حكم اب تكو ؟؟؟؟؟؟؟

[بابكر]

[SIZE="6"]سمعتوا بى حكم اب تكو ؟؟؟؟؟؟؟

اب تكو ده طائر صغير كده,,, يعنى اكبر من ود ابرق شويه !!
لمن مرتو تبيض ,, يقوم يظعط ريشها كله,,, ويخليها {{ام فكو مرت اب تكو}} ويقوم يبنى ليها بيت فى الشجره بالطين ويخلى ليها فتحه صغيره ,, عشان يأكلها منها !!! وبالحاله دى لمن تفقس البيض ويكبر ويقوم ليها ريش !! بعد داك يقوم يفتح ليها عشان تمرق ,,هى والصغار !!

رأيكم شنو فى حكم اب تكو ؟؟؟؟؟

[عبدالمنعم الصديق(خدرا)]

والله دا الحكم ولا بلاش
ايه رايك فى نسوان كتار محتاجات حكم زى دا
اقول كتار وليس كل النساء
عشان ماتجيبو لى الهواء

[نزار حسن محمد]

ابكر اخـــــــــــــوى والله اب تكو عفيت منـــــــــــوا تب ذكرنى واحد اخوى اسمه خالد محمد احمد ود الصول:p

[صالح ابوشوارب]

يعنى يا بكور الراجل بيدخلا بيت الحبس قبل ما يموت ولا شنو .. لكن وين حقوق المرأة

[بابكر]

[QUOTE=عبدالمنعم;257999]والله دا الحكم ولا بلاش
ايه رايك فى نسوان كتار محتاجات حكم زى دا
اقول كتار وليس كل النساء
عشان ماتجيبو لى الهواء[/QU

,والله ياعبد المنعم شيل شيلتك لو سمعوك بنات المنتدى تبقى حكايه!!!

[بابكر]

ابكر اخـــــــــــــوى والله اب تكو عفيت منـــــــــــوا تب ذكرنى واحد اخوى اسمه خالد محمد احمد ود الصول:p

يعنى يا نزورى انت ماعارف خالد الصول شقيقى ولاشنو يعنى !!!

[بابكر]

يعنى يا بكور الراجل بيدخلا بيت الحبس قبل ما يموت ولا شنو .. لكن وين حقوق المرأة

ازيك يافرده !! اولا هو مابيموت !! وكان مات البيأكل الوليه منو يعنى ؟؟ حتموت من الجوع !! الراجل جارى يومو كلو يلقط فى الجراد ويأكل فى الوليه العريانه دى !!!!!

[مرتضى يوسف العركي]

الرائع ابراهيم :
تحيات طيبات زاكيات
اولا شكرا يا سيدي على البوست الرائع وشكرا على المعلومة اول مرة اعرف اب تكو ده طائر مع اني كما ادعي بتاع قانون خاصة في حكم اب تكو وهو حكم يؤسس للذكور مكاسب جمه وياريت نعرفو نحن بس قبل ما تنشب فينا منظمات حقوق المراة ...ساهدي ام يوسف نسخة منه وارجى الراجيك انا ما شاهد ولا كلمتك مع الشكر

[عبدالرحيم سعيد]

اخي بابكر ابتكو ليس هو الطائر الصغير الذي ذكرت وانما ابتكو الصورة التي ارفقتها يامرهف التعبير...

[نزار حسن محمد]

يعنى يا نزورى انت ماعارف خالد الصول شقيقى ولاشنو يعنى !!!

عارف والله يالحبيب لكن ياخوى الكدايس ديل نحن من يوم الليله ح نعمل ليهم حكم اب تكو
كدى شوف اخوك رايه شنوووو...

[عزيز عيسى]

غايتو يا أبو نزار بتعمل فينا جنس عمايل..
أمبارح مقلبتنا بالكباب واليوم لقينا فيها معيط..
يعني الحكاية بقت ضياع كباب ومعيط ريش.

الطيرة العويرة دي مفروض بعد ما تبيض تطير
بعيد وتخلي راجلها أبو تكو كان يقدر يربي أولاده.

المرا لما تلد بيجيبوا ليها خاتم أو غويشة هدية..
وصاحبنا أبو تكو واقع في مراتو معيط.
عالم يدوها هدية وأخرى يمعطوها.
الظاهر بعد ما أم تكو تلد بتبقى سمحة..
وأبو تكو بغير عليها.. علشان كدا بمعطها.

[بابكر]

الرائع ابراهيم :
تحيات طيبات زاكيات
اولا شكرا يا سيدي على البوست الرائع وشكرا على المعلومة اول مرة اعرف اب تكو ده طائر مع اني كما ادعي بتاع قانون خاصة في حكم اب تكو وهو حكم يؤسس للذكور مكاسب جمه وياريت نعرفو نحن بس قبل ما تنشب فينا منظمات حقوق المراة ...ساهدي ام يوسف نسخة منه وارجى الراجيك انا ما شاهد ولا كلمتك مع الشكر
بسم الله عليك يامرتضى انا بابكر ما ابراهيم !! انت المره ادتك بالمفراكه ولاشنو يازول ؟؟؟؟؟

[بابكر]

اخي بابكر ابتكو ليس هو الطائر الصغير الذي ذكرت وانما ابتكو الصورة التي ارفقتها يامرهف التعبير...


ادهشتنى ايها الرائع عبد الرحيم فى زمن صار الناس لايبالون ولايكترثون لما يدور امامهم
شكرا لاتكفى اعذرنى ايها الراقى !!!

[بابكر]

غايتو يا أبو نزار بتعمل فينا جنس عمايل..
أمبارح مقلبتنا بالكباب واليوم لقينا فيها معيط..
يعني الحكاية بقت ضياع كباب ومعيط ريش.

الطيرة العويرة دي مفروض بعد ما تبيض تطير
بعيد وتخلي راجلها أبو تكو كان يقدر يربي أولاده.

المرا لما تلد بيجيبوا ليها خاتم أو غويشة هدية..
وصاحبنا أبو تكو واقع في مراتو معيط.
عالم يدوها هدية وأخرى يمعطوها.
الظاهر بعد ما أم تكو تلد بتبقى سمحة..
وأبو تكو بغير عليها.. علشان كدا بمعطها.

انت عارف يا عزيز الطيره دى تلقاها بتاعة همله واطلاقه عشان كده راجلها مأدبها كويس!! امكن لوخلها ساى كان سابت العش وهاك يازواعه!!
بالمناسبه انا عازمك انت وشوربه بيتزا باللحمه رأيك شنو ؟؟؟

[بابكر]

عارف والله يالحبيب لكن ياخوى الكدايس ديل نحن من يوم الليله ح نعمل ليهم حكم اب تكو
كدى شوف اخوك رايه شنوووو...

بسم الله كدايس شنو يازول انت مالك الليله؟؟؟؟

بالمناسبه ده ولدك؟؟؟؟

[عزيز عيسى]

بسم الله عليك يامرتضى انا بابكر ما ابراهيم !! انت المره ادتك بالمفراكه ولاشنو يازول ؟؟؟؟؟

الظاهر يا بابكر مرتضى دا المرا ظعطت ريشو
خلتو ما يقدر يفرز بابكر من إبراهيم :D

[عزيز عيسى]

انت عارف يا عزيز الطيره دى تلقاها بتاعة همله واطلاقه عشان كده راجلها مأدبها كويس!! امكن لوخلها ساى كان سابت العش وهاك يازواعه!!
بالمناسبه انا عازمك انت وشوربه بيتزا باللحمه رأيك شنو ؟؟؟

أنا عايز شوربة سيسيو عندك؟
ولحمتكم وبتزتكم حلال عليكم
والله بيني وبينها
قالوا بتجيب النزفية
الكباب ذاتو ما عايزو
إنت ما تعزم شواربو الزول دا ما جمبك؟
قال شوربة بتزا باللحمة قال :D

[نزار حسن محمد]

بسم الله كدايس شنو يازول انت مالك الليله؟؟؟؟

بالمناسبه ده ولدك؟؟؟؟

بابكر ..انا ما قلت لك امشى اسال خالد من الكدايس..البقدرة قادر بقى هم اب تكو ونحن بقينا المزعمطين...:confused:;):mad:بالردميه ..
بالله شوف الولد مسكته السفروق جدعوووو وجاب لى شاكوش... لكن بينى وبينك تمام طالع لى عمه بابكر ...

[مرتضى يوسف العركي]

بسم الله عليك يامرتضى انا بابكر ما ابراهيم !! انت المره ادتك بالمفراكه ولاشنو يازول ؟؟؟؟؟

الحبيب بابكر كم اسف على الكبكبة العادية ...
وعلى فكرة طلع الكلام ده من صالحي .. الكبكبة شفت النية سمحة كيف ...
لكن قول لي ما بتصدقوا تلقوا ليكم واحد بريء زي كده وما تفوتو ليه حاجة ...
التحية لكم مع الشكر ..

[مرتضى يوسف العركي]

الظاهر يا بابكر مرتضى دا المرا ظعطت ريشو
خلتو ما يقدر يفرز بابكر من إبراهيم :D

الحبيب عيسى العزيز فخر منتدياتنا كما الاخ بابكر
كبكبة جديدة ... تساعد في استمرار الشمار ... تعرف يالحبيب قالو في علم النفس الاكلينكي ( الاكلينكي ) جبتها دي من وين ما عارف انو الحالات المتماثلة تجعل التواصل مستمر يعني لو في واحد متكبكب زي حلاتي اكثر ما ما يسعد بالكلام عنه هو ان يكون نفس الزول اكثر كبكبة يعني ما براي انا واخوي الكاشف ...
لاحظ ياعزيز انا لحدي الان انا بقول كبكبة بعني معزة وود وانت طوالي عملتها ظعمطة وضرب انشاء الله ربنا يسترك من الظعمطة نحن المرحلة دي لسة .
السترة وين ....وعلى فكرة يا عزيز رضا حسن معانا في الهواء سوا
كل الود والاحترام لشخصكم الكريم

[بابكر]

الحبيب بابكر كم اسف على الكبكبة العادية ...
وعلى فكرة طلع الكلام ده من صالحي .. الكبكبة شفت النية سمحة كيف ...
لكن قول لي ما بتصدقوا تلقوا ليكم واحد بريء زي كده وما تفوتو ليه حاجة ...
التحية لكم مع الشكر ..

الغالى الوفى مرتضى يمين بالله كلنا فى الهواء سوا!! وبعدين عزيز ده مايغرك بى فصاحتو وشنبو الكبير ده !!شوف عينى المره بتسكو بالمفراكه !! واسأله كان مكضبنى!!

[بابكر]

أنا عايز شوربة سيسيو عندك؟
ولحمتكم وبتزتكم حلال عليكم
والله بيني وبينها
قالوا بتجيب النزفية
الكباب ذاتو ما عايزو
إنت ما تعزم شواربو الزول دا ما جمبك؟
قال شوربة بتزا باللحمة قال :D

النزفيه دى فى السودان !! انت مالك ؟؟ المره ضربيتك ولاشنو؟؟؟
والله تجى الحج اعزمك كوارع من ينبع !!!
وصاحبك ابو شوارب انا خاتى ليهو شوربة كدايس بعيد عنك!!!!

[بابكر]

بابكر ..انا ما قلت لك امشى اسال خالد من الكدايس..البقدرة قادر بقى هم اب تكو ونحن بقينا المزعمطين...:confused:;):mad:بالردميه ..
بالله شوف الولد مسكته السفروق جدعوووو وجاب لى شاكوش... لكن بينى وبينك تمام طالع لى عمه بابكر ...

ياخى بالله امسك ولدك ده يانزار !!مالو بسوى كده يعنى عشان ابوه مشرف يعنى ؟؟؟؟؟؟

[صابرحسين]

أنت عارف يا بابكر أخوي أب تكو راجل حنين جداً وحاول يشرح لأم العيال خوفه عليها و خطورة الطيران في مثل هذه الظروف والنبله الما بترحم وقال ليها أنت كان طالعه للأكل والشراب أنا جاهز بأكلك في بيتك بس أصبري حتى تفقسي ودا ظرف إستثنائي ، ولكن كالعادة جن جنونها ورفضت وأعلنت تحدي أب تكو الجبيب الخائف عليها ، مما أضطره لنتف ريشها وحبسها 0
ولك شكري وتقديري

[بابكر]

أنت عارف يا بابكر أخوي أب تكو راجل حنين جداً وحاول يشرح لأم العيال خوفه عليها و خطورة الطيران في مثل هذه الظروف والنبله الما بترحم وقال ليها أنت كان طالعه للأكل والشراب أنا جاهز بأكلك في بيتك بس أصبري حتى تفقسي ودا ظرف إستثنائي ، ولكن كالعادة جن جنونها ورفضت وأعلنت تحدي أب تكو الجبيب الخائف عليها ، مما أضطره لنتف ريشها وحبسها 0
ولك شكري وتقديري
والله ياصابر الطيور دى عندها جنس حركات !! انا شفت فى التلفزيون طير تخت بيضها فى عش طيره تانيه وتمشى تقوم المسكينه دى تربى فى جنى الناس وتأكل اليوم كلو وبعدين تبقى اكبر منها وتطير تخليها خشمها ملح ملح !!!!!

[صابرحسين]

فعلاً الطيور عندها حركات عجيبه ، وحكاية الطيره البتخت بيضها في عش غيرها ذكرتني حكاية كانت بتحكيها الوالدة يرحمها الله بتقول في طيره عاقر مابتبيض وأختها طيره بياضه أهدتها بيضه وقالت ليها أحضني فيها وبعد ما تفكس يكون المولود حقك لأني إذا أهديتك من الكبار يمكن الراجل يزعل ودا أقل شي أقدمه ليك يا أختي ، وفعلاً حضنت في البيضه إلا أن خرج المولود طبعاً فرحت فرح شديد وهاك ياطيران وهاك يا دلع ، وفي يوم ممطر قامت بضمها تحت أجنحتها لتحميها من المطر وتوفر لها الدفئ لأنها لم تجدها بالساهل ، وفجأة أخرجت الطيره رأسها وسألت نحن الآن كده كيف يكون حال ناس أمي ؟! وهنا أدركت أن تلصق الطين في الكرعين ما ببقى نعلين وقامت بإعادة الطيره لإختها وهي تبكي ...... !
مع خالص مودتي

[نزار حسن محمد]

الليله ..والليله ..باصات اب تكــــــــــو ..
وهوووى الحقه الزعمطه وقعت هبطرش
غايتو انا براه انا ما بتكلم لاشفته
الادمن ولا ود الطاهر ولا رضا ولا ابوشوراب
ولا ود الماحى.. ولا عمك تنقو ديل عندهم صلع ساكت ..;)
ما تظلمهم وتقولى دى زعمطه:eek:

[عزيز عيسى]

تعرف يالحبيب قالو في علم النفس الاكلينكي ( الاكلينكي ) جبتها دي من وين ما عارف انو الحالات المتماثلة تجعل التواصل مستمر يعني لو في واحد متكبكب زي حلاتي اكثر ما ما يسعد بالكلام عنه هو ان يكون نفس الزول اكثر كبكبة يعني ما براي انا واخوي الكاشف ...

الحبيب الزول الحبوب مرتضى العركي،
والله كثر خير بوست أخونا الفردة بابكر الذي جعلنا نتواصل معكم وهذا هو المطلوب..
ياخي ما عارف ليه بفرح شديد لما ألقى لي واحد من ناس مدني وأقعد أمزح معاهو..
عايز إتذكر الأيام الجميلة.. أيام مدني كانت جميلة بناسها.. يا سلام!
طيرنا العجم ديل هنا اليوم كلو شابكننا تقليزي ولما نشتهي العربي إلا نتصل بواحد
من أصحابنا السودانيين ونتكلم معاهو..
لكن ما تقول لي يا مرتضى الكبكبة بتاعتك أخير منها الزعمطة بـ (الإكلينكي).

لاحظ ياعزيز انا لحدي الان انا بقول كبكبة بعني معزة وود وانت طوالي عملتها ظعمطة وضرب انشاء الله ربنا يسترك من الظعمطة نحن المرحلة دي لسة .
السترة وين ....وعلى فكرة يا عزيز رضا حسن معانا في الهواء سوا
كل الود والاحترام لشخصكم الكريم
يا زول معزتك إنت والله عندنا كبيرة.. وكان جات على الظعمطة أخوك
مظعمط ذي سيد البوست.. بس خليها في سرك. وعلى فكرة ود الماحي ذاتو مظعمط
لكنه صابر ساي.
وسلم لي على أخوي المظعمط أقصد أخوك الكاشف رضا حسن.
إحتراماتي وتقديري.

[عزيز عيسى]

الغالى الوفى مرتضى يمين بالله كلنا فى الهواء سوا!! وبعدين عزيز ده مايغرك بى فصاحتو وشنبو الكبير ده !!شوف عينى المره بتسكو بالمفراكه !! واسأله كان مكضبنى!!

يا أبو نزار مرتضى دا ما أظنه عارفني متزوج إثيوبية..
لكن بيني وبينك لما يجي وقت الزعمطة بيسكوني بحاجة كدا
غايتو بتشبه المفراكة وحاجة تانية ما بعرفها لكن بتشبة سفروق نزار..
ومرات أثناء الجري بتلفت.. ولما أشوف الحاجة البتشبه
السفروق بفتكر إنو دا نزار جاري بي وراي علشان كدا
بطمئن شوية وأقيف لغاية ما يجوا يظعمطوني.
الأسبوع الماضي مشيت زرت ود الماحي لقيتو مربوط
في فرع شجرة عملوه (بنياتا) لعبة مكسيكية.. ناس البيت
كلهم كانوا بيزعمطوا فيه ضرب شديد.. علشان كدا
هو مختفي.

[عزيز عيسى]

النزفيه دى فى السودان !! انت مالك ؟؟ المره ضربيتك ولاشنو؟؟؟
والله تجى الحج اعزمك كوارع من ينبع !!!
وصاحبك ابو شوارب انا خاتى ليهو شوربة كدايس بعيد عنك!!!!

إنتو ما قريبين.. ولا العدوى ما حاصلة. :D
شوربة كوارع.. ياي
يا خي قول لي عازمك هامبرجر أو باربيكيو..
أكان كدي أخير لي البتزا.
قالوا كان في جماعة أهلنا من الضهرة عزموهم في المدينة..
جابوا ليهم الأكل شي محاشي.. وشي كباب.. وشي كفتة..
وضلع وهلم جرا.. الجماعة كان معاهم طفل صغير..
الطفل الصغير شاف الأكل أظنه ما قدر يعرف حاجة يأكلها..
بعد شوية بدأ يبكي.. أبوه قال ليهو يا ولد مالك؟
قال لأبوه: أنا عايز كسرة بملاح ويكة.

[عزيز عيسى]

قبل أيام كنت أشاهد في التلفزيون برنامج عن الحياة الفطرية..
الحلقة كانت عن الوز جذبت إنتباهي بشدة..
واحدة من الوز بعد أن قامت بحضن البيض وتفقيسه
بعد لحظات طلعت الفراخ الصغيرة من البيضة
وبدأت تركض خلف الأم في خط مستقيم..
قامت الأم وبدون أي سبب بأختيار واحد من الفراخ وبدأت
تطرد فيه وترميه بمنقارها بعيدا عن المجموعة.. طبعا الفرخ ما بيعرف
يتصرف أو يذهب الى أين.. عاد مرة أخرى ولحق بالمجموعة
وسار خلفهم.. توقفت الأم وبغضب بدأت تصيح وتنقر في الفرخ
بمنقارها الى أن فارق الحياة.. إستغربت جدا لهذا المشهد
وما قدرت أفهم لماذا قامت الوزة بقتل الفرخ؟!!

[بابكر]

قبل أيام كنت أشاهد في التلفزيون برنامج عن الحياة الفطرية..
الحلقة كانت عن الوز جذبت إنتباهي بشدة..
واحدة من الوز بعد أن قامت بحضن البيض وتفقيسه
بعد لحظات طلعت الفراخ الصغيرة من البيضة
وبدأت تركض خلف الأم في خط مستقيم..
قامت الأم وبدون أي سبب بأختيار واحد من الفراخ وبدأت
تطرد فيه وترميه بمنقارها بعيدا عن المجموعة.. طبعا الفرخ ما بيعرف
يتصرف أو يذهب الى أين.. عاد مرة أخرى ولحق بالمجموعة
وسار خلفهم.. توقفت الأم وبغضب بدأت تصيح وتنقر في الفرخ
بمنقارها الى أن فارق الحياة.. إستغربت جدا لهذا المشهد
وما قدرت أفهم لماذا قامت الوزة بقتل الفرخ؟!!
اكيد يكون ولد حرام ياعزيز وخايفه الراجل يقوم يكشفو !! يسود عيشتها !!!!!!

[ود المطامير]

حبيب قلبى .. عمّى بابكر ..
فى الفاو فى القريه تلاته
كنا أنا وود عمّى ماشين وكل واحد نبلتو مدروعه فى رقبتو ذى سماعة الدكتور
أها .. فى لورى هكر كدا شفنا بلومه راكه فى عشها
وزنتها ليك تمام ( والله كنت نياش كيف ؟ )
ولط جبتها الواطه .. أكان شفنا ليك تلاته فريخات مدوا
رقابهم وفتحوا خشوهم
وقعدوا يسيكوا . ود عمّى قال لى يا حولا والله حرام
عليك هسى ديل البيكلهم منو ؟
قلت ليهو .. أبوهم وين ؟
قال لى
والله تلقاك كتلتو أمس .

[Jamal Elmahi]

الوجيه بابكر ...
إتا أأأبوي عرفته كيف إنو المحبوسه أم تكو ...؟؟ وحاة أبسقره المحبوس أب تكو ...يعني بعد ما أم تكو بيضت زعمطت أب تكو ودخلوهو الراكوبه وركضوهو في البيض وقفلوها عليهو وتجيب الاكل تاكلو قدامو لزوم الحندكه ويسمّو لايضوق جراده ولا كضم ....ودا ما زاتو الخلاّ أب تكو يغني ..أنا الفي الدنيا ما مرتاح ...وبرضو خلّا صقر الجو أبكريشه يطلّق مرتو ويدفّق عيشا...

ود الماحي

[بابكر]

الوجيه بابكر ...
إتا أأأبوي عرفته كيف إنو المحبوسه أم تكو ...؟؟ وحاة أبسقره المحبوس أب تكو ...يعني بعد ما أم تكو بيضت زعمطت أب تكو ودخلوهو الراكوبه وركضوهو في البيض وقفلوها عليهو وتجيب الاكل تاكلو قدامو لزوم الحندكه ويسمّو لايضوق جراده ولا كضم ....ودا ما زاتو الخلاّ أب تكو يغني ..أنا الفي الدنيا ما مرتاح ...وبرضو خلّا صقر الجو أبكريشه يطلّق مرتو ويدفّق عيشا...

ود الماحي


والله ياجمال دى كانت رايحه على !! انا زمان شفت لى واحد عامل فيها ابو عرام وكل يوم شخط وشتيمه فى العمال والموظفين !! مره جاء البيت للفطور مرتو ادتو علقه خلت ليك كل الناس تتفرج وطبعا كل الناس شمتانه عليهو !!! وبعدها اتنقل حتة تانيه !!!

[nezar]

المثل الكبير دا طالع من طيره اكبر من ودابرق
سبحان الله وله في خلقه شئون

[sadig jonur's]

تري ابتكو هذا مره حكيم ...ولكن اخي العزيز هل ابتكو ازكي من ام تكو ؟ ولو كان كذلك فما هو رد تكو ؟.....وشكرا الاخ بابكر "المتميز"