المساعد الشخصي الرقمي

مشاهدة النسخة كاملة : للمتزوجين فقط


جوجو22
10-10-2007, 08:58 AM
هل صحيح زواج الاهل مابنجح ؟ ومابنجح عشان شنو؟
ليه فى هذا الزمن بقى الزواج تقليدى؟ او زواج مادى. وهل بنجح ؟
ليه فى هذا الزمن بقى ماف زواج ناتج عن علاقة الا قليل جدا ؟
هل صحيح الحب ياتى بعد الزواج؟
ولو كنا بنحب بعض بعد الزواج الحب بتلاشى . ام بزيد؟
ارجو الاجابة المفيدة والواضحة
بابكر
10-10-2007, 10:23 AM
الابن الغالى جوجو لك التحيه !! سؤالك كبير ومهم !!
الزواج هو شراكه حميمه بين اثنين .. الحب والتضحيه فيه فى غاية الاهميه !
والاحترام المتبادل من اهم عناصر نجاحه !! والاهم عدم اخراج المشاكل الزوجيه لاى كائن كان !! وبعد ذلك يكون الحب وسوف يستمر ان شاء الله
جوجو22
10-10-2007, 11:21 AM
اديك العافية الاخ بابكر على المرور
حبيبة ودمدني
10-10-2007, 11:34 AM
هل صحيح زواج الاهل مابنجح ؟ ومابنجح عشان شنو؟
ليه فى هذا الزمن بقى الزواج تقليدى؟ او زواج مادى. وهل بنجح ؟
ليه فى هذا الزمن بقى ماف زواج ناتج عن علاقة الا قليل جدا ؟
هل صحيح الحب ياتى بعد الزواج؟
ولو كنا بنحب بعض بعد الزواج الحب بتلاشى . ام بزيد؟
ارجو الاجابة المفيدة والواضحة

لا ياجوجو زواج الاهل بينجح عندي خالتي متزوجه ولد عمها وما في احلى من علاقتهم في الدنيا
الحب قبل ما يكون للماده بيكون من القلب
الحب بقى مابيجي عن علاقه لانو كل شاب وشابه بيكونو دايرين فتى او فتاة احلامهم بي مواصفات عجيبه
والحب بيكون قبل الزواج وبعده
ولو الاتنين بيحبو بعض بي اخلاص بيستمر الحب للنهايه
ود المطامير
10-10-2007, 11:52 AM
أخوى الحبيب .. جوجو
الزواج من الأهل محفوف بمخاطر كبيره
من ضمنها الغيره ... وظهور الأمراض الوراثيه
وبين دا ودا ضاع جيل كامل .
حبيبة ودمدني
10-10-2007, 12:32 PM
أخوى الحبيب .. جوجو
الزواج من الأهل محفوف بمخاطر كبيره
من ضمنها الغيره ... وظهور الأمراض الوراثيه
وبين دا ودا ضاع جيل كامل .

كيف يعني الغيره؟؟؟
ويا ود المطامير لو الاتنين ديل من عائله وحده وبيحبو بعض تفتكر ح يقدروا يسيبو بعض
انا من ناحيتي بحب واحد من عائلتي ومستحييييييييييييل كانو ادوني ملاييييييييين
ما حيبعدوني عنو كان اقيف اتحدى الكون كلو عشانو
((أبــوعاذر))
10-10-2007, 01:36 PM
اخوتي تعقيبلاً علي ارأكم
اليكم رأي

الحب قبل الزواج غير الحب بعد الزواج
اما الحب عموما حب بكل معانيه اما بعد الزواج
بيكون منزل من الله كما قال الله تعالي (وجعلنا بينهم موده ورحمه)
وزواج الاهل من ناحية ايجابي ومن ناحية سلبي
ومسبب اللجفي اذا كان غير ناجح
او كان ضد رغبة احداهم
تلبيه ورضا والدين فقط
اماالحياة الزوجيه الناجحه اساسها الصدق
والصدق في الحياة الزوجية بيقتل الغيرة
واخيرا الزواج عن حب
هذا اساس الغيرة ويتوالي والشكوك
((أبــوعاذر))
10-10-2007, 01:41 PM
وبالنسبة الي الامراض الوراثية في زواج الاهل
مع تقدم العلم اصبح لكل داء دواء
وهذا بفضل الله
ومن توكل علي فهو حسبه
وكل شي مقدر ومكتوب
حافظ الليبى
10-10-2007, 01:55 PM
هل صحيح زواج الاهل مابنجح ؟ ومابنجح عشان شنو؟
ليه فى هذا الزمن بقى الزواج تقليدى؟ او زواج مادى. وهل بنجح ؟
ليه فى هذا الزمن بقى ماف زواج ناتج عن علاقة الا قليل جدا ؟
هل صحيح الحب ياتى بعد الزواج؟
ولو كنا بنحب بعض بعد الزواج الحب بتلاشى . ام بزيد؟
ارجو الاجابة المفيدة والواضحة
جوجو يا صعب انتا شكلك كدا عاوز تسويها
moh_alnour
10-10-2007, 03:13 PM
هل صحيح زواج الاهل مابنجح ؟ ومابنجح عشان شنو؟
ليه فى هذا الزمن بقى الزواج تقليدى؟ او زواج مادى. وهل بنجح ؟
ليه فى هذا الزمن بقى ماف زواج ناتج عن علاقة الا قليل جدا ؟
هل صحيح الحب ياتى بعد الزواج؟
ولو كنا بنحب بعض بعد الزواج الحب بتلاشى . ام بزيد؟
ارجو الاجابة المفيدة والواضحة

ياجوجو يا أخوي يعني لو ما أتزوجنا ما بارينا المتزوجين وكان ما قرينا ما بارينا القروا وكان ما متنا ما شقينا المقابر شنو يعني للمتزوجين فقط دي ، على العموم تسلم على الموضوع
من المؤكد أنه لا يمكن الجزم بأن زواج الاقارب فاشل على أطلاقه ولا يمكن أن نقول أنه ناجح على أطلاقه ، ولكن من المؤكد أن لديه إيجابياته وسلبياته والتي لا يتسع المجال والوقت لذكرها ، ولكن في أعتقادي الشخصي أن الموضوع يتوقف على الطرفين ومدى حبهما ومتانة علاقتهما ببعض وأحترامهما لبعض ويتوقف على متانة العلاقة بين الأسرتين ، فكم من زواج أقارب جعلهم غير أقارب وبدد المودة وصلة الرحم التي كانت قائمة بين الأهل وكم من زواج أقارب زاد في أواصر المحبة والمودة والتواصل بين الأسر ، وكم من زواج أقارب أثمر نجاح في الحياة الزوجية وكم من زواج أقارب كان نصيب طرفاه أبغض الحلال عند الله . فالمسالة أولاً وأخيراً قسمة ونصيب وتجارب شخصية لا يمكن أن تعمم وتكون معيار ثابت للحكم على فشل أو نجاح زواج الأقارب ، أما بالنسبة للماديات ففي هذا الزمن نجد أن الكل يلهث وراء الماديات الأولاد والبنات إلا من رحم ربي ، الحب الحقيقي موجود قبل الزواج وبعده ولكن ربما بعد الزواج وفي زحمة المشغوليات وأنجاب الأولاد يقل كثيراً ولكنه موجود
ليس الحب وحده من يسير مركب الحياة الزوجية ولكن المودة والمعاشرة الطيبة وأحترام الطرفين لبعضهما وقيام كل طرف بمسؤلياته هو من يطيل في عمر الزواج ، وتقبل مروري
جوجو22
11-10-2007, 03:46 AM
شكرا لكم على المرور والافادة من
كلامكم النبيل واديكم العافية
مختار بازى
11-10-2007, 04:09 AM
انا براااااااااااااااااااا

ولا شنو يا جوجو22

هههههههههههههههههههههههههههههههههه
القيصر
11-10-2007, 10:31 AM
تسلم يا جوجو............

انا بفتكر لو حصلت اشكاليات
وراثيه في العيله زي ما بتقولو
ممكن الواحد في اللحظه دي
اعمل حسابو لكن لو ما حصلت
اشكاليه ابقي مافي مانع الشخص اتزوج من العيله

افيدونا بأراكملي زول عندو النيه.................

http://www3.0zz0.com/2007/10/11/19/28107383.gif