الكلام ده صاح؟؟ .. ولا كلام حبوبات؟!!

[معتز الريح]

الشبشب المقلوب بجيب المشاكل ..

[معتز الريح]

الحكة في بطن اليد اليمين ..
جاياك قرووش ..

[معتز الريح]

رفة العين اليمين من أعلى ..
رفة العين اليمين من أسفل ..

رفة العين الشمال من أعلى ..
رفة العين الشمال من أسفل ..

لها دلالات .. أفيدونا بيها ..

[مدنيّة]

منتظرين معك الحبوبات ياود الريح

وفعلا الكلام دا منتشر جدا

[معتز الريح]

الغريبة يا مدنية .. مرات بتصدُق

[مختار بازى]

والاغرب مرات بيكون حقائق...

دلـــــــــــــــونا

[معتز الريح]

الحبيب ود بازي ..
ده المحيرنا .. عشان كده نسأل أصحاب الخبرة ..

يا رب تجيني حكة في بطن يدي اليمين

[مدنيّة]

الغريبة يا مدنية .. مرات بتصدُق

فعلا

عندي خالتي عندها قناعة عجيبة بالحاجة دي

لما تحك ايدها بتقول جاياني قروش
ولما تقوم عليها رجلها بتقول اها خير ان شاء الله مودياني وين !!

والاتنين بيصدقوا معاها

سبحان الله

[معتز الريح]

اختنا مدنية ..
أكيد الحاجات دي جات بعد ملاحظات
والملاحظات دي اتكررت لحدي ما بقت قاعدة ..
وما زلنا في انتظار الخبرات

[GREY MAN]

يا ود الريح
كشحة القهوه قروشه اكتر من حقة اليد

[معتز الريح]

الحبيب ..
اها دي برضو بنضيفها للسابق ..
ولسه جراب الحاوي مليان ..

[عمر البشير]

ولاغرب من ده كلو يا ود الريح.
عندنا واحد عندو دكان اذا سلم عليهو واحد واليوم داك كان السوق حقو ممتاز يريد ليك السلم عليهو الصباح ريده شديده. والعكس يحصل اذا ما جاو سوق.
اها رايك شنو في ذي ده؟

[مرتضى يوسف العركي]

[الرائع معتز الريح :
نعم الكلام ده حسب ما يردد موجود بيد ان الامر في تقديري يحتاج لتدخل الخبرة والمعايشة ويا ريت يتكرم علينا عمي ود الطاهر اكيد الراجل بمعاصرته لفترة ما قبل الاربيعينات وحتى الان اقدر من الجميع على التداخل والاثراء فهل تكرم العم ود الطاهر الله يديه الصحة وطولة العمر ....وممكن برضو ابو بكر الادمن .وحننسى مواليد 69 باعتبارها مزحة ظريفة يا راجل ...وود المطامير الذي افحمني بتجربة الاغتراب التي عد فيها فقط كم وعشرين سنة بس وباعترافه

[معتز الريح]

ود البشير الحبيب ..
الإصطباحية مهمة ..
ولا رايك شنو؟

[معتز الريح]

الحبيب مرتضى يوسف ..
كلامك صحيح 100% ..

وطبعاً أكيد هم مروا على البوست ده ولابدين ..

وما تنسى مع المجموعة الذكرتها
عم رضا ..

[مدنيّة]

[الرائع معتز الريح :
نعم الكلام ده حسب ما يردد موجود بيد ان الامر في تقديري يحتاج لتدخل الخبرة والمعايشة ويا ريت يتكرم علينا عمي ود الطاهر اكيد الراجل بمعاصرته لفترة ما قبل الاربيعينات وحتى الان اقدر من الجميع على التداخل والاثراء فهل تكرم العم ود الطاهر الله يديه الصحة وطولة العمر ....وممكن برضو ابو بكر الادمن .وحننسى مواليد 69 باعتبارها مزحة ظريفة يا راجل ...وود المطامير الذي افحمني بتجربة الاغتراب التي عد فيها فقط كم وعشرين سنة بس وباعترافه



:D:D:D:D:D

عفيت منك يامرتضي
عملتهم كلهم اعمامك وقعدت

[admin]

[الرائع معتز الريح :
نعم الكلام ده حسب ما يردد موجود بيد ان الامر في تقديري يحتاج لتدخل الخبرة والمعايشة ويا ريت يتكرم علينا عمي ود الطاهر اكيد الراجل بمعاصرته لفترة ما قبل الاربيعينات وحتى الان اقدر من الجميع على التداخل والاثراء فهل تكرم العم ود الطاهر الله يديه الصحة وطولة العمر ....وممكن برضو ابو بكر الادمن .وحننسى مواليد 69 باعتبارها مزحة ظريفة يا راجل ...وود المطامير الذي افحمني بتجربة الاغتراب التي عد فيها فقط كم وعشرين سنة بس وباعترافه

انا درست مع محمد الحسن (حمادة حسن) في فصل واحد حتى اسالوا .. اها تاني بتقدر تقول علي عجوز .. لكن طبعا ما دام جيت بي جاي مافي مانع من تنظيرتين تلاتة كدا .. اكيد نحنا كلنا متفقين انو الكلام دا ماصاح وتخاريف ساكت .. لكن السؤال هو من اين ظهرت هذه التخاريف والخزعبلات؟ وماهي اسباب ظهورها وتاكيدها؟
نمسكا واحدة واحدة .. حكت باطن اليد قالوا بتجيب القروش .. لكن متين؟ ما معروف .. قدر شنو القروش دي؟ برضو مامعررف .. طيب قروش معروفة انها جاية (راتب مثلا) ولا قروش جاية من حيث لانحتسب؟ برضو مامعروف .. طيب لو حكيت يدي وماجاتني قروش لغاية ما حكيت يدي تاني هل دا دليل انو النظرية بايظة ولا دليل تاكيد ودعوة للصبر بان القروش قربت تجيك؟ .. معناها الكلام دا كلام جرايد ساكت وكان يدك اكلتك تاني معناها انك خرمان ودنكل ليك سفة ماكنة فيها وانتهي الموضوع ههههههههههه.
قلبت الشبش لمواخذة .. الصراحة بتجيب المشاكل فعلا .. لانو لو ما عدلتها حبوبتك ذاتها بتقوم عليك وبتنجمك .. منظر ما سياحي ومامعروف ذاتو كنتا بيها وين ولو فكرنا في الحتة الكنتا فيها دي ذاتها شكلة ومشكلة .. وغالبا الحذاء دا بكون سفنجة والسفنجة كان انقلبت بتذكر الناس بقلبة اللوري .. ولو قلتا سفنجتي انقلبت ما بعرفوها ياتا الشايلة العيش من الغرب ولا الشايلة الطينة من الشارع.
اما عينك كان رفتك .. سوا يمين ولا شمال .. معناها انتا عايز تلف يمين ولا شمال .. ورفت العين دي لازم عشان الناس الماشة وراك تعرف.

[بورتبيل]

[الرائع معتز الريح :
نعم الكلام ده حسب ما يردد موجود بيد ان الامر في تقديري يحتاج لتدخل الخبرة والمعايشة ويا ريت يتكرم علينا عمي ود الطاهر اكيد الراجل بمعاصرته لفترة ما قبل الاربيعينات وحتى الان اقدر من الجميع على التداخل والاثراء فهل تكرم العم ود الطاهر الله يديه الصحة وطولة العمر ....وممكن برضو ابو بكر الادمن .وحننسى مواليد 69 باعتبارها مزحة ظريفة يا راجل ...وود المطامير الذي افحمني بتجربة الاغتراب التي عد فيها فقط كم وعشرين سنة بس وباعترافه
:D:D:D:D:D
نرجع لموضوع الاخ الرائع المتألق معتز الريح

انا في اعتقادي ان مثل هذه الدلالات تقع في دائرة التنبؤ بالغيب من خلال اشارة او دلالة معينة او من قراءة حركة معينة للشخص او ما يحدث حوله من اشياء تكون في غير العادة ,, ولكن هذا قد يقع تحت المحظور ,, فالشريعة الاسلامية تحرم مثل هذه الامور ,, والرسول صلى الله عليه وسلم قد حرم التطير ( وهو التشاؤم بمجرد ظهور او حدوث حدث غريب تتشاءم به العرب قديماً او روية الغراب او عن السفر او البومة عندما تصيح يتشاؤم بها وكل هذه ظواهر طبيعية لا علاقة لها بالغيب ( ولا يعلم الغيب الا الله) اذا الاحداث او الظواهر المتناقلة في المجتمع السوداني (وهي كثيرة) في اعتقادي هي من المحرمات ويجب عدم الايمان بها ,, فهي في الاخــر ظواهر طبيعية عادية تنتج من جسم الانسان وحركته ,, او من حركة الاشياء حوله.
اتمنى قد اكون اوصلت المعلومة كما هي.

[GREY MAN]

ولاغرب من ده كلو يا ود الريح.
عندنا واحد عندو دكان اذا سلم عليهو واحد واليوم داك كان السوق حقو ممتاز يريد ليك السلم عليهو الصباح ريده شديده. والعكس يحصل اذا ما جاو سوق.
اها رايك شنو في ذي ده؟
صدقته يا عمر
انا ود الريح ده من يجيني من النجمه اموري بتمشي قلبه.
واليوم الما بلاقيهو فيه برضو قلبه.

يا ود الريح رقم13 رائك فيه شنو

[هشام السماني إبراهيم]

والله موضوع فلة كدي بس اكدو لي موضوع كشحت القهوة عشان عندي جردل


يا قريبي يا ود الريح يعني قول لي عوك عشان اجي مش اشوف الموضوع بالصدفة رادي عليو حبيبنا قرى مان

سلملم وبرجع ليك تاني


دمت في رعاية الله وحفظة

[معتز الريح]

:D:D:D:D:D

عفيت منك يامرتضي
عملتهم كلهم اعمامك وقعدت

وأعمامنا نحنا كمان ..

[معتز الريح]

اكيد نحنا كلنا متفقين انو الكلام دا ماصاح وتخاريف ساكت .. .


آدمنا الحبوب ..
لا ما متفقين !!!!

[معتز الريح]

:D:D:D:D:D
نرجع لموضوع الاخ الرائع المتألق معتز الريح

انا في اعتقادي ان مثل هذه الدلالات تقع في دائرة التنبؤ بالغيب من خلال اشارة او دلالة معينة او من قراءة حركة معينة للشخص او ما يحدث حوله من اشياء تكون في غير العادة ,, ولكن هذا قد يقع تحت المحظور ,, فالشريعة الاسلامية تحرم مثل هذه الامور ,, والرسول صلى الله عليه وسلم قد حرم التطير ( وهو التشاؤم بمجرد ظهور او حدوث حدث غريب تتشاءم به العرب قديماً او روية الغراب او عن السفر او البومة عندما تصيح يتشاؤم بها وكل هذه ظواهر طبيعية لا علاقة لها بالغيب ( ولا يعلم الغيب الا الله) اذا الاحداث او الظواهر المتناقلة في المجتمع السوداني (وهي كثيرة) في اعتقادي هي من المحرمات ويجب عدم الايمان بها ,, فهي في الاخــر ظواهر طبيعية عادية تنتج من جسم الانسان وحركته ,, او من حركة الاشياء حوله.
اتمنى قد اكون اوصلت المعلومة كما هي.


الحبيب بورتبيل ..
معلومتك وصلتنا تب ..
لكن لو ما مشينا بعيد ..
وقلنا بعض الحيوانات مثبت انها بتعرف الزلازل ..
وقالوا بعضها بعرف المطر ..
ليه ما تكون فينا حاجه منهم ..
تشكر يا برتبيل ..

[معتز الريح]

صدقته يا عمر
انا ود الريح ده من يجيني من النجمه اموري بتمشي قلبه.
واليوم الما بلاقيهو فيه برضو قلبه.

يا ود الريح رقم13 رائك فيه شنو


الغريبة انا لمان الاقيك الصباح ..
بحاول امشي أقضي مشاويري كلها ..
عشان عارف الأمور بتكون مقضية ..
وده ما تشاؤم ولا تفاؤل ..
الحكاية الراحة النفسية ..

رقم 13 - رقمي الحبيب بعد رقم 9
ما يجيني واحد يقول لي انت بتاع كوتشينة

[معتز الريح]

موضوع كشحت القهوة عشان عندي جردل


كشحة القهوه الغير مقصودة .. بقولوا خير ..
لكن تجيب قروش دي ما عارفها ..

وجردلك ده أشربوا في بطنك ..
خلي يساهر بيك ..
أصلاً انت كده كده مساهر ..

قال ورد قال ..

[ابوندى]

يا ود الريح
كشحة القهوه قروشه اكتر من حقة اليد

ودى حصلت معاى وصدقت

افيـــــــــــــــــــــــــــــــــــــــــــدونا

[ابوندى]

انا درست مع محمد الحسن (حمادة حسن) في فصل واحد حتى اسالوا .. اها تاني بتقدر تقول علي عجوز .. لكن طبعا ما دام جيت بي جاي مافي مانع من تنظيرتين تلاتة كدا .. اكيد نحنا كلنا متفقين انو الكلام دا ماصاح وتخاريف ساكت .. لكن السؤال هو من اين ظهرت هذه التخاريف والخزعبلات؟ وماهي اسباب ظهورها وتاكيدها؟
نمسكا واحدة واحدة .. حكت باطن اليد قالوا بتجيب القروش .. لكن متين؟ ما معروف .. قدر شنو القروش دي؟ برضو مامعررف .. طيب قروش معروفة انها جاية (راتب مثلا) ولا قروش جاية من حيث لانحتسب؟ برضو مامعروف .. طيب لو حكيت يدي وماجاتني قروش لغاية ما حكيت يدي تاني هل دا دليل انو النظرية بايظة ولا دليل تاكيد ودعوة للصبر بان القروش قربت تجيك؟ .. معناها الكلام دا كلام جرايد ساكت وكان يدك اكلتك تاني معناها انك خرمان ودنكل ليك سفة ماكنة فيها وانتهي الموضوع ههههههههههه.
قلبت الشبش لمواخذة .. الصراحة بتجيب المشاكل فعلا .. لانو لو ما عدلتها حبوبتك ذاتها بتقوم عليك وبتنجمك .. منظر ما سياحي ومامعروف ذاتو كنتا بيها وين ولو فكرنا في الحتة الكنتا فيها دي ذاتها شكلة ومشكلة .. وغالبا الحذاء دا بكون سفنجة والسفنجة كان انقلبت بتذكر الناس بقلبة اللوري .. ولو قلتا سفنجتي انقلبت ما بعرفوها ياتا الشايلة العيش من الغرب ولا الشايلة الطينة من الشارع.
اما عينك كان رفتك .. سوا يمين ولا شمال .. معناها انتا عايز تلف يمين ولا شمال .. ورفت العين دي لازم عشان الناس الماشة وراك تعرف.

وكشحة القهوة وديتا وين ياآدمنا

[معتز الريح]

وكشحة القهوة وديتا وين ياآدمنا


الحبيب أبوندى ..
رغم السؤال موجه للأخ الحبيب الآدمن ..
لكن كدي النسألك أنا ..
أنت رايك شنو في الكلام ده ؟؟ ..

[هيثم عبدالعال]

العزيز معتز
والله فعلاً هي اشياء رسخت عندنا حتى أوشكت أن تصبح من المسلمات ورددناها دون أن نطرح مثل هذا السؤال الذكي ، قد يكون السبب حاجة كل منا إلى التعلق ببصيص أمل يخرج عن دائرة المنطق وتسبيب النتائج وفقاً لمقدماتها كمثال : إن تذاكر تنجح ومن كد وجد .
وكمان قالوا : الجزمه فوق الجزمه سفر قريب

[معتز الريح]

ودى حصلت معاى وصدقت



أبو ندى ..
مشاركتك الفوق دي ما شفتها ..

وبيني وبينك الكلام ده زي ما ذكرت ليك فوق
مرات بصدُق .. ويخليك محتار ..

وكتير غير القهوة ..
ياريت لو يجينا زول يورينا ..

[معتز الريح]

العزيز معتز
والله فعلاً هي اشياء رسخت عندنا حتى أوشكت أن تصبح من المسلمات ورددناها دون أن نطرح مثل هذا السؤال الذكي ، قد يكون السبب حاجة كل منا إلى التعلق ببصيص أمل يخرج عن دائرة المنطق وتسبيب النتائج وفقاً لمقدماتها كمثال : إن تذاكر تنجح ومن كد وجد .
وكمان قالوا : الجزمه فوق الجزمه سفر قريب


الأخ هيثم عبدالعال ..
أها حكاية فردة الجزمة فوق الجزمة
دي جديدة ..

كلامك أعلاه واقعي ..
ولكن ليست كل العلامات ذات دلالة جيدة ..
فمنها ما يتكدر المرء منه ..
عموماً خلينا نشوف البوست ده مودينا وين ..

[هشام السماني إبراهيم]

كشحة القهوه الغير مقصودة .. بقولوا خير ..
لكن تجيب قروش دي ما عارفها ..

وجردلك ده أشربوا في بطنك ..
خلي يساهر بيك ..
أصلاً انت كده كده مساهر ..

قال ورد قال ..

دقيقة لكن لقيتك متابع :rolleyes::eek: بس اكتم على قريبك اوك:cool:

[خالد النور]

الشبشب المردوف فى فردتو....
أها مسافر وين....

[معتز الريح]

دقيقة لكن لقيتك متابع :rolleyes::eek: بس اكتم على قريبك اوك:cool:

وذاع .. وعم القرى والحضر ..

[معتز الريح]

الشبشب المردوف فى فردتو....
أها مسافر وين....


دي قالها هيثم عبدالعال .. وشكلها ظابطه .. كدي وجه المترادفات دي وجهة أروبا وأمريكا عشان لو في سفر يكون لي قدام .. وأحفظ الاتجاهات كويس .. ما تدقس وتوجها ناحية بلاد البنغال

[ابوندى]

والله يا معتز كدى حرك لينا اعمامنا والحجاج الذين ذكرهم مرتضى

[sooka]

رفة العين اليمين من أعلى ..
رفة العين اليمين من أسفل ..

رفة العين الشمال من أعلى ..
رفة العين الشمال من أسفل ..


لها دلالات .. أفيدونا بيها ..
رفة العين من فوق بقولوا انك بتشوف ليك زول طولت منو
ورفة العين من تحت معناها انك ح تبكي
وكتيرين مقتنعين بكدا . حتى في شباب يعني ماالحبوبات بس.
دي شكلها حاجات متوارثة.أفيدونا أكثر.
واضيف ليك كمان لو الحمامة رقدت فى الشمس وفردت جناحها بتعني شنو؟

[بورتبيل]

الحبيب بورتبيل ..
معلومتك وصلتنا تب ..
لكن لو ما مشينا بعيد ..
وقلنا بعض الحيوانات مثبت انها بتعرف الزلازل ..
وقالوا بعضها بعرف المطر ..
ليه ما تكون فينا حاجه منهم ..
تشكر يا برتبيل ..

الرائــــــع معتـــــــز الريح

تشـــــــــكرات ,,
بخصوص الحيــــــوانات واستشعـــارها بالزلزال والمطــر ,, هذه حقيــقة علميــــة اذ اختص الله سبحانه وتعالــى الحيـــوانات بصـــــــــورة عامة بخواص تعينها على البــقاء ,, متمثله في المعــرفة والاستشعار والادراك . وهذا من قدرته سبحانه وتعـــالى في مخلوقاتــه.
امــا اذا نظرنــا الى الانســـان وباعتباره اعقل المخلوقـــــــات على سطح الارض .. اذ اختصه الله بالعقـــل دون الكائنات الاخرى ويستطيع ان يميــز ويدرك ويستشعر ( الى هنا اتفق معك يا معتـز).
لكن ان ناخذ حركـــة الاشيــاء من حولنا على انهــا تنبئ بكارثــة او تبشر بشـــارة.. فهذه ايضـــا تجعلنا تحت امــرين اولهـما ان هناك بعض العلامات والحركات للاشياء ناخذها بانــــها تجي وراءها الكوارث (مثــال العواصف ورصدهـــا في مراكز تكوينها) او يجي بعدها الخيـــــر ( السحب وتراكمها واكتظازها) امــــــا الثاني هنــاك ظواهـــــر وحركات لا يجوز الانقياد اليها مثل (الكسوف الشمسي او الخسوف القمـري او اقتراب نجــــــــم من القمــــــــر) فهذه ظواهـــر عاديـــة نتيجة حركة الكون.
امــــــــا الادراك والاستشعـــــــار بانقلاب الشبشب فليس فيه شي (في اعتقادي) مجــــرد نعل وانقلب نتيجــة حدث معين ينتهــــــــي بمجرد انقلاب النعــــــل.

تعــــــــريجة: موضوعك شيق ومثير والخوض فيــــــه يعمم الفائدة ,, ارجــــــــو المواصــــــلة فان اخطاءنا فمن انفســــــنا وان اصبنا فمن الله والحمــــــد لله على كل حال.

ونواصــــــــــــــــــل باذن الله

[معتز الريح]

والله يا معتز كدى حرك لينا اعمامنا والحجاج الذين ذكرهم مرتضى


الحبيب أبوندى
كدي نجرب بدل ما نقول الأعمام والحجاج
نقول الأخوان امكن يتحركوا

[معتز الريح]

رفة العين من فوق بقولوا انك بتشوف ليك زول طولت منو
ورفة العين من تحت معناها انك ح تبكي
وكتيرين مقتنعين بكدا . حتى في شباب يعني ماالحبوبات بس.
دي شكلها حاجات متوارثة.أفيدونا أكثر.[/CENTER]
واضيف ليك كمان لو الحمامة رقدت فى الشمس وفردت جناحها بتعني شنو؟


الأخت sooka ..
الظاهر أنا اليومين ديل حا أشوف لي زول طولت منو ..
خليني احكي ليك قصة صغيرة ..
أحد المعارف في بلاد الغربة
بحكي عن خبر وفاة والدته..
وذكر أنو صحى الصباح وعينو بترفو من تحت
قال عرف انو في حاجه ما مظبوطة ..
وبعدها بلحظات اتصلوا عليهو وأدو الخبر..

وحكاية الحمامة دي جديدة لنج
الله يدينا واحد يشرحها لينا

[معتز الريح]

الغالي بورتبيل ..
أول حاجه خليني أقول ليك ردودك تصب في اتجاه النقاش المفيد للبوست ..
وأشكرك على ذلك ..

الحبيب .. أنت تعرف ان هناك ما يسمى بعلم الباراسيكولوجي ..
وهم علم يعني بدراسة الخوارق الخارجة عن العادة
والتي ليست لها تفسير غير الشذوذ عن القواعد المعروفة ..

أشياء كثيرة في الكون ليس لها تفسير منطقي ..
ولا أسباب منطقية ولا حتى نظرية مثبته ..
الناس ما تجاهلتها وحاولت تحلها ..
خلينا نضم ليها النظريات حقتنا دي ..
ونحاول ندرجها تحت الظواهر الغير طبيعية ..

للفائده ومزيد من شرح الفكرة ..
راجع الرابط أدناه ..
http://www.rezgar.com/debat/show.art.asp?aid=70230

[معتز الريح]

بورتبيل ..
نسيت أقول ليك ..

صورتك منورة في النفاج ..

[بورتبيل]

بورتبيل ..
نسيت أقول ليك ..

صورتك منورة في النفاج ..


:D:D:D:D
الغالــــــــي معتـــــــــز الريح
هي دي صــــــــورتي انـــا ..انــا كنت قايلــــــــها صـــــــورة عثمان جلالـــــة:D

امــــا بالرجــــــوع للظـــــواهر الخـــــــارقة للطبيعـــــة والاهتمام بهـــــــا ودراستهــــا والجهــود المبذولـــة في هذا المضمـــــــار فانهــــا تقوم على اسس علميــــة ودراسات فيــزيائية واحيائية ..الخ للوصول الى نتائج لما وراء الطبيعـــــــة واحسب انك قد قدمت ذات مرة كتاب للكاتب انيس منصور يتحدث فيه عن مثل هذه الاحداث ,, واحسبك قد اجدت في ذلك.

عمومـــــــاً يا معتز لمواصلــــــة المناقشـــــة حول هذه الموضوعات والاحدوثات المتناقلة في مجتمعنا السودانـــي ( ما بيــن الحقيقــة والخرافـــة) وما بيـــن مصدق ومكذب .. وما بين العقيــدة الاسلاميــة والتخبط الغــارق في الوثنية والاعتقــــاد الجهلي ,, لتجد ان بعض من المجتمع الســـودانــي (المسلمين تحديــداً وخصوصــاً النساء) يعتقدن ان لكل شخــص قوة خفيه تسيطر على حواسه ,, واحيــاناً تصيبه بالمرض والهوان ,, والى درجـــة تجعله يذبح الذبائح ويترنم بترانيم غيـــر مفهمومة (في مايسمى الزار او الدستور بالعاميــة السودانيـــة ) وهذه ايضــا من الاعتقادات الخاطئه التي تجـــر المجتمع الى المهالك.

كثيرة هــي الخرافات والاعتقـــادات المتوارثة في المجتمع الســودانــي ,, وايضـــا كثيرة هي الاستقراءات والتنبؤات الشائعــة في المجتمع ولعل من ابرزها ما يتطرق اليــه الاخـــوة الاعضــاء في هذا البوست المثير جـــداً والشيق ( الظـــــاهر انو انا لقيت ليا مــوضوع انفرا فيـــه :D على الله بس ما يشوفني النســوان ويجن يطفشني منــو :D).
عمومـــاً الخرافات او التخـــاريف منـــها ما يدعـــو الى الفضيلــة والتفاؤل ولا يتعــــــارض مع الديــن ومنــــــــــها ما جاء الديــن بتكذيبه وعدم الخوض فيه ( ظــاهرة الزار مثلاً).

وايضــا حتى لا نكون قد تركنــا موضوع الظواهـــر الخارقة للطبيعــة تبقى شي واحد فقط في معرفـــة حقيقة حدوث هذه الظــواهر ( اذ ان جميع الظــواهر التي حدثت من اطباق طائرة ومخلوقات فضائية زائرة للارض ,, وما الى ذلك ) يبقى في دائرة ان الذين شاهدوا اشخاص فقط اذ ليس هناك طبق طــائر شاهده جميع سكان محافظة ما مثلاً. وقيس على ذلك. وايـــضا مثال اخــر (رفــة العين مثلاً في المجتمع السوداني لهــا دلالة معيـــنة - لكن هل هذه الدلالــة هي نفســها التي لدى ســكان حوض نهــر الامازون ام ان عيـــون سكان حوض الامازون لا ترف .. واحذيته لا تنكفـــي .... ام ان تفسيــر مثل هذه الظاهــر مفصــل للسودانين فقــط.
واذا دخلنــا في مجال الخرق لمجال الطبيعــة ,,نحن نسمع ونقراء ايضــا بان هناك بعض من مشايخ الصوفيــة تطوى لهم المسافات ,, ويختصر لهم الزمن,, ويرون ما وراء الجدار ,, ويمتازون بما لا يطيق البشر تحمله من جوع وعطش ( ولم نرى باعيننا ,, وصدقنـــا بعض وكذبنــا بعض اخــر) ,, ورابعة العدوية ( كان اصبعها يضي بدلاً عن السراج).
هذا قليل من كثير لما سنتطرق له في هذا البوست.
ولكن يبقى شي واحــــــد يجب عدم نسيانه في الخوض في مثل هذه الاحــاديث , الا وهو ان هذا الكــون بكامله ليس هنــا من يتحدى فيه قـــدرة الخالق سبحانه وتعـــالى وليس هنــاك من يدعي خــرفه للمنظومــة الكونيــة ولا يدعـــي بانه يعلــم الغيب وما سيؤل اليه مصيــر الحيـــاة. لكن الخلق من خلق الله وهو المسيـــر له والمسطر عليـــه الى يوم يبعثــــــــــون.
ونواصــــــــــــل

[معتز الريح]

بورتو الحبيب (بندلعك كمان)
ذكرت لك سابقاً وأكرر مداخلاتك مفيدة للنقاش ..

وأنا هنا مع أبوندى وsooka نمثل وجهة النظر الأخرى ..
لأنو لو أتفقنا معاك انها خرافات
فليس هناك ما يقال في هذا البوست ..

الجميل وأن ذكرت ذلك في أحد مداخلاتي ..
أنها ملاحظات تكررت .. وأثارت الانتباه ..
وصارت قاعدة متداولة ..
وما بكذب لو قلت ليك كتير جداً جداً بصدقوها ..

أها أنا بجيب معاي مساعد وبجيك ..

[بورتبيل]

ليــس القصـــد من مشــاركتي ان اضعف من هذا البوست بالعكس
انا هنــا اناقش فقط ,, والموضوع مطروح للمناقشــة وابداء الاراء
لكي نصل الى نتيجــة سليمـــة يا حبيبنا معتـــز.
ولا اخفي عليك ان هذه الظــواهر متكررة ومتداولة في مجتمعنا كثيراً
واتمنــى ان نثري هذا البوست بالمناقشات والحــوار

جيب المســاعد وتعال انا راجيــــك (بس ما يكون نسيبك الانتا نسيبو!! :D:D:D)

[معتز الريح]

ليس القصد من مشاركتي ان اضعف من هذا البوست بالعكس
انا هنا اناقش فقط


حبيبنا ..
انت مناقشاتك تصب في مصلحة البوست ..
ومشاركاتك تقوي قاعدة النقاش ليكون مفيداً ..
وبشكرك على ذلك ..
وبطلب منك أنك تواصل في شرح وجهة نظرك..
وأنا ومن معي بنشرح وجهة نظرنا ..
عشان تبقى الفايده أكبر ..

أما عن المساعدة والمساعد ..
فأنا حا اجيب معاي حبوبة عديل ..

أكرر شكري لك
وأقول ليك انفرا براحتك

[ودكمبال]

العملاق/ ودالريح
انت بتسأل وانا حبوبه قاعدة معاى فى طرف العنقريب وللمعلوميه فى بعض المرات تخش فى مواقع ولما قريت البوست بتاعك ضحكت كثير وقامت سالتنى ياولد جنت بتضحك براك وقلت ليها لا ياحبوبه بس واحد كاتب موضوع وبيسال عن حاجات .قالت لى ذى شنو
قلت ليها انتى صحى كفيت النعال بتوسى المشاكل
قالت لى .لا بس اذا كان فى شكلة مدوره وانت كفيت النعال الشكلة دى مابتنهى باخوى واخوك
وتانى بسال عن شنو؟
بس يا ودالريح حبوبه تحفه من التركية السابقة وانا دايما بوصيها اذا ماتت لازم تحكى لجدى عن الانترنت واالموبايل . بعد عمر طويل .وما تقولى اكتر من كده لانو بجد حبوبه دى احلى حاجه فضلت لينا من الزمن الما عشناهو . وهسه هى بتطلبك لمناظرة عبر الماسنجر اذا ما عندك مانع وانا بدورى بجهز الكميرا وبتستضيفك وجاهزه لكل الاسئله الما لاقى ليها جواب.
ود
ك
م
ب
ا
ل

[معتز الريح]

الحبيب ود كمال ..
جيتنا بالفايده الكبيرة ..
حبوبتك الله يحفظها ليك
ياريت نخليها مرجع ..

سلم عليها كتير
وأسألها لي قول ليها
بنيتوا الكلام ده على شنو ؟

رفة العين
قلبت الشبشب
دفقة القهوة
وغيرههم ..

وكان عندها زياده التزيدها
حبابك ألف انت وحبوبتك ..

[المسافر]

والله يا معتر أنا سمعت كمان أنو لو في مرأة واحدة ركبت
معاك في عربية لازم ترفع معاك ( طوبة ) . . . طبعاً ده
كلام حبوبات وكمان حبوبات بتاعين زماااااااااان !!
لكن بصراحة مفروض الواحد يرفع معاهو ( حيطة كاملة ) .

ولك الود

[مختار بازى]

لو في مرأة واحدة ركبت
معاك في عربية لازم ترفع معاك ( طوبة ) . . .


والله يا المسافـــــــر بعـــــــد الحصل لينا فــــــــي

الحــــــــــــــادث بوصي يرفعو كمينا بتاعت طوب...

[هشام السماني إبراهيم]

والله يا معتر أنا سمعت كمان أنو لو في مرأة واحدة ركبت
معاك في عربية لازم ترفع معاك ( طوبة ) . . . طبعاً ده
كلام حبوبات وكمان حبوبات بتاعين زماااااااااان !!
لكن بصراحة مفروض الواحد يرفع معاهو ( حيطة كاملة ) .

ولك الود



دي جديدة اول مرة اسمع بيها :confused: الكلام دا صح يا معتز

[معتز الريح]

والله يا معتر أنا سمعت كمان أنو لو في مرأة واحدة ركبت معاك في عربية لازم ترفع معاك ( طوبة ) ..
ولك الود



الحبيب المسافر ..
والله دي سمعتها من ناس كبار ..
قالوا مره واحدة في مواصلات عارض ..
لكن اتنين ما بعملوا حاجه ..

لكن سر الطوبة شنو؟ ..
ده السؤال ..

وشكراً على الإضافة الجميلة ..

[معتز الريح]

والله يا المسافـر بعــد الحصل لينا في الحـادث بوصي يرفعو كمينا بتاعت طوب...


لكن يا مخو ورينا ملابسات الحادث
عشان ما نظلم زول ..
وبعدين لو كانت معاكم أكتر من مره ..
يكون السبب شي تاني ..
منتظرنك ..

[مدنيّة]

. وهسه هى بتطلبك لمناظرة عبر الماسنجر اذا ما عندك مانع وانا بدورى بجهز الكميرا وبتستضيفك وجاهزه لكل الاسئله الما لاقى ليها جواب.
ود
ك
م
ب
ا
ل

ود كمبال تحياتي للحبوبة الحنينة

طب للفائدة العامة ما تخلي المناظرة هنا في المنتدي بدل المسنجر
عشان كلنا نعرف ونستفيد

[معتز الريح]

دي جديدة اول مرة اسمع بيها :confused: الكلام دا صح يا معتز


بقولوا كده يا هشام .. دون أدنى مسئولية ..
لكن ما وريتني شعرك ده الحتاهو ليك شنو؟

[معتز الريح]

ود كمبال تحياتي للحبوبة الحنينة
طب للفائدة العامة ما تخلي المناظرة هنا في المنتدي بدل المسنجر
عشان كلنا نعرف ونستفيد


يا مدنية .. زي ما قلتي اخير تجينا بالمنتدى ..
عشان برتوبيل يصدق ..

[بورتبيل]

المشاركة الأصلية كتبت بواسطة المسافر
والله يا معتر أنا سمعت كمان أنو لو في مرأة واحدة ركبت معاك في عربية لازم ترفع معاك ( طوبة ) ..
ولك الود


البوست دا قوي الخلي المســـــــافر يتحتحت ويتخرت ويجي يدخل الليــلة

يا المســــــافر خليك قريب .. وعيــد الضحيــــة قرب.

نرجع للمناقشـــــــة والحوار .
فـــــي اعتـــــقادي ان وجــــــــود المراة في مركبــــــة مواصلات وسط مجموعــة من الرجــال ليس فيــه شي ولا يعني انهـــا عارض ما شابه ذلك اذ لم نسمع بذلك الا عند المجتمع السودان فقط ,, ولم نقراء في كتب العــرب ولا في الامم الاخرى بمثل هذا , واذا حدث مكروه للمركبــة يكون ذلك قــدر ومحتم على هذه المراة وهذه المجموعـــــــة في وقت وقوع الحدث المكروه ,, وكثيــراً ما يحدث مكــروه للمركبات ويكون فيها نساء اكثر من واحــدة وايضا يحدث في حالــة ان الجميع رجال او الجميع نساء ,, او ان المركبة فيها رجل واحد وامراة واحدة ,, او ان المركبة بدون ركاب وخالية تماماً مثل قاطرات البضائع.

و الاعتقــــاد ان المكروه ما كان ليقع لو لم تكن المراة موجــودة على المركبة , فهذا اعتقاد خاطي يقع في دائرة الشرك بالله ( والعيــاز بالله) لانك بمجــرد التفكيــر في انك تعتقد بوجود المراة في المركبــة يوقع كارثة واذا وقعت الكارثة تندم على اصطحاب المراة عليها ,, اي انك تنسى ان الله مقدر لك ان يصيبك مكروه والامر له سبحانه وتعالى ونساله الســلامة من شرور الكوارث والحوادث.

واعلم ان ما اصابك لم يكن ليخطيك وما اخطاءك لم يكن ليصيبك

[معتز الريح]

اها يا بورتبيل جيتك بالجديد ..
الواحد لما يتعشرق ويتشرق .. يقولوا ليهو ده منو الاتذكرك ده ..

[mahagoub]

كله فى الهقايص طبعا احيانا بتصدق والجماعه يعملوها قاعده العين من فوق فرح ومن تحت بكاء وكل مسطر لما خلق له

[ابوزيد محمد نور]

رمضان كريم
كلام حبوبات لكن !!
فعلا انها تخاريف والخزعبلات لكن فى بعض الاحيان حقائق
تسلم ياود الريح على هذا الطرح الجميل

[mahagoub]

وبعدين الطوبه سرها انو لمان توقف العربية تختها دقار

[ودكمبال]

ود كمبال تحياتي للحبوبة الحنينة

طب للفائدة العامة ما تخلي المناظرة هنا في المنتدي بدل المسنجر
عشان كلنا نعرف ونستفيد

الاخ/ ودالريح
سمح الكلام فى خشم سيدو وانا عايز اربطها معك صورة وصوت وانت فيما بعد انقل حواركم فى المنتدى .

[معتز الريح]

كله فى الهقايص طبعا احيانا بتصدق والجماعه يعملوها قاعده العين من فوق فرح ومن تحت بكاء وكل مسطر لما خلق له


أخونا الكبير محجوب .. تحياتي ..
وأنا مما كتبت الموضوع ده كنت مشرك ليك ..
ومنتظر مداخلتك ..

هي هجايص .. لكن ليها سوقها الرائج
كان الشباب كان الناس الكبار ..
فيهم جزء كبير مصدقها ..
والما مصدقها .. بصدق جزء منها ..

ورينا نوعيات شبيهة ..

[ودكمبال]

الحبيب ود كمال ..
جيتنا بالفايده الكبيرة ..
حبوبتك الله يحفظها ليك
ياريت نخليها مرجع ..

سلم عليها كتير
وأسألها لي قول ليها
بنيتوا الكلام ده على شنو ؟

رفة العين
قلبت الشبشب
دفقة القهوة
وغيرههم ..

وكان عندها زياده التزيدها
حبابك ألف انت وحبوبتك ..

الغالى/ معتز
اول ماسالتها ندهت الشيخ حسن ودحسونه والمكاشفى ابوعمر وقالت لى البقلب الحجر بلقى العقرب والكلام مردود لكرامات شيوخ كبار وا لحديث عنو اتركوا . ومن جاى لجاى عرفت انو البت القتاة الامها بت عم ابوها بتفرتق السحابة بكوز مويه . والله يستر علينا وتأكد كل يوم بجتهد واطلع منها بحاجة.
ود
ك
م
ب
ا
ل

[معتز الريح]

رمضان كريم
كلام حبوبات لكن !!
فعلا انها تخاريف والخزعبلات لكن فى بعض الاحيان حقائق



الحبيب أبوزيد.. الله أكرم ..
لكن أنا كنت منتظر زول يجي يناقشني في العنوان ..
ويقول لي الحكمة في كلام الحبوبات ده ..
أنا غايتو محايد ..

[معتز الريح]

وبعدين الطوبه سرها انو لمان توقف العربية تختها دقار


إذا عرف السبب
بطل العجب ..
والله الطوبة برضو مهمة

[مرتضى يوسف العركي]

الوجيه ود الريح
اولا يا سيدي نكن لكم وللبوست الراقي كل تقدير واحرص تماما على الموضوعية في هذا البوست وكذلك اثرائه...
يا ود الريح عليك الله
الخجل من شنو يعني لمان واحدة تقول ليك خالتي مع انو تكون الحكاية عنها هي ذاتها ومرة تقول لي عفيت منك الخليت الجماعة كلهم اعمامك وانا بدوري يامعتز اقول عفيت منها الخرجت منها زي الشعرة من العجينة وخلت الجميع اجدادها وحبوباتها ها ها ها...
ومافي معنى لواحد اخونا تاني يقول لي ليك انا دفعة نسيبك حمادة ...وياريت الناس تلتزم بالموضوعية الجاب النسيب شنو لخبرات مخضرمين ....يا الادمن ؟
وبعد الاذن يا الحبيب لا زلت حريص على استدعاء الخبرات من غير تسميات ولا نسمي حبي للجميع

[معتز الريح]

الاخ/ ودالريح
سمح الكلام فى خشم سيدو وانا عايز اربطها معك صورة وصوت وانت فيما بعد انقل حواركم فى المنتدى .


الحبيب ودكمبال ..
ده يوم المنى والسعد ..
ونتشرف نلاقي حبوبتنا العزيزة ..
رسل لي ايميلك في الخاص النضيفك ..

[معتز الريح]

الغالى/ معتز
اول ماسالتها ندهت الشيخ حسن ودحسونه والمكاشفى ابوعمر وقالت لى البقلب الحجر بلقى العقرب والكلام مردود لكرامات شيوخ كبار وا لحديث عنو اتركوا . ومن جاى لجاى عرفت انو البت القتاة الامها بت عم ابوها بتفرتق السحابة بكوز مويه . والله يستر علينا وتأكد كل يوم بجتهد واطلع منها بحاجة.



يازول ألحقنا بالجديد ..
وحكاية البت الفتاة الأمها بت عم أبوها
بتفرتق السحابة بكوز الموية ..
دي جديدة لنج .. والحقوق محفوظة ليكم

قالوا لمان تكون بتتونس مع زول
وبحكي ليك عن ناس عيانين أو حصلت ليهم كارثة
لازم تقول كلمة (قبلك) أو (قبلهم)
حتى لا تصيبك كارثة مماثلة ..

أسألها لينا ومنتظرنك ..

[معتز الريح]

واحد اخونا تاني يقول لي ليك انا دفعة نسيبك حمادة ...


الحبيب مرتضى يوسف ..
عليك الله في جرسة أكتر من كده ..
قال حماده قال ..

[mahagoub]

أخونا الكبير محجوب .. تحياتي ..
وأنا مما كتبت الموضوع ده كنت مشرك ليك ..
ومنتظر مداخلتك ..

هي هجايص .. لكن ليها سوقها الرائج
كان الشباب كان الناس الكبار ..
فيهم جزء كبير مصدقها ..
والما مصدقها .. بصدق جزء منها ..

ورينا نوعيات شبيهة ..

شركك قبض الناس ايمانها ضعف انت شفت كيف حركات الفقرا والناس العايزه تغنى سريع والبلاوى كتيره ربك يلطف

[صديق بلال]

تشكر جزيل الشكر يا أخ معتز الريح... على هذا الموضوع المهم جدا للغاية...
عموما هذه الأشياء ليست لها حقيقة كلها تعتبر من أنواع الطيرة وهي لا تمت بصلة بتاتا بحدث من الأحداث التي قد تنتج من خلال ماذكرته من أمثلة... وخطورة هذه المعتقدات إنها تمس العقيدة الإسلامية... والسؤال المطروح هل هذه المعتقدات جاء بها رسول الهدى صلى الله عليه وسلم... بل إنه قد حذر من هذه الأمور.. ومن أراد المزيد حول هذا الموضوع فليطلع على كتب التوحيد وهي موجودة بوفرة في المكتبات السعودية أو من خلال الويب...
وأشكرك مرة أخرى يا أخي الفاضل معتز الريح... لطرحك هذا الموضوع...أما من حيث الردود وجدت أن الكثير يغفل عن خطورة مثل هذه المعتقدات وأرجو من الأخ عوض الصغير... مشرف القسم الإسلامي... الله يعطيه الصحة والعافية... كما عهدناه أن يعطينا المزيد حول هذا الموضوع الهام...

[ودكمبال]

يازول ألحقنا بالجديد ..
وحكاية البت الفتاة الأمها بت عم أبوها
بتفرتق السحابة بكوز الموية ..
دي جديدة لنج .. والحقوق محفوظة ليكم

قالوا لمان تكون بتتونس مع زول
وبحكي ليك عن ناس عيانين أو حصلت ليهم كارثة
لازم تقول كلمة (قبلك) أو (قبلهم)
حتى لا تصيبك كارثة مماثلة ..

أسألها لينا ومنتظرنك ..

العزيز/ ودالريح
حبوبه بتبلغك التحايا ومعنى (قبلك) او(قبلهم) لما المصاب يكون جلل وعظيم نتمنى الموت بمعنى قلبهم اوقبلك (للفرد) والضمير راجع للمصاب.
وياخوى انا فكرت استغل باقى عمر حبوبه دى ومن فكرت البوست بتاعك حا ألف كتاب وحبوبه دى شكلها كنز معلومات كانت غائبه عنا وحقك محفوظ واهداء المقدمة ليك ياغالى.
ود
ك
م
ب
ا
ل

[ودكمبال]

الحبيب ودكمبال ..
ده يوم المنى والسعد ..
ونتشرف نلاقي حبوبتنا العزيزة ..
رسل لي ايميلك في الخاص النضيفك ..

الغالى/ ودالريح
لك العتبى حتى ترضى وانا كنت جاد وشرحت ليها الموضوع والناس منتظراك لكى يستفيدوا منكى لكنها رفضت وقالت لى عايز تسونى مضحكة للناس وتجيبنى فى التلفزيون بعد الشيب الفوقى دى وانعل ابوتعليمكم الما وراكم حقوق الوالدين . يعنى اخذت الموضوع من ناحية آخرى . وانا هسه شغال ليها مدح وشكر حتى انال رضاها.
ود
ك
م
ب
ا
ل

[ودكمبال]

الاخ/ ودالريح
حدث ما كنت اخشاه الحبوبه زعلانه رسمى واخدت الموضوع بكل جديه وقالت لى انت جبدوك اخوالك والشى ء البربطنى بيك......... ومدت ليدها ونزعت جلده فى شكل خاتم كانت فى اصبعها الصغير ولاول مره اعرف انو هذه الجلده كانت فى يوم ما جزء منى استولت عليها بدون اذن منى فى فترة كنت لا اكاد اميز بين الاشياء .... ولحكم اننى ابن ولدها البكر لكى تفتخر بها فى المناسبات .واظن انك عرفت قصدى. وموسى جاها وابلاها جابوا الموس .... قلبو يحوص ........جابو الفص قلبو انقص.............................................. ...................

[Jamal Elmahi]

الوجيه ود الريح
حبابك وحباب الحبوبات وكلام الحبوبات
بما إني حبوبه ود حبوبات وبحب الحبوبات موت أكتر من الجكس ...
الكلام دا ..النعال فوق النعال والشبشب المقلوب والعين البترف ..قبل ما يبقي كلام حبوبات كان كلام وداعيات ...يعني الودع كان إتردفن إتنين فوق بعض معناها سكة سفر وكان ودعه إنقلبت دي شكله حجّازا واقف علي كراع واحده ..والوداعيات بعد ما سوقن حرّ إتعدّن الودع لتفسير ظاهرة العين البترف ...وحبوباتنا المساكين مسكن في التفاسير أعمي ومسكوهو عكّاز وطبقنها في النعلات والذي منّو ...وتوارثنا نحن المعتقدات دي ...ولكترت ما تصدق الحاجات دي بقت بقدرة قادر معتقدات ولله في خلقه شئون ...دا طبعاَ بعيد من فلسفة بوتبيل الجميل وحنان النيل ...وياحليل حبوباتنا وياحليل زمن الطواقي والمناديل ...
وصراحة الماعندو حبوبه اليشتري ليهو حبوبه ...ووين وين وين تلقوا زي دا ...حبوبه صيتا في السما ...
بجيك صاد يا الحبيب...

ود الماحي

[مرتضى يوسف العركي]

الوجيه ود الريح
حبابك وحباب الحبوبات وكلام الحبوبات
بما إني حبوبه ود حبوبات وبحب الحبوبات موت أكتر من الجكس ...
الكلام دا ..النعال فوق النعال والشبشب المقلوب والعين البترف ..قبل ما يبقي كلام حبوبات كان كلام وداعيات ...يعني الودع كان إتردفن إتنين فوق بعض معناها سكة سفر وكان ودعه إنقلبت دي شكله حجّازا واقف علي كراع واحده ..والوداعيات بعد ما سوقن حرّ إتعدّن الودع لتفسير ظاهرة العين البترف ...وحبوباتنا المساكين مسكن في التفاسير أعمي ومسكوهو عكّاز وطبقنها في النعلات والذي منّو ...وتوارثنا نحن المعتقدات دي ...ولكترت ما تصدق الحاجات دي بقت بقدرة قادر معتقدات ولله في خلقه شئون ...دا طبعاَ بعيد من فلسفة بوتبيل الجميل وحنان النيل ...وياحليل حبوباتنا وياحليل زمن الطواقي والمناديل ...
وصراحة الماعندو حبوبه اليشتري ليهو حبوبه ...ووين وين وين تلقوا زي دا ...حبوبه صيتا في السما ...
بجيك صاد يا الحبيب...

ود الماحي

ود الماحي سلامات ابوى شيخ العرب والله شوق كثير
يا سلام على الناس البتجي من غير تسميات وكم نحتاج لهذه الاثراء منكم والاخ الجميل بورتبيل والاخوة الافاضل .....المتداخلون
على فكرة اين صديقنا عصام عموش وعلى فكرة راجعتو امس وامس الاول وهو بخير بس مدعوك في الشغل كلنا امل في ان يتداخل في هذا البوست فالرجل له ارتباطات حبوبية كثيرة وثرية فهلا ...؟

[بورتبيل]

:D
الوجيه ود الريح
حبابك وحباب الحبوبات وكلام الحبوبات
بما إني حبوبه ود حبوبات وبحب الحبوبات موت أكتر من الجكس ...
الكلام دا ..النعال فوق النعال والشبشب المقلوب والعين البترف ..قبل ما يبقي كلام حبوبات كان كلام وداعيات ...يعني الودع كان إتردفن إتنين فوق بعض معناها سكة سفر وكان ودعه إنقلبت دي شكله حجّازا واقف علي كراع واحده ..والوداعيات بعد ما سوقن حرّ إتعدّن الودع لتفسير ظاهرة العين البترف ...وحبوباتنا المساكين مسكن في التفاسير أعمي ومسكوهو عكّاز وطبقنها في النعلات والذي منّو ...وتوارثنا نحن المعتقدات دي ...ولكترت ما تصدق الحاجات دي بقت بقدرة قادر معتقدات ولله في خلقه شئون ...دا طبعاَ بعيد من فلسفة بوتبيل الجميل وحنان النيل ...وياحليل حبوباتنا وياحليل زمن الطواقي والمناديل ...
وصراحة الماعندو حبوبه اليشتري ليهو حبوبه ...ووين وين وين تلقوا زي دا ...حبوبه صيتا في السما ...
بجيك صاد يا الحبيب...

ود الماحي

ســــــلام بشيخنــا ود المـــاحي

وكلنــــا اولاد حبوبات ,, وكان الحبوبة بشتروهــــــا يبقى حليلنـــا نحنـــا ,, ( ممكن نعمل مكاتب استقدام حبوبات من جنوب شرق اسيــا) ونفقد حنان الحبوبات!!

ود الماحــــــــي ليس بعيــداً عن فلسفتي ولا شي من هذا القبيل اذ ان فلسفتي ليس نحت مني ولا افتراءت (بل هي تعاليــــم الدين الاسلامـــي) . وانـا اشرت في مشاركات سابقة في هذا البوست ان ليس كل الموروثات والاعتقادات فــــــي المجتمع يجب ان تترك بل اشرت الى انه هناك موروثات تزكي روح العمــل وروح الجمــاعة وتدعو الى الفضيــلة وترك ما لا يفيد....؟
اما الاعتقادات بحركة الاشيــاء وما تشيــر اليه من ان هناك كارثة سوف تقع بدلالة هذه الحركــة فهذا هو الخطــأ الاكبــر.
(تخيل معي ان جميع اعتقاداتنا ومتناقلاتنا اصبح يعمل بها في الحيــاة اليومية وان الجميع عندما تصيبه حكه في يده ,, يجلس اليوم كله في انتظار مال سوف ياتيه,, او ان البومــة اذا صاحت بالليل ,, يصبح القوم على استعداد بالقرب من راس المرض لانه سوف يموت الان لا محالة ,, او ان جزمة ترادفة في الاخرى يعني ان صاحبها يجب ان يتحرك ويحزم حقائبه,, او ان حمامـــة تستمتع بالشمس واستلقت على الارض وافردت جنــاحها فسوف اعتزر للاخرين بان اليوم سوف ياتني ضيف بدلالة رقاد الحمامة.
تخيل مثل هذه الامــور اصبحت متناقلـــة وبشي من الرسمية والشعبيــة ,, كيف يكون حال المجتمع ,, تخيل فقط !!!)
اما بخصوص كلام ان هذا البوست وضع لذكــر الحالات فقط دون المساس بلب الموضوع وما يتعارض معه ووضع الحلول له (في ما يسمى بفلسفة بورتبيل كما اشرت) فهذه هي الفجيعــة اذ ندخل ونقراء مواضيع تمس كيان المجتمعات السودانية كلها ,, ونقول انها ورثة حبوبات وكلام حبوبات صح ام خطأ يجب ان يبقى , ولا ينبغي لنــا ان نغير في الموروث الخاطي لانه اصيل وحنين وجميل. ( والما عندو حبوبة تورثه هذا الارخبيل والموروث الثقافي والاعتقادي الرائع ,, فليشتري له حبوبة؟؟) اي كلام هذا.
اعتقد ان معتـــز الريح قد نجح في استفزاز الاخريــــن للخوض في هذا الموضوع. ( ولو انني اعيب عليه اعتراضه عليّ كثيــراً وخوفه على البوست ان اصيبه له بالاحباط):D
ام الاستــاذ / جمال المـــاحــــــي ,, فدعني اقول لك انني احبك في الله فلا تحسب ان كلامــي هذا موجه لك شخصيــاً ,, فانا ارد على مشــاركتك فقط , ولا تحسبني اريد ان اخوض معك في معترك , فقط اريد ان اشرح وجهة نظري الشي التاني ( حرقتني حتة الما عندو حبوبة يشتري ليه حبوبة دي:D:D)

اما الرائــــــع ( مرتضــى العركــي) فله التحيـــة ودائمــاً اجد كلماته تتفوق اتزاناً وسحــرا ,, مزيدا من التقدم نجم كل الشهـــــور مرتضــى العركـــي ...

عمــوما لا تفهمـــــوني خارج هذه الكلامات القليــلة يا معتز ويا ود الماحــــــــي ,, وبجيكم صـــادي;)

[عثمان جلالة]

معليش جاي متأخر ... والكلام ده بخصني شديد لأنو انا ود حبوبات

ود الريح .. صباحك مليح ... آآآآآ العشا اب لبن ... بصورة عامة ... وما تسألني مصدق الكلام ولا لا ... كلام حبوبتنا ... بصدق في الغالب ... أنا عندي حبوبتين .. واحده ماتت الله يرحمها ... دي ممكن ما تطلع من البيت كان عينها الشمال رفت (من تحت) ... والتانيه Modren وبرجع ليكم

[معتز الريح]

شفت كيف حركات الفقرا والناس العايزه تغنى سريع

طالبنك بوست تحكي لينا عنهم ..
وتورينا حركاتهم ..

وأهم شي الناس العايز تغنى سريع ..

[معتز الريح]

وأرجو من الأخ عوض الصغير... مشرف القسم الإسلامي... الله يعطيه الصحة والعافية... كما عهدناه أن يعطينا المزيد حول هذا الموضوع الهام...

شكراً الحبيب صديق بلال على المشاركة ..
ونحن معك نطالب الأستاذ عوض صقير
ليدلو بدلوه في الموضوع ..

[معتز الريح]

وياخوى انا فكرت استغل باقى عمر حبوبه دى ومن فكرت البوست بتاعك حا ألف كتاب وحبوبه دى شكلها كنز معلومات كانت غائبه عنا وحقك محفوظ واهداء المقدمة ليك ياغالى


النص بالنص + إهداء المقدمة ..
دقيقة أحك بطن يدي ..

[معتز الريح]

وانا كنت جاد وشرحت ليها الموضوع والناس منتظراك لكى يستفيدوا منكى لكنها رفضت وقالت لى عايز تسونى مضحكة للناس وتجيبنى فى التلفزيون بعد الشيب الفوقى دى وانعل ابوتعليمكم الما وراكم حقوق الوالدين . يعنى اخذت الموضوع من ناحية آخرى . وانا هسه شغال ليها مدح وشكر حتى انال رضاها

يا حبيب بالله قبل أياديها ..
وقول ليها ما عاش من يعملك مضحكة ..
وكتر ليها من الأعذار ..
ونحنا مصرين تجي تفيدنا..

[معتز الريح]

الاخ/ ودالريح
حدث ما كنت اخشاه الحبوبه زعلانه رسمى واخدت الموضوع بكل جديه وقالت لى انت جبدوك اخوالك والشى ء البربطنى بيك......... ومدت ليدها ونزعت جلده فى شكل خاتم كانت فى اصبعها الصغير ولاول مره اعرف انو هذه الجلده كانت فى يوم ما جزء منى استولت عليها بدون اذن منى فى فترة كنت لا اكاد اميز بين الاشياء .... ولحكم اننى ابن ولدها البكر لكى تفتخر بها فى المناسبات .واظن انك عرفت قصدى. وموسى جاها وابلاها جابوا الموس .... قلبو يحوص .....جابو الفص قلبو انقص...

البوست ده بقى ليك بسبب
وقصدك عرفناهو .. والفيك اتعرفت :d

[معتز الريح]

النعال فوق النعال والشبشب المقلوب والعين البترف ..قبل ما يبقي كلام حبوبات كان كلام وداعيات ...وحبوباتنا المساكين مسكن في التفاسير أعمي ومسكوهو عكّاز وطبقنها في النعلات والذي منّو ...وتوارثنا نحن المعتقدات دي ...ولكترت ما تصدق الحاجات دي بقت بقدرة قادر معتقدات


الحبيب جمال ود الماحي..
دي الخبرة والردود البنفتش ليها ..
وتفسيرك ورانا المصدر وورانا الأسباب
باقي بس تدينا أمثلة ..

مشكور جداً ..

[معتز الريح]

ود الماحي سلامات ابوى شيخ العرب والله شوق كثير
يا سلام على الناس البتجي من غير تسميات وكم نحتاج لهذه الاثراء منكم والاخ الجميل بورتبيل والاخوة الافاضل .....المتداخلون



مرتضى نسيب (حماده) على قول واحد أخونا ..
عند كتابة البوست كان الهدف الرئيسي
الوصول إلى نتيجة من خلال النقاش ..
وكل المتداخلين ما قصروا ..
أفادونا وشرفونا ..
ليك وليهم كل التحايا ..

[معتز الريح]

:D


عمــوما لا تفهمـــــوني خارج هذه الكلامات القليــلة يا معتز ويا ود الماحــــــــي ,, وبجيكم صـــادي;)


موقفك بقى ضعيف ..
ما قلت ليك بجيب معاي دعم ..
اها كمان لمان ود كمبال يقنع حبوبتو ..
أثبت .. وأبقى قريب ..
وكن بألف خير ..

[معتز الريح]

معليش جاي متأخر ... والكلام ده بخصني شديد لأنو انا ود حبوبات .. ود الريح .. صباحك مليح ... آآآآآ العشا اب لبن ... بصورة عامة ... وما تسألني مصدق الكلام ولا لا ... كلام حبوبتنا ... بصدق في الغالب ... أنا عندي حبوبتين .. واحده ماتت الله يرحمها ... دي ممكن ما تطلع من البيت كان عينها الشمال رفت (من تحت) ... والتانيه Modren وبرجع ليكم


جلالة عثمان .. أتأخرت علينا كتير ..
وأنا من بداية البوست بعاين ليك ..
لأنك من الناس المعتقين خبرة ..
وحكاية كان مصدق ولا لا ..
ما بسألك منها .. لأنو أنا ذاتي زيك ..
تعال لينا بالإضافات والجديد ومنتظرنك

[Jamal Elmahi]

ود الماحي سلامات ابوى شيخ العرب والله شوق كثير
يا سلام على الناس البتجي من غير تسميات وكم نحتاج لهذه الاثراء منكم والاخ الجميل بورتبيل والاخوة الافاضل .....المتداخلون
على فكرة اين صديقنا عصام عموش وعلى فكرة راجعتو امس وامس الاول وهو بخير بس مدعوك في الشغل كلنا امل في ان يتداخل في هذا البوست فالرجل له ارتباطات حبوبية كثيرة وثرية فهلا ...؟

حباب الصحابي ود الاشراف

حباب البشوش الهشوش
حباب أهل التقّابه والبروش
حباب ناس المسيد والحوش
حباب المابغيرنّو القروش
الدهب المجمّر ماهو مغشوش

[Jamal Elmahi]

:D

ســــــلام بشيخنــا ود المـــاحي

وكلنــــا اولاد حبوبات ,, وكان الحبوبة بشتروهــــــا يبقى حليلنـــا نحنـــا ,, ( ممكن نعمل مكاتب استقدام حبوبات من جنوب شرق اسيــا) ونفقد حنان الحبوبات!!

ود الماحــــــــي ليس بعيــداً عن فلسفتي ولا شي من هذا القبيل اذ ان فلسفتي ليس نحت مني ولا افتراءت (بل هي تعاليــــم الدين الاسلامـــي) . وانـا اشرت في مشاركات سابقة في هذا البوست ان ليس كل الموروثات والاعتقادات فــــــي المجتمع يجب ان تترك بل اشرت الى انه هناك موروثات تزكي روح العمــل وروح الجمــاعة وتدعو الى الفضيــلة وترك ما لا يفيد....؟
اما الاعتقادات بحركة الاشيــاء وما تشيــر اليه من ان هناك كارثة سوف تقع بدلالة هذه الحركــة فهذا هو الخطــأ الاكبــر.
(;)
حباب بورتبيل الاعذب من النيل
أيها الحبيب كل ينظر للموضوع بمنظاره ..وأنا بقران وما حاسدك فإنك تفيض إسلاماّ وفقهاَ وأحرفك تذداد تألقاَ بقدوم الشهر المبارك...فتناولي للموضوع محاوله لتفسير هذه الظاهره الحبوبيّه وليس الاعتقاد بها ...أومن بأنه لايعلم الغيب إلاّ الله ...وأيضاَ كذب المنجمون ولوصدقوا...وتناولنا للموضوع يحكي عن بساطة حبوباتنا وصفائهم وأجترار الزمن الجميل بعيداَ عن العولمه وتعقيداتها ..ويما إنو الاعمال بالنيات كما قال صفي الخلق رسولنا الكريم فإن حبوباتنا أم قرقاب التقيات الورعات لم يتعمقن في الموضوع بمثل تعمقك وربطه بالدين ...فخلينا نناقش الموضوع ببساطة حبوباتنا ودعنا نقتلع أنفسنا من تعقيدات هذا الزمن الصعب ولترتسم البسمه علي وجوهنا المتعبه بالتحليق في مدار الحبوبات البسيط الشفيف ولو إلي حين ...
إني أحبك في الله وأحب كل من يحبك ...ولا تنساني عزيزي من صالح الدعوات ...

ود الماحي

[ود المطامير]

حبيب الكل .. معتز ..
يازول أخوك قطع شك عينى الشمال دى لو رفّت من فوق
هلا هلا .. طوالى بتجيب لى خير قدر الكتله
علا لكن لو الجفن التحت دا رفّ طوالى بجيب ضقلها يكركب

أها قبل إسبوعين الجفون الاتنين شغالين يرفو ذى جنحين الصقر الواقف فى الهوا
وكلمت أم عمرو .. وعشان هى شافت عمايل رففان عينى خير وشر
فرحت وخافت .. خافت وفرحت .. قالت لى الله يستر .
أها .. يقوموا يطقونا ليك ناس الشغل ويفنشونا عشان خصخصوا قسمنا وأدوهو شركات

وأم عمرو مافضل ليها شئ إلا تقول لى .. عينك بالتقدها ليك
أها الجفن التحت جاب ضقلها يكركب وسكت
والجفن الفوق بقى شغال ذى الهبابه .. أها .. تقوم الشركه المسكت الشغل
تتعاقد معاى بوضع أفضل من اللى كنت عليه والحمد لله وأدونى عربيه آخر موديل
من مشيت بيها البيت وأم عمرو شافتها قعدت تقول .. أريتها عين السرور ..

[ود المطامير]

حباب بورتبيل الاعذب من النيل
أيها الحبيب كل ينظر للموضوع بمنظاره ..وأنا بقران وما حاسدك فإنك تفيض إسلاماّ وفقهاَ وأحرفك تذداد تألقاَ بقدوم الشهر المبارك...فتناولي للموضوع محاوله لتفسير هذه الظاهره الحبوبيّه وليس الاعتقاد بها ...أومن بأنه لايعلم الغيب إلاّ الله ...وأيضاَ كذب المنجمون ولوصدقوا...وتناولنا للموضوع يحكي عن بساطة حبوباتنا وصفائهم وأجترار الزمن الجميل بعيداَ عن العولمه وتعقيداتها ..ويما إنو الاعمال بالنيات كما قال صفي الخلق رسولنا الكريم فإن حبوباتنا أم قرقاب التقيات الورعات لم يتعمقن في الموضوع بمثل تعمقك وربطه بالدين ...فخلينا نناقش الموضوع ببساطة حبوباتنا ودعنا نقتلع أنفسنا من تعقيدات هذا الزمن الصعب ولترتسم البسمه علي وجوهنا المتعبه بالتحليق في مدار الحبوبات البسيط الشفيف ولو إلي حين ...
إني أحبك في الله وأحب كل من يحبك ...ولا تنساني عزيزي من صالح الدعوات ...

ود الماحي
حبيب الملايين
والله شوفتك ترد الروح
وينك يازول يا سمح ؟
يعلم الله شوقنا ليك ماليهو حد
عليك الله ما تطول الغيبه علشان خاطرنا .

[Jamal Elmahi]

الحبيب جمال ود الماحي..
دي الخبرة والردود البنفتش ليها ..
وتفسيرك ورانا المصدر وورانا الأسباب
باقي بس تدينا أمثلة ..

مشكور جداً ..
الحبيب ود الريح ...
من الطرائف التي عايشتها ...
ركبته البص من الخرطوم السوق الشعبي وما شي الجنيد وكان تقريباَ آخر بص الاعمي شايل المكسّر والمشمعين أكتر من القاعدين في الكراسي وعطرابة أباطات المشمعين تقول ياليل مخلوطه بي دشوات مريسه بالبصل وفي رواية أخري عرقي بكر ...كانت راكبه معانا مرا واحده في البص وقبل مايتحرك البص قام راجل عجوز وقال ياوليداتي الراكبين جمب الباب واحد فيكم ينزل ويرفع ليهو طوبه عشان راكبه معانا مرا واحده ...البص كلوا فقعا ليك ضحكه ..قال لينا ياوليداتي أنا كلمتكم بتحصل لينا مصيبه في الطريق كان مارفعتوا الطوبه ...قلنا ليهو ياحاج كدي خلينا نجرّب ...قال بتندموا ياوليداتي ...المهم البص إتحرّك وقبّال مانصل سوبا الشكله دوّرت بين دينكاوي وودعرب والدموم كبّت وفي أثناء الحجازه الناس وقعوا في السواق والبص طلع من الشارع وقرّب يخش بينا في ترلا جايه من الاتجاه المعاكس وأخد ليهو تلجلجه ربنا ستر ما إنقلب ...ولما البص وقف أشتغل فينا عمنا الحاج أها آمنتوا ياملحدين أنزلوا ينزل هدادكم أرفعوا ليكم طوبه ...البص كلوا نزل نفتش في طوبه مالقينا طوبه وركبنا بدون طوبه وعمنا ينقنق الله يستر ...وقبل مانصل الكاملين الشكله دوّرت تاني والعربي لقي ليهو سكين وين ماعارف قرّب يقتل الدينكاوي المهم السواق طوالي مشي بينا شرطة الكاملين وإتلطعنا أكتر من ساعتين وعمنا مصر يا الطوبه يا تنزل المرا ولاّ ينزل هو ...فرفعنا الطوبه ولغاية مانزلته في الحصاحيصا كان الهدو يخيّم علي البص....

ود الماحي

[ود المطامير]

[الرائع معتز الريح :
نعم الكلام ده حسب ما يردد موجود بيد ان الامر في تقديري يحتاج لتدخل الخبرة والمعايشة ويا ريت يتكرم علينا عمي ود الطاهر اكيد الراجل بمعاصرته لفترة ما قبل الاربيعينات وحتى الان اقدر من الجميع على التداخل والاثراء فهل تكرم العم ود الطاهر الله يديه الصحة وطولة العمر ....وممكن برضو ابو بكر الادمن .وحننسى مواليد 69 باعتبارها مزحة ظريفة يا راجل ...وود المطامير الذي افحمني بتجربة الاغتراب التي عد فيها فقط كم وعشرين سنة بس وباعترافه
ههههههههههههههههههههههههههههه
ما كم وعشرين سنه يا الحبيب
21 سنه بس .
مشيت فيها السودان تلات مرات بس آخرها قبل 11 سنه

[Jamal Elmahi]

حبيب الملايين
والله شوفتك ترد الروح
وينك يازول يا سمح ؟
يعلم الله شوقنا ليك ماليهو حد
عليك الله ما تطول الغيبه علشان خاطرنا .

ود المطامير يا أمير
عشان خاطرك بحر الدميره أقطعو كتّه ...
وعشان خاطرك أسافر مليون محطّه ...
وعشان خاطرك آكل الربيت لامن تجيني جلطه ...
وعشان خاطرك الفشفاش أبلعو من غير شطّه...

ود الماحي

[zoolfrda]

الحبيب معتز الريح نجم كل مكان وزمان يديك ألف عافية وتستاهل دعوة الحبوبة لمن تكون راضية عنك :


يا حافظ يا حفيظ...يا حافظ الموية فى البير...ويا حافظ السيف فى الجفيل...
ياحافظ الروح فى الاجسام...ويا حافظ الجنا فى الارحام...ويا حافظ البيضة فى الخلا...
لامن تفقع وتطير...تحفظنا من كل كعب...وتحفظنا من كل تعب...
ومن كل ما حرمو الله...لا كراعا تطاك ...لا قلبا يطراك...لا عينا تطاك...
عافية منك عدد الصفق فى الشجر...وعدد المياة فى البحر...وعدد الطير ما طار...
وعدد الحصى فى الرمال...عافية منك...من تعبى وشقايا...ومن سهرى برايا...
ومن شيل حكرى...ومن لبن شطرى...عافية منك الاف الاف لى يوم الوقاف...يعدل خطوتك...ويهون قاسيتك...وينجح قلمك...ويعدل فهمك...عافية منك عفويا من الحديد...
ومن البلد البعيد...يغتيك ويضاريك...ويجعل البركة ومن الشينة يضاريك...
ودعتك الله...ودعتك وداعة الالف المابتنتلف...وداعة الله عند الرسول...كرسى فيك يدور...وجناح جبريل فوقك مشرور...ودعتك وداعة ام قيردون لى جناها...فى قبه من حديد...اوله فى الموية...واخرة فى السمايا...لا يفتحة مفتاح...لا يشوفه تمساح...
لا تهبها رياح...مفتاحه يا لطيف خمسه مرات...وقل هو والمعوذتين واية الكرسى سبعة مرات...دعوتا لا تردها رده...لا تصدها صده...لا تنخان ولاتنعان...انت والمعاك...انت والحداك...وداعة بالليل تغطيك...وبالنهار تباريك...عافية منك ورضيانة عليك عفوا
مطلق لوجه رسول الله...

[zoolfrda]

حبيب الكل .. معتز ..
يازول أخوك قطع شك عينى الشمال دى لو رفّت من فوق
هلا هلا .. طوالى بتجيب لى خير قدر الكتله
علا لكن لو الجفن التحت دا رفّ طوالى بجيب ضقلها يكركب

أها قبل إسبوعين الجفون الاتنين شغالين يرفو ذى جنحين الصقر الواقف فى الهوا
وكلمت أم عمرو .. وعشان هى شافت عمايل رففان عينى خير وشر
فرحت وخافت .. خافت وفرحت .. قالت لى الله يستر .
أها .. يقوموا يطقونا ليك ناس الشغل ويفنشونا عشان خصخصوا قسمنا وأدوهو شركات

وأم عمرو مافضل ليها شئ إلا تقول لى .. عينك بالتقدها ليك
أها الجفن التحت جاب ضقلها يكركب وسكت
والجفن الفوق بقى شغال ذى الهبابه .. أها .. تقوم الشركه المسكت الشغل
تتعاقد معاى بوضع أفضل من اللى كنت عليه والحمد لله وأدونى عربيه آخر موديل
من مشيت بيها البيت وأم عمرو شافتها قعدت تقول .. أريتها عين السرور ..



هههههههههههههههه

يجازي محنك يا ود المطامير

أريتا عيني بعد الحال

[معتز الريح]

أقول شنو ؟؟
ولا أرد على منو ؟؟

جمال ما عادي .. وإمتاع على إمتاع ..
لكن كدي خلوني أبدا بالحبيب ود المطامير ..

[معتز الريح]

أريتها عين السرور ..

الحبيب أبو عمرو
انت من النوع البتظبط معاك ..
يازول ان شاء الله عينك ترف بالخير ..
ومنتظرين كرامة العربية الجديدة ..

[معتز الريح]

قام راجل عجوز وقال ياوليداتي الراكبين جمب الباب واحد فيكم ينزل ويرفع ليهو طوبه عشان راكبه معانا مرا واحده

الخبير في الشئون الحبوبية ..
جمال ود الماحي ..
والله قصتك عجيبة .. والراجل العجوز زول نصيحة ..
لكن الحكمة في الطوبة دي ..

أخونا الحبيب محجوب قال الطوبة دقار للعربية ..
لكن أظنها تبطل مفعول السبر ..

[معتز الريح]

الأخ الجميل عبدالمنعم (زول فرده) ..
ياخوي دعواتك دي ان شاء الله تصدق
لأنها مريحة ..
لكن بقول ليك جمعاً عشان الخير يعم ..
ومشكور على المرور الجميل

[حبيبة ودمدني]

لاقهوه لا حكه دا شنو يا شباب احنا في عصر التكنولوجيا وانتو لسه بتصدقو الخرافات دي معقوووول انا عندي حبوبتي بتحدد النجوم اذا الشكل عجبه بتقول جاياني قروش ههههه

[GREY MAN]

همسه
الهم الاكبر لعلماء الحواسيب نقل الخرافات الي الواقع.

[ودكمبال]

الغالى / وادالريح
امس ناس الخطيبة جابوا لينا موية رمضان وعينك ماتشوف الا الخير وفى المساء جلسنا انا وهى وبدون ما شعر حبوبه تنادينى وتقولى لى خلى البت دايما تقعد فى شمالك وما تتبقى عوير واهبل المرأة لما تجلس جنب الراجل لازم تجلس بشمالوا ..........
بكرة بعرف ليك السبب؟؟؟؟؟؟؟؟؟؟؟؟؟؟؟؟؟؟؟؟؟؟؟
ود
ك
م
ب
ا
ل

[ودكمبال]

بعد قعدة مرتبة وحلوه ناس بيتنا جابوا لينا عضه طبعا من المفروض نأكل مع الخطيبة لكن كان لحبوبه راى آخر وقالت الاكل مع الحريم بكتل مروة الرجل وحاجات ذى دى...... لهذا اكلت لوحدى كما ارادت الحبوبه.
ود
ك
م
ب
ا
ل

[ودكمبال]

النص بالنص + إهداء المقدمة ..
دقيقة أحك بطن يدي ..

(ايدك اكلت ولا شنو) يعنى القوش جايه جايه والنص ده ماكتير لانو عندى نيه لو الموضوع صدق حا اعمل صدقة جاريه للمؤلف(حبوبه) والباقى ما مشكلة بالنص.

[ابوضراع]

الكلام ده صحيح يا اخوانا ازا صحيح قولونا علشان نصدقو
تحياتى ابوضراع

[ابوضراع]

الشكر اجزلة الى مشرفى الموقع والى كل من ساهم فى انجاج هزا العمل الرئع الجميل تحياتى ابوضراع

[ابوضراع]

والله انتا ياود كمبال شكلك رجل مرح وربنا اديك العافية
وانشاء الله تتزوج وتعرف اين تقعد المرءة فى اليمين ام فى الشمال بس اقولك ديمة المرءة فى الشمال يعنى فى اتجاه القلب يعنى بتكون القلب الثانى
تحياتى ابوضراع

[منتهى]

وانا ازيدكم من الشعر بيت
بيقولوا اذا عندك اى تبيخ ( ملاح )
فى النار وحركتيه بى سكين اكيد و اكيد
حاتشاكلى زوجك (معقوله )

[بورتبيل]

الغالى / وادالريح
امس ناس الخطيبة جابوا لينا موية رمضان وعينك ماتشوف الا الخير وفى المساء جلسنا انا وهى وبدون ما شعر حبوبه تنادينى وتقولى لى خلى البت دايما تقعد فى شمالك وما تتبقى عوير واهبل المرأة لما تجلس جنب الراجل لازم تجلس بشمالوا ..........
بكرة بعرف ليك السبب؟؟؟؟؟؟؟؟؟؟؟؟؟؟؟؟؟؟؟؟؟؟؟

ود كمبــــــــــــــال رمضــــان كريـــم يا شيخ العـــرب
مبروك الخطــــــــوبة ومويــة رمضــان (ان شـــاء الله تكـــون حبوبتك اتبسطت من نسابتــا)
بخصــوص جلوس المــرة على الشمــال الحبــوبات مساكات فيهــا ,, الا النســالك يا اخوي تعمل شنــو لو سايق ليك بكســي وخطيبتك معــاك ,, وحبوبتك واقفــة مودعاكم؟؟؟؟
غايتــو في حلين الاول امــا تخلي خطيبتك تسوق هي وفــي نفس الوقت تكــون جالســة على شمالك
ااو الحل الثــاني تركب خطيبتك ورا للتــراب والعجــاج ,, لكن صدقنــي لو ركبت ورا لما تصــل اكيــد كلــو زول يشوف دربو ويـــن !! بعــد الدفن دا ..!


بعد قعدة مرتبة وحلوه ناس بيتنا جابوا لينا عضه طبعا من المفروض نأكل مع الخطيبة لكن كان لحبوبه راى آخر وقالت الاكل مع الحريم بكتل مروة الرجل وحاجات ذى دى...... لهذا اكلت لوحدى كما ارادت الحبوبه.

كان علــى كدا يبقى المغتربين ديــل كلهم مروتم ماتت زمــــــــــــاااان !! ولا شنــو يا ناس السعــودية
الحبوبــة دي قصــدها تفصل الرجــال من النســاء كل فــي عالم لــوحده !! ولا رايا شنـــو


وانا ازيدكم من الشعر بيت
بيقولوا اذا عندك اى تبيخ ( ملاح )
فى النار وحركتيه بى سكين اكيد و اكيد
حاتشاكلى زوجك (معقوله )
كــل عام وانتـــم بخيــر
طيب ما قلتـــي ليا لــو زوجهــا مسافــر حتشاكل منــو
ولــو زوجـها مطلقا !!
ولــو ما متزوجــة اصلاً
وطوالـــي قاعدة تحرك المــلاح (التبيخ) بالسكين!!؟؟
مش دي قريبــة شويــة

[معتز الريح]

لاقهوه لا حكه دا شنو يا شباب احنا في عصر التكنولوجيا وانتو لسه بتصدقو الخرافات دي معقوووول انا عندي حبوبتي بتحدد النجوم اذا الشكل عجبه بتقول جاياني قروش ههههه


حبيبة ودمدني مرحب بيك ..
اتخيلي ده مش عصر التكنولوجيا .. لكن الحاجات دي موجوده
ما عندنا بس .. عند العالم كلو موجوده بس بصيغة مختلفة ..
في حكومات دول كبرى فايتانا في التكنولوجيا
عندها عرافين عديل ..

وسلمي لي على حبوبتك ..

[معتز الريح]

همسه
الهم الاكبر لعلماء الحواسيب نقل الخرافات الي الواقع.


حبيبنا .. الوجودو نورنا ..
نحن لسه في طور دي خرافات ولا ما خرافات ..
لسه ما حسمنا أمورنا ..

[معتز الريح]

امس ناس الخطيبة جابوا لينا موية رمضان وعينك ماتشوف الا الخير وفى المساء جلسنا انا وهى وبدون ما شعر حبوبه تنادينى وتقولى لى خلى البت دايما تقعد فى شمالك وما تتبقى عوير واهبل المرأة لما تجلس جنب الراجل لازم تجلس بشمالوا .. بكرة بعرف ليك السبب؟؟؟؟؟؟؟؟؟؟؟؟؟؟؟؟؟؟؟؟؟؟؟



أول حاجه نقول مبروك الخطوبة ..
النمشي نعمل ليك بوست تهنئة ..

وكلام حبوبتك ده أمسك فيهو قوي
وخليها في شمالك ..
اتخيل لي عشان لو كانت شمالك الملايكة حتكون يمينك
ولو العكس .. أنت عارف منو الحيكون في شمالك ..

[معتز الريح]

بعد قعدة مرتبة وحلوه ناس بيتنا جابوا لينا عضه طبعا من المفروض نأكل مع الخطيبة لكن كان لحبوبه راى آخر وقالت الاكل مع الحريم بكتل مروة الرجل وحاجات ذى دى...... لهذا اكلت لوحدى كما ارادت الحبوبه.



ياخي الله يخليها ليكم حبوبتكم..
الأكل مع الحريم اتخيل لي بحنكش الزول ..
قزازة الببسي دي يالله حتى تكملها ..
واحتمال تغلبك ..

[معتز الريح]

والباقى ما مشكلة بالنص.


اتفقنا يا الحبيب..

[معتز الريح]

الكلام ده صحيح يا اخوانا ازا صحيح قولونا علشان نصدقو


الحبيب أبوضراع ..
نحنا لسه بنتناقش .. لكن الحبيب بورتبيل حسم الموضوع ..
خليك قريب

[معتز الريح]

ديمة المرءة فى الشمال يعنى فى اتجاه القلب يعنى بتكون القلب الثانى



أبوضراع ..
تحليلك جميل وفي محلو ..
وعجب الجماعة ..

[معتز الريح]

وانا ازيدكم من الشعر بيت
بيقولوا اذا عندك اى تبيخ ( ملاح )
فى النار وحركتيه بى سكين اكيد و اكيد
حاتشاكلى زوجك (معقوله )


دي برضو جديدة 100%
يعني الواحدة الكايسة للمشاكل ..
ما بتتعب ..

الله يكفينا شر المشاكل ..
وشكراً على المرور الجميل

[ودكمبال]

والله انتا ياود كمبال شكلك رجل مرح وربنا اديك العافية
وانشاء الله تتزوج وتعرف اين تقعد المرءة فى اليمين ام فى الشمال بس اقولك ديمة المرءة فى الشمال يعنى فى اتجاه القلب يعنى بتكون القلب الثانى
تحياتى ابوضراع

العزيز/ ابوضراع
يمينك ضراعك وضراعك خيرك والمرأة اذا كانت فى يمينك يبقى ما فيك خير والتعليق راجع لحبوبه.
قف.... مشكور على المداخله الرائعه وتقبل تحيات الحبوبه.
ود
ك
م
ب
ا
ل

[ودكمبال]

ياخي الله يخليها ليكم حبوبتكم..
الأكل مع الحريم اتخيل لي بحنكش الزول ..
قزازة الببسي دي يالله حتى تكملها ..
واحتمال تغلبك ..

الغالى /ودالريح
انت عارف الحريم بياكلن شويه شويه ولهمتن صغيره وكمية اكلن كبيرة وجلستن على الآكل فترة طويله عكس الرجال وبعلمن الواحد ياكل ويتكلم وهذه العادة بطالة....المرجع لحبوبه
مع خالص تحياتها

[معتز الريح]

الغالى /ودالريح
انت عارف الحريم بياكلن شويه شويه ولهمتن صغيره وكمية اكلن كبيرة وجلستن على الآكل فترة طويله عكس الرجال وبعلمن الواحد ياكل ويتكلم وهذه العادة بطالة....المرجع لحبوبه
مع خالص تحياتها


الله يحفظ ليك المرجع حقكم ..
وأكل الحريم هبيش ساي ..
يجبروك تاكل زيهم ..
ولو اكلت معاهم كتير وزنك حيقل النص ..

العايز الرجيم اهو ده الحل ..

[ودكمبال]

أول حاجه نقول مبروك الخطوبة ..
النمشي نعمل ليك بوست تهنئة ..

وكلام حبوبتك ده أمسك فيهو قوي
وخليها في شمالك ..
اتخيل لي عشان لو كانت شمالك الملايكة حتكون يمينك
ولو العكس .. أنت عارف منو الحيكون في شمالك ..

الغالى/ ودالريح
مشكور اخى وعقبال للعذابه والبوست اجلوا لبعد الزواج .ودعواتك لينا ان يكون فى اقرب ؤقت وللمرة المليون الله يكفينا شر المغتربين وتجار الدين.
ود
ك
م
ب
ا
ل

[ابراهيم]

تحياتي يا ود الريح على البوست الجميل
وتحياتي لكل الحبان الحلوين هنا,,,


لما تمشى زيارة وتصادف فطور، غدا او عشاء بقولو ليك حماتك بتريدك


وبرضو بقولو لو عضتك نملة في ضهرك معناها انت حتعرس قريب ولو ما عرست حتجيك بشارة خير.

بمشى وبجيكم

[بورتبيل]

انديك واحدة وبرجع ليك تاني...
بس امشــي رد على المشاركة الساخنة (حقتي الفوق الفطيتا انتا ود كمبال ,, ما شايفين يعني)

الا النســالك يا معتــز العروس بتنكبس كيف ؟؟ وكيف بفكو الكبســه ( اسال ود كمبال وحبوتبو لو ما عرفتــا )

مشاققــــــة : شايف نسيبك حايم بجاي ,, الطراه لينــا شنــو !! قال (هانـــي 2) قال

[امنية بكري]

انا بقول الكلام ده صاح

وانا مجربه

يعني لما تاكلني يتجيني غروش

ولما تاكلني الشمال بصرفه طوااااااااااااالي

اما العين لما ترف بقولو لو اليمين فوق

بتشوف زول طولت منو اما تحت بتفارقو

والشمال لما ترفك معناها فوق بتبكي لفرحه وتحت بتبكي لي حزن

ده كلام حبوبه طبعا

[ودكمبال]

الا النســالك يا معتــز العروس بتنكبس كيف ؟؟ وكيف بفكو الكبســه ( اسال ود كمبال وحبوتبو لو ما عرفتــا )

الاخ/ بورتبيل
رمضان كريم وكل عام وانت بخير وحبوبه عندها ملاريا طالعه ليها فى راسها اقوليها كبسه تقول لى كايس لمنو واقوليها العروس تقول لى حليل الشدة يايابا..... وناجل الرد بعد شفاء الحبوبه ودعواتكم ليها بالشفا.
ود
ك
م
ب
ا
ل

[ودكمبال]

انا بقول الكلام ده صاح

وانا مجربه

يعني لما تاكلني يتجيني غروش

ولما تاكلني الشمال بصرفه طوااااااااااااالي

اما العين لما ترف بقولو لو اليمين فوق

بتشوف زول طولت منو اما تحت بتفارقو

والشمال لما ترفك معناها فوق بتبكي لفرحه وتحت بتبكي لي حزن

ده كلام حبوبه طبعا
الاخت /امنية
رمضان كريم
حبوبتك دى عمرها كم سنه بالتحديد لانوا انا بعمل فى مقارنات بين الاجيال وانا عارف فى واحدين حبوباتهم حناكيش بس كلامك ده فيهو اختلاف بسيط مع كلام حبوبتى ....
ود
ك
م
ب
ا
ل

[بورتبيل]

ود كمبــــــــــال تحيات نهارية رائعــــــة بروعة الصيـــام

ربنــــــــا يشفي حبوبتك ويقوما بالســــــــــــــلامة , على كــدي حبوبتك جلدت ليــها كم يوم من الشهــر

منتظريــــــــن حبوبتك وردودا يا كمبـــــــــال

[ودكمبال]

ود كمبــــــــــال تحيات نهارية رائعــــــة بروعة الصيـــام

ربنــــــــا يشفي حبوبتك ويقوما بالســــــــــــــلامة , على كــدي حبوبتك جلدت ليــها كم يوم من الشهــر

منتظريــــــــن حبوبتك وردودا يا كمبـــــــــال

بورتبيل / مقدر شعورك ومشكور على دعواتك وحبوبه جالدهوا وانت عارف رمضان فى السودان اليومين ديل ما عايز ليهو اعذار ورخص والجو نـــــــــــــــــــــــــــــــــــــــــار وربنا يتقبل.

[امنية بكري]

والله يعني بتكون 55-60سن

والله يطول عمرها

[معتز الريح]

بخصــوص جلوس المــرة على الشمــال الحبــوبات مساكات فيهــا ,, الا النســالك يا اخوي تعمل شنــو لو سايق ليك بكســي وخطيبتك معــاك ,, وحبوبتك واقفــة مودعاكم؟؟؟؟
غايتــو في حلين الاول امــا تخلي خطيبتك تسوق هي وفــي نفس الوقت تكــون جالســة على شمالك
ااو الحل الثــاني تركب خطيبتك ورا للتــراب والعجــاج ,, لكن صدقنــي لو ركبت ورا لما تصــل اكيــد كلــو زول يشوف دربو ويـــن !! بعــد الدفن دا ..!



في حل تالت ..
يشتري بوكس دركسون يمين ..

[معتز الريح]

ود كان علــى كدا يبقى المغتربين ديــل كلهم مروتم ماتت زمــــــــــــاااان !! ولا شنــو يا ناس السعــودية



ياخي يابورتو الحبيب ..
حبوبتنا وحبوبة ود كمبال قاصده شباب الجامعة ..
الواحد لما يتخرج .. قزازة الببسي تغلبوا ..

وإذا جيت للتحليل ..
الأكل مع الجكس بكون خفيف ..
لا يشبع ولا يغني من جوع ..
وإذا كترت من الأكل معاهم
حيصيبك الضعف والهزال ..
وتقل المروة ..

[معتز الريح]

طيب ما قلتـــي ليا لــو زوجهــا مسافــر حتشاكل منــو
ولــو زوجـها مطلقا !!
ولــو ما متزوجــة اصلاً
وطوالـــي قاعدة تحرك المــلاح (التبيخ) بالسكين!!؟؟
مش دي قريبــة شويــة


والله يا بورتو عليك جنس حركات ..
الأخت الكريمة وتبرعت وأدتنا المعلومة ..
ونحول سؤالك لمصدر المعلومة ..

[معتز الريح]

لما تمشى زيارة وتصادف فطور، غدا او عشاء بقولو ليك حماتك بتريدك
وبرضو بقولو لو عضتك نملة في ضهرك معناها انت حتعرس قريب ولو ما عرست حتجيك بشارة خير.
بمشى وبجيكم


الأخ الكريم إبراهيم ..
منور ..

حماتك بتحبك عند أخوانا المصريين ..
وحصانك جراي عندنا ..

أما قصة النملة دي أول مرة أسمع بيها ..
وياريت لو تزيدنا ..
من الحاجات دي للمعرفة والعلم ..

ومنتظرين عودتك ..

[ودكمبال]

والله يعني بتكون 55-60سن

والله يطول عمرها

الاخت / امنية
نهار رمضانى سعيد
يا اختى حبوبتك دى من جيل العولمه وهنالك فرق كبير فى السن بين حبوبتى التى شارفت على المئه الاولى.يعنى كم شهر ونطفى الشمعة 100 .يعنى الفارق بينهما اربعه اجيال .كتير كتير كتير جدا.
ود
ك
م
ب
ا
ل

[ودكمبال]

ياخي يابورتو الحبيب ..
حبوبتنا وحبوبة ود كمبال قاصده شباب الجامعة ..
الواحد لما يتخرج .. قزازة الببسي تغلبوا ..

وإذا جيت للتحليل ..
الأكل مع الجكس بكون خفيف ..
لا يشبع ولا يغني من جوع ..
وإذا كترت من الأكل معاهم
حيصيبك الضعف والهزال ..
وتقل المروة ..

الغالى /ودالريح
حبوبه ما شخصت فئه معينه ولهذا الموضوع عام ليس طلاب الجامعة ولا الجكس بل الرجل اذا اكل مع زوجتة اوبناته فهو ...........داخل الدائره. ولا تحرفوا كلام حبوبه.
ود
ك
م
ب
ا
ل

[الجندي المجهول]

رمضان كريم على الجميع
اولا الموضوع جميل جدا والاجمل من كدا طبعا الناس في السودان دائما ما يميلون الي تصديق الخرفات حالهم كحال العرب ولكن هنالك الحاسة السادسة وعلم ما ورا الطبيعة والله سبحانه تعالي يؤتي الحكمة والعلم لمن يشاء والله اعلم واهلنا اتصفوا في تفسير هذه الاشياء بالفطرة او بالفراسة او ببديهية الانسان البسيط عموما اطلالة من ناس حلوة في شهر اجمل ودما وتقبل الله صيامكم وقيامكم

[ودكمبال]

في حل تالت ..
يشتري بوكس دركسون يمين ..


الغالى / ودالريح
يا اخوى لا يمين ولا شمال بنمشى كدارى وبعدين لما الظروف تركبنا نحن الاثنين فقط اول برفع معاها طوبه لزوم العوارض والطوبة دى تكون بينى وبينا.يعنى فى يمنى طوبة .
ود
ك
م
ب
ا
ل

[بدر الدين محمد]

الكلام دا صاح ..امس القريبة دي شبشب بتي كان مقلوب قدامي اتذكرت موضوعك وانا بفكر فيه القى الشكلة وقعت !!!

[معتز الريح]

انديك الا النســالك يا معتــز العروس بتنكبس كيف ؟؟ وكيف بفكو الكبســه ( اسال ود كمبال وحبوتبو لو ما عرفتــا )



ونحول السؤال للحبيب ود كمبال وحبوبته ..
أمد الله في أيامها ..

[معتز الريح]

انا بقول الكلام ده صاح
وانا مجربه


الشي البحير انو نحنا كلنا مجربين ..
لكن البقنع بورتبيل منو؟

[معتز الريح]

وحبوبه عندها ملاريا طالعه ليها فى راسها


الحبيب ..
ندعو للعزيزه حبوبتكم (صاحبة البوست) بعاجل الشفاء ..
والأسئلة المنتظراها كتيره ..

[معتز الريح]

لانوا انا بعمل فى مقارنات بين الاجيال


ود كمبال الحبيب ..
أعمل مقارناتك وتعال ورينا الاختلافات ..
صدقني اختلافات بسيطة ..
وفي التطبيق بس كمان ..

[بورتبيل]

الشي البحير انو نحنا كلنا مجربين ..
لكن البقنع بورتبيل منو؟

:D:D:D
تعـــــــرف الاقتنــاع دا ما بحصل الا تجيب ليــا دراســة ولا مكتوب قديم من عصور سابقة بتقول عن نفس الكلام دا وبتتحدث عنــو !!!
الشي التــاني لو عايــز تقنعيني بسيطــة خليك مواصــل وانا بواصل يا اقنعتني ولا اقنعتك

بعدين ما تفتكــر بورتبيل دا واقف يضارب في الناس البيقولو كدا وكدا ,, انا ذاتي يا سيدي لمن جيت اتزوج صادف شهر اسمو ( الوحييد) تعرف الشهر دا جهجه ليا اجازتي وجهجه برنامج العرس كلــو وعملو العقد والحمد لله في اخر تلاتة يوم من الشهر القبلو ,, الدخلة كانت بعد اسبوع من العقد (يعني جوه الجك ااقصد الوحييد) .. قالو الشهر دا ما فيه عقد بالمـــــــرة.
وانا ما مصدق التخاريف دي بس نسوي شنو للامات والحبوبات الله يديهن العافية!!

[ودكمبال]

:D:D:D
تعـــــــرف الاقتنــاع دا ما بحصل الا تجيب ليــا دراســة ولا مكتوب قديم من عصور سابقة بتقول عن نفس الكلام دا وبتتحدث عنــو !!!
الشي التــاني لو عايــز تقنعيني بسيطــة خليك مواصــل وانا بواصل يا اقنعتني ولا اقنعتك

بعدين ما تفتكــر بورتبيل دا واقف يضارب في الناس البيقولو كدا وكدا ,, انا ذاتي يا سيدي لمن جيت اتزوج صادف شهر اسمو ( الوحييد) تعرف الشهر دا جهجه ليا اجازتي وجهجه برنامج العرس كلــو وعملو العقد والحمد لله في اخر تلاتة يوم من الشهر القبلو ,, الدخلة كانت بعد اسبوع من العقد (يعني جوه الجك ااقصد الوحييد) .. قالو الشهر دا ما فيه عقد بالمـــــــرة.
وانا ما مصدق التخاريف دي بس نسوي شنو للامات والحبوبات الله يديهن العافية!!

العزيز / بورتبيل
تحيه رمضانيه
ياخى شهر الوحيد ده شهر معروف والناس بتتحاشى تتزوج فيهو واظن من اسمو العمليه ظاهره ومن الحاجات الناس البتقولا اذا تزوجت فيهو ما حا تنجب اولاد وحا تظل وحيد. والكلام راجع لحبوبه . وبعدين حبوبه دى عمرها مئه الا شهور وان شاء ربنا يمد ليها فى عمرها عشان نعمل ليها عيد ميلاد ونحتفل معها بالشمعة المئه.
ود
ك
م
ب
ا
ل

[ودكمبال]

ود كمبال الحبيب ..
أعمل مقارناتك وتعال ورينا الاختلافات ..
صدقني اختلافات بسيطة ..
وفي التطبيق بس كمان ..

الغالى/ودالريح
ياخى انا عشان اعمل مقارنات لازم القى لى حبوبه من جيل العولمه لانو الطراز العندى قديم جدا من عهد كتشنر باشا زياده على ذلك الخرف والمرض . وانا بحاول قدر المستطاع اخذ المعلومه من البوست واوصلها ليها ومرات القى رد ومرات تشكى لى من عافيتها .
ود
ك
م
ب
ا
ل

[ودكمبال]

الحبيب ..
ندعو للعزيزه حبوبتكم (صاحبة البوست) بعاجل الشفاء ..
والأسئلة المنتظراها كتيره ..

الغالى/ ودالريح
مشكور اخى على الشعور النبيل وده من اصلك ولما تشفى حبوبه من الملاريا ان شاء الله نطلع منها بالمفيد .ونبدأ فى كتابة الكتاب وعايزك كده تختار لينا ليهو عنوان كارب.
ود
ك
م
ب
ا
ل

[معتز الريح]

والله يعني بتكون 55-60سن

والله يطول عمرها


حبوبتك صغيرة ..
الله يحفظها ليكم ..

[معتز الريح]

يا اختى حبوبتك دى من جيل العولمه وهنالك فرق كبير فى السن بين حبوبتى التى شارفت على المئه الاولى.يعنى كم شهر ونطفى الشمعة 100 .يعنى الفارق بينهما اربعه اجيال .كتير كتير كتير جدا.


ود كمبال .. فعلاً حبوبة أمنية صغيرة ..
لكن برضوا ده ما بمنع تكون عندها صفات الحبوبات الجميلة

[معتز الريح]

الرجل اذا اكل مع زوجتة اوبناته فهو ...........داخل الدائره.


الحبيب ..
دي ما واسعة شوية ؟؟ ..

[معتز الريح]

مكرر .............

[معتز الريح]

طبعا الناس في السودان دائما ما يميلون الي تصديق الخرفات


الحبيب الجندي المجهول ..
مرورك نور البوست ..

لكن تصدق العالم كلو بصدق الخرافات ..
ودي جزء من الطبيعة البشرية ..
تشكر يا حبيب ..

[ودكمبال]

يا حبيب ..
دي ما واسعة شوية؟؟

الغالى/ ودالريح
تحية رمضانيه
والله يا ودالريح ده كلام حبوبه وانا فى الاول احتجيت وكنت حاطلع مظاهرة لكن نهره ومحكول حبوبه اسكوتنى.
قف.. حبوبه اخدت الحقنه الرابعه يعنى بعد بكره بتواصل الصيام.
ود
ك
م
ب
ا
ل

[ودكمبال]

الاخ / والريح
ياخى حبوبة أمنيه ممكن تفيدنا على الرغم من فارق اربعه اجيال بينها وبين حبوبه ولهذا بنرجوا لوسمحت ظروف الاخت التعليق على الرود الواردة فى هذا البوست بعد عرضه على حبوبتها . وانت يا صاحب البوست لك الشمس وحزمة امنيات لاتعرف المستحيل.
ود
ك
م
ب
ا
ل

[الجندي المجهول]

يا حبيبنا يا معتز الموضوع رائع وممكن يقود لفتح اكتر من نافذة ( خاصة نافذة الدجل والشعوذة ) التي انتشرت بصورة غريبة ومثيرة خاصة مع تقدم العلم وانتشار الجامعات في السودان __ عموما موضوعك رهيب

[معتز الريح]

الكلام دا صاح ..


الأستاذ الحبيب بدر الدين محمد ..
ياخي نحن بنفتش ليكم .. عشان تفيدونا وتنورونا ..
وان شاء الله الشكلة اتحلت على خير ؟؟

[معتز الريح]

جيتكم بالجديد ..

نوم المغارب كعب ..

[معتز الريح]

الغناء في الحمام ما كويس ..

[معتز الريح]

المقص المفتوح .. برضو ما كويس ..

أفيدونا ؟؟

[معتز الريح]

في انتظار بورتبيل وودكمبال وحبوبته ..

[زهرة البنفسج]

الا النســالك يا معتــز العروس بتنكبس كيف ؟؟ وكيف بفكو الكبســه ( اسال ود كمبال وحبوتبو لو ما عرفتــا )




اول حاجة الموضوع جميل
وتاني حاجة انو دي ما خرافات دي حاجات بتحصل وبتصدق
انا علي حسب قعدتي مع حبوبتي كتير لما الناس بقو يقول لي حبوبة من كترت ما شلتا من كلاما وتصرفاتا وتصادف ناس يكونو ما عارفين انو انا قاعدة مع حبوبه
كدي النوريك قالو العروس بتتكبس لو العرس يوم العرس جاء من برة مجرتق عشان كدة الجرتق لازم يكون ليهم مع بعض
لاكن فكو ما عارفة كيف
لكن في اعتقادي انو بيقولو يودوها البحر تقسل وشها

[زهرة البنفسج]

برضو قش البيت مع المغارب ما كويس

[بدر الدين محمد]

الأستاذ الحبيب بدر الدين محمد ..
ياخي نحن بنفتش ليكم .. عشان تفيدونا وتنورونا ..
وان شاء الله الشكلة اتحلت على خير ؟؟

ناس المنتدى ما يعرفو
((((نمت في العربية))))

[معتز الريح]

اول حاجة الموضوع جميل
وتاني حاجة انو دي ما خرافات دي حاجات بتحصل وبتصدق
انا علي حسب قعدتي مع حبوبتي كتير لما الناس بقو يقول لي حبوبة من كترت ما شلتا من كلاما وتصرفاتا وتصادف ناس يكونو ما عارفين انو انا قاعدة مع حبوبه
كدي النوريك قالو العروس بتتكبس لو العرس يوم العرس جاء من برة مجرتق عشان كدة الجرتق لازم يكون ليهم مع بعض
لاكن فكو ما عارفة كيف
لكن في اعتقادي انو بيقولو يودوها البحر تقسل وشها


الأخت زهرة البنفسج ..
مشكورة قدرتي لينا على بورتبيل ..

[معتز الريح]

برضو قش البيت مع المغارب ما كويس


اختنا زهرة البنفسج ..
نوم المغرب عرفناهو ..
قش البيت مع المغارب مالو؟؟
الظاهر الطلعت الكلام ده
كانت زهجانة وكسلانة من شغلة البيت ..

[معتز الريح]

ناس المنتدى ما يعرفو
((((نمت في العربية))))


سرك في بير ..
لكن تاني راقب الشباشب ..

[القيصر]

والله يا معتز كلنا بنسم عن الكلام دا
لكن مافي زول عارفو صاح ولا خرافات
وتقبل مروري.......

[زهرة البنفسج]

اختنا زهرة البنفسج ..
نوم المغرب عرفناهو ..
قش البيت مع المغارب مالو؟؟
الظاهر الطلعت الكلام ده
كانت زهجانة وكسلانة من شغلة البيت ..

علي حسب كلام حبوبة بتقول بقش الرحمة من البيت:confused:

[عبدالرحيم سعيد]

يااخوتي هذه الاشياء كما ذكر برتبيل من قبيل الكهانة والفال و الطيرة وقد حسمها الحديث(من توكل علي شئ اوكل اليه) وكم اشياء سمعنا بها (المرأة التي يموت زوجها وتذهب الي المقابر بعد الاربعين لزيارته اول شخص تقابله في عودتها بموت - ونحن للآن عايشين)

[معتز الريح]

[COLOR="Red"]كلنا بنسمع عن الكلام دا لكن مافي زول عارفو صاح ولا خرافات
COLOR]


الحبيب القيصر ..
عشان أسئلتك الفوق دي عملنا البوست ده ..
وخليك قريب .. نشوف البحصل شنو؟

[معتز الريح]

علي حسب كلام حبوبة بتقول بقش الرحمة من البيت:confused:


غايتو ناس زمان ديل
ما بتلفتوا للإجابة والتبريرات ..
الله يديهم العافية ..

[معتز الريح]

(المرأة التي يموت زوجها وتذهب الي المقابر بعد الاربعين لزيارته اول شخص تقابله في عودتها بموت - ونحن للآن عايشين)


أها دي أول مره نسمع بيها ..
لكن البطلع الكلامات دي منو؟
ده السؤال

[al-m3lem]

هههههههههههههههههههههههههه

[بورتبيل]

اول حاجة الموضوع جميل
وتاني حاجة انو دي ما خرافات دي حاجات بتحصل وبتصدق
انا علي حسب قعدتي مع حبوبتي كتير لما الناس بقو يقول لي حبوبة من كترت ما شلتا من كلاما وتصرفاتا وتصادف ناس يكونو ما عارفين انو انا قاعدة مع حبوبه
كدي النوريك قالو العروس بتتكبس لو العرس يوم العرس جاء من برة مجرتق عشان كدة الجرتق لازم يكون ليهم مع بعض
لاكن فكو ما عارفة كيف
لكن في اعتقادي انو بيقولو يودوها البحر تقسل وشها
الموضوع اجمل ما فيه انـــــــــو جابــــكم انتم
وتاني شي ربنا يخلي ليك حبوبتك
وتالت شي شكلك حنكوشـــة بس ما اخده شويــة من حبوبتك
ورابع شي الجمـــــــاعة ديل ما يخموك ساي دي كلها خرافات وحكايات من نسج الخيال للاسف اصبح يعتقد فيــها.
واخر شي اتمنى انك تواصلي معانا في الموضوع دا. وكل سنة وانتم طيبين.
الأخت زهرة البنفسج ..
مشكورة قدرتي لينا على بورتبيل ..

ومشكور بورتبيل الخلاكم تطاقشو وتقعو وتقومو ( المسالة ما مسالة منو البقدر على منو ) وانا وراك وجيب الناس الباقية وتعال !!!! :D :D:

[زهرة البنفسج]

[QUOTE=بورتبيل;246633]الموضوع اجمل ما فيه انـــــــــو جابــــكم انتم
وتاني شي ربنا يخلي ليك حبوبتك
وتالت شي شكلك حنكوشـــة بس ما اخده شويــة من حبوبتك
ورابع شي الجمـــــــاعة ديل ما يخموك ساي دي كلها خرافات وحكايات من نسج الخيال للاسف اصبح يعتقد فيــها.
واخر شي اتمنى انك تواصلي معانا في الموضوع دا. وكل سنة وانتم طيبين.
[COLOR="Black"]


برضو الشي الجميل في الموضوع انو جابكم قبالنا
لا حنكوشه لا حاجة ولا بحب الحنكشة
نحنا معاك انها خرافات ومن نسج الخيال لكن السوال المطروح الجابا منو
خليك قريب عشان نتواصل وكل سنة وانت طيب والقابلة علي امانيك

[بورتبيل]

[QUOTE=;246633].
[COLOR="Black"]


برضو الشي الجميل في الموضوع انو جابكم قبالنا
لا حنكوشه لا حاجة ولا بحب الحنكشة
نحنا معاك انها خرافات ومن نسج الخيال لكن السوال المطروح الجابا منو
خليك قريب عشان نتواصل وكل سنة وانت طيب والقابلة علي امانيك



زهرة البنفسج : رمضان كريم --- هي بسم الله - العيد مبارك

اتمنى انــو النفس ما يكون حار على العمــــوم اهــو نحنا قاعديــــــــــن نفند في بعض الخرافــات والمعتقدات الخاطئــــــــة في المجتمع الســـــــــودانــي اذ هنــاك الكثيــر منهــا وللاســف انــها اصبحت مهمة جدا ومسالــة الايــمان بهــــا مســالة لا تقبل المناقشــــــــــــة وخصـــوصـــاً عن بعض الشبـــاب للاسف الشديد.
نحن هنا لا نهاجــــــــــم شخص بعينه ولا نوجــه انتقاداتنا لكيان معيــن وقد ناخذ مشاركة بعض الاعضــاء المتداخليـــن ونعلق عليـــها وهذا لا يعني التقليل اوعدم احترام العضــو - بل العكس اننا نحترم الجميع فقط اخذنا المشاركـــــــــة للتعليق عليــها ليس الا.

اتمنى ان يتسع الوقت لديكم لتكـــونوا هنـــا اكثـــر اشراقا واكثــر توهجا ... وكل عام ومدنـــــي بخيـــر.

[معتز الريح]

اها جيتكم بالجديد ..
المحنة (وضع الكف على الخد) كعبة ..

[معتز الريح]

وضع اليدين على الرأس - مذمومة

[ahmed algam]

مشكورين علي الامثال الرائعة دي