موطني العسيلات

[مصطفي دعوب]

لعل هنالك الكثيرين من لم يسمعوا بالعسيلات وهذه سانحة طيبة لكي أعرفكم علي موطني من خلال نبذه قصيرة عن منطقة العسيلات .
تتبع منطقة العسيلات لولاية الخرطوم - محلية شرق النيل وهي تقع جنوب محلية بحري وتبداّ محلية شرق النيل من الحاج يوسف وتمتد جنوباً لتشمل الجريف شرق ، أم دموم ، سوبا شرق ، العيلفون ، أم ضواًبان ، والدبيبة ،الشيخ مصطفي الفادني ، ابو قرون ، العسيلات ، كترانج .
ومن الحاج يوسف تمتد شرقاً حتي أبو دليق .
وتقع العسيلات علي ضفاف النيل الازرق ويقابلها علي الجهه الأخري من النيل التصنيع الحربي والشقلة والمسعودية وتتكون العسيلات من اثنا عشر قرية منها :
القويز ، ود بخيت ، الدلتية ، والدبيبة ، الحسناب ، القلابات ، الدومة ، الحويلة ، ام تكالي ، الفرع ، الضقلاب .
وينتمي لقبيلة العسيلات شخصيات كبيرة في مختلف المجالات ومنهم الشاعر الكبير ود الرضي وسيد خليفة واحمد المصطفي وخلف الله حمد والجاغريو
يعود نسب العسيلات إلى جدهم السيد رافع ( جد الرفاعيين ) وهو السيد رافع بن السيد عامر بن السيد الحسين بن السيد إسماعيل بن السيد عبدالله بن السيد إبراهيم القرين بن السيد على الرضا بن السيد موسى الكاظم بن السيد جعفر الصادق بن السيد محمد الباقر بن السيد على زين العابدين بن السيد الحسين بن الامام على رضى الله عنه وكرم وجهه وإبن السيده فاطمة الزهراء رضى الله عنها بنت سيد العرب والعجم سيدنا ونبينا محمد صلى الله عليه وسلم .
والسيد رافع هو والد السيد حمد والذى توفى بالعتمور فى شمال السودان وسمى بعتمور إبى حمد وكانت وفاته خلال نزوحه من مصر للسودان وخلف حمد والده رافع فى مكانته وله من الابناء عشرون ولدا كونوا قبيلة الرفاعيين الاشراف وهم :

عسيل : جد العسيلات ويسكنون شرق وغرب النيل الازرق وجنوب الخرطوم
حلو : جد الحلاوين بريفى المحيريبا
حسن المعارك : جد العركيين بريفى المدينه وريفى الشكريه
شبيل : جد الشبيلاب ولهم فروع فى ابى عشر وابو فروع
زنفل : جد الزنافله ويسكنون كلكول بريفى المعيلق
معضاد : جد المعاضيد ويسكنون الطلحه بريفى الشكريه
على الاشقر : جد البشاقره بريفى المعيلق
حجاح : جد سكان حلة ود جميل بريفى المعيلق
قاسم : جد القواسمه بريفى الحوش وشرق النيل الازرق وجنوب مدنى
عامر : جد العوامره بريفى الحلاوين والمعيلق
محمد طويل : جد الطوال بابى عشر وريفى المعيلق
فرج : جد الفراجين جنوب السديرات بالجزيره
ظلموط : جد الظلاميط سكان جبل ود المطورى غرب جبل مويه
شبرق : جد الشبارقه شرق النيل الازرق وجنوب مدنى
عبدالله القرين : جد العبدلاب سكان الهلاليه وحلفاية الملوك
هلال : جد الهلاليه بريفى الشكريه
حسن وحسين : واحفادهم بالروصيرص وابو رماد
كتمور : جد الكماتير بريفى سنجه
عقيل : جد العقليين شرق السديرات بريفى المعيلق

[صلاح ودالطاهر]

تعرف يا دعوب زكرتني قصة الرباطابي عندما قابل واحد من جماعتكم وكت قال ليهو جدي جاب ولدين واحد اسمو عسيل وجاب العسيلات واحد اسمو حلو وجاب الحلاوين اها الرباطابي قال ليهو انا كما جدي جاب ولدين ربط وجاب الرباطاب وبرط جاب البريطانين تسلم ياغالي علي هذه المعلومات الجميله

[مصطفي دعوب]

تعرف يا دعوب زكرتني قصة الرباطابي عندما قابل واحد من جماعتكم وكت قال ليهو جدي جاب ولدين واحد اسمو عسيل وجاب العسيلات واحد اسمو حلو وجاب الحلاوين اها الرباطابي قال ليهو انا كما جدي جاب ولدين ربط وجاب الرباطاب وبرط جاب البريطانين تسلم ياغالي علي هذه المعلومات الجميله

تشكر اخونا ود الطاهر
ونتمني ان تزورنا في العسيلات

[عثمان جلالة]

حباب اهل الكرم والجود .. اهلي في العسيلات .. الناس الحنان وظراف
ديل أهلي البقيف في الداره ... وسط الداره ... أقول للدنيا ديل أهلي

مشاققه : دعوبي ... قالواطردك شيخ في العسيلات ... لأنك اختلست صحن لقيمات

لك الحب والتحية

[ود المطامير]

أخوى الحبيب .. دعوب ...
تسلم والله على هذه اللوحه الجميله
مع أمنياتى بزيارتها فى يوم من الأيام .

[مصطفي دعوب]

حباب اهل الكرم والجود .. اهلي في العسيلات .. الناس الحنان وظراف
ديل أهلي البقيف في الداره ... وسط الداره ... أقول للدنيا ديل أهلي

مشاققه : دعوبي ... قالواطردك شيخ في العسيلات ... لأنك اختلست صحن لقيمات

لك الحب والتحية

حبابك يا جلالة
وحباب أم تريبات الجابتك وجابت معز

[مصطفي دعوب]

أخوى الحبيب .. دعوب ...
تسلم والله على هذه اللوحه الجميله
مع أمنياتى بزيارتها فى يوم من الأيام .

مرحب بيك ود المطامير بين اهلك العسيلات
وكان ماشالك الراس تشيلك العين

[ودكمبال]

الاخ/ مصطفى
لك التحيه
وانا بقول العسل الفى المنتدى ده جاى من وين وتسلم على المعلومه الرائعه

[مصطفي دعوب]

الاخ/ مصطفى
لك التحيه
وانا بقول العسل الفى المنتدى ده جاى من وين وتسلم على المعلومه الرائعه

مشكور اخي ود كمبال
وبتشوف العسل الجد جد لو جيتنا في العسيلات

[مدنيّة]

مع اني من سكان محل الرئيس بنوم والطيارة بتقوم الا انها دي معلومات جديدة علي

يمكن لانه ما حصل زرت العسيلات قبل كدا

بس اكيد شفناها من خلالك يا مصطفي
يديك الف عافية يارب

[مصطفي دعوب]

مع اني من سكان محل الرئيس بنوم والطيارة بتقوم الا انها دي معلومات جديدة علي

يمكن لانه ما حصل زرت العسيلات قبل كدا

بس اكيد شفناها من خلالك يا مصطفي
يديك الف عافية يارب

ودي دعوة ليك يامدنية لزيارة العسيلات وتعرفي منطقة شرق النيل وتعرفي اهلك العسيلات

حبابك الف وحباب ناس الخرتوووووم

[عماد عبدالشكور]

يا دعوووووووب شكرا على تلك المعلومات واتمنى زيارة العسيلات في القريب العاجل انشاء الله

[مرتضى يوسف العركي]

الحبيب مصطفى دعوب :
العسيلات ..... وهل يخفى القمر موطن الرجال يكفيني من رجولتها وشهامتهم وشجاعتهم احدهم فقط اخي ورفيق دربي المقاتل سعادة المقدم عثمان النعمة دفعتي ....الذي عايشته بكلية الشرطة ثم اخذتنا الايام الى مناطق العمليات في جنوب كردفان كنت حينها ضابط امداد وهو على راس القوة المرابطة في منطقة هيبان محاصرا وحوله الاف المتمردين حينها انقطع عن العالم لمدة سنتين بالتمام والكمال فما ذادته الا يقينا وقوة ورباطة جاش اول من دخلت اليه فوجدته يصلي في خندق وحوله جنوده يرعاهم كاسرته فقد قدم الرجل نموذج من الوطنية الحقة وثبت ايما ثبات لا ادري ان منح نوط الشجاعة ام لا يزال بعد فالامر لايهم طالما بقى الايمان بوحدة هذا الوطن الحبيب .
التيحية له من على البعد والتحية عبركم لاهلنا بالعسيلات واهلها الرجال والعسل .

[مصطفي دعوب]

يا دعوووووووب شكرا على تلك المعلومات واتمنى زيارة العسيلات في القريب العاجل انشاء الله

مرحب بيك يالعمدة بين اهلك وناسك ونتشرف بزيارتك للعسيلات
لك كل الود

[انيس التوم]

الاخ مصطفي دعوب بالمناسبة انا مشيت العيسلات دي اكتر من مرة ايام ما كنا بنعمل في برنامج مكافحة الشلل وكنا موزعين بمحلية شرق النيل وانا كنت الوقت داك مسئول عن ارسال المعلومات الخاصة بالولاية كانت زكريات بالجد لا تنسى ناس كرم والله وناس طيبه والله كلهم واحد الكبير والصغير طيلة ايام تواجدنا بالمنطقة كانت كل طلباتنا من اهل المنطقة والله ده حق يقال يعني ما كنا نقدر نعمل اي حاجه يعني لوماشي الدكان تشتري حاجه تلقى في زول دفع ليك ده لو اصلا سيد الدكان شال منك القروش حتى الخواجات المعانا كان مستغربين من التعامل الرائع ده
تقبل مروري اخوك انيس التوم

[Madanawi]

تحية عبرك لكل أهل العسيلات والمناطق المجاورة

حقيقة أنني تشرفت بزيارة المنطقة لزيارة صديق من الدبيبة

وكانت زيارة جميلة ستظل في الخاطر الى الأبد لانني قابلت ناس

طيبين وأهل كرم وإقدام .. ولا يفوتني أن أذكر أنهم أهل ابداع وفن

دمت بكل الود يا مصطفى ،،

[عبدالمنعم الصديق(خدرا)]

والله تاريخ يادعوب
عشان كده نحن قروشنا الدفعناها فى الواطه اكيد ماوقعت واطه
واب عمه جاااااااكم ياناس العسيلات

[مصطفي دعوب]

الحبيب مصطفى دعوب :
العسيلات ..... وهل يخفى القمر موطن الرجال يكفيني من رجولتها وشهامتهم وشجاعتهم احدهم فقط اخي ورفيق دربي المقاتل سعادة المقدم عثمان النعمة دفعتي ....الذي عايشته بكلية الشرطة ثم اخذتنا الايام الى مناطق العمليات في جنوب كردفان كنت حينها ضابط امداد وهو على راس القوة المرابطة في منطقة هيبان محاصرا وحوله الاف المتمردين حينها انقطع عن العالم لمدة سنتين بالتمام والكمال فما ذادته الا يقينا وقوة ورباطة جاش اول من دخلت اليه فوجدته يصلي في خندق وحوله جنوده يرعاهم كاسرته فقد قدم الرجل نموذج من الوطنية الحقة وثبت ايما ثبات لا ادري ان منح نوط الشجاعة ام لا يزال بعد فالامر لايهم طالما بقى الايمان بوحدة هذا الوطن الحبيب .
التيحية له من على البعد والتحية عبركم لاهلنا بالعسيلات واهلها الرجال والعسل .

حبيبنا واستاذنا الحلامابي لك في القلب مكانة ولك في قلوب كل اهل العسيلات مكانة اكبر وليت لو كان في القلب مساكن لأسكنتك في قلبي ناصية .
تتشرف العسيلات بصحبتكم وتتشرف اكثر بزيارتكم .
نتمني ان نلتقي في السودان وفي مدني وفي العسيلات حتي تعطر العسيلات بموطئ قدمك . والدعوة موجهه لكل اهل مدني لزيارة العسيلات ,
ويا ضيفنا لو زرتنا لوجدتنا نحن الضيوف وانت رب المنزل .

[مصطفي دعوب]

الاخ مصطفي دعوب بالمناسبة انا مشيت العيسلات دي اكتر من مرة ايام ما كنا بنعمل في برنامج مكافحة الشلل وكنا موزعين بمحلية شرق النيل وانا كنت الوقت داك مسئول عن ارسال المعلومات الخاصة بالولاية كانت زكريات بالجد لا تنسى ناس كرم والله وناس طيبه والله كلهم واحد الكبير والصغير طيلة ايام تواجدنا بالمنطقة كانت كل طلباتنا من اهل المنطقة والله ده حق يقال يعني ما كنا نقدر نعمل اي حاجه يعني لوماشي الدكان تشتري حاجه تلقى في زول دفع ليك ده لو اصلا سيد الدكان شال منك القروش حتى الخواجات المعانا كان مستغربين من التعامل الرائع ده
تقبل مروري اخوك انيس التوم

اهلاً اخي انيس التوم
ياريت لو كنا موجودين في ذلك الوقت حتي نتشرف بمعرفتك اكثر واتمني ان تتكرر الزيارة مرة أخري بدعوة مني .
والكرم شيمة كل أهل السودان وليس ذلك بمستغرب . بس الخواجات هم الما بعرفو هذه الخصلة الجميلة التي حبانا الله بها .
لك ودي وحبي اخي انيس .

[مصطفي دعوب]

تحية عبرك لكل أهل العسيلات والمناطق المجاورة

حقيقة أنني تشرفت بزيارة المنطقة لزيارة صديق من الدبيبة

وكانت زيارة جميلة ستظل في الخاطر الى الأبد لانني قابلت ناس

طيبين وأهل كرم وإقدام .. ولا يفوتني أن أذكر أنهم أهل ابداع وفن

دمت بكل الود يا مصطفى ،،

مشكور اخي مدناوي ونحن الذين تشرفنا بزيارتك
ونتمني ان تتكرر الزيارة في وطنك الثاني وبين اهلك وناسك
مع تحياتي لك

[مصطفي دعوب]

والله تاريخ يادعوب
عشان كده نحن قروشنا الدفعناها فى الواطه اكيد ماوقعت واطه
واب عمه جاااااااكم ياناس العسيلات

أكيد ما وقعت واطه يا عبد المنعم ونحن جيرانكم كان في العسيلات أكان في الجريف شرق
وبي عمتك دي تعال ابقي مأذون لي حلتنا

[عبدالمنعم الصديق(خدرا)]

أكيد ما وقعت واطه يا عبد المنعم ونحن جيرانكم كان في العسيلات أكان في الجريف شرق
وبي عمتك دي تعال ابقي مأذون لي حلتنا
قبلت التكليف يادعوبه
لكن على شرط
اول عقد اعقد لروحى
انا الناس كان ماناسبتهم مابجاورهم

[هشام السماني إبراهيم]

مصطفى والله الاخوان قالو ووفو

وانتى عارف اصحابي كلهم من اهلك

واحب اقول ليك اتشرفت بي معرفتك اخي مصطفى دعوب

[مصطفي دعوب]

مصطفى والله الاخوان قالو ووفو

وانتى عارف اصحابي كلهم من اهلك

واحب اقول ليك اتشرفت بي معرفتك اخي مصطفى دعوب

فعلاً الاخوان ماقصرو
واصحابك ديل اولاد عمي
ونتشرف بمعرفتك وبزيارتك للعسيلات