الموبايل .. وقد الجيب بالطريقة الصاح .. [الأرشيف]

معتز الريح

24-08-2007, 10:53 PM

الشخص العادي في زمنا ده (العندو موبايل)
أحسن من هارون الرشيد في زمنو ..

اتخيلوا .. تضغط ازرار الموبايل تكلم أمريكا
هارون الرشيد لو عايز يرسل message
عايز ليهو 3 شهور ..

ما قلت ليك العندو موبايل
أحسن من هارون الرشيد في زمنو؟؟

معتز الريح

24-08-2007, 10:57 PM

الموبايل .. أصبح أهم فرد من أفراد العائلة ..
وأكتر فرد (إذا جاز التعبير) بينصرف عليهو ..
وأصبح أساسي في بند المصروفات الضرورية ..

معتز الريح

24-08-2007, 11:02 PM

مغترب خارج السودان ..
وخطيبتو في السودان ..
البشتغلوا بشحن بيهو الموبايل ..

معتز الريح

24-08-2007, 11:04 PM

ده كوم وقيمة الأجهزة كوم تاني
وبقى شكل الجهاز وموديلو واحد من دواعي الفشخرة ..
تكون ما لاقي تاكل لكن في يدك آخر موديل موبايل ..

عثمان جلالة

24-08-2007, 11:11 PM

تعرف يا ود الريح عندي رساله في الافلاس .. اسمها الموبايل الكتاح ... الخلانا عدمانين حق قفة الملاح .... واسواء المكالمات البتجيك .. آخر الليل .. ومع نسمات الصباح

وحاتك انت آآآ المبروك ... كان عندك رصيد ... كان ما كملتو ما بتترتاح ... وكان ما شحنت تاني ما بتترتاح ... ولا بنفعك ... (قطاف) ولا غيرو ... أحسن طريقة الشحن في السودان .. قدر ظروفك .... تشحن بى 5 قروش عشان تعمل مس كول ...
لكن الموبايل بقى .... ضروري .. وهام ... ولا من تكون خالي رصيد ... زي المقطوع من العالم اها نعمل شنو يا ود الريح ... عندك حل؟؟؟

طلال الصول

24-08-2007, 11:16 PM

انتو المشكلة بتاعت كان ما كملتا الرصيد ما بترتاح دي شكلها مشكلة عامة

معتز الريح

24-08-2007, 11:18 PM

اها نعمل شنو يا ود الريح ... عندك حل؟؟؟

والله يا جلالة ياخوي دي مشكلة كبيرة ..
زمان تتصل البيت في التلفون الثابت
البتلقاهو توصي لباقي الجماعة ..

الثابت حسه مافي ..
ولو ما اتصلت على اي زول براهو
أرجى الزعل ..

ده لو ماقالوا ليك رسل حق الشحن ..

معتز الريح

24-08-2007, 11:25 PM

انتو المشكلة بتاعت كان ما كملتا الرصيد ما بترتاح دي شكلها مشكلة عامة

الحبيب طلال الصول ..
المشكلة في شحن الموبايل بتكمل رصيدين
رصيد الجيب ورصيد كرت الشحن ..

بس اتمنى انو يخلص في المفيد ..

مدنيّة

25-08-2007, 04:08 AM

وكله كوم
والواحد شايل اخر موديل كوم
وماعنده رصيد
شغال بس مس كولات ساااااااي

طلال الصول

25-08-2007, 04:46 AM

وكله كوم
والواحد شايل اخر موديل كوم
وماعنده رصيد
شغال بس مس كولات ساااااااي

لالا يا مدنية الكلام دا الا هناك
هنا الرصيد اهم كتير من الموبايل
النجماعة هنا بشترو الموديلات الجديدة لمن يكونو نازلين اجازة بس :D

طلال الصول

25-08-2007, 04:47 AM

الحبيب طلال الصول ..
المشكلة في شحن الموبايل بتكمل رصيدين
رصيد الجيب ورصيد كرت الشحن ..

بس اتمنى انو يخلص في المفيد ..

والله يا معتز1/5 مفيد والباقي حشو

معتز الريح

25-08-2007, 05:47 AM

والواحد شايل اخر موديل كوم
وماعنده رصيد
شغال بس مس كولات ساااااااي

وكمان تأكيد لصحة كلامك ..
في علاقة عكسية بين موديل الموبايل والرصيد ..
يعني كلما الموديل جديد تلقى الرصيد الفيهو قليل ..
زي الزول اللابس هدوم غالية وجيبو فاضي ..

وبيني وبينك في ناس شايلين موبايلات بدون شريحة..
ولزوم القشرة وبس .. زي الكاميرا بدون فليم ..

معتز الريح

25-08-2007, 05:49 AM

الجماعة هنا بشترو الموديلات الجديدة لمن يكونو نازلين اجازة بس :d

كلامك صحيح 100% ..
والواحد يمشي السودان بموبايل قديم بكشفوا حالو ..
يقول ليك ده عامل مغترب وشوف موبايلو تلاتين حشرة ..
وحيقولوا ليك الزول ده جاي واقع ..

معتز الريح

25-08-2007, 05:50 AM

والله يا معتز1/5 مفيد والباقي حشو

البركة في الواحد ده ..
أخير من 5/5 ..

ودكمبال

25-08-2007, 06:50 AM

العملاق ودالريح
حقيقة انو الموبايل ضرورى لكن مالزوم الفشخرة الفاضيه والواحد تلقى موبايلو اخر صيحة وبعمل ليك مس كول يعنى بالواضح ماعندو حق الرصيد والغريبة الناس من جهلها بقت تقيم الشخص حسب موبايلو وكم انا فى شوق لاقتناء هذا الجهاز العجيب والله يرزقنا اولا بالرصيد وبعدين الجهاز .وما مهم النوعيه ثلاثتين عشره اربعتين حشره اى حاجة تتكلم وخلاص بس نكون خارج نطاق الهباله وازعاج الناس(بالمس كول).:d

المرتاااااح

25-08-2007, 07:05 AM

لكن في عينة بتلقاهو بيطلب منك تعمل ليهو مسكول مش مسكول اتصال عديل وهو ما يفتح نظام (تحشيش):D

معتز الريح

25-08-2007, 07:18 AM

الرصيد والغريبة الناس من جهلها بقت تقيم الشخص حسب موبايلو

ثورة الاتصالات هي الأسرع نمواً ..
والتطور في الموبايلات بقى سريع سرعة البرق ..
تلم قروش الموديل الجديد .. بعد ما روحك تطلع ..
يطلع ليك موديع بعدو أجد منو .. وبالتأكيد أغلى ..
والله يعين العندهم مرضة الجوالات الحديثة ..
لكن يعملوا شنو .. لازم يواكب

وياريت التقييم لو بقى على الموبايل بس ..
شكراً يا ود كمبال على المرور ..

معتز الريح

25-08-2007, 07:27 AM

لكن في عينة بتلقاهو بيطلب منك تعمل ليهو مسكول مش مسكول اتصال عديل وهو ما يفتح نظام (تحشيش):D

الحبيب المرتاح ..
العينة دي موجودة .. وأنا واحد منهم أول أيام اقتنيت موبايل ..
حركة جميلة ولذيذة .. وانت عامل فيها متجاهل المتصل ..
وتحشيش ألف ..

شكلك معاي انت في الموضوع ده ..

nasir

25-08-2007, 08:54 PM

مرة يامعتز شحنت الجوال وعندي مكالمة مهمة جدا
المهمة ختيت الجوال في الشاحن جاءت ام محمد
والله ماخلت زول ماتصلت عليهو السودان امريكا الامارات لما الجوال صفًر عديل حتي المس كول مابيعملو
المهم من اليوم داك قررت اكون مستقبلا عالمي لازم اشحن واكمل الرصيد في الحال
الله يكفينا محن الجوال ومصايبو

خالد النور

25-08-2007, 09:09 PM

الموبايل من أسرع وسائل الإتصال بين الأهل والأصحاب والأخوان، لكن يظل أيضا من أسرع وسائل قد الجيوب.

معتز الريح

26-08-2007, 12:05 AM

والله ماخلت زول ماتصلت عليهو السودان امريكا الامارات لما الجوال صفًر عديل حتي المس كول مابيعملو

والله يا ناصر ام محمد ما قصرت ..
والبركة في الاتصالات الدولية دي ..

وحاتك نحنا جماعتنا
بكملو الرصيد في الاتصال الداخلي ..
يخلوك لا تعرف تضحك ولا تعرف تبكي ..

خليتو الشحن .. بقيت اتصل بالكروت العادية
ومن تلفون البيت ..

معتز الريح

26-08-2007, 12:37 AM

الموبايل من أسرع وسائل الإتصال بين الأهل والأصحاب والأخوان، لكن يظل أيضا من أسرع وسائل قد الجيوب.

والله قلبي معاك يا خالد ..
الصبر بس نعمل شنو؟

هشام السماني إبراهيم

26-08-2007, 01:35 AM

موضوعك في جرح يا ود الريح

كدي راجع تاني

عمر البشير

26-08-2007, 01:58 AM

المهم في النهاية الواحد بتمأن علي احبابو واخوانو وكده والقروش بتجي وبتروح يا معتز ولا شنو؟

هشام السماني إبراهيم

26-08-2007, 02:00 AM

والله يا معتز كل شهر الواحد يقول يخفف الفاتورة تقيلة بالحيل بس النقة ما تديك الدرب انا قعدتا

سنتين من غير جوال حردان بس لكن الظروف تخليك خروف ورجعت حليمة لي قديمة

وسلمت على الموضوع

هشام السماني إبراهيم

26-08-2007, 02:05 AM

:p
المهم في النهاية الواحد بتمأن علي احبابو واخوانو وكده والقروش بتجي وبتروح يا معتز ولا شنو؟

كدي نزل الجوال دا عشان نتفاهم اول شي :mad:

اطمن زي ماعاوز بس اضانك دي ولا حقت الجيران :p :D

مدنيّة

26-08-2007, 02:05 AM

المهم في النهاية الواحد بتمأن علي احبابو واخوانو وكده والقروش بتجي وبتروح يا معتز ولا شنو؟

لازم تقول كدا
كان شايل ليك موبايل في الصورة وتتكلم
هسي ياود البشير من الزمن داك وانت لهسي بتتكلم في الموبايل ؟؟

بالله الفاتورة جاتك كم !!!

هشام السماني إبراهيم

26-08-2007, 02:11 AM

لكن الموبايل بقى .... ضروري .. وهام ... ولا من تكون خالي رصيد ... زي المقطوع من العالم اها نعمل شنو يا ود الريح ... عندك حل؟؟؟

والله ياجلالة كلامك صح بس القول في الجولاتهم فااااااااااااااااتورة دي صعبة اديييييييييييل

hatim

26-08-2007, 02:16 AM

لا يختلف إثنان أن الموبايل أو ما يسمى الجوال أنه من أساسيات عصرنا وقربت بين الاهل والأحباب والأصدقاء لكن:
تعودت وهى عادة (لا أريد أن أتخلى عنها) ألا أستلم أى تلفون أو إتصال من السودان ليس لشى سوى أن أقوم أنا بالإتصال لزوم الشهامة أو لأاننى أنا المقتدر أو لأننى أنا خارج السودان ولا أريد أن أزيد تكلفة من هم بداخل السودان من الأهل ولن تم إستغلال هذه الناحية من جانبهم واصبحوا يتصلون للمهم والغير مهم ووجدت نفسى أتلقى الطلبات من اهلى وغيرهم والأغرب هناك من يطلب أنواع من الموبايل بالإسم (حتى أنا لا أعرف إسمه ولا أمتكله).
بصراحة رغم فوائد الجهاز تقريبه للمسافات جاء علينا بما لا نقدر عليه واصبحت فاتورة الموبايل تفوق مصاريف البيت التى نقوم بإرسالها للأهل بل وتفوق مصاريفنا أيضأً.
لا بد من وجود حل وسط .. تعبنا من دفع فاتورة كلامنا.
بالمناسبة أنا من الأشخاص الذين لا يحبون إطالة الكلام فى هذا الجهاز

هشام السماني إبراهيم

26-08-2007, 02:17 AM

انتو المشكلة بتاعت كان ما كملتا الرصيد ما بترتاح دي شكلها مشكلة عامة

والله ديل حالتهم صعبة الواحد زي المدمن وتجيهو رجفة ويقد يفتش في الناس عشان يتكلم وفي النهاية كلامو ما خلص والرصيد خلص

معتز الريح

26-08-2007, 06:50 AM

موضوعك في جرح يا ود الريح

انت بالذات ياهشام حاسي أنو الموبايل
قادي جيبك وقادي أضانك ..
ويجي آخر الشهر والفاتورة تعمل ليك نفسيات ..

معتز الريح

26-08-2007, 06:52 AM

والقروش بتجي وبتروح يا معتز ولا شنو؟

بتروح .. أنا معاك !! ..
وبتجي .. لكن بعد حراق روح ..

معتز الريح

26-08-2007, 06:53 AM

:p

كدي نزل الجوال دا عشان نتفاهم اول شي :mad:

اطمن زي ماعاوز بس اضانك دي ولا حقت الجيران :p :D

ود البشير من أجمل الناس خلقاً
تتكلم معاهو بتكون ما عايز تقفل السماعة
(ده طبعاً لمان يكون هوالمتصل )

معتز الريح

26-08-2007, 06:54 AM

بالله الفاتورة جاتك كم !!!

الفاتورة جاتو ..
1000 قلب وقعوا في حب ودالبشير ..
و 2000 ريال بتدينها من ود الطاهر ..

معتز الريح

26-08-2007, 06:56 AM

والله ياجلالة كلامك صح بس القول في الجولاتهم فااااااااااااااااتورة دي صعبة اديييييييييييل

سمعت تحت تحت يا هشام ..
أنو الموبايل بالرقم المميز بتاعك ده
انت لاقيهم واقعات (الشريحة مع الجهاز) ..
ما تعمل لينا فيها جوالك فاتورة ..
ده كلام دعوب غايتو ..

معتز الريح

26-08-2007, 07:00 AM

أقوم أنا بالإتصال لزوم الشهامة

تصدق يا حاتم زمااااااان أنا كنت زيك
تجيني مس كول بالغلط بمشي أتصل

أها نزلت إجازه لقيت الاتصال من السودان
أرخص وأوفر ..

بقيت من أول رنه تجيني من السودان
بفتح الخط والعايزني يتصل علي مكاملة عادية

معتز الريح

26-08-2007, 11:15 PM

والله ديل حالتهم صعبة الواحد زي المدمن وتجيهو رجفة ويقد يفتش في الناس عشان يتكلم وفي النهاية كلامو ما خلص والرصيد خلص

هو فعلاً إدمان .. لكن إدمان بقد الجيب ..

عمر البشير

26-08-2007, 11:56 PM

:p

كدي نزل الجوال دا عشان نتفاهم اول شي :mad:

اطمن زي ماعاوز بس اضانك دي ولا حقت الجيران :p :D

والله الصورة ده صورة ود الطاهر وانا بتكلم معاك يا هشام.

عمر البشير

26-08-2007, 11:59 PM

بالله الفاتورة جاتك كم !!!
مليون حب ووئام لكل عزيز وغالي من ارض الوطن.ومن ارض الجزيرة خاصة.وشوية لي ناس الخيرطوم.

عمر البشير

27-08-2007, 12:02 AM

ود البشير من أجمل الناس خلقاً
تتكلم معاهو بتكون ما عايز تقفل السماعة
(ده طبعاً لمان يكون هوالمتصل )
والله ده من زوقك يا معتز.
(ما تنس انو نص فاتورتك من اتصالك علي والباقي علي هشام ولاشنو؟ )

عمر البشير

27-08-2007, 12:03 AM

بتروح .. أنا معاك !! ..
وبتجي .. لكن بعد حراق روح ..

حراق الروح بدوروا ليهو كمان ده ما موجود طبيعي، بس الواحد بنساهو بالاتصالات وكده.

salwa

27-08-2007, 07:31 AM

اخوي معتز

طيب انا في شيء لاحظته حسه في مشيتي دي وهو انه موش كمان موبايل اخر موديل ...لالالا لازم كمان يكون معاك موبايلين عشان شنو عارف ..؟؟؟ عشان يكون عندك شريحتين واحدة موبيتل وواحدة اريبا او سوداني والعكس ...يعني ميتة وخراب ديار ...وفي النهاية الرصيد لو في بيخلص على شريحتين

اها ورونا ده كلام شنو

وبده طبعا قدوووا لينا جيبنا لانه بتدق على اريبا وانت سوداتل او العكس ...لانه ما عندي موبايلين ولا شريحتين

كلااااام عجيب...

موضوع حلوووووووو .....ونقاشه احلى

معتز الريح

27-08-2007, 07:58 AM

طيب انا في شيء لاحظته حسه في مشيتي دي وهو انه موش كمان موبايل اخر موديل ...لالالا لازم كمان يكون معاك موبايلين

يا سلوى أختي كلامك صح 100%
الواحد تلقيهو تعبان وشايل جوالين لو باعهم ممكن يشتري عربية
وتلقي ده يرن والتاني يرن .. وكلو كلام ونقة فاضية ..
تحت تحت سمعت أنو الموبايلين
من عوامل جذب الجنس اللطيف .. والنصب النظيف ..
يعني حسب الشناه ..
لو شين شديد تحتاج لأكتر من جوالين ..

عمر البشير

27-08-2007, 08:38 AM

الواحد تلقيهو تعبان وشايل جوالين لو باعهم ممكن يشتري عربية
وتلقي ده يرن والتاني يرن .. وكلو كلام ونقة فاضية ..
تحت تحت سمعت أنو الموبايلين
من عوامل جذب الجنس اللطيف .. والنصب النظيف ..
يعني حسب الشناه ..
لو شين شديد تحتاج لأكتر من جوالين ..

انت ما قاصدنا عديل يا معتز، لكن انا ضد فكرة انو العندو جوالين نصاب او عاوز يجذب الجنس اللطيف. لانو بكون جوال حق العمل والثاني شخصي، فالواحد ما عاوز يدخل علي نفسو الحرام. فلذلك اي اتصال خارج العمل بتصل من موبايلو الخاص.ولا انا غلطان؟

همسة:
لكل قاعده شواز يعني في نظام النصب وكده.

معتز الريح

27-08-2007, 08:49 AM

انت ما قاصدنا عديل يا معتز، لكن انا ضد فكرة انو العندو جوالين نصاب او عاوز يجذب الجنس اللطيف. لانو بكون جوال حق العمل والثاني شخصي، فالواحد ما عاوز يدخل علي نفسو الحرام. فلذلك اي اتصال خارج العمل بتصل من موبايلو الخاص.ولا انا غلطان؟

ود البشير الشقي ..
أنا ذاتي عندي موبايلين ونفس التقسيم حقك ..
وكمان أم الأولاد معاها واحد ..

مرات بكونوا معاي التلاتة ..
شفت العوارة دي

هشام السماني إبراهيم

27-08-2007, 12:16 PM

يا سلوى أختي كلامك صح 100%
الواحد تلقيهو تعبان وشايل جوالين لو باعهم ممكن يشتري عربية
وتلقي ده يرن والتاني يرن .. وكلو كلام ونقة فاضية ..
تحت تحت سمعت أنو الموبايلين
من عوامل جذب الجنس اللطيف .. والنصب النظيف ..
يعني حسب الشناه ..
لو شين شديد تحتاج لأكتر من جوالين ..

والعكس كيف يا قريبي يعني لو وجية شديد ما يشيل جوال

هشام السماني إبراهيم

27-08-2007, 12:26 PM

:D
انت ما قاصدنا عديل يا معتز، لكن انا ضد فكرة انو العندو جوالين نصاب او عاوز يجذب الجنس اللطيف. لانو بكون جوال حق العمل والثاني شخصي، فالواحد ما عاوز يدخل علي نفسو الحرام. فلذلك اي اتصال خارج العمل بتصل من موبايلو الخاص.ولا انا غلطان؟

همسة:
لكل قاعده شواز يعني في نظام النصب وكده.

حسي يا ولدي قال ديل انحنا كشفتنا طواااااااااااااالي :D :p :D روق المنقا

هشام السماني إبراهيم

27-08-2007, 12:31 PM

زمان يا معتز كانو بقولو عربيتك شخصيتك

مع الطفرة
\

موبايلك وعربيتك شخصيتك

سؤال

اخر مرة انا كنتا في السودان كان احدي شركات الاتصال لو رصيدك انتها وانتا بتتكلم ما بقطعو المكالمة بخلوك تكمل نقتك وتلقى الرصيد بقى بالسالب

الحركة دي لسه في ؟

عمر البشير

27-08-2007, 11:26 PM

ود البشير الشقي ..
أنا ذاتي عندي موبايلين ونفس التقسيم حقك ..
وكمان أم الأولاد معاها واحد ..

مرات بكونوا معاي التلاتة ..
شفت العوارة دي

معتز. ههههههههههههههه
في واحد صاحبي عندو جوالين وشريحتين في جيبو لكن انا ما بتكلم بيهو انت عارفو صح.

مدنيّة

27-08-2007, 11:39 PM

سؤال

اخر مرة انا كنتا في السودان كان احدي شركات الاتصال لو رصيدك انتها وانتا بتتكلم ما بقطعو المكالمة بخلوك تكمل نقتك وتلقى الرصيد بقى بالسالب

الحركة دي لسه في ؟

اولا يا هشام انا عدلت علي المشاركة وشلت اسم الشركة عشان ما تدخل في كلام معاهم
باقي الناس ما مضمونة

بالنسبة للسؤال
الان بقطعوا ليك كلامك قبل ما رصيدك ينتهي
بس الاغرب الان بيقولوا انهم عندهم سنة مجانية
وكل اللي عملوه انهم وزعوا الاشتراك اللي كان بيندفع علي تلاتة شهور وخلوه يندفع علي شهر واحد بس
شفت كيف :(

طلال الصول

27-08-2007, 11:46 PM

والعكس كيف يا قريبي يعني لو وجية شديد ما يشيل جوال

اكان كلامكم دا صاح معناها احنا ما بنتقابل تلاتة جوالات وبرافو اسكت والله عاملين ليهن شنطة او مسميات واحد حق الشغل واحد للسودان او واحد خلوها في سركم

معتز الريح

28-08-2007, 12:19 AM

اكان كلامكم دا صاح معناها احنا ما بنتقابل تلاتة جوالات وبرافو اسكت والله عاملين ليهن شنطة او مسميات واحد حق الشغل واحد للسودان او واحد خلوها في سركم

يا طلال أخوي
الحال من بعضو ..

والجوال بتاع خلو في سركم ده مهم ..
لكن أنا لغيتو ..

ما عشان حاجة .. بس عشان الفلس ..

عمر البشير

28-08-2007, 01:38 AM

ما عشان حاجة .. بس عشان الفلس ..

ده دقه قديمه يا خوي شوف غيرا الفلس ما بسوي كده.

معتز الريح

28-08-2007, 01:42 AM

الفلس ما بسوي كده.

والله بعمل أكتر من كده ..

GREY MAN

29-08-2007, 03:21 AM

الحبيب المرتاح ..
العينة دي موجودة .. وأنا واحد منهم أول أيام اقتنيت موبايل ..
حركة جميلة ولذيذة .. وانت عامل فيها متجاهل المتصل ..
وتحشيش ألف ..

شكلك معاي انت في الموضوع ده ..

ود الريح والله مشتاقين

طبعا ليك فتره ما شرفت الديار....واخر التحشيش الكلام بالموبايل وهو مقفول..شفانا الله