حوادث

[ود المطامير]

القرشى
عمل شكله مع الجاك قام الجاك طقّ القرشى بالطوريه فى نص راسو
وقع القرشى يفرفر والدم بس خرطوش إتفك من الماسوره وجروا بيهو المستشفى
وخيطوا الجرح وفى النهايه قالوا مات .. كفنوهو وكسروا عيونو وشالوهو
وفى نص الطريق للمقابر القرشى قعد يقحقح .. الجماعه الشايلين الجنازه
خافوا ورموا العنقريب ووقع القرشى يفرفر ..
والآن هو متزوج ولديه أطفال .
يعانى القرشى صعوبه فى الكلام وصعوبه فى النظر وصعوبه فى المشى .

ود اللغبش ..
مسك العود عشان صاحبو يقطعو بالفرار
صاحبو قطع العود وكمان ما قصر خلى سبابة ود اللغبش تفرفر
هناك ذى ضنب الضب
اليوم أصابع يدين ود اللغبش تسعه بس .

ود المطامير ... شال النبله وشاف ود أبرق راكى فى الحيطه
نيش تمام لكن ود أبرق طلع مفتح وطار قبلما حجر الخيرصانه يحصلو
وصادف مرور مدير مدرسة ود المطامير بالشارع ويصفقو حجر
النبله فوق للضان صفقه تمام خلت الدم يصل البنطلون
والمدير شاف ود المطامير والنبله ومن يومها والمدير
من يشوف ود المطامير أكان فى المدرسه ولأ الشارع
طوالى يقع فيهو لبع وكفيت جد .
حوادث ... حوادث .

[خالد النور]

يعنى من يومك عفريت، بس أنا خايف يكون الجاك دا إنت ذاتك

[Madanawi]

ود المطامير ... شال النبله وشاف ود أبرق راكى فى الحيطه


لو عرفنا الحيطة الّت ناس منو .. حا نعرف ود أبرق أسمو منو!!!

[بورتبيل]

D:D:D:

في البلد اللتنا -
لقيت بتتشابا فوق ضهر المغارب
وتتناطأ للشايلنو ابواتنا عصير تجارب
البقلب الحجار بلقى العقارب

فوق البلد اللتنا
لقيتك لسع بتحكي حكاويك الزمان

[النور محمد يوسف]

القرشى الآن متزوج ولديه أطفال .
يعانى القرشى صعوبه فى الكلام وصعوبه فى النظر وصعوبه فى المشى .


ود اللغبش بس ب9 صوابع......

ود المطامير ... شال النبله وشاف ود أبرق راكى فى الحيطه وبالنبله فوق أضان المدير... صفقه خلت الدم يصل البنطلون
والمدير شاف ود المطامير والنبله ومن يومها والمدير
من يشوف ود المطامير أكان فى المدرسه ولأ الشارع
طوالى يقع فيهو لبع وكفيت جد .
حوادث ... حوادث .


ودالمطامير كيفك ...مشتاقين

أخونا القرشي دا مش كان أحسن ليهو يواصل مشوارو داك!!!!

"ود اللغبش ..اليوم أصابع يدينو تسعه " كانك ناسي انو التسعة ماكلة....

وبعدين مديرك دا يا ود المطامير الشي ماعندو عربية.... لافي ساكت بكرعيهو في محلات ود أبرق....كايس شنو!!!! ما تخليهو في مشاكل تعليمو دا .... غلطان المدير

[هشام السماني إبراهيم]

القرشى
عمل شكله مع الجاك قام الجاك طقّ القرشى بالطوريه فى نص راسو

قمانا على الهترشة كدي احكي لي حكاية الكرتونة والفيها الـــــــ......................

[ود المطامير]

يعنى من يومك عفريت، بس أنا خايف يكون الجاك دا إنت ذاتك
حبيبنا خالد
وينك ياخى ومشتاقين
الجاك مين ياخوى ؟
لو كدايس ولأ فيران ما بقصر
لكن زووول وبطوريه يا حولا
هع هع هع

[ود المطامير]

لو عرفنا الحيطة الّت ناس منو .. حا نعرف ود أبرق أسمو منو!!!
حبيبنا ... مدناوى ..
الحيطه حقت ناس جيرانا
لكن ما عندهم ولا بت
هع هع هع

[ود المطامير]

D:D:D:

في البلد اللتنا -
لقيت بتتشابا فوق ضهر المغارب
وتتناطأ للشايلنو ابواتنا عصير تجارب
البقلب الحجار بلقى العقارب

فوق البلد اللتنا
لقيتك لسع بتحكي حكاويك الزمان
ود عمّى
عفيت منك والله
تقول شنو عاد ؟
قلت أغوص فى جواى ونحكى الكان

[ود المطامير]

ودالمطامير كيفك ...مشتاقين

أخونا القرشي دا مش كان أحسن ليهو يواصل مشوارو داك!!!!

"ود اللغبش ..اليوم أصابع يدينو تسعه " كانك ناسي انو التسعة ماكلة....

وبعدين مديرك دا يا ود المطامير الشي ماعندو عربية.... لافي ساكت بكرعيهو في محلات ود أبرق....كايس شنو!!!! ما تخليهو في مشاكل تعليمو دا .... غلطان المدير
أخوى النور محمد
والله الشوق كيمان
والقرشى .. فتح دكان والجيب صبح مليان
والصفقو بالطوريه حالتو تحنن

ود اللغبش .. فى المدرسه إستخدم اللصبع الناقص سلاح
والله يتج بيهو الواحد فى صفحتو تلقاهو يمش بالجمه ذى
حمار الكارو لما يدوهو عكاز

والمدير لحد ما نزل معاش ولحد اليوم لافى ساااى
بس اليوم داك هو كان فى الزمن الخطأ فى المكان الخطأ
وتسلم يا حبيب .

[ود المطامير]

قمانا على الهترشة كدي احكي لي حكاية الكرتونة والفيها الـــــــ......................
هع هع هع هع
الكرتونه
يعنى مُصِر ؟
طيب فى العدد القادم

[محمد يوسف]

الله يقرقفك يا ود المطامير
انا كنت بتغدى وقريت كلامك وشفت أصبع الزول يفرفر زي ضنب الضب قدامي طلعت الأكلتوا كلوا.

انا ما كنت قايلك انت زول فوليق ودم ساكت

تاني اكان شفتك بخلي ليك الدرب عديل زي ود المطامير ما بخلي الدرب لو شاف المدير

انت لو لقيت ليك طريقة مع ناس العراق ديل والله تضبح الناس ضبيح الطير

تسلم يا أظرف زول ياحبيب
هاهاهاهاهاها

[ود المطامير]

الله يقرقفك يا ود المطامير
انا كنت بتغدى وقريت كلامك وشفت أصبع الزول يفرفر زي ضنب الضب قدامي طلعت الأكلتوا كلوا.

انا ما كنت قايلك انت زول فوليق ودم ساكت

تاني اكان شفتك بخلي ليك الدرب عديل زي ود المطامير ما بخلي الدرب لو شاف المدير

انت لو لقيت ليك طريقة مع ناس العراق ديل والله تضبح الناس ضبيح الطير

تسلم يا أظرف زول ياحبيب
هاهاهاهاهاها
هع هع هع
أخوى الحبيب ... محمد يوسف
وحات الله يا الحبيب أنا كلما أفتح الجهاز طوالى بكتب فى خانة
بحث المتصفح ( فيديو اعدام خائن فى العراق )
ويطلع لى فيديو شئ ضبيح وشئ بالرصاص

قلت لى من شفت الاصبع طلعت الاكلتو كلو ؟
أمال لو شفت كلامى حق ملاح الويكه بالفيران الكنت
باكلو فى القضارف بتعمل شنووو ؟

[ود المطامير]

برميل المويه _1

مره كنت سايق كارو حمار وقاعد على برميل المويه وهو مليان وماسك فى حافة البرميل
والحمار فاتح بالطريقه الصاح يقوم اللستك يطلع فوق حجر ويهوّى
وقولة تل الحبل الماسك البرميل من قدام إنقطع وقفل على أصابعينى الأربعه
مع الماسوره المعارضه .. والحمار جارى ودم أصابعينى جارى
والناس الشافونى جو جارين ووقفوا الحمار وحاولوا يرفعوا البرميل
وماقدروا وقاموا قرصوه بسيخه ولمّا هوّى شويه قبلما أرفع يدى وقع تانى
وغايتو نهايتها كل أصبع أخد تلاته فتلات .

برميل المويه _2

المويه كانت قاطعه فى الشرفه بركات ورفعنا تلاته براميل ومشينا الشرفه الفوق
مليناهم وفى طريق العوده والسايق البكسى عم لينا نظارتو قعر كبايه بس
جا طاير فى الترس سايرين ويقوم البرميل التاكل عليهو كراعى يطير فوق
ويقع فى أصبع كراعى الكبير والله قولة تل حسيت بيها فى نص راسى
والبكسى جارى ودم أصبعى جارى ووقفوا البكسى ورفعوا البرميل
وودونى رفاعه وتلاته شهو وأنا أمشى بالعكاز وأصحابى يلعبو فى الكوره ويشركوا للطير .

[عبدالمنعم الصديق(خدرا)]

والله ياودالمطامير المدير ليهو حق يلبعك
وانا كان كنت المدير كان نفيتك من المطامير
قال ود ابرق قال
تلاقيك قاصدو عديييييييييييييييييل

[ود المطامير]

والله ياودالمطامير المدير ليهو حق يلبعك
وانا كان كنت المدير كان نفيتك من المطامير
قال ود ابرق قال
تلاقيك قاصدو عديييييييييييييييييل
حبيبنا عبد المنعم
والله جننتنى بالضحك
عارف ؟ بعد اللبيع اللبعنى ليهو وكتها
تانى يوم فى طابور الصباح كسر جد
وبعدما دخلنا الفصول وجات حصتو
وكان بدينا الانجليزى بالله شافنى كدا
قال لى أطلع فوق الدرج وطلعت وقال لناس الفصل
شايفين دا النهار كلو دارع نبلتو فى رقبتو ذى سماعة الدكتور
وإلتفت علىّ وقال لى أقرأ القنوت وهو متأكد انو أنا ماحافظها
ولما شافنى أتلفت وقع ليك فينى لبع وهو يكورك فينى
_ بس فالح لى فى النبله .. أى .. ما مخلى ليك ود أبرق
ولأ أضان زول حايمه
هع هع هع هع

[نزار حسن محمد]

الحبيب ود اخوى
ربنا اديك الصحه والعافيه
البوست ده ذكرنى حكاــية
الرجل الكان عــنده بسـتان
والاطفال كل يوم بلعب فيــــه
وفى يوم الغفير طرد الاطفال
وماتت الحديقه ونشف البستان
***
وحزن الرجل الى ان شاهد يوم
احدى الاشجار وهى تذهر وعندما اعاد
النظر وجده احد الاطفال يجلس على
الشجره ..فامر الغفير بان يدعوا الاطفال
للعب داخل البستان ..وقد كان ...
***
ورجع البستان كما كان واجمل
وهذا هو حال منتدانا ..
اديك الصحه والعافيه يا ود المطامير.

[بابكر]

من يشوف ود المطامير أكان فى المدرسه ولأ الشارع
طوالى يقع فيهو لبع وكفيت جد .
ياخوى انت حكايتك شنو ؟؟ والله تلقاك لمن كنت صغيير شقى جنس شقاوه ياود المطامير !!!!

[بورتبيل]

الحبيب ود اخوى
ربنا اديك الصحه والعافيه
البوست ده ذكرنى حكاــية
الرجل الكان عــنده بسـتان
والاطفال كل يوم بلعب فيــــه
وفى يوم الغفير طرد الاطفال
وماتت الحديقه ونشف البستان
***
وحزن الرجل الى ان شاهد يوم
احدى الاشجار وهى تذهر وعندما اعاد
النظر وجده احد الاطفال يجلس على
الشجره ..فامر الغفير بان يدعوا الاطفال
للعب داخل البستان ..وقد كان ...
***
ورجع البستان كما كان واجمل
وهذا هو حال منتدانا ..
اديك الصحه والعافيه يا ود المطامير.


الغـــــــالي - ابو سفروق2008 تسلم ولله وما عدمناك
وكم كنت اتمنى ان يعود المنتدى اكثر اشراقاً
وكم كنت اتمنى ان تعود ونعود ويعود اصدقاء غادروا الى
متى لا ادري !!
والي الامام لتقديم ما هو افضل لهذا البستان

[ود المطامير]

الحبيب ود اخوى
ربنا اديك الصحه والعافيه
البوست ده ذكرنى حكاــية
الرجل الكان عــنده بسـتان
والاطفال كل يوم بلعب فيــــه
وفى يوم الغفير طرد الاطفال
وماتت الحديقه ونشف البستان
***

وحزن الرجل الى ان شاهد يوم
احدى الاشجار وهى تذهر وعندما اعاد
النظر وجده احد الاطفال يجلس على
الشجره ..فامر الغفير بان يدعوا الاطفال
للعب داخل البستان ..وقد كان ...
***

ورجع البستان كما كان واجمل
وهذا هو حال منتدانا ..
اديك الصحه والعافيه يا ود المطامير.
حكمه والله يا عمّى الحبيب
وحات الله يا نزار
الحكايه دى باقيه علينا هنا مكان ما انا موجود
الخير فى الجزيره كان كتير ووفير
والعمال يأكلوا ويكلوا معاهم أهلهم
ومنعوا الناس يأكلوا ولو برتقاله
فجف الزرع والضرع

الله يديك العافيه مسيت وتر حساس .

[ود المطامير]

من يشوف ود المطامير أكان فى المدرسه ولأ الشارع
طوالى يقع فيهو لبع وكفيت جد .
ياخوى انت حكايتك شنو ؟؟ والله تلقاك لمن كنت صغيير شقى جنس شقاوه ياود المطامير !!!!
عمّى الحبيب الغالى ... بابكر ..
والله طيلة عمرى مش ح أنسى يوم ركبت البكسى
ماشى مدنى ومن مدنى للخرطوم ومن الخرطوم للإمارات
يازول ناس الفريق كلهم إتلموا رجال ونسوان أولاد وبنات
كبار وصغار وهم يبكوا ذى المات ليهم زول
وبين الجمع الغفير كانت فى واحده سمحه سماحه
تفتل القلب وهى ولا سلام الله ما بيننا وكانت بتبكى
وعاينت ليها كدا .. حرّم .. قربت أتلب من البكسى
وأنا أقول لنفسى معقول البت نار المنقد دى بتبكى عشان
أنا مفارق الحِلّه ؟
هووى يا عم بابكر ماتجرجرنى فى الكلام ودعتك الله .

[صلاح ودالطاهر]

والله ياودالمطامير المدير ليهو حق يلبعك
وانا كان كنت المدير كان نفيتك من المطامير
قال ود ابرق قال
تلاقيك قاصدو عديييييييييييييييييل

صدقت يا عبد المنعم الموضوع ده مكانو النفاج موش كان يديهو لبعه كان يديهو ام دلدوم

[ود المطامير]

صدقت يا عبد المنعم الموضوع ده مكانو النفاج موش كان يديهو لبعه كان يديهو ام دلدوم
هع هع هع هع
نفيتك جايه من كلمة نهى زندقى

[محمد يوسف]

هع هع هع
أخوى الحبيب ... محمد يوسف

قلت لى من شفت الاصبع طلعت الاكلتو كلو ؟
أمال لو شفت كلامى حق ملاح الويكه بالفيران الكنت
باكلو فى القضارف بتعمل شنووو ؟

مرة كان عندي شغل ميداني في منطقة صناعات الجديد الثورة ومرقت من البيت في مدني بعد الصبح والسواق منتظرني في صينية كبري مدني حنتوب واها دخلنا منطقة المصانع ونصت نهار جوعنا ومنطقة المصانع كبيرة مافيها مطاعم مشينا لقينا لينا سوق هناك في نهاية المنطقة الصناعية كلو من الزنكي والرواكيب المهم طلبنا كباب وسيد المطعم يشبهك كدا بس بالنقتيف بتاع العفريتة (عكس الالوان) جاب لينا حاجة زي الدمعة ماكباب المهم انا مع الجوع اكلت والسواق يعاين لي ساكت ما أكل انا قلت الزول دا مالوا ؟
يعني عامل عندو زوق ولا صايم ولا مالو؟

المهم بعد ما اكلت لمن شبعت سألتوا ليه ما أكلت؟
ما قال لي حاجة بس طلع لي عضم صغير كدا من الصحن لحد الآن ما عرفتوا عضم شنو لا أقول ليك عضم فار ولا عضم جريو ولا عضم كديس غايتوا مابطلع منهم.

رجعت البيت يومين رقدت واليوم الثالث رجعت أتم شغلي لكن شلت معاي السندوتشات والموية من البيت قبل ما أطلع.

وولي يوم الليلة كل ما أتذكر الموضوع دا بعمل باص للوجبة

[عمك تنقو]

ود المطامير ... شال النبله وشاف ود أبرق راكى فى الحيطه
نيش تمام لكن ود أبرق طلع مفتح وطار قبلما حجر الخيرصانه يحصلو
وصادف مرور مدير مدرسة ود المطامير بالشارع ويصفقو حجر
النبله فوق للضان صفقه تمام خلت الدم يصل البنطلون
والمدير شاف ود المطامير والنبله ومن يومها والمدير
من يشوف ود المطامير أكان فى المدرسه ولأ الشارع
طوالى يقع فيهو لبع وكفيت جد .
حوادث ... حوادث .

دحين انت يا ود المطامير بتعرف طيرة ( أم الجنون ) و ( طير الملوت ) :D
كان غلبك أسعل ود الماحي :D

[عزيز عيسى]

شوف يا ود المطامير لازم تختار واحد من الثلاثة حلول ديل:

نمرة واحد: نجيب الإسعاف ونوقفه عند حلة الشرفة.

نمرة إثنين: نكسر مستشفى مدني ونبنيها جنب حلة الشرفة.

نمرة ثلاثة: نكسر حلة الشرفة ونجي نبنيها جنب مستشفى مدني.

ما قلت لي.. لسه محتفظ بالنبلة؟.. عندي واحد هنا مجنني
عايز أفلقو وأقوم جاري علشان ما يحصلني.

والله يكفينا شر الحوادث.

[ود المطامير]

مرة كان عندي شغل ميداني في منطقة صناعات الجديد الثورة ومرقت من البيت في مدني بعد الصبح والسواق منتظرني في صينية كبري مدني حنتوب واها دخلنا منطقة المصانع ونصت نهار جوعنا ومنطقة المصانع كبيرة مافيها مطاعم مشينا لقينا لينا سوق هناك في نهاية المنطقة الصناعية كلو من الزنكي والرواكيب المهم طلبنا كباب وسيد المطعم يشبهك كدا بس بالنقتيف بتاع العفريتة (عكس الالوان) جاب لينا حاجة زي الدمعة ماكباب المهم انا مع الجوع اكلت والسواق يعاين لي ساكت ما أكل انا قلت الزول دا مالوا ؟
يعني عامل عندو زوق ولا صايم ولا مالو؟

المهم بعد ما اكلت لمن شبعت سألتوا ليه ما أكلت؟
ما قال لي حاجة بس طلع لي عضم صغير كدا من الصحن لحد الآن ما عرفتوا عضم شنو لا أقول ليك عضم فار ولا عضم جريو ولا عضم كديس غايتوا مابطلع منهم.

رجعت البيت يومين رقدت واليوم الثالث رجعت أتم شغلي لكن شلت معاي السندوتشات والموية من البيت قبل ما أطلع.

وولي يوم الليلة كل ما أتذكر الموضوع دا بعمل باص للوجبة
هههههههههههههههههههههههههه
هع هع هع هع
أخوى محمد
قلت لى عضم صغير ؟؟
يا حولا .. ما إياهو زاتو .. الله يكتلنى إيا هو زاتو
ملاح الفيران
هع هع هع هع هع
بس عليك الله قبلما يطلع ليك العضم
شنو ليك ؟ مش ملاح رهيييييييب ؟؟؟

[ود المطامير]

دحين انت يا ود المطامير بتعرف طيرة ( أم الجنون ) و ( طير الملوت ) :D
كان غلبك أسعل ود الماحي :D

- ألوو .. ود الماحى ؟
- أيوه منو معاى ؟
- معاك عمك تنقو من برنامج من سيربح المليون
ومعانا ود أخوك ود المطامير عاوزك تساعدو فى سؤال
بس معاكم 30 ثانيه مجرد ما يبدأ ود المطامير بالكلام أتفضل يا ود المطامير

_ ألو حبيب القلوب
_ مرحب حباب ود المطامير
_ قلت ليك يا حبيبنا
_ نعم يا ود المطامير
_ ما تشوف لى قرين كارت قالوا عندكم فى أمريكا ببعوهن فى الدكاكين
_ لا ياود المطامير الكلام دا ما صاح انت قدم وأنا بساعدك
_ والله عمدتنا .. أبوبكر جزاهو الله خير جاب لينا الرابط
بس باللنقليزى وود أخوك انت عارفو عنقليزى نهى
_ طيب أقول لي...........
الخط قع
خلاص يا عمّى عمك تنقو أحزف إجابتين .

[ود المطامير]

نمرة ثلاثة: نكسر حلة الشرفة ونجي نبنيها جنب مستشفى مدني.

ما قلت لي.. لسه محتفظ بالنبلة؟.. عندي واحد هنا مجنني
عايز أفلقو وأقوم جاري علشان ما يحصلني.

والله يكفينا شر الحوادث.
عمّى الحبيب .. عزيز عيس ..
بختار نمره 3
والله تكون عملت فايده ووفرت على ّ
حق البيت الداير أشتريهو فى مدنى

النبله قاعده
بس المشكله نبلتى دى لو فلقت بيها صاحبك
إمكن هو الإسعاف ما يحصلو
تنفع ؟

[rasheed]

شكلك يا ود المطامير فطموك مع الدحيش الجابتو حمارة ناس جيرانكم ،، الله يجازي محنك خليت الحلة كلها والطير الطاير والراكي كلوا بس علا عضنين السيد المدير ،، والله مني منك لهسع كان المدير خلاني من لبيعو تقوم تلبع نفس براااااااااااااك ،، طبعاً ده أكان ما عملتها قاصد آزول 0 بعدين الحاجة الله يطراها بالخير الشي ما زورتك للشريف بركات ولا طه ولا أحمد ،، إن شاء الله حسين خوجلي ياخي كان كفاية ويكفيك شر مصايبك 0

[ود المطامير]

شكلك يا ود المطامير فطموك مع الدحيش الجابتو حمارة ناس جيرانكم ،، الله يجازي محنك خليت الحلة كلها والطير الطاير والراكي كلوا بس علا عضنين السيد المدير ،، والله مني منك لهسع كان المدير خلاني من لبيعو تقوم تلبع نفس براااااااااااااك ،، طبعاً ده أكان ما عملتها قاصد آزول 0 بعدين الحاجة الله يطراها بالخير الشي ما زورتك للشريف بركات ولا طه ولا أحمد ،، إن شاء الله حسين خوجلي ياخي كان كفاية ويكفيك شر مصايبك 0
الحبيب .. رشيد
آزول إنت طلعت معرفه عديل كدا

أها .. يوم الزواره دا هو يوم عيدنا
كل يوم جمعه بنمشى حوش الشريف عبدالله ( رحمة الله عليه )
والله قدح العصيده بالويكه حلو حلا تأكل لمّا تقوم بالتتكل

وطبعا بجوا ناس الضواحى بالبكاسى واللوارى والكوارو والحمير
ناس بسطاء وعلى السليقه لكن عندهم سماحة بنات يا حولا
غايتو رجعتنى للزمن الجميل الله يديك العافيه .

[المكاشفى]

ياود المطاريش احوالك مشتاقييييييييين
ومنور المنتدى بى جديدك هع هع هع
والله ياكا الفينا بقينا فراجه ساى والله
انا الجماعه ديل ماعرفتهم يكونو من الشرفه
الفوق ولا البحر القرشى وود اللغبش
والله قدر مانحت اخربنى( ولا فوله)

[بنت الرفاعي]

سلام الله عليكم..
ياود المطامير خبركم وجديدكم والفاتني شنو في المنتدى؟

لاحول الله عندي ودعمي زيك كدة أسي في سنة تانية ده مبااااااالغة لاحقك كدة
وفوق ده عندو لسان الله لاوقعك معاهو. عارف ناس الحلة سموهو بوش.

[مختار بازى]

العمــــــــــــــدة والله حياتك دي بالكربون عاشها أخوك بس انا كنت هادي ورزين:D:D

شقي لكن هادي شفتا الضاد دا كيف؟؟

اها علا للحوادث حدث ولا حــــــــراج دي حقتي انا لكن زي ما تقول عندي سبع ارواح

ومن الحوادث المشهورة الانا كنت متواجد فيها

المركب الغرقت في شارع النيل جمب الطرمبة انا جواها والعربية الوقعت في كبري حنتوب انا جواها ولي حكمة يعلمها الله نزلتا في الصينية

الحادث بتاع الامجادين والركشة والموتر في شارع سنكات جبرونا انا صاحب الموتر

والحادث بتاع العيكورة الاتوز والبص السياحي والجرار انا كنت جوا الاتوز

والحادث بتاع الطيارة بتاع شهداء عاشوراء انا كنت في الطيار ولي حكمة يعلمها الله اتخلفتا

يا زول أسكت سااااااااااااي بس انا موتي اكيد في حادث

بعد الشر عليك،

[محمد يوسف]

العمــــــــــــــدة والله حياتك دي بالكربون عاشها أخوك بس انا كنت هادي ورزين:D:D

شقي لكن هادي شفتا الضاد دا كيف؟؟

اها علا للحوادث حدث ولا حــــــــراج دي حقتي انا لكن زي ما تقول عندي سبع ارواح

ومن الحوادث المشهورة الانا كنت متواجد فيها

المركب الغرقت في شارع النيل جمب الطرمبة انا جواها والعربية الوقعت في كبري حنتوب انا جواها ولي حكمة يعلمها الله نزلتا في الصينية

الحادث بتاع الامجادين والركشة والموتر في شارع سنكات جبرونا انا صاحب الموتر

والحادث بتاع العيكورة الاتوز والبص السياحي والجرار انا كنت جوا الاتوز

والحادث بتاع الطيارة بتاع شهداء عاشوراء انا كنت في الطيار ولي حكمة يعلمها الله اتخلفتا

يا زول أسكت سااااااااااااي بس انا موتي اكيد في حادث

بعد الشر عليك،
عزيزي الأخ مختار ربنا يحفظك ويحفظنا كلنا من كل شر بس عليك بالتحصين بالقرآن قبل ما تطلع الشارع.

لكن خوفتني خليتني فتحت باب العربية أقصد باب المنتدى عايز أقوم جاري قبل ما يجي لوري يدقش المنتدى.
لكن إن شاء الله ما بتجينا عوجة لانك معانا وربنا حافظك من كل شر.
آمين

[مختار بازى]

عزيزي الأخ مختار ربنا يحفظك ويحفظنا كلنا من كل شر بس عليك بالتحصين بالقرآن قبل ما تطلع الشارع.

لكن خوفتني خليتني فتحت باب العربية أقصد باب المنتدى عايز أقوم جاري قبل ما يجي لوري يدقش المنتدى.
لكن إن شاء الله ما بتجينا عوجة لانك معانا وربنا حافظك من كل شر.
آمين

ههههههههههههههههههههههههههههههههههههههههه

ان شاء الله بعمل بي نصيحتك والله

لكن في شقاوة اكتر من دي وما خفي اعظم!!

وانا معاكم كل البلاوي بتتزال فابقوا معاي

[شبارقة]

الجنا ابجضيمات جنا المطامير دا ولادتو ذاتها كانت حادث ..
حادث هزّ المطامير رأساً على عقب ...

رتينة دكان جاد الله انطفت ..

الحيوانات طفشت !!

وحاجات وحاجات ...

الله يكفينا شر الحوادث

[GREY MAN]

ود المطامير الشوق بحر
الكلام ده جواهو كلام كتير فالواحد لازم يرجع لي كم بوست قديم عشان يقدر يفهم
ولنا عوده

[ود المطامير]

ياود المطاريش احوالك مشتاقييييييييين
ومنور المنتدى بى جديدك هع هع هع
والله ياكا الفينا بقينا فراجه ساى والله
انا الجماعه ديل ماعرفتهم يكونو من الشرفه
الفوق ولا البحر القرشى وود اللغبش
والله قدر مانحت اخربنى( ولا فوله)
حبيب قلبى .. المكاشفى
آزوووول وين إنت ؟
والله الشوق بحور
الجماعه دول من الشرفه زاتها ( العاصمه المثلثه )
وكان ممكن أوصف ليك البيوت بس بخاف منهم
يشتكونى فى لاهاى يقولوا نشرنا فى العولمه
القرشى أخوهو كان عندو دكان وفى فريقنا
ود اللقبش زميل دراسه ومن الإبتدائى لحد الثانويه العامه
بنقعد جمب بعض وهاجروا بدرى الفاو .

ولأ أقول ليك ... أستعين بصديق ..

[ود المطامير]

سلام الله عليكم..
ياود المطامير خبركم وجديدكم والفاتني شنو في المنتدى؟

لاحول الله عندي ودعمي زيك كدة أسي في سنة تانية ده مبااااااالغة لاحقك كدة
وفوق ده عندو لسان الله لاوقعك معاهو. عارف ناس الحلة سموهو بوش.
أختنا العزيزه ... مرام ..
وعليكم السلام
والفاتك فى المنتدى ملى عشرين مطموره وخمسه مخازن
بس ما مشكله الجايات أكتر من الرايحات

قلتى لى ود عمك مبااااالغه ؟
يعنى أنا ما براى كاتلانى الشلاقه ؟

والله يا مرام .. أنا كانوا مسمينى ( أبولمبه )

[ود المطامير]

العمــــــــــــــدة والله حياتك دي بالكربون عاشها أخوك بس انا كنت هادي ورزين:D:D

شقي لكن هادي شفتا الضاد دا كيف؟؟

اها علا للحوادث حدث ولا حــــــــراج دي حقتي انا لكن زي ما تقول عندي سبع ارواح

ومن الحوادث المشهورة الانا كنت متواجد فيها

المركب الغرقت في شارع النيل جمب الطرمبة انا جواها والعربية الوقعت في كبري حنتوب انا جواها ولي حكمة يعلمها الله نزلتا في الصينية

الحادث بتاع الامجادين والركشة والموتر في شارع سنكات جبرونا انا صاحب الموتر

والحادث بتاع العيكورة الاتوز والبص السياحي والجرار انا كنت جوا الاتوز

والحادث بتاع الطيارة بتاع شهداء عاشوراء انا كنت في الطيار ولي حكمة يعلمها الله اتخلفتا

يا زول أسكت سااااااااااااي بس انا موتي اكيد في حادث

بعد الشر عليك،
حبيب قلبى .. مختار ..
يا حولا .. دا إنت ( بعاتى ) عديل كدا
هع هع هع هع
الله يديك العافيه ويحفظك لينا آمييييين يا رب العالمين

[ود المطامير]

لكن خوفتني خليتني فتحت باب العربية أقصد باب المنتدى عايز أقوم جاري قبل ما يجي لوري يدقش المنتدى.

آمين
أخوى .. محمد
شكيت محنك كتلتنى بالضحك .

[بابكر]

عمّى الحبيب الغالى ... بابكر ..
والله طيلة عمرى مش ح أنسى يوم ركبت البكسى
ماشى مدنى ومن مدنى للخرطوم ومن الخرطوم للإمارات
يازول ناس الفريق كلهم إتلموا رجال ونسوان أولاد وبنات
كبار وصغار وهم يبكوا ذى المات ليهم زول
وبين الجمع الغفير كانت فى واحده سمحه سماحه
تفتل القلب وهى ولا سلام الله ما بيننا وكانت بتبكى
وعاينت ليها كدا .. حرّم .. قربت أتلب من البكسى
وأنا أقول لنفسى معقول البت نار المنقد دى بتبكى عشان
أنا مفارق الحِلّه ؟
هووى يا عم بابكر ماتجرجرنى فى الكلام ودعتك الله .
بصراحه ياود المطامير !! عظمتك بتكمن فى عفويتك وطيبتك وتجسيدك للواقع بكل صدق !! ايها الشامخ !!

[ود المطامير]

الجنا ابجضيمات جنا المطامير دا ولادتو ذاتها كانت حادث ..
حادث هزّ المطامير رأساً على عقب ...

رتينة دكان جاد الله انطفت ..

الحيوانات طفشت !!

وحاجات وحاجات ...

الله يكفينا شر الحوادث
هع هع هع هع
شبارقه الوجيه
مشتاقين والله

يوم ولادتى .. نورت المطامير وزغردن النساء
والحيوانات اللى بتحلب بسكله بقت تملى جرد
آلمطامير أمانه ما جاك الخير وصبت المطره
وأينعت الزهور وجرت الوديان والنسيم عليل
هع هع هع هع

[ود المطامير]

ود المطامير الشوق بحر
الكلام ده جواهو كلام كتير فالواحد لازم يرجع لي كم بوست قديم عشان يقدر يفهم
ولنا عوده
يا الحبيب .. ويييينك ياخى والله الشوق شديد
ونعاين ليك هنى وهناك
والحكايه وما فيها أخوك ببحت فى الذى كان .