قلنا وقالوا للاسف الشديد

[انيس التوم]

للاسف الشديد اصبحت في الفترة الاخيرة مسالة قلنا وقالوا بتاعت الرجال للاسف الشديد مما دعاني لكتابة هذا البوست انوا الواحد فينا خلى اهله والبلد وجاء يفتش علي لقمة العيش الشريفه والي اخر الهموم انت تكون شغال في حالك يقول عليك مفتري تدخل علي الناس وتخاوي الناس يقول عنك كلام وشيلوا من ده يجيبوا ليك
انا مستغرب في ناس زي ديل انت لو في السودان نقول معليش لكن حتى في بلاد الغربه تشيل حالك اخوك بالفي والمافي بالجد حاجه تشيب الراس والله يعني زول بدل يشوف مشاكله يشتغل بيك بدل يحاول يفتش الفرص الاحسن لي نفسه يجي يحسد فيك في شنو وعشان شنو الواحد ما عارف السبب

[مدنيّة]

انيس كدي هدئ من روعك
مالك خير
الحاصل شنووو

بس الصراحة يا انيس قلنا وقالوا دي ما من شيم الرجال ابدا

[نزار حسن محمد]

ياخوانا ..انيس اللغه الكوريه تداخلت عنده مع اللغه العربيه ..وربك يستر ماتبقى هنديه

[هشام السماني إبراهيم]

انا مستغرب في ناس زي ديل انت لو في السودان نقول معليش لكن حتى في بلاد الغربه تشيل حالك اخوك بالفي والمافي بالجد حاجه تشيب الراس والله

والله يا ود التوم ومع الاسف الشديد الظاهر دي بقت منتشرة شديد
وزي ما قالت الاخت مدنية
قلنا وقالوا دي ما من شيم الرجال ابدا

وربنا يسهلها والناس((الرجال)) تنتبه

طيب الحل شنو يا ود التوم عشان نقدر نقلل الظاهر دي

كدي بستانك تدينا حلول ممكنة

سلمت وهدي اعصابك


دمت في رعاية الله وحفظة

[nasir]

شيل ده عن ده يرتاح ده من ده
قول مصري

[عماد عبدالشكور]

انيس كدي هدئ من روعك
مالك خير
الحاصل شنووو

بس الصراحة يا انيس قلنا وقالوا دي ما من شيم الرجال ابدا


ولا حتى من شيم النساء يا مدنية

[انيس التوم]

انيس كدي هدئ من روعك
مالك خير
الحاصل شنووو

بس الصراحة يا انيس قلنا وقالوا دي ما من شيم الرجال ابدا


والله العظيم يا مدينه محل ما تمشي تلقى زول يقول اسمع فلان ده قالي وانت قلتا يعني لوكنت بتتونس ونسه عامه والجميع موجود يشيلوا الكلام ويلف البلد والبلدين والحاجه الغريبه يامدينه انهم ناس كبار وعاقلين وفاهمين اصلوا ما عندهم عذر

[انيس التوم]

والله يا ود التوم ومع الاسف الشديد الظاهر دي بقت منتشرة شديد
وزي ما قالت الاخت مدنية

وربنا يسهلها والناس((الرجال)) تنتبه

طيب الحل شنو يا ود التوم عشان نقدر نقلل الظاهر دي

كدي بستانك تدينا حلول ممكنة

سلمت وهدي اعصابك




دمت في رعاية الله وحفظة

يا دووووووووووم المسالة بقيت واضحة الزول بس يكون في حاله والله يعني تاني الشغل البيت البيت الشغل ما تجي خبر اي زول وزي ما تجي تجي خلاص وصلت الحد يا خوي

[انيس التوم]

ياخوانا ..انيس اللغه الكوريه تداخلت عنده مع اللغه العربيه ..وربك يستر ماتبقى هنديه

لا لا لا ما كده يا ود حسن انت بتكون فاهم قصدي ولا شنو يا عمدة الجماعة بقوا الواحد يامعلم بس ماعندو شغله غير فلان سوى وفلان عمل

[انيس التوم]

شيل ده عن ده يرتاح ده من ده
قول مصري

كلامك مليون في الميه بس عارف عيبو شنو

[صلاح ودالطاهر]

ود التوم اخوي اصبرها ولعلها من خلق الامور يحلها نعوذ بالله من القيل والقال وكثرت السؤال