شاكوش بالطريقة الصاااااااااااااااااااااااااااااح

[hesho]

شاكوش يعني تخليك صحبتك.. لغير الناطقين باللهجة السودانية .. لمن يزهج الولد من البت ويفكها عكس الكتاحة بمختلف التخصصات ولغات التخصصات

كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته


كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟

كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة

كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا

كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي

كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ انتي مش عارفة انك حسب قانون العرض والطلب لمن تزيدي في كمية الحنان ممكن يحصل نقصان في سعر العاطفة؟

[طلال الصول]

تعددت الكليات والشاكوش واحد

[abomazeen]

تعددت الكليات والشاكوش واحد



هاهاهاهاهاه .. :D :D :D :D

ود الصول ... لكن ما لقيتك بس تقول ( رباطابي ) و زولك ده الظاهر عليه اخد كل الشواكيش من كل النجاريين ( اقصد لكليات ) ... الله يكون في عونك يا أخوي !!!

لك مني اسمى أيات الود والاحترام ..

[هشام السماني إبراهيم]

تعددت الكليات والشاكوش واحد

والله كلو شاكوش وود الصول كلامو زين



بس يا hesho الموضوع دا مرة علي قبل كدا بس زمان وكنتا بفتش عليو لقيتك صعب :D
كدا قول لينا شاكوشك كان شنو :rolleyes:

تشكراتي الكثيرة


سلمت


دمت في رعاية الله وحفظة

[طلال الصول]

هاهاهاهاهاه .. :D :D :D :D

ود الصول ... لكن ما لقيتك بس تقول ( رباطابي ) و زولك ده الظاهر عليه اخد كل الشواكيش من كل النجاريين ( اقصد لكليات ) ... الله يكون في عونك يا أخوي !!!

لك مني اسمى أيات الود والاحترام ..

الله يكون في عون الجميع يا سيدي

وانا كمان بقول ليك زي هشام انت ياتو واحد فيهم
بس اوعى يكون مصائد اسماك

[طلال الصول]

والله كلو شاكوش وود الصول كلامو زين



بس يا hesho الموضوع دا مرة علي قبل كدا بس زمان وكنتا بفتش عليو لقيتك صعب :D
كدا قول لينا شاكوشك كان شنو :rolleyes:

تشكراتي الكثيرة


سلمت


دمت في رعاية الله وحفظة



المواضيع دي ما بفتش ليها الا زول حارة

اها ورينا انت ياتو فيهم

[حافظ الليبى]

كلية طب الأسنان
::::::::::::: دى قويه ::::::::::::::
كلية هندسة الجينات
:::::::::::: صعبه ::::::::::::::::
كلية الموسيقى و المسرح و الدراما
::::::::::: خاينا خايفه ::::::::::::::::

كلية هندسة الاتصالات
:::::::::: شمارات :::::::::::::::
كلية الهندسة الزراعية
::::::::::كنا في البداية كده:::::::::::

كلية علم الكيمياء
:::::::::::وبقينا في المنتصف::::::::::::::::::
كلية علم الاقتصاد
::::::::: دي كانت أحلي أيامنا ومستحيل أنساها::::::::::::::التجربة العاطفية تخضع لعوامل كثيرة جدا
منها الإجتماعي والمادي والفكري لكن قناعتي الشخصية أن التجربة و(بالذات الفاشلة)
تؤدي إلي تغيير جزري في تفكير من عاشها وربما
يكون ذلك في شكل تساؤلات تكبر وتصغر فى بعض الاحيان.............
لكن يادكتور هشام لقيتك مبالقه. وتقبل مرورى ومشاركتى

[hesho]

::::::::::::: دى قويه ::::::::::::::
:::::::::::: صعبه ::::::::::::::::
::::::::::: خاينا خايفه ::::::::::::::::

:::::::::: شمارات :::::::::::::::
::::::::::كنا في البداية كده:::::::::::

:::::::::::وبقينا في المنتصف::::::::::::::::::
::::::::: دي كانت أحلي أيامنا ومستحيل أنساها::::::::::::::التجربة العاطفية تخضع لعوامل كثيرة جدا
منها الإجتماعي والمادي والفكري لكن قناعتي الشخصية أن التجربة و(بالذات الفاشلة)
تؤدي إلي تغيير جزري في تفكير من عاشها وربما
يكون ذلك في شكل تساؤلات تكبر وتصغر فى بعض الاحيان.............
لكن يادكتور هشام لقيتك مبالقه. وتقبل مرورى ومشاركتى لك الشكر على مرورك اخوي حافظ وايضا لكل الاخوان بس تعرف اخوي ود الصول كل واحد فينا اعتقد اخذ شاكوش وشاكوشي ما حصل مرحلة الثانوي لسى بدري عليه ههههههههه كدي اي واحد يورينا شاكوشه نجار ثانوي ولى كلية ومشكورين للمرور

[abomazeen]

الله يكون في عون الجميع يا سيدي

وانا كمان بقول ليك زي هشام انت ياتو واحد فيهم
بس اوعى يكون مصائد اسماك



لالالالالالا ...

ياريت مصائد اسماك يا الحبيب ..
ده كان من ( بقــرة ) اقصــد بيطــرة !!!
تخيل !!!

[mohammedfatah]

الحكاية دى دايرة تفتيش بالفتاشة ولازم نعمل فحوصات بالشعة المغنطيسية المهم ما تكون مركب تقويم او عندك عطم حديد، والهما من دا كلو ما تكون بتخاف من الاماكن المقفلة عشان ما يجيك خوف من الاحساسات المزعجة
اقول ليك
امشى وتعال بكرة

[ابراهيم]

كلية ا لقانون:
اسمع يا عمرو... ما تخلينى اتصرف معاك تصرف منافى للقيم
الاخلاقية و ارفع عليك قضية
.


كلية العلوم الادارية:


كويس يا عمرو... تخلينى انا ادفع حق الفطور و تغشنى...
لخبطلى راسى الله يلخبط راسك انشالله.


مدرسة العلوم الرياضية:

اسمع يا عمرو... انا اصلا" عارفة من البداية انو علاقتنا
زائد خيانتك بتساولينا نتيجة سيئة للغاية و انا جد قرفانة منك بنسبة
مية فى المية, لأنو نص مخى بقولى اديك كف والنص التانى بقول اديك
بنية... اعمل شنو يعنى اجمعم الاتنين مع بعض يعنى ولا شنو يعنى.


كلية اللآداب : قسم اللغات:

البنت: كف يا عمرو عن مضايقتى و الا...
الولد عمرو: لعنة الله عليك بسبع لغات


كلية الهندسة الماكانيكية
:
انت يا ولد فاكة من راسك صامولة ولا شنو؟


كلية الهندسة المدنية
:

اسمع يا عمرو... انا ما دايرة اتكلم معاك... انت تمشى فى
شارع و انا امشى فى شارع.

كلية الهندسة المعمارية:

اسمع يا عمرو... ما تخلينى اديك شاكووش بالشاكوش الماسكاه

بيدى اليمين و اطعنك بالبرجل الفى يدى الشمال.
كلية الأقتصاد و العلوم السياسية:

يا عمرو... انا و بكل صراحة, السياسةا لقاعد تتبعها معاى دى
انا ما عاجبانى صراحة" كده... يا اما تتبع معاى استراتيجية مختلفة او
نقطع العلاقة البيناتنا لأنو الموقف حا ليا" متأزم اكتر من الازم.



كلية العلوم: قسم الجيولوجيا:


عمرو... ياخى انت مالك قلبك زى الحجر كده... خليك زول مرن شويه
ماممكن ياخى... مش الواحد والا الواحدة لمن اءتكلموا معاك تثور قدامهم
زى البركان.

كلية العلوم قسم الفيزياء:
يا عمرو... نحن علاقتنا فى بدايتها كانت ممتازة و ايجابية
جدا"... لاكن فجأة ابتدينا نتطور تطور عكسى والعلاقة بقت سلبية, عشان
كدة كل واحد مننا يمشى فى مسار مختلف.

كلية الطب:

عليك الله يا عمرو ما تمرضنى الله امرضك... ما تخلينى اقطعك بلمشرط
ده و اوديك العناية المركزية.


كلية البيطرة:

يا حيوان... تخونى انا يا عمرو؟... طيب اصبر لى كان ما وريتك
انت والنعجة المعاك يا كلب يا حمار.

قسم علم النفس:
يا عمرو... انا نفسياتى متنافرة منك... سيبنى براى زهجانة
منك بعد الشفتو منك... سيبنى عليك الله ما تجننى و تجيب لى حالة عصبية
لأنو انا ممكن اوديك فى ستين دهية.


قسم الأعلام و الصحافة:

عمرو... انا والله بفضحك... والله


قسم الفلسفة:
-
يا عمرو... انا بحبك... لاكن بكرهك فى نفس الوقت... و انت
طبعا عارف انو الحب والكراهية مستحيل اجتمعوا مع بعض... عشان كده كل
واحد مننا يمشى فى طريقه.


كلية الآداب قسم التاريخ:

عمرو... نحن علاقتنا كانت جميلة و حميدة... لاكن بعد ما شفتك
قاعد تخون فينى انت والبنت الأسمها سماح و دبرتوا مؤامرة ضدى... فأنا
اقترح انو كل واحد مننا امشى فى طريقه و كل الطرق تؤدى الى روما.


كلية التربية:


انت يا عمرو بتقل ادبك على يعنى والا شنو يعنى... اربى فيك
لمتين انا.
كلية الفنون الجميلة
:

تتصور يا عمرو... انا دى اول مرة اكتشف انك انسان حقير
للغاية و تصرفاتك كلها قبيحة و اطلاقا" ما عندك حس فنى تتعاملبيهو مع
الناس.



كلية الشرطة:


اتكلم... افتح خشمك ده و قول لى العلاقة البينك و بينها
بالتفصيل الممل... و متحاول تدس منى اى معلومات لأنو انا كنت مراقباك
فى التمانية واربعين ساعة الفاتت.


جامعة امدرمان الأسلامية:
الله يسامحك يا عمرو... الله يسامحك و كتر الف خيرك لخيانتك لى.



كلية كمبيوتر مان:

انا آسفة يا عمرو... الظاهر انو فى خلل فى حياتنا... انا ما عندى
اى استعداد انى اعمل معاك رستارت و نبدء حياة جديدة... كل الممكن >عملوا اننا ننسى الفات و الكان بيناتنا ونرميه فى الزبالة... يعنى باختصار لازم تحصل عملية فرمتة و شت داون

فى وقت واحد

[مجاهد]

كلية كمبيوتر مان:

انا آسفة يا عمرو... الظاهر انو فى خلل فى حياتنا... انا ما عندى
اى استعداد انى اعمل معاك رستارت و نبدء حياة جديدة... كل الممكن >عملوا اننا ننسى الفات و الكان بيناتنا ونرميه فى الزبالة... يعنى باختصار لازم تحصل عملية فرمتة و شت داون

فى وقت واحد


ههههههههههههههه

والله يا ابراهيم كل واحد بي شكل حياتو العايش فيها .. يعني لو سواق حيتكلم معاك بي لغة السواقة .. ( يا بت الناس انت زولة طالبة لسة عشان كدا تقعي في الكرسي الأخير من قلبي ) .. ولو جزار .. ( والله يا بت يا دوفة انت ، ما تجيبي لي ضغط انا وزني بقى 70 كيلو .. وانت عارفة انو الكيلو غالي الايام دي ) .. والعجب لو مقاول ( يا بت ما تباري لي الناس ديل ، انا عارفهم كويس ما من قالبك ، انتي صبتك ما زي صبتهم ، وبعدين الناس ديل انا شفتمهم برشو في شخصك بي عدتهم كلها .. فرجاء ما تخليني أفك سقايل حبك مرة تانية ... :mad: ) .. هوي دي خربشات ساي ما قصدي زووول ,, ولكم ودي