كلام الطير في الباقير

[ابراهيم]

أعزائي الكرام من داخل استديوهاتنا الرئيسية بالقاهرة ابث لكم أشواق سرمدية ووجد خراقى


وحنية بحتة

ويسرني ويسعدني ان اتحفكم عبر التكنولوجيا آخر واجمل شمارات ما قبل رمضان

ايها الراستات الكرام ... والسادة المفتحين في كل أنحاء السودان والشكينيبة والمرقوطية والقرى المجاورة لكم تحياتي وانتم تتعبقون بنسائم الشهر الكريم رمضان وكل عام وانت بخير وعبركم ابث التحايا القلبية ووصيتي ليكم اعملو حسابكم في الشهر الكريم وما تقولو الزول دا بقى شيخ لكن حق الكريم ما فيه لعب ولا كيف يا فرد؟

طيب نخش في الموضوع وهو بعنوان

الإنترنت جعل العالم كقرية صغيرة ... يعني زي الرتينة بقت ... أو القطامية ... أو امدوينة .. وقس على ذلك انني سمعت عن الانترنت في العشرينات ما يعادل 25 سنة قبل الميلاد بتوقيت قرينتش يعني بالسوداني 30 ميل مربع المهم في الزمن داك الفيوم دي كانت خلا سااااااااااااااكنت فدعاني صديقي حسن تلودي الى مائدة عشاء في باريس جنوب خط الاستواء ... فكانت تلك الليلة ليلة عامرة بكثير من رؤساء الدول وعلى رأسهم تلش حسن احمد البشير امبراطور عزبة النحل في ذاك الاوان والأمين العام للجامعة العربية بمدينة النيل وقائد عام قوات المارينز السودانية وبوتقة من المشاهير ... وتحدثنا وقتها عن العولمة ، والتكنولوجيا وكيف أن الانترنت جعل العالم كقرية صغيرة وبعد أن انتيهنا من العشاء والذي كان عبارة عن ملاح تقلية والذي ابدعت كونداليزا رايز في طبخه واظهرت جانب خفي من حياتها في تلك التقلية التي يرجع إكتشافها الى حوا الطقطاقة في القرن الثاني عشر ... وكما أتحفتنا ماريا كيرى بالمديدة التي أصرت على عملها رغم إصرار نانسي عجرم فحقاً كانت أجمل مديدة دخن تذوقتها في حياتي .. فكانت الليلة حافة بالتحف والمغنين خصوصاً الدويتو المبدع امبلينا السنوسي ومادونا ورائعتهم آي ويل بي زير ... فعندما شدوا بهذه الرائعة أذكر أن الملك فهد إنطرب حتى صار يهتف النبق النبق النبق .... أما عبد العزيز بتوفليقا فلم يستطع السيطرة على نفسه فما كان إلا ان انكشح في المسرح ورقص القسم ... وتوالت الأحداث الشيقة وبعدها ألقيت كلمتي ومقولتي الشهيرة التي حفظها الجميع عن ظهر قلب "ممنوع أكل التسالي في الأماكن العامة" وفي الحلقة القادمة نواصل

[امير عبدالباقي]

تلش
انيره غاندي لوكانت في كانت عاست ليكم الكسره لملاح التقليه ؛ واحاتك ياود امي كمان تاتشر لوفي كان رقصت ليك رقصه القرد وكشفت كمان بس باين عليكم مادعيتوهم ؛ ماعندكم حق والله

[ابراهيم]

معليش يا أمير يبدو أن عربدة الزمن واستعجاله قد خلف آثاره الرجعية في رأسي فنساني أن أذكر أن انيرة غاندي كانت معزومة عرس في الفتيحاب فاعتذرت ببرقية أنيقة وبعثتها مع مراسلنا ياسر عرفات أما تاتشر فقد اختلفت وجهات النظر في دعوتها لذلك قلنا الباب البجيب الريح سدو واستريح فكان هنالك آراء متبلورة ومتكورة فمنهم من قال ان اسمها يجلب الاحساس بالحرب لأن التاتشر هو لاندكروزر يحمل فيه الدوشكا ، فخشينا أن نعكر تلك الليلة الحالمة ويستمر التواصل في الهترشات

[امير عبدالباقي]

في اشاعه بتقول سبب اعتزار انديرا عبر المراسل ياسر عرفات وجود شارون
لكن مراسلكم لم ينشر الخبر كامل خوفنا علي حياته من كثره التهديدات بقتله
وخاف من الفتنه

[ابراهيم]

نعم يبدو ان مراسلنا ، كان متخوفاً من شارون فهو كان يخاف من شارون كما يخاف الفار من الكديسة لذلك عفوناه من المراسلة منذ ذلك الحين بمجرد ظهور الاشاعة ورغم تاكيد مراسلتنا عشة الفلاتية من هيئة الاذاعة السودانية بنيويورك آنذاك إلا أننا وحرصاً على سمعتنا عزلناه فقاعدتنا في العمل الجغرافي
هي (العفش داخل البص على مسئولية صاحبه) وعلى الأخوة المدعويين الحرص على الحضور في الزمان والمكان المحددين

[ابراهيم]

وتتواصل تداعيات كلام الطير في الباقير وأحيط بعضكم علماً من الذين ولدو مغتربين ويجهلون جغرافية السودان .. أن الباقير هي منطقة في شارع مدني بالقرب من سوبا "سوريا سابقاً" وقامت بالقرب منها مدينة جياد الصناعية والتي نال السودان بها شرف منافسة الدول الصناعية الكبرى مؤخراً ... فبعد أن كانت صناعتنا السودانية تتقوقع في الغزل والنسيج والمفاريك "جمع مفراكة" تحولت الى تجميع السيارات فعندما كان هنالك تبنؤ بأن الخرطوم عاصمة قومية في 2006 نرى أن البرنامج جادي فكانت اللوحة الجمليلة عفراء مول الذي يوزاي برج البنتاجون وربنا يسترنا من اسامة بن لادن ، وامتداداً للعمران سمعنا تحت تحت انو في محاولات لبناء الكونغرس السوداني وابسط يا عم رغم الارهاصات الأمنية والتقلبات السياسية من جنجويد ومحاولة انقلابات وجون قرنق لا زالت الدنيا بخير
نرجع لموضوعنا ....... عشان الكلام في السياسة بجيب الهوا وبالمناسبة دي عندي سوءال هل يمكن للخرطوم أن تكون عاصمة قومية عام 2006م
أرجو إجابة حيادية بدون عنصرية وبدون حيازية

[ابراهيم]

في خبر عاجل و ردنا للتو من وكالة أنباء (الأناضول) ذكرت فيه بأن مسؤولا كبيرا في وزارة الخارجية الكويتية و يدعى كولن باول أعلن و في العاصمة الإرترية الرياض بأن طائرة روسية الصنع من طراز أير باص قد تحطمت فوق البحر الأسود جنوب موريتانيا و هي ملك للشركة المصرية للطيران أليتاليا و ذكر المصدر بأن الطائرة كانت متوجهة من موسكو إلى طوكيو و على متنها أكثر من 360 راكبا من الجنسيات البريطانية و الصينية و الألمانية و لم يذكر المصدر أسباب الحادث في حين أكدت بعض المصادر الأخرى بأن الحادث كان نتيجة لانفجار أحد إطارات الطائرة و هي في الجو هذا و قد حملت الحكومة الأسبانية ممثلة برئيسها صدام حسين القوات الإيرانية المسؤولية كاملة و هدد بتقديم شكوى لمحكمة مجرمي الحرب في بوركين أف أسو كما و جاءنا الآن بأن راكبا واحدا كان قد نجا من الحادث الجدير بالذكر أنه لم يكن على متن الطائرة سبحان الله .................... مثال لوكالات الأنباء العربية الرسمية .. نصب و احتيال و غش و تغطية و قلب للحقائق
0

0

0الأخبار الجوية

جو ممتاز جدا يسود جميع أرجاء الدول العربية إلا أن صور الأقمار الصناعية تنذر بعاصفه حادة قد تتسبب في أمطار غزيرة و لقد اتهم الامين العام لجامعة الدول العربية إسرائيل بأنها السبب الرئيسي في ذلك و عزى ذلك لغضب رباني من أفعالها تجاه المسلمين في فلسطين و هدد بالرد الساخن في حال استمرار ذالك اذ انه سيقاطع الكوكاكولا

0

0

0


اليكم هذه النشرة المميزة

*واشنطن تتم ليبيا بتفجير سفينة فضاء فوق المريخ


*وزارة الداخلية اليمنية تحذر من استخدام الصواريخ في الأفراح


*عشرات الجرحى إثر انهيار مفاجئ لبرج بيزا المائل


*تحطم مركبة فضاء موريتانية اثر محاولة هبوط على سطح المريخ


*في يوبيل تحولها من إمارة إلى مملكة : البحرين تعلن تحولها إلى إمبراطورية


*السودان يهدد بقطع النفط عن الولايات المتحدة الأمريكية اذا عطلت رحلة سوداتيل إلى المريخ


*زهوة عرفات: نطالب بالانسحاب حتى حدود 2005 و سنعلن الدولة في ‏أيار

*إختغاء طبقة الاوزون نهائيا فوق فرنسا


*إسرائيل ترفض الإنسحاب من البصرة إلا بعد ضمان أمن مستوطناتها في بغداد


*وفاة الفنانه صباح بحمى النفاس عن عام يناهز الـ155


*القذافي يطلق صواريخ نووية في الفضاء الخارجي احتفالا بزواج نجله الساعدي


*عودة وفد الكونجرس الأمريكي بعد أداة مناسك العمرة


*مبادرة إسرائيلية لحل الخلاف الحدودي بين الإمارات العربية و عمان


*سريلانكا تطرد 3 آلاف خادمة عربية


*إعفاء ذوي الدخل المحدود من دفع ضريبة الهواء


وقتاً ممتعاً نتمناه لكم .. وإلى أن نوافيكم بآخر الأنباء


إلاااااااااااااااااااا لقاء

[بابكر]

الاخ ابراهيم سلام مربع
عاوز اصحح معلوماتك ومعلومات الجميع
انو كوندليزا رايز ماعملت ملاح التقليه انما عملت مديدة الخن
لانها غرباويه اى من الغرب يعنى من دار فور واسمها الاصلى
قنقليسه بت الريس
وبالمناسبه كولن باول زاتو من دار فور وفى زيارتو الاخيره لى دار فور لقوهو مهرب كميه كبيره من الكول والقنقليس وجيوبو مليانه نبق ولالوب
قال موديهم هديه لجورج بوش:D

[ابراهيم]

ههههههههههههه قنقليسة بت الريس

عشان كدا انا اقول المرة دي بشبه على دينار .. غايتو سبحان الله

الله يستر ما تكون هي ذاتا القومت ناس الجنجويد ديل

باين لي الهدية بمناسبة فوز بوش على كيرى لكن هديته ماشاء الله

[ضياء الدين احمد]

بس ياابراهيم عاوز اسألك انت دحين الكانت بترقص رقبه دي ما جنيفر لوبيز

[ابراهيم]

بس ياها ذاتا كتلتها كتل يا ضياء الدين

ودي هترشات جديدة لنج منقولة من الفضائية الامريكية بتقلى العباسية

قبل البدء

قيل
ان سبب التعاسة .. السكر ذيادة
وكتم السر بجرح .. وفتو بجيب فضايح

سبب النزول

الحب اساسو العاطفة ..
والروح علي الروح عاطفة

و تعال تعال أديك سر
قلب البحب .. ليه بنكسر


دخلة بالدلوكة

بُكلوم .. بُكلوم ... بُكلوم ..
الجنن قلبي .. ذاد عقلي طمسة ..
فستانو البمبي .. وزرايرو الخمسة ..

والتش تش .. تش تش تش تش تش

الزلمية .. كلام عجب .. يا سلام .. عليكم الله .. خلوني

قلبا ... قلبا ... قلبا ... قلبا ... قلبا ...
عدلا .. عدلا .. عدلا .. عدلا .. عدلا ..

بعد البدء

مثلما كان في قديم الزمان ..
هكذا ما هو كائن الآن ..
فوجدنا بين الأطنان ...
اميرٌ معتوه .. يلقب بعوير الزمان ...
قيل أنهُ من بني خُبلان ..
مقرضٌ .. ويحب البهتان ..
ولايوقٌ مثل اللبان ..
له في العوارة .. دبورتان ..
وهو كذلك .. من العميان ..

وقد قال فيه .. فلان بن فلان ..
قصيدة .. بتراء
منعت من قبل الحكماء
لما تحتويه .. من افلاس وهجاء ..
كان مطلعها ..
جننتنا .. ودرتنا .. حيرتنا .. مادايرين معاك ياخي ..

وقام جاري
وتركه مندهشاً

فقرر عوير الزمان ... مغادرة البلدان ..
بحثاً عن الجكس والحنان ..
حيث طرشق لغمه ... في أرض الحيوان
وسكاهو الشفع .. بالبمبان ..
عندما وجدوهو لافي قرب الحيشان

فهاجر الي مضارب العربان ..
والقلب في السودان ..
لعل وعسى .. ان يصبح من الحبان ..

عند وصوله .. لقبيلة .. بني ذيدان ..
استقبل .. استقبال .. الضيفان ..
وفرشو ليهو .. الديوان ..
رغم أصراره بالقعاد مع النسوان
وحجته في ذلك عمل الخير للأخوان
فأعترض بعض الأعيان ..
بأن عوير الزمان .. حا يلخبط الكيمان ..

فأتاهو الشاكوش .. في غفلة من الزمان
ربما غير ذلك ..
لأختلاف العلماء ..
في أمر ذلك .. حيث الشاكوش كما اتفق ..
يأتي بعد ذلك ..
وهو لم يحدث معه ذلك ..

علق فطين المفتح قائلاً ..
لو داير تنتقم ليك من زول ...
لصق ليهو لبانة في شنبو ..
ولو ما عندو شنب ..
خلي المذكور أعلاه .. يتعرف بيهو ..
وسوف يقوم بعمل اللبانة ..


بالدارجي ..

دكتور صلاح .. عبا السلاح ..
وتاح .. تاح .. تراح .. جو قلبي ..

وقام بيهو خوة ..
قلباً يترع ..
بنوت حوا ..
النجدة غيثو .. يا أبو مروة ..

الحصل

دكاترة جات تتجارا .. الحمة زايدة حرارة ..

السبب

قال لي وينو ريدك ..
قلت ليهو .. كان زمااااااااااااان .. !

نشوف رأي الجمهور

خبر أليم ..
ذكرني بالزين .. ايامنا الفي الدويم ..

امنية طالبة ثانوي

ارح نزور المنطقة .. حديد تقيل في المنطقة
اموت مطعونة خنجر .. قصاد أب صلعة الاخضر



تصريح من مصدرمسعول ..

صحيح دنيا فراقة .. حرمتنا نتلاقا ..
لو انتهت العلاقة .. تدوم بينا الصداقة

نصيحة أعلانية .. وراجعين ..

أصحي يا بريش ..
كفاك في لعب العيال ..
انت غبيان ما بتفكر ..
وصابك الخرف المبكر ..
انت راكب فوق مسطح ..
وانت عامل زول مفتح ..
الكلام الجد صحيح ..
انت عيان .. ما نصيح

[ابراهيم]

لكن كدى قولو لي !!

كلام الطير في الباقير دي بسمعا من زماااااااااااااااان

لكن ما عارف قصتها شنو؟

الطير دة في الباقير كان قاعد يقول شنو؟

البيعرفها يحكي لينا؟ اكيد ناس الكنبة الورا بكونوا عارفين القصة

[عزيز عيسى]

ومن استديوهاتنا في استراليا ذكر راديو جيش الرب العماني
بأن ملاح التقلية قد انكشح واختفاء طبق الكسرة في ظروف غامضة
وتدور الشبهات حول المتهم هواري بومدين وتورطه
في شن الهجمات بالصواريخ الذرية علي مدينة بون الهندية.

ومن جهة أخرى ذكر مراسلنا في الفلبين انه تم القبض على كولن باول في مطار نيويورك متلبسا
بتهمة تهرب قنقليس ونبق من المملكة السودانية
وعند تفتيش جيوبة اثبتت عليه تهمة اخرى وهي تهريب تسالي
ملفوف بدولارات سودانية داخل قفة كان يحملها ضمن امتعته الشخصية..
وتم اصدار قرار جمهوري بترحيله واعادتة فورا الي دارفور علي متن رقشة.

كما ذكر مراسلنا بأن الكتائب الامريكية منعت دخول اعصار كترينا الى أراضيها
بحجة مخالفته لقوانين ولوائح الهجرة والجنسية التشادية وقامت بتزويد سرعته وتحويل اتجاهه الى الغرب ليدمر مدينة
نيواورلياز السوفياتية المطلة على البحر الميت مخلفة خسارة فادحة في قوارير الفودكا والسجائر.

وننقلكم للمذيع اللامع ابراهيم لمواصلة الاخبار على الهواء مباشرة من الاستديوهات الرئيسية بالقاهرة

شكرا.. والي اللقاء .

[ابراهيم]

ومن استديوهاتنا في استراليا ذكر راديو جيش الرب العماني
بأن ملاح التقلية قد انكشح واختفاء طبق الكسرة في ظروف غامضة
وتدور الشبهات حول المتهم هواري بومدين وتورطه
في شن الهجمات بالصواريخ الذرية علي مدينة بون الهندية.

ومن جهة أخرى ذكر مراسلنا في الفلبين انه تم القبض على كولن باول في مطار نيويورك متلبسا
بتهمة تهرب قنقليس ونبق من المملكة السودانية
وعند تفتيش جيوبة اثبتت عليه تهمة اخرى وهي تهريب تسالي
ملفوف بدولارات سودانية داخل قفة كان يحملها ضمن امتعته الشخصية..
وتم اصدار قرار جمهوري بترحيله واعادتة فورا الي دارفور علي متن رقشة. .

العزيز الغالي ........... عزيز
رمضان كريم .. وكل عام وانت بخير
وبعد ما هي آخر الأنباء حول إختفاء طبق الكسرة .. يقولون ان الشبهات تدور حول مزوني ايضاً فالى اي تتحقق هذه التهمة.. كما نود افادتنا عن اسباب وتداعيات انكشاح ملاح التقلية حيث أن اسعارها مرتفعة في هذا الشهر الكريم ولا سيما السودان البلد الوحيد المصدر لهذا الملاح لذا نرجو الافادة حتى لا تنشب ازمة سياسية كبري بين السودان والهند بهذا الشأن..

على جنب:
انت عارف يا عزيز البوست دة لو شافوه ناس الجزيرة
بعتقلونا:D

[ابراهيم]

ما زلنا ننتظر

ماذا كان يقول الطير

في الباقير
:confused:

[ابراهيم]

ماذا كان يقول؟:confused:
:confused:

[مدنيّة]

ما زلنا ننتظر

ماذا كان يقول الطير

في الباقير
:confused:

انت ياابراهيم طيرك دا تبع طير الباقير !! :confused:

عموما عليك الله بعد تعرف ادينا خبر :D

[ابراهيم]

المشكلة في ناس عارفين لكن عاملين رايحين
وانا عارف هم عاملين رايحين ليه؟

[مدنيّة]

المشكلة في ناس عارفين لكن عاملين رايحين
وانا عارف هم عاملين رايحين ليه؟

طب مش تقول لينا عشان نعرف كلنا سبب الروحة دي !! :D

[ابراهيم]

مدنية أنسألك ...
إنتي استاذة جغرافية؟
خلينا اول حاجة نعرف الطريق كان قاعد يقول شنو؟

[مدنيّة]

مدنية أنسألك ...
إنتي استاذة جغرافية؟
خلينا اول حاجة نعرف الطريق كان قاعد يقول شنو؟


خلا احنا في الويتنق لما يقوليك تعال ورينا :D

[abu_ola]

تعرف يا إبراهـــــــــــــــيم

عشــوشة كانت راكة فوق الشدرة في الباقير الوراني

جاء ود أبرق ركها بي شمالــها و بدا يفرد في ريشو يمين و يسار

و يتمشي قدامها و يعمل حركاااات على الغصن

قامت عشوشة ابتسمت و قربت من أضانو داير تهمس

ليهو بي كلام

انا برااااااااااحة قربت منهم داير اسمع بتقول ليهو شنو ؟

بس بدون ما اقصد اعترت

و عشوشة انتبهــــت ...

بعد شوية طاااارت

و ركت في راكـــوبة في الباقير الوراني

لقت صاحبتها طيرة الجنة

قالت ليها ان هسع جاية من الباقير القدامي

و كان معاي ود أبرق

كنت دايرة اقول ليهو كلام مهــــم

بس جاء احد ماشي علينا

و بصراحة خفت منو و طرت و خليت ود ابرق هناااك

قامت طيرة الجنة قالت ليها

اليومين دي الناس شايلين قلاليبهم و حامين

الله يكافي شرهم

أها كنـــتي دايرة تقولي ليهو شنو ؟؟؟

و قبل ما تتم كلامها

رفعت حاجة التومة يديها

عشان تتناول صينية الويكة من ضهر الراكوبة

و طااااااارت الطيرتين في الهواء

و أنا بعااااين

و نفسي كان أعرف

الطير دا كان بقول شنو في الباقير

[سواااح]

ابراهيم ..

" ممنوع اكل التسالي في الاماكن العامة !! "
طيب هو التسالي لو ما اكلو
في الاماكن العامة
ياكلوا وين !!

دمــــــــــــت ،،

[زهرة الشمس]

(1)
مرحبا بكم سيداتي آنساتي سادتي في هذه التغطية الإعلامية المميزة وأنا من (النديانين) جداً حيث إنني أحاول أن اشرئب عبر الفيافي والقوافي ومن قلب الفريع (فريع البان) لبث أحدث خبرين على مستوى الأمة الهوائية ولا تنسوا أن شعارنا هو (نحن نائمون أو ندرس)
طبعاً اليوم جميل وفريد وده رقمي الجديد وسوداني وخليك سوداني
وأنا زاتي غيرت
002490000122
والباقي ما اتغير ولا حيتغير
واليوم فيهو حدثين من الأحداث الاعتيادية والتي شدة ما اعتيادية كل يوم بتمر من جنب باب بيت كل واحد فينا
الموقع: قطية سحاب تحمل الرقم 25 تحت الصفر شيدت طوبة طوبة مع آثار مروي الخالدة
مروي أرض البترول والخامات والمعادن الثمينة النادرة ومعقل السيارات الفضائية والسمسم والذهب
وها هي قطية السحاب ترك فيها طيور بعيدة كل البعد عن الملاريا والإيدز والكلى التعبانة وانفلونزا الطيور
طيور لا تعرف الحمى ولا المستشفيات ولا تعرف أضرار الكريمات ألما معروف صناعتها ورغم ذلك فهي أبية تقاوم الوجوه الزرقا والخضرا وغيرها من الألوان الوجهية والتي تفتح البشرة
هذه القطية الملولوة يبلغ طولها مليون كيلو متر مربع تحت الأرض والواقعة في العاصمة الممشطة – عاصمة التثاؤب والنوم في البصل (عفواً سادتي أقصد النوم في العسل) عاصمتنا الأولى هي أم قرناً جاك
تحية لناس أم قرناً جاك




يتبع.............

[زهرة الشمس]

نواصل معكم بثنا بعد الفاصل الاعلاني
انتظرونا............. في الجزء الثاني

[زهرة الشمس]

الحدث:

طبعاً جميعكم تعرفون الأزمة السياسية والاقتصادية والتي أدت إلى هجرة وفجعة الشعب الياباني وانكب كلو في السودان وتعرفون العمالة اليابانية المتعثرة لنقص الإمكانيات في بلادهم وما فعلت بهم حرب (نسمات الشمال) وغيرها من العوامل الصحية المؤثرة
فبعد الوساطات السياسية السودانية الناجحة وتدخل السودان لحل أكثر المشاكل تعقيداً ولو كانت المشكلة الأخيرة بين مصر وليبيا على ارض عطارد بخصوص الاهرامات لمنو والنهر الصناعي العظيم لمنو؟؟؟؟
وبعد أن أقام السودان على أرضه كأس العالم 13 مرة والاولمبيات 17 مرة ومهرجان الاوسكار اليومي بشكل أسبوعي ومنتظم على امتداد قرن كامل من الزمان
وبعد فيمتو اللالوب
وماجي العرديب
والقرض المعلب
والعربية المحنطة التي ظهرت في الفيديو كليب الأخير مع يلتسين
الرئيس البرازيلي المخلوع
جاء موقف السودان البطولي
فقد أصبح اليابانيون في كل مكان
في الرقشات والشوراع والحفر
في الأزقة والرواكيب
وما بين السطور
في قمة مجد السخانة السودانية
في البيوت كمراسلين ومساعدين وفي المتاجر والورش
يسكنون تحت ظلال أشجار العُـــشر العريقة
وكانت خطوة السودان ايجابية حينما فتحت لهم الأبواب واستقبلتهم بكل ما لديهم من حالات نفسية متدهورة للغاية
ولما زاد هم اليابانيين علي السودان عمل السودان كشة يابانية
بسيطة قلباً
شديدة الألم قالباً
هذه الكشة فاتت كشات ليبيا والعراق والكويت وأصبح هناك توتر على صعيد العلاقات السودانية واليابانية


يتبع................

[ابراهيم]

خلا احنا في الويتنق لما يقوليك تعال ورينا :D

مدنية يا اختى انا ذاتي قعدت في الويتنق لما السماعة لصقت ماف زول هبب لينا
نظام عاملين الناس حناكيش وكدة ..
لكن ما مشكلة بجي الخريف والركشات بتقيف

[ابراهيم]

تعرف يا إبراهـــــــــــــــيم


عشــوشة كانت راكة فوق الشدرة في الباقير الوراني

جاء ود أبرق ركها بي شمالــها و بدا يفرد في ريشو يمين و يسار

و يتمشي قدامها و يعمل حركاااات على الغصن

قامت عشوشة ابتسمت و قربت من أضانو داير تهمس

ليهو بي كلام

انا برااااااااااحة قربت منهم داير اسمع بتقول ليهو شنو ؟

بس بدون ما اقصد اعترت

و عشوشة انتبهــــت ...

بعد شوية طاااارت

و ركت في راكـــوبة في الباقير الوراني

لقت صاحبتها طيرة الجنة

قالت ليها ان هسع جاية من الباقير القدامي

و كان معاي ود أبرق

كنت دايرة اقول ليهو كلام مهــــم

بس جاء احد ماشي علينا

و بصراحة خفت منو و طرت و خليت ود ابرق هناااك

قامت طيرة الجنة قالت ليها

اليومين دي الناس شايلين قلاليبهم و حامين

الله يكافي شرهم

أها كنـــتي دايرة تقولي ليهو شنو ؟؟؟

و قبل ما تتم كلامها

رفعت حاجة التومة يديها

عشان تتناول صينية الويكة من ضهر الراكوبة

و طااااااارت الطيرتين في الهواء

و أنا بعااااين

و نفسي كان أعرف

الطير دا كان بقول شنو في الباقير


ابو علا اولاً بالتبادي مشتاقين
وتاني التبادي ... بالغت في العِتيرة ياخ دة محل يتعترو فيهو:confused:
المفروض دي مسألة حساسة وحسي كان طلعتنا من الدايرة الحايمين فيها انا واختي مدنية واحتمال مشكلة الشرق الاوسط كان اتحلت وانت براك عارف عشوشة حساسة وود ابرق خواف عشان كدة لو لقيتهم في لحظات تجلي زي تمد قرون الاستشمار من بعيد لبعيد وبي زاوية منبعجة 180درجة تحت الصفر وتجيب الشمار لا من شاف ولا من عاين .. وبي كدة تكون طلعتنا من الويتنق دة:D
ما كان في داعي تشمتو فينا طيور الباقير انت وحاجة التومة ..

[ابراهيم]

ابراهيم ..

" ممنوع اكل التسالي في الاماكن العامة !! "
طيب هو التسالي لو ما اكلو
في الاماكن العامة
ياكلوا وين !!

دمــــــــــــت ،،

وين يا عريس والله واحشنا يا ضياء
قلت لي التسالي ياكلو وين
هو التسالي دة مش بطقطق
اها شفت الطقطقة دي انا ما بريدها كلوكلو لأنو ما رومانسية ..
شفت هم اتنين التسالي والعجور .. ديل لو في زول بياكلهم في الباقير تسمعو وانت في خميس مشيط ... اقول ليك سر وما تكلم زول لأنو هنا في ناس عندهم حب استشمار
انا في مواصفات فتاة احلامي اول حاجة نمرة واحد تكون ما بتاكل لا تسالي ولا عجور وباقي الحاجات ممكن تتجازف ...
حسي يا سواح لو في زول أكل تسالي ولا عجور جنبك ما بيقطع ليك حبل افكارك؟
انت حبل الافكار دة هين كدة عشان يتقطع بي تسالي وعجور:confused:

[ابراهيم]

شكراً الزميلة عباد الشمس ..
مواصلة لحديث الزميلة عباد الشمس
ومن ناحية اخرى في ذات الإطار فقد قرر احدهم أن يغير شيء وثابت وعاني في ذلك ما عاني وكانت تسيطر عليه مقولة "من كد وجد" وكانت النتيجة أن تغير هو وبقى الثابت كما هو فقد كد حتى تكسرت اسنانه وانبعجت اضراسه ولم يجد يا حسرة والصيبة ان الحدث كان اعتيادياً لابعد الحدود:D وصار يدندن سوداني الجوة وجداني بريدو وما زال يدندن ويدندن ويدندن ويدن دن:mad:



فاصل ونواصل

[عزيز عيسى]

برهوته،

جيت ماري أسلم،

لا بأس عليك.. ألف حمدالله على السلامة وإن شاء الله الآن تكون بلغت الصحة والعافية..

لما ذكرت إسم عشوشة إفتكرت عشوشة فردتي جاءت على طول جيت ناطي..

الفردة دي إشتقنا ليها كثير..

صحي يا ابراهيم زي ما قالوا التيمان إنت طيورك دي ما بتروى موية؟ :D

لا زلنا في إنتظار باقي كلام الطير في الباقير..

[ابراهيم]

العزيز جدا اخوي عزيز
سلامات واشواق
وشايف اختنا عشوشة ظهرت في الحلة وجابت معاها كمية من التموضعات وبعض الحاجات ..
اما زميلتنا عباد الشمس اخبارها مقطوعة حتي الآن نحن قاعدين في الويتينج علي قول اختي مدنية

[ابراهيم]

وابو علا حبيبنا بقى رقراق
يا ابو علا ياخي
"ابقي يا ضل
يا شعاع"

[abu_ola]

وابو علا حبيبنا بقى رقراق
يا ابو علا ياخي
"ابقي يا ضل
يا شعاع"



الغالي برهوتة

أول التبادي مشتااااااقين كميان كيمان زي المرارة في الدكان

انت يا اخوي دايرني ابقي شمس عديل عشان افكك من برد كندا دا مو كدي يا اللخو ؟؟ كان أنا ود الشورة اعمل ليك مخزن كبيـــــــــــــــــر و كل ما تلقى ليك لوح تلج ختو في المخزن و بعدين وقت يجي رمضان طلع المخفي و بيع على بركة الله و بعد داك قول لي بيل غيتس خُــــم و صُــــر :confused: و أعمل حسابك طيورك دي ما تدخل المخزن و تبحتر التلج و تشربو باقي طويراتك ديل و ديل الباقير اصلهم ما بيروا

[بورتبيل]

اولى النجومي - فصل سقفه عالي جداً بمدرسة سنار الثانوية بنين - الحصة الخامسة فاااااضية والسقف عبارة عن زنكي واخشاب متشابكة في شكل هندسي - وملعقة به مروحتين ماركة Orient والجماعة مرخمين والونسة تكاد تكون همساً - وبين الاخشاب هناك اولاد دبارق يجلسون في تناسق على الاخشاب - وبين كل لحظة والاخرى يجي ود ابرق اخر ويلحقه اخر ويروح اخر ويجلس على الشباك ويغرد ويرجع الى الاخشاب - نظرت االيهم والغريب انهم كلهم اولاد دبارق ليس بينهم (ولية) تسالت يبدو انهم اتخذوا من اولى نجومي مجلس خاص للذكور فقط - وبينما انا انظر اليهم فاحياناً عددهم يصبح اربعة واحياناً ستة واحياناً سبعة قلت في ترى ماذا يقولون هولاء الطيور الذكور وماذا الم بهم - واخيراً تأكدت انه يجلسون هنا باعتبار ان اولى النجومي - ديوان - ويبدو من حركتهم ان لديه عزاء في فقد عزيز ويجلسون هنا لتلقى العزاء.

[ابراهيم]

الغالي برهوتة

أول التبادي مشتااااااقين كميان كيمان زي المرارة في الدكان
انت يا اخوي دايرني ابقي شمس عديل عشان افكك من برد كندا دا مو كدي يا اللخو ؟؟ كان أنا ود الشورة اعمل ليك مخزن كبيـــــــــــــــــر و كل ما تلقى ليك لوح تلج ختو في المخزن و بعدين وقت يجي رمضان طلع المخفي و بيع على بركة الله و بعد داك قول لي بيل غيتس خُــــم و صُــــر :confused: و أعمل حسابك طيورك دي ما تدخل المخزن و تبحتر التلج و تشربو باقي طويراتك ديل و ديل الباقير اصلهم ما بيروا



الحبيب الغالي ابو علا والله الشوق أطنان أطنان .. بس ابعدنا من المرارات والكمونيات والحاجات دي عشان البتاعة النزفية دي ونحن لسا صغيرونين:D
انا فكرت في قصة التلج دي لكن يا ابو علا دة يجيبولو نشارة من وين؟ رايك شنو نعمل شراكة انت جيب النشارة وانا بجيب التلج:confused: والشركة نسميها Taliglosoft عشان بيل غيتس ذاتو يقتنع ...
الطيور دي متوهطة حنين ساااااكت لا هي بتروي ولا انا بروى لو ما وصلنا محل ماشين
سلامات كتيرة يا حنين وخليك قريب.

[ابراهيم]

الجميل بورتبيل
والله وديتنا لي زمن جميل خلاص
سنار وبعض الذكريات هناك
ومن ثم أولى نجومي
الحصة الخامسة الفاضية "واحتمال كبير تكون حصة جغرافية"
والترخيمة والمروحة الـOrient
والزمن الجميل يا سلاااام
تعرف يا بورتبيل الحاجات القلتها دي اي واحد فيهم عايزة ليها مساحة قدر الشوق وقدر الزمن الفات والجاي عشان نقدر نغوص جواها ..


اما حكاية اولاد دبارق دي غريبة وذكرتني حكاية بس تفاصيلها مختلفة شوية من حكايتك دي.
دي كانت في تانية غزالي وكان بجو عشوشة وود ابرق في الحصص الصباحية يركو في باب الفصل ويتغازلو شقشقة وزقزقة سألت نفس سؤالك يا ترى بقولو شنو وسبحان الله رغم انه مافي ملامح ولا صوت واضح إلا انك احياناً تشعر بإنه الطيور دي حزينة او فرحانة؟ قصتك والله ذكرتني ايام لها ايقاع اساتذة واصحاب ومدرسة وزمن.


لكن انت قدرت تعرفهم كيف كلهم اولاد دبارق حسب النظرية في الحصة الخامسة الواحد بكون حصل ليهو استهلاك كامل شامل وشتات افكار؟
ابقى عافية