حكمه والله وحكايه!!!

[بابكر]

شنو يا ناس حكاية توزيع السيارات الكرولا اليومين
تانى يوم فى رمضان وزعوا 3 سيارات

وبعد داك كل يوم سياره !!!
يعنى {30} سياره لغاية نهايه رمضان بدون ادنى تعب من الفائزين { مادى }
والله الحكايه تمخول !! يعنى بقينا غنيانين لدرجه اننا نوزع سيارات بملايين الدولارات !!
يعنى كان ممكن الفلوس دى يظبتوا بيها المستشفيات الخربانه !! النقالات موسره بالحبال والله النقاله اثقل من المريض !!
والسراير بتاعة المرضى حدث ولاحرج !! والناس توزع فى السيارات
والمدارس حالها حال الاطفال بيجلسوا فى الارض بدون اى فرش حتى !! ومعظم المدارس ليس بها دورات مياه !! بمافيها مدارس ابنات
ونحن نوزع السيارات

واحد سعودى قال والله اذا حدثت مثل هذه الاشياء عندهم فلم يصدقوها ابدا

ونحن عاملين زى ود اب زهانه يوزع الرز { انكل بينز } وينوم فى الجامع


الموضوع مطروح للنقاش العاجل جدا !!! بالله اى واحد يدخل لازم يتفاعل حتى ولو بكلمة ايه الاوفياء
حكمة والله وحكاية!!!

[مدنيّة]

دي وسيلة من وسائل الدعاية ياعمو بابكر

ودي شركات خاصة
هدفها الربح المادي ليس الا

ماعندهم شغلة بمستشفيات ولا بمدارس ولا بغيره


تعرف عندي ولد اخوي كان عيان قبل كم يوم
والدكتور قال لازم يرقد في مستشفي الاطفال في مدني
والعنبر عينك ما تشوف الا النور
والقسم الخاص مافيه طريقة لانه ملان وهم فقط غرفتين
يعني حتي بقروشك ما تلقي ليك حتة نضيفة تتعالج فيها

وعجبي

[بابكر]

دي وسيلة من وسائل الدعاية ياعمو بابكر

ودي شركات خاصة
هدفها الربح المادي ليس الا

ماعندهم شغلة بمستشفيات ولا بمدارس ولا بغيره


تعرف عندي ولد اخوي كان عيان قبل كم يوم
والدكتور قال لازم يرقد في مستشفي الاطفال في مدني
والعنبر عينك ما تشوف الا النور
والقسم الخاص مافيه طريقة لانه ملان وهم فقط غرفتين
يعني حتي بقروشك ما تلقي ليك حتة نضيفة تتعالج فيها

وعجبي

والله هذا زمن الاشياء العجيبه !!والناس كلها مطنشه يامدنيه !!لان الكلام صار زى عدمو
ولاحول ولاقوة الابالله !!

[هشام السماني إبراهيم]

والله كلامك صح

يعنى كان ممكن الفلوس دى يظبتوا بيها المستشفيات الخربانه !! النقالات موسره بالحبال والله النقاله اثقل من المريض !!
والسراير بتاعة المرضى حدث ولاحرج !!

والله بقيت من افتح التلفزيون وهاك ياتوزيع الحاصل شنو ؟ والفكرة شنو ؟
ممكن حاسبين الحكاية تطور ولا ممكن قروش زايدة عاوزين الناس تتفسح وتصرف بس من وين تركب عربية وانتا ماقادر تتعالج وحتى لو لقيت وعلى قول مدنية وين ؟

تشكراتي ((بابكر))


دمت في رعاية الله وحفظة

[امنية بكري]

انا زاتي استغربت

لكن الدعاية على قول مدنية

هي الاهم عندهم

[عمر البشير]

لا وازيدكم من الشعر بيت انو توزيع السيارات ده ما حا يخسروا فيه يعني يضيفوا كم جنية علي المكالمات واربحوا اكتر من السيارات الوزعوها.

دي وسيلة من وسائل الدعاية ياعمو بابكر
طيب اذا وزعوا تبرعات علي المرضي او اجهزة ونقالات للمستشفيات ما برضو وسائل دعاية وخليهم اصوروا لي الصبح. المهم اقدموا مساعده للشعب المسكين ده. قال سيارات قال. اجيبوا حق البنزين من وين للسيارة؟

[سواااح]

شنو يا ناس حكاية توزيع السيارات الكرولا اليومين
تانى يوم فى رمضان وزعوا 3 سيارات

وبعد داك كل يوم سياره !!!
يعنى {30} سياره لغاية نهايه رمضان بدون ادنى تعب من الفائزين { مادى }
والله الحكايه تمخول !! يعنى بقينا غنيانين لدرجه اننا نوزع سيارات بملايين الدولارات !!
يعنى كان ممكن الفلوس دى يظبتوا بيها المستشفيات الخربانه !! النقالات موسره بالحبال والله النقاله اثقل من المريض !!
والسراير بتاعة المرضى حدث ولاحرج !! والناس توزع فى السيارات
والمدارس حالها حال الاطفال بيجلسوا فى الارض بدون اى فرش حتى !! ومعظم المدارس ليس بها دورات مياه !! بمافيها مدارس ابنات
ونحن نوزع السيارات

واحد سعودى قال والله اذا حدثت مثل هذه الاشياء عندهم فلم يصدقوها ابدا

ونحن عاملين زى ود اب زهانه يوزع الرز { انكل بينز } وينوم فى الجامع


الموضوع مطروح للنقاش العاجل جدا !!! بالله اى واحد يدخل لازم يتفاعل حتى ولو بكلمة ايه الاوفياء
حكمة والله وحكاية!!!


لك كل الحق في ما ذكرته ،،

[بابكر]

لا وازيدكم من الشعر بيت انو توزيع السيارات ده ما حا يخسروا فيه يعني يضيفوا كم جنية علي المكالمات واربحوا اكتر من السيارات الوزعوها.

طيب اذا وزعوا تبرعات علي المرضي او اجهزة ونقالات للمستشفيات ما برضو وسائل دعاية وخليهم اصوروا لي الصبح. المهم اقدموا مساعده للشعب المسكين ده. قال سيارات قال. اجيبوا حق البنزين من وين للسيارة؟


السودان افقر بلد من ناحية البنيه الاساسيه!!!

[بابكر]

انا زاتي استغربت

لكن الدعاية على قول مدنية

هي الاهم عندهم



يعنى كان ممكن الفلوس دى يظبتوا بيها المستشفيات الخربانه !! النقالات موسره بالحبال والله النقاله اثقل من المريض !!

[مدنيّة]

ياعم بابكر
هم مالهم ومال الكلام اللي بتقول فيه انت دا !!

دي شركات هدفها الاول الربح

وكمان شفت الليلة عشرة رمضان في شركة اتصالات عاملة هدية فيلا
اي والله فيلا

اها بالله سعر الفيلا دي بعالج كم مشكلة من مشاكل البلد !!!

وعجبي

[طلال الصول]

لو كان اصحاب الشركات الضخمة بيفكرو زي البني آدمين كان في حاجات كتيرة اتصلحت
كمان لوكانو جماعتنا بيصرفو على العلاج والتعليم زي ميزانية اي حاجة تانية ما تستاهل
كان السودان بقى بلد كويس موش جزء من خرابه والقصد ما المنظر بس

[بابكر]

[QUOTE=طلال الصول;238991]لو كان اصحاب الشركات الضخمة بيفكرو زي البني آدمين كان في حاجات كتيرة اتصلحت
كمان لوكانو جماعتنا بيصرفو على العلاج والتعليم زي ميزانية اي حاجة تانية ما تستاهل
كان السودان بقى بلد كويس موش جزء من خرابه والقصد ما المنظر بس[/ Q

شكرا ابنى طلال على المداخله الطيبه !!!

[عمر البشير]

السودان افقر بلد من ناحية البنيه الاساسيه!!!

طيب نحنا يا بابكر سمعنا انو بقي في السودان شغلات واستقدام عمالة اجنبية وحاجات من النوع ده.
ولا ده تقليد اعمي بس؟.

[بابكر]

طيب نحنا يا بابكر سمعنا انو بقي في السودان شغلات واستقدام عمالة اجنبية وحاجات من النوع ده.
ولا ده تقليد اعمي بس؟.

حكاية الشغالات حاجات شخصيه !! نحن بنتكلم على البنيات الاساسيه المعدومه !! ذى الطرق السريعه !! الانفاق والكبارى !!والشوارع المعلقه لفك اختناقات المرور !!
المدارس الجميله المكتمله
المستشقيات الممتازه النظيفه !!!

[ابومرام]

لك التيحة اخي وصديقي بابكر والله كل ماذكرة الاخوة هو عين العقل العالم في شنو ونحن في شنو المصلحة العامة هي الاهم كان على الاقل سيارة واحدة تصين قسم كامل في مستشفي لكن ذي ماقالت اختنا مدنية هي مسئلة شخصية اي شركات خاصة ماهي الا استثمار 0
وعبر هذه النافذة اوجه والفت نظر محافط محافظة الكاملين بالله عليكم خافو الله في الناس الراعين عليهم والله شي يحزن ومؤسف للغاية في يوم وانا كنت مع اهلى في الكاملين قرية القلقالة تبعد حوالي 6 كيلو متر كان معاي اخوي في الليل تعب بالحصوة بتالم اسعفته حوالي الساعة 2 صباحا الحمد لله قاموا باللاذم وكان منوم في الاسعاف ولكن اي اسعاف ؟؟؟ مكون من سريرين (2 فقط)اخوي كان في سرير بعد ربع ساعة حضر سائق الاسعاف واخد الفرش بتاع السرير الثاني عشان ينوم فيه خارج العنبر والله والله والله على مااقول شهيد هذا المشهد صوب اعيني اما من ناحية النظافة حدث ولاحرج كمية من بقاية المستشفيات من دربات وشاش وووووو مترامية على الشبابيك اما بالنسبة للانارة اساسا المستشفى من الخارج ماعاد تشوفوا ولا تعرف انو مستشفى وانا ماشي شفت مبنى مضي افتكرت هو قسم الحوادث تخيلو طلع شنو والله قسم المرور والما مصدق لو حد جاء في زمن متاخر يلاحظ 0صراحة الحديث قد يطول ولكن انتم ادرى نقول الى متى تلك الحالة ونحن !!!!!!!!!!!!!!![/(انتو ما عارفين ولا ريكم شنو)

[مدنيّة]

ابومرام سلامااات واخوك ما تشوف شر يارب

انا الان اتصلت علي اخونا معتمد الكاملين ( عبدالمنعم الترابي ) وقريت ليه كلامك دا وهو قال لي فعلا الكلام دا كان حاصل قبل اسبوع من الان ولكن هم شغالين في المستشفي واتصلح حالها كتير من الاول وح يواصلوا في صيانتها الي ان تصل للمستوي المطلوب

ولو حابي اتصل علي اهلك في الكاملين وتاكد من الكلام دا ( وعلي فكرة المعتمد قال لي ممكن تديه رقمي لو هو عايزة )

[محمد عبد الله عبدالقادر]

ابومرام سلامااات واخوك ما تشوف شر يارب

انا الان اتصلت علي اخونا معتمد الكاملين ( عبدالمنعم الترابي ) وقريت ليه كلامك دا وهو قال لي فعلا الكلام دا كان حاصل قبل اسبوع من الان ولكن هم شغالين في المستشفي واتصلح حالها كتير من الاول وح يواصلوا في صيانتها الي ان تصل للمستوي المطلوب

ولو حابي اتصل علي اهلك في الكاملين وتاكد من الكلام دا ( وعلي فكرة المعتمد قال لي ممكن تديه رقمي لو هو عايزة )

الاخت مدنية
يديك الف مليون عافية قمة الجدية والنشاط والمتابعه انشاء الله في ميزان حسناتك يا ست الكل

[بابكر]

ابومرام سلامااات واخوك ما تشوف شر يارب

انا الان اتصلت علي اخونا معتمد الكاملين ( عبدالمنعم الترابي ) وقريت ليه كلامك دا وهو قال لي فعلا الكلام دا كان حاصل قبل اسبوع من الان ولكن هم شغالين في المستشفي واتصلح حالها كتير من الاول وح يواصلوا في صيانتها الي ان تصل للمستوي المطلوب

ولو حابي اتصل علي اهلك في الكاملين وتاكد من الكلام دا ( وعلي فكرة المعتمد قال لي ممكن تديه رقمي لو هو عايزة )

ياسلام عليكم يا ام آية يا واصله !! اهو الشغل كده واللا بلاش !!!

[Madanawi]

حمى التسابق في بلورة المهارات التسويقية بين الشركات أصبح يفوق كل تصور

خصوصا شركات الاتصالات التي تدر لها خدماتها ما لا يصدق من أموال قد تكون اهداء سيارة

او حتى فيلا لا ينقص من غلتها الشئ الكثير .... ولله في خلقه شئون ،،

[ابومرام]

لكي التحية أختي مدنية وأشكرك على تلك الجهود التي تقومين بها صراحة يامدنية السودان لو كان فيه (10) من أمثالك كان السودان بقي حاجة تانية خالص ربنا يديك ألف صحة وعافية . أما بخصوص موضوع المعتمد ياريت الرقم لان هناك أمور احتفظت بها مادام الفرصة موجودة أرسلي لي رقم المعتمد على رقمي (0503450905)حتى أتمكن من الإفصاح عن الكثير والكثير ماتنسي ما مشحودة على بلدك ولا رأيك شنو تسليمي أختي

[بابكر]

اهو ده الكلام يا مدنيه ويا ابو مرام!!!!

[مدنيّة]

تم ارسال رقم المعتمد في رسالة خاصة يا ابومرام

[ابومرام]

السلام عليكم ورحمة من الله وبركاته
اشكر الاخت مدنية على الجهد التي قامت به بالاتصال على معتمد الكاملين والحمد لله انا قابلته اليوم صراحة توعدنا بالكثير والمشاكل التي توجد حاليا في مستشفى الكاملين تحت طاولة النقاش بس بقول خطوة خطوة ننجذ بس اهم شي رايكم واقتراحاتكم وهو مستعد لاي راي ويسعد كثيرا باي راسالة 0 ياريت نشوف الانجاز على القريب العاجل وذكرت ليه في كلامي معاه اهم اثنين (الصحة والتعليم ) والصحة اهم من التعليم في نظري انا اذا لم يكن الانسان متعافه اكيد ما حيتعلم (ولا رايكم شنو يا اخوانا )

[مدنيّة]

السلام عليكم ورحمة من الله وبركاته
اشكر الاخت مدنية على الجهد التي قامت به بالاتصال على معتمد الكاملين والحمد لله انا قابلته اليوم صراحة توعدنا بالكثير والمشاكل التي توجد حاليا في مستشفى الكاملين تحت طاولة النقاش بس بقول خطوة خطوة ننجذ بس اهم شي رايكم واقتراحاتكم وهو مستعد لاي راي ويسعد كثيرا باي راسالة 0 ياريت نشوف الانجاز على القريب العاجل وذكرت ليه في كلامي معاه اهم اثنين (الصحة والتعليم ) والصحة اهم من التعليم في نظري انا اذا لم يكن الانسان متعافه اكيد ما حيتعلم (ولا رايكم شنو يا اخوانا )

اهم حاجة يا ابومرام انكم تدعموه كمغتربين بتواصلكم وبجهودكم وبمالكم وبدعواتكم
وياقولك ما مشحودين علي البلد انتو