المساعد الشخصي الرقمي

مشاهدة النسخة كاملة : دندنات عاشقه من البلد



mohab
10-10-2004, 06:27 AM
دندنات عاشقه من البلد


أهــلا يا نــداي

يامحور حديثي...ومنعطف رجاي

أهلا بالنجوم... رشت في فضاي

بي شتل الحروف...يزهر في غناي

يا لحن المروج...ودفقة...شوق مساي

يا وعيي وحقيقتي...ومنيتي...ومناي

إتفضل...وصلت...مرحب...جوه...جاي

أمشي في الرمش...وأسبح في دماي

إتفضل...وصلت...

أعمل ليكا ...شاي؟



الشاي مامزيج من موية الحنين

واعشاب التمني...واشواق السنين

دايب فيه سكر من دعاء وأنين

ريحة الهبهان...تسكرك...يومين


بقلم:تماضر شيخ الدين

ابوقيس
10-10-2004, 09:49 AM
والله ذكرتني البلد

ولمت الشاي الصباحيه

وليك مني الف تحيه

وكل عام وانت بخير

خالد حمد موسى
13-10-2004, 12:22 AM
تسلم يامهاب حنيك البلدشي جميل وديك العافيه....

114
13-10-2004, 11:22 PM
شكرا يا مهاب
وشكرا للفنانة تماضر
رسمت لوحة سودانية حنينه
رد الله غربتها وغربتنا لوطن الجدود