أمط النبله وفى اللحظه اللى بفك الحجر هو يشتت
أها .. أنا زاتى بقيت ألعب بورقه .. وبقيت بضاريهو بصفق الفروع وبعمل ما شايفو
وأنيشو وأجيبو الواطه يدردق
هع هع هع هع هع

[عزيز عيسى]

وانا حاسبقكم لمدني يوم يوم بإذن الله ...

الأخت العزيزة فدوى،

صحبتك السلامة..
وما تنسى تشيلي معاك تمر المدينة المنورة..
بلغي سلامنا للمصطفى صلى الله عليه وسلم.
مع إمنياتي لك بقضاء إجازة سعيدة بين
الأهل في مدني.

[معتز الريح]

الحبيب عزيز عيسى ..
ربنا يوصلك بالسلامة ..

وربنا السنة دي رحمك من صقيع بلاد الفرنجة..
مكسب ..

[عزيز عيسى]

اهلا وسهلا بالفرنجي عزيز عيسى
اهلا بالخواجة على النيل .. على شتول المحنة الشبت فوق الجروف لنخلة متكيئة مع الموجة الصباحية بتطلع من غابات ووديان .... لكم طبول تدق وساحات لفرح تنور وتجمل لقدومكم ممشى فامشي معاها خطاكم حتما ستكون الالفة والوحشة
وايقن لا البتلقاهو بيعرفك ولا تعرف معاها نفسك هذا الوطن برغم كل شيء ...فالوطن لا يعلى عليه ..
اتمنى لكم اجازة ممتعة ....وللاسرة والاهل ....مارنجان سودان سبعة لغات والثامنة ابتسامة تضاف لمدني التي تطالبك لتبتسم منذ الان ..دعني اقول لكم لا تحسب الابتسامات .....لكم الود

أخونا الجميل سعادة المستشار مرتضى العركي،

سلمت أناملك وشكرا كثير على شعوركم النبيل والكلمات الطيبات..

مارنجان السودان لابد من المرور على تلك البقعة الطيبة
التي حملت إقتصاد السودان لفترة من الزمن وزيارة أهلها
الطيبين الحنينين..
بالطبع سأظل محافظا على إبتسامتي من بداية رحلتي حتى يتحقق حلمي
وألتقي بالأهل والأخوان والأخوات والى حين عودتي الى أمريكا.

ودمت لنا أخا مبدعا دائما في منتدى ودمدني ناثرا حروف كلماتك
الرائعة في كل الصفحات.

[عزيز عيسى]

لكن الكمونية يا خواجه راحت علينا صدق ولحمة الصاج الله غالب

هههههه.. كمونية.. إيه رأيك نضرب لحوم وكمونية تمام في أبوظبي لحدي ما نشبع..
يعني نعيد عيد الضحية قبل موعدو وبعد دا نمشي لأهلنا شبعانين.. حامدين وشاكرين..
غايتو خروف الضحية في السودان ممكن أحجز الجلد علشان أمشي أبيعو في سوق الجلود..
عايز أقارن بين سعر الجلد زمان وسعر الجلد حاليا..
وعندي نية أرسل فرق السعر لصالح ود أبوشوارب لأني داخل معاهم في صندوق. :D

والله يا أنيس إجازتي قصيرة.. وقدر ما حاولت أزيدها لكن ما قدرت نظرا لظروف العمل..
لازم نستغل الوقت ونستمتع بإجازة عيد الأضحى في مدني.

توقع مني مكالمة هاتفية قبل أن نغادر الى دبي.

[عزيز عيسى]

اخوي عزيز عيسى
طبعا الضحية طارت عشان كده انا شايل معاي زي 10 كليو اخطبوط حكاية مبالغه عارفك ما بتكل الحاجات دي لكن اسمع كلامي والله حكاية مبالغه فيها انا مجرب الشغل ده
حولا.. يا أنيس 10 كيلو أخطبوط..
كدي وريني دا شركت ليه إنت لوحدك ولا معاك واحد كوري..
يا زول الأخطبوط عندنا موجود لكن ما حصل جربتو..
لأنو قالوا بيعمل آلام في البطن.. وبعدين إنت عايز تمسكني
لواية في نص الطريق أقعد أباري المستشفيات قبل ما أشوف
أهلي؟.. أخوك بيأكل أسماك.. شريمب.. أستاكوزا.. محار..
لكن أبو جلمبو دا الله بيني وبينو.. أنا خواجة لكن أنت أكلو
مع أبوسفروق وود المطامير.. ديل ناس بياكلوا الظلط..


ممكن نعملوا دمعة كويس او اقاشي او شية بالطوة او كباب المهم خليك عامل حساب الحاجه دي ولمن نصل دبي انشاء الله حاعمل ليك عينة صغيرة كده تشوفها وتدني رايك
يا أنيس كلمة أقاشي دي أسحبها بسرعة ناس نبيل حمدتو
وخالد هاشم وباقي الشلة الشرامة لو سمعوها بيجوك ناطين..
الظاهر عليك طباخ ماهر شيء دمعة وشية بالطوة وكباب..
أيوا جهز من الطيبات دي ممكن أكلها.

[عزيز عيسى]

ولمن نصل دبي انشاء الله حاعمل ليك عينة صغيرة كده تشوفها وتدني رايك

انيس الذيذ
اهم شى لمن تصل دبى تعمل لنا عينه
وقالووو العينه بينا ..غايتو انا بغمض عينى
وباكل المشكله فى ود المطامير لو عملت ليه
شية كدايس بياكله ..
نحن فى الانتظار

ما قلت ليك يا أنيس الشرامة بتاعين أبوظبي ديل
بياكلوا أي حاجة؟

[عزيز عيسى]

هع هع هع هع
عمّى الخواجه .. والله مستنين جيتك بفارغ الصبر
لا لا لا ما تخاف ما بجلى عشان نبلة أبوظبى شغاله
بالريمونت كنترول والتصويب بالأشعه فوق الحمراء

يا ود المطامير نبلتكم تطورت وبقت صاروخ باتريوت..
بس حاسب ما تنيش غلط وتجلي الهدف.

[عزيز عيسى]

الحبيب عزيز عيسى ..
ربنا يوصلك بالسلامة ..

وربنا السنة دي رحمك من صقيع بلاد الفرنجة..
مكسب ..

الأخ الغالي معتز،

تصدق أمبارح جيت أدور محرك السيارة في الصباح
لقيت كوم ثلج في الزجاج الأمامي والخلفي (فريز)..
صبيت عليه موية من الماسورة حتى شوية ذاب
والباقي تميتو بالمساحات.
فعلا الإجازة حتكون رحمة من شتاء البلد القارص..
اليومين ديل إبراهيم ما شايفو.. الظاهر عليه متخبيء
من كثرة تساقط الثلوج.. محلنا أرحم من منطقتهم
بمراحل.. الله يكون في عونه..
كدي أمشي أتناول التلفون وأشوف لو عايز مساعدة
(كسير تلج). :D

[امير الليل]

الا يا مسافر لى بلادى بلغ الاحباب سلامى وقول لهم يزداد شوقي لهم كل برهة

ياليتنى لم اغادرك يوم يا وطني

ان شاالله توصل بل السلامه يااستاذنا (عزيز)يا العزيز على قلوبنا:)

ان كان غدا فراق احبتى فيا شمس غدا لاتشرقى

[Jamal Elmahi]

العزيز معتز حمدتو،

عرس في أبوظبي وعرس في مدني..
يا جماعة ما قلت ليكم ود الماحي ما محظوظ؟



ياخواجه أنا كنته بقران لكن هسه حاسدك عديل ...عرسين يامفتري وعيد ضحيه في إتناشر يوم والتحليه ملاقاة الاحبه في أبوظبي والسودان ...ياربي يكون بقوك عمدة هيوستن وأنا ماجايب خبر...
مشاققه...
أنا متصبّر بي مشيتنا في شهر سته ...آآآآي الكيشه قدمو والحقو...وحا أبدأ مكاواتك من شهر أتنين..وحسب آخر الاحصائيات حيكون في خمستاشر عرس في السودان وزواج جماعي وتلاته أعراس في السعوديه ولاجازه أربعين يوم مش إتناشر ...شدّه وغسيل عدّه...

ود الماحي

[انيس التوم]

خواجه جهز شعورك انا اتصلت بالاخ الرائع نزار من سئول وجاهز مويه ونور بالنسبة للعينة انا قررت اعمل معاي شية بتاعت اخطبوط جاهزة بس لمن نصل دبي نسخن وعلي طول ناكل عشان نزار قال العينة بينة وانا جاهز كمان
ود المطامير ياجماعة تلفونوا حلف ما يجي معاي شوفوا لي صرف ياجماعة عشان اتصل بي الراجل ده
خواجه
عندي معلومة جلد الضحية السنة قالوا مافي زول عايز يشتري عشان كده انسى الفكرة سلامات

[عزيز عيسى]

الا يا مسافر لى بلادى بلغ الاحباب سلامى وقول لهم يزداد شوقي لهم كل برهة

ياليتنى لم اغادرك يوم يا وطني

ان شاالله توصل بل السلامه يااستاذنا (عزيز)يا العزيز على قلوبنا:)

ان كان غدا فراق احبتى فيا شمس غدا لاتشرقى

الأخ أمير الليل،

سأبلغ الأحباب في مدني سلامك..
وأحكي ليهم عن شوقك ولهفتك..
الله يصبرك وترجع تشوف الأهل.

وشكرا على شعورك الطيب.

[عزيز عيسى]

ياخواجه أنا كنته بقران لكن هسه حاسدك عديل ...عرسين يامفتري وعيد ضحيه في إتناشر يوم والتحليه ملاقاة الاحبه في أبوظبي والسودان ...ياربي يكون بقوك عمدة هيوستن وأنا ماجايب خبر...
مشاققه...
أنا متصبّر بي مشيتنا في شهر سته ...آآآآي الكيشه قدمو والحقو...وحا أبدأ مكاواتك من شهر أتنين..وحسب آخر الاحصائيات حيكون في خمستاشر عرس في السودان وزواج جماعي وتلاته أعراس في السعوديه ولاجازه أربعين يوم مش إتناشر ...شدّه وغسيل عدّه...

ود الماحي

يا ودالماحي زمان ما قلت ليك فك البايظ وتعال نمشي سواء..
لكن أبيت تسمع كلامي.. شايف الأعراس بتطاقش قدامي كيف.؟..
وإيه رأيك كمان طلع لينا عرس تاني.. ولد خالي عايز يمشي
يعرس في سنار رابع يوم في العيد.. يا ربي أنا في حلم ولا علم؟

متصبر تمشي في شهر ستة..
يوم ستة.. الساعة ستة..
والدقيقة ستة..
وتقعدوا في السودان أربعين ستة. :D
وفعلا شدة وغسيل عدة.
يحلك لما يجي شهر إثنين.. أخوك بيكون جاي راجع تفتيحة
وأزيدك مكاواة.. والزواج الجماعي دا أوعك تجلي منو حتى
ولو بالكورة.. ومبروك عليكم مقدما..
بس الكلام دا ما تسمعه بت البدوي. :D

[عزيز عيسى]

خواجه جهز شعورك انا اتصلت بالاخ الرائع نزار من سئول وجاهز مويه ونور بالنسبة للعينة انا قررت اعمل معاي شية بتاعت اخطبوط جاهزة بس لمن نصل دبي نسخن وعلي طول ناكل عشان نزار قال العينة بينة وانا جاهز كمان
ود المطامير ياجماعة تلفونوا حلف ما يجي معاي شوفوا لي صرف ياجماعة عشان اتصل بي الراجل ده
خواجه
عندي معلومة جلد الضحية السنة قالوا مافي زول عايز يشتري عشان كده انسى الفكرة سلامات

يا أنيس عايز أرد عليك.. لكن لاحظت إنك في الوقت
دا بتكون معلق في الجو.

كدي لما ربنا يوصلك بالسلامة وألاقيك في مدني
بعدين نشوف موضوع جلد الضحية نتصرف
فيه كيف؟
غايتو لو ما في حد يشتري.. حأعملو (بنقز).

[بنت الرفاعي]

أها يا عمنا لسة ماسافرت وقاعد في بلد الخواجات؟؟!!!

[نزار حسن محمد]

نترقب بفارق الصبر وصول الخواجه الجميع على اتم استعداد ..الان الخواجه بكون فى الجو ...
كدى النحكى لكم امبارح مشيت مطار دبى وبقيت واقف منتظر حبيبنا انيس التوم ..طيرته نزلت والجماعه طلعوا وانت يانيس حاتل جوه ..كان بعد شويه اجينى رقم ما بعرفه فى مبايلى
الو مين معاى ..ا
اى يانزار معاك انيس
يازول حمدالله على السلامه
اسمع لك كلام بره المبايل من داخل الصاله
قال دبى قال يازول ماتفكنا
الو انيس يازول مالك
بالله يانزار طلعت اول واحد
من الجوازات اكان اشوف لك واحد عسكرى كده
قال لى يازول هوى انت يازول جوازك ده كل تاشيرات لى تايلاند انت عندك شنو فى تايلاند
اهآ انيس قبل عليه بالنجليزى قال انت مالك ومال جوازى انشاءالله مليان بتاشيرات من الواق الواق ..اهآ والشمطه دورات ..العسكرى قال لى انيس انت مش زول ما تتكلم عربى ..اهآ انيس قاله انا بتكلم كورى كمان ولا انجليزى كان عاجبك ولا ماعجبك ..العسكرى قاله انا ما بخليك تدخل دبى
انيس رد عليه ..هو منوا زاتو داير ايدخل يالله بلا
لمه ..واحتكم ونستنا بقت كله بالتلفون ..وانيس الان فى ربوع بلدى الحبيب ..الله يستر كمان على الخواجه عزيز ..

[بنت الرفاعي]

والله جااااااامد، حرد ليهو البلد وسافر؟؟؟:p
(لكن بيني وبينك كدة يانزار تلقاهو هو ذاتو دايره من الله ماشي السودان بأسرع مايمكن):D:D والله الغربة دي صعبة كيف؟؟؟

[نزار حسن محمد]

والله جااااااامد، حرد ليهو البلد وسافر؟؟؟:p
(لكن بيني وبينك كدة يانزار تلقاهو هو ذاتو دايره من الله ماشي السودان بأسرع مايمكن):D:D والله الغربة دي صعبة كيف؟؟؟

اى والله يامرام الغربه مره حنضل ..غايتو نقول شنوا
انا خايف بكره الخواجه عزيز جاى متحلف ومتنضير كلامه كله
بالراندوق:confused:;) ..ربنا اجيب العواقب سليمه

[بنت الرفاعي]

هو يعني الخواجة جاييكم كدة برضو؟؟
بس مايقوم يعمل زي اخوك أنيس !!!:D

[DANY]

بس اعمل حسابك من الحمى النزفيه!!!

[عزيز عيسى]

نترقب بفارق الصبر وصول الخواجه الجميع على اتم استعداد ..الان الخواجه بكون فى الجو ...
انيس الان فى ربوع بلدى الحبيب ..الله يستر كمان على الخواجه عزيز ..
هو يا أبو سفروق أنا لسه ما تحركت من هيوستن..
الباقي لي حوالي ستة ساعات من الآن وأكون طاير في الجو..
ما تخاف على أخوك معاي الأزرق.. يعني سيد بلد..
أنيس عارف الجماعة ديل ومفروض كان يستخدم معاهم
الدبلوماسية ويتخارج.. لكن الحصل حصل لأنه ربنا
كتب إنه ما يلاقيكم في الأمارات.
يا نزار أنا جاييكم بالأماراتية.. رقم الرحلة 0212 قادمة من هيوستن
وحتصل بإذن الله مطار دبي بمواعيدكم مساء يوم الخميس الساعة 7:35
وبعد ساعتين جاييني ود الماحي يأخذني على المطار.
وحتى نلتقي أترككم في رعاية الله.

[عزيز عيسى]

أها يا عمنا لسة ماسافرت وقاعد في بلد الخواجات؟؟!!!
والله يا مرام لسه ما إتحركت.. الباقي 6 ساعات وأكون في الجو..

[عزيز عيسى]

اى والله يامرام الغربه مره حنضل ..غايتو نقول شنوا
انا خايف بكره الخواجه عزيز جاى متحلف ومتنضير كلامه كله
بالراندوق:confused:;) ..ربنا اجيب العواقب سليمه

إنت يا أبوسفروق غايتو شيل شيلتك معاي..
الراندوق الخايف منو دا حأخته ليك قرض.
بس إنت أصبر لي.

[عزيز عيسى]

هو يعني الخواجة جاييكم كدة برضو؟؟
بس مايقوم يعمل زي اخوك أنيس !!!:D

برضو حأنزل على نفس المطار الذي وصل عليه أخونا أنيس..
لكن ما تشفقي علي.. هي مجرد ظروف حصلت.. وأنيس
ما محظوظ لأنه صادف شخص ما قدروا يتفاهموا مع بعض.

[Jamal Elmahi]

الخواجه حمدالله علي سلامة الوصول ...طبعاَ دي لحظة وصولك وهسه المقالده تكون راقده هبطرش تفك زول وتمسك زول ..والزول البارياهو كديسه دا ياهو زاتو ود المطامير ...والوجيه داك أبوالظرافه ياهو مدناوي بي لحمو وشحمو ..أبو النسب ماهو باين من الضحكه زاتا وقدلتوا ...وصاحبك هاشم ما أتغيّر كتير بس دخل المابتعالج ...
نتمني ليك إقامة طيبه مع تحياتي للجميع....
ود الماحي

[ابراهيم]

يا عزيز حمداً لله علي السلامة
واعمل حسابك من ابوسفروك ولو لقيت طريقة تشوف ليك بودي قارد يكون احسن

[Jamal Elmahi]

يا عزيز حمداً لله علي السلامة
واعمل حسابك من ابوسفروك ولو لقيت طريقة تشوف ليك بودي قارد يكون احسن

أبراهومه الخواجه عندو حصانه دبلوماسيه بموجب القرار 374 من ميثاق الامم المتحده ...ابوسفروق لابتنفعوا قوة دفاع شعبي ولا تعاون دول مجلس الخليج العربي ..وأي عنكبه جنكبه برج العرب بلحق أمات طه ومصنع الشفا ...وتجيب العواقب سليمه يا رب وتهدّي السر ...

مشاققه ...
الخواجه وأنا سايقو علي المطار قال لي الله نسيت أضرب لي إبراهيم ..قلته ليهو من هسه وبقيت تنسي ...وبعد الحمي النزفيه حتعمل شنو!!!!

[ابراهيم]

أبراهومه الخواجه عندو حصانه دبلوماسيه بموجب القرار 374 من ميثاق الامم المتحده ...ابوسفروق لابتنفعوا قوة دفاع شعبي ولا تعاون دول مجلس الخليج العربي ..وأي عنكبه جنكبه برج العرب بلحق أمات طه ومصنع الشفا ...وتجيب العواقب سليمه يا رب وتهدّي السر ...


يعني السفروق وام دلدوم الشلوت الصاموتي راحو شمار في مرقة



مشاققه ...
الخواجه وأنا سايقو علي المطار قال لي الله نسيت أضرب لي إبراهيم ..قلته ليهو من هسه وبقيت تنسي ...وبعد الحمي النزفيه حتعمل شنو!!!!



جمال يا ابوي الخواجة بقى زي التكنو عريس في الكوشة الله يستر ما ينضم ليهم رندوق في المطار يلحقوه اخوه انيس اصلو السفر دة باقي بخلي الواحد مجهجه:D

[مدنيّة]

انتو عم عزيز دا جاي متين !!!
عامل لينا اعلام قبال سنة

يعني الواحد لو عايز يوصيك لبرتقال تجيبه ليه معك ياع عمو عزيز موسمه يكون انتهي

[Jamal Elmahi]

انتو عم عزيز دا جاي متين !!!
عامل لينا اعلام قبال سنة

يعني الواحد لو عايز يوصيك لبرتقال تجيبه ليه معك ياع عمو عزيز موسمه يكون انتهي

مرحب بيك حباب ست البنات ..

عم عزيز اللذيذ من أمس في دبي وسط الاحبه وبكره بصلكم في السودان ...بس نسي كراس الراندوق في مطارنا ..خلي عشوشه تجهز ليهو شويه راندوق يمشّي بيهو حالو ...وكان طعّمتوهو لينا من الحمي النزفيه ينولكم ثواب ...

[ناصر عمر دبيب]

http://www.600kb.com/uploads/4226cc4659.gif (http://www.600kb.com)

[المكاشفى]

عمنا عزيز والصديق انيس
سوف تتكسى ارض المحنه بحله زاهيه
بقدومكم الميمون والف حمدا للسلامه
متمنيين لكم اجازه سعيده بين الاهل والاحباب
0912955214 - 0122484663

[بنت الرفاعي]

حمدالله على سلامتك بين أهلك وأحبابك.

[نزار حسن محمد]

عزيز الوجيه ..الان بين الاهل والاحباب فى ام المدائن سافر يوم امس وبعد لحظات وصل العزيز عمر غلام الله 114 اليومين ديل الامارات تجمع وتطرح فى الاعزاء الاعضاء بجيكم برواقه واحكى لكم ،،،

[المكاشفى]

يانزار تلفونات الجماعه ديل
فى مدنى انيس والخواجه
عزيز لو معاك نزلهم فى البوست

[مدنيّة]

تلفون عزيز يا مكاشفي هو دا

0129515431

تبعا سوداني وخليك سوداااني

[moh_alnour]

ألف حمداً لله
على سلامة الوصول للجميع بدون فرز
وإنشاء الله إجازة سعيدة
بين الأهل والأحباب
في ربوع سيدة المدائن
وعقبالنا يارب