المساعد الشخصي الرقمي

مشاهدة النسخة كاملة : حوار بين مغترب ... ومستغرب


عثمان جلالة
22-08-2007, 12:47 AM
توووووت .. توووووت تووووت
* الووو
* اهلا وسهلا
* دكتور عمار
* اهلا يا محمد كيف حالكم
* والله تمام ... بس فاقدنكم

* اها يا دكتور لقيت البلد كيف ... ناس مستوصفكم هنا بسألوا عنك بكثره
* والله يا محمد البلد .. حالها ما بسر .. فيضانات .. وأمراض .. وعدم اهتمام على كل المستويات .. وربنا يسهل .. بمناسبة يسهل دي ... النزلات المعويه والاسهالات كتيره اليومين ديل ... ضبان ما يديك الدرب:p
* براك يا دكتور .. أنا ماشي البلد .. داير استقر نهائي .. أولى بي بلدي ... كنت شغال بى راتب ولا في الاحلام .. ومأمنين ليك بيت وعربيه .. الجابرك على الحاله دي شنو؟؟؟؟
* يا محمد يا ها بلدنا ... ويانا الراجعين ليها كان طال الزمن ولا قصر .... لكن المشكله ما في البلد ..... المشكله .... (تيت تييتيتتتتت)

ألو ألوووووووووووووووووو ......................

توووت ... تووووت ... توووت

أيوه يا محمد ... معليش الخط قطع ... في عندنا بررررق ..حااااار .. عليك الله أولادك كيف
* والله كويسين .. وجاييينا جري المدارس .. وقومة ... قبل أذان الفجر

* أها يا دكتور ... مشروعك عملت فيهو شنو ؟؟؟
* أسكت سااااي يا محمد ... والله جنس بهدله .... زول تلقاه في مكان عملوا ولا مكتبوا مافي .. امشي وتعال .. أمشي تعال ... غايتو ... قريشاتنا ديل ..ح نكملن مواصلات ... أسي كان الواحد أجنبي ولابس ليهو عقال ... كان ناس الاستثمار يجووك لحدي عندك .. ود البلد ولا الغريب؟... لكن مين بقول البغلا في الابريق!!!! وبى مناسبة البغلا دي .... هنا عندنا كل شي بغلا

* طيب ما دام ... غلبتك ... تعال راجع؟
* أرجع وين .. للهم الشفناهو ... والضقناهو في الغربه ... كلوا حااااار ... الله يصبرنا

* تعرف يا محمد ... نحن كل شي عندنا ... بس كان الناس دي ختت الرحمن في قلبها وبطلت الجشع .. والانتهازيه ... وعدم الاهتمام ... بنبقى .. ولا أمريكا

* يا دكتور ... نحن قبيل شن قلنا .. قلنا الطير بياكلنا ... أنا قلت النشوفك ... كيف مع تجربة الاستقرار .. لكن الظاهر .. فاشله .. اسمع ... مافي طريقه .. تشوفوا حل لل .....

تيت تتتتيييييييت تييييييييت .....

(نأسف لن تستطيع إجراء هذه المكالمة .. لعدم توفر رصيد كافي في حسابك .. الرجاء إعادة الشحن وشكراً)
ود ام تريبات
22-08-2007, 01:33 AM
ياجلالة
ما نسافر يعني ؟؟

ده شنو الاحباط ده !!
SpecterPortbail
22-08-2007, 01:35 AM
هههههههههههههههه
والله ياهو الحاصل ... ربنا يصلح الحال ..
لكن السودان ما بتبدل بأي مكان الناس هنا عايشه في أمان الله مبسوطيييييييييييييين ويدفعوا لي بعض في المواصلات ... تتلفت وراك تقول في شكله خلا ص الله يستر لمن تتلفت تلقي في أحد داير يدفع للتاني متخلي ياخي... والله ماممكن ... يازول شيل أيدك ... يازول قول خير ... لا والله ...
و أحد تاني بتكلم مع الجنبوأ: والله مسكلت ليه لكن مابرد شكلوا ما عندو رصيد ...
وأحد تاني في شباك الحافلة خالط ليه وأحده و بتكلم عن المحاضرات و أنا ما باصي في الأمتحان داء ...
و أحد تاني ماشي المغتربين يخلص إجراءاته ورأجع الغربه تاني يازول أقيف هنا إسكسس ما عندك فكة والله ما عندي و الله المغتربين ديل عزبونا الوأحد يديك خمسين الف علشان الف جنية هو بالله الهايس بقي بي ألف جنية طيب 400 جنيه دي شنو دي الحافله يعني ما عارفها ؟؟؟ طيب كان أركب لي أمجاد كلها بي 5000 الف لكن قلت المشوار قريب طيب حرك يازول الباقي ... الكمساري يامعلم بالله عليك فك الخمسين دي السواق رجع ليه مافي فكه والله كرهتونا هاك أمسك ... أسكسس حرك يامعلم ...
و أحد بي يدو جريده و الله الهلال دي أحسن فريق حالياً لكن برضوا ما بشيلوا الكاس ... يازول ماتبالغ بي مستواه الأخير داء ما في زول بغلبو يازول أنت ما بتعرف كوره ولا شنو؟؟؟ ...
ووأحد تتكلم مع صاحبتها خلاص أشوفك بعدين في السوق العربي جنب أبو جنزير طيب ما تتأخري علي ...أسكسس ماقلت ليك وقف ياخي لكن الطين أقيف ليك وين برضوا ماعندك فكه ... ياولد عليك الله أمش فك من ست الشاي ديك ... حرك يمعلم
لاحوله ولاقوه إلا بالله شوف الحادث داء والله غلطان بتاع الركشه يازول بتاعين الركشات ديل كتلوا الناس كلهم الله يستر بس ...
عسكري المرور : أقفل بابك يازول ولا بديك مخالفه طيب ... ياولد أقفل الباب
عليك الله شوف بتاع الأتوس داء أنعل أبو العلمك السواقه بليييييد
دقيقة الأشاره حمراء قربت تفتح ما تنزل تجيب لينا مصيبه سريع سريع طيب طيب
بالله عليك وطي صوت المسجل داء شويه أنت ماشي ليك سيره بإمتعاض وغضب كويس كويس خلاص وطيناه ...
والله ما عارف بتاعين الحفلات دي بصابقوا في شنوا الدنيا طايره التقول
يامعلم معاهو 500 جنية نشيلو أركب أركب ...
الأمور ماشه و الناس عايشه في أمان الله ...
تريبات تعال ساي كان داير تجي
حافظ الليبى
22-08-2007, 01:46 AM
:D
توووووت .. توووووت تووووت
* الووو
* اهلا وسهلا
* دكتور عمار
* اهلا يا محمد كيف حالكم
* والله تمام ... بس فاقدنكم

* اها يا دكتور لقيت البلد كيف ... ناس مستوصفكم هنا بسألوا عنك بكثره
* والله يا محمد البلد .. حالها ما بسر .. فيضانات .. وأمراض .. وعدم اهتمام على كل المستويات .. وربنا يسهل .. بمناسبة يسهل دي ... النزلات المعويه والاسهالات كتيره اليومين ديل ... ضبان ما يديك الدرب:p
* براك يا دكتور .. أنا ماشي البلد .. داير استقر نهائي .. أولى بي بلدي ... كنت شغال بى راتب ولا في الاحلام .. ومأمنين ليك بيت وعربيه .. الجابرك على الحاله دي شنو؟؟؟؟
* يا محمد يا ها بلدنا ... ويانا الراجعين ليها كان طال الزمن ولا قصر .... لكن المشكله ما في البلد ..... المشكله .... (تيت تييتيتتتتت)

ألو ألوووووووووووووووووو ......................

توووت ... تووووت ... توووت

أيوه يا محمد ... معليش الخط قطع ... في عندنا بررررق ..حااااار .. عليك الله أولادك كيف
* والله كويسين .. وجاييينا جري المدارس .. وقومة ... قبل أذان الفجر

* أها يا دكتور ... مشروعك عملت فيهو شنو ؟؟؟
* أسكت سااااي يا محمد ... والله جنس بهدله .... زول تلاقاه في مكان عملوا ولا مكتبوا مافي .. امشي وتعال .. أمشي تعال ... غايتو ... قريشاتنا ديل ..ح نكملن مواصلات ... أسي كان الواحد أجنبي ولابس ليهو عقال ... كان ناس الاستثمار يجووك لحدي عندك .. ود البلد ولا الغريب... لكن مين بقول البغلا في الابريق!!!! وبى مناسبة البغلا دي .... هنا عندنا كل شي بغلا

* طيب ما دام ... غلبتك ... تعال راجع؟
* أرجع وين .. للهم الشفناهو ... والضقناهو في الغربه ... كلوا حااااار ... الله يصبرنا

* تعرف يا محمد ... نحن كل شي عندنا ... بس كان الناس دي ختت الرحمن في قلبها وبطلت الجشع .. والانتهازيه ... وعدم الاهتمام ... بنبقى .. ولا أمريكا

* يا دكتور ... نحن قبيل شن قلنا .. قلنا الطير بياكلنا ... أنا قلت النشوفك ... كيف مع تجربة الاستقرار .. لكن الظاهر .. فاشله .. اسمع ... مافي طريقه .. تشوفوا حل لل .....

تيت تتتتيييييييت تييييييييت .....

(نأسف لن تستطيع إجراء هذه المكالمة .. لعدم توفر رصيد كافي في حسابك .. الرجاء إعادة الشحن)




حبيبنا جلالـــــ : سلام :ــــــه
والله دى جهجها .... ما حوار بين مغتلرب ... ومستقرب
لكن عاى العموم ياجلاله الله يسامحك ياخى انا اعصابى دى بايظه
تقوم تمتحنى اكتر من كدا..........
وتقبل مرروى ياحبيبنا
:D :D :D
عثمان جلالة
22-08-2007, 02:01 AM
ياجلالة
ما نسافر يعني ؟؟

ده شنو الاحباط ده !!

نأسف هذا الرقم لا يمكن الاتصال به الآن ... نرجو معاودة الإتصال ... في وقت لاحق :p :D
هشام السماني إبراهيم
22-08-2007, 02:02 AM
* طيب ما دام ... غلبتك ... تعال راجع؟
* أرجع وين .. للهم الشفناهو ... والضقناهو في الغربه ... كلوا حااااار ... الله يصبرنا




جلالة والله محل ماتقبل حار والايام بتجري وعمر ماراضي يستنى تقول ليو امس حصل شنو يقول ليك اللحق الليلة وياريت تلحقها
مدنيّة
22-08-2007, 02:02 AM
والله ياجلال ياهو حالكم السامعاه منكم
بس اتخيل لي حار لحار افضل ليكم حار بلدكم ولا شنوووو :D
هشام السماني إبراهيم
22-08-2007, 02:05 AM
أيوه يا محمد ... معليش الخط قطع ... في عندنا بررررق ..حااااار .. عليك الله أولادك كيف
* والله كويسين .. وجاييينا جري المدارس .. وقومة ... قبل أذان الفجر

اها والحصل على البيت شنو الموية دخلت ولا كيفن والزراعة غرقت قلو مطرة حدها النـ.....
هشام السماني إبراهيم
22-08-2007, 02:08 AM
والله ياجلال ياهو حالكم السامعاه منكم
بس اتخيل لي حار لحار افضل ليكم حار بلدكم ولا شنوووو :D



هع هع والمكيفات دي نسيبها لي منو امشو لي جنس الكهرباء البقت كرت تجي تشحن الشبكة مشغولة حاليا :D طبعا دا لو مع المطر في كهرباء :D :D
مصطفي دعوب
22-08-2007, 02:14 AM
مشتاقين بالجد والله مشتاقين ولي رؤياك تتوق العين
لي شوفتك نشابي سنين ولي قربك دوام طالبين
شوقنا إليك بحر بيفيض وباالشوق ديمة غرقانين
بحور شوفك تفيض لمتين وياالاشواق مراسيك وين
مشتاقين
بسافر في الخيال ديمة وأرجع ما ألاقي معين
يخفف من عذاباتي تسيل الدمعة في الخدين
بسرح جوه في عينيك وأمرح في سواد العين
أختك إنتي في جواي أشيلك في العين
مشتاقين

بالرغم من المرارات تظل انت ياسوداننا في قلوبنا
نظل دائماً مشتاقين
نحلم دائماً في نومنا ويقظتنا بالرجوع للسودان
يقال ان الإنسان لا يحس بقيمة الشئ إلا عندما يفقده
هكذا نحن
عرفنا قيمة الوطن الحبيب السودان
عرفنا قيمة أهلنا الطيبين
عرفنا قيمة كل شئ في السودان
كتاحتة ، سخانتة ، اجتماعياته ، أفراحه ، أتراحه
والغريب عن وطنوا مهما طال غيابو مصيرو تاني يرجع لأهله وصحابه
مصيرنا نرجع للسودان طال الزمن أو قصر
مدنيّة
22-08-2007, 02:17 AM
هع هع والمكيفات دي نسيبها لي منو امشو لي جنس الكهرباء البقت كرت تجي تشحن الشبكة مشغولة حاليا :D طبعا دا لو مع المطر في كهرباء :D :D

تعرف ياهشام بالجد اي حاجة عندنا بقت بالكرت
كهرباء بالكرت
موبايل بالكرت
تلفون البيت بالكرت
المرتب بالكرت (بطاقة صرافة )



همسة : لسة ماظهرت اي نتيجة تبرئ ساحتك من الادعاء ياهشام :D
عثمان جلالة
22-08-2007, 02:25 AM
ود بورتبيل ... العشا اب لبن .. لك التحيه .... أرجع وين ... أنا ما عندي قروش ... ولا استثمارات .. وشغل مافي ... وواسطه مافي .... عندكم لينا حل ورونا ليه ... وعن بلدنا ... هشام صديق قال ... زي كلام شاعر بقدر في بلدنا الحاله واحده ... الزمن بروح أوانطه ... هنا ... وهناك .... أنتو تجربة الاستقرار ... أفيدونا ؟؟؟؟؟
عثمان جلالة
22-08-2007, 02:28 AM
:D

حبيبنا جلالـــــ : سلام :ــــــه
والله دى جهجها .... ما حوار بين مغتلرب ... ومستقرب
لكن عاى العموم ياجلاله الله يسامحك ياخى انا اعصابى دى بايظه
تقوم تمتحنى اكتر من كدا..........
وتقبل مرروى ياحبيبنا
:D :D :D

وين حنهرب من مصيرنا ... ده الواقع حبيبي الليبي ... ده الواقع المر ... يا ريت لو نحن هناك ... كان بنكون راضيين .. لا شفنا ولا سمعنا .. الحل شنو ؟؟؟؟ رأيكم يهمنا
عثمان جلالة
22-08-2007, 02:32 AM
جلالة والله محل ماتقبل حار والايام بتجري وعمر ماراضي يستنى تقول ليو امس حصل شنو يقول ليك اللحق الليلة وياريت تلحقها

الرائع .. هشو .. مشتاقين .. كتير للحله .. والعمر رايح ومافي نتيجه .... (انت بالذات مفروض تلحق نفسك)

همسه :
أبوك كتر خيره اتصل علي ...... والرصيد ما كمل:p
عثمان جلالة
22-08-2007, 02:36 AM
والله ياجلال ياهو حالكم السامعاه منكم
بس اتخيل لي حار لحار افضل ليكم حار بلدكم ولا شنوووو :D



والله يا أم آيه .. اخير حر بلدنا ...على الأقل في حوش .. كان كتر عليك الحررررررر
تعرفي يا مدووون أمس ... في الرياض ... الكهربا عندنا قاطعة (3) ساعات ... في السخانه دي ومشمش بتي ... ختينا ليها جردل .. من العرق ... برضو تقولي لي ... غربه ومكيفات .. والله الكلام ده حقيقه
عثمان جلالة
22-08-2007, 02:39 AM
هع هع والمكيفات دي نسيبها لي منو امشو لي جنس الكهرباء البقت كرت تجي تشحن الشبكة مشغولة حاليا :D طبعا دا لو مع المطر في كهرباء :D :D

تعرف في السودان بقى الشحن حق الكهربا بالجوال ... ترسل رساله .. يخصم من رصيدك .. تجيك الكهربا ... دي عندكم في بلدكم :p
عثمان جلالة
22-08-2007, 02:44 AM
مصطفى دعوووب .. أحي حبك للوطن السودان ... لكن تخيل تمشي .. لى وطن بشوق وهمه .... وتحبط من الحاصل فيهو!!!!! مع إنها ما عندها علاقه بالوطن لكن ... بتعمل ليك إحبااااااااط

همسه بزيت اللقيمات

والله والله ... لقيمات السودان ما في زيها :p
SpecterPortbail
22-08-2007, 02:53 AM
ود بورتبيل ... العشا اب لبن .. لك التحيه .... أرجع وين ... أنا ما عندي قروش ... ولا استثمارات .. وشغل مافي ... وواسطه مافي .... عندكم لينا حل ورونا ليه ... وعن بلدنا ... هشام صديق قال ... زي كلام شاعر بقدر في بلدنا الحاله واحده ... الزمن بروح أوانطه ... هنا ... وهناك .... أنتو تجربة الاستقرار ... أفيدونا ؟؟؟؟؟



عزيزي جلاله
علي الخاص رسل السيره الذاتيه ... وما تشوف إلا كل خير إنشاء الله
حافظ الليبى
22-08-2007, 02:59 AM
وين حنهرب من مصيرنا ... ده الواقع حبيبي الليبي ... ده الواقع المر ... يا ريت لو نحن هناك ... كان بنكون راضيين .. لا شفنا ولا سمعنا .. الحل شنو ؟؟؟؟ رأيكم يهمنا

والله انا عنى نفسى باقى لى ( تلاته )وارجع لكن ما عارفك انتا
حترجع بتين :: لكن انتا عاوز راى انتا امشى قدامنا ونحنا بنلحققك
مرتضى يوسف العركي
22-08-2007, 03:13 AM
جلالة المتميز
بوست حلاوة لبن برغم من انك نجمتنا استغراب وصدق من كل الزوايا شكرا للقيمة العالية وشكرا للمفردة التي تنساب تحقيق هوية سودانية بحلو كلام وصفاء اهلنا الطيبين
عثمان جلالة
24-08-2007, 09:29 PM
والله انا عنى نفسى باقى لى ( تلاته )وارجع لكن ما عارفك انتا
حترجع بتين :: لكن انتا عاوز راى انتا امشى قدامنا ونحنا بنلحققك


حبيبنا الليبي .... خلي التجي الفرصه .. والضمانات عشان نرجع .... زمن الفوراس غار ... والمغامرات راح :p
عثمان جلالة
24-08-2007, 09:33 PM
جلالة المتميز
بوست حلاوة لبن برغم من انك نجمتنا استغراب وصدق من كل الزوايا شكرا للقيمة العالية وشكرا للمفردة التي تنساب تحقيق هوية سودانية بحلو كلام وصفاء اهلنا الطيبين

مستشارنا .. الحلامابي .. وضعنا فعلا محتاج لإستشاره لانو حرج ... وشكرا على التوهج .. والتفرد ... والمفردات .. الرائعات .. ومن كان نفسه بغير جمال ... لا يرى في الوجود شيئا ... جميلا