المساعد الشخصي الرقمي

مشاهدة النسخة كاملة : حكاية رمضانية


عثمان جلالة
02-10-2007, 10:15 PM
كان ..... نهارا طوييييييييييييييييييلا من نهارات رمضان .... والشمس .... تلهب .... ظهور ووجوه المارة ........ وهو في طريقه عائدا من أرضه ... والتي تبعد من قرية الغبش ... عددا من الكيلومترات ... وأخذ يفكر في عمق ..... (أسي يا بله كان خليت الحماره البيضاء ... ما كان رحمتك في نهار رمضان الحار ده ؟؟؟؟؟ ..... والله الحماره البيضاء عزيزة ... لكن الظروف ... والولد كان لازم يمشي الجامعة ... ربك كريم .. فراج الهموم ... يفرج همنا .. أح أح أححححححححح)

عند مشارف قرية الغبش ... وجد في طريقه عمدة القرية مع بعض الأفنديه من المدينة القريبة ... وعرف لتكرار الحدث أنهم سيكونون من شركة الكهرباء ... تمهيدا لوعد جديد من طابور وعودهم الطويلة .... وعدا .... وإخلافا ...
الله يفرج الحال .... وينور قلوبنا بالإيمان .... همس في سره وواصل طريقه إلى البيت

يابا يابا ....... جاءته فاطمة ... تجري ضاحكة
مالك يا بتي في شنو ... أجابها بله

ولدك عبد الرحيم .... رسل ليك تلفون (موبايل من السعودية مع عباس ود حاجة آمنة)

هو متين الجنا الممسوخ دا ... عمل عمرتو ... الله يديهو العافية .. ويغتي عليهو .. أسي كان جابن لينا (حديدة) ما كان أخير .... همس لنفسه في نعاس ... ثم راح في نوم عميق ..

جاءت فاطمة تجري ... والموبايل في يدها ... يابا يابا ... التلفون بضرب ...
يا بت أفتحي لي الداهي دا أنا ما بعرف ليهو ..

ناولته فاطمه التلفون وهي تقول ... قول ألو يابا قول ألوووووووووو

بله : ألوووووووووووووووووووووووو
الطرف الآخر : السلام عليكم
بله : وعليكم السلام يا ولدي
الطرف الآخر : منو معاي؟؟؟؟
معاك بله ود أمحمد أحمد ...... أجاب بله
الطرف الآخر : مبروووووووووووووك عمنا بله معاك شركة زين للهاتف السيار ربحت معانا ... عربية كورولا موديل 2007م ... انت متابع برنامجنا في تلفزيون السودان الآن؟؟؟
بله : لا والله يا ولدي ..... كهربا ذاتا ما عندنا .... خليهو التلفزيون ... أسي قلت لي شنو؟؟؟؟
الطرف الآخر .... يا عمنا بله تجينا بكره في الخرطوم ... تفطر معانا في التلفزيون وبعد الفطور نسلمك .. مفتاح عربيتك الكورولا موديل 2007

الطرف الآخر ........ ألووووووووووووووووووووو

تييت ......... تييييييييييييييييييييت

(سؤال الحلقة ............ ياربي بله يكون مالو ؟؟؟؟؟؟؟؟؟؟؟؟) :D
النور محمد يوسف
02-10-2007, 11:01 PM
كان ..... نهارا طوييييييييييييييييييلا من نهارات رمضان .... والشمس .... تلهب ................
.... ..... .....
.... ....
الطرف الآخر .... يا عمنا بله تجينا بكره في الخرطوم ... تفطر معانا في التلفزيون وبعد الفطور نسلمك .. مفتاح عربيتك الكورولا موديل 2007

الطرف الآخر ........ ألووووووووووووووووووووو

تييت ......... تييييييييييييييييييييت

(سؤال الحلقة ............ ياربي بله يكون مالو ؟؟؟؟؟؟؟؟؟؟؟؟) :D

يا عثمان ما تختمها أنت وتريحنا...يا عثمان دي حاجة حقتك انت ولازم تختمها ويارب يكون بلة جاري عشان يلحق معاهم فطور بكرة...يا عثمان ما تقوم تفطس لينا الغلبان دا خلينا نستمتع معاك من خلالو بطرائف استخدامه التلفون وعاوزين منك يوميا تعليقك عن المحادثات منه واليه وطريقة تعامله مع المواضيع المطروحة.....يا عثمان ما تكتل لينا الزول دا ....والا فسوف نعتبرك متهرب...وحاشا أن تكون كذلك...عثمان أوع أوع يكون بله راح فيها ....عثمان نحن ما ناقصين ....جيب الزوووول وخليهو يواصل.....الله ينعل التكنلوجيا .....بحمارتو نحنا عاوزنو
ابراهيم
02-10-2007, 11:03 PM
الحمد لله
بله يكون جاهو ابشهيف مزمن ..

اخي وعزيزي الجميل عثمان جلالة
اولاً تحياتي واحتراماتي لهذا القلم الذي يحكي معاناة شعب ..
وشكراً لهذه الوجبة الخفيفة وسهلة الهضم.

ويا فرحة ما تمت يا بلة
عثمان جلالة
02-10-2007, 11:17 PM
يا عثمان ما تختمها أنت وتريحنا...يا عثمان دي حاجة حقتك انت ولازم تختمها ويارب يكون بلة جاري عشان يلحق معاهم فطور بكرة...يا عثمان ما تقوم تفطس لينا الغلبان دا خلينا نستمتع معاك من خلالو بطرائف استخدامه التلفون وعاوزين منك يوميا تعليقك عن المحادثات منه واليه وطريقة تعامله مع المواضيع المطروحة.....يا عثمان ما تكتل لينا الزول دا ....والا فسوف نعتبرك متهرب...وحاشا أن تكون كذلك...عثمان أوع أوع يكون بله راح فيها ....عثمان نحن ما ناقصين ....جيب الزوووول وخليهو يواصل.....الله ينعل التكنلوجيا .....بحمارتو نحنا عاوزنو

كدي خت الرحمن في قلبك .. النور .. قوول بسم الله مالك ... والله التقوول أخير منك بله ... الطاهر علي بلاع ..... انتظر بس لوك الصبر .. صبرا يبل الآبري .......:p
عثمان جلالة
02-10-2007, 11:21 PM
الحمد لله
بله يكون جاهو ابشهيف مزمن ..

اخي وعزيزي الجميل عثمان جلالة
اولاً تحياتي واحتراماتي لهذا القلم الذي يحكي معاناة شعب ..
وشكراً لهذه الوجبة الخفيفة وسهلة الهضم.

ويا فرحة ما تمت يا بلة

الرائع إبراهومة ... رمضان كريم ... لك التحية والود ... بله ... من حماره بيضاء موديل سنة مافي باعها بى 45 جنيه عشان الولد يخش الجامعة ... لى كورولا موديل 2007م مؤمنة تأمين شامل + معفية من الضرائب انت يا ابراهيم أخوي .... ليلة القدر جات ولا لسه ؟؟؟؟؟
ابراهيم
02-10-2007, 11:39 PM
الرائع إبراهومة ... رمضان كريم ... لك التحية والود ... بله ... من حماره بيضاء موديل سنة مافي باعها بى 45 جنيه عشان الولد يخش الجامعة ... لى كورولا موديل 2007م مؤمنة تأمين شامل + معفية من الضرائب انت يا ابراهيم أخوي .... ليلة القدر جات ولا لسه ؟؟؟؟؟
الحمد لله الفي بالي كان غير كدة وانا غايتو قااااعد على قارعة الاستشمار اعرف بلة حصل ليو شنو؟
ليلة القدر لسا ما جات لكن متوقعنها في التلت الجاي دة.


على جنب:
يا جماعة براحة علينا لسا الواحد ما مرق من خلعة التلاجة بتاعة النور
انت عاملين دويتو خطير هنيئاً لنا بكم.
عثمان جلالة
03-10-2007, 01:10 AM
الحمد لله الفي بالي كان غير كدة وانا غايتو قااااعد على قارعة الاستشمار اعرف بلة حصل ليو شنو؟
ليلة القدر لسا ما جات لكن متوقعنها في التلت الجاي دة.


على جنب:
يا جماعة براحة علينا لسا الواحد ما مرق من خلعة التلاجة بتاعة النور
انت عاملين دويتو خطير هنيئاً لنا بكم.

ههههههه والله ضحكتني بي براحه عليكم دي .... انشاء الله ليلة القدر من نصيبك .... ما فيلا وعربية آخر موديل بس .. رضا في الدنيا والآخره ... لكن بيني وبينك ... حبة قريشات كده عشان الرشوشه:p
ابراهيم
03-10-2007, 01:17 AM
ههههههه والله ضحكتني بي براحه عليكم دي .... انشاء الله ليلة القدر من نصيبك .... ما فيلا وعربية آخر موديل بس .. رضا في الدنيا والآخره ... لكن بيني وبينك ... حبة قريشات كده عشان الرشوشه:p

والله يا عثمان يا اخوي هي كان جات كلو بجي
رضاءالله والوالدين والفيلا والعربية زي حقت بلة وعروس هدية ورضية للعزابة الزي حالتي نسأل الله العلي الكريم ان يكرمنا واياكم بها.

---------------------
علي جنب:
كان جاتك يا عثمان ما تنوم بيها براك
رضا حسن محمد
03-10-2007, 01:21 AM
ابو الجل ايدو مبارا علينا اليكو
يا ريتك لو واصلت فى السرد الجميل من غير ما تدخل فيها زين والكورلا
اعتقد انك مشروع راوى ولا قصاص كبير
يلا صحى الطيب صالح الجواك دة
التحية عبرك لصديقى دعوب
النور محمد يوسف
03-10-2007, 01:50 AM
ابو الجل ايدو مبارا علينا اليكو
يا ريتك لو واصلت فى السرد الجميل من غير ما تدخل فيها زين والكورلا
اعتقد انك مشروع راوى ولا قصاص كبير
يلا صحى الطيب صالح الجواك دة
التحية عبرك لصديقى دعوب

مش كدا بالله يا رضا...فعثمان ما فيهيو طيب صالح واحد ..بل فيهو طيبات صالحات كثيرات .... فما عاوزنو يوقف ... فاحسن يواصل لينا مع بله وحمارتو...ويبعد بعيد من التكنلوجيا دي بتجيب خبرو....كيفك رضا ...وأوحشتنا وتحاتي لدعوب واحشنا شديد... معتكف ولا شنو
مدنيّة
03-10-2007, 02:12 AM
انت ياجلالة مالك قاطع خط بلة دا يعني
حاسد ولا بقران ؟ :mad:
عثمان جلالة
03-10-2007, 02:21 AM
والله يا عثمان يا اخوي هي كان جات كلو بجي
رضاءالله والوالدين والفيلا والعربية زي حقت بلة وعروس هدية ورضية للعزابة الزي حالتي نسأل الله العلي الكريم ان يكرمنا واياكم بها.

---------------------
علي جنب:
كان جاتك يا عثمان ما تنوم بيها براك

أنا كان نمت بيها ... البنوم بله شنو ؟؟؟؟ ويا ابراهيم أخوي أنشاء الله مره هديه ورضيه زي لبن السعية .... العزوبية شرررررررررررر أسال هشام ودعوب:D
عثمان جلالة
03-10-2007, 02:31 AM
ابو الجل ايدو مبارا علينا اليكو
يا ريتك لو واصلت فى السرد الجميل من غير ما تدخل فيها زين والكورلا
اعتقد انك مشروع راوى ولا قصاص كبير
يلا صحى الطيب صالح الجواك دة
التحية عبرك لصديقى دعوب

العزيز رضا ... رمضان دساك ... أسي عليك الله الزي الطيب طالح أنا ولا انت ... وخاصة في روايتك .. فرنسية جانه جن .. اللهم إني صائم ... لكن ما بندخل في رمضان :p الله يديك العافية ... ومنتظرين ابداعاتك بعد العيد وتقبل تحيات المعتكف ..... دعوب:p
عثمان جلالة
03-10-2007, 02:36 AM
انت ياجلالة مالك قاطع خط بلة دا يعني
حاسد ولا بقران ؟ :mad:




أم آيه رمضان كريم ... هي ما شفتي .. الهلال ما طلع من البطولة العربية ... ودعواتك ما يطلع من العليها الرك ....... والله ما تسألوني انا أسالو موظف شركة زين .... قتل الراجل .. كان المفروض يديهو الخبر سنه سنه .... من حماره لى كورلا .... ده كلام ده ...:p
samar_taha
03-10-2007, 04:34 AM
يا جلالة أنا في إعتقادي الشخصي إنو دي أضغاث أحلام سااي .
وباقي لي عم بلة ده حظو زي حظي , لو دخل السحب براهو ما بفوز بيها خلي معاه, 2 مليون مشترك أو يزيدون . وكمان قالو أي زول نمرتو مقطوعة ولا مسروقة رجعا ؟؟؟؟
قول لي عم بلة ينوم خفيف ما يتقل في العشا
مختار بازى
03-10-2007, 05:43 AM
يا جلالة أنا في إعتقادي الشخصي إنو دي أضغاث أحلام سااي .
وباقي لي عم بلة ده حظو زي حظي , لو دخل السحب براهو ما بفوز بيها خلي معاه, 2 مليون مشترك أو يزيدون . وكمان قالو أي زول نمرتو مقطوعة ولا مسروقة رجعا ؟؟؟؟
قول لي عم بلة ينوم خفيف ما يتقل في العشا

هههههههههههههههههههههههههههههههههه
ههههههههههههههههههههههههههههههه

والله ياسمـــــــــــــر لكن لقيتك قنعانة جنس قنع


جلالـــــــــــــــــــة والله لا بنكل ولا بنمل واااااااااااصل ونحن في شوق ولهفــــــة للتتمة

علي شرط بالحمارة لانو كل زول رجــــــع للتكنلوجيا بعدما سمع بالكورلا دي:D:D
samar_taha
04-10-2007, 01:42 AM
هههههههههههههههههههههههههههههههههه
ههههههههههههههههههههههههههههههه

والله ياسمـــــــــــــر لكن لقيتك قنعانة جنس قنع


D:D

عاد يا مختار حظي وبعرفو , لكن برضو نقول الله كريم إن شاء نفوز بي حمارة عم بلة ونخلي ليهو هو الكوريلا كان يلم فيها .
هيثم عبدالعال
04-10-2007, 12:45 PM
رائعه يا رائع يا جلالة لك التجلة ... واحة أنت ونحن عطاشى فأسقنا عذب السرد والتشويق ... لي عتب على الإختصار وآخر على إحتمال موت الفجاءة للتربال بله فهو لا يستحق ذلك ولن نرضى له سوى عيشة هنية وكورولا مع سائق كمان .
عثمان جلالة
05-10-2007, 09:29 PM
يا جلالة أنا في إعتقادي الشخصي إنو دي أضغاث أحلام سااي .
وباقي لي عم بلة ده حظو زي حظي , لو دخل السحب براهو ما بفوز بيها خلي معاه, 2 مليون مشترك أو يزيدون . وكمان قالو أي زول نمرتو مقطوعة ولا مسروقة رجعا ؟؟؟؟
قول لي عم بلة ينوم خفيف ما يتقل في العشا

سمر طه .... وحاة رمضان ده مشتاقين .... ورمضان كريم عليك يا بت أمي .... انشاء الله حظك يضرب معاك المرة دي ... أصلوا قالوا بتصدق مره واحدة ..... بين قوسين (ركزي على الأيام الفردية):p
عثمان جلالة
05-10-2007, 10:25 PM
هههههههههههههههههههههههههههههههههه
ههههههههههههههههههههههههههههههه

والله ياسمـــــــــــــر لكن لقيتك قنعانة جنس قنع


جلالـــــــــــــــــــة والله لا بنكل ولا بنمل واااااااااااصل ونحن في شوق ولهفــــــة للتتمة

علي شرط بالحمارة لانو كل زول رجــــــع للتكنلوجيا بعدما سمع بالكورلا دي:D:D

والله ما شاء الله يا بازي ... دايما أمل وتوهج .... وتحفز للأفضل ... حقيقة روحك ورح مقاتلين ... أيوه خليك كده ... زي بله ... الجاتو في حمارتو .... سامحتو :D
عثمان جلالة
05-10-2007, 10:27 PM
عاد يا مختار حظي وبعرفو , لكن برضو نقول الله كريم إن شاء نفوز بي حمارة عم بلة ونخلي ليهو هو الكوريلا كان يلم فيها .

أحفظي اللون حق الحمارة.... يا سمر ... أبيض ... أبيض ... ما تجي بعدين تغالطينا ... بعد نوزع التركه :D
عثمان جلالة
05-10-2007, 10:32 PM
رائعه يا رائع يا جلالة لك التجلة ... واحة أنت ونحن عطاشى فأسقنا عذب السرد والتشويق ... لي عتب على الإختصار وآخر على إحتمال موت الفجاءة للتربال بله فهو لا يستحق ذلك ولن نرضى له سوى عيشة هنية وكورولا مع سائق كمان .


الرائع هيثم .... رمضان كريم ... هههههههههه كورولا وسواق كمان .... (خارج النص) لكن تعرف يا هيثم أخوي التعابه ديل فرحهم جميل وكتير ... وأصيل ... بفرحو بى أي حاجه .... مش كورولا .... أي حاجه ... كان جداده في البيت ... رمت ليها بيضه بفرحو .... الله يكمل الفرح .... تعال يا هيثم نكمل الحكاية :p
ابراهيم
05-10-2007, 10:39 PM
ابا الجميل عثمان جلالة صباح الود

آي ياخ كمل والله رمضان دخل العضم والواحد بقى الشحتفة ما مستحملة
عثمان جلالة
05-10-2007, 10:44 PM
معقوله بس !!!!!! غمغم في نفسه بله ... وهو يقطع الكبري الذي يربط بين الخرطوم وام درمان ... راجلاً ... معقوله بس ... والله حكاية ...... وسرح بخياله في البعيد ............

هاهو المذياع ... والتلفزيون وكل وسائل الإعلام شرقية كانت أم غربية تتحدث عن هذا الرجل المعجزة ... والذي خرج من قرية مغمورة ..... إلى أغنى أغنياء العالم ... وهاهو الوكيل الحصري والوحيد ... لزراعة القطن والقمح .. وانتاج الملابس والدقيق وغيرها ... شيء لا يعد ... السيد / بله ... الذي فاجأ المذيعة التلفزيونية المتأنقة في آخر لقاء عند سؤالها .... كم يبلغ عدد ثروتك ؟؟؟؟ أجابها السيد بله في سرعة ... قبل السؤال أم أثناء السؤال ... أم بعده !!!!!

إيييييييييييييييييييييييييييييييييييييه يا زمن ...

ونواصل ...................................
samar_taha
06-10-2007, 04:51 AM
[QUOTE=عثمان جلالة;244133]سمر طه .... وحاة رمضان ده مشتاقين

[COLOR="DarkOrchid"][SIZE="4"]تسلم يا جلالة تشتاق ليك العافية يا ملك , وكل سنة وإنتو طيبين

كدي ركز لي على موضوع الحمارة عشان عايزة اشغلا في كاروووو
حافظ الليبى
06-10-2007, 09:38 AM
كان ..... نهارا طوييييييييييييييييييلا من نهارات رمضان .... والشمس .... تلهب .... ظهور ووجوه المارة ........ وهو في طريقه عائدا من أرضه ... والتي تبعد من قرية الغبش ... عددا من الكيلومترات ... وأخذ يفكر في عمق ..... (أسي يا بله كان خليت الحماره البيضاء ... ما كان رحمتك في نهار رمضان الحار ده ؟؟؟؟؟ ..... والله الحماره البيضاء عزيزة ... لكن الظروف ... والولد كان لازم يمشي الجامعة ... ربك كريم .. فراج الهموم ... يفرج همنا .. أح أح أححححححححح)

عند مشارف قرية الغبش ... وجد في طريقه عمدة القرية مع بعض الأفنديه من المدينة القريبة ... وعرف لتكرار الحدث أنهم سيكونون من شركة الكهرباء ... تمهيدا لوعد جديد من طابور وعودهم الطويلة .... وعدا .... وإخلافا ...
الله يفرج الحال .... وينور قلوبنا بالإيمان .... همس في سره وواصل طريقه إلى البيت

يابا يابا ....... جاءته فاطمة ... تجري ضاحكة
مالك يا بتي في شنو ... أجابها بله

ولدك عبد الرحيم .... رسل ليك تلفون (موبايل من السعودية مع عباس ود حاجة آمنة)

هو متين الجنا الممسوخ دا ... عمل عمرتو ... الله يديهو العافية .. ويغتي عليهو .. أسي كان جابن لينا (حديدة) ما كان أخير .... همس لنفسه في نعاس ... ثم راح في نوم عميق ..

جاءت فاطمة تجري ... والموبايل في يدها ... يابا يابا ... التلفون بضرب ...
يا بت أفتحي لي الداهي دا أنا ما بعرف ليهو ..

ناولته فاطمه التلفون وهي تقول ... قول ألو يابا قول ألوووووووووو

بله : ألوووووووووووووووووووووووو
الطرف الآخر : السلام عليكم
بله : وعليكم السلام يا ولدي
الطرف الآخر : منو معاي؟؟؟؟
معاك بله ود أمحمد أحمد ...... أجاب بله
الطرف الآخر : مبروووووووووووووك عمنا بله معاك شركة زين للهاتف السيار ربحت معانا ... عربية كورولا موديل 2007م ... انت متابع برنامجنا في تلفزيون السودان الآن؟؟؟
بله : لا والله يا ولدي ..... كهربا ذاتا ما عندنا .... خليهو التلفزيون ... أسي قلت لي شنو؟؟؟؟
الطرف الآخر .... يا عمنا بله تجينا بكره في الخرطوم ... تفطر معانا في التلفزيون وبعد الفطور نسلمك .. مفتاح عربيتك الكورولا موديل 2007

الطرف الآخر ........ ألووووووووووووووووووووو

تييت ......... تييييييييييييييييييييت

(سؤال الحلقة ............ ياربي بله يكون مالو ؟؟؟؟؟؟؟؟؟؟؟؟) :D
جلاله يارائع........... سلام
اول حاجه يا جلاله بوظتا أعظابى والله يعنى ما كان تتم الحكايه ...
اها وعم بله الحصل ليهو شنو ما تقول لى مات من الفرحه ......
عثمان جلالة
06-10-2007, 09:36 PM
:p

ابا الجميل عثمان جلالة صباح الود

آي ياخ كمل والله رمضان دخل العضم والواحد بقى الشحتفة ما مستحملة

حاضر حاضر حاضر استاذنا ابراهيم .... دايرين نخلي بله يتفسح شوية في الخرتوم محل الرئيس بنوم والطيارة بتقوم:p
عثمان جلالة
06-10-2007, 09:40 PM
[QUOTE=عثمان جلالة;244133]سمر طه .... وحاة رمضان ده مشتاقين

[COLOR="DarkOrchid"][SIZE="4"]تسلم يا جلالة تشتاق ليك العافية يا ملك , وكل سنة وإنتو طيبين

كدي ركز لي على موضوع الحمارة عشان عايزة اشغلا في كاروووو


والله الظاهر إنو بله .... الحماره ذاتها آخر القصة ما ح يلقاها .... بعد ما انت شلت حمارتو وشغلتيها ... مواصلات ... (خربانه أم بنايا قش):D
عثمان جلالة
06-10-2007, 09:42 PM
جلاله يارائع........... سلام
اول حاجه يا جلاله بوظتا أعظابى والله يعنى ما كان تتم الحكايه ...
اها وعم بله الحصل ليهو شنو ما تقول لى مات من الفرحه ......

الدكتور ... عاش من شافك ... رمضان كريم مختقين في رمضان انت وعمك محجوب ... (جوبا) الحاصل شنو ؟؟؟؟

شوف باقي القصة ... ما دام سألت من بله !!!!
عثمان جلالة
06-10-2007, 11:06 PM
سقوط مميت لأحد الراجلين .... بكبري أمدرمان ..... كان هذا هو العنوان الرئيسي لجميع الصحف الصادرة صباح اليوم ... ويبدو أن احلام ..... بله .... لم يوفقها ... سموه على أغنياء العالم ... فقد سما بجسده النحيل .. إلى السموات العلا .... هادئا كان أوان الموت عاديا تماما ... كان يحلم بعمق ويبتسم في جزالة .... وودع الحياة مرفوع الرأس كما كان .... كم اشتاق في لحظاته الأخيرة لصهوة حمارته البيضاء .............. (خربانه أم بنايا قش)

وإنا لله وإنا إلية راجعون ........... صدق الله العظيم

The End
portbail
07-10-2007, 03:55 AM
الطرف الآخر ........ ألووووووووووووووووووووو

تييت ......... تييييييييييييييييييييت

:D


والله يا جلالة غايتوا أنا من هسع مرشح موضوعك الجميل ده لتكون نجم أكتوبر لأنك والله تستحقها دون منازع
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020167.gif" border=0 ></a>
عثمان جلالة
07-10-2007, 09:52 PM
والله يا جلالة غايتوا أنا من هسع مرشح موضوعك الجميل ده لتكون نجم أكتوبر لأنك والله تستحقها دون منازع
<a href="http://www.sweetim.com/s.asp?im=gen&ref=11" target="_blank"><img src="http://content.sweetim.com/sim/cpie/emoticons/00020167.gif" border=0 ></a>


أبو مصطفى ... العيد مبارك عليكم من أسي قبل الزحمه .... والله انت النجم .... خاصة بعد الهجمة المرتده دي :p
مختار بازى
08-10-2007, 12:37 PM
أبو مصطفى ... العيد مبارك عليكم من أسي قبل الزحمه .... والله انت النجم .... خاصة بعد الهجمة المرتده دي :p

انا بفصل ليكم النجم فيكم مـــــــــــــــنو موافقين؟؟؟

طيب














والله دخلتا نفســـي في حتة ضيقـــــــــــــــة الحق الحق

















كلكم نجـــــــــــــــــوم والله ومـــــــــــن غير مجاملة

ونحـــــــــــنا في انتظاركم متعونا...
نزار حسن محمد
08-10-2007, 09:30 PM
ياجلاله الفنان ..
ابداع ..ايها الرجل الفنان الانيق ...حزنت لنهاية العم بله ..كدى عليك البينى ما بينك تصحى بله تانى انشاءالله تعمله توم اند جيرى بس واصل المسلسل ..رمضان ما انتهى ..انت مالك مستعجل ..اى انا عارفه داخل ما بعد العضم
لكان برضو ..عائد ..عائد .يابله ..وبى حمارته البيضاء ..وجنبها الكورلا 2007
عثمان جلالة
08-10-2007, 09:59 PM
انا بفصل ليكم النجم فيكم مـــــــــــــــنو موافقين؟؟؟

طيب














والله دخلتا نفســـي في حتة ضيقـــــــــــــــة الحق الحق

















كلكم نجـــــــــــــــــوم والله ومـــــــــــن غير مجاملة

ونحـــــــــــنا في انتظاركم متعونا...

البازي ... المشكلة انك انت ما نجم شهر واحد بس انت نجم كل الشهور ........ بدون ألقاب .......... ونياشين ونجوم ..... لكن رتبتك ... سيفين وصقر :p مزيدا من الإبداعات
عثمان جلالة
08-10-2007, 10:12 PM
ياجلاله الفنان ..
ابداع ..ايها الرجل الفنان الانيق ...حزنت لنهاية العم بله ..كدى عليك البينى ما بينك تصحى بله تانى انشاءالله تعمله توم اند جيرى بس واصل المسلسل ..رمضان ما انتهى ..انت مالك مستعجل ..اى انا عارفه داخل ما بعد العضم
لكان برضو ..عائد ..عائد .يابله ..وبى حمارته البيضاء ..وجنبها الكورلا 2007

حبيبنا أب سفروق .... رمضان كريم ... والعيد مبارك عليكم ... بله يا اخوي كان صحى تاني ... ببقى بعاتي ... وبجيب لينا الكلام .. وناس الاعلام ..... والتكريم اللقاه بله من وسائل الاعلام المختلفه بأنو مات وهو رافع راسو ... ومبتسم ... (يعني أجمل موته) ..... كان رجعناه .... بسحبو منو كل الامتيازات والالقاب .... واحتمال الكورولا ذاتا ما يلم فيها ..... أحسن ليهو العند الله ... العند الناس انعرفت ... حبيبنا نزار ود حسن:p
النور محمد يوسف
08-10-2007, 11:38 PM
جلالة الابداع جلالة الروعة....بلة دا مالك موديهو الخرطوم....حتتو دي عيبها لي... آآها الراجل راح فيها.... ما تسلموه جائزتو دي في أي محل...كان لازم يسافر يعني.... يا جلالة ممكن تعمل ليهو فحوصات جاي وجاي إمكن الزول سكرو قل وجاتو دوخة ساكت ...صحيهو ..انت حاول وكل حركة بركة...ولسع رمضان ما كمل مستعجل مالك ...فعايزينك ترجع لينا الزول دا والزول دا ما مات ...عندك شهادة وفاة موثقة ومن قومسيون طبي تثبت ذلك.... ورجع لينا زولنا أو واصل لينا معاهو لحدي العيد..... نجم أنت ياجلالة ولكل الشهور .... لكن بلة ما بينساها ليك
عثمان جلالة
09-10-2007, 09:43 PM
جلالة الابداع جلالة الروعة....بلة دا مالك موديهو الخرطوم....حتتو دي عيبها لي... آآها الراجل راح فيها.... ما تسلموه جائزتو دي في أي محل...كان لازم يسافر يعني.... يا جلالة ممكن تعمل ليهو فحوصات جاي وجاي إمكن الزول سكرو قل وجاتو دوخة ساكت ...صحيهو ..انت حاول وكل حركة بركة...ولسع رمضان ما كمل مستعجل مالك ...فعايزينك ترجع لينا الزول دا والزول دا ما مات ...عندك شهادة وفاة موثقة ومن قومسيون طبي تثبت ذلك.... ورجع لينا زولنا أو واصل لينا معاهو لحدي العيد..... نجم أنت ياجلالة ولكل الشهور .... لكن بلة ما بينساها ليك


حبيبنا النور ... جائزة بله حسب رؤية الكاتب كبيره ..... في الآخره .... ربنا رزقو الشهادة وهو في أحسن حالاتو ... انتبهت لى بله وللناس العلى شاكلة بله ... وسائل الأعلام والصحف ... والمسئولين ... زي ما بحصل في كل دول العالم الثالث ......... ما يشكروك إلا بعد موتك !!!!!! ألا رحم الله فقيد الوطن بله بقدر ما قدم لأرضه ... وزرعها وحرثها ... وكان منتوجه دائما ... صفرا .......
عثمان جلالة
20-10-2007, 12:30 AM
في غنية حقت شايقية حنينة ... بتتكلم عن عوض ... البحبوه كل الناس زي شخصيات أنيس منصور والطيب طلح ... (عرس الزين) .. الغنوة بتقول ... ما شفت عوض يا ساري الليل ....

أها لكل الحاضرين ... والغائبين ... وكل من يسأل عن بله ........ بله بخير وبقول ليكم كل عام وانتم بخير ...... شفته في الكعبه الشريفه ... في البيت الحرام ... لابس إحرام أبيض وريحتو مسك وعنبر .... وبدعوا لكل اهل السودان في العيد السعيد ده ... يعود عليهم العام الجاي ... والسودان في خير ... وسلام ..... وبله الحاضر الغايب .... بغريكم ... كتير السلام