يسلم شبابك ... أم تريبات

[عثمان جلالة]

لامن فريقنا يكون لا عب كوره مهمه .... وتصل المباراه زروتها بنشجع شبابنا ... وبنقول (يسلم شبابك ... ام تريبات ... شايل سحابك .. ام تريبات .. والقبلي سابك .. ام تريبات .. خيلك .. سنابك ... وهواك هنا ... نيلين عاشقين ترابك) ... مع اللحن

زي ما دعوب ... عمل لينا صداع نصفي .. بالعسيلات .. مع إنو من اللاجئين ... النوريكم شويه عن قرية أم تريبات ...

الموقع : في جنوب الجزيره بين مدينتي مدني .. والحوش
غالبية السكان : كواهلة + بقية قبائل وطننا الحبيب السودان

الأسم أم تريبات ... جاء من وصف القبائل الرعويه في ذلك الوقت ... لطبيعة المنطقة الجغرافيه مثل الترب .. أو الارض المنخفضة.

استقر بها أجدادنا .. لأنهم وجدوا بها ... المرعى .. والأمن والامان .. مع إنهم زي ما بقولوا جو من ود درو .. أم درمان ... أسي عليك الله كان قعدوا هناك ما أخير ليهم ..المهم لقوا في أم تريبات .. الاستقرار ... تاريخها .. منذ أكثر من 100 سنه (كتيره صاح) :p .. وشهدت معركه كبيره بعد دخول الانجليز السودان ... وانكسار جيش المهديه .. معروفه بكتلة حماد.

بها نسبة كبيرة من التعليم .. على كل المستويات .. مستشفى ريفي ... شارع ظلط زي شنب هتلر .. :D جاري العمل لوصوله لمدني والحوش.

التركيبة السياسية .. الغالب .. اتحادي ديمقراطي .. حزب أمه .. مؤتمر وطني .. شعبي .. أحزاب وسط .. وأحزاب يساريه .

النشاط التجاري الرسمي .. الزراعه ... والإغتراب.

المشتركون في منتديات ود مدني الحبيبه حتى الآن ... شخصي الضعيف ... معز ود أم تريبات .. النور محمد يوسف ... والقادم احلى.

طبعا اخوكم ما حريف في السرد التفصيلي .. لكن لمحه عن أم تريبات وبترك المنصة .. لود ام تريبات .. والنور .. لإضاءات أخرى.

والتحيه في الختام لكل قرى ومدن ... وطني .. وكل قاطنيه .. وعلى مختلف ... ألوانهم .. لهجاتهم قبائلهم .. ديانتهم ... وتبيناتهم السياسية والفكرية والثقافية.

وكلنا .. فخورين .. بإنضمامنا لبيتنا الكبير ... منتديات أم المدائن .. ودمتم.

[مدنيّة]

وبنردد احنا كمان معاكم

(يسلم شبابك ... ام تريبات ... شايل سحابك .. ام تريبات .. والقبلي سابك .. ام تريبات .. خيلك .. سنابك ... وهواك هنا ... نيلين عاشقين ترابك)

ويسلم سودانا كله بجنوبه وشماله وشرقه وغربه
ومشكور جدا ياجلالة علي انك عرفتنا بمنطقتك

[عمر البشير]

سلم يراعك يا جلاله. وتشرفنا كتير بمعرفة تلك المدينة ويسلم شبابها ونعم الشباب هم ما دام انت وحبيبنا ود ام تريبات من ضمنهم. فلكم كل التحايا وانتم تجسدون لنا تاريخ امة بحالها.

[عثمان جلالة]

وبنردد احنا كمان معاكم

(يسلم شبابك ... ام تريبات ... شايل سحابك .. ام تريبات .. والقبلي سابك .. ام تريبات .. خيلك .. سنابك ... وهواك هنا ... نيلين عاشقين ترابك)

ويسلم سودانا كله بجنوبه وشماله وشرقه وغربه
ومشكور جدا ياجلالة علي انك عرفتنا بمنطقتك

ومبرووووووك الانتصار العظيم للمريخ ... وعقبال الهلال .. نحن أمس دعينا ليكم .. دعواتكم:p

[عثمان جلالة]

سلم يراعك يا جلاله. وتشرفنا كتير بمعرفة تلك المدينة ويسلم شبابها ونعم الشباب هم ما دام انت وحبيبنا ود ام تريبات من ضمنهم. فلكم كل التحايا وانتم تجسدون لنا تاريخ امة بحالها.


ود البشير ... شايفك أساسي قبل الكراسي ... الواحد قبل ما يتم الموضوع ... ترد .. يعني بقيت أسرع من ام آيه .... لكن والله يا هي المحريه فيك .. وده من شيمك أصيل وود بلد وأخو اخوان

همسه

لكن الأفغاني ده:p .. ما خلانا شبعنا منك ... ود البشير .. يا خي ما توريني الطريقه البتخليك تعرف أي موضوع جديد .. عشان نكون في الصوره زيك

[مصطفي دعوب]

مشكور اخونا عثمان جلالة
ويكفي انو جلالة والنور ومعز من ام تريبات
انتم خير من يمثل منطقة ام تريبات لكم التحية ونحن سعيدين بتعريفك لتلك المنطقة الحبيبة
ويدنا مفرودة اليكم من اخوانكم في العسيلات لعمل توأمة بين المنطقتين وبين جميع مناطق السودان
لك التحية اخي جلالة وفي انتظار اضافات إن وجدت من الحبيب معز والنور

[عمر البشير]

تسلم يا غالي ..... والله كان ودي اجلس معاكم بس انت عارف الحاصل انو انا حتي الجمعة شغال. قول الله يعين بس.
همسة:
عشان تعرف الموضوع الجديد شوف الشريط الفوق المنتدي. ده كل الحكاية.

[معتز الريح]

وكلنا .. فخورين .. بإنضمامنا لبيتنا الكبير ... منتديات أم المدائن .. ودمتم.

ونحن أيضاً والمنتدى فخورين بشباب مثلكم ..
ونشكر الله على معرفتكم ..
لأن معرفة الرجال كنوز ..

[مختار بازى]

يسلم شبابك ... أم تريبات

والله كان جبتو الباقيين تكونوا ما قصرتوا مع مــــــــــــــــــدني ومعانا

سلم شبابك...أمتريبات

[مرتضى يوسف العركي]

جلالة الرائع :
مشكور على الطله
وتعيش ام تريبات الاهدتنا من خلق الله

رائعين امثالكم والمعز والنور والناس المنتجين الطيبين والسارحين في نعمة الله
ومن الليلة بنقول

ام تريبات نغرد في ميادينك
نهلل في مرابيعك
سماواتك عناوينك
محبيينك محبينك محبينك

[عماد عبدالشكور]

ومبرووووووك الانتصار العظيم للمريخ ... وعقبال الهلال .. نحن أمس دعينا ليكم .. دعواتكم:p

يا جلالة الفريق النيجيري بتاع امبارح دا والله اخير منو فريق السد 114 وبرضو بنقووووول مبروووك للمريخ

[عثمان جلالة]

مشكور اخونا عثمان جلالة
ويكفي انو جلالة والنور ومعز من ام تريبات
انتم خير من يمثل منطقة ام تريبات لكم التحية ونحن سعيدين بتعريفك لتلك المنطقة الحبيبة
ويدنا مفرودة اليكم من اخوانكم في العسيلات لعمل توأمة بين المنطقتين وبين جميع مناطق السودان
لك التحية اخي جلالة وفي انتظار اضافات إن وجدت من الحبيب معز والنور

دعوب حبيب الكل .. ود العسيلات اهل الخير .. ما عندنا مانع .. من التوأمه بين العسيلات وام تريبات ... وبين كل ربوع بلدي .. وشكرا كتير على تعطيرك للبوست بكلماتك الرقيقه

مشاققه

أول مره تكون ... رايق .. ولسانك في محلو:p

[عثمان جلالة]

تسلم يا غالي ..... والله كان ودي اجلس معاكم بس انت عارف الحاصل انو انا حتي الجمعة شغال. قول الله يعين بس.
همسة:
عشان تعرف الموضوع الجديد شوف الشريط الفوق المنتدي. ده كل الحكاية.

الله يعين والله ... ويصبرك ويصبرنا .. لكن كلو ... عشان أهلنا ... ووليداتنا يهون

[عثمان جلالة]

ونحن أيضاً والمنتدى فخورين بشباب مثلكم ..
ونشكر الله على معرفتكم ..
لأن معرفة الرجال كنوز ..

ود الريح ... بركه الشفناك طيب .. والله مقلقين عليك .. يأخي بقيت ضنين .. يا ضنين الوعد .. والله انتو الكنوز .. وان شاء الله معرفة ممتده ... بس عليك الله ما تنقطع:p

[عثمان جلالة]

والله كان جبتو الباقيين تكونوا ما قصرتوا مع مــــــــــــــــــدني ومعانا

سلم شبابك...أمتريبات


ود كوريا الجنوبيه ... البازي .. ان شاء الله بعد تجي .. تلقاهم بقوا عشرة .. وابقى انت عشره وودعتك وداعة الله من الحديد ... والسفر البعيد .. (كلام حبوبات):D

[عثمان جلالة]

جلالة الرائع :
مشكور على الطله
وتعيش ام تريبات الاهدتنا من خلق الله

رائعين امثالكم والمعز والنور والناس المنتجين الطيبين والسارحين في نعمة الله
ومن الليلة بنقول

ام تريبات نغرد في ميادينك
نهلل في مرابيعك
سماواتك عناوينك
محبيينك محبينك محبينك

مرحب .. أبو يوسف نجم الشهر ... كلامك عطر ... ووصف مطر .. على القلوب .. والله يكفيك شر الخطر .. وتلقى الخير .. في كل أمر ... وتصبح ألق كل الشهور .. مش نجم .. واحد شهر

[عثمان جلالة]

يا جلالة الفريق النيجيري بتاع امبارح دا والله اخير منو فريق السد 114 وبرضو بنقووووول مبروووك للمريخ


كان قلنا كدا ... يا عمده .. بقولوا هلالاب .. حاقدين ... لكن ما قصروا .. بغض النظر عن المستوى الفني .. لعبوا .. وغلبوا .. والكوره أقوان ... وعقبال .. الهلال

[mahagoub]

ام تريبات ذات تاريخ من زمان دى مادايرة اتنين يتغالطوا فيها ربنا يقدركم على خدمتها

[عثمان جلالة]

ام تريبات ذات تاريخ من زمان دى مادايرة اتنين يتغالطوا فيها ربنا يقدركم على خدمتها

عمنا المحجوب .. ياكم زادنا وركازتنا .. انتو الأصل .. ونحن الصوره ..وبيكم تب ما بتجينا عوجه وبنخدم ام تريبات ومدني وكل قرى الجزيره الخير والعطاء.

[مدنيّة]

يا جلالة الفريق النيجيري بتاع امبارح دا والله اخير منو فريق السد 114 وبرضو بنقووووول مبروووك للمريخ

لاحولة ولا قوة الا بالله
حتي انت ياعماد طلعت من الاعداء !!! :mad:

[عمر سعيد]

تشكر ( جلالة ) على هذه الصورة الجميلة .. وهذا الموضوع الشيق ... الذي قدمت لنا من خلاله هذه الإضاءة الحية عن أم تريبات فقد شوقتنا لرؤيتها ... وياليتك اصطحبت معك الكاميرا .. فكم كنا نتمنى أن نرى بأعيننــا شارع الأسفلت الذي يشبه شنب هتلر !!

عموماً صدقني فالصورة التي في الذهن عن ( أم تريبات ) جميلة وزاهية ... وكيف لاتكون كذلك ومنها ( جلالة ومُعز ود أم تريبات والنور محمد يوسف ) ... وبقية العقد الفريد .

ويسلم شبابك أم تريبات

[عثمان جلالة]

لاحولة ولا قوة الا بالله
حتي انت ياعماد طلعت من الاعداء !!! :mad:


انت يا أم آيه .. أحسن تقولي الأخوة الاعداء ... نحن امس الليل كلو نشجع في المريخ أنا ومشمش وامها .. عليك الله قصرنا
:D

[عثمان جلالة]

تشكر ( جلالة ) على هذه الصورة الجميلة .. وهذا الموضوع الشيق ... الذي قدمت لنا من خلاله هذه الإضاءة الحية عن أم تريبات فقد شوقتنا لرؤيتها ... وياليتك اصطحبت معك الكاميرا .. فكم كنا نتمنى أن نرى بأعيننــا شارع الأسفلت الذي يشبه شنب هتلر !!

عموماً صدقني فالصورة التي في الذهن عن ( أم تريبات ) جميلة وزاهية ... وكيف لاتكون كذلك ومنها ( جلالة ومُعز ود أم تريبات والنور محمد يوسف ) ... وبقية العقد الفريد .

ويسلم شبابك أم تريبات

الريس عمر سعيد .. نقف دوما احتراما .. لك أيها الرجل القامه ... وتأكد إنو ام تريبات وشبابها .. وشيبها .. وأطفالها .. كلهم أعضاء في الجمعية .. ومستعدين لبذل الغالي والنفيس خدمة لإنسان ود مدني الحبيبة .. وانسان عموم الجزيرة والسودان .. ودمتم عونا ونبراسا

[محمد الفاضل]

كيف لايسلم شبابك وفيك الرائعون ودام تريبات وجلالة

[عثمان جلالة]

حبيبنا عاشق مدني ....انت الروعه بكل ألقها ووميضها ... وبقائها على مر الزمن .. كن كما أنت عشقا متوهجا لمدني ... الجزيرة الحبيبة .. السوادن الوطن .. بلد ملايين العشاق

[عماد عبدالشكور]

اخونا العزيز جلالة
لقد تشرفت بالعمل لمدة سنة بمدينة الحوش وقد تجولت في جميع قرى المدينة وفي ام تريبات وجدت كل الطيبة والكرم والاصالة . واصدقك القول اخي جلالة بأن فترة العام التي قضيتها بالحوش كانت من اجمل فترات عملي . لك مني كل الود ولاهلي بام تريبات خالص التحايا .

[عثمان جلالة]

اخونا العزيز جلالة
لقد تشرفت بالعمل لمدة سنة بمدينة الحوش وقد تجولت في جميع قرى المدينة وفي ام تريبات وجدت كل الطيبة والكرم والاصالة . واصدقك القول اخي جلالة بأن فترة العام التي قضيتها بالحوش كانت من اجمل فترات عملي . لك مني كل الود ولاهلي بام تريبات خالص التحايا .

مرحب .. بالعمده .. عمدتنا .. حبابك ألف .. تعال نديك .. مربوع في ام تريبات ... وحاجات تانيه .. بس ما تسمعنا وزارة الداخليه .. أعتبر .. ياعمده أم تريبات حلتكم التانيه .. بس انت تعال ... ما بنقصر معاك تب ...

[ود ام تريبات]

الرائعون جميعاً
الرائع جلالة - ما تصدق - لكم مني كل الود

وطني لك اسفى دوماً اني آتيك متاخراً.... فلتمس لي العذر .

ام تريبات .. لن اوفيها ان كتبت من هنا حتى انتهت الحروف .. اقول باختصار انها كانت معملاً لصنع اجيال واعية في كل شيء كنت في السادسة من العمر حين شاهدت اول مسيرة تنديد بسياسات البنك الدول ... ولن يحكمنا البنك الدولي داون داون U.s.a ...... كان ذلك منذ زمن بعيد .. وكانت الاسابيع الثقافية التي يقصدها الناس من كل فج وصوب لحضور فعاليات الاسبوع الثقافي .. كنا نصحوا صباحاً على انغام ود الامين يشدوا من مكبرات الصوت من داخل المعارض بالمدرسة المتوسطة بالملحمة والثورة انطلقت شعارات ترددها القلوب .. والامسيات كما الاحلام الجميلة والندوات عن الاثار السلبية لختان الاناث والايدز .. والمسرح يزدان بالنصوص المسرحية والاسكتشات ومسرحياته لا زالت عالقة في الاذهان -مطر الليل - القوقعة الفارغة -وكورالات رابطة طلاب وخريجي الجامعات والمعاهد العليا تشدوا -اليوم نرفع راية استقلالنا - وآحلالي القبل شال شبال ... لمع برق المهيرة - وسميت المدن النايمة المدن التصحى في حين تتلقى خطى العمال اصوات الفلاحين -
والعصاري تشهد مباريات كرة القدم وكرنفالات الاطفال والتشجيع الجميل - الهدف الاول آت وانا كل ايمان .. من ضربة راس ات او ركلة رجل ات او باص بيني آت - وام تريبات ياربوع سودانا نحييك وانت كل آمالنا نحييك في القرى والبادية وفي كل الاراضي الهادية ... وفي الميدان زهورك نادية وتهواك النفوس ليك راضية -

هي الجميلة دوماً امي ام تريبات ولنا عودة

[ود المطامير]

حبيب قلبى .. جلاله ..
عندما يتسرب إنسان إلى دواخلى بكل محبه
تجدنى أتساءل .. ياربى هو من وين فى السودان الحبيب ؟
واليوم لأول مره عرفت من أين أنت ؟
الله يحفظ لينا أم تريبات التى أنجبت جلاله وحبيبنا معز وباقى العقد الفريد .

[مدنيّة]

انت يا أم آيه .. أحسن تقولي الأخوة الاعداء ... نحن امس الليل كلو نشجع في المريخ أنا ومشمش وامها .. عليك الله قصرنا
:D

امبارح احنا زاتنا دعينا عليكم هي اقصد دعينا ليكم :D

مبارك علينا كلنا المربع الذهبي

[عماد عبدالشكور]

مرحب .. بالعمده .. عمدتنا .. حبابك ألف .. تعال نديك .. مربوع في ام تريبات ... وحاجات تانيه .. بس ما تسمعنا وزارة الداخليه .. أعتبر .. ياعمده أم تريبات حلتكم التانيه .. بس انت تعال ... ما بنقصر معاك تب ...
مربوعك دايرنو تب بس الحاجات التانية خليها بيني وبينك بس (القطر فيهو مفتش)

[ابوالنور]

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت كاهلي .........
اها
عليكم الله ما تدخلو لينا حلتنا دي معاكم انشاءالله ناس عبدالله ود الهادي ولا حبوبتي بتفلفل

[عثمان جلالة]

الرائعون جميعاً
الرائع جلالة - ما تصدق - لكم مني كل الود

وطني لك اسفى دوماً اني آتيك متاخراً.... فلتمس لي العذر .

ام تريبات .. لن اوفيها ان كتبت من هنا حتى انتهت الحروف .. اقول باختصار انها كانت معملاً لصنع اجيال واعية في كل شيء كنت في السادسة من العمر حين شاهدت اول مسيرة تنديد بسياسات البنك الدول ... ولن يحكمنا البنك الدولي داون داون U.s.a ...... كان ذلك منذ زمن بعيد .. وكانت الاسابيع الثقافية التي يقصدها الناس من كل فج وصوب لحضور فعاليات الاسبوع الثقافي .. كنا نصحوا صباحاً على انغام ود الامين يشدوا من مكبرات الصوت من داخل المعارض بالمدرسة المتوسطة بالملحمة والثورة انطلقت شعارات ترددها القلوب .. والامسيات كما الاحلام الجميلة والندوات عن الاثار السلبية لختان الاناث والايدز .. والمسرح يزدان بالنصوص المسرحية والاسكتشات ومسرحياته لا زالت عالقة في الاذهان -مطر الليل - القوقعة الفارغة -وكورالات رابطة طلاب وخريجي الجامعات والمعاهد العليا تشدوا -اليوم نرفع راية استقلالنا - وآحلالي القبل شال شبال ... لمع برق المهيرة - وسميت المدن النايمة المدن التصحى في حين تتلقى خطى العمال اصوات الفلاحين -
والعصاري تشهد مباريات كرة القدم وكرنفالات الاطفال والتشجيع الجميل - الهدف الاول آت وانا كل ايمان .. من ضربة راس ات او ركلة رجل ات او باص بيني آت - وام تريبات ياربوع سودانا نحييك وانت كل آمالنا نحييك في القرى والبادية وفي كل الاراضي الهادية ... وفي الميدان زهورك نادية وتهواك النفوس ليك راضية -

هي الجميلة دوماً امي ام تريبات ولنا عودة

معز ... ود حلتنا .. لك الود وكل الموز .. بى سابيطو .. أهل مكة ادرى بشعابها:p

[عثمان جلالة]

حبيب قلبى .. جلاله ..
عندما يتسرب إنسان إلى دواخلى بكل محبه
تجدنى أتساءل .. ياربى هو من وين فى السودان الحبيب ؟
واليوم لأول مره عرفت من أين أنت ؟
الله يحفظ لينا أم تريبات التى أنجبت جلاله وحبيبنا معز وباقى العقد الفريد .

حبيبنا .. عمي ود المطامير ... يا رايق ... ويا سايق أرح ودينا للرايق ... لك انت وحدك ألقك الذي نستمد منه روح العطاء .. يا متسربا .. حتى الثمالة بالدواخل

[عثمان جلالة]

امبارح احنا زاتنا دعينا عليكم هي اقصد دعينا ليكم :D

مبارك علينا كلنا المربع الذهبي

انشاء الله عقبال الكاس ... لكن أنا سمعت تحت تحت قالوا ما عندكم مربع ذهبي .. دايرين الاول فقط .. راي فني:p

[رضا حسن محمد]

معزوجلالة
ياخى امتريباتدى بالغت
تجيب ناس تمام
قلبهم حار
وهم ناس حارة
يسدوها ويقدوها ويجيبو القطر فى مواعيدو
وكمان هلالاب
والله شغلكم نضيف

[النور محمد يوسف]

حبي عشقي أنتم ....أهلي وناسي وبيتي
ناس المنتدى أحييكم وأهلا بيكم في رحاب أم تريبات
أهلا بيكم أهل دار واسياد ديار كللللللللللكم وحتى دعوب كمان أهلا بيهو
يا ناس الحلامابي وود البشير وود المطامير اهلا بيكم وناس رضا وعبد المنعم وزعمينا محجوب ....أهلا بيكم .... وانتو يا الهناك والهنا أهلا بيكم
ويا جماعة بعد ما وصلتونا من مدني بالشارع الما طويل ديه برضو نكرمكم ونديكم شوية معلومات...وعثمان جلالة (جدالا) والزعيم المعز ما قصرو تب....لكن أضيف شوية كلمة ......
..........
أصل السكان "أبالة" يعني كانو من رعاة الابل.... ودائما الراعي يختار هذه المهنة لما فيها من الحرية وتفعيل الفكر والراي.....الرعاة دائما يتمنعون على القيود ....سواء كانت فعلية مجازية مكتوبة أو مقلوبة.....وعشان كدا أم تريبات مع كبر حجمها ومكانتها بين أخواتها في المنطقة لا تجد فيها نقطة شرطة منذ تاسيسها مع انها تستحق ذلك من حيث الحجم والعددية السكانية والتركيبة الاجتماعية ...وهم الان يشتغلون بالزراعة بحكم وجود القرية في قلب مشروع الجزيرة...ففي صدور شبابها تجد دائما الثورة على الروتين .... وأمتع اللحظات وأطيبها لنفوسنا لحظات الموسيقى العسكرية ... وأم تريبات من هذه المقدمة التي يستشف منها التكوين الرعوي المقترن بالجمال والجمال كان لا بد أن يكون اسمها مشتقا من الجمل فالبحث وجدنا أن الاسم فعلا مشتق من الجمل (البعير) و"التريبة" هي المنطقة المنخفضة فوق كتف البعير وتحت العنق مباشرة وهي تعني عكس ما يتبادر للذهن تعني المنطقة المنخفضة وجمعها "تُرَيْبـــات" .... فجاء الاسم أم تريبات مصطلحا لهذه القرية .... وهي للذين لم يروها تقع على بعد 24 كيلومترا جنوب مدني خلف القناة الريسية لمشروع الجزيرة في المنطقة الواقعة بين الحوش ومدينتنا العامرة باهلها ود مدني .... فالقادم من مدني الى الحوش عن طريق قنطرة الري بالكيلو 77 سيتفاجا بغابة بعد قنطرة 77 من اشجار السنط والهجليج وفجاة بعد مسيرة 2 كيلو فقط تقابلك أم تريبات .... للقادم للمرة الاولى لن يتوقع وجود قرية وسط هذا الزخم الهجليجي المدخَّن بالطلح مع خضرة تملا عليك امتدادات البصر فهي خضرة ليست معتادة كالتي تصيغها مزارع القطن وسيقان الذرة بل فوق ذلك تتسيدها خضرة تكونت من تيجان السنط وقامات الطلح تتزاحم.... تكاد تسد الرؤية من عينيك فلا ترى ساعتئذ غير اخضرار .... عروسة .... تتسمر عيناك مبحلقة في مفاصلها في سوقها في خلاخلها في سحرها الفتان...غير أنك لن تجد فيها القيود....حطمها بنوها تلك القيود... وتتبدى اليك عروسة نعنوشة رشيقة لكنها ما زالت بكرا ..... تتقبل كل جديد..... وعدد سكانها يتعدي الخمسة آلاف ..... وتمت تغذيتها بالكهرباء منذ عام 1969 فهي تتسمر منذ ذلك الحين بجانب التلفاز ترتشف جرعات الثقافة من كل الاصواب.... فتفاعل أهلها مع شباب كوريا وتفاعلوا مع الساندانيستان وجيفارا وعرفوا البيركامي وكرهوا كاليجولا واحبوا العقاد...... كانت رافدا أساسيا لمدرسة الحوش المتوسطة ومنها الى حنتوب وودمدني ثم الى الجامعة مشوار مشاه معظم بنيها.... فلا غرو أن رقص أبناؤها في أعراسهم رقصة كسلا والنقارة والحلفا....حيث نقلوا اليها تجارب وابداعات الشعوب..... وشيخها الحالي هو الشيخ محمد عبد الباسط ابن عبد الباسط الكبير ..... وبالقرية بالاضافة الى ما ذكره أخواني عثمان والمعز قلب كبير يسع اليكم جميعا ...أهلي عشقي حبي أنتم ومرحب بيكم بأم تريبات لتستمعتوا بمهارات بنيها وفنونهم في اختياراتهم لخرائط البناء وأهلا بكم في كل بيت لتتعرفوا على ابداعات بنت ام تريبات وفنونها وتشكيلها لبيتها من الداخل تحفة روعة ..... ولا أخفيكم سرا ان قلت لكم ان ام تريبات قد دخلها الهاتف منذ عام 1963 وقبله بسنوات ابتكرت ام تريبات (عربات النظامة لتطوف بالاحياء) وكنا نفتقد يدا حنونة تجود لنا بسيارة مطافي حيث اننا نتوسط الغابات .... ولكننا ابتكرنا ذلك وصنعناه بالامكانيات المحلية..... وحتما سنلتقي لتسليط الضوء على كثير من انجازات أهلكم بام تريبات ...... حتما أنتم لديكم ما يفوق ما ذكرناه في قراكم ولكني أذكر هذا الان لان السانحة جاتنا .... والى اللقاء في نبذة عن مناطقنا الحلوة جميعها عن قراكم عن أحيائكم قبل الممات...وأهلا بيكم
وللمزيد من المعلومات عن أم تريبات نرجو الذهاب الى موقع "ويكيمابيا" خريط العالم واكتب اسم ام تريبات لتتعرف عليها على الطبيعة ولتعرف نبذة اشمل باللغة الانجليزية.

[عثمان جلالة]

مربوعك دايرنو تب بس الحاجات التانية خليها بيني وبينك بس (القطر فيهو مفتش)


عمده يا خوي .. المربوع براهو مافي ليهو طريقة .. والكلام البجيب المفتشين براهو ما في ليهو طريقه .... يعني (عاشقين ضماهم غرام ... اتنين دنياهم سلام) :D

[عثمان جلالة]

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت كاهلي .........
اها
عليكم الله ما تدخلو لينا حلتنا دي معاكم انشاءالله ناس عبدالله ود الهادي ولا حبوبتي بتفلفل

أفو آآآآ ود عمي انت داير ليك اذن كمان .. نحن يا خوي أولاد حبوبات أدددديل كده .. أمشي بسرعه أتر أهلك في ام تريبات .. ومرحب بيكم بين اهلكم وناسكم

[عمر البشير]

مرحبا بك اخونا النور محمد يوسف انت تنضم الي تلك الكوكبه الرائعة من ابناء ام تريبات. وفعلا انت اضافة حقيقية لهذه الكوكبه الرائعة بروعت انسان الجزيرة.
فلكم مني كل تحية واحترام. ودمتم.

[عثمان جلالة]

رائعنا النور محمد يوسف (أبو الدكتوره) .. كفيت ووفيت .. تب .. الله يديك العافيه

[عثمان جلالة]

مرحبا بك اخونا النور محمد يوسف انت تنضم الي تلك الكوكبه الرائعة من ابناء ام تريبات. وفعلا انت اضافة حقيقية لهذه الكوكبه الرائعة بروعت انسان الجزيرة.
فلكم مني كل تحية واحترام. ودمتم.


ود البشير ... أول حاجه ... معز بهدي ليك موز أم تريبات كلو :p ... والتحية عبرك لك قرى ومدن الجزيرة الخضراء

[النور محمد يوسف]

مرحبا بك اخونا النور محمد يوسف انت تنضم الي تلك الكوكبه الرائعة من ابناء ام تريبات. وفعلا انت اضافة حقيقية لهذه الكوكبه الرائعة بروعت انسان الجزيرة.
فلكم مني كل تحية واحترام. ودمتم.

ود البشير نوارة المنتدى ....لا حُرمنا قط من اطلالاتك ......ومرحب بيك هنا ومرحب بيك هناك
سيد بيت....وضهر قبيلة ...أهلا بيك

[GREY MAN]

لامن فريقنا يكون لا عب كوره مهمه .... وتصل المباراه زروتها بنشجع شبابنا ... وبنقول (يسلم شبابك ... ام تريبات ... شايل سحابك .. ام تريبات .. والقبلي سابك .. ام تريبات .. خيلك .. سنابك ... وهواك هنا ... نيلين عاشقين ترابك) ... مع اللحن

زي ما دعوب ... عمل لينا صداع نصفي .. بالعسيلات .. مع إنو من اللاجئين ... النوريكم شويه عن قرية أم تريبات ...

الموقع : في جنوب الجزيره بين مدينتي مدني .. والحوش
غالبية السكان : كواهلة + بقية قبائل وطننا الحبيب السودان

الأسم أم تريبات ... جاء من وصف القبائل الرعويه في ذلك الوقت ... لطبيعة المنطقة الجغرافيه مثل الترب .. أو الارض المنخفضة.

استقر بها أجدادنا .. لأنهم وجدوا بها ... المرعى .. والأمن والامان .. مع إنهم زي ما بقولوا جو من ود درو .. أم درمان ... أسي عليك الله كان قعدوا هناك ما أخير ليهم ..المهم لقوا في أم تريبات .. الاستقرار ... تاريخها .. منذ أكثر من 100 سنه (كتيره صاح) :p .. وشهدت معركه كبيره بعد دخول الانجليز السودان ... وانكسار جيش المهديه .. معروفه بكتلة حماد.

بها نسبة كبيرة من التعليم .. على كل المستويات .. مستشفى ريفي ... شارع ظلط زي شنب هتلر .. :D جاري العمل لوصوله لمدني والحوش.

التركيبة السياسية .. الغالب .. اتحادي ديمقراطي .. حزب أمه .. مؤتمر وطني .. شعبي .. أحزاب وسط .. وأحزاب يساريه .

النشاط التجاري الرسمي .. الزراعه ... والإغتراب.

المشتركون في منتديات ود مدني الحبيبه حتى الآن ... شخصي الضعيف ... معز ود أم تريبات .. النور محمد يوسف ... والقادم احلى.

طبعا اخوكم ما حريف في السرد التفصيلي .. لكن لمحه عن أم تريبات وبترك المنصة .. لود ام تريبات .. والنور .. لإضاءات أخرى.

والتحيه في الختام لكل قرى ومدن ... وطني .. وكل قاطنيه .. وعلى مختلف ... ألوانهم .. لهجاتهم قبائلهم .. ديانتهم ... وتبيناتهم السياسية والفكرية والثقافية.

وكلنا .. فخورين .. بإنضمامنا لبيتنا الكبير ... منتديات أم المدائن .. ودمتم.

يا باهي الطله
شوقتنا لرؤية ام تريبات وهذا النسيج المتناغم ..ويسلم شبابكم

[النور محمد يوسف]

الرائعون جميعاً
الرائع جلالة - ما تصدق - لكم مني كل الود

وطني لك اسفى دوماً اني آتيك متاخراً.... فلتمس لي العذر .

ام تريبات .. لن اوفيها ان كتبت من هنا حتى انتهت الحروف .. اقول باختصار انها كانت معملاً لصنع اجيال واعية في كل شيء كنت في السادسة من العمر حين شاهدت اول مسيرة تنديد بسياسات البنك الدول ... ولن يحكمنا البنك الدولي داون داون U.s.a ...... كان ذلك منذ زمن بعيد .. وكانت الاسابيع الثقافية التي يقصدها الناس من كل فج وصوب لحضور فعاليات الاسبوع الثقافي .. كنا نصحوا صباحاً على انغام ود الامين يشدوا من مكبرات الصوت من داخل المعارض بالمدرسة المتوسطة بالملحمة والثورة انطلقت شعارات ترددها القلوب .. والامسيات كما الاحلام الجميلة والندوات عن الاثار السلبية لختان الاناث والايدز .. والمسرح يزدان بالنصوص المسرحية والاسكتشات ومسرحياته لا زالت عالقة في الاذهان -مطر الليل - القوقعة الفارغة -وكورالات رابطة طلاب وخريجي الجامعات والمعاهد العليا تشدوا -اليوم نرفع راية استقلالنا - وآحلالي القبل شال شبال ... لمع برق المهيرة - وسميت المدن النايمة المدن التصحى في حين تتلقى خطى العمال اصوات الفلاحين -
والعصاري تشهد مباريات كرة القدم وكرنفالات الاطفال والتشجيع الجميل - الهدف الاول آت وانا كل ايمان .. من ضربة راس ات او ركلة رجل ات او باص بيني آت - وام تريبات ياربوع سودانا نحييك وانت كل آمالنا نحييك في القرى والبادية وفي كل الاراضي الهادية ... وفي الميدان زهورك نادية وتهواك النفوس ليك راضية -

هي الجميلة دوماً امي ام تريبات ولنا عودة

معز انت وجلالة ....حابس حابس من عين العدو
أوفيت والله ..... وبعدين عملتو لينا معارف حلوة بالمنتدى ... فعلا الطيب للطيب وعشان انتو ناس طيبين وناس المنتدى اصحابكم فناس المنتدى كلهم طيبين وكمان حتى دعوب الفارس الحبوب ......أنا أحب العسيلات وأهل العسيلات على الرغم من وجود دعوب منها و فيها

[مدنيّة]

انشاء الله عقبال الكاس ... لكن أنا سمعت تحت تحت قالوا ما عندكم مربع ذهبي .. دايرين الاول فقط .. راي فني:p

الحمد لله انه بطل افريقيا دوري ذهبي
ولا كان زمانكم جيتوا وقعدتو في امد در:p

[Madanawi]

ربنا يديم عليكم الأمن والأمان والخير كله في أم تريبات يا جلالة

كما عودتنا دائما أنت سفير فوق العادة لموطنك الجميل

لا تحرمنا من ابداعاتك .. لك الود ،،

[عثمان جلالة]

معزوجلالة
ياخى امتريباتدى بالغت
تجيب ناس تمام
قلبهم حار
وهم ناس حارة
يسدوها ويقدوها ويجيبو القطر فى مواعيدو
وكمان هلالاب
والله شغلكم نضيف

رضا الحبيب .. رضا اللبا .... تعرف اللبا حق الغنمايه الوالده ... حلو جدا .. بالسكر .. وين انت وآسف ما شفت اطلالتك البهية ... ودعووب كرامتك .. نحن ما جيران .. بركات وام تريبات فوله وانقسمت نصين .. وللمعلوميه انتو نسابتنا .. يعني بيناتنا نسب وكده:p

[عثمان جلالة]

يا باهي الطله
شوقتنا لرؤية ام تريبات وهذا النسيج المتناغم ..ويسلم شبابكم

الصباح الباهي لونك ... وضاحة يا فجر المشارق .. غابة الأبنوس عيونك .. يابنيه من خبز الفنادق .. انت البهاء والألق وياريت تزور ام تريبات وتشرفنا ... يا أيها الرجل الرمادي .. لون التوهج ... والتناغم:p

[عثمان جلالة]

الحمد لله انه بطل افريقيا دوري ذهبي
ولا كان زمانكم جيتوا وقعدتو في امد در:p




:mad: :mad: :mad: :mad: :mad: :mad:

[عثمان جلالة]

ربنا يديم عليكم الأمن والأمان والخير كله في أم تريبات يا جلالة

كما عودتنا دائما أنت سفير فوق العادة لموطنك الجميل

لا تحرمنا من ابداعاتك .. لك الود ،،

أستاذنا الانيق مدناوي .. لك الشوق .. وكل الغناوي ..

نتعلم من خلالكم ونرتشف ظاهرة الابداع اليومي ... حتى أسكرنا .. هذا الفيض .. فأصبح الحب واحد والقلب واحد .. أم تريبات .. مدني .. السودان .. لك حبي وكل حكايات الاطفال قبل النوم

[عثمان جلالة]

أم تريبات ما هي ؟
إنها محراب آداب ودنيا للفنون , أم تريبات هذه القلعة الشامخة بعزة أهلها ,المعطاءة بخيرها وخيراتها, الودود الولود التي أنجبت دهاقنة الفكر والسياسة والإدارة وحملة مشاعل النور والهداية , أرباب الكرم والجود والشهامة,فرسان القبائل , طوفان يجرف أمامه كل أشجار الترقب والـ00000 والقلق !!! , منهم من قضى نحبه ومنهم من ينتظر وما بدلوا تبديلا.رجال ترفعوا عن الصغائر عشما في بناء امة, تركوا الشكليات وعنوا الجوهر, راموا العمل وتجنبوا الفاقة وصلوا ليلهم بنهارهم لينالوا مبتغاهم فكان لهم ما أرادوا فلا مستحيل عندهم0000
"إذا اعتاد الفتى خوض المنايا * فأيسر ما يمر به الوحول"
Small minds discuss people
Average minds discuss events
Great minds discuss ideas
ما انفكت هذه الدرة الفريدة تحتضن ارثها التليد وتفرخ الأجيال جيلا بعد جيل وتدفع بهم إلي كافة أرجاء سوداننا الحبيب , معاول بناء في الهندسة والميكنة والزراعة والعلوم وسدنة فكر وأصحاب رسالة في الطب و الأدب والسياسة والقانون وسائر ضروب العلوم 000000 شموعا تحترق لتضي الطريق للآخرين.
أم تريبات هذه الفاتنة التي ابتكرت عطرا فرائحيا يلائم أجواء حديقتها وعرفت كيف تدخل الفرح على ساكنيها من ثقب إبرة00000 جادت لنا بعطاء غير مجذوذ000 وما فتئت تزملنا بصدرها الدافي حينما يلفحنا زمهرير الشتاء!!! وتنشر فينا أريجها ونستظل بظلالها الوارفة حين يشتد بنا أوار الصيف اللاذع!!!, فهي ملهمة الإبداع فينا00000!!!
فلولاك فلا وتر يناجى * ولا شعر بدنيانا يغنى
ولا طير يرف ولا ربيع* ولا عطر يفوح بكل جنة
كيف لا0000 فهذه الأم الرءوم هي بنت قروم سادة نجب قد كانت سليلة شيخ ثاقب النسب ,أنبتها نباتا حسنا,كشجرة طيبة أصلها ثابت وفرعها في السماء وسقاها من ماء طاهرا غير آسن ورعاها حق رعايتها فانبتت من كل زوج بهيج " فالبيت لا يبتنى إلا وله عمد * ولا عماد إذا لم ترس أوتاد " فرجالها ارسوا أوتادا مثل الجبال تتسامى0000 ونحتوا من الجبال بيوتا فارهين!!!! (غير تلك التي لعاد وثمود) فكانت أم تريبات .
حلف الزمان لياتين بمثلها * حنثت يمينك يا زمان فكفر
أم تريبات النشأة :-
نشأت هذه البلدة الوادعة " كان يطلق عليها أولا (كيعان)في أوائل القرن الخامس عشر الميلادي (القرن التاسع الهجري ) حينما راغ لبعض أفراد قبائل الكواهل ( اللبابيس) وهم إحدى بطون قبيلة الكواهلة000 النزوح من حمى السلطنة الزرقاء شمالا بحثا عن الماء والكلأ0000 ,فوجدوا ضالتهم في سهول الجزيرة الغنية بماء الحفائر والعشب000 وشي من شجر قليل000 . فبدأ زحفهم المقدس فيما يبدوا!!! شتاءا00 في محاذاة النيل الأزرق على الضفة الغربية000 وقد تجنبوا ملازمته أو احتضان إحدى ضفتيه!!! فالمرعى مرعى ولا كالسعدان 0000 فما وجدوه من كلأ على ضفته الغربية على قلته فهو غير مستساغ لإبلهم علاوة على تخوفهم من هوام النهر وغدره00000, فلاح لهم سراب بقيعة00 يحسبه الظمآن ماءا !00 ,وهم على آثاره يهتدون, فجدوا في المسير والظعائن في خدورهن 00000
"ترجوا غدا وغدا كحاملة في الحي لا يدرون ما تلد"
حتى وصلوا إلي منطقة وادي السيل (غابة أم تريبات الحالية) فقالوا عندها0000 ذلك ما كنا نبغ!!!, فأنيخت العيس وأنزلت الخيل عن ركابها , واستوت على الجودي "وقيل بعدا للقوم الظالمين",ثم طفقوا يمهدون لتأسيس دعائم التوطن والاستقرار عوضا عن النشوق والترحال ,فالماء موفور مدخور ,والمرعى مأمون مأكول وفلاة خصبة فسيحة تسع لمضاربهم وبذر أقواتهم "كلوا وارعوا أغنامكم 000,بلدة طيبة ورب غفور"
ومن هنا بدا عقد الدر في التشكل " ويقيني انه تشكل لحظة التكوين قبل التخلق عند ادم في ذراري الغيب,حيث لا بدء000 ولا وسط000 ولا ثم انتهاء000 "يا وعد السماء" ,فنشأ بين الكاف والنون!!!00 نبتا كريما وعطرا ذكيا وفجرا يواعد000, فكانت أم تريبات000 بين ثنايا القمر000 والأفق البعيد 00فصلا للانسجام000 ومواسم للمطر , هذه الزمردة التي خلقت اتجاهات جديدة على خريطة الحياة00 صباحات وردية000 أحلام عشقيه!! برائحة الأبنوس والقرنفل والياسمين000 شبت مجموعة خلايا استنسخت جينات أصولها وأنجبت000 أنجبت كل00 الحكاية.
وقد حذا حذو اللبابيس في النشوق بقية أبناء عمومتهم من بطون وفروع قبيلة الكواهلة فمثلا ؛؛؛؛ استقر القريشاب في منطقة الشكابة وقنب وسائر قرى البحر00 والنوراب في ودالنور00, الشدائدة والمطارفة في الخور والبيلاوي000, السلاطنة والمحمدية في أم عصبة وروينا000 والروف ,الحسا نية والحسنات في الشريف مختار000, السعودية في اركويت والعقدة ,جبر,ودشنان000, الكملاب والكميلاب في ود مقبول والقضيضيم 000,الوالية والجلالية في عسير000,الفوائدة في الكمر وعزيزات0000 أللحامدة في الكجر00, الباقية في ود المبارك وود المعاك00, الغازايا و الاساودة في بغادي ومحمد نور وحلة سلامة000 , الجميلية والاحمداب000 في الجميلية والشقيلة,000الخلائفة والبدا رنة وبعض الحميدانية في الشبونات00 ولاحقا أسس أفراد من بني عمومتنا00 اللبابيس قرية ود المنير!! واستوطن أبناء عمومتنا أولاد عائس!!! منطقة الرهد "ود عواد , أم حنقوقة, العطيفة وما جاورهما " وأسسوا نظارة وعمودية ذائعة الصيت للكواهلة في تلك المنطقة ,حيث لازال صدى قعقعة سيوفهم ودوي نحاسهم يأخذ عقول شيوخهم وشبابهم, ولديهم ارث تليد00 مادي ومعنوي00 من تاريخ القبيلة نسال الله أن يحفظه ليتوارث تالد عن تالد!!.وألا يكون استقرارهم الجديد في مدينة الفاو مدعاة لاندثار هذا الكنوز القيمة "The richest and most valuable jewel to treasure, that can never be duplicated by any other tribe"
الليلة الصعيد أمست بروقو تلاطع
وأب غلفقة البجادع بالحجار مو باتع
يوم ضرب أب جقيق والحديد القاطع
أمسى الطير فوق عقد أب قنافذ راتع
أم تريبات الأصل والجذور:-
اللبابيس ,الفايدية ,السعودية ,الكملاب والحميدانية هم بطون قبيلة الكواهلة الذين يشكلون النسيج المتجانس المتفرد لام تريبات000 وقبيلة الكواهلة اكبر قبيلة عربية في السودان ولها امتداد واسع في شمال إفريقيا وغربها (ليبيا, المغرب ,موريتانيا, تشاد , النيجر ومالي) ومنتشرة في جميع أنحاء السودان عدا جنوبه حيث حالت السافنا الغنية00 وذبابة التسي تسي دون تقدمهم جنوب خط العرض "15"خوفا على إبلهم.
هذه القبيلة اشتهرت بالكرم والجود والشجاعة وهي صفات عربية موروثة كابر عن كابر,ليست بصنيعة ولكنها طبيعة وسجية " فليس التكحل في العينين كالكحل" وينسبون إلي محمد بن كاهل بن أسد الذي ينتهي نسبه إلي حواري رسول الله الزبير بن العوام بن خويلد. فالكاهلي كالسيف إذا لاينته لان متنه وحداه إن خاشنته خشنان.
قوم لبني كاهل حين تنسبهم * طابوا وطاب من الأولاد ما ولــــــــدوا
لو كان يقعد فوق الشمس من كرم * قوم بأولهم أو مجدهم قعدوا
جن إذا فزعوا إنس إذا امنوا * مرزوء ن بهاليل إذا قصـــــــــــــــــدوا
محسودون على ما كان من نعم *لا ينزع الله منهم ما له حســــــــــــدوا
انتشرت هذه القبيلة واستوطنت في كامل سهل الجزيرة "فيما يعرف اليوم بولايات الجزيرة ,النيل الأبيض والنيل الأزرق و سنار" و هم كواهلة وسط السودان, وتحولت حرفتها من الرعي إلي الزراعة والتجارة وسائر الدروب الأخرى , وقد كان لعملاق الزراعة الأفريقي/ الشرق أوسطي "مشروع الجزيرة " الدور الأكبر في هذا التحول, ولكن ما برح في النفس شيئا من حتى!!!!
أم تريبات الموقع والمآل :-
تقع أم تريبات في جنوب ولاية الجزيرة على بعد 25 كلم جنوب مدينة واد مدني و7 كلم شمال مدينة الحوش, ويربطهما معا بأم تريبات طريق بري سالك في كامل فصول السنة ولجميع أنواع المركبات000 علما أن طريق الإسفلت والذي أطلق علية طريق الشريف زين العابدين الهندي ما زال تحت التشييد وينتظر أن يتم افتتاحه في القريب العاجل.
عدد سكانها يربوا على عشرة ألف نسمه , ومستوى الأمية 1% , الماء للشرب وجميع الاستخدامات الأخرى متوفر طيلة أيام السنة عبر بئرين ارتوازيين وهنالك مقترح لبئر ثالث, التعليم مؤمن لجميع المراحل قبل الجامعية ( ما قبل المدرسي ,أساس ,ثانوي) وكلية جامعية تحت التأسيس, الخدمات الصحية " صحة بيئة ,صحة وقائية وصحة علاجية" متوفرة أيضا عبر مركز صحي متكامل ومستشفى الشيخ زائد آل نهيان.
أدخلت الكهرباء لام تريبات في عام 1970 وتلي ذلك تشغيل وتفعيل كثير من الخدمات التي تعتمد على الطاقة الكهربائية. المنطقة تغطيها شبكة اتصالات متكاملة Telecommunication Network "Internet, Ethernet, Mobile Radio and GSM" عبر ثلاثة مشغلين لخدمات الاتصالات.
جميع السلع والخدمات متوفرة ولا يحتاج المرء لعناء للحصول على كافة احتياجاته بما في ذلك كافة أنواع الوقود, أدوية الطب البيطري والطب البشري بما فيها من مستحضرات التجميل الأعلاف, لعب الأطفال الملابس, الأحذية, الأدوات المنزلية وقطع غيار السيارات ومواد البناء......الخ .
لقد قامت جميع الخدمات , المؤسسات الحكومية ,شبكات المياه الكهرباء, وسائط النقل بمجهود شعبي و بتصميم وعزم الرجال مع دعم محدود من صندوق الخدمات الاجتماعية التابع لمشروع الجزيرة أبان فترة ازدهاره.وبالطبع لاننسى المجهود المقدر الذي لعبه أبناء أم تريبات المغتربين في دول الخليج العربي وخصوصا السعودية والإمارات.
لم يقتصر عطاء رجالها على النهضة التنموية والمعمارية التي انتظمت المنطقة بل تعدى ذلك ليشمل المساهمة الفاعلة على المستوى الوطني في جلاء المستعمر وتحقيق الاستقلال000 حيث كان للمرحوم المغفور له بإذن الله الشيخ احمد عبد الباسط علي (1910- 1987م) دور مقدر في أنشطة مؤتمر الخريجين في وادمدني000, وشارك ضمن وفد زعماء العشائر الذي قابل ملكة بريطانيا في لندن ووفد الأحزاب الاتحادية الذي زار القاهرة واجتمع مع محمد نجيب وعدد من أعضاء الحكومة المصرية000"دولتي الحكم الثنائي" ,كما كان للشيخ احمد عبد الباسط دور أساسي في بسط سلطان الإدارة الأهلية في السودان قبل وبعد جلاء المستعمر, فضلا عن الدور المتعاظم الذي لعبة في تأسيس وإنعاش الحركة التعاونية في مشروع الجزيرة , حيث شارك ضمن وفد تعاوني في زيارة تاريخية في عام 1974 إلي أوربا الشرقية (تيشكوسلفاكيا –المجر- يوغسلافيا ) أرست دعائم للتعاون المشترك بين السودان و تلك الدول .
The modern renaissance on which Um traibat has embarked in all life concern has had a considerable effect in stimulating culture and increasing the services and development projects, and in a view of the great burden of such undertakings, a pressing need has been aroused for the combination of individual efforts, resources ,expatriates participation and government's supports "if any" to let the ball rolling .
Hence all parties are requested to participate and exert their best effort in the existing and the planned projects of our beloved Um traibat.
بين الريدة وحبي الأكبر * ليك كلماتي بسوقها هديـــــــــــــة
وأحاول وصفك لو كان * اقدر انت صفاتك ما عاديـــــــــــــــــة
انت البحر الشق طريقوا * وشال عوامو ودفع الديـــــــــــــــــــــة
انت الليل بغطي عيوبه يستر* حاله وحتى السترة عليهو شويـــــــــة
وبعد000 فان الحديث والتغني بك يا أم تريبات لا تحده حدود ,ولا يعتريه البلى ولا يعرف قيد الزمان ولكني لا أروم الاستئثار بمدحك وحدي ومع ذلك لا بد لي قبل أن اختم هذه الفذلكة أن انقل رائعة شيخ فحول شعراء أم تريبات العم علي عبد الرحمن علي عبد الباسط التي نظمها حديثا يتغنى فيها عن أم تريبات وحدد مآثرها فأطربنا وأشجانا فهو يقول:-
أم تريبات يا حبيبتي إنت يا أجمل عـــطـــــــــــــر
إنت شمس في صباحنا إنت في الليل القمـــــــر
عشنا فيك أحلى الليالي وأحلى ساعات السمر
مني ليك مليون تحية تبقى للأجيال خبــــــــــــر
أم تريبات يا حبيبتي0000 إنت زى ليلة القـــــــدر
*******
إنت راقية وقمة سامقة إنت من فوق السمـــــــوات
إنت أم الدنيا إنت فيك شفاء كل الجراحــــــــــات
دار كواهله مؤصلين تملكوا كل المساحـــــــــــــات
سجلوا التاريخ ملاحم بالصمود والتضحيـــــــات
إنت ما البيت الوسيع في حماك كل الكيانــــــــات
إنت ما الشجرة الظليلة من هجير حر العذابــــات
إنت ما القدح الكبير للضيوف وقت المجاعـــــــات
إنت ما الحكم العدول في النزاعات والخصومـــــات
إنت ما السيف السنين في الحروب والصراعــــــــات
خالد احمد عبد الباسط
كبير المستشارين القانونيين
شركة الاتصالات السعودية
الرياض المملكة العربية السعودية

[حافظ الليبى]

انجبت ام تريبات والى الامام

[عبدالرحيم سعيد]

ابو جلالة تحياتي لاخوالي واهلي بأم تريبات بس في مثل بيقول (قدر ام تريبات)ياريت تخبرنا عنو والقدلة في مدن الخليج سويتها ليك

[mahagoub]

زيدينى شوقا فانى اهيم بك يا ام تريبات لك المعزه يا جلالة

[عثمان جلالة]

انجبت ام تريبات والى الامام


رائعنا الليبي .. يا حاضر .. في دمانا .. وكل التفاصيل الحميمه .. يا وهج .. لك كل الامنيات والذكريات ... من ام تريبات .. وكل ربوع بلادي ... وكن كما انت .... ألق .. وحضور ... وانتمائات

[عثمان جلالة]

ابو جلالة تحياتي لاخوالي واهلي بأم تريبات بس في مثل بيقول (قدر ام تريبات)ياريت تخبرنا عنو والقدلة في مدن الخليج سويتها ليك

أول شي يا ود سعيد .. أخوالك ديل منو ؟؟؟ يمكن أكون أنا خالك !!!! والمثل جاي من الدلاله على الشيء الكبير .. لأنو أم تريبات كبيره جدا (كرش فيل) ... وممكن يفتيك النور محمد يوسف أكتر مني

[عثمان جلالة]

زيدينى شوقا فانى اهيم بك يا ام تريبات لك المعزه يا جلالة

المحبوب سلام .. عمنا المحجوب سلام .. وتأكد إنو أم تريبات بتبادلك .. حب .. بحب .. شوق .. بشوق .. لا تعرف الغدر ولا الخيانة .. وفية دوما لمحبيها وأبنائها .. وللسودان

[mahagoub]

المحبوب سلام .. عمنا المحجوب سلام .. وتأكد إنو أم تريبات بتبادلك .. حب .. بحب .. شوق .. بشوق .. لا تعرف الغدر ولا الخيانة .. وفية دوما لمحبيها وأبنائها .. وللسودان

يعنى بالعربى الفصيح كدى دعوووووب بخشها

[حافظ الليبى]

رائعنا الليبي .. يا حاضر .. في دمانا .. وكل التفاصيل الحميمه .. يا وهج .. لك كل الامنيات والذكريات ... من ام تريبات .. وكل ربوع بلادي ... وكن كما انت .... ألق .. وحضور ... وانتمائات
يسلم شبابك ام تريبات شايل سحابك ام تريبات؟؟؟
والله انتا الرائع ياود جلاله يا اخوى

[mahagoub]

[QUOTE=حافظ الليبى;233845]يسلم شبابك ام تريبات شايل سحابك ام تريبات؟؟؟
والله انتا الرائع ياود جلاله يا اخوى[/QUOTهواك بارد يسلم شبابك يا ام تريبات

[حافظ الليبى]

ياجوبه ؟؟؟ الله يخلى ود جلاله الخلانى اقابلك انتا وين ماظاهر فى الملاعب

[عبدالرحيم سعيد]

ابو جلالة انت منهم وهم ابناء المرحوم المقدم بخيت جابر

[عثمان جلالة]

يعنى بالعربى الفصيح كدى دعوووووب بخشها

دعووب ممكن ندخلو .. بعد نعمل ليهو تعديلات ... شويه .. يأخي الزول خرب العسيلات لأنو حامل فيروس ... خايفين على حلتنا:p

[عثمان جلالة]

يسلم شبابك ام تريبات شايل سحابك ام تريبات؟؟؟
والله انتا الرائع ياود جلاله يا اخوى

مافي روعه بلاك بتبقى ومافي نشوه ومافي ريد .. كنت بحتاج ليك ... بشده ... وانت عني بعيد:p

[عثمان جلالة]

:D
[QUOTE=حافظ الليبى;233845]يسلم شبابك ام تريبات شايل سحابك ام تريبات؟؟؟
والله انتا الرائع ياود جلاله يا اخوى[/QUOTهواك بارد يسلم شبابك يا ام تريبات

والعجب كمان كان قعدت في السور .. والغابة في وشك ... والحواشات .. جنس هوا ... بااااااااااااااااااااااااارد

[عثمان جلالة]

ابو جلالة انت منهم وهم ابناء المرحوم المقدم بخيت جابر

عبد الرحيم أخوي ... للمعلوميه في اتنين أم تريبات .. حقتنا .. ريفي الحوش .. والتانية .. ريفي طابت .. أها .. المقدم بخيت جابر ده إلا كان قصدك ... عمنا بخيت الأسطى (نجار) اتوفى الله يرحمه .. دا قصدك؟؟؟

[عبدالرحيم سعيد]

بوجلالة اقصد ام تريبات الجنب جدي عابدين الفادني و77 .

[عثمان جلالة]

بوجلالة اقصد ام تريبات الجنب جدي عابدين الفادني و77 .


أخوي عبد الرحيم ... أيوه يا هي زاتها كتلتها كتله .... ورمضان كريم ... يا ود سعيد :p