ما السر في انتشار زواج البنات وهم في عمر الزهور من راجل المره

[جنيـــــدو]

انتشر في الاونة الأخيرة زواج البنات وهم في عمر الزهور من الرجال المتزوجين مسبقا أو الرجال الغير متزوجين لكنهم كبيري السن .

لماذا أصبح البنات يركزوا على هذه الفئة من الرِجال .


يا ريت تورونا السبب بس بكل صراحة ووضوح ؟



Online iPhone Screensaver - be the first to win!

myscreensavers.info/media/iphone.scr





Online iPhone Screensaver - be the first to win!

myscreensavers.info/media/iphone.scr

[عبدالرحيم سعيد]

اخي الكدم ولا العدم

[محمد يوسف]

يا ود الجنيد مالك علي اعمامك انت حاسدنا ليه ماسمعت بي المثل بتاع اخوانا في غرب السودان البيقول بالشجر الكبار فيهو الصمغ

[هشام السماني إبراهيم]

سلمت اخي على الموضوع

اتمنى ان نعرف السبب وراء هذه الظاهرة

(( راجل المرا))

حركة غريبة والله

دمت في رعاية الله وحفظه

[جنيـــــدو]

مشكورين يا شباب على المرور - وعمنا محمد يوسف يا ريت تقنعوا يشوف ليهو واحده من طوره



Online iPhone Screensaver - be the first to win!

myscreensavers.info/media/iphone.scr





Online iPhone Screensaver - be the first to win!

myscreensavers.info/media/iphone.scr

[عبدالمنعم الصديق(خدرا)]

جنيدو
كا قالن هن
راجل المره حلو حلا
ياعزيزى داا لانهن قنعن من الشباب
لان الشباب عير جاد ومابفكر الا فى نفسو وبس
الشباب للاسف بقى مامسئول وغير مستعد لان يكون مسئول
انا ياخى لا اعمم ولكنى اقصد الاغلبيه من الشباب وليس الكل
مع حبى لك وللبنات الواعيات البعرفن مصلحتهن وين
واهو راجل مره احسن من البوره

[moh_alnour]

جنيدو
كا قالن هن
راجل المره حلو حلا
ياعزيزى داا لانهن قنعن من الشباب
لان الشباب عير جاد ومابفكر الا فى نفسو وبس
الشباب للاسف بقى مامسئول وغير مستعد لان يكون مسئول
انا ياخى لا اعمم ولكنى اقصد الاغلبيه من الشباب وليس الكل
مع حبى لك وللبنات الواعيات البعرفن مصلحتهن وين
واهو راجل مره احسن من البوره

أبسيط يا عم
شايف البوست جا على هواك
والله لكن لقيتك ( قشر توم ) بس
حسي جنيدو دا جاب سيرة راجل المرأة
ولا الفي البال في البال

[صابرحسين]

لك التحية أخي عمر جنيدو
فعلاً ظاهرة غربية وتشكر على طرحها، راجل المرا دائماً بكون جاهز وعنده من الإمكانيات المادية ما يمكنه من الزواج بأخرى عكس الشاب الذي في مقتبل العمر وعليه أن يصبر سنوات طويلة حتى يتمكن من تكوين نفسه ولذلك تجد الفتاة أصبح أمامها خيارين أما أن تنتظر هذا الشاب وتصبر سنوات طويلة والخوف بعد صبرها هذا يتغير رأي الحبيب المنتظر ويبحث عن واحدة صغيرة وتضيع على الفتاة سنوات عمرها ، والخيار الثاني أن تبحث عن رجل له إمكانيات الزواج وجاهز ، وهذا موجود ولكنه متزوج وما عليها إلا أن تضرب في وتر الخلافات الزوجية ، وتصور نفسها بإنها الأفضل والمنطقية والراقية والمستورة وتعوضه عن كل الحنان الذي إفتقده في البيت ، ودائماً ما تكون صديقة الزوجة أو إنسانة تعرف تفاصيل حياتهم الزوجية ، وهذا لا ينفي المسئولية عن الزوج الذي يحاول أن يعالج مشاكله بهذه الطريقة تاركاً مشاكله مع الزوجة الأولى دون حلول وغالباً ما يتمسك بالشرع الذي يحلل الأربعة في وجه أي معترض ، ولكن يصل الحد إلى يتغنى الشابات براجل المرا هذا ما يؤكد خطورة المشكلة وأي تعامل للزوج مع أي واحدة حتى إذا كان عادي وأخوي قد يخلق مشاكل وغيرة قد تفتك بالحياة الزوجية ، وكثير من الزوجات أصبحن في خوف شديد من زميلات الزوج في العمل ....... لك الله اختي الغالية المتزوجة ولك الله أختى التي لم تتزوج واتمنى أن ترزق بإن الحلال الذي يقدرها ويحترمها وإياكِ أختى والخيانة والحسد والبحث عن راجل المرا 0

[جنيـــــدو]

أخي الغالي محمد يوسف .

مشكور لكن الشجرة بكون باقي ليها شهرين وتفقد الصمغ ..
يعني لازم نجيب مستورد .

[جنيـــــدو]

أخي عبد المنعم


شكلك عملتها انت عشان بالك مرتاح ...
لكن لو كان جاك شاكوش كان عرفته مسخن كيف .

[جنيـــــدو]

أخي العزيز : ود النور



أخوك ما اتوق كثير ...

[جنيـــــدو]

الغالي / صابر


مشكور على توضيحاتك الغالية التي تعكس الصورة الواقعية عشان ما يكون في صدمة للجماعة البعشمو لسه !

[جنيـــــدو]

من ما جبنا موضوع العرس الشباب عمل نايم وقال داير يقرا ........

الحاصل شنو

[ناصر عمر دبيب]

ياجنيدو عمك منعم مبسوط شديد يارب ديما

[قلب للبيع]

المادة


انت صغير وعايز تحب لكن هو عايز يبنى اسرة وزمن الحب والعوارات والتلفونات والمقابلات مافى .
الزمن بزنس بس يا باى باى باى باى
وياريت لو عندو بيت وعربية كان بيمشى بى عكاز بيتشاكلوا فيه
بس عايز اقول ليك اهم شى تلم فلوس كتيييير وانا اوعدك حتتزوج اجمل بنت وبنت وزير

[قلب للبيع]

الفلووووووووووووس هو بقى بيقيموا بيه الزول مش العلم والوجاهة

[الهجام]

السلام عليكم ورحمة الله وبركاته
السيد /ود الجنيد
لقد طرقت موضوعا هام وهام جدا بالنسبه للبنات وبالنسبه للاولاد وللاسر كمان . السؤال المفروض يكون من هو او هي اوهم المسؤليين عن الظاهره القديمه الجديده دي فالظاهره قديمه قدم التاريخ وليست ولديت جيلنا هذا من الله خلقنا وقبل ان نوعي للدنيا في ازواج يتزوج في امهات اولادهم يعني في المراه الاولي او القديمه او ام العيال وفي الجديده اوالصغيره يعني الموضوع ماهو سمه من سمات جيلنا المغلوب علي امره المكتوب عليه الكفاح النضال في سبيل الاسره وفي سبيل نفسه لكي يقضي دينه بالنسبه لاسرة التي كانت سببا في قدومه لهذه الدار ولكي يبني اسره جديده لاكمال مسيره الحياه واتباعا لسنة النبي (ص) ويكمل دينه . فالشاب عندما يصل الي سن النضوج وتبدا الامور توضح له يلقي نفسه وسط المعمعه بنتاعة الميعشه والبيت والعلاج ووووووووو خاصه في بلدنا هذا لايدع الشباب اطلاقا . وتبدا اهتمامته بالجنس الاخر في ازدياد وحاجته له اكثر لكن العين بصيره واليد قصيره فمثالا منهم من يعجب باحدي الفتيات ويبدا معها المشوار ويتعلقان مع بعض ويبقي عند هدف واضح يسعي لنيله لكن شفت لكن ملونه كيف لون دم مش يجي الراجل الكبير او المغترب او بتاعين الزيت(البترول) او او او ... بقوا كتيرن مايشوف الا العاجباك دي ويقرر يدخل المنافسه ويحرر السوق وتبدا المزايات التقول البنت دي سلعه دايرين يبيعنها .. وفي النهايه يتصيع الشاب ويفقد هدفه يفقد نفسه فمنهم من يركب الشارع ويشوف ليه صينيه يعسكر فيه ومنهم من ياكله في حنانه ويكتمه في قلبه وهي الحياه ماشه (لكن دي ماعدل دا ظلم للبنت والولد )
الهجام

[جنيـــــدو]

يا قلب ما قصرت

يعني المشكلة بقت madia

[قلب للبيع]

أكيـــــــــــــــــــــــــــــــــد مادية ولو مامصدق شوف ليك واحد مغترب عندوا قروش يجى من الاغتراب فى الحلة
بنات الحلة كلمهم يصاحبوا ليك اخت المغترب والمشاكلة معاها
تلبس سمح والعصريات تجى تظهر وشفت النظافة والقشرة
ولكن المسكين لمن يجى من السفر
حمد لله على السلامة مايقولوا ليه
ليش يارب
اكيد عشان الفلوووووووووووس



ينعل ابوا الفلوس الخلانا اهلنا 5سنيين مانشوفهم






وكفى

[محمد يوسف]

الفلووووووووووووس هو بقى بيقيموا بيه الزول مش العلم والوجاهة

يا قلب يا حبيبي هووي ما تغش بنات الناس ساكت البنات عايزات ياكلوا ويلبسوا. ;)

يعني تسوقك لبتاع الفواكه تقول ليهم راجلي وجيه ادوني تفاح ومنقة؟ :confused:

ولا تسوقك لي بتاع البوتيك ولا الترزي وتقول ليهو راجلي محضر دكتوارة اديني فستان حلو؟ :eek:

بعدين انتو الشباب حاسدننا مالكم يا ناس مش كل زول بياكل رزقو؟ أقصد مش كل زول بيعرس رزقو؟ :cool:

يعني شنو الشباب عاوزين يحبوا البنات في الحدائق بس بدون عرس العمر كلو؟ ;)

مرات في الحديقة حق البارد زاتو مافي ليهو طريقة والمواصلات غايتو مجازفات من هنا شويسة ومن هنا شوية.
:D

[moh_alnour]

المادة


انت صغير وعايز تحب لكن هو عايز يبنى اسرة وزمن الحب والعوارات والتلفونات والمقابلات مافى .
الزمن بزنس بس يا باى باى باى باى
وياريت لو عندو بيت وعربية كان بيمشى بى عكاز بيتشاكلوا فيه
بس عايز اقول ليك اهم شى تلم فلوس كتيييير وانا اوعدك حتتزوج اجمل بنت وبنت وزير

يا قلب للبيع
المصريين كلامهم ما بقع واطة
قالوا : عندك فلوس على الناس تدوس ، تبيت غراب تصبح طاوؤس
والله مكابر البقول أنو الزمن دا ما زمن ماديات
أخي العزيز : محمد يوسف : صحيح أن المال عصب الحياة ، وقد ذكر الله تعالى في كتابه العزيز في سورة الكهف ( المال والبنون زينة الحياة الدنيا ..... ) ولكن أن يتحكم المال في كل حياتنا وأن يغير من قيمنا وموروثاتنا وأن يتحكم في حياتنا بهذه الصورة ويكون المعيار لأختيار شريك الحياة فهذه أكبر مصيبة والله
وتقبلوا مروري

[جنيـــــدو]

تكملة لحديث الأخ محمد نور

{ المال والبنون زينة الحياة الدنيا والباقيات الصالحات خير عند ربك ثوابا وخير أملا }

الباقيات الصالحات هي :
أن يكون بهذا العموم الباقيات الصالحات كل عمل صالح , وهو الذي وعد بالثواب عليه , إلا أن المفسرين عينوا في ذلك أقوالا , ورووا فيه أحاديث , واختاروا من ذلك أنواعا يكثر تعدادها , ويطول إيرادها , أمهاتها أربعة :

الأول : روى مالك عن سعيد بن المسيب , { أن الباقيات الصالحات قول العبد : الله أكبر , وسبحان الله , والحمد لله , ولا إله إلا الله , ولا حول ولا قوة إلا بالله } .

الثاني : ما رواه ابن وهب عن علي بن أبي طالب مثله .

الثالث : مثله عن رسول الله صلى الله عليه وسلم .

الرابع : أنها الصلوات الخمس , وروي عن ابن عباس وغيره ; وبه أقول , وإليه [ ص: 236 ] أميل , وليس في الباب حديث صحيح , أما أن فضل الأذكار أعلاه مشهور في الصحيح كثير , ولا مثل للصلوات الخمس في ذلك بحساب ولا تقدير .

والله أعلم .



وأيضاً :

إن المؤمن الذي يتعلق بحب الله سبحان وطاعة رسوله عليه السلام يدرك أن هذه المحبة للمال والولد إنما تكون في دائرة العبودية لربه وأن ما عند الله أعظم وأفضل مما يتطلع إليه .. فإذا ما رزقه الله المال جعله في سبيل ربه وإذا ما رزقه الله الولد رباه على طاعة خالقه فكما أن المال والولد زينة فإنهما أيضاً فتنة ( واعلموا أنما أموالكم وأولادكم فتنة وأن الله عنده أجر عظيم ) الأنفال ( 28 ) .

وهكذا تكون نعم الله لعباده - وفي مقدمتها نعمة المال ونعمة الولد - اختباراً وابتلاء من الله تعالى ليعلم سبحانه الشاكر من الجاحد ، والمطيع من العاصي ... وليدرك المسلم أن ما عند الله من أجر وثواب - إذا ما أحسن في ماله وولده - أعظم وأفضل مما بين يديه ( ذلك متاع الحياة الدنيا والله عنده حسن المآب ) آل عمران ( 14 ) .

وفي عالمنا الدنيوي فإن كثيراً من الناس يتفاخرون ويتباهون بما يملكون من أموال وثروات ويعتزون كثيراً بما أنجبوه من بنين وبنات .. والعاقل هو الذي يدرك عظم المسئولية الملقاة على عاتقه حيال هذه النعم ( نعمة المال ونعمة الأولاد ) وهذا ما يحذرنا منه الحق سبحانه : ( واعلموا أنما الحياة الدنيا لعب ولهو وزينة وتفاخر بينكم وتكاثر في الأموال والأولاد ... ) الحديد ( 20 ) .



والله أعلم .

[قلب للبيع]

جنيدوا



اثب وجودوا ياجتيدوا انت قطعتها ساى ولا مستدل من السنة




الرد بعد التاكد

[جنيـــــدو]

قلب :

تكملة للأية التي ذكرها محمد نور ...

أي تفسير الباقيات الصالحات .
وعندك الرواة مذكورين .

والله أعلم .

[محمد يوسف]

والله يا جنيدوا أنا ياداب فهمت سبب الأشكال الغريبة الكنت بتكتبها زمان في مشاركاتك.

يا أخي ما بقيت ما قاعد أفهم من كلامك حاجة سألت من موضوع الثوب المصبوغ ومارديت عليا رد مقنع.

هنا غايتوا ما ح اقدر أفهمك لمن أمشي أقرأ الطبري وإبن كثير وكتب الحديث الإثناعشر والروايات السبع والفقه على المذاهب الأربعة وكتاب الرسالة والعزية وتاريخ إبن تيميه و....................... الخ.

يا حبيبنا كلمنا قدر فهمنا شوية إنت ما قاعد تتكلم مع أبو يوسف وإستاذه أبو جنيدو إنت بتتكلم مع محمد يوسف وإستاذه جنيدوا.

[الهجام]

ياسيد /محمد يوسف انت جيت الدنيا كبير .يعني مامريت بمرحلة الشباب ويعني ماكان في واحده في الحله في الشغل في اي حته بتخليك تتكبكب . ايه ذنبه البنت الصغيره دي عشان تعرس ليك قروش انت جايبه زوجه ولا قفير ماتخلي الشباب يجرب الدنيا يشوفوا بالجنبتين السمح منها والكعب وحالة الغناءوحالة الفقر والشيب والشباب انا اقول ليك حاجه شفت الرجال البتزوجوا كبار ديل دايرين ليه خدامه ومازوجه
الزوجه البتاشكلك افراحك واحزانك هنالك اختلافات كثيره جدا بالنسبه للانسان في مراحله السنيه المتعدده كلما كبر في السن اهتمامته بتتغير وافكاره كمان يعني البنت الصغيره البتزوجه دي بدفنه معاه بس ويدها المال لكن يحرمه حاجه اقيم من المال ولا شنو
الهجام.....

[محمد يوسف]

اخوي الهجام نحن مرات كتيرة بنحب نماذح جنيدو دا لكن النقول ليك الكلام الجد:

مافي حاجة اسمها راجل المرة ولا راجل المرتين الراجل راجل في الشريعة وكان معرس عشرة ولا ماعرس لسة لكن في حاجة اسمها ثيب وبكر في المرأة.
وهذه المفاهيم الغريبة يقصد منها إستدراجنا لأشياء أخرى ونقل أفكار غربية الى مجتمعنا بقصد هدمه وتدميره وبعد ما نقول غلط الزول يكون كبير ويعرس واحدي صغيرة يجوك ناس التبشير المسيحي الي بيشتموا الرسول يقولوا ليك طيب رسولك كيف عمل كدا؟

بما ان رسولنا الكريم تزوج من سيدة أكبر منه هي خديجة فهذا حلال شرعاً.

وبما ان رسولنا الكريم تزوج من فتاة صغيرة في عمر تسع سنوات وهو رجل بالغ وهي السيدة عائشة فهذا حلال شرعاً.

ومافي زول من حقوا يسأل الراجل أنت راجل مرة ولا ما راجل مرة ولا حتى المأذون الذي يقوم بكتابة العقد - فقط تحرم عليه الزوجة الخامسة.

لكن الماذون يسأل عن المراة هل بكر أم ثيب ويذكر ذلك كتابة في العقد ولا يذكر في العقد راجل مرة ولا رجل مرتين ولا مطلق ولا ماعرس لسة.(يعني راجل بكر هاهاهاهاهاها)


دي أفكار كاثلوكية دخيلة علينا ونحن المسلمين كدا زي رسولنا الكريم بنت صغيرة نعرسها وكبيرة نعرسها ومافي حاجة اسمها راجل مرة ولا راجل مرتين ولا راجل ثلاثة وأي خواجة ولا بتاع حقوق مرأة ولا حقوق إنسان يشوف ليهو شغلة غير الموضوع دا وحتى لو جاء مفتي المفتيين في العلم الإسلامي وملاء هذا البوست بكل كتب التفسير والحديث فكلامه مردود والرهيفة التنقد.

ومش الرهيفة التنقد - الرهيفة أصلها انقدت.

[محمد يوسف]

عشنا وياما نشوف:

راجل بكر

وراجل ثيب

وراجل مرة

طيب يا جماعة عليكم الله الواحد قبل ما يرد يورينا هو شنو راجل بكر ولا راجل ثيب ولا راجل مرة ؟

[جنيـــــدو]

حيرتنا يا شيخنا : محمد يوسف
مع احترامي لشخصك .

بقيت تخش left

كلامنا ده ما أربي وادِه .


وبعدين شنو ثيب وبكر ووو ...


الموضوع يناقش عن تلك الظاهرة التي أغلب الزيجات الأخيرة لو لاحظت في الفريق تجِد كلامنا ده .

وماعندنا اعتراض الشغلة قسمة ونصيب .

لكن دايرين نعرف نقاط الضعف في الشباب حتى نقدر نتفق ويكون الحوار فكري .

[قلب للبيع]

هاهاهاهاهاها

[محمد يوسف]

حيرتنا يا شيخنا : محمد يوسف
مع احترامي لشخصك .

بقيت تخش left

كلامنا ده ما أربي وادِه .

وبعدين شنو ثيب وبكر ووو ...

الموضوع يناقش عن تلك الظاهرة التي أغلب الزيجات الأخيرة لو لاحظت في الفريق تجِد كلامنا ده .

وماعندنا اعتراض الشغلة قسمة ونصيب .

لكن دايرين نعرف نقاط الضعف في الشباب حتى نقدر نتفق ويكون الحوار فكري .

يا شيخنا إنت عنوان موضوعك واضح هو السر في إنتشار زواج البنات من راجل المرة.

بعدين يا شيخنا دا ما دخول لفت دا نقاش لي موضوع بس.

بعدين شنو يعني كلمة فكري دي؟ يعني ما نجيب سيرة للدين؟ معقولة يا شيخنا ؟ معقولة يا مولانا جنيدو؟

طيب النقل كتاب الطبري في الصفحة الأولى منو اكان إنت ما داير سيرة للدين؟

لو كان قصدك الشباب كان ممكن تكتب العنوان : المشاكل التي تمنع الشباب من الزواج.

افتش في الفريق لي شنو؟ ليه هو زواج راجل المرة ظاهرة؟ من زمن الرسول ولغاية جدودنا جدودنا كل واحد معرس مرة وإتنين؟

بعدين هو تعبير راجل مرة دا زاتو ما تعبير دخيل علينا من ما قمنا ما سمعنا بي حاجة اسمها راجل مرة إلا من الفنانات الساقطات الى قالوا راجل المرة حلو حلا.

وعيب ولا حرام لمن البنت تتزوج راجل ( أكان راجل بكر ولا راجل مرة ولا راجل تلاته ) انت عاوز البنات
لو مالقت شاب (راجل بكر) تقعد بدون عرس أو تعمل علاقات غير مشروعة؟

عَنْ أَبِى هُرَيْرَةَ قَالَ قَالَ رَسُولُ اللَّهِ -صلى الله عليه وسلم- « إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ إِلاَّ تَفْعَلُوا تَكُنْ فِتْنَةٌ فِى الأَرْضِ وَفَسَادٌ عَرِيضٌ ».

الرسول ما قال لو جاءكم راجل بكر فقط لكن من ترضون دينه وخلقه فزوجوه (اكان راجل بكر ولا راجل ثيب ولا راجل مرة أو راجل تلاته) إنت عاوز البنات ما يتزوجوا علشان تكون فتنه في الأرض وفساد؟

[جنيـــــدو]

الأخ الحبيب محمد يوسف

لا يسرنا أن تنفعل بل يسعدنا أن نراك مبتسماً خاطاً لنا ولجميع أسرة المنتدى ما لم نتوصل إليه من معرفة وإداك بأمور الحياة .



النقاش حول هذا الأمر طبيعي ، لكن ألست معي أن الفتيات أصبحن لا ينظرن لفارق السن أو أشياء كثيرة يتنازلون عنها ، والشاب كما ذكر أحد أصحابنا في أحد المواضيع أنه يخيم عليه الإحباط خصوصاً بعد أن يرى أن ما كان يتمناها له شريكة في حياته قد وقعت بين فكي مفترس وبرضاها ...




وما دام أنك أتيت بشيء من السنة فلا اعتراض لنا بعد ذلك .


لكن لا زلنا نبحث عن المجهول !!!

[محمد يوسف]

الأخ جنيدو والله أنا لم أقصد أن اخط لك أو لغيرك خطوط ولكنها خطوط السنة وبعضنا يذكر بعض بها والأمر في النهاية نقاش وليس فرض خطوط ولا تفهم مشاركاتي بهذا المعنى فقط أنا تستفذني هذه الأغراض الخفية التي تأتينا معلبة في علب الحقوق والحريات وهي ترمي لأشياء أخرى لهذا أحب أن نتصدى لها جميعنا بالحسم فهي تشكك ضعاف الإيمان في دينهم والعايذو بالله ومن من إرتد بسبب هذه الشعارات المفاهيم.

بخصوص الموضوع البنت فهي ليست مكره وهي تقبل بمحض إرادتها وهي تحتاج لإحتياجات محددة في الحياة فما المانع أن تقبل بمن إستطاع أن يوفرها جميعها أو يوفر قدر كبير منها؟

أما بخصوص شاب يحب ويأتي أسد ويلتهم فهذا أيضاً من المفاهيم الخطرة التي تزرع فينا.

فأنا شاهدت فلم مصري يحكي قصة سيدة متزوجة أحبت شخص أخر بعد زواجها من زوجها والفلم يصور علاقاتها العاطفية مع الشخص الجديد في شكل نبيل وعشاق محرمون ويصور الزوج المعتدى على عرضة في شكل فك مفترس يحرم إثنان من السعادة ويجعلك تتعاطف مع العشيق النبيل عندما يقتل الزوج الفك المفترس.

ما هذا؟

هل نبيح لكل إمرأة متزوجة أن تنشئي علاقات خارجية ونصور هذه العلاقات في شكل سامي ويصبح زوجها غول قبيح المنظر ونتعاطف مع عشيقها إن قتل زوجها لأنه يحرمهما من الحب السامي والعاطفة؟

الى ماذا ترمي هذه الأفلام وهذه المفاهيم أخي جنيدو؟

علينا ان ننتبه حتى لايدس لنا السم في الدسم.

[شاكسس]

ياعمك البوره كعبه

تحياتى،،

[علياء]

ههههههه والله ضحكتوني شديد يا اخوان

فعلن الزمن ده بقى مظاهر وفلوس بصرف النظر عن الراجل المروق ووووو

بقو الحريم في بعضهم الوحده لو وضعها عادي تلقى اهتمام صحباتى ليها محدود ....

الزمن اتغير والناس بقى التعامل معاها صعب ..زي ما قالو بجئ زمن ويكون وراء كل رجل اربعين مرأه

الله لايحضرنا الزمن ده

[جنيـــــدو]

ههههههه والله ضحكتوني شديد يا اخوان

فعلن الزمن ده بقى مظاهر وفلوس بصرف النظر عن الراجل المروق ووووو
----------------------------


شهد شاهد من اهلهم ... !

[علياء]

ههههههه والله ضحكتوني شديد يا اخوان

فعلن الزمن ده بقى مظاهر وفلوس بصرف النظر عن الراجل المروق ووووو
----------------------------


شهد شاهد من اهلهم ... !

كلامي منطقي مش يا جنيدو