لا ذمة لا ضمير ولا انسانية ياكافي البلاء !!!!!!

[مدنيّة]

خلال مرض ابني جمال تعرفت جيدا علي وحشية المهنة الانسانية
ح ابداء الحكاية من الاول
عاني جمال من الحمي لمدة يومين ذهبت به للطبيب (وهو طبيب ابنائي من خمس سنوات ) في اليوم الثاني قرر ان اذهب به للمستشفي مع اعطاءنا علاجا معينا لمدة محددة ( سبعة ايام )
المستشفي التي ذهبنا لها اليوم الواحد تكلفته (250 ألف جنية سوداني ) للسرير يعني لا داخل فيها العلاج ولا حق الدكتور اللي بيجي اقل من خمسة دقائق وبياخد علي كل جية مبلغ (50 ألف جنية سوداني )
لم اكترث ولم القي بالا للمال
لانه يقينا أي مال فدا الانسان لا حزن عليه ولا اسف
اخرجتنا الطبيبة التي كانت تتابع الحالة وهي بطبيعة الحال الطبيبة المتعاقد معها المستشفي ، اخرجتنا هذه الطبيبة بعد ثلاثة ايام واستبدلت لنا العلاج ( الحقن ) بدواء شراب
حقيقة فرحت جدا ( عشان قعدة المستشفي لا تطاق )
مع اجراءات الخروج اعطونا ما يسمي بكرت الخروج
لم اهتم به باعتبار اني ما ح احتاج ليه تاني

في نفس اليوم بالمساء اتصل علي طبيبنا المعالج الاصلي لكي يطمئن علي صحة جمال
ودهش عندما عرف ان الطبيبة اخرجتنا من المستشفي
ودار جدال بيني وبينه ( باعتبار اني ما درست طب عشان اقدر اتناقش معاها انها تطلعنا او لا )
اتصلنا بالامس علي طبيبنا وطلبنا منه انه نذهب اليه لكي نطمئن علي صحة جمال لا اكثر ولا اقل
فطلب منا ان ناتيه بكرت الخروج هذا لانه يحتوي علي تقرير الحالة
بالله عليكم اتصدقون انه في هذا التقرير تم كتابة ان جمال قد اخذ العلاج ( الحقن ) لمدة سبعة ايام في المستشفي !!!!!
ماذا اسمي هذا ؟ تزوير وفي اوراق رسمية وفي مهنة يجب ان تكون انسانية في المقام الاول ؟ تزوير في علاج طفل لم يكمل شهرة الاول في دنيا الغش والخداع والزيف الا اليوم !!!
الي متي نظل رهائن لاطماع الغير وجشعهم الامحدود ؟
ومن الذي يدفع ثمن هذا وذاك ؟؟
طفل !!!
عمره شهرا ً ؟؟
يالهول ما تاتون به من جرائم يا اطباء السودان
يقينا جزاء من هؤلاء الاطباء
ولكن جزء الجزء هو المسيطر علي صحتنا
يزورون تقرير لكي يخلوا مسئوليتهم عن علاجه اذا – لو لا قدر الله وحدث له مكروها
ضاربين عرض الحائط باي شئ
لا ذمة
لا ضمير
لا مسئولية
ولا يشعرون بمعني ان يتالم طفل امام ابويه
الشئ المحيرني هو لماذ اخرجتنا الطبيبة هذه مع انه استمرارنا في المستشفي بخلي عداها رامي

اسفة لاستخدام هذا اللفظ بس للاسف دي كانت النظرة ولا زالت
العداد بيجيب قدر شنو ؟
وح نستفيد شنو ؟
وداعا لمهنة الطب فيك يا بلادي
ورعاك الله بلطفه وبفضله ياجمال ياابني وحفظك من كل سوء
وحسبي الله ونعم الوكيل في كل طبيب يخالف ضميره ( ان وجد )

[GREY MAN]

اختنا مدنيه
لكي منا كل تقدير واحترام.نسال الله الصحه والعافيه لابنكم جمال.
مسالة الزمه والضمير والمسئوليه عفا عنها الدهر مع وجود دمج مصتلح الربحيه مع المهنه وذلك سببه يعود علي عدم متابعة الجهة المسئوله المانحه للترخيص للمرخص له وربنا يعيننا علي هذه المصيبه...وحمدا لله علي السلامه
ولنا عوده

[منتهى]

]الاخت الغاليه ام جمال الف سلامه لى ابننا الغالى والله فعلا السودان مافيه اى اهتمام بالمريض من كل الاعمار حتى الادويه فى السودان ما شافيه وهى من طريقة التخزين الغير سليمه فى صيدليات الكهرباء قاطعه عشرين ساعه فى اليوم[/وبين هذا وذاك الله اعين ويشفى مرضانا بى قدرته

[ناصر عمر دبيب]

اللهم اشفي كل مريض

[محمد أحمد الشيخ]

الأخت العزيزة مدنية
أولا مبروك مولدنا الجديد وأنشاء إرباء في عزكم ، معافا ومشافي بأذن واحد أحد .( مع إنها جات متأخرة لكين سماح )
أما بالنسبة لتعقيبي لموضوع المستشفي وتخبط الأطباء في بلدي ،،،،،،
الحاجة الوحيدة البقدر أقولا ليك أنشاء الله تكون دي أول وأخر زيارة ليك للمستشفيات ، ،،
وربنا يحفظ أولادك وأولاد البلد كلهم

[نزار حسن محمد]

كله يهون يا أم جمال ..المهم حمدالله على سلامة جمال ..وخروجكم.. سالمين من.. ((الجراحين))؟!

[ابراهيم]

مدنية حمداً لله على السلامة
ربنا يحفظ ليك جمال ويبعد عنه كل شر
ويملا ليك البيت جمال ونضار
أما الذمة والضمير والإنسانية فبقت عملة صعبة
نسأل ربنا العون والعافية

[عثمان جلالة]

أم جمال لك التحية ولا أرى الله مكروها لجمال وامه وأسرته .... وربنا يغطيه ويغطى على العباد .. آآآآمين .. الوضع أصبح صعب .. خاصة والطب دخل معادلة الربحية كما أشار الأخ الرجل الرمادي .... وربنا يصلح الحال ... المهم ولدنا جمال بخير وعلى الخير دائما ... بإذن الله

[محمد حسين (المميز)]

الغاليـــــــــــــه على قلوب الجميـــــــــع
مـــــــــامــــــــا مدنيــّــــــــه

أولا حمدالله عالســـــلامه وألف مبرووووك الود جمــــــــال
ومعليش ولو إنهــا جات متأخره
بعدين ماشاءالله فيهو شبه كبيـــر منك ربنا يحفظه ليـــــك

http://www.m5zn.com/uploads/e908745d0e.jpg (http://www.nua3m.net/vb/)

تاني حاجه مش كويس انها جات على كده وربنا ستر
نحن في البلد ساترنا الله تنظير في تنظير وكأنما الطب أصبح ميكانيكا والمستشفيات ورش
وسبحــــان الله الأطبــاء السودانيين في كل دول العالم هم من أفضل الأطباء في العالم ..

قبل مايقارب العامين توفيت ابنة خالتي بعد ان ذهبت الى المستشفى وهي تمشي بأرجلها لأنها كانت تشتكي من الزائده وقد تقرر لها عمليه وتم إعطائها بنج زايد تسبب في ادخالها في غيبوبه تااااامه لمدة يومين ومن ثم جاء خبر وفاتها..
من تحمــّـــل سبب وفاتها؟
ماهو الاجراء الذي اتخذ ضد من اخطأ؟؟
الأجابه وكأن شي لم يحصــــــــــــــل.

حمداللــــــــه عالســـــــلامه يا ماما انت وجمــــال,,

بالمنــــــاسبه شاااااااااايفك مريخ العــــزه مقنطره فوووووووووق

يكون ياربي الود ده سميتيهـــو جمــال على جمــــــال الوالــــــي,,

http://www.m5zn.com/uploads/2a0e803914.jpg (http://www.nua3m.net/vb/)

ههههههههههههههههههههههههههههههههه

حمداللـــــــه عالســــــلامه

*-*-*-*-*-*-*-*-*-*-*-*

[Madanawi]

حمد لله على سلامة جمال وهذا هو أهم شئ.

ونتمنى ان تطميننا على صحته خلال هذا البوست

بالنسبة لما حدث .. فهو عمل ليس بالجديد وكل

يوم يحدث في شتى بقاع المعمورة .. لانه وللأسف

مهنة الطب أصبحت عند الكثيرين تجارة أكثر من

كونها انسانية .. ألا من رحم ربي.

حفظ الله اولادنا واطفالنا واطفال المسلمين جميعاً.

[النور محمد يوسف]

مدنية ألف حمدا لله على سلامة ابننا جمال وان شاء الله ما يشوف شر ولا يذوق أذى ويحفظ أختيه ...آمين... وهذه رسالة ...نتوقف عندها جميعا.... المسئولية ...الضمير.... الرحمة.... العطاء ...الأكل الحلال.... في حالة انعدام كل ذلك فعلى الدنيا السلام ... ومزيدا من الطرق أختنا مدنية ....فتكوين الرأي العام الرافض لمثل هذه السلوكيات مهم جدا في درء مثل تلكم التجاوزات ... اللهم انا نجعلك في نحورهم ونعوذ بك من شرورهم.... لو أصبحت تلك هي دعوانا نحوهم فبطن الأرض خير لهم من ظهرها....ولات حين مندم

هوني عليك أختي مدنية فالحافظ الله .... فان مع العسر يسرا ... إن مع العسر يسرا
وابدا ما هنت يا سوداننا يوما علينا
وحتما سينفلق الصباح وتنزوي ساعات الغبن وتتلاشى الغبينة

[naz_imam]

الاخت العزيزة ام جمال
حمدا لله على سلامة جمال وميشوف شر انشاء الله ............ ولاتعليق

[معتز الريح]

فعلاً .. لا ذمة .. ولا ضمير .. ولا إنسانية ..
من شريحه أهم مايجب أن تتميز بها الذمة والضمير والإنسانية ..

ولا نملك إلا أن نقول .. حسبنا الله ونعم الوكيل ..

وربنا يصلح الحال ..

[مدنيّة]

اختنا مدنيه
لكي منا كل تقدير واحترام.نسال الله الصحه والعافيه لابنكم جمال.
مسالة الزمه والضمير والمسئوليه عفا عنها الدهر مع وجود دمج مصتلح الربحيه مع المهنه وذلك سببه يعود علي عدم متابعة الجهة المسئوله المانحه للترخيص للمرخص له وربنا يعيننا علي هذه المصيبه...وحمدا لله علي السلامه
ولنا عوده

اذا كنا بنتعامل مه طفل لم يتجاوز الثلاث اسابيع اخي الفاضل من الاطباء بهذا الشكل هل ننتظر من أي جهة أي كانت ان تراجع عليهم ؟
وكله عايز يمشي حاله في بلدنا !!
يعني اعتقد انه حتي لو راجعت الجهات المختصة ما ح تطلع بحاجة لسبب بسيط انهم ح يعرفوا كيف يتعاملوا معاهم بفلسفة مشي حالك ؟
وعجبي

وفي انتظار عودتك

[مدنيّة]

]الاخت الغاليه ام جمال الف سلامه لى ابننا الغالى والله فعلا السودان مافيه اى اهتمام بالمريض من كل الاعمار حتى الادويه فى السودان ما شافيه وهى من طريقة التخزين الغير سليمه فى صيدليات الكهرباء قاطعه عشرين ساعه فى اليوم[/وبين هذا وذاك الله اعين ويشفى مرضانا بى قدرته

تسلمي يامنتهي
وفعلا ماعندنا غير العلي القدير
هو اللي بنلجا ليه وكنا ثقة ويقين
اللهم كن بجوارنا وبجوار كل محتاج

[مدنيّة]

اللهم اشفي كل مريض

اللهم اميييييييين

[مدنيّة]

الأخت العزيزة مدنية
أولا مبروك مولدنا الجديد وأنشاء إرباء في عزكم ، معافا ومشافي بأذن واحد أحد .( مع إنها جات متأخرة لكين سماح )
أما بالنسبة لتعقيبي لموضوع المستشفي وتخبط الأطباء في بلدي ،،،،،،
الحاجة الوحيدة البقدر أقولا ليك أنشاء الله تكون دي أول وأخر زيارة ليك للمستشفيات ، ،،
وربنا يحفظ أولادك وأولاد البلد كلهم

حمدا لله علي السلامة ياباسطة
والبركة في الشوفة ولو كانت بمرض جمال
الله يسلمك ويبارك فيك

اللهم اميييييييييييييين ياباسطة
وربنا ما يحكم علي أي مسلم بمستشفياتنا دي

[مدنيّة]

كله يهون يا أم جمال ..المهم حمدالله على سلامة جمال ..وخروجكم.. سالمين من.. ((الجراحين))؟!

والله يانزار امبارح لما مشينا لطبيبنا الخاص عمل لينا كمية من التحاليل لسة ما ظهرت نتيجتها يعني لسة الواحد ما اطمن علي السلامة دي
بس انا اكتر حاجة بتغيظني في الدنيا دي انك تدفع قروش كتيرة ولا تجد لها ادني مقابل !!
وللاسف ديل ما جراحين
ديل جزارين
والجزارين ارحم

[مدنيّة]

مدنية حمداً لله على السلامة
ربنا يحفظ ليك جمال ويبعد عنه كل شر
ويملا ليك البيت جمال ونضار
أما الذمة والضمير والإنسانية فبقت عملة صعبة
نسأل ربنا العون والعافية

اللهم امين يا ابراهيم
وفعلا دي عُملة الواحد بعد كدا الا يمشي يشوفها في المتحف

[مدنيّة]

أم جمال لك التحية ولا أرى الله مكروها لجمال وامه وأسرته .... وربنا يغطيه ويغطى على العباد .. آآآآمين .. الوضع أصبح صعب .. خاصة والطب دخل معادلة الربحية كما أشار الأخ الرجل الرمادي .... وربنا يصلح الحال ... المهم ولدنا جمال بخير وعلى الخير دائما ... بإذن الله

اللهم امين ياعثمان
واسفي علي المهنة الانسانية التي تحولت لاستثمار ومربح بدرجة لا يمكن ان تتصورها
يعني لو عايز ليك مشروع مضمون عشان ترجع البلد وتستقر ياعثمان فعليك اما ببناء مستشفي او بناء مدرسة !!
عليك الله دا كلام دا ؟؟؟

[مدنيّة]

الغاليـــــــــــــه على قلوب الجميـــــــــع
مـــــــــامــــــــا مدنيــّــــــــه

أولا حمدالله عالســـــلامه وألف مبرووووك الود جمــــــــال
ومعليش ولو إنهــا جات متأخره
بعدين ماشاءالله فيهو شبه كبيـــر منك ربنا يحفظه ليـــــك

http://www.m5zn.com/uploads/e908745d0e.jpg (http://www.nua3m.net/vb/)

تاني حاجه مش كويس انها جات على كده وربنا ستر
نحن في البلد ساترنا الله تنظير في تنظير وكأنما الطب أصبح ميكانيكا والمستشفيات ورش
وسبحــــان الله الأطبــاء السودانيين في كل دول العالم هم من أفضل الأطباء في العالم ..

قبل مايقارب العامين توفيت ابنة خالتي بعد ان ذهبت الى المستشفى وهي تمشي بأرجلها لأنها كانت تشتكي من الزائده وقد تقرر لها عمليه وتم إعطائها بنج زايد تسبب في ادخالها في غيبوبه تااااامه لمدة يومين ومن ثم جاء خبر وفاتها..
من تحمــّـــل سبب وفاتها؟
ماهو الاجراء الذي اتخذ ضد من اخطأ؟؟
الأجابه وكأن شي لم يحصــــــــــــــل.

حمداللــــــــه عالســـــــلامه يا ماما انت وجمــــال,,

بالمنــــــاسبه شاااااااااايفك مريخ العــــزه مقنطره فوووووووووق

يكون ياربي الود ده سميتيهـــو جمــال على جمــــــال الوالــــــي,,

http://www.m5zn.com/uploads/2a0e803914.jpg (http://www.nua3m.net/vb/)

ههههههههههههههههههههههههههههههههه

حمداللـــــــه عالســــــلامه

*-*-*-*-*-*-*-*-*-*-*-*



المميز الله يسلمك
وعودا حميدا
بالرغم من ضيقي الشديد الا انك ادخلت الابتسامة الي قلبي بمهاتراتك المعهودة وبهذه الصورة الخالق الناطق من جمال مابعرفك جبتها من وين ؟ :D


وفعلا الطب عندنا ميكانيكا
ومل دكتور تمشي ليه يول ليك كلام براه
بالله التقول كل واحد بقروه براه
اصلا مافي اتنين ممكن يتفقوا ليك علي تشخيص واحد
والمصيبة انهم ما عندهم لا حسيب لا رقيب
طبعا ما ح نتكلم عن الضمير لانه مافي ( الا من رحم ربي )
ذكرتني بحادثة بت اهلك حادثة المرحوم وليد طاشين
ربنا يرحمهم الاتنين
ويعوضهم شبابهم الجنة
بس في الدنيا دي مافي حق ممكن الواحد ياخده
وحسبنا الله ونعم الوكيل

[مدنيّة]

حمد لله على سلامة جمال وهذا هو أهم شئ.

ونتمنى ان تطميننا على صحته خلال هذا البوست

بالنسبة لما حدث .. فهو عمل ليس بالجديد وكل

يوم يحدث في شتى بقاع المعمورة .. لانه وللأسف

مهنة الطب أصبحت عند الكثيرين تجارة أكثر من

كونها انسانية .. ألا من رحم ربي.

حفظ الله اولادنا واطفالنا واطفال المسلمين جميعاً.


مدناوي الان وفي السودان بالذات مافي حاجة اسمها مهنة انسانية
كله جزر شديد
والادهي والامر انه بلا مقابل
عجبي !!

اللهم امييييييييييين

[مدنيّة]

مدنية ألف حمدا لله على سلامة ابننا جمال وان شاء الله ما يشوف شر ولا يذوق أذى ويحفظ أختيه ...آمين... وهذه رسالة ...نتوقف عندها جميعا.... المسئولية ...الضمير.... الرحمة.... العطاء ...الأكل الحلال.... في حالة انعدام كل ذلك فعلى الدنيا السلام ... ومزيدا من الطرق أختنا مدنية ....فتكوين الرأي العام الرافض لمثل هذه السلوكيات مهم جدا في درء مثل تلكم التجاوزات ... اللهم انا نجعلك في نحورهم ونعوذ بك من شرورهم.... لو أصبحت تلك هي دعوانا نحوهم فبطن الأرض خير لهم من ظهرها....ولات حين مندم

هوني عليك أختي مدنية فالحافظ الله .... فان مع العسر يسرا ... إن مع العسر يسرا
وابدا ما هنت يا سوداننا يوما علينا
وحتما سينفلق الصباح وتنزوي ساعات الغبن وتتلاشى الغبينة

اللهم امين يالنور
المسئولية ...الضمير.... الرحمة.... العطاء
دي سلع ح نمشي نتفرج عليها في المتاحف ان وُجدت
لانه لا مكان لها وسط العالم الذي نعيش فيه الاكل
اما عن
الاكل الحلال
مافي زول بيهتم بيه ( الا من رحم ربي )
المهم انه ياكل والسلام !!!
والمشكلة انه التجاوز اصبح عادة وسلوك
مااعتقد انه ممكن يتغير

[مدنيّة]

الاخت العزيزة ام جمال
حمدا لله على سلامة جمال وميشوف شر انشاء الله ............ ولاتعليق

الله يسلمك
اللهم امين
وفعلا موقف يعجز اللسان عن التعليق عليه

[مدنيّة]

فعلاً .. لا ذمة .. ولا ضمير .. ولا إنسانية ..
من شريحه أهم مايجب أن تتميز بها الذمة والضمير والإنسانية ..

ولا نملك إلا أن نقول .. حسبنا الله ونعم الوكيل ..

وربنا يصلح الحال ..


لا نملك سوي الدعوات بصلاح الحال
ولكن كما ذكرت يامعتز
انه الحاجة دي اصبحت عادة وممارسة يومية وسلوك
عشان كدا هم بيعملوه ويكرروه كل يوم وماحاسين انهم بيعملوا في حاجة غلط
واصعب خطوة في أي طريق ( الخير او الشر ) هي الخطوة الاولي
لما الواحد يتجازوها يبقي خلا مشي في الطريق وسلك فيه تمام التمام
اللهم اميييييييين

[okasha]

نسال الله الشفاء التام للصغير جمال

بعدين ماغريب الكلام دا لانو دراسةالطب الزمن

دا بقت حاجة عجيبة

يعنى عادى تمتحن شهادة سودانية وتجيب 70%

وتقرا طب عادى مع القبول الخاص والجامعات

الخاصة ومع ثورة التاليم العالى

[باسطه]

الأخت مدنية
تحية طيبة

في البداية ألف سلامة للطفل جمال وربنا يحفظوا ويرعاه بعينه التي لاتنام لابعين هؤلاء الأشخاص الذين لايراقبون الله في أعمالهم وفي مسئولياتهم .

في الحقيقة هنالك العديد من المشاكل التي يعاني منها الطب في وطننا والعديد من التهاون الذي يكون سبب في الوفيات والعديد من المشاكل التي لانستطيع تداركها فيما بعد والذي يحكم عليه بأنه قضاء وقدر ونعم بالله أي نعم كل خطوة نخطوها هي مقدرة منه عز وجل ولكن تبقى الأسباب واللامسئولية التي أصبحت شعار الطب في الآونة الأخيرة .
والحقيقة المفروض ما نقول رحم الله الطب في بلادنا
ولتكن العبارة رحم الله الإنسانية في قلوب البعض
وزي ماقلتي المهنة دي قبل ماتكون مهنة علمية هي مهنة إنسانية.

وفي النهاية لايسعني إلى أن نرفع يدينا للسماء ونقول يالطيف

[zukibush]

حبيبتنا الغالية أم جمال
ألف لابأس على جمال وان شاء الله ربنا يحفظوا ويحميهوربنا يكون فى عونكم يا ناس بلدى

[ناصر عمر دبيب]

الهم اشفي كل مريض

[سوباوي]

الغالية .. مدنية ..

لجمال ألف طوق يا سمين يتقلده وإلف وشاح من عافية يغطوا سنين عمره

القادم بإذن الله .. الضمير بوصلة الإخلاص في قلوب كل مخاليق الله .. الطب

رسالة لا تحتمل سوى الصدق ونكران الذات والأمانة .. أن موقف جمال هذا ضمن

جراح كثيرة مثخن بها الوطن ولنا في جمال محطة كبيرة إذ أنه رمز لكل أطفال

بلادي .. وتلك الطبيبة وين بتروح من حق الله .. أنه سيادة التهاون وغياب مبدأ

المحاسبة .. أنها تفاصيل مخيفة تجاهة مهنة شريفة .. طيب هو الواحد لما ما

يكون عندو أمانة في مهنة إنسانية زي دي حيكون عندو أمانة متين ووين .. بلد ..

بلد يا مدنية والغصة في حلقي عذراً فلن أكمل ..

خالص تحياتي وعميق مودتي ..

وألف أمنية بشفاء عاجل للصغير جمال وربنا يحفظو ويحفظك له يا أم جمال .

[مثني ودالعيكوره]

الفاتحه علي الطب..
الفاتحه علي الضمير ...
الفاتحه علي الانسانيه....
الفاتحه علي روح الوطن ....

[المكاشفى]

الغاليه مدنيه الف سلامه لابننا جمال ومعافى انشاء الله
والله كلامك فى محلو وفى الفتره الاخيره
كثر التخبط من الاطباء وفى اجازتى الفائته اى
قبل شهر اينما ذهبت فى ربوع وطنى الحبيب
الناس بتتكلم وبحرقه عن سؤ التشخيص فى البلد
والله انا من كتره ماسمعت ارتعبت ومن كم الاخطاء
وفكرت اكتب عن الظاهره فى المنتدى او مراسله الصحف
بس المشغوليات ....
وقبل سنتين من الان لدى ابن اخت دخل احدى المستشفيات
بحمى وهاك ياتنظير ويا اتهامات قالو بس سحائي وهاك ياكوم
علاج والله جا داخل المستشفى برجليه ابوه حمله دلقان منتظر
يومه ووداهو لى طبيبهم المعالج واداهو علاجات ومتابع معاهو
الحاله بالتلفون يوم والتانى والحال اسوء ونصح الطبيب بان يقابل
كبير اخصائى الاطفال وكما اعتقد اسمه عثمان خلف الله وعندما رأى
الطفل هرول وسعى حثيثا لانقاذه واول ماشافو قال العلاج الكتير اثر على
الكلى افحصو البولينا لقوها رقم خرافى طوالى دخلو غسيل كلى بوحده مستشفى
الخرطوم ومكث بالغسيل يومين وفحص كل ساعه للبولينا بعد ان استقرت واخرجوه
وقال ان الحمى ليس الا ملاريا والان الحمد لله فى احسن حال .......
واستهتار الاطبا اذا كنت متعاقد والله لايكتفوا بان يكشف عليك بس يكتب علاج
ويشوف البعدك الجاى بالكاش ......
والان لدى صديق وهو طبيب اسنان يشعر بألام بالصدر والحوض ومشى للجزارين
وهاك يارطوبه وهاك ياعلاجات وبلا فائده وهو الان بالاردن واتضح انو عندو كانسل
عفاكم الله واسى شغال علاج وحاله متحسنه وربنا يرفعوا
والله يكون فى عونا اذ اصبح اطباءنا كالكماسره جنهم قروش
وانشاء الله جمال مايشوف شر
وعليكم بالقرض والحلبه...

[ناصر عمر دبيب]

اللهم اشفي كل مريض

[moh_alnour]

العزيزة : مدنية ( أم جمال )
ألف حمداً لله على سلامة جمال وربنا يكتب ليهو الصحة والعافية
قالوا البعيش كتير يشوف كتير
مهنة الطب لم تعد مهنة إنسانية
أين ما يسمى بمجانية العلاج وأين التأمين الصحي
فمع إنتشار التعليم الخاص والمستشفيات الخاصة
ظهر ما يعرف أيضاً بالحج السياحي
يا سبحان الله حتى شعائر الإسلام أصبح فيها خيار وفقوس
سلي ما شئتي يا مدنية فهي أخيراً أسئلة ليست للأجابة

[عماد السائح]

الاخت مدنية ام جمال الله يحفظكم جميعا" وهذه الاشياء التي تحكين عنها بتفقع المرارة والله يزيل المحنة ولا يشوفكم مستشفي والله المستعان

[عزيز عيسى]

الأخت مدنية أم جمال
ألف حمداً لله على السلامة
وربنا يحفظ ليكم جمال ويبعد عنه كل شر
ويملأ ليكم البيت جمال ونضار ويزيدكم
سمعة الطب في السودان ترجع في كل يوم
الى الحضيض.. وهي مهنة إنسانية في
حد ذاتها قبل أن تكون مادية.

نسأل الله العافية للجميع.

[ناصر عمر دبيب]

الاخت مديتة حمدلله علي السلامة

[مدنيّة]

نسال الله الشفاء التام للصغير جمال

بعدين ماغريب الكلام دا لانو دراسةالطب الزمن

دا بقت حاجة عجيبة

يعنى عادى تمتحن شهادة سودانية وتجيب 70%

وتقرا طب عادى مع القبول الخاص والجامعات

الخاصة ومع ثورة التاليم العالى

طب يا عكاشة لو فرضنا انهم ديل اطباء المتسقبل اللي شكله ح يكون مظلم جدا
انا الان تجاربي من دكاترة دكاترة
ناس جامعات شنة ورنة زمن كان ليها اسم بنتباهي بيه في العالم كله
ديل نقول عليهم شنووو ؟؟

[مدنيّة]

الأخت مدنية
تحية طيبة

في البداية ألف سلامة للطفل جمال وربنا يحفظوا ويرعاه بعينه التي لاتنام لابعين هؤلاء الأشخاص الذين لايراقبون الله في أعمالهم وفي مسئولياتهم .

في الحقيقة هنالك العديد من المشاكل التي يعاني منها الطب في وطننا والعديد من التهاون الذي يكون سبب في الوفيات والعديد من المشاكل التي لانستطيع تداركها فيما بعد والذي يحكم عليه بأنه قضاء وقدر ونعم بالله أي نعم كل خطوة نخطوها هي مقدرة منه عز وجل ولكن تبقى الأسباب واللامسئولية التي أصبحت شعار الطب في الآونة الأخيرة .
والحقيقة المفروض ما نقول رحم الله الطب في بلادنا
ولتكن العبارة رحم الله الإنسانية في قلوب البعض
وزي ماقلتي المهنة دي قبل ماتكون مهنة علمية هي مهنة إنسانية.

وفي النهاية لايسعني إلى أن نرفع يدينا للسماء ونقول يالطيف

اللهم امين ياباسطة
فعلا رحم الله الانسانية في بلادنا لانه مافي ليها مكان ولا مجال
والجاي اصععععععععب ياباسطة

[مدنيّة]

حبيبتنا الغالية أم جمال
ألف لابأس على جمال وان شاء الله ربنا يحفظوا ويحميهوربنا يكون فى عونكم يا ناس بلدى

اللهم امين
تسلمي يارب علي الدعوات وربنا يتقبل منك

[مدنيّة]

الهم اشفي كل مريض

اللهم امييييين

[مدنيّة]

الغالية .. مدنية ..

لجمال ألف طوق يا سمين يتقلده وإلف وشاح من عافية يغطوا سنين عمره

القادم بإذن الله .. الضمير بوصلة الإخلاص في قلوب كل مخاليق الله .. الطب

رسالة لا تحتمل سوى الصدق ونكران الذات والأمانة .. أن موقف جمال هذا ضمن

جراح كثيرة مثخن بها الوطن ولنا في جمال محطة كبيرة إذ أنه رمز لكل أطفال

بلادي .. وتلك الطبيبة وين بتروح من حق الله .. أنه سيادة التهاون وغياب مبدأ

المحاسبة .. أنها تفاصيل مخيفة تجاهة مهنة شريفة .. طيب هو الواحد لما ما

يكون عندو أمانة في مهنة إنسانية زي دي حيكون عندو أمانة متين ووين .. بلد ..

بلد يا مدنية والغصة في حلقي عذراً فلن أكمل ..

خالص تحياتي وعميق مودتي ..

وألف أمنية بشفاء عاجل للصغير جمال وربنا يحفظو ويحفظك له يا أم جمال .

سوباوي
اسعدتني طلتك وان كانت في بوست يقطر الماً

الطب في بلادي ياسوباي اصبح استثمار
يعني لو فكرت ترجع وتستقر من الغربة زي ما قلت لجلالة افتح ليك مستوصف او مدرسة
وح تجني ارباح خرافية
وعن الضمير
هذا المشترك لا يمكن الوصول اليه حاليا ولا مستقبلا وننصحك بعدم تكرار المحاولة
ولك الله يا وطني
اللهم امييين

[مدنيّة]

الفاتحه علي الطب..
الفاتحه علي الضمير ...
الفاتحه علي الانسانيه....
الفاتحه علي روح الوطن ....

مثني ينقصنا سرادق العزاء

[مدنيّة]

الغاليه مدنيه الف سلامه لابننا جمال ومعافى انشاء الله
والله كلامك فى محلو وفى الفتره الاخيره
كثر التخبط من الاطباء وفى اجازتى الفائته اى
قبل شهر اينما ذهبت فى ربوع وطنى الحبيب
الناس بتتكلم وبحرقه عن سؤ التشخيص فى البلد
والله انا من كتره ماسمعت ارتعبت ومن كم الاخطاء
وفكرت اكتب عن الظاهره فى المنتدى او مراسله الصحف
بس المشغوليات ....
وقبل سنتين من الان لدى ابن اخت دخل احدى المستشفيات
بحمى وهاك ياتنظير ويا اتهامات قالو بس سحائي وهاك ياكوم
علاج والله جا داخل المستشفى برجليه ابوه حمله دلقان منتظر
يومه ووداهو لى طبيبهم المعالج واداهو علاجات ومتابع معاهو
الحاله بالتلفون يوم والتانى والحال اسوء ونصح الطبيب بان يقابل
كبير اخصائى الاطفال وكما اعتقد اسمه عثمان خلف الله وعندما رأى
الطفل هرول وسعى حثيثا لانقاذه واول ماشافو قال العلاج الكتير اثر على
الكلى افحصو البولينا لقوها رقم خرافى طوالى دخلو غسيل كلى بوحده مستشفى
الخرطوم ومكث بالغسيل يومين وفحص كل ساعه للبولينا بعد ان استقرت واخرجوه
وقال ان الحمى ليس الا ملاريا والان الحمد لله فى احسن حال .......
واستهتار الاطبا اذا كنت متعاقد والله لايكتفوا بان يكشف عليك بس يكتب علاج
ويشوف البعدك الجاى بالكاش ......
والان لدى صديق وهو طبيب اسنان يشعر بألام بالصدر والحوض ومشى للجزارين
وهاك يارطوبه وهاك ياعلاجات وبلا فائده وهو الان بالاردن واتضح انو عندو كانسل
عفاكم الله واسى شغال علاج وحاله متحسنه وربنا يرفعوا
والله يكون فى عونا اذ اصبح اطباءنا كالكماسره جنهم قروش
وانشاء الله جمال مايشوف شر
وعليكم بالقرض والحلبه...

الله يسلمك يا المكاشفي
والله الواحد زاتووووو تعب من الكلام عن الاخطاء القاتلة للاطباء
تعرف مرات بفكر انهم مفروض يلغوا ليهم القسم بتاعهم
عشان ما يزيدوهم ذنوب علي ذنوبهم
وبعدين انا بستغرب اللي بيقنع من دكاترتنا بيسافر الاردن وبجي معافي باذن الله وكلام دكاترتنا بيطلع غلط
طب اطباء الاردن ديل درسوا شنو ؟؟ واطباءنا درسوا شنو ؟

[مدنيّة]

اللهم اشفي كل مريض

اللهم اميييين ياناصر

[مدنيّة]

العزيزة : مدنية ( أم جمال )
ألف حمداً لله على سلامة جمال وربنا يكتب ليهو الصحة والعافية
قالوا البعيش كتير يشوف كتير
مهنة الطب لم تعد مهنة إنسانية
أين ما يسمى بمجانية العلاج وأين التأمين الصحي
فمع إنتشار التعليم الخاص والمستشفيات الخاصة
ظهر ما يعرف أيضاً بالحج السياحي
يا سبحان الله حتى شعائر الإسلام أصبح فيها خيار وفقوس
سلي ما شئتي يا مدنية فهي أخيراً أسئلة ليست للأجابة


اللهم امييين يامحمد نور
مجانية العلاج موجودة يامحمد وح اجي ليك عنها من خلال البوست دا بس ح امشي بالتدريج
بعدين المشكلة انك بتدفع دم قلبك بلا مقابل
يعني لو القروش الكتيرة اللي بتدفعها بتلقي مقابلها خدمة خير وبركة
ولينا الله يامحمد نور

[مدنيّة]

الاخت مدنية ام جمال الله يحفظكم جميعا" وهذه الاشياء التي تحكين عنها بتفقع المرارة والله يزيل المحنة ولا يشوفكم مستشفي والله المستعان

اللهم امييين ياعماد السائح
وربنا ما يحكم علي مسلم بمستشفي
يديك الف عافية يارب

[مدنيّة]

الأخت مدنية أم جمال
ألف حمداً لله على السلامة
وربنا يحفظ ليكم جمال ويبعد عنه كل شر
ويملأ ليكم البيت جمال ونضار ويزيدكم
سمعة الطب في السودان ترجع في كل يوم
الى الحضيض.. وهي مهنة إنسانية في
حد ذاتها قبل أن تكون مادية.

نسأل الله العافية للجميع.

اللهم امين ياعزيز
بس انسانية دي الان ماموجودة الا من رحم ربي
وفعلا كل يوم ماشة لوراء
وربنا يلطف بعباده

[مدنيّة]

الاخت مديتة حمدلله علي السلامة

الله يسلمك ياناصر

[مدنيّة]

نواصل في رحلة العلاج بين المستشفيات والاطباء

[مدنيّة]

دي حتة مجانية العلاج يامحمد نور
مستشي حكومي متخصص في علاج الاطفال بالاعمار
كل طابق بعمر معين
احنا طبعا حديثي ولادة الطابق الرابع
اقتنعت تماما انه المستشفي دا افضل مليون مرة من الغرف الفندقية اللي مشيت ليها في الاول
في الصباح بيكون الاطباء المتواجدين اخصائي حديثي ولادة يرأسه استشاري مع عدد خمسة او ستة نواب اخصائي
بالمساء الاطباء المتواجدين عدد اثنين نواب اخصائي + طبيب امتياز
يقموا باستلام الطفل المريض واجراء الكشف عليه بالتشاور مع الاستشاري للوصول لافضل تشخيص
وكل هذا بالمجان واي تحليل يمكن اجراءه داخل المستشفي بالمجان ايضا واي دواء متوفر داخل المستشفي ايضا بالمجان وان كان التحاليل + الادوية ما متوفرة بكثرة واغلب التحاليل لا يوجد امكانية لاجراءها في المستشفي
اهتمام يفوق حدالتصور
اعتقد انه الفرق بين الاطباء هنا وبين اطباء الغرف الغرف الفندقية انهم ديل لسة بتعلموا ( نواب الاخصائي ) عشان كدا بيطلعوا عصارة دراستهم علي المريض ، واطباء الغرف الفندقية يمكن يكونوا بيفتكروا انهم وصلو حد العلم ومافي حوجة يضيعوا زمنهم مع المريض
في جعفر بن عوف الطبيب متواجد معك في أي لحظة احتجت ليه تجده تحت الطلب بكل اريحية واذا استعصي عليه أي شئ يتصل بالاستشاري لياخذ منه المشورة
اما في الغرف الفندقية الاخصائي ياتي لمدة تتراوح بين 3-5 دقائق ويلأخذ عليها 50 الف جنية سوداني

[مدنيّة]

ونواصــــل

[بنت الرفاعي]

أولا حمدالله على السلامة وجمال إنشاءالله إتعافى؟

عارفة ذكرتيني صديقتي كانت دايما بتقول لو ما لقت راس الدكتور مشيب مابتتعالج،
وفعلا طب الزمن ده بقى كلام ساي بس مناداة يادكتور يادكتور.

[عوض صقير]

العلاج

المستشفيات

الطب


دراسة الطب


مسئولية الطبيب



المسئولية الأنسانية للطبيب




كل عنوان من العناوين المذكورة بعاليه

يصلح أن يكون موضوع نقاش ساخن
بدل المواضيع الهايفة بقنواتنا الفضائية



تشكرى أختنا مدنية لطرح هذه المشكلة الحقيقية التى يعانى منها الكثيرين وخاصة الذين ليست لديهم إمكانيات سداد رسوم الغرف الفندقية



( الرحمة والمغفرة للطب والطبيب )

لكم ولنا وللجميع حسن العزاء

[زيزي]

عزيزتي مدنية شفاالله ابنك جمال انشاء الله
فعلا في ناس ماتستاهل المهنة دي
وتقبلي مروري

[مدنيّة]

اكتشفت بعد عمري دا كللللله اني ما عايشة في البلد دا لا في الزمن دا
زمن اجاركم الله منه
زمن يقشعر له البدن
ماساة بمعني الكلمة
كثُر الحديث عن تفشي الايدز في السودان وخاصة في الخرطوم كنت بين مكذب ومصدق
ولكن
يُقال ليس من راي كمن سمع
وللاسف انا رايت بام عيني
رايت خلال تواجدي بالمستشفي كل يوم ياتونا بطفل حديث ولادة ( دم الولادة ) في المستشفي
يجدنوه علي الطرقات فياتي به عسكري للمستشفي لاخضاعه لكشوفات ومن ثم تنسيبه لدار ( اطفال المايقوما )
اطفال اتوا لهذه الفانية وهم يحملون الي مماتهم خطيئة من لم يخاف الله عز وجل
اتخيلوا كل يوم طفل لو حسبنا عدد المستشفيات الموجودة وحاولنا نطلع بنتيجة تقريبية لعدد هؤلاء الاطفال ( متوسط ) ح تتلاشي لدينا أي دهشة او تساؤل عن حقيقة تفشي مرض الايدز في الخرطوم بل بالعكس يمكن نقول عدد المصابين دا ما حقيقي استنادا لمتوسط هؤلاء الاطفال
حدثني احدي المشرفات المتواجدات معانا في المستشفي وهي تتبع لدار اطفال المايقوما انه في احد المرات صادف عدد الاطفال في يوم واحد (30) طفل !!!!!!!!!!!!!!!!!

بالجد ماعارفة اقول شنو
بس نصيحة بقولها لكل بت ولكل ولد
بعد التذكير بمخافة الله
للبت اقول
والدك ما بيستاهل منك كدا انتي بت حلال وعشتي واتربيتي بالحلال وبيكون دفع دم قلبه عشان يعلمك ويربيك ويكبرك عشان كدا ما تجازيه علي حلاله بحرامك
للولد اقول
بس اتخيل ولو للحظة من الزمن انه البت دي اختك
!!!!

الخرطوم ملانة فساد ملانة فساد ملانة فساد بصورة لا يمكن ان يتخيلها عقل انسان

بنستغرب وبنتساءل عن تفشي امراض وظهور امراض لم نسمع بها من قبل ودي الاجابة
دي عمايلنا وربنا بيجازينا عليها وهذا قدمته ايدينا وربنا بيجزاينا عليه
ربنا سبحانه وتعالي ارحم من الام علي رضيعها
لكن اذا ظهر وعم وتفشي الفساد في الارض
يُرسل لنا الله سبحانه وتعالي هذه الامراض عسي ولعل اننا نتعظ ونرجع للطريق القويم

[نزار حسن محمد]

لا حوله ولاقوه الا بالله العظيم ..
لا حوله ولاقوه الا بالله العظيم ..
لا حوله ولاقوه الا بالله العظيم ..

[ناصر عمر دبيب]

سبحان الله العظيم
سبحان الله العظيم
سبحان الله العظيم

[روبش]

الاخت .. مدنية
لكي التحية ..
وسلامة الابن ونتمنى ان يكون قد بلغ العافيه .. ونحمد الله على كل شيء ونعتبرها للابن جمال زكاة جسم .. وهو يدفع ضريبة الوطن من هذه اللحظة .. وعشمنا في مستقبلهم كثيرا واكيد سوف يجدوا احسن وافضل مما وجدنا ولا بده أن يتغير الحال من الاسواء للاحسن ونتمنى ذلك ... ولكن نقول حسبنا الله لمن لا يخافون يوم الحساب .. وكله يا اخت مدنية مدون بالساعة والدقيقة ..

[مدنيّة]

لا حوله ولاقوه الا بالله العظيم ..
لا حوله ولاقوه الا بالله العظيم ..
لا حوله ولاقوه الا بالله العظيم ..

فعلا لا حولة ولا قوة الا بالله يانزار
وربنا يستر علي البلد دي والماشة عليه

[مدنيّة]

سبحان الله العظيم
سبحان الله العظيم
سبحان الله العظيم

ادعي يا ناصر انه ربنا يحفظ بلدنا
ويقيها من كل سوء

[مدنيّة]

الاخت .. مدنية
لكي التحية ..
وسلامة الابن ونتمنى ان يكون قد بلغ العافيه .. ونحمد الله على كل شيء ونعتبرها للابن جمال زكاة جسم .. وهو يدفع ضريبة الوطن من هذه اللحظة .. وعشمنا في مستقبلهم كثيرا واكيد سوف يجدوا احسن وافضل مما وجدنا ولا بده أن يتغير الحال من الاسواء للاحسن ونتمنى ذلك ... ولكن نقول حسبنا الله لمن لا يخافون يوم الحساب .. وكله يا اخت مدنية مدون بالساعة والدقيقة ..

الله يديك العافية ياروبش
ويارب يكون مستقبلهم افضل من الحاضر العايشنه دا

شكرا ليك كتير

اكيد كله مدون بس للاسف الناس ما بتتذكر الحاجة دي الا من رحم ربي

[ناصر عمر دبيب]

امين يارب العالمين

[حبيبة ودمدني]

الله يشفي ليك ابنك يامدنيه ويحفظو ليك

لاكن يامدنيه الكلام دا مابس في السودان هنا في السعوديه في وحصل لي انا شخصيا موقف في ذلك قبل شهر تقريبا
كنت في السياره مع خالي وماشين لي حته برا الرياض حصل لينا حادث كان بصراحه فظيع واضطروا ينقلوني للمستشفى وكنت بنزف من وجهي بشكل ما طبيعي لمن وصلت المستشفى بي سيارة الاسعاف تخيلوا الدكتور قال شنو قال مافي سرير فاضي عشان نعالجه قام خالي قال للدكتور بدفع ليك الدايروا بس اللهم البت ما يحصل ليها حاجه بس من كلمة ندفع زياده دي والله السراير فاااااااااااضيه وكمان كنت في اوضه تلات سراير جمبي فاضيه والحمد لله اتعالجت وطلعت في نفس اليوم واتخيلي علاجي ماكان في اي مستشفى يكلف غير الف ريال سعودي دفعنا اربعه الف وانا حالتي مانومت في المستشفى الحكايه يامدنيه قرووش بس


اهااااااااااااااااااا خلي السودان دي السعوديه


بس الله يكون في العون

[هيثم عبدالعال]

العزيزة مدنية كل عام وأنت بخير نسأل الله أن يبلغ الصغير جمال العافية وأن يمتعه بالصحة وطول العمر ويحفظه من كل شر .
التعميم في مثل هذه الحالات فيه ظلم لفئات تتسم بإنسانيه وتحترم المهنة وتتعامل مع المرضى بذمة وضمير وذلك لا ينفي وجود مثل هذه الفئة الشاذة في كل مهنة وفي كل بلاد الله الواسعه ومثل ما لاقيتي أتمنى أن تحسبيه من فئة الشواذ التي لا حكم لها رغم أنها فعلاً تؤثر سلباً على الشخص وحكمه وتشعره بأن الخير قد إنعدم من الدنيا لا سيما وأن الأمر يتعلق بطفل صغير ليس له حول ولا قوة .
مثل هؤلاء الشواذ نأمل أن يسود تجاههم مبدأ عدم الرأفه والملاحقة بالشكوى لدى الجهات الرسمية مهما كلف الأمر من مشقه وتلتله وأن لا تأخذنا بهم رحمه حتى يكونوا عبرة لمن يعتبر لذا أتمنى منك أن تصعدي الموضوع حتى لا تتجرأ مثل هذه الطبيبة ومؤسستها العلاجية مرة أخرى للتلاعب بمصائر البشر .