كل واحد يعترف شنو كان يكتب على الطاوله ايام المدرسه ؟؟؟؟

[زيكو منيب]

شنو كان كل واحد فيكم يكتب على طاولته ؟؟

اعترفوا


انا شخصيا كنت ارسم عليها قلب واكتب في الوسط حرف M



واتفنن بالتوقيع ...

كل يوم طالع لي توقيع جديد

و زهجت الولد اللي جمبي كل شوية اساله .. اي توقيع احلى؟؟


المهم مااطول عليكم

دايركم تعترفوا ؟؟

شنو كنتوا قاعدين تخربطوا على طاولاتكم ايام المدرسة


تحيــــــــــاتي

[aborawan]

انا بصراحه كنت برسم قلب ووسط القلب بكتب روان بالخط العريض :)
الاسم ده عشق من 14 سنه

[زيكو منيب]

الله يخليها ليك

[ابوقيس]

انا بصراحه كنت بحب اعمل توقيع

والشي الثاني :

ودائماً بكون برسم في الطبيعه

زي شجره مع طائر ومياه جاريه

والارض مكسيه بالخضره ووووووو

[schizo]

موضوعك فكرتو حلوة يا منيب

وانا عن نفسي بكتب اسامي الأبلات البحبهم في طاولتي......واحيانا بكتب فيها الكلام العايزة اوصلو لصاحبتي الجنبي بدون ما الابلة تسمعنا.....واحيانا برضو بكتب فيها الشرح الجانبي الما بنلخصو في الدفاتر:D

وكل سنة وانت طيب

[حلوه واموره]

موضوع حلوو يا منيب

انا اكتب اسمي بخطوط مختلفه :)

واحيانا انا وصاحبتي نكتب نكت على طاولتنا :D

رمضان كريم

[خالد حمد موسى]

اديك العافيه زيكو..طبعاكنت دايماياارسم يااكتب شعر...والف شكرليك اخ زيكو

[زيكو منيب]

تسلم يا ابو روان
و يا ابوقيس
ويا شيزو
ويا حلوة وامورة
و انت يا خالد

[امير عبدالباقي]

والله يازيكو انا ماكنت بكتب كنت بحفر بالمسمار اسمي واسامي بعض الناس البجي في راسي

[ruby]

انا بكتب زي شيزو كلام للجنبي وتعليقات على البيحصل وهي تضحك ويعاقبوها وبرسم دايما عيون وبكتب اغاني

[الجندي المجهول]

انا بي صراحة كنت بحب اشيل كتب اصحابي وفي اول صفحة مثلا اكتب ليه افتح ص 8 هنك مفاجاة ولما يفتحها يلقي مكتوب افتح ص 22 هناك مفاجاة الي آخر صفحة في الكتاب بيلقي مكتوب يا غبي ضيعت زمنك وعموما والله انت بترجعوا فينا لي زمن بنتمني انو لو يرجع حتي لو دقيقة بنعيشها بكل معانيها . اما عن الادراج والحيطان فليس لي سابق تجربة الا مرة واحدة واتذكرها بشدة وهي اني كنت معجب بي هالة صدقي شديد وكانت مكسراني الكلام دا طبعا زمان وهسع لا مكسراني ولا حاجة كنت بكتب ابو الهل او حرف اتش بالانجليزي وغايتو " طبعا الكلام دا حدو المتوسطة لاني لما دخلت الثانوي العالي الاسم اتغير وكمان التعبير والشخبطة وبرضو القصة اتغيرت لما دخلت الجامعه واقول ليكم سر الان في الغربة برضة اتغيرت وصارت توقيع يحمله الريح وصوت الوشوشه في الباب فالعمر ليهو احكامو ودمتم ، موضوعك جد حلو . سلامي بلاحدود

[امل حياتى]

موضوعك شيق يا ابو روان
انا فى الحقيقة كنت برسم دائما" علم القراصنة عشان حبى لمسلسل الاطفال سندباد
اوع تقول الولد شافع لسه هههههههههههههههههههههههه

[زيكو منيب]

يديكم العافية يا شباب

[bakri]

طبعا انا كنت بحب واحدة اسمها نسرين عشان كدة

طواااالى بكتب حرف ال (n) وياحليل زمان

ويديك العافيه

[جنفر]

انا صراحه يازيكو كنت بكتب اغاني مصطفى سيد احمد والى الان بس مافي طاوله في اي درج في القاعه القاهو فاضي

[HaSsOoN]

واللهي انا كنت بكتب جنس كتابه اول شي كل يوم بتوقيع ولحدي اللحظه توقيعي ماثابت وغير كدا مرات ارسم شجر مراااات قلوووب نظام الود حبيب وكدا وبعداك اطورت الامور بقينا نكتب الاشعار والاغااااااااااني.....
ويديك العافيه يازيكو....

[زيكو منيب]

تسلمو يا شباب

[نور العيون]

اما انا كنت بكتب الحاجه دي
متى ستعرف كم اهواك يا رجلا ابيع من اجلك الدنيا و ما فيها
اها رايكم شنو
د بامانه وبصراحه

[عمر بابكر]

كنت بكتب خطوط ما معروفة المهم القلم يكون شغال شخبطة
مرات تطلع شكل معروف يعني رسمة او بيت او شجرة او عربية او اي حاجة معروفة
ومرات تلقاني ارسم وش واحد لدرجة انو انا اقتنع انو انا رسام بس تاني يوم ما تظبت العملية فى الرسم

ومرات تطلع عبارة عن خطوط ما منتظمة بس فيها شوية فهم يعني ما تعرف الحاصل شنو ابداً
تحياتي الحارة لك وللذكري اللطيفة دي .

[فتاة مالي]

ما كنت بكتب حاجه كنت بخجل تشوفها المدرسه
واذا كانت الطاوله مجلده كنت بمزق التجليد علشان اقري ايش مكتوب تحتها
ومن شان الغش كمان ما اتهم بيه
وشكرا

[abosnoon]

والله يا زيكو موضوع خطير

[abosnoon]

وكان علي..................... كنت برسم صور لشخصيات كرتونية

[معتز حمدتو]

حليل مدرسة الاهليه ( أ ) والجامعه صراحتا كان عشقي ان اكتب الجوكندا وكنت قاطع الاسم في ورقة اشعة ما خليت حائط في البيت ولا بلاط الا وكتبت الاسم ده فيه لكن تخيل في النهاية وبعد ما بقيت عاقل وما بكتب وبقيت بحلف بيه بس قامت اتزوجت وخلتني عشان كده بطلت كتابه مره ( بس من دون شمار )
بالمناسبة يامنيب الاسم ده قديم قدم التاريخ معاي وحاولت انساه طيلت السنوات السابقة لكن تخيل خلال اقل من اسبوع ده تاني مره اذكره حيث كان لي صديق من ايام الجامعه وقد اتي الي الامارات قادما من امريكا ولم نلتقي منذ عام 1996فتخيل قام سالني عنها بكل طيبة خاطره وشدة ما تفاجاة بالسؤال لحدي ما الشيشه وقعت من يدي .

[أسمرينو]

السلام عليكم أخي معتز
طرحك هذا أعاد لي لذكريات جميلة في مدني التي أكملت فيها تعليمي حتى الثانوي وأنا كنت أكتب في الدرج
" إرتريون نحن إن نشقى وإن نسعد"

[عوض صقير]

أنا فى الحقيقة كنت مولع بالحرف N كنت بكتبه وبأشكال مختلفة

[sweetboy]

والله بصراحة انا الى الان بحب اشوف الطاولة حقتي نضيفة مع انو انا عندي موهبه في الرسم
شكرا على الموضوع الجميل

[همس القصيد]

بسم الله الرحمن الرحيم
السلام عليكم ورحمة الله وبركاته

لك منا الشكر أجزله أخي لفرد هــذه المساحة الطيبة للخوض في عباب
الذكريات قليلا , كثيرة تلك الأشياء التي كنت أدونها في طاولتي الخاصة
لكن أذكر منها هذا البيت من الشعر :
لا تحسبن ضحكي بينكم طربا فالطير يرقص مذبوحا من الألم

مع أحلي الأمنيات الطيبة
همس القصيد

[راسكال]

والله انا بصراحه كنت بكتب

اسماء اصحابي كلهم ولمن ازعل من زول فيهم كنت بحوك اسمو بى قلم ولا اى حاجه

[reeem]

اما انا كنت بشتري صور مخصوص على شان أختها في الطاوله بيتاعتي وكنت بخت الصور على الاطراف التلاته من الجنب وفوق واما باقي الطاوله كنت في جنب بكتب أسامي صحباتي والجنب التاني بكتب مسجات والتالت برسم فسه حروف وقلوب وفي الوسط بتكون الطاوله نظيفه عشان أخت فيها كتابي بتاع المدرسة ...

[شمس الامل]

والله انا كنت بحب اكتب حرفي بالخط العريض
N

[ابراهيم]

طبعا انا كنت بحب واحدة اسمها نسرين عشان كدة

طواااالى بكتب حرف ال (n) وياحليل زمان

ويديك العافيه
صحي يا حليل زمان يا بكري:D

[moh_alnour]

أنا كنت بحب أكتب عبارة
A
IN
MY
HEART ...... رغم