المساعد الشخصي الرقمي

مشاهدة النسخة كاملة : برطمة هلامية ( كلام مساطيل )


مازن الجمّال
10-10-2004, 04:58 AM
<center>

يا دنيا ياما موريانا ولسة حتورينا ..

قرش اسود عشانه .. الكل بينظر لينا ..

انه انحنا لازم .. نحرق عشان اهالينا ..

ولو يوم بس فكرت انه نفوسنا واجبة علينا ..

يانا انحنا تب كعبين وبرضو نفوسنا غالية علينا ..

عاد كيفن نسوي مع العزاب الفينا ..

بين نارين محاطة نفوسنا .. وكيف الكل معشم فينا ..

انحنا احترنا والعقل الكبير غلب في امرنا ..

نفسي اعرس ولة اجكس وجيبي يكون ملان بعرقنا ..

نفسي اطلع رخصة عملي عشان اقدر اتمه طريقنا ..

قروشنا حرام بدون قانون بتطلع من عيون والدينا ..

لمتين بس يكون دا الحال .. احب اعرف عشان .. اتهرينا ..


راســـ :cool: ــــتا
مازن الجمّال
10-10-2004, 05:01 AM
قالو زمان ..

لو كان الفقر رجلا لقتلته ..

لو كان القرش رجلا لعدمته ..

لو كان الاغتراب اختيارا لمنعته ..


<center>

ده شيتا بالفرض والضغط هو الجابرنا ..

على فراق الناس بدون خاطرنا ..

هسي انحنا لو سبنا الهناك ورجعنا ..

كان كيفن تسوو مع العيشة المدمرة حيلنا ..

الغربة يا ما لامة درر مكدسة من وادينا ..

ياريت لو جونا البقولو علينا نحنا نسينا ..

شافو الحال واخدو الفكرة عن غربتنا وكيف اضنينا ..

راســـــ :cool: ــــتا
مازن الجمّال
10-10-2004, 05:03 AM
<center>
قالو ..

دنيا فرندقس ..

والحكومة ماخدة الناس عبث ..

والكل ساكت وما عاوز يبث ..

وانا القاعد انبح لمن حلقي اليبس ..

عن غربتنا وعن وحشتنا العاوزة تغث ..

انحنا صبرنا وبرضو بنصبر ..

نشوف الحد معانا بيصبر ولة بحد ..

بس لكن لابد في يوما جد ..


يعرفو كم عناينا بجد..



:cool: :cool: :cool: :cool:
مازن الجمّال
10-10-2004, 05:05 AM
شكلي إنسطلته :cool:
114
10-10-2004, 07:15 AM
ظرييييييييييييييييييييييييييف يا Rasta man

واصل كفاحك خليك حريص، انت القائد وانت الرئيس
schizo
10-10-2004, 07:17 AM
ابدا والله يا Rasta
كلامك عين العقل
الزين
10-10-2004, 12:22 PM
فوق
مازن الجمّال
10-10-2004, 06:46 PM
114

شزو


زنكلوني يا ..


والله شكلكم كدي حا تنفخوني وآخرتها اتعشى في الصرايا :rolleyes:


راســــ :cool: ـــتا
مازن الجمّال
10-10-2004, 07:24 PM
هاكم دي جادة جداد شوية :cool:

<center>

شرح المصاب هو المصاب وحديثه مر وصاب

وشعوبنا هانت وما عادت تعز ولا تهاب

وولاتها - إلا القلة - لا يقام لهم حساب

وإذا فتحت فماً فتحت عليك ألوان العذاب

وعليك أن تتحمل الأيدى الغليظة والعقاب



راســــ :cool: ــــتا
أبوريلان
10-10-2004, 08:26 PM
صدقنى يا عباس كده أحسن .
aborawan
10-10-2004, 10:54 PM
راستا التحية لك وانت تثري هذا المنتدى بهذه الجدعات السطلاتية :):) واسمح لي ان احي الاخت تشيزو عبر بوستك هذا لانها كانت مسجلة غياب طويل
ابوقيس
11-10-2004, 12:22 AM
تسلم

وليك الف تحيه
schizo
12-10-2004, 07:58 AM
الله يحييك يا ابو روان
فيك الخير وما قصرت