المساعد الشخصي الرقمي

مشاهدة النسخة كاملة : سياحة فضائية في ودمدني


admin
14-10-2007, 07:04 AM
كل عام وانتم بخير وعيد سعيد وان شاءالله السنة الجاية زي ما عايزين .. اخيرا قامت قوقل ومن خلال برنامجها قوقل ايرث بتحسين صور الاقمار الصناعية القادمة من مدينة ودمدني .. حيث اصبح الان من الممكن زيارة المدينة والتمتع بالتحرك في طرقاتها وزيارة منزلكم والمرور على منازل الاهل والاحباب كزيارة العيد عن طريق البرنامج الرائع قوقل ايرث .. يمكن للجميع تحميل البرنامج من موقع قوقل.. ارجو من لديه وصلة مباشرة للبرنامج اضافتها للموضوع هنا .. ويمكن ايضا مشاهدة ودمدني عن طريق موقع قوقل ماب بدون تحميل اي برامج .. وهذه وصلة مباشرة للمدينة
http://maps.google.com/?ie=UTF8&t=k&om=1&ll=14.403336,33.501745&spn=0.002349,0.004989&z=18

<iframe width="425" height="350" frameborder="0" scrolling="no" marginheight="0" marginwidth="0" src="http://maps.google.com/?ie=UTF8&amp;t=k&amp;om=1&amp;ll=14.403123,33.501901&amp;spn=0.002 349,0.004989&amp;z=18&amp;output=embed&amp;s=AARTsJqzARj-Z8VnW5pkPMLMmZbqrJcYpw"></iframe><br /><small><a href="http://maps.google.com/?ie=UTF8&amp;t=k&amp;om=1&amp;ll=14.403123,33.501901&amp;spn=0.002 349,0.004989&amp;z=18&amp;source=embed" style="color:#0000FF;text-align:left">View Larger Map</a></small>
صلاح الدين
14-10-2007, 10:31 AM
العزيز أبوبكر
كل سنة وانت والأسرة الكريمة بخير وعافية .
والله شيء جميل جدا وعلى فكرة عملنا صفحه وسجلنا فيها أغلب المعالم المهمة في مدني طبعا مع تحديد بيوت الأهل والأحباب وكل واحد سجلنا موقعه باسمه .
لك الشكر على المعلومة وياريت الناس تستفيد منها .
نزار حسن محمد
14-10-2007, 06:26 PM
ود المنيره ...
كل سنه وانت طيب ..
لكن ماشاءالله علىموقعك وتحديدا بيتك...
دقر ياعين ..تقول لى ود الصول ساكن المنشيه:confused:
admin
15-10-2007, 05:59 PM
شكرا صلاح الدين ونزار حسن على المرور وكل عام وانتم بخير

انظروا الى ابداعات اساتذتنا دكاترة جامعة الجزيرة المجهولين .. انظرو كيف كتبو كلمة كلية العلوم الريفية وكيف ابدعوا في رسم خريطة السودان على الارض بكافة تضاريسها .. عمل كبير مجهول لا يراه الا الناظر الى تلك البقعة من علٍ .. عندما بذلوا الجهد واتقنوا هذا العمل لم يكونوا يعلمون بان هنالك قوقل سيظهر وسيرى الناس جميعهم ابداعاتهم.. انظر الصورة المرفق وهي صورة للمساحة المتاخمة لمدخل جامعة الجزيرة.
الابعاد
14°25'44.95"n
33°29'35.85"e
abomazeen
15-10-2007, 10:05 PM
كل عام وانتم بخير أعاده الله علينا وعلى المسلمين بالخير والبركات وبالأمن والإيمان


والله تشكر كتير على الأعمال الجليلة والجميلة دي يا حبيبنا ...
معتز الريح
16-10-2007, 10:51 PM
يا آدمن نشكرك على تنبيهنا ..
ودي ضربة معلم ..

تخريمة :
ما نسينا عندكم لعبة بتاعة الوليد ؟؟
نزار حسن محمد
17-10-2007, 01:07 AM
/والله يابوبكر الليله ما خليت لك شارع حايم فى ودمدنى بكراع كلب ..غايتو كتر الف خيرك
مدنيّة
17-10-2007, 01:15 AM
تخريمة :
ما نسينا عندكم لعبة بتاعة الوليد ؟؟

غايتو جنس حالة

كان ما مغتربين كان عملتوا شنوووو
عماد السائح
17-10-2007, 01:50 AM
للاخوان ادمين والاخ نزار وجميع المشاركين كل التحايا بالعيد اعاده الله والجميع بالف خير.
وبالنسبة لموضوع مدني والاقمار فنحن نقول:
اننا نريد صورة الرايقة وهي تبيع التسالي في السنماء الخواجة وحولها اولاد مدني تظهر الابتسامات وهم يهمون بدخول الدور الثاني لفلم عباد الشمس بطولة صوفية لورين او دافوي في ميدان بانت او قول مبارة اهلي اتحاد وفيها محجوب التوم وجيرك وعثمان مانو ولا اقولك حفلة فيها عبد الله ود شيخ ادم او قول ليلية عند ود شاطوط او قنديل ياخي خليها شكلة فيها جمال حامد وهتمه باختصار دايرنها صورة حية وكل عام ومدني على الف خير.
admin
17-10-2007, 09:29 PM
كل عام وانتم بخير أعاده الله علينا وعلى المسلمين بالخير والبركات وبالأمن والإيمان


والله تشكر كتير على الأعمال الجليلة والجميلة دي يا حبيبنا ...
وانت بالف خير يا ابومازن


يا آدمن نشكرك على تنبيهنا ..
ودي ضربة معلم ..

تخريمة :
ما نسينا عندكم لعبة بتاعة الوليد ؟؟
موش الحمدلله انكم ما نسيتو الوليد ذاتو .. جنس سلبطة غايتو


/والله يابوبكر الليله ما خليت لك شارع حايم فى ودمدنى بكراع كلب ..غايتو كتر الف خيرك
ياتو كلب اوع تقول لي كلبكم الحنكوش داك .. ياخي داك داير ليهو ثلاثة يوم عشان اصل باب الشارع

غايتو جنس حالة

كان ما مغتربين كان عملتوا شنوووو
شفتي كيف يامدنية .. بس الدنيا عيد ما عايزين نطلع الفضائح واوراق اللجوء السياسي المقدمة لنا مازالت موجودة.


للاخوان ادمين والاخ نزار وجميع المشاركين كل التحايا بالعيد اعاده الله والجميع بالف خير.
وبالنسبة لموضوع مدني والاقمار فنحن نقول:
اننا نريد صورة الرايقة وهي تبيع التسالي في السنماء الخواجة وحولها اولاد مدني تظهر الابتسامات وهم يهمون بدخول الدور الثاني لفلم عباد الشمس بطولة صوفية لورين او دافوي في ميدان بانت او قول مبارة اهلي اتحاد وفيها محجوب التوم وجيرك وعثمان مانو ولا اقولك حفلة فيها عبد الله ود شيخ ادم او قول ليلية عند ود شاطوط او قنديل ياخي خليها شكلة فيها جمال حامد وهتمه باختصار دايرنها صورة حية وكل عام ومدني على الف خير.
ان شاءالله كلها كم سنة وتكون الصورة حية .. عندي باقي تسالي اشتريتو من الرايقة عند ودالسر خليني امشي افتشو ما يكون لحسو
خالد أحمد الصول
17-10-2007, 10:29 PM
شكرا كبيرنا لهذا المجود
أنوه أن اسم كلية العلوم الرياضية و الحاسوب و هذه الخريطة الجميلة كتبت بالنباتات المزروعة و هي إن دلت إنما تدل علي الجهد الخارق لكلية العلوم الرياضية و الحاسوب و إدارة البيئة بالجامعة ... و كل المغتربين معزومين عند حضورهم سأزورهم موقع كلية العلوم الرياضية و الحاسوب و كمان الفطور فول من كشك حاااار و عليه زيت السمسم و الجبه و الشطة الخضراء
Madanawi
18-10-2007, 01:03 AM
كل عام والجميع بخير

طيب يا مالية ما تشترك لينا في Google Life عشان نمشي مدني وكل حاجة على الهواء مباشرة تكون معانا .. وبالمرّة نشوف مباريات الأهلي والإتحاد وجزيرة الفيل حية وعلى الهواء كمان . ونقول التحكيم فاشل من الانترنت !!