علامة تأسف

[ابوالنور]

طبعا يا شباب كلنا يعلم العلامات مثلا انا في المنتدي وجاني احساس انو المنتدي ده بقي
ما زي الأول هنا طوالي بجيك علامة ؟ الهي سؤال ليه بقي ما زي الاول
مثلا تقوم تجاوب علي السؤال انو السبب مثلا غياب بعض الاعضاء عن المنتدي او شكل التعامل بين الاعضاء بقي اجتماعي وبقت حتي الناس اذا ما دخلت المنتدي بكون في صله بينهم تلفون مثلا او مسنجر مثلا طوالي هنا بتظهر ليك علام ! تعجب عن هذا الشي
يلا نجي لي عنوان الموضوع مفترض تكون في علامة تأسف عشان نقوم بدل نشرح الحاصل ده كلو اذا عايز تسأل بتعمل ؟ وتعمل : وتفتح موضوع جديد او تعمل علامة تعجب !
ليه مافي علامة تاسف يا ناس حصل واحد فيكم فكر في الحته دي
ويلا انا اخليكم تتناقشو في العلامه دي وحاتطر اعمل نقطة .

[ابوندى]

حقيقة يا اخى ابو النور المنتدى ما زى الاول
وبعض الردود يكون فيها نوع من الحساسية احيانا , وبعضها يكون اشبه بالهجوم وبعضها يكون فيه المجاملة الزائدة , وعلى العموم الرد على المشاركة يمثل راى ووجهة نظر صاحبه ولكن من غير عصبية.

همسة: عسى ان يكون ردى في محك الموضوع

[Madanawi]

العلامات عموماً هي أختصارات لكلمة أو كلمات ولها دلالات حسب موضعها في الجملة

التأسف واحدا من تلك العلامات التي تشير الى دلالة معينة في موضع معين ، منها السابق

ومنها اللاحق .. وتحتاج الى وضع لغوي أصيل وليس انشائي فقط ،،،

[عثمان جلالة]

ود عمي ده كلام ... لذيذ .. لكن علامة التأسف دي بكون رمزها شنو ... ؟؟؟؟ لكن الاحساس بيها كالآتي

1- أشخاص ربطك بيهم المنتدى ... تجي تلقاهم طشو .. ولا حس ولا خبر
2- الناس في شنو والحسانيه في شنو
3- فكرة الأنا .... في كتير من الأحيان .. تعكر صفو ... المجتمعات
4- التجرد .. وحب الخير للناس .... وأن نكون يدا تبني ... فيه المنفعة للجميع
5- ما طار طير وارتفع .. إلا وكما طار .. وقع
6- مش كل الطير الليتاكل لحمه
7- الناس ... ظروف ومشاكل .. لكن .. يجب تطويع الظروف والمشاكل..... للبناء
8- خربانه أم بناياً قش
9- لك حق في الآخرين .. كما للآخرين حق فيك
10- من كان نفسه ..بغير جمال .. لا يرى في الوجود شيئا جميلا

[طلال الصول]

العزيز ابو النور كلامك دا نابع من غيرة اصيلة وحب للمنتدى وانا مشترك مع اخونا جلالة في الكلام الكتبوا وبعتقد انو هو دا الواقع الحاصل الحساسيات الزايدة بين البعض والمجاملات الزيدة بين البعض وأخذ بعض الامور بطريقة شخصية جدا
يمكن كمان في جماعة نست انها انضمت للمنتدى ليش او اصلا الانضمام كان لأسباب غلط من الاساس بتاعا عموما ربنا يهدي الجميع لما فيه المصلحة العامة ويهدى النفوس على بعضيها
وياريت لو الجماعة ما اخدو كل الأمور بحساسية زايدة واتعاملو كلهم على اساس اخوان واهل واخيرا المصلحة زايدة وكل الناس زي بعض

ولك مني التحية

[salwa]

ابو النور

موضوع جميل

لكن

تعرف لو فعلا وجدت علامة التاسف دي دي معناها انه الدنيا مليااااااانة بناسها الطيبين الاصليين لانه التاسف ده من علامات محاسبة النفس على اعمالها وان وجد من يحاسب نفسه وعلني كمان مع تاسف فده والله جل الامر...وبصراحه هنا في بيتنا ده منوفر التاسف بس ممكن يكون بين الناس وبعضها الاقربين يعني وده شيء يدعو للامل وانه اكيد القلوب نضيفة وحتصل لبر الامان والطرح الجميل الذي يليق بناس هم الاصاله بعينها .......ناس مدني الحنان