هاكم عيوني شوفوها بيهم

[admin]

<p align="justify">
اجازتي بمدني هذا العام كانت الاجمل بكل المقاييس .. ورغما عن الامطار الغزيرة والوفيرة والطرق المتسخة والطينية .. ورغما عن النقص الذي احدثه الموت بما اخذه من احباب خلال السنوات الماضية .. الا ان مدني كانت جميلة كعادتها وذات جو بديع خلاب .. حيث نبتت الحشائش في الميادين والشوارع وحتى في جدران المنازل .. ولبست المدينة حلة خضراء زاهية كانها تعلن انها مدينة صوفية تنتظر الاحتفال بالرجبية.. غابت الشمس معظم الايام وتوارت خجلا من ذلك الجمال المفرط .. ازداد عدد العربات والرقشات بشكل كبير مما زاد من الحركة الاجتماعية في البلد حيث تبدأ تلك المركبات في الانين كانها اسراب نحل تبحث عن حلو الرحيق واجوده .. فتغزل شوارع المدينة وازقتها منذ الصباح الباكر وحتى منتصف الليله .. وازداد جمال تلك الفترة بلقائي باخوتي واصدقائي اعضاء المنتدي الذين اصبحت لا اتحرك الى اي مكان الا معهم وبعلمهم .. وكما قال سواااح: اذا لم التقي في احد الايام باحد اعضاء المنتدي احس بنقص ذلك اليوم وخلوه.

الوصول
سبقتنا الامطار الغزيرة فلم تستطيع العربة التي اقلتنا من مطار الخرطوم الوصول الى المنزل فنزلت على الشارع الرئيسي .. حملت حذائي ونويت الخوض معا الخائضين .. وصفت الطريق من الشارع الرئيسي الى المنزل كانه حلقة من حلقات تلي متش .. حيث وقف ثلاثة من المدربين على جانب الطريق وبدات التوجيهات حتى وصلت الى المنزل .. ما تطلع في الحجر داك بذلك .. تعال بي جاي .. امشي في حوض الشجرة ديك .. دا خور نطو .. اوع الحديدة تجرحك .. وطبعا اخوك رشيق ينط من حجر لي حجر ولا واحد ظبط معاي مافي .. لكن بعد داك اتعودتا خصوصا بعد ما شفتا لي غنماية قاطعة بي نفس الشارع دا وتنط من حجر لي حجر عادي .. اول الواصلين لزيارتي كان ابوزيد وابوالنور لكن للاسف ما لاقيتهم في اليوم داك لاني اول ما وصلت اديتها نومة طويلة.
تاني يوم المساء ذهبت الى هانكس وقابلت ابوالنور والتيمان وشاكس وراسكال والجماعة هرشوني هرشة شديد وقلتا استعين بابسفروق فضربت لعم حسن اسالوا منو فقال لي : الزول دا قاعد جنبي .. وابسفروق طبعا ما بقصر عشر دقائق وكان معاي وبالمقابل اكملت فرقة المشاغبين عددها باستدعاء محمد المصطفى الشهيرب كبك .. واستمر النقاش الجميل لساعات واتفقنا بعدها على اللقاء غدا في زواج اخت محمد السر .. وفعلا مشينا العرس وزاد روعة اللقاء وجود محمد السر وسواح وعبدالرازق وهيثم عبدالعال وابوزيد طبعا بالاضافة الى نزار والمشاغبين.. وتحدثنا عن البرعي سنتر هل هو مناسب لعقد لقاء الغد حيث الاجتماع المقترح وتسليم الدعم لرابطة الاعلاميين .. وقررنا ان نذهب لرؤية الموقع حتى نحكم على الواقع .. وذهبنا انا ونزار وهيثم وسواح وابوزيد .. وبعد الاتفاق على الموعد والتكلفة فاجئنا ابوزيد بانه قام بدفع التكلفة كاملة وكمان معاها كيس باسطة كارب للادمن .. طبعا انا بعد داك بقى همي كيف ارجع عشان افتش الكيس حقى خصوصا انو هيثم عبدالعال مضايقني فيهو .. ويعاين لي ساكت داير يعمل ابوالقاسم .. حفل يوم الجمعة كان جميل وبديع والتقينا بالاخوة في رابطة الاعلاميين صالح حاج بخيت واسامه وتاج الاصفياء والمرضى و جمعة الزاكي وقد قام الاخ العزيز تاج الاصفياء بتغطية الحفل كاملا في مكان اخر على صفحات المنتدي .. وقامت الاخت مصباحية باحضار مصور خاص لتصوير الحفل فيديو اضافة لكاميرا التلفزيون التي كانت تسجل اللقاء .. وبعد تسليم الدعم امتد اجتماعنا حيث تناقشنا حول رابطة ملتقى ودمدني الوليدة التى سيكون مقرها وعملها بودمدني قاد النقاش مرتضى العركي وهيثم عبدالعال واصحاب الفكرة ابوزيد وابوالنور والمشاغبين وسواح وحمدتو .. اتفقنا اخيرا على ضرورة حصر اعضاء المنتدي الموجدين بمدني وضرورة عمل جمعية عمومية ومن ثم تكوين اللجنة الخاصة بعمل الرابطة وتم توكيل ابوزيد وحمدتو لمتابعة هذا الامر والخروج برؤية مستقبلية له.

</p>

وهذه بعض صور ذلك اليوم .. حتى نلتقي في بقية احداث الاجازة

[admin]

بقية الصور .. وسي دي الفيديو موجود لمن ارد نسخه

[هيثم عبدالعال]

والله إبداع ياريس ياقديم
ونحن كذلك تفردت إجازتنا وتميزت وإزدادت حلاوه بصحبتكم والشباب الظريف (السادين وراء )
بس موضوع الباسطه ده لسه مزعلني (2 كيلو يامفتري ) ولو نشرت صورتي بقاضيك وبطلب تعويض قطعة أرض في المنيره .

[ابوالنور]

يا سلام يا ريس اكان كدي النشوف لينا شغله ساكت قالو سمح الكلام في خشم سيدو وحقيقه كلامك حلو تسلم يا ريس
ما قلت ليك اتصالحت مع دكتور تاج الاصفياء

[مدنيّة]

<embed width="281" height="79" src=http://www.sudaneseonline.com/SudaneseMusic/music/MohamedElamin/wad%20medani.mp3>

[بورتبيل]

<p align="justify">
وصفت الطريق من الشارع الرئيسي الى المنزل كانه حلقة من حلقات تلي متش .. حيث وقف ثلاثة من المدربين على جانب الطريق وبدات التوجيهات حتى وصلت الى المنزل .. ما تطلع في الحجر داك بذلك .. تعال بي جاي .. امشي في حوض الشجرة ديك .. دا خور نطو .. اوع الحديدة تجرحك .. وطبعا اخوك رشيق ينط من حجر لي حجر ولا واحد ظبط معاي مافي .. لكن بعد داك اتعودتا خصوصا بعد ما شفتا لي غنماية قاطعة بي نفس الشارع دا وتنط من حجر لي حجر عادي ..

:D :D :D :D :D :D :D :D :D

لكين ما تقــــــول ليا بقيت تسرد القصص بطريقة حلوة شـــديد
وكان على الصــــور دي ناقصه يا ابوي ناقصه في ناس كانت قاعــدة ما اتصورت ولا شنو
ولا الفلاش بطشش بعيونهم الصغار ديــــل

ضحكتني بمشيك من الشارع الرئيسي لحد البيت.:D :D

[بورتبيل]

والله إبداع ياريس ياقديم
ونحن كذلك تفردت إجازتنا وتميزت وإزدادت حلاوه بصحبتكم والشباب الظريف (السادين وراء )
بس موضوع الباسطه ده لسه مزعلني (2 كيلو يامفتري ) ولو نشرت صورتي بقاضيك وبطلب تعويض قطعة أرض في المنيره .

يـــــــــا هيثم صورتــــــك الخايف عليها ,,,,,,,,, نشروها قبيييييييل!!!
وكان على التعويض ,, يا ابوي قطعة الوطه فـــــــــي المنيره :D في ياتو قانون دا قالو التعويض قطعة واطه :D

[عماد عبدالشكور]

تسلم يا ريس وتسلم عيونك

[عماد عبدالشكور]

والله إبداع ياريس ياقديم
ونحن كذلك تفردت إجازتنا وتميزت وإزدادت حلاوه بصحبتكم والشباب الظريف (السادين وراء )
بس موضوع الباسطه ده لسه مزعلني (2 كيلو يامفتري ) ولو نشرت صورتي بقاضيك وبطلب تعويض قطعة أرض في المنيره .
يا هيثم انت لسة ............... صورتك نشروها قبييييييييييييييييييل
قول بسم الله

[مدنيّة]

وكان على التعويض ,, يا ابوي قطعة الوطه فـــــــــي المنيره :D في ياتو قانون دا قالو التعويض قطعة واطه :D


بورتبيل ياخوي اسكت خليه
هيثم دا بتاع مشاكل ولو نوي عليها من غير قانون بشيلها يعني بشيلها :D

[admin]

والله إبداع ياريس ياقديم
ونحن كذلك تفردت إجازتنا وتميزت وإزدادت حلاوه بصحبتكم والشباب الظريف (السادين وراء )
بس موضوع الباسطه ده لسه مزعلني (2 كيلو يامفتري ) ولو نشرت صورتي بقاضيك وبطلب تعويض قطعة أرض في المنيره .

هي بالله كانت 2 كيلو .. ما حسيت بيها كثيرة كدي من شدة حلاوتها .. فاتتك والله معليش الاجازة الجاية بقسم ليك

[admin]

يا سلام يا ريس اكان كدي النشوف لينا شغله ساكت قالو سمح الكلام في خشم سيدو وحقيقه كلامك حلو تسلم يا ريس
ما قلت ليك اتصالحت مع دكتور تاج الاصفياء

والله تمام خلاص انا برسل ليك البحث عشان تطبعو وتوديهو ليهو .. بس قروش الطباعة عليهو :D

[هيثم عبدالعال]

والله يا عماد فاجأني بتاع الباسطه وروح علي التعويض
يا بورتبيل الخطه كانت أطلب تعويض مادي وصاحبنا يفشل في السداد أقوم أنفذ وأقبل القطعه ، لكن صاحبك عرفها
أنا بتاع مشاكل يا (مديده) على قول صاحبنا ذاتو

[admin]

:D :D :D :D :D :D :D :D :D

لكين ما تقــــــول ليا بقيت تسرد القصص بطريقة حلوة شـــديد
وكان على الصــــور دي ناقصه يا ابوي ناقصه في ناس كانت قاعــدة ما اتصورت ولا شنو
ولا الفلاش بطشش بعيونهم الصغار ديــــل

ضحكتني بمشيك من الشارع الرئيسي لحد البيت.:D :D

الصور الدايرها جاية لوك الصبر .. بس ماتنسى حق الطباعة والتحميض

[admin]

تسلم يا ريس وتسلم عيونك

الله يسلمك ياعمدة ياراقي

[admin]

بورتبيل ياخوي اسكت خليه
هيثم دا بتاع مشاكل ولو نوي عليها من غير قانون بشيلها يعني بشيلها :D



كان بقدر علي يا مديدة كان قدر شال الباسطة

[صالح ابوشوارب]

سرد جميل مع ريحة الطين والوزن التقيل
والحمد لله يا بكور ما لقيت مشاكل ( ومنقصات ) ذى اخونا هيثم عبد العال في اجازته (طبعا كنت زمان قايلو صغير السن ) وشابكو ابننا هيثم والحمد لله شفنا الصورة ..

ابومنار

[admin]

سرد جميل مع ريحة الطين والوزن التقيل
والحمد لله يا بكور ما لقيت مشاكل ( ومنقصات ) ذى اخونا هيثم عبد العال في اجازته (طبعا كنت زمان قايلو صغير السن ) وشابكو ابننا هيثم والحمد لله شفنا الصورة ..

ابومنار

كيف ما لقيت لقيت ونص .. لكن انتا عارف انا كنتا مشتاق للبلد شديد موش الوجه الجيد منها فقط بل كل الاوجه .. وكان نفسي اعيش المعاناة زي ما هم عايشنها زي ما نفسي اعيش معاهم الفرح .. عشان كدا استمتعا جدا بالاجازة .. يوم وصلتا امي قالت لي البس الجزمة (لامؤاخذة) قبل ما تدخل الطين عشان ما تجرحك قزازة .. قلتا ليها يمه انا جاي من هناك عشان القزازة دي تجرحني .. فكل حاجة حتى لو بسيطة كانت عندها معني كبير بالنسبة لي

[هشام السماني إبراهيم]

ان شاء الله دايما مبسوطين وملمومين على الخير والبركة

حمد لله على السلامة

[عماد عبدالشكور]

سرد جميل مع ريحة الطين والوزن التقيل
والحمد لله يا بكور ما لقيت مشاكل ( ومنقصات ) ذى اخونا هيثم عبد العال في اجازته (طبعا كنت زمان قايلو صغير السن ) وشابكو ابننا هيثم والحمد لله شفنا الصورة ..

ابومنار

عمنا واستاذ الكل صالح ابو شوارب
هيثم عبدالعال دا نحن لما كنا في الابتدائي كان هو متخرج من الجامعة وشغال محامي

[محمد السر احمد]

اولا نشكر الريس علي الرسرد الجميل
والله جد لمة كانت حلوه انشاء الله في الحرم
وانا بشكر كل الشباب الوصولنا وراسلونا وهاتفونا مهنين بزواج اختنا
طبعا الريس اكل خمسة صحانة ما خته في الكشف
ههههههههههههههههههههههههههههههههه

تخريمة:
يا اخونا المطرة شالت قطعت الريس ودته البحر
وبعدين الريس بالجد عمل لينا ازمة حقت تسالي في مدني
وجا المدد من الكاملين

[عثمان جلالة]

الراائع الآدمن لك التحية ... ومشكور على السرد الرائع ... بس منتظرين باقي الإجازه .. لكن .. اتنين كيلو .. كتيره ... باسطة وين؟؟ وبالله لو عندك صور عن مدني .. شوارع .. احياء .. نيل .. ورينا .. عشان مشتاقين

[محمد أحمد الشيخ]

والله يا ريسنا كان كده إجازاتنا تانا كلها بنبرمجها مع إجازتك
علي الأقل نضوق من الباسطات الكتيره دي .

[abomazeen]

أول حاجة : حمدالله على السلامة

وتاني حاجة : والله العظيم بحسك عديل كده على الإجازة دي
وتالت حاجة : من كل قلبي تستاهل كل الحفاوة واللمة دي ( أنت ساهل ولا ساهل ) !!!

بس عليك الله وبكل صراحة وقـعــت كم مرة في مويــة المطرة ( عادي ) أنا كل مرة بقــع واقوم تاني كمان بقــع من طولي !!!!

وكان اجازتك كل مرة زيد كده حلوة وبالطعم ده ( تضوقو رقية ) قولو آميييين ..!!

[ود المطامير]

يا ( عمدتنا )
ما أجملك وما أجمل روحك الجميله وأنت تتحرر من القيود
حينما يتحرر العصفور من القفص فإنه يغرد بمنتهى الجمال

الحمد لله على أننا كسبناك من الشعب وللشعب علشان تموتنا بالضحك .

[بدر الدين محمد]

الراائع الآدمن لك التحية ... ومشكور على السرد الرائع ... بس منتظرين باقي الإجازه .. لكن .. اتنين كيلو .. كتيره ... باسطة وين؟؟ وبالله لو عندك صور عن مدني .. شوارع .. احياء .. نيل .. ورينا .. عشان مشتاقين

حكاية الباسطة شنوووو يا ريس؟؟؟؟

[طلال الصول]

حمد الله على السلامة
ويجعل اجازاتك سعيدة

[admin]

ان شاء الله دايما مبسوطين وملمومين على الخير والبركة

حمد لله على السلامة

الله يبارك فيك وأن شاءالله المرة الجاية تكون معانا ياحنين

[admin]

اولا نشكر الريس علي الرسرد الجميل
والله جد لمة كانت حلوه انشاء الله في الحرم
وانا بشكر كل الشباب الوصولنا وراسلونا وهاتفونا مهنين بزواج اختنا
طبعا الريس اكل خمسة صحانة ما خته في الكشف
ههههههههههههههههههههههههههههههههه

تخريمة:
يا اخونا المطرة شالت قطعت الريس ودته البحر
وبعدين الريس بالجد عمل لينا ازمة حقت تسالي في مدني
وجا المدد من الكاملين

ودالسر ازيك وان شاءالله تسالي الكاملين عجبك .. والعرس فعلا كان جميل جدا.. ان شاءالله بيت مال وعيال .

[admin]

الراائع الآدمن لك التحية ... ومشكور على السرد الرائع ... بس منتظرين باقي الإجازه .. لكن .. اتنين كيلو .. كتيره ... باسطة وين؟؟ وبالله لو عندك صور عن مدني .. شوارع .. احياء .. نيل .. ورينا .. عشان مشتاقين

الله يخليك يا جلالة وهاك دي بعض الصور الخاصة جدا

[admin]

والله يا ريسنا كان كده إجازاتنا تانا كلها بنبرمجها مع إجازتك
علي الأقل نضوق من الباسطات الكتيره دي .

موش كدا .. والله تكون فكرة حلوة لو قدرنا كلنا ننزل في فترة واحدة

[admin]

أول حاجة : حمدالله على السلامة

وتاني حاجة : والله العظيم بحسك عديل كده على الإجازة دي
وتالت حاجة : من كل قلبي تستاهل كل الحفاوة واللمة دي ( أنت ساهل ولا ساهل ) !!!

بس عليك الله وبكل صراحة وقـعــت كم مرة في مويــة المطرة ( عادي ) أنا كل مرة بقــع واقوم تاني كمان بقــع من طولي !!!!

وكان اجازتك كل مرة زيد كده حلوة وبالطعم ده ( تضوقو رقية ) قولو آميييين ..!!

الله يسلمك يا ابومازن .. الحمدلله ماوقعتا ولا مرة .. هو كان انا وقعتا كان جيت راجع

[admin]

يا ( عمدتنا )
ما أجملك وما أجمل روحك الجميله وأنت تتحرر من القيود
حينما يتحرر العصفور من القفص فإنه يغرد بمنتهى الجمال

الحمد لله على أننا كسبناك من الشعب وللشعب علشان تموتنا بالضحك .

لكن التسريحة عندك .. قلتا لي جنسها شنو البقرة اللحست ليك صلعتك ديك ههههههههه

[admin]

حكاية الباسطة شنوووو يا ريس؟؟؟؟

داير تدردقني يا بدرالدين وتوقعني في المحظور .. هوووووي انا ما الريس خلي الريس يجي يرد عليك

[admin]

حمد الله على السلامة
ويجعل اجازاتك سعيدة

كيفك يا طلال ان شاءالله تمام التمام .. قابلنا طبعا والدك في منزل خالد الصول واستمتعنا كثير بالحديث معه .. ربنا يخليهو ليكم ويديهو الصحة والعافية

[عوض صقير]

الأجازة عندك والله

غايتو أجازتى القادمة معاك معاك

( الحجل بالرجل )

[admin]

وصول ابورجاء
<p align="justify">
بعد احتلالنا الكامل لشركة ابوزيد اصبح الفطور يوميا في قسم الصيانة .. ودائما فطور لذيذ وزاكي وملئ بالبركة .. حفاوة كبيرة وجدناها لديهم فاصبحت ابواب المكاتب تفتح لنا حتى في غياب ابوزيد نفسه .. حيث ترك لنا ابوزيد المكتب والشركة واصبح يعمل في البرنده بعد احتلالنا لكل اجهزة الكمبيوتر في المبني .. اليوم داك جيت داخل المكتب لقيت ابوزيد مشغول بتكلم بالتلفون وقامت البت الشغالة معهم حدرت لي.. لانو انا دائما بكون اخدتا لي كم غطسا في الطين قبل ما اصلهم .. وبجي بملأ المكتب بالطين .. فقلتا احسن اطلع بره جنب الباب واحاول اخفف الطين شوية بكم خبطة في مدخل العمارة .. اها وانا واقف اشوف ليك عربي جاي من بعيد شايل ليهو كيسين وكامرا (كاميرا) وبتكلم في الموبايل : " اي خلاص لقيتو .. والله دا شكلو ياهو .. خلاص مع السلامه ياشبارقة" .. وطلع دا صاحبنا ابورجاء واحد من الكيسين فيهو اكسترنال هاردسك+ انترنال هاردسك+مروحة بروسيسور+ حبتين ذاكرة 256 ميغابايت+ ووصلاتهم .. الكيس دا والكامرا كل يوم ابورجاء بجي شايلهم معاهو السوق يفسحهم ويرجع .. والكيس التاني فيهو الكرت الخاص بتلفزيون الجزيرة .. المهم بعد تبادل التحايا والسلامات والشمارات السريعة اتفقنا سريعا على عمل مقلب صغير يكون ضحيته ابوزيد .. وفعلا دخلنا على ابوزيد وقلتا ليهو : الزول دا مقطوع ماعندو حق المواصلات وعندو الحاجات دي قال عايز يبيعها وانا قلتا ليهو الزول دا بشتريها منك .. انطلى المقلب على ابوزيد واخذ في تقليب البضاعة وعماد ابورجاء يضايقه بالحديث .. ياخي ما براحة على الكرت .. انتا كان ما دايرو خليهو .. ياخي ما تضايق .. المهم ابوزيد بعد ماطلع الكرت من الكيس عرف بسرعة انو الكرت دا قيم جدا وان الموضوع فيهو قصة واكتشف المقلب.
اتحركنا بعد ذلك الى جامعة الجزيرة للقاء خالد الصول ومصباحية .. استقبلتنا مصباحية بالبارد والشاي وعرفتنا على زملائها بالعمل وتبادلنا الحديث عن المنتدي والموقع ودورهم .. وطبيعة عملها وعمل القسم الذي تعمل به.. وسالنا عن خالد الصول فقيل لنا انه مشغول بعمل بعض المعاينات.. وفي طريقنا الى خارج الجامعة لمح ابوزيد عربية خالد الصول متحركة .. اتفقت سريعا مع ابورجاء حول المقلب التالي وانطلقنا خلف خالد الصول.. وبعد السلام والتحايا قلت له : ياهو دا الراجل القال عايز يشتري العربية. . فشرع خالد بذكر محاسن السيارة وعيوبها والسبب الذي جعله يفكر في بيعها .. وانه كان ينوى شراء الكلك بتاعت نزار .. وقال له عماد انه مستعد للمقايضة بقطعة ارض في موبي .. فثارت ثورة خالد الصول وقال له انا بقول عايز ابيعها عشان اشتري عربية تانية تقول لي ارض .. وفي هذه اللحظات انفجر ابوزيد بالضحك وانكشف الموضوع.
في اليوم التالي ذهبنا انا وابورجاء وابوزيد لتسليم الكارت للاستاذ صلاح ابوالقاسم الذي استقبلنا بحفاوة بالغة وتناولنا معه وجبة الفطور .. وتبادلنا الحديث عن الموقع والمنتدى والتطور الالكتروني الذي يجب ان يحدث في تلفزيون الجزيرة .. والتقينا بكبير مهندسي الحاسب الالي لديهم المهندس / عبدالمجيد .. حيث شرح لنا العجز الكبير لديهم في قسم الكمبيوتر .. والحوجة الماسة لتطوير القسم لديهم .. وتحدث ابوزيد عن التحديثات الحالية المتوفرة في مجال الكمبيوتر والتى من الممكن ان تساهم بتحقيق هذا التطور المطلوب بقسم الحاسب الالي بتلفزيون الجزيرة .. ثم بعد ذلك تحرك جمعنا بقيادة مدير التلفزيون الاستاذ صلاح ابوالقاسم وقمنا بعمل جولة على بعض الاقسام في التلفزيون خصوصا قسم الكمبيوتر.
وبعد ذلك اتجهنا الى مقابلة الاخ الاستاذ/الصادق ساتي في اذاعة ودمدني حيث استقبلنا استقبالا بشوشا ملئ بالحب والفرح تحدثنا قليلا عن النقلة الكبيرة التى حدثت في اذاعة ودمدني وامكانية وصولها للمستمعين في كل مكان .. ومن ثم اخذنا الصادق لمقابلة مدير الاذاعة الاستاذ الفاضل/مصطفى .. حيث دار حديث طويل ثر عن الاذاعة والمنتدي والاتجاهات والخطط المستقبلية التى تنوي الاذاعة القيام بها .. وشدد الاستاذ/ مصطفى على ضرورة تسجيل حلقة اذاعية مع اعضاء المنتدي..

ابورجاء قال لو نشرتو صورتو بخلي المنتدي .. لكن الصراحة بورتبيل دفع لي 500ريال مقابل نشر الصورة وقلتا لي ابورجاء بديك نصها فوافق بعد اصرار شديد وهاكم الشخص الذي طال انتظاركم له
</p>
ونواصـــــــــــــــــــــــــــــــل،،،

[نزار حسن محمد]

عفيت.. منك يا ملك الشمارات ..
اول امره اكتشف انه الناس الضعاف ديل بتاعين شمارات تخصص انت فى العام وعماد محمد فى النفاج ...
لكن ماشاءالله ...سرد رائع وجميل ..جمال بيان الانقلاب فى انتظار التفاصيل الصغيره..
عميد اركن حرب
ابوسفروق

[عمر سعيد]

عمدتنــا الحبيب بكري

فعلاً الكلام سمح من خشم سيده ... سرد جميل ورائع ... وعرض مصور جعلنـا نعيش الحدث .... استخلصنا منه الآتي : ــ

ـ تتمتع بملكات في السرد القصصي ... يمكن تنميتها وسأضمن لك وقتها مهنة إضافية ستدر عليك مالاً وفيراً .

[عمر سعيد]

ـ لم يتبدل حال مدينتنــا الحالمة ( ودمدني ) فالأمر كما هو بمجرد هطول الأمطار ، فإنها تغرق لأيام طوال في بحيرات تغطي معظم شوارعها ... وبحيرات من المياه في أحيائها !! ... وبعوض يجوب شوارعها .

[عمر سعيد]

ـ واضح هذا العشق الجميل لست المدائن ... وليك حق فرغم المعاناة ... فالبلد ما زالت بخيرها ، طالما فيها شباب أمثال ( أبوزيد محمد نور ونبيل حمدتو والسلامي وأبوالنور وخالد الصول وصباحية وسواح وعماد أبو رجاء والتيمان وشاكس وراسكال ... وبقية العقد الفريد ... مجموعة من الأفذاذ ... رفعوا رأســنا ، وأعادوا لنا ذكرى أيامٍ خوالي ... وأنا أحييهم وأشكرهم لكل ما فعلوه معكم ... ً . فجزاءهم عنا وعنك خيراً ...

فكم أنت جميلة رائعة يا ودمدني وأنت تستقبلين محبيك .

[عمر سعيد]

ـ وقفت كثيراً ... أمام إصرار السيدة والدتكم ـ حفظها الله ومتعها بالصحة والعافيـة ـ وهي تحثكم على لبس الحذاء خوفاً من المصائب المصاحبة للوحل وبرك المياه ... وكما يقولون فالأم هي نبـع الحنـان المتدفـق بل هي الحنـان ذاتـه يتجسد في صورة إنسان.
وأذكر مقولة مأثورة لشكسبير : (( ليس في العالم وســادة أنعم من حضن الأم )) .

وســلمت .. وتســلم عينيــك ياعمدة ... وربنا يحقق لينــا دعوة سعادة المستشار عوض صقير ... ويجمع شملنـا جميعاً في إجازة في توقيت متفق عليه مســبقاً لتكتمل السعادة.

مع خالص الود والتقدير .

[الزبير محمد عبدالفضيل]

مشكور ياريس علي هذا الاتحاف لقد أتحفتنا فعلا بهذا السرد الجميل وخليتنا نعيش في مدني

بكل حواسنا لك الشكر الجزيل علي هذه الاخبار الجميله عن مدني وأهل مدني الطيبيين

[بورتبيل]

وصول ابورجاء
<p align="justify">

ابورجاء قال لو نشرتو صورتو بخلي المنتدي .. لكن الصراحة بورتبيل دفع لي 500ريال مقابل نشر الصورة وقلتا لي ابورجاء بديك نصها فوافق بعد اصرار شديد وهاكم الشخص الذي طال انتظاركم له
</p>
ونواصـــــــــــــــــــــــــــــــل،،،

:D :D :D :D :D

ابقــــــــــى قابلنـــــي لو لقيت عند 50 ريال

ولا اقـــــــــول ليك هاك صورة شبــــــــــارقة دي وخليـــنا نكون حبايب

:D :D :D :D :D

[admin]

الأجازة عندك والله

غايتو أجازتى القادمة معاك معاك

( الحجل بالرجل )

والله ياريتك كنتا معانا .. فعلا اجازة حلوة شديد كانت فاقداك

[admin]

عفيت.. منك يا ملك الشمارات ..
اول امره اكتشف انه الناس الضعاف ديل بتاعين شمارات تخصص انت فى العام وعماد محمد فى النفاج ...
لكن ماشاءالله ...سرد رائع وجميل ..جمال بيان الانقلاب فى انتظار التفاصيل الصغيره..
عميد اركن حرب
ابوسفروق

انتا ما شفتا الشمار الجد جد .. انا مستني بس سواااح يرجع بفارغ الصبر .. عندي عندو صور مستندات قيمة .. عشان عايزين نشوف البلبسو تيشرتات منو في الحفلات .. وجلاليب في المنتديات

[admin]

عمدتنــا الحبيب بكري

فعلاً الكلام سمح من خشم سيده ... سرد جميل ورائع ... وعرض مصور جعلنـا نعيش الحدث .... استخلصنا منه الآتي : ــ

ـ تتمتع بملكات في السرد القصصي ... يمكن تنميتها وسأضمن لك وقتها مهنة إضافية ستدر عليك مالاً وفيراً .

الله يخليك يا عم عمر .. بس الكتابة والله صعبة ومحتاجة تفرغ يعني حسب مالا وفيرا دي قدر شنو

[admin]

ـ وقفت كثيراً ... أمام إصرار السيدة والدتكم ـ حفظها الله ومتعها بالصحة والعافيـة ـ وهي تحثكم على لبس الحذاء خوفاً من المصائب المصاحبة للوحل وبرك المياه ... وكما يقولون فالأم هي نبـع الحنـان المتدفـق بل هي الحنـان ذاتـه يتجسد في صورة إنسان.
وأذكر مقولة مأثورة لشكسبير : (( ليس في العالم وســادة أنعم من حضن الأم )) .

وســلمت .. وتســلم عينيــك ياعمدة ... وربنا يحقق لينــا دعوة سعادة المستشار عوض صقير ... ويجمع شملنـا جميعاً في إجازة في توقيت متفق عليه مســبقاً لتكتمل السعادة.

مع خالص الود والتقدير .

اللهم ياذا الجلال والإكرام ياحى يا قيوم ندعوك بإسمك الاعظم الذى دعيت به أجبت

أن تبسط على والداى من بركاتك ورحمتك ورزقك

الهم ألبسهما العافية حتى يهنأ بالمعيشة ، وأختم لهما بالمغفرة حتى لا تضرهما الذنوب

اللهم اكفيهما كل هول دون الجنة حتى تبلغهما إياها

برحمتك يا أرحم الراحمين

اللهم لا تجعل لهما ذنباً إلا غفرته ، ولا هماً إلا فرجته، ولا حاجة من حوائج الدنيا هى لك

رضا ولهم فيها صلاح إلا قضيته

اللهم ولا تجعل حاجة عند أحد غيرك

اللهم وأقر اعينهما بما يتمناه لنا في الدنيا

اللهم إجعل أوقاتهما بذكرك معمورة

اللهم أسعدهما بتقواك

اللهم إجعلهما في ضمانك وأمانك وإحسانك

اللهم إرزقهما عيشاً قاراً ، ورزقا ًداراً ، وعملاً باراً

اللهم أرزقهما الجنة وما يقربها إليها من قول أو عمل ،وباعد بينهما وبين النار

وبين ما يقربهما اليها من قول او فعل

اللهم إجعلهما من الذاكرين لك ، الشاكرين لك ، الطائعين لك ، المنيبين لك

اللهم وإجعل اوسع رزقهما عند كبر سنهما وإنقطاع عمرهما

اللهم أغفر لهما جميع ما مضى من ذنوبهما واعصمهما فيما بقى من عمرهما

وأرزقهما عملاً زاكيا ترضى به عنهما

اللهم تقبل توبتهما ، وأجب دعوتهما

اللهم وأختم بالحسنات أعمالهم

اللهم آمين

اللهم وأعنا على برهما حتى يرضيا عنا فترضى اللهم أعنا على الإحسان إليهما في كبرهما

اللهم ورضهم علينا

اللهم ولا تتوافهما إلا وهما راضين عنا تمام الرضى

اللهم وأعنا على خدمتهما كما ينبغى لهما علينا ، اللهم إجعلنا بارين طائعين لهما

اللهم أرزقنا رضاهما ونعوذ بك من عقوقهما

اللهم أرزقنا رضاهما ونعوذ بك من عقوقهما

اللهم أرزقنا رضاهما ونعوذ بك من عقوقهما

اللهم آمين

اللهم آمين

اللهم آمين

اللهم إنى أسالك من خير ما سألك به محمد صلى الله عليه وسلم

وأستعيذ بك من شر ما إستعاذ به محمد صلى الله عليه وسلم

[admin]

مشكور ياريس علي هذا الاتحاف لقد أتحفتنا فعلا بهذا السرد الجميل وخليتنا نعيش في مدني

بكل حواسنا لك الشكر الجزيل علي هذه الاخبار الجميله عن مدني وأهل مدني الطيبيين

الله يخليك يا سعادة السفير .. طبعا خلال الاجازة قابلت ولدك في كلية ودمدني الاهلية .. وماشاءالله اعضاء المنتدي في كلية ودمدني الاهلية كثير .. استمتعت كثيرا بجلوسي معهم

[admin]

:D :D :D :D :D

ابقــــــــــى قابلنـــــي لو لقيت عند 50 ريال

ولا اقـــــــــول ليك هاك صورة شبــــــــــارقة دي وخليـــنا نكون حبايب

:D :D :D :D :D

عشان وريتني صورة شبارقة دي اكون عايز منك 600ريال بدل 500ريال .. وانا حقى ما بخليهو ماتنسي انو صورتك انتا لسه ما نزلت .. اها قلتا شنو اديك رقم الحساب

[admin]

حلقة ملتقى الاصدقاء
<p align="justify">
الركشات في مدني هي الحل الوحيد الناجع والمناسب للتعامل مع رداءة الشوارع .. ولكن بالنسبة لي كانت الرعب بعينه .. دائما ما احس وانا اركبها بانني اركب قطار الموت الموجود بمدينة الملاهي .. والناظر اليها من الداخل يجد ان صندوقها الخارجي صنع من اقل انواع الحديد جودة .. بل واكاد اجزم انه لو اعطيت بعد علاقات الملابس الحديدية لصنعت امتن منها .. والجوكي (سائق الركشه) صغير السن في اغلب الاحيان ودائما ما اعتقد ان هذه تجربته الاولى في قيادة الركشات .. سماعات استريو الركشة اكبر من محركها .. وجوكي الركشة لايتوقف عن الحديث في الموبايل رغما عن هدير الركشة وضجيج الاستريو .. اضافة الى المطبات الطبيعية المتوفرة بكثرة في الشوارع تجدني امسك بكلتا يدي على كل ما يمكنه ان يؤمن لي ثباتاً اكثر داخل عربة الموت .. واسترجع ذكريات كل من سمعت انه كسر رجله عند انقلاب الركشة .. واتخيلها وهي مقلوبة على ظهرها تدور عجلتها الشبيه بلقيمات جلالة في الهواء .. كانها خنفساء انقلبت وتقاتل للرجوع لوضعها الطبيعي.
التقي الاخ خالد الصول بالاستاذة/عواطف سر الختم مقدمة برنامج ملتقى الاصدقاء والتى قامت بدعوتنا للحديث في هذا البرنامج .. اوصل لنا الفكرة ودالصول في حفل الشاي الذي اقامه الاستاذ نبيل حمدتو بمنزلهم .. وتحدثنا طويلا عن افكار طرحتها الاستاذة عن مشاكل الطالبات في الجامعة .. حيث ان الرسوم الدراسية لبعض الطالبات تمثل هاجسا كبيرا لايوجد له حل .. وتمنت الاستاذة عن طريق ودالصول ان تجد من يقوم بتبني بعض الطالبات من حيث التسجيل .. كان يتبرع احد بان يسجل سنويا لعدد من الطالبات .. وتحدثنا فيما بيننا عن الجهات الحكومية الملزمة بتقديم مثل هذه الحلول وعن مجانية التعليم وعن المشاكل والقضايا الكلية الصعبة الحل بواسطة الدعومات والمبالغ الخيرية البسيطة.. واكثر الاشياء التى سمعتها خلال ذلك اليوم ان هنالك بعض الطالبات يقمن بالعمل كخدمات لتغطية مصروفاتهم الدراسية .. ويشجع مثل هذا السلوك اساتذتهم في الجامعات.
اتفقنا سريعا على كيفية المشاركة في البرنامج .. واتجرست طويلا من الامر وابيت الذهاب معهم ووافقت بعد حب وتحانيس.. انا ما بقول اي حاجة غير السلام عليكم .. انتو ياخي ما تتكلمي .. والله حمدتو دا شكلو زائغ ما جاي .. المهم مشينا في الموعد المحدد انا وحمدتو وسواااح وخالد الصول والسلامي وابوزيد .. دخلنا الى الاستديو والذي هو عبارة عن مكتب كبير به عدد قليل من الكراسي .. مفصول بفاصل زجاجي حيث يجلس في الجزء الاصغر مخرج البرنامج الاستاذ/ الصادق ساتي .. وغرفة المخرج التي تسمى الديسك بها الكثير من المفاتيح وجهاز كمبيوتر ريئسي لادارة الاخراج والمونتاج.. اقتربت الساعة من موعد البرنامج ولم تحضر الاستاذة عواطف سر الختم بعد .. واستغل ابوزيد تلك الفرصة وقال لنا : خلاص معني كدا حاتسجلو الحلقة براكم .. وحايدير الحلقة الصادق ساتي واسئلتو صعبة شديد.. والرجفة حصلت وحمدتو قام سلمني الورقة وقال لي: ياخي انا وجودي هنا مافي ليهو اي داعي .. وثواني قليله ووصلت الاستاذة عواطف سر الختم وكانت حلقة جميلة بشهادة مدير الاذاعة الاستاذ مصطفى الذي اصر على متابعة الحدث .. ووعدناهم بعمل حلقة ثانية معهم في الاسبوع المقبل ولكن لم نستطيع الايفاء بذلك الوعد حتى الان.. اليكم تسجيل للحلقة ادناه:-
</p>
http://www.wadmadani.com/up/madan.mp3

<embed width="472" height="59" AUTOSTART=-1 src="http://www.wadmadani.com/up/madan.mp3">

<p align="justify">
تحرك ركبنا بعد ذلك الى منزل الاخ خالد هاشم ، فقد كنا جميعا نود الاطمئنان على صحته واحواله .. ورغم رفضه الشديد لاحضار بيبسي دايت لي بحجة ان ثمنه مضاعفا الا ان الجلسه كانت لذيذة جدا وممتعة .. تحدثنا فيها كثيرا عن احوال المنتدي واموره والنعرات القبلية التى يدعي البعض تفشيها بين صفحات المنتدي .. انقضى الزمن سريعا وحين ابتدات قطرات المطر في النزول علمنا بانه لابد لنا من الرجوع الى المخابئ سريعا خوفا من القصف المائي الشديد المتوقع .. اتفقنا سريعا وعلى الباب ان يتحرك الركب غدا الى السوريبة لمقابلة ابو المنتدي.
</p>
ونواصـــــــــــــــــــــــــــــــــــــــــــــ ــــــــــل ،،،،

[Madanawi]

يا كبير مدير .. السي دي الوعدتني بيها وييييين .. صور كل الشباب في الاجازة

والباااااااااااااااااااااااااااااااااااااااااااسطة .. قالو عملت أزمة في محلات الباسطة كلها !!

[Madanawi]

وفي انتظار رحلة السوريبة .. يا أديب !!

[بورتبيل]

عشان وريتني صورة شبارقة دي اكون عايز منك 600ريال بدل 500ريال .. وانا حقى ما بخليهو ماتنسي انو صورتك انتا لسه ما نزلت .. اها قلتا شنو اديك رقم الحساب
قلتــــــــا ليا الـــــراجحي فرع صــــاري !!! :rolleyes:

ولله وبدون مجاملــــــــــة ولا حاجـــــــــــة لو موضوعك دا ما رشحوه ليك في نجم الشهر يكون ولله بختـــــــارو بالمجـــــــــــاملات ساااااي .

ولله روعة في الســــــــرد القصصي الجميــــل الذي يجعلك كانك تنتقل حقيقة من مكان الى مكان وتطوف مع الراوي في خيـــــــــالات ود مدنيــــة مدثرة بالمطر والبلل. ومما يدهش القــــــارئ القالب الذي يكتب به الراوي اذ انه ينتهج نهـــــــــج فريــــــــد ,, احسبه خليط ببن الجديــــــــة والهــــــزل مما يجعل متابعة السرد القصصي شيقة ورائعة ,ويشد من يتابعه.

اها بعد دا عايـــــــــــز مني حاجـــــــــــة تانــــــــــــــــي:D

[مدنيّة]

ومما يدهش القــــــارئ القالب الذي يكتب به الراوي اذ انه ينتهج نهـــــــــج فريــــــــد ,, احسبه خليط ببن الجديــــــــة والهــــــزل مما يجعل متابعة السرد القصصي شيقة ورائعة ,ويشد من يتابعه.

:D

صدقت يا بورتبيل

[madaniboy]

وطبعا اخوك رشيق ينط من حجر لي حجر ولا واحد ظبط معاي مافي <------ اااااي ما بعرفك انا ما شاء الله عليك رشيق شديد وكنت لاعب الهلال سابقا
خخخخخخخخخ
القصة حلووة شديد والله والواحد كان يتممنى يكون معاكم
تحياتي محمد

[عمر البشير]

يكفي فخرا انها ام المدائن. ولك كل الشكر اخي ابوبكر علي هذا التوثيق الجميل.

[((أبــوعاذر))]

صوركم جميله
نورتوا المنتدي

الله يديكم العافيه

[ابراهيم]

كيف ما لقيت لقيت ونص .. لكن انتا عارف انا كنتا مشتاق للبلد شديد موش الوجه الجيد منها فقط بل كل الاوجه .. وكان نفسي اعيش المعاناة زي ما هم عايشنها زي ما نفسي اعيش معاهم الفرح .. عشان كدا استمتعا جدا بالاجازة .. يوم وصلتا امي قالت لي البس الجزمة (لامؤاخذة) قبل ما تدخل الطين عشان ما تجرحك قزازة .. قلتا ليها يمه انا جاي من هناك عشان القزازة دي تجرحني .. فكل حاجة حتى لو بسيطة كانت عندها معني كبير بالنسبة لي


طبعاً معروف انا طوالي المولد فايتني
الحصل يا آدمن انو اثناء قرايتي للكلام حالتي بقت صعبة خلاص والجرسة حصلت
فعلاً الواحد بكون مشتاق لأي حاجة جرحو قزازة سكة كلب وحاجات تانية حامياني
كان لازم تستمع بالاجازة يا آدمن والمعاناة والله في الغربة والبعاد العايشنو دة,,,
:o

[سواااح]

يا ريس
الجماعة منتظرين رحلة السوريبة
وباقي الايام الجميلة
والما اجز معانا
عمرو كلو ضائع

[ابوالنور]

يا ريس
الجماعة منتظرين رحلة السوريبة
وباقي الايام الجميلة
والما اجز معانا
عمرو كلو ضائع
هو في ناس مؤجزين هسي ولا شنو
والله الما اجز معاكم ما اجز بالجد

[moh_alnour]

والله يا ريس روعة فاقت حد الوصف
جمال ووصف ومواقف وتداعيات ومشاركات جميلة
وشخوص ترتاح لها النفوس
شكرا للناس ( النكتو ) لينا البوست دا
والله يا أبو بكر أنتابني شعور لم أستطع أن أصفهُ عندما سمعت صوت الأستاذة عواطف سر الختم
وصوت أعضاء المنتدى عبر ملتقى الأصدقاء
ورجعت بي الذاكرة إلى موقف لا انساه ما حييت وذلك عندما جاء وفد إذاعة BBC لإفتتاح موجة ال FM لها بمدينة ود مدني وكان ذلك بفندق أمبريال ولا أنسى الكلمات الجميلة التي قالتها الأستاذة : ( نجوى الطامي ) في حق الأستاذة ( عواطف سر الختم ) بحضور الأساتذة : محمد خير البدوي ، أيوب صديق ، حسن ابو العائلة ، كمال حامد
ذكريات جميلة تداعت في خيالي وأنا أقرأ هذا البوست والذي أعادني بروحي وجسدي إلى سيدة المدائن
عشقنا الخرافي والخالد