باركوا لي !! أهلبتّ .. [الأرشيف]

بورتبيل

05-11-2007, 12:12 AM

ولله مبروك الاهلبة يا معتــــــــز

واحسن ليك تفرح بالممتاز مع الناس البعرف كيف تفرح جماهيــرها في ارضها ( في مقبرة الكبار - استاد الهلال)
مش الرد كاسل - البقت الفضيحة فيه ملخطة على الحيطان دم احمـــر اربع مرات!! D:D:D:

معتز الريح

05-11-2007, 12:23 AM

ولله مبروك الاهلبة يا معتــــــــز
!! D:D:D:

الله يبارك فيك يا بورتو ..
لكن لولا المرض كان بديهم فرصة ..
والعمر مش بعزقة (على قول الحبايب) ..

مدنيّة

05-11-2007, 12:32 AM

سجمي يامعتز

جنيت ولا مالك ؟؟

معتز الريح

05-11-2007, 12:39 AM

جنيت ولا مالك ؟؟

لا ... عقلتّ ..

مدنيّة

05-11-2007, 12:42 AM

لا ... عقلتّ ..

كان عقلت ما كنت بتقول القلته دا
كلامك دا جنون مؤكد
:mad::mad::mad::mad::mad:

معتز الريح

05-11-2007, 12:45 AM

من زمان يا مدنية ..
لوني المفضل الأزرق ..
وبحب الأبيض ..
شفتي التبريرات ..

أها .. أنت أنتظر أهلبتك بعد مباراة الرد؟

نزار حسن محمد

05-11-2007, 12:52 AM

لا ... عقلتّ ..

ود الريح
انت كده 100%

خالد النور

05-11-2007, 12:54 AM

والله يا معتز يا أخوى كدا ووب وكدا وووب

معتز الريح

05-11-2007, 12:57 AM

ود الريح
انت كده 100%

الحبيب نزار ..
أهلبت على يد رضا ود حسن ..
أهاااا كده مش 110%

معتز الريح

05-11-2007, 01:00 AM

والله يا معتز يا أخوى كدا ووب وكدا وووب

أسكت يا حبيب .. ما تحرق لي موضوع البوست الجاي ..

admin

05-11-2007, 01:07 AM

أهلبت على وزن أسلمتّ ..
أهلبت مشتقة من الهلال ..

الهلال المعني هنا .. فريق الهلال ..

او تترك تيم اجدادك وابائك وتتبع التيم الجديد

معتز الريح

05-11-2007, 01:29 AM

او تترك تيم اجدادك وابائك وتتبع التيم الجديد

تقول شنو ؟؟
صبأ ود الريح ..
أنا حسه خايف من التعذيب ..

خالد النور

05-11-2007, 02:07 AM

أسكت يا حبيب .. ما تحرق لي موضوع البوست الجاي ..

الإتنين كروت محروقة

معتز الريح

05-11-2007, 02:22 AM

الإتنين كروت محروقة

وحرقوا أعصابنا معاهم ..

أمير عبداللطيف

05-11-2007, 03:38 AM

راجعوا كلام معتز دا كويس ،، وأخشى ان يكون مقلب !!!!!

الهلالاب الزعلانيين ( المريخاب ) اليومين عندهم عدم تركيز

ولسه راسهم لافى بعد ما دوروا فى الجهات ( الاربعه )

غايتو لو خليت الزعل ورجعت يامعتز مبروك عليك

رضا حسن محمد

05-11-2007, 04:16 AM

مرحب بيك فى فك التسجيلات
والله يا يابا شبهك شبه الهلال
زوق وفهم وعلم وثقافة
وكمان قيافة وفايت الناس مسافة

hamad2

05-11-2007, 04:21 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بدون تعـــــــــــــــــــــــ

abomazeen

05-11-2007, 04:33 AM

الإتنين كروت محروقة

خالد النور الوجيــه :

لك التحية والتقدير ...

بس المريخ ( حــــرق ) يوم انهزم زي ما قال الوجيه أمير عبد اللطيف ( بالجهات الأربعة )
والمبارة كانت يوم السبت اعتقد ذلك ولو اليوم غلط برضو اتحرقتو في اليوم القبالة أو اللي بعدو ..؟؟

يعني محروق مروق ( آس الأتـــو ما بمرقك ) صدقني حارق .. حارق

اليوم كسباً لنا بأن أخونا الوجيه ود الريح أخيراً عاد إلى رشــده وصوابــه ... مرحبتين بيه وسط أحبابه وبأهليته يكتمل الفرح وتتناغم الأفراح ( عزيز وغالي ) ... هييع هيييع هييع
أدخــل لي جــوا يا ود الريح ..!

abomazeen

05-11-2007, 04:34 AM

الإتنين كروت محروقة

خالد النور الوجيــه :

لك التحية والتقدير ...

بس المريخ ( حــــرق ) يوم انهزم زي ما قال الوجيه أمير عبد اللطيف ( بالجهات الأربعة )
والمبارة كانت يوم السبت اعتقد ذلك ولو اليوم غلط برضو اتحرقتو في اليوم القبالة أو اللي بعدو ..؟؟ :cool: :cool:

يعني محروق مروق ( آس الأتـــو ما بمرقك ) صدقني حارق .. حارق :p :p

اليوم كسباً لنا بأن أخونا الوجيه ود الريح أخيراً عاد إلى رشــده وصوابــه ... مرحبتين بيه وسط أحبابه وبأهليته يكتمل الفرح وتتناغم الأفراح ( عزيز وغالي ) ... هييع هيييع هييع
أدخــل لي جــوا يا ود الريح ..! :p :D :D :D

Madanawi

05-11-2007, 04:56 AM

والله يا ود الريح كمتطلبات للمرحلة .. برضو فكرة!!

معتز الريح

05-11-2007, 05:54 AM

وأخشى ان يكون مقلب !!!!!

أميرنا الحبيب ..
من ناحية مقلب؟؟ .. ممكن وأحتمال ..
الفيصل مباراة الرد ..
يا جيتكم وطلبت التوبه من الزملاء ..
يا كمان فلقت الجماعة معاكم ..

ابراهيم

05-11-2007, 06:01 AM

اصلو الازرق الفتان بتاع الناس الرايقين
دي عايزة احتفالية جامدة

معتز الريح

05-11-2007, 06:11 AM

مرحب بيك فى فك التسجيلات
والله يا يابا شبهك شبه الهلال
زوق وفهم وعلم وثقافة
وكمان قيافة وفايت الناس مسافة

المبشر الهلالي .. رضا ود حسن ..
أها رسالتك وصلت .. والمغريات أتت أكلها ..

لكن في ذمتك ..
الخلاك تتنبأ أنو المريخ مغلوب (4) قبل المباراه شنو؟
بركاتك يا شيخ رضا الهلالي ..

معتز الريح

05-11-2007, 06:18 AM

؟؟؟؟؟؟؟؟؟؟؟؟؟؟؟؟؟؟؟ بدون تعـــــــــــــــــــــــ

يا حمد يا حبيب ..
التعــــــــــــــــــــ وفروا بعد مباراة الرد ..

أو بعد نهاية الدوري الممتاز ..
حسه أنا مقدم طلب بالموافقة على يحسبوا
كأس 5 دوري ممتاز متتالية = كاس محمول جواً

معتز الريح

05-11-2007, 06:36 AM

اليوم كسباً لنا بأن أخونا الوجيه ود الريح أخيراً عاد إلى رشــده وصوابــه ... مرحبتين بيه وسط أحبابه وبأهليته يكتمل الفرح وتتناغم الأفراح ( عزيز وغالي ) ...

الحبيب أبومازن ..
أولاً : الشوق كميات ..
ثانياً :ما كنت قايلك من بني هلبه ..
ومن ناحية عدت إلى رشدي وصوابي ..
ما عارف أقول ليك شنو ..

تحياتي يا جميل ..

معتز الريح

05-11-2007, 06:39 AM

والله يا ود الريح كمتطلبات للمرحلة .. برضو فكرة!!

الحبيب .. وما تقول المرحلة دي دقيقة ..
جرب تعال ..

ابوزيد محمد نور

05-11-2007, 07:31 AM

ود الريح
انت كده 100%
منتظرين ومتوقعين الناس تانى ماتكتب بالون ؟؟؟ لا

معتز الريح

05-11-2007, 07:41 AM

اصلو الازرق الفتان بتاع الناس الرايقين
دي عايزة احتفالية جامدة

ابراهومة يا حبيب ..
الأزرق الفتان .. فيهو ناس جميلين ..
وكذلك الأحمر الوهاج ..
قبل ما الوهج يخطفوا التوانسه ..

ننفك من عقدة المصريين ..
يظهروا لينا التوانسة ..
الغريبة اللعيبه كلهم أولاد تسعة ..

معتز الريح

05-11-2007, 07:46 AM

ود الريح
انت كده 100%
منتظرين ومتوقعين الناس تانى ماتكتب بالون ؟؟؟ لا

والله البورد ده ظهروا فيهو كترة هلاليب
ويا أبوزيد الأحمر خليناهو لي صاحبك
داك في الشغل شعارو أحمر بأصفر

سلم عليهو وقول ليهو أشواقنا كمية

مدنيّة

05-11-2007, 10:24 AM

هوي ياود الريح الفيك اتعرفت خلاص
بعدين انا مريخااااااااااابية قبل الرد وبعد الرد والي ان يرث الله الارض ومن عليها

بس تعرف البوست دا اكد لي حقيقة
وهي انه 90% من الهلال
هم مريخاب زعلانيين

نزار عليك الله خلاص خلي الكورة الدخلت لينا فيها شمال دي وكفاية علينا واحد من اولاد هسن

والشكية لله طلع كمان فكي وتنبا بالاربعة

moh_alnour

05-11-2007, 03:56 PM

مبروك عليك يا ود الريح
والله نحن الهلال دا لو بقى قبلة حنخلي الصلاة
وإنشاء بعد داك يقيموا فينا حد الردة
بس الفيكم أتعرفت
قولوا ما شئتم فالتاريخ محفوظ والمابعرف يسأل عبده قابل

قلب من ورق

06-11-2007, 12:24 AM

مبروك يا معتز ........ وتأكد انو الهلال ما بخذل ناسو بذات الانتموا لية بي قناعة خيبة المنافسين
وهسي بي المنطق كدا البضوي اكتر الهلال ولا النجوم

النور محمد يوسف

06-11-2007, 12:58 AM

مبروك يا معتز ........ وتأكد انو الهلال ما بخذل ناسو بذات الانتموا لية بي قناعة خيبة المنافسين
وهسي بي المنطق كدا البضوي اكتر الهلال ولا النجوم

قلب من ورق معليش فان المنطق يقول النجم يضوي بذاته ولكن الهلال يعكس ما يقع عليه من ضوء.... ومبروك للهلال باضاءات معتز والبقية جاية

ودكمبال

06-11-2007, 07:39 AM

الغالى / ودالريح
اولا
حمدلله على السلامه والبطل يمرض ولا يموت وفكر كويس والمريخ انجازاتو الخارجيه كتيرة ومافى داعى لتعدادها وغيره صفر اليديين.وتقبل مرورى
ود
ك
م
ب
ا
ل

معتز الريح

06-11-2007, 08:25 AM

والشكية لله طلع كمان فكي وتنبا بالاربعة

ما ده ذاتو الخلانا نقلب

معتز الريح

06-11-2007, 08:32 AM

بس الفيكم أتعرفت

الحبيب محمد النور ..
ياخي أشكرك جزيل الشكر على سؤالك عني في غيابي ..
وياخوي انا قايلك هلابي .. طلعت صفوة ..
نعمل شنو لكن .. العمر ماشي والواحد بقى ما بقدر اتحمل ..
بس أهم شي لا تسدوا باب التوبه ..

معتز الريح

06-11-2007, 08:35 AM

وهسي بي المنطق كدا البضوي اكتر الهلال ولا النجوم

الهلال طبعاً .. بستمد الضياء من وشكم
ووش رضا ود حسن ..
بس خساره .. الهلال ده لو بقى كوكب ..
كان منطقنا بقى أقوى .. :d

معتز الريح

06-11-2007, 08:38 AM

والبقية جاية

يعني ما براي ؟؟ ..

معتز الريح

06-11-2007, 08:41 AM

والبطل يمرض ولا يموت

انت ما سمعت بالقتل الرحيم ..
بيني وبينك مرض زي ده أخير منو الموت ..

الحبيب ود كمبال ..
أشواقنا كمية ..
وأنقل تحياتي للحبوبة ..

مدنيّة

06-11-2007, 09:05 AM

[center]

ووش رضا ود حسن ..

معتز اسمع كلامي واخت رضا دا
وحاة الله في اقرب هزيمة للهلال ( وهي اقرب من ما تتصور ) يعمل معك شكلة لرب السماء

ودكمبال

06-11-2007, 09:33 AM

انت ما سمعت بالقتل الرحيم ..
بيني وبينك مرض زي ده أخير منو الموت
ودالريح/
ناس الهلال ديل ناس محلى وعمرهم مارفعوا كاس خارجى والماعندو قديم وين يلقى الجديد واليوم ماذدا قاد المريخ فى الدورى ونتيجة مبارة اليوم 5/ صفر ولسه المبارة ما انتهت.
تقبل تحيات حبوبه وعلى فكرة حبوبه بتشجع فريق اتحاد مدنى.
ود
ك
م
ب
ا
ل

معتز الريح

06-11-2007, 11:19 PM

معتز اسمع كلامي واخت رضا دا
وحاة الله في اقرب هزيمة للهلال ( وهي اقرب من ما تتصور ) يعمل معاك شكلة لرب السماء

يا مدنية .. المشكله مافي الأتيام ..
المشكله فيني أنا .. التيم البشجعوا بكُجو (بنحسو) ..
اليومين ديل أمكن ألحق أكجهم قبل الممتاز ما ينتهي ..
ولو الهلال ما شال الممتاز ..
حا أبقى أخطر من الحبيب أمجد عمر الكوارتي ..
وأمجد ده أخ وحبيب .. وعندي معاهو قصة جميله
أيام الدورة المدرسية .. هو ذاتو ما بتذكرها ..
برجع أحكيها ليكم ..

معتز الريح

06-11-2007, 11:23 PM

حبوبه بتشجع فريق اتحاد مدنى

ولو استمر الاتحاد على حاله
فترقب بوستي الجديد .. بعنوان ..
باركوا لي .. أهلوت ..
نسبة إلى الأهلي مدني ..

مدنيّة

06-11-2007, 11:52 PM

يا مدنية .. المشكله مافي الأتيام ..
المشكله فيني أنا .. التيم البشجعوا بكُجو (بنحسو) ..
..

وانا اقول الكجانا منوووو

خلا يازول
مبااااااااااارك علي هلاليتك دي

رضا حسن محمد

07-11-2007, 12:30 AM

معتز اسمع كلامي واخت رضا دا
وحاة الله في اقرب هزيمة للهلال ( وهي اقرب من ما تتصور ) يعمل معك شكلة لرب السماء
وين لقيناك لمن ناباك يايابا
انت ماك الكج انت السعد ةةش السعد
وياكا حظنا الجميل
اصلو الهلال يشبهك وانت بتشبه
وكية للمغلوبين
الملطشين من الدقيقة تلاتة اخدو اتنين
حالم حال السجم

مثني ودالعيكوره

07-11-2007, 12:46 AM

مبرووووك عليك يا ودالريح... ان رجعت الي رشدك

الصور دي هديه .......

http://by102fd.bay102.hotmail.msn.com/cgi-bin/getmsg?&msg=FC6A56CF-23C8-48BF-A66D-334B25844574&start=0&len=154393&curmbox=00000000-0000-0000-0000-000000000001&a=283c621aa10b75ceb0cdf24be293e844645f36e1c0cb1208 f737c78b679acc6a&mimepart=6

Isam Hussien H

07-11-2007, 10:53 PM

معتز يا أمير
سلام + ود + إحترام ،، لكل العائلة الكرام ..

نصيحه لي الله ،، أحسن تعمل نايم ،، وبس شجع نفسك في المعارك التي تخوضها بنفسك ،، الناس البنشجعهم إنتهوا ،، الأمر لا يتعلق بالجماهير ،، الموضوع يخص نظم الإحتراف والدفع وغير ذلك ،،
أقول ليك إتلون حسب الكورة الحلوة عشان ما تتعب قلبك ،، بعدين حسب ما ربتنا عليه المرحلة ممكن تغير إنتمائك خلال كل شوط من 4 إلى 5 مرات حسب الضرورة وفقهها ..

أخوك الكبير عصام حسين

معتز الريح

08-11-2007, 08:11 AM

وانا اقول الكجانا منوووو

الكُج يكون في ضربات جزاء ..
يكون في بلنتي ضايعة ..
لكن تلاتة أقوان في ربع ساعه ..
دي مرمطه ..

معتز الريح

08-11-2007, 08:13 AM

انت ماك الكج انت السعد ووش السعد
وياكا حظنا الجميل

الله يطمنك يا الحبيب ..
لكن ما تستعجل .. إحتمال تغير رايك ..

معتز الريح

08-11-2007, 08:15 AM

ان رجعت الي رشدك الصور دي هديه .......

الحبيب ود العيكورة ..
تشكر على التهنئة .. لكن الصور ما ظهرت عندي ..

وبعتبر هديتك وصلت ..

معتز الريح

08-11-2007, 08:24 AM

نصيحه لي الله ،، أقول ليك إتلون حسب الكورة الحلوة عشان ما تتعب قلبك ،،

أستاذنا وأخونا الحبيب عصام حسين ..
نجم نجوم مدني وعلم من أعلامها ..
عاطر التحايا والأشواق .. وتحياتنا لكل الأهل في الدوحة ..
حبيت أقول انك إضافة جميله ودفعه قوية للموقع ..

نسيت ..
شكراً على النصيحة الغالية ..
لكن برضو نردد ..
فلا تلمني فيما تملك ولا املك ..

نورت البوست ..

معتز الريح

09-11-2007, 03:27 AM

فاتني أن أنوه ..

أن كلمة " أهلبت " ليست لها علاقة
من قريب أو بعيد بكلمة " جقلبت "

ولعموم الفائده لزم التنويه ..

عمر البشير

09-11-2007, 04:41 AM

ولو انو ما فاهم معني الكلمة بس مبرووووووووووووووووك.

خالد عبدالماجد

09-11-2007, 11:55 PM

العزيز ودالريح
حقيقة الهلال بشبهك ومفروض إنت تكون هلالابي بالميلاد ولكن لابأس من ( الإهتداء ) بعد طول ضلال ..
بعدين موضوع الكج ده سيبك منو وجرب شجع الهلال لشهرين فقط لتعرف إن الكج ملازم للمريخ وليس بسببك ..

صابرحسين

10-11-2007, 01:28 AM

الأخ العزيز ود الريح
أنت فعلاً جقلبت وخليك صامد ولا تتهيب مبارات الرد ، وتذكر أن المريخ أسعدك كثيراً ، وأعرف كثيرين إرتدوا ثم إهتدوا أخيراً ، أتمنى أن تعود إلى رشدك ..... مع خالص أمنياتي بالتوفيق للمريخ وللكرة السودانية 00

معتز الريح

10-11-2007, 07:39 AM

ولو انو ما فاهم معني الكلمة بس مبرووووووووووووووووك.

معقولة ياود البشير ..
أنا بشرح من الصباح وتجيني تقول لي ما فاهم ..

دي حركات صفوة ولا شنو؟؟

معتز الريح

10-11-2007, 07:48 AM

من ( الإهتداء ) بعد طول ضلال ..

العزيز خالد (ود كسلا) ..
الرياضي الجميل ..
قالو الحكاية متعه .. وترويح عن النفس ..
إن شاء الله نلقاها عندكم ..

سؤال :
مباراة الرد في تونس متين ؟؟

معتز الريح

10-11-2007, 07:57 AM

الأخ العزيز ود الريح
أنت فعلاً جقلبت وخليك صامد ولا تتهيب مبارات الرد ، وتذكر أن المريخ أسعدك كثيراً ، وأعرف كثيرين إرتدوا ثم إهتدوا أخيراً ، أتمنى أن تعود إلى رشدك ..

أخونا الحبيب صابر ..
اسمك يا حبيب تأكيد لنظرية " كلٍ له من اسمه نصيب"
وأنا نفيت حكاية الجقلبة دي نفي رسمي ..

ومباراة الرد متهيبنها .. وخايفين من الفضيحة ..
لكن كان الجماعة غلبوا وجابوا الكاس ..
ياهو العدت لي رشدي ..

وفي النهاية أنا زي قريبي (ما بقول اسمو)
بنشجع الغالب ..

البوست نور ..

معتز الريح

10-11-2007, 08:07 AM

كما نسيت أن أضيف ..

أغنيتي المفضله هذه الأيام ..

كم نظرنا هلال ما شاقنا غير هلالو ..
ما أظنو زلال يروينا غير زلالو ...
التي حلت مكان اغنيتي المفضلة السابقة ..

نجمة .. نجمة .. الليل نعدو ..
وكذلك أغنية ..
يانجوم الليل أشهدي ..
على لوعتي وتسهدي ..

خالد عبدالماجد

10-11-2007, 10:04 AM

المتعة بتقاها ياود الريح بس أنا زعلان إنك قضيت الكتير من سنين عمرك بعيداً عن هذا العشق الجميل المسمى ( الهلال ) ..

عاشقة الهلال

10-11-2007, 10:38 AM

مبروك والله بس خت في بالك انته مراقب ممنوع الردة

معتز الريح

11-11-2007, 08:06 AM

بس أنا زعلان إنك قضيت الكتير من سنين عمرك بعيداً عن هذا العشق الجميل المسمى ( الهلال )..

يازول لسه شباب ..
بنتدرج لحدي ما نصل ..

معتز الريح

12-11-2007, 03:13 AM

ممنوع الردة

بس ما يكون برضو فيها قطع ..

غسان

14-11-2007, 02:07 AM

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

GREY MAN

14-11-2007, 10:19 AM

شنو يا اخوي الاهلبه الجاتك دي.
ولا اقول ليك ابقي موردابي عشان تكمل الطين والعجين.

مدنيّة

14-11-2007, 10:23 AM

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

لاحوووووووووولة
غسان انت زي رضا يعني ؟؟

مدنيّة

14-11-2007, 10:26 AM

شنو يا اخوي الاهلبه الجاتك دي.
ولا اقول ليك ابقي موردابي عشان تكمل الطين والعجين.

خليه يمشي عليهم
قال هو كوج من يومه في الفريق البشجعه

مدنيّة

14-11-2007, 10:28 AM

[img]http://www.malfat.com/up/uploads/863208e494.jpg (http://www.malfat.com/up/)

<embed width="281" height="79" src="http://www.rakoba.net/merrikh.mp3">

GREY MAN

14-11-2007, 10:44 AM

خليه يمشي عليهم
قال هو كوج من يومه في الفريق البشجعه

يعني نباركو ليهم؟؟؟؟؟؟؟؟؟؟؟

معتز الريح

15-11-2007, 08:09 AM

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

الحبيب الغالي ..
قالوا انت اليومين ديل لا فارز هلال لا مريخ
وبتشجع نادي الأسرة..
قبضت ولبدت ..
بيني وبينك الهلال اليومين ديل بستحق التشجيع ..

أظهر يا حبيب ..

معتز الريح

15-11-2007, 08:13 AM

شنو يا اخوي الاهلبه الجاتك دي.
ولا اقول ليك ابقي موردابي عشان تكمل الطين والعجين.

الحبيب المشتاقين لشوفتو ..
أنت قايل الخلاك تنسى الباسورد حقك شنو؟

الله يجازيكم يالتوانسة

معتز الريح

15-11-2007, 08:14 AM

لاحوووووووووولة
غسان انت زي رضا يعني ؟؟

وأســـــــــــــــــوأ

معتز الريح

15-11-2007, 08:18 AM

قال هو كوج من يومه في الفريق البشجعه

يا ريت الكج لو وقف على الرياضة !!! ..
اليومين ديل قايم علي كج المنتديات ..

GREY MAN

15-11-2007, 11:21 AM

الحبيب المشتاقين لشوفتو ..
أنت قايل الخلاك تنسى الباسورد حقك شنو؟

الله يجازيكم يالتوانسة

حظك متاهلب وكمان كج......
يا فرحه ما تمت

معتز الريح

16-11-2007, 11:49 PM

[img]http://www.malfat.com/up/uploads/863208e494.jpg (http://www.malfat.com/up/)

الكلام ده الكتبوا ..
لو صبر بيهو شوية وحضر مبارة الصفاقسي ..
شيطان الشعر ما كان طاوعو..

معتز الريح

18-11-2007, 05:33 AM

بعد مباراة الأمس ..
تأكدت أنني كنت مصيب في قراري ..

هيثم عبدالعال

18-11-2007, 08:54 AM

وأنا كمان معاك يا معتز تاني توبة لي حبوبة ، بس ما ماشي أي إتجاه لا هلال ولا فريق قومي ذاتو كفاية حرق أعصاب ( والفريق القومي ده لأشياء في نفسي وقبل فضايح غانا من هسي برفع يدي)،،، حأبقى على أندية مدني بس حتة عصبية إنتماء لا أكثر .

مرتضى يوسف العركي

18-11-2007, 09:09 PM

الحبيب معتز
الجاتك في ............ سامحتك
على كل رب ضارة نافعة .... على الاقل نقلل سقف تطاولنا بمنطق وبلا منطق في كل شيء الحلم مشروع ... كحلم ... وعلى ذلك لا بد من ....
زكرتني شقيقي اسامة ( ادمون ) كان متفائلا وحتى الان ازكر عند جلوسة لامتحان الشهادة وعد اصدقائه بعدد 2 party في حال نجاحه وعدد 1 واحد party في حال عدم نجاحه يعني في الاثنين هو محتفل ... ما احوجنا لفهم ذلك ونحن على اعتاب نهايات قانا كما يقول عمر النقي ....وقاشر بيها كمان يا معتز نحن في اعلامنا الرياضي ما قادرين نقولها وتشوف بعدين اعلام ام المعارك ...
فتك بعافية

معتز الريح

19-11-2007, 08:01 AM

كفاية حرق أعصاب

يا راجل بقينا حكاية ..
البغيظك زمان الناس تقول الحكاية إمكانيات!!! ..

moh_alnour

19-11-2007, 02:50 PM

الله يستر من غانا
ما تكون لينا مجزرة غانا بفلسطين

معتز الريح

19-11-2007, 10:28 PM

على الاقل نقلل سقف تطاولنا

الغالي الحبيب مرتضى ..
قصدك نعرش على كده ؟؟؟..

الصغير .. بمشي كبير ..
إلا نحن ماشين صغار ..

زي ما قال هيثم عبدالعال ..
أنسى ..

معتز الريح

19-11-2007, 10:34 PM

الله يستر من غانا
ما تكون لينا مجزرة غانا بفلسطين

الحبيب ..
الله يستر ..
تعرف أيام الفورة ..
كان عندي أمل ندخل دوري الأربعة ..

ويبقى الأمل !!!!

معتز الريح

24-11-2007, 12:52 AM

اتمنى من كل قلبي أن يفعلها المريخ اليوم ..

هيثم عبدالعال

24-11-2007, 04:01 AM

والله لو المسألة حسب فهمي ليها تبقى إرتداد وحتكون محطاتك صغيرة وبكرة ما تعرف تقبل وين
نحنا قبيل شن قلنا ، يا معتز أرسى ليك على بر
على كل حال أنا بهديك أغنية ( مع السرااااب ) أداء الفنان محمود عبدالعزيز شعر وتلحين منو ما عارف .

معتز الريح

24-11-2007, 06:07 AM

نحنا قبيل شن قلنا ، يا معتز أرسى ليك على بر
على كل حال أنا بهديك أغنية ( مع السرااااب ) أداء الفنان محمود عبدالعزيز شعر وتلحين منو ما عارف .

نعمل شنو يالحبيب ..
الضرس بتاور ..

بيني وبينك "مع السراب" أخف من " ظلموني"

نزار حسن محمد

24-11-2007, 09:57 PM

شوهد اليوم ود الريح بمصلحة الاحصاء وقد استخرجه شهادة ميلاد جديده
مبرووووك ..عليك
وانشاء الله بخيت وعديله ..

معتز الريح

24-11-2007, 11:15 PM

شوهد اليوم ود الريح بمصلحة الاحصاء وقد استخرجه شهادة ميلاد جديده ..

أدوني تسنين بسن صغير ..
الله يمرقنا من التجنيد

وانشاء الله بخيت ..

بخيت دي فيها شك ..

moh_alnour

25-11-2007, 03:10 PM

يا ود لريح
بيني وبينك بعد الأداء المقنع للكتيبة الحمراء وبعد الخروج المشرف دا ضرسك ما تاورك
وكان عاوز ترجع نحن مسامحنك بس نكاية في الهلالاب الحاقدين ديل وأولهم رضا الحاقد بتاع الليموزين داك

معتز الريح

25-11-2007, 10:14 PM

سامر حسن

27-11-2007, 12:35 AM

مدنية

في أغنية بغنوها ناس الهيلاهوب بتاعة النسوان الأربعة حاولي أسمعيها
......

ده النشيد العملوهو قبل ما ياخدوا الأربعة .... مش
كر كر كر علــــي
طه سليمان حسوا اتقرش

معتز الريح

27-11-2007, 10:13 PM

مدنية

في أغنية بغنوها ناس الهيلاهوب بتاعة النسوان الأربعة حاولي أسمعيها
ده النشيد العملوهو قبل ما ياخدوا الأربعة ....

مدنية قالت عندها حساسية من الرقم أربعة ..
معذوره ..

معتز الريح

29-11-2007, 06:13 AM

يوم لقاء الفريقان ..
يوم يفرح المشجع أو مرق حزنان ..

الله يستر ..

فدوى الحسن

29-11-2007, 02:51 PM

الف مبروووك للهلال والهلاليين الكأس... فوز بجدارة يا شباب

moh_alnour

29-11-2007, 03:13 PM

الحبيب محمد النور ..

طيب أدوني فرصة أحتفل بكاس الدوري الممتاز

وبعدين بنتفاهم ..

الحبيب : معتز الريح
قطع شك بعد كدا بنتفاهم
ولا رأيك شنو
ورغم كل شي فسيظل المريخ سيد البلد والزعيم
حتى يعادل الغير أنجازاته

معتز الريح

30-11-2007, 01:41 AM

الف مبروووك للهلال والهلاليين الكأس... فوز بجدارة يا شباب

بقيت هلالابي ..
وبقيت أتلقى التهنئة كمان ..
ده الكلام ...

الله يبارك فيك يا فدوى ..

معتز الريح

30-11-2007, 01:45 AM

الحبيب : معتز الريح
قطع شك بعد كدا بنتفاهم
ولا رأيك شنو
ورغم كل شي فسيظل المريخ سيد البلد والزعيم
حتى يعادل الغير أنجازاته

أهم ما في الموضوع
أنو انتفت صفة الكُج عني ..
خلي اليفتشوا ليهم سبب تاني ..

سؤال :
تكون الكُج مدنية ؟؟

بورتبيل

30-11-2007, 11:44 PM

=بورتبيل05-11-2007, 12:12 PM
ولله مبروك الاهلبة يا معتــــــــز

واحسن ليك تفرح بالممتاز مع الناس البعرف كيف تفرح جماهيــرها في ارضها ( في مقبرة الكبار - استاد الهلال)
مش الرد كاسل - البقت الفضيحة فيه ملخطة على الحيطان دم احمـــر اربع مرات!! D:D:D:

زمااااااااااااان قلنا ليـــــــــك شنو يا معتز اها شفتا طعم الفرح كيف بيكون !!

معتز الريح

01-12-2007, 11:12 PM

زمااااااااااااان قلنا ليك شنو يا معتز اها شفتا طعم الفرح كيف بيكون !!

حبيبنا حسه كان إرتديت ..
كاس الممتاز ده بتحسبوا لي ؟؟
---------------------------
بيني وبينك خمسة كتيره ..

نزار حسن محمد

04-12-2007, 11:34 PM

فى حفلا بهيج توشح ود الريح بشعار
الازرق الجميل
وسط صيحات الجماهير

مرحبا بك فى دارك ود الريح
* * *
سمعته ياود الريح
بنكتت الجنوبى الاسلام ...
بحكيها لك براك بعدين ؟؟؟

معتز الريح

05-12-2007, 11:07 PM

أبو النيز .. كما يناديك الحبيب رضا الغايب
وكمان جايينا كاس السودان ..
مكسب برضوا ..

----------------------------
انا سمعت بنكتة صاحبنا الإرتدّ..
منتظرك ..

مدنيّة

06-12-2007, 11:39 AM

أهم ما في الموضوع
أنو انتفت صفة الكُج عني ..
خلي اليفتشوا ليهم سبب تاني ..

سؤال :
تكون الكُج مدنية ؟؟

يا معتز جاية اقول ليك شكلك ما انت الكُج
كدي بعملها في كاس السودان ونتابع
ولو طلعت انا براة بجيب المريخاب واحد واحد ويعملوا عملتك دي مي شان نشوف الكُج دا منوووو :D

مدنيّة

07-12-2007, 03:02 AM

مع العلم يامعتز ياخوي انه تاريخ مباراة كاس السودان براااااااااه كُج
يوم 13
والله يكضب الشينة

الزمن المريح

07-12-2007, 11:58 PM

معليش يا شباب

لكن الذى لا يرضى بالهزيمة فى كرة القدم لا يعرف ما هى كرة القدم
و الذى اراه من مشجعى الهلال و المريخ مع الاحترام للبعض اغلبهم لا يعلمون عن هذه المستديرة شىَ و ربما يجهل قوانينها

اتمنى ان تنهض الاسود من سباتها لتلتهم هذه النعاج الطايشة (الاسود هنا فرقنا بمدنى)

اتمنى ان تعود ثقافة تشجيع فرق مدنى فقط من غير هلاريخ

معتز الريح

08-12-2007, 10:39 PM

يا معتز جاية اقول ليك شكلك ما انت الكُج
كدي بعملها في كاس السودان ونتابع
ولو طلعت انا براة بجيب المريخاب واحد واحد ويعملوا عملتك دي مي شان نشوف الكُج دا منوووو :D

الحمد لله ..
يا ما في السجن مظاليم ..

ومنتظر معاك عشان نعرف
ده منو ده الناحس فريقي (السابق) ..

معتز الريح

08-12-2007, 10:40 PM

مع العلم يامعتز ياخوي انه تاريخ مباراة كاس السودان براااااااااه كُج يوم 13
والله يكضب الشينة

أهاااااااااااا .. قمنا ..

معتز الريح

08-12-2007, 10:43 PM

اتمنى ان تعود ثقافة تشجيع فرق مدنى فقط من غير هلاريخ

الحبيب ..
ونحنا كمان بنتمنى معاك ..

moh_alnour

14-12-2007, 12:00 PM

حقاً لا يصح إلا الصحيح
فالسيادة والزعامة ذهبت طائعة ومختارة إلى مكانها الطبيعي
والذي ألفته وألفها في رحاب القلعة الحمراء قلعة الكوؤس والبطولات والإنجازات
وذلك لأنها سيادة وزعامة حقيقية تستند إلى تأريخ حافل من الإنجازات والبطولات الداخلية والخارجية
وأثبت المريخ أنه حصان سباق يمكن المراهنة على أسمه وتأريخه وأثبت لنا أن لكل جواد كبوة
وأن الزعيم يمرض ولكنه لا يموت
ألف ألف مبروك لعشاق التميز والعطاء ، فمن غيرنا أعطى لهذا الشعب معنى يوم أن عاش وأنتصر
ويا مدنية خلاص عرفنا الكُج منو
ويا ود الريح ألف ألف مبروك الفوز
وألف ألف ألف مبروك المولودة الجديدة وتتربى في عزكم إنشاء الله ( بس زيدت لينا البايركس واحد )
وبالمناسبة يا ود الريح الباب مفتوح على مصراعيه لك لكي تعود إلى مكانك الطبيعي

GREY MAN

14-12-2007, 12:11 PM

الحمد لله ..
يا ما في السجن مظاليم ..

ومنتظر معاك عشان نعرف
ده منو ده الناحس فريقي (السابق) ..

1

EDAHORE

ابراهيم

14-12-2007, 12:14 PM

حقاً لا يصح إلا الصحيح

فالسيادة والزعامة ذهبت طائعة ومختارة إلى مكانها الطبيعي
والذي ألفته وألفها في رحاب القلعة الحمراء قلعة الكوؤس والبطولات والإنجازات
وذلك لأنها سيادة وزعامة حقيقية تستند إلى تأريخ حافل من الإنجازات والبطولات الداخلية والخارجية
وأثبت المريخ أنه حصان سباق يمكن المراهنة على أسمه وتأريخه وأثبت لنا أن لكل جواد كبوة
وأن الزعيم يمرض ولكنه لا يموت
ألف ألف مبروك لعشاق التميز والعطاء ، فمن غيرنا أعطى لهذا الشعب معنى يوم أن عاش وأنتصر
ويا مدنية خلاص عرفنا الكُج منو
ويا ود الريح ألف ألف مبروك الفوز
وألف ألف ألف مبروك المولودة الجديدة وتتربى في عزكم إنشاء الله ( بس زيدت لينا البايركس واحد )

وبالمناسبة يا ود الريح الباب مفتوح على مصراعيه لك لكي تعود إلى مكانك الطبيعي

محمد النور
الليلة من دون الايام شايفك كتاتبك حمراااااااااا
والله مبروك كاس السودان عليكم وتستحقوه
لكن باقي ليك قون ايداهو دة برجع ود الريح؟؟

ويا معتز الف مبروك المولودة الجديدة
تتربي ففي عزكم و تملا البيت نضار وجمال

GREY MAN

14-12-2007, 12:16 PM

GREY MAN

14-12-2007, 12:19 PM

يا ود الريح انشاء الله البنيه اضانه حمره

moh_alnour

14-12-2007, 12:43 PM

محمد النور

الليلة من دون الايام شايفك كتاتبك حمراااااااااا
والله مبروك كاس السودان عليكم وتستحقوه
لكن باقي ليك قون ايداهو دة برجع ود الريح؟؟
ويا معتز الف مبروك المولودة الجديدة

تتربي ففي عزكم و تملا البيت نضار وجمال

الله يبارك في أيامك يا جار
والله أنت من الهلالاب السيوبر والقليلين وحرام والله
أنت ورضا حسن تشجعوا فريق واحد
والأحمر والله نحن بنعشقوا من قبل الثورة البلشفية
وهو اللون الذي يجري في عروقنا دماً يبعث فينا الحياة
والله يا إبراهيم ود الريح بعد كدا لو ما رجع حنقيم فيهو الحد
الأخ : جيري مان
تسلم العيون القرتو ، البت أضان حمرا ومريخابية بالميلاد
ويمكن يسميها إيداهورا

المكاشفى

14-12-2007, 03:19 PM

جبنا التار سمبك
حااااااااااااااااااااااااار
مبروك ودالنور ومدنيه وكل عشاق الاحمر
ومبروك عليك الازرق يامعتز

المكاشفى

14-12-2007, 03:43 PM

http://www.kooora.com/default.aspx?showarticle=30776&obj=0

مدنيّة

15-12-2007, 11:23 AM

وبالمناسبة يا ود الريح الباب مفتوح على مصراعيه لك لكي تعود إلى مكانك الطبيعي

باب واحد مفتوح ليه مافي يا محمد نور
المابقيف معانا وقت احلارة عايزين بيه شنو

فتحي همام

15-12-2007, 11:42 AM

باب واحد مفتوح ليه مافي يا محمد نور
المابقيف معانا وقت احلارة عايزين بيه شنو

]يا معتز
أولا مبروك البنية و تتربى فى عزك و هى طبعا مريخابية تبعنا لأن وشها وش سعد مع سيد البلد مريخ العزة و الشموخ و جالب الكاسات المحمولة جوا
و حقو البت دى تختار ليها الإسم مدنية :D:D

http://www.alnsri.com/upload/uploads/d68eed8a64.gifhttp://www.alnsri.com/upload/uploads/d68eed8a64.gifhttp://www.alnsri.com/upload/uploads/d68eed8a64.gif
http://wadmadani.com/vb/image.php?u=2938&dateline=1194811614http://www.alnsri.com/upload/uploads/d68eed8a64.gifhttp://www.alnsri.com/upload/uploads/d68eed8a64.gifhttp://www.alnsri.com/upload/uploads/d68eed8a64.gif

معتز الريح

16-12-2007, 12:05 AM

قبل ما أرد على أي حبيب ..
كدي ورونا حد الردة في عرفكم شنو؟

بس أوع من القطع ..

فتحي همام

16-12-2007, 04:20 AM

حبيبنا معتز هدية مريخاب البورد ليك

http://alrakoba.com/vb/images/smilies/01114.gifhttp://alrakoba.com/vb/images/smilies/01114.gif
http://alrakoba.com/vb/images/smilies/01114.gifhttp://members.lycos.co.uk/kalaki/up/pic/EidMubarak.jpg

معتز الريح

16-12-2007, 08:09 AM

ويا مدنية خلاص عرفنا الكُج منو

أها وطلع منو ؟؟ ..

[COLOR="Blue"]ويا وبالمناسبة يا ود الريح الباب مفتوح على مصراعيه لك لكي تعود إلى مكانك الطبيعي

أها بعد ده بتقبلوني ؟؟

---------------------------------
مبروووووووك يا محمد النور ..
وسعادتكم دي زاتها مفرحاني ..

معتز الريح

16-12-2007, 08:19 AM

1
EDAHORE

حبيبنا أبوالعروسة ..
الشغلانة بايظه ..
قلبنا ما نفع .. ولو رجعنا برضو ما بنفع ..

أكون أنا كجيت الهلال ؟؟

معتز الريح

16-12-2007, 08:20 AM

أنا بكتب وبعاين لمداخلات فتحي همام
شايل منها هم ..

الزول ده ما تمسكوا مني ...

مدنيّة

16-12-2007, 11:01 AM

[img]http://www.malfat.com/up/uploads/863208e494.jpg (http://www.malfat.com/up/)

<embed width="281" height="79" src="http://www.rakoba.net/merrikh.mp3">

فتحي همام

17-12-2007, 03:28 AM

أنا بكتب وبعاين لمداخلات فتحي همام
شايل منها هم ..

الزول ده ما تمسكوا مني ...

:D:D:D
:D:D
:D

حبيبنا معتز المريخابى الأصيل
والله ده كلو عشان ترجع لى قواعدك سالم
وبنعتبر كلامك الفات حرده عابرة من كترة حبك للنجمة
و المرتد بيستتاب للرجوع للحق :D:D
وكل سنة و انت طيب يا نوارة المنتدى

مدنيّة

17-12-2007, 10:29 AM

فتحي ياخوي دا كلام شنو دا ؟؟

ود الريح تاني ما يورينا وشه في العرضة جنوب ابدا

حتي لو ماشي يزور نسابته

GREY MAN

17-12-2007, 11:22 PM

انتظرو مفاجاة ود الريح

moh_alnour

18-12-2007, 04:39 AM

انتظرو مفاجاة ود الريح

أوعي يكون عايز يشجع القراقير
ولا العرجة لمراحا
سيد الأتيام
الرومان
الأفيال

DANY

19-12-2007, 08:33 PM

لاحول ولاقوة الابالله
عجبى والله !!!!!!!!!!!!!
!!!!!!!
!!!!
!!
!

معتز الريح

23-12-2007, 06:55 AM

[COLOR=blue]لكن باقي ليك قون ايداهو دة برجع ود الريح؟؟

ويا معتز الف مبروك المولودة الجديدة
تتربي ففي عزكم و تملا البيت نضار وجمال

الحبيب إبراهيم ..
تحياتنا وأشواقنا وكل عام وأنت بألف خير ..

قون إيداهو ده ذكرني بي نكتة ..
ياسيدي الحسن ما تجرني
براي برجع ..

ألذ حاجه أنو محمد النور اتصل علي يوم المباراة ..
أنا قايلوا عايز يبارك لي المولوده ..
طلع عايز يغيظني بالنتيجة ..
ههههههههههه - ألذ زول محمد النور ده ..

معتز الريح

23-12-2007, 07:02 AM

[COLOR="Red"]والله يا ود النور ده كلام مفروض يكون منحوت في بوابة القلعه الحمراء
تسلم يدك

ده الكلام .. انتو ما صفوة في بعضكم ..
أنت صلح ليهو وهو يشوت .. يعني عشان انت ساكن قدام نادي المريخ ..

لكن يا حبيب أنا بتذكر انت في يوم كنت هلالابي ..
أيام كنت بتحب الهلالابية ..

قلبت بعد الشاكوش ولا شنو؟

معتز الريح

23-12-2007, 07:11 AM

يا ود الريح انشاء الله البنيه اضانه حمره

حمرا ومكتوب عليها باولينو ..

moh_alnour

23-12-2007, 01:24 PM

الحبيب إبراهيم ..

تحياتنا وأشواقنا وكل عام وأنت بألف خير ..

قون إيداهو ده ذكرني بي نكتة ..
ياسيدي الحسن ما تجرني
براي برجع ..

ألذ حاجه أنو محمد النور اتصل علي يوم المباراة ..
أنا قايلوا عايز يبارك لي المولوده ..
طلع عايز يغيظني بالنتيجة ..

ههههههههههه - ألذ زول محمد النور ده ..

لذيذ الفول يا ود الريح
ما في داعي لكشف الحال يا ود الريح
أنا ما كنت عارف موضوع ليان في الوكت داك

معتز الريح

12-07-2009, 11:07 PM

كل يوم بكتشف أنو ..
أتخذت القرار الصائب ..

هو تيم يشجعوا .... وتشجعوا ..... فيهو خير؟؟

العاقب مصباح

12-07-2009, 11:12 PM

كل يوم بكتشف أنو ..
أتخذت القرار الصائب ..

هو تيم يشجعوا .... وتشجعوا ..... فيهو خير؟؟

تخطيطك استراتيجى يا معتز اخوى

ونظرتك اكيد صائبة

ربنا يهدى الباقيين

مبروك على الهلال

وعليك الهلال

اتفضل نسكافيه

معتز الريح

12-07-2009, 11:18 PM

تخطيطك استراتيجى يا معتز اخوى
ونظرتك اكيد صائبة
ربنا يهدى الباقيين
مبروك على الهلال
وعليك الهلال
اتفضل نسكافيه

بعدين يا العاقب أخوي
لقيت لي مراقة تاني ..
(القلب) هلالابي ;)

العاقب مصباح

12-07-2009, 11:22 PM

بعدين يا العاقب أخوي
لقيت لي مراقة تاني ..
(القلب) هلالابي ;)

ياخى العريس فى جبهته لازم يكون عنده هلال

وفى المئذنة لازم يكون هلال

نحن مسلمين كمان صح

معتز الريح

12-07-2009, 11:27 PM

ياخى العريس فى جبهته لازم يكون عنده هلال
وفى المئذنة لازم يكون هلال
نحن مسلمين كمان صح

صدقني يالعاقب أخوي ..
غلب سيكافا الأخير ده شييييييييييين ..
وعيب عديل كده ..

مدنية وود النور عاملين عزاء عديل ..

عبدالرحمن مدثر

13-07-2009, 12:14 AM

صدقني يالعاقب أخوي ..
غلب سيكافا الأخير ده شييييييييييين ..
وعيب عديل كده ..

مدنية وود النور عاملين عزاء عديل ..

والله شين دى شوية فيهو

بعد هذه البشتنة نطالب بعودة الانيق (الواااالى )

الى دياره التى يحبها .. بدلا من حرق الاعصاب

مع شتارة الزومة :p:p:p

معتز الريح

13-07-2009, 01:21 AM

والله شين دى شوية فيهو
بعد هذه البشتنة نطالب بعودة الانيق (الواااالى )
الى دياره التى يحبها .. بدلا من حرق الاعصاب
مع شتارة الزومة :p:p:p

ياحبيب .. صدقني لي زمن
ما بشجع كورة نهائي ..
من جنس العمايل دي ..

معتز الريح

13-07-2009, 01:39 AM

يبدو أن مقولة الهلالاب (أمثالي) صحيحة ..
أن المريخ قد (استحلى) الوصافة ..

ود علوية

13-07-2009, 09:56 AM

لمن قلت اهلبت وقبل ما اقراء بقية التعليقات مسكت زمام التلفون المبايل عشان ابارك ليك المولود الجديد واظنيتها بنت ؟ وقلت احتمال دية اسم جديد من اسامي الزمن دية؟!!!!! لكن خاب ظني لانو الحكاية ما فرقت شديد ان كنت مريخابي او هلالابي كله عندي في الهواء سواء ؟ وسؤال للجميع لماذا كل هذا الاهتمام بالكورة من تشجيع وشكل وزعل ودخول للملعب من الصباح والقووف طوال المباراة في السخانة والمطر والبرد والجرائد تكتب وشنو داك وكل الهلم وجر وانت ما مستفيد ولا حاجة كمشجع ؟لا مستفيد شهرة ولا مال ولا حتي رياضة ؟ هل من مجيب ؟ ولا تزعلوا يا ناس الرياضة فلكم العتبي حتي ترضو1فالمستفيد الاول هو الاعب !!!!!!
مبروك يا معتز الالهلبة او المرنخة او حتي الموردة!!!!

ابوالنور

13-07-2009, 10:03 AM

البوست ده ما شالو السيل

معتز الريح

14-07-2009, 06:13 AM

وسؤال للجميع لماذا كل هذا الاهتمام بالكورة من تشجيع وشكل وزعل ودخول للملعب من الصباح والقووف طوال المباراة في السخانة والمطر والبرد والجرائد تكتب وشنو داك وكل الهلم وجر وانت ما مستفيد ولا حاجة كمشجع ؟لا مستفيد شهرة ولا مال ولا حتي رياضة ؟ هل من مجيب ؟

ابن العمة الحبيب ..
والله مرضة وإدمان ساي .. ولا جايب همو ..
وأنا من زمان بايع القضية ..
وأنا ومولانا عوض صقير بنشجع (الطيبين) بس ..

باللفة :
العملها قريبك عصام في منتدى المناسبات ..
أخير منها غلب المريخ في الردكاسل ..

معتز الريح

14-07-2009, 06:16 AM

البوست ده ما شالو السيل

يا حبيب السيل أريتو كان شال البوست ده ..
وما شال كاس سيكافا ..
على الأقل ناس مهدي وودالنور وعمر سنهوري
وباقي الحبايب صلحوا نفسياتهم ..

ود علوية

15-07-2009, 01:15 AM

ود الخالة عصام عمل شنو في المناسبات ؟ يا ود الخال

علي النعيم محمد نور

15-07-2009, 10:41 AM

أخشي عليك من الإسنجاد من رمضاء المريخ بنار الهلال . . . وأبقي زينا دوري أوربي وعربي و سيد الأتيام . . .

الملكة اسماء ( ام محمد )

18-07-2009, 03:39 AM

يا جماعة صاحب البوست دا وين
في ناس عايزين يسئلوه من الاجراءت والاوراق المطلوبة :rolleyes::D:D:D:rolleyes:

abomazeen

13-09-2009, 03:51 AM

يا جماعة صاحب البوست دا وين
في ناس عايزين يسئلوه من الاجراءت والاوراق المطلوبة :rolleyes::D:D:D:rolleyes:

وبعد الثلاثة التاريخية ... ;) ;) ;)كل الأوراق والتسهيلات عندنا مجاناً لكل من أهلب :p :p !

محمد السر

14-09-2009, 12:32 AM

أهلبت على وزن أسلمتّ ..
أهلبت مشتقة من الهلال ..

الهلال المعني هنا .. فريق الهلال ..

انت عارف يا معتز انت الزول التالت في المنتدى ...يعمل كدا
معناه شنو الكلام دا؟؟؟

تغريد

14-09-2009, 12:52 AM

انت عارف يا معتز انت الزول التالت في المنتدى ...يعمل كدا
معناه شنو الكلام دا؟؟؟

معناتا بحث عن الفريق الفائز وين و الانتماء له ومتي ما خسر مرة اخري أبحث عن غيره يا محمد السر :p

ملحوظة صغيرونة

لو الهلال دا اتغلب ليهو كم مرة كدا عااااااااادي بتلقي بوستات تغيير الهوية كترت طالما الانتماء بس للفائز :D

معتز الريح

14-09-2009, 02:20 AM

أخشي عليك من الإسنجاد من رمضاء المريخ بنار الهلال . . . وأبقي زينا دوري أوربي وعربي و سيد الأتيام . . .

يا جنابو .. والله اليومين الهلال جنة ..
ومن تاريخ البوست ده .. الهلال ما قصر بعكس المريخ ..

وبعدين ياخي أنا روماني الهوى ..

الرد اتأخر لأنو ما شفت المداخلة إلا الآن .. فلك العتبى ..

معتز الريح

14-09-2009, 02:21 AM

يا جماعة صاحب البوست دا وين
في ناس عايزين يسئلوه من الاجراءت والاوراق المطلوبة :rolleyes::d:d:d:rolleyes:

مافي إجراءات ..
أهم شي الجلد التخين ..
وتحمل الرزالة ..

والمزعج لو الفريق القلبتي ليهو أتغلب في أول مباريتين
بعد القلبة .. عندها لقب الكج ما حيفارقك ..

معتز الريح

14-09-2009, 02:24 AM

وبعد الثلاثة التاريخية ... ;) ;) ;)كل الأوراق والتسهيلات عندنا مجاناً لكل من أهلب :p :p !

يقصر الملح ..
لكن والله 3 كتيره ياخ ..

معتز الريح

14-09-2009, 02:26 AM

انت الزول التالت

الحبيب ود السر ..
لو راجعت تاريخ أول مداخلة في البوست حتعرف إني مأهلب من بدري ..
بقيت (سيد بلد)أقصد (سيد بيت) عديييييييل ..

كلو من مدنية ..

معتز الريح

14-09-2009, 02:28 AM

معناتا بحث عن الفريق الفائز وين و الانتماء له ومتي ما خسر مرة اخري أبحث عن غيره يا محمد السر :p

ملحوظة صغيرونة

لو الهلال دا اتغلب ليهو كم مرة كدا عااااااااادي بتلقي بوستات تغيير الهوية كترت طالما الانتماء بس للفائز :d

تغريد ما تزعلي ياخ ..
عندي الضغط .. والمريخ ده بنحبو
لكن يوم بقتلنا ..

معتز الريح

28-08-2010, 12:02 PM

الحمد لله الذي أنار بصيرتي وعقبال باقي الشباب ..

ابو الامجاد

28-08-2010, 01:22 PM

قلب من ورق معليش فان المنطق يقول النجم يضوي بذاته ولكن الهلال يعكس ما يقع عليه من ضوء.... ومبروك للهلال باضاءات معتز والبقية جاية

حقيقة اجمل تعليق وافي وموفي

الجندي المجهول

28-08-2010, 09:35 PM

اعتقد ان الشخص الذي تحبه سوف تحبه للنهاية سواء في السراء او الضراء

ولا انت عاوز تشجع المريخ وهو غالب بس ( دي ما بتلقاها )

المشكلة عندنا في ( عديمي المخ والقلب) الذين ارتدو الشعار في ( غفلة من الزمان)

وطالما انحنا في السودان فلا تستغرب لأي شئ يحدث فكله جائز ( فلان بقى وزير وفلان بقى سفير وفلان بيلعب في المريخ) دا ياهو السودان الان ولا شئ يتسحق رفع الضغط ( ساطع وليان وانا ) في حاجة ماسة لك ..

تخريمة : يا اخوي والله والله خليك زي ناس ( البيبي دول ) واخد الموضوع كونسة ( لان كورتنا ونسة)

ضربة جزاء : الم تشاهد مباراة منتخبنا القومي ( للناشئين) بعد انتهت الكورة قدر ( الجمهور الموجود) صفق لمنتخب تونس ( وصرخ في وجه لاعبينا) الواسطة الواسطة ( اشارة) لان لاعبينا المختارين للمنتخب اغلبهم ابناء مسؤولين (او ابناء او اخوان لاعبين سابقين ) يعني عاوزنها تبقى وراثة ( ولا يملكون الموهبة ) وهذه حقيقة لاني شاهدة المباراة (والله قبل ما اسمع بي كلام الواسطة دا ابديت راي الخاص ونفس هولاء كالموجودين ستجدهم متوشحين بشعار الهلال او المريخ يوم ما بكل اسف