أريتا خُمرت السرور

[فتحي همام]

خُمرت السرور

(بابكر) طبيب شاب من احدى مدن السودان النائية، كان حلمه أن يجد فرصة للتخصص، قام بمراسلة كل الجامعات الأوروبية والآسيوية وبعد عام ويزيد جاءته البشرى حيث تلقى مكالمة من أحد زملائه الذين يعملون بإحدى مستشفيات العاصمة البريطانية الذين كان يضع إسمهم كمرجع بأنه قد تلقى خطاباً من احدى الجامعات يفيد بقبوله كطالب دراسات عليا ... كاد صاحبنا يطير من الفرح ولم تسعه الدنيا .. سافر للبلد ليبلغ أفراد اسرته هذا الخبر السعيد الذى إنتظره طويلاً ... ما أن أخبر والدته حتى صاحت فيه قائلة:

- مبروك يا وليدى لكن أكان ما عرست من هنا ما بخليك تسافر لى بلد الخواجات ديل

كان ذلك متوقعا بالنسبة لبابكر فمنذ صغره ربطته علاقة حميمة مع (أمونة) إبنة خالته ... تمت مراسم الزواج سريعاً فى ذات الوقت الذى تسلم فيه (بابكر) الموافقة النهائية من الجامعه .. قام بإضافة (أمونة) إلى جواز سفره ثم قام بختم تأشيرة الدخول من السفارة .. غير أنه لم يجد حجزا مباشرا إلى العاصمة البريطانية بأى خطوط فاضطر للذهاب عن طريق (السودانية) إلى القاهرة ومنها بالبريطانية إلى (لندن) ..

أمام البص المتجه إلى الخرطوم وقف أفراد أسرة بابكر وجيرانهم فى الحلة يودعون (بابكر وأمونة) .. تحرك البص .. البعض كان يبكى والبعض يلوح بيده بينما كانت والدة بابكر تصيح بصوت عال مخاطبة (أمونة) التى كانت تمد رأسها عبر الزجاج خارج نافذة البص :

- الكرتونة الصغيرة ختيت ليكى فيها الشاف والطلح وفتيل (الخمرة) دخلتو ليكى فى (شنطة اليد).

هبطت الطائرة (السودانية) فى مطار القاهرة ولم يستغرق الأمر طويلاً حتى صعد (بابكر وأمونة) إلى الطائرة البريطانية المتجهة إلى لندن .. ما ان إرتفعت الطائرة فى الجو وبدأت (المضيفات) فى تقديم وجبة (الغداء) حتى لاحظت امونة أن (زجاجة الخمرة) التى كانت فيما يبدو غير محكمة الغطاء قد قامت بتسريب كل كمية (الخمرة) التى كانت داخلها وأن الخمرة المتدفقة عملت ليها (دريب) على ممر الطائرة متجهة إلى كابينة القيادة والتى لا تبعد كثيراً عن مقعديهما .. أصبحت المضيفات الخواجيات يقمن بالقفز من فوق (الدريب) وهن يحملن (صوانى الضيافة) وبابكر يشاهد ذلك ويتمنى لو أن تخسف به الأرض .. كان من الممكن أن يمر الأمر بصورة عادية لولا ان الخواجه المسئول عن الأمن فى الطائرة الذى كان يجلس على المقعد الذى يقع خلف كابينة القيادة مباشرة قد حانت منه إلتفاتة نحو رجليه فوجد أن هنالك مساراً من (سائل زيتى) نفاذ الرائحة يقترب متجهاً نحوه ... إمتقع وجه (الخواجه) وجحظت عيناه فقد ظن للوهلة الأولى أن ذلك السائل الزيتى (بنى اللون) ربما يحتوى على نوع من غازات الاعصاب وأن المسألة ربما تكون محاولة إختطاف فتحسس (الخواجه) مسدسه وقام بمتابعة (الدريب) حتى توقف تماما أمام مقعدى (بابكر وأمونة) :

- ما هذا السائل الذى ينطلق من هذا المكان ؟

بعد جهد جهيد قام بابكر بإقناع (الخواجة) بأن ذلك السائل الذى إنطلق من تلك الزجاجة التى أعطاها له لمعاينتها ليس إلا نوعاً من أنواع (العطور) البلدية التى يستخدمها السودانيون وحتى يقتنع (الخواجة) فقد وجدت (أمونة) نفسها لا شعورياً تقوم بسؤال (حاجة) كبيرة فى السن يبدو أنها متجهة لزيارة إبنها المقيم بلندن تجلس على كرسى الممر قريباً منهما:

- عليكى الله يا حاجة كلميهو وريهو دى شنو؟

إنحنت الحاجة وهى على مقعدها و(خرتت) ليها شوية من الخمرة المتدفقة على ممر الطائرة (دعكتها) برفق على (نخرتها) ثم قالت:

- أجى شن الما (خمرة)؟ ... أريتا يا بتى دى (خمرت السرور)!!



(مقال جميل للكاتب الساخر الفاتح جبرا بجريدة الرأى العام)

[ابو صفاء]

الاخ العزيز فتحي همام
لك تحياتي واحتراماتي
دائما مواضيعك لها نكهة خاصة

وانشاء الله سوف نزورك في البيت مع شلة من ابناء الدرجة
اخوك محمد نورالدين

[حبيبة ودمدني]

والله ياجماعه مع احترامي لي كل الحريم انا مابكره شي في الدنيا قدر الخمره السودانيه والدلكا والدخان
اي زول اقول ليهو الكلام دا يقول لي اسكتي كان قلتي الكلام دا ما بيعرسوك دايرا اعرف للدرجه دي الحاجات دي مرتبطه بي العرس؟؟؟؟؟؟

[nasir]

فتحي همام وهنا الشاف والطلح كيف
حبيبة مدني خليك مع ون مان شو الماشاف حاجة
لكم ودي

[فتحي همام]

الاخ العزيز فتحي همام
لك تحياتي واحتراماتي
دائما مواضيعك لها نكهة خاصة

وانشاء الله سوف نزورك في البيت مع شلة من ابناء الدرجة
اخوك محمد نورالدين

الأخ المكرم محمد نور الدين (ابوصفاء)
شكرا على مرورك و اخلا بيك و بشباب الدرجة و كل شباب مدنى فى كل الأوقات وأنا بالرياض حى العليا و ده جوالى # 0560097570
و فى إنتظاركم

[فتحي همام]

حبيبة ودمدني;260349]والله ياجماعه مع احترامي لي كل الحريم انا مابكره شي في الدنيا قدر الخمره السودانيه والدلكا والدخان
اي زول اقول ليهو الكلام دا يقول لي اسكتي كان قلتي الكلام دا ما بيعرسوك دايرا اعرف للدرجه دي الحاجات دي مرتبطه بي العرس؟؟؟؟؟؟[/QUOTE]

خارج النص:
يا إبراهيم و الرجل الرمادي لاحظت إنكم بتخاطبوا (حبيبة مدني) بالمؤنث..
وحبيبة مدني لسانها بيخاطب بالمذكر وأيضا بتحلف أو الأصح بيحلف بالطلاق.
معنى ذلك حبيبة مدني هو وليس هي.عليك/ي حبيبة مدني صححني / صححيني !!!!
ولو أنت مذكر أرجو تغيير الأسم علشان الناس تقدر تخاطبك وما تقع في إحراج.





والله العظيم انا بت وعشان نصحح المعلومه علي بي الخلع ما النسوان بيخلعو ما بيطلقوا
ههههههههههههههههههههههههههههههههههههههههههههههههه

:eek::confused::eek::confused::eek:
يادوب بديت أصدق كلام عزيز :D:D:D وكان حليفتك صاح وبقيتى من النسوان على بى الطلاق مافى سودانى بعرسك بدون خمرة و لا دخان ومن هسة بقول ليك يا بايركس

[فتحي همام]

فتحي همام وهنا الشاف والطلح كيف
حبيبة مدني خليك مع ون مان شو الماشاف حاجة
لكم ودي

:D:D:D

والله عجبتنى فى ردك على حبيبة مدنى
و أسكت ساى يا ناصر والله كان ما الشاف و الطلح عدد سكان السودان كان يكون ربع العدد الهسة ده

[حبيبة ودمدني]

حبيبة ودمدني;260349]والله ياجماعه مع احترامي لي كل الحريم انا مابكره شي في الدنيا قدر الخمره السودانيه والدلكا والدخان
اي زول اقول ليهو الكلام دا يقول لي اسكتي كان قلتي الكلام دا ما بيعرسوك دايرا اعرف للدرجه دي الحاجات دي مرتبطه بي العرس؟؟؟؟؟؟

خارج النص:
يا إبراهيم و الرجل الرمادي لاحظت إنكم بتخاطبوا (حبيبة مدني) بالمؤنث..
وحبيبة مدني لسانها بيخاطب بالمذكر وأيضا بتحلف أو الأصح بيحلف بالطلاق.
معنى ذلك حبيبة مدني هو وليس هي.عليك/ي حبيبة مدني صححني / صححيني !!!!
ولو أنت مذكر أرجو تغيير الأسم علشان الناس تقدر تخاطبك وما تقع في إحراج.





والله العظيم انا بت وعشان نصحح المعلومه علي بي الخلع ما النسوان بيخلعو ما بيطلقوا
ههههههههههههههههههههههههههههههههههههههههههههههههه

:eek::confused::eek::confused::eek:
يادوب بديت أصدق كلام عزيز :D:D:D وكان حليفتك صاح وبقيتى من النسوان على بى الطلاق مافى سودانى بعرسك بدون خمرة و لا دخان ومن هسة بقول ليك يا بايركس [/QUOTE]



::mad::mad:انا بايركس دي اهانه كبيره والله لي منو القال ليك الكلام دا مافي سوداني بيعرس الا بي الحاجات دي انا قلتها قبلي كدا عريسي قاااااااااااااااااعد وسوداني ومتفاهم معاي في الحته دي
يعني انت دقست يافتحي
ههههههههههههههههههههههههههههههههههههههههههههههه

[حبيبة ودمدني]

ويعني الريحه بتاعت الخمره والدخان ديل اساس العرس ولا شنو؟؟؟؟؟؟؟؟؟

[جنيـــــدو]

صدقوني من اول يوم شاكي في ذكورة حبيبة ود مدني !!!!!!!!!!!!!!!!!!!!!!!!{{{{}}}}} ؟

[حبيبة ودمدني]

صدقوني من اول يوم شاكي في ذكورة حبيبة ود مدني !!!!!!!!!!!!!!!!!!!!!!!!{{{{}}}}} ؟




لاياجماعه يعني عشان غلطه طلعتوني ولد

[ابو صفاء]

اخواني اعضاء المنتدى
ان يكتب الاسم مستعار او كنية فهذا شي عادي في كل المنتديات ولكن ان يكون لك حضور في المنتدى بصفة المؤنث وانت ذكر فهذا .................
هذا الامر سوف يكون له صدى غير طيب عند الكثير
اعتقد ان الناس هنا كلهم كبار في فكرهم وطرحهم وجادين واخواتنا المشاركات قمة في كل شي . هذه ثمة هذا المنتدى
فهذا المنتدى يعكس الوجه الحضاري لاهل المدينة والجزيرة عامة
اين المرقبين وما معنى المراقبة

[فتحي همام]

خارج النص:
يا إبراهيم و الرجل الرمادي لاحظت إنكم بتخاطبوا (حبيبة مدني) بالمؤنث..
وحبيبة مدني لسانها بيخاطب بالمذكر وأيضا بتحلف أو الأصح بيحلف بالطلاق.
معنى ذلك حبيبة مدني هو وليس هي.عليك/ي حبيبة مدني صححني / صححيني !!!!
ولو أنت مذكر أرجو تغيير الأسم علشان الناس تقدر تخاطبك وما تقع في إحراج.





والله العظيم انا بت وعشان نصحح المعلومه علي بي الخلع ما النسوان بيخلعو ما بيطلقوا
ههههههههههههههههههههههههههههههههههههههههههههههههه

:eek::confused::eek::confused::eek:
يادوب بديت أصدق كلام عزيز وكان حليفتك صاح وبقيتى من النسوان على بى الطلاق مافى سودانى بعرسك بدون خمرة و لا دخان ومن هسة بقول ليك يا بايركس



::mad:انا بايركس دي اهانه كبيره والله لي منو القال ليك الكلام دا مافي سوداني بيعرس الا بي الحاجات دي انا قلتها قبلي كدا عريسي قاااااااااااااااااعد وسوداني ومتفاهم معاي في الحته دي
يعني انت دقست يافتحي
ههههههههههههههههههههههههههههههههههههههههههههههه[/QUOTE]


:D:D:D:D
مادام كده سحبنا بايركس دى خلاث
ومبروك مقدما وربنا يتم ليكم على خير و يهنيكم و يسعدكم وتغلبيهو بالعيال ويغلبك و يغطيك بالمال قولى آآآآآآآمين

وإبتسمى إنتى فى ود مدنى

[فتحي همام]

صدقوني من اول يوم شاكي في ذكورة حبيبة ود مدني !!!!!!!!!!!!!!!!!!!!!!!!{{{{}}}}} ؟


جنيدو حبيبة حلفت بالخلع ياخى وصدقناها ياخى خليك مؤمن صديق :D:D:D:D

[فتحي همام]

اخواني اعضاء المنتدى
ان يكتب الاسم مستعار او كنية فهذا شي عادي في كل المنتديات ولكن ان يكون لك حضور في المنتدى بصفة المؤنث وانت ذكر فهذا .................
هذا الامر سوف يكون له صدى غير طيب عند الكثير
اعتقد ان الناس هنا كلهم كبار في فكرهم وطرحهم وجادين واخواتنا المشاركات قمة في كل شي . هذه ثمة هذا المنتدى
فهذا المنتدى يعكس الوجه الحضاري لاهل المدينة والجزيرة عامة
اين المرقبين وما معنى المراقبة

الأخ أبو صفاء
عادة ماتكون هنالك مداعبات و مشاكسات وطرف بين الأعضاء فى كل المنتديات و منتدى ود مدنى ليس إستثناء فلا تحمل الأمور أكثر من حجمها
وفعلا الناس فى المنتدى كبار فى كل شئ و جادين ولكن هنالك فرق بين الجدية و الجمود وناس مدنى ياخى مشهورين بأشياء كثيرة و من ضمنها حبهم للطرفة و هذا لا يقلل من شأنهم و فى النهاية
Take it easy:D:D:D

[مرتضى يوسف العركي]

الحبيب فتحي همام :
اريتا خمرة السرور وكذلك البوست بوست السرور يا يما ....
ارتبط كثيرا بكلام الحبوبات الحاني ....فهو مسحة تفك جينات التجهم وما يجب ان نكون دوما ...التحية لكم دوما تنثرون اصل الاشياء والامزجة السودانية المختمرة فينا سلوكا وممارسة واعراف بدونها نبدو غريبي الاطوار والديار وحتى الاسماء ....
تقلبلوا مروري وتحياتي للجميع

[mohammedfatah]

يعنى انتو خليتو الخمرة المدفقة دى ولميتو فى البت المسكينة دى خلونا نشوف طريقة نبعت لى امونة دى شويه صندلية وخمرة فى لندن والله تلاقيها محتاسة تعمل شنو وكمان العريس دا العطور الباريسية غالية هناك

[okasha]

يعنى انتو خليتو الخمرة المدفقة دى ولميتو فى البت المسكينة دى خلونا نشوف طريقة نبعت لى امونة دى شويه صندلية وخمرة فى لندن والله تلاقيها محتاسة تعمل شنو وكمان العريس دا العطور الباريسية غالية هناك


و الله كلامك صاح الجماعة ديل خلوا الاهم ومسكوا المهم



الزولة الفى لندن دى الحقوها ما تتطلق

[okasha]

ويعني الريحه بتاعت الخمره والدخان ديل اساس العرس ولا شنو؟؟؟؟؟؟؟؟؟


ديل اساس العرس زاااااااااااااااااااااااااااااااتو

[فتحي همام]

الحبيب فتحي همام :
اريتا خمرة السرور وكذلك البوست بوست السرور يا يما ....
ارتبط كثيرا بكلام الحبوبات الحاني ....فهو مسحة تفك جينات التجهم وما يجب ان نكون دوما ...التحية لكم دوما تنثرون اصل الاشياء والامزجة السودانية المختمرة فينا سلوكا وممارسة واعراف بدونها نبدو غريبي الاطوار والديار وحتى الاسماء ....
تقلبلوا مروري وتحياتي للجميع

الحبيب و العزيز مرتضى
لك الود و التحايا مقرونة بأجمل الأمنيات وأخلص الدعوات من كركوجى إلى كركوجى اشكرك على مرورك وطبعا أنا تربية حبوبات عشان كدة بحب كلامهن و بحترم تقاليدن و عاداتهن وبالله فى أحلى من ريحة الكبريت(Kabarait)السودانى :p:p:p
وتعرف مرة قريت كلام عن الدخان (بالطلح) إتضح بأنه عادة صحية وبعالج كثير من الأمراض

[فتحي همام]

يعنى انتو خليتو الخمرة المدفقة دى ولميتو فى البت المسكينة دى خلونا نشوف طريقة نبعت لى امونة دى شويه صندلية وخمرة فى لندن والله تلاقيها محتاسة تعمل شنو وكمان العريس دا العطور الباريسية غالية هناك


:D:D:D
محمد والله هناك أى شئ متوفر و الله التمباك موجود و الطلح ياخوى السودانيين ديل محل ما يمشوا بعيشوا و كأنهم فى السودان

[فتحي همام]

و الله كلامك صاح الجماعة ديل خلوا الاهم ومسكوا المهم



الزولة الفى لندن دى الحقوها ما تتطلق


:confused::eek::mad::confused:

:D:D:D:D:D:D

[صديق بلال]

تسلم يا أستاذ همام فتحي على هذه القصة القصيرة والممتعة بما تحمله من طرافة... وياليت أن تكثر منها لأنها تسعد وتشرح النفوس...

[فتحي همام]

تسلم يا أستاذ همام فتحي على هذه القصة القصيرة والممتعة بما تحمله من طرافة... وياليت أن تكثر منها لأنها تسعد وتشرح النفوس...

أستاذنا صديق بلال
لك الود والتحايا و الشكر أجزله على المرور و على كلماتك التى تعكس و تحمل روح كاتبها

[المكاشفى]

اريتوا بوست السرور يافتحى همام

[باسطه]

اريتوا بوست السرور يافتحى همام


هههههههههههههههههههههههههههههههههههههههههههههههههه ههههههههه

والله لي نص ساعة بفكر أقول شنو وكل ماأكتب حرف أقعد أضحك عشان كده حأتمها ليكم ضحك ساااااااااااااااااااااااااااي هههههههههههههههههههههههههههههههههه
هههههههههههههههههههههااااااااااااااااااااااااااااا اااااااااااااااااي
هع هع هع هع ها ها ها ها ها ها ها ها ها ها ها ها

[114]

فتحي همام
يديك الف عافيه وعافيه

ويا حبيبة مدني، السودانية ما بتخلي دخان ودلكه وخومره وكباريت السودان ده مهما تعلمت، ومهما توظفت، ولو مشت دول اسكندنافيا او الصين او استراليا، وفي كل البلاد دي بتلقي السودانيين والسودانيات يعملو الكسره والويكه وما بينسوا الدخان والدلكه، ودي طبيعة السودانيين..
أها يا حبيبة مدني، انتي سودانية؟
ما حأقول ليك انتي ولد واللا بنت!!

[محمد حسين (المميز)]

معليش ياخواااانا
اريتــــا خُمــــــرت الســـــواااااااااااااد
الخلــّــت المنتـــدى ينقلب
حبيبة مدني ,,,


بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد
بت .. لا.. ولد

*-*-*-*-*-*-*-*-*-*