ترحيب بالآدمن .. وسمح الكلام من خشم سيده !!

[عمر سعيد]

الحبيب بكري

نقول أولاً قدوم سعيد وعود حميد ... وأهلاً بك وألف مرحباً ...ونحمد الله ونشكره على عودتك سالما غانما لهذه الديار الطاهرة .

وحيث أننـا قد تابعنا أخباركم من خلال التقارير التي وردتنا من الأحباب بست المدائن ... فإننــا نترغب تسجيل إنطباعتكم ... عن المدينة وأهلها .. وعن النشاطات التي قمتم بها خلال فترة الإجازة ، وهي كما نراها كانت ذاخرة بالحركة والنشاط ، وأهلنا بيقولوا ( سمح الكلام من خشم سيده ) .

[معتز الريح]

عمي الحبيب ..
دائماً سبّاق لكل جميل ..

وعوداً حميداً قائد الركب ..

[zoolfrda]

وينم ناس المعارضة

ما شايفنهم بيرحبوا مالم

[عثمان جلالة]

ريسنا عمر النور .. بنرحب معاك بعودة استاذنا بكري بالسلامه ومنتظرين ... نشوف ونعرف الانجازات والبرامج العامة والخاصة وكل حاجة عن مدني والجزيره

[خالد عبدالماجد]

الأخ عمر سعيد
حسب علمي فإن الأخ أبوبكر سيحضر بمشيئة الله يوم غدٍ الأربعاء ..
عموماً حمداً لله على سلامتك ...

[بورتبيل]

وينم ناس المعارضة

ما شايفنهم بيرحبوا مالم

:قــــــــــــالوا الزول الكبير الليلة جــــــــــا
:جـــــــــا من وين

:عييييييييييييييييييييييييييك انتا ما عارف الزول كان وين ولله حكاية:عارف عارف بس الا هو جا مالو مستعجل كدي مالو ؟؟

اعمل ساتر ما يتصنتو لينا ,,, عندنا كلام كتير عــــــايزين نفتو!!

[مختار بازى]

حمد الله علي السلامة

[نزار حسن محمد]

وينم ناس المعارضة

ما شايفنهم بيرحبوا مالم

الاخوه الثوار الاحرار ..
بيان ..هام بعد قليل فترقبوه ...
عميد اركان حرب
صلاح والطاهر

[مدنيّة]

سبحان الله
فعلا يا قول معتز الريح
السنين دي جارية كدا لاحقة شنووو ؟
مر الشهر وكانه يوم !!
عودا حميدا ياادمن ومنتظرنك بالحكاوي

[خالد أحمد الصول]

ما قلتو نوبة
ويييين ناس المظاهرات و البنبان و الشيطنة و نطيط الحيط
أعملوا حسابكم جاااااكم ما خلي ليهو باسطة حايمة و لا فولة من كشك
يعني الناس قاعدين يسمنوا في السعودية ... جاكم سميين من السودان
بعدين إنحنا أديناهو ليكم آبري و شطة حمرة و كركدي و فول مسحون و نبق و لالوب
ما يعمل ليكم نايم

[ابوالنور]

لو بإيدي ..
لو بإيدي كنت طوعت الليالي
لو بإيدي ..
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل

ودعناه قبل خمس دقايق متوجه الي الخرطوم وبقلع انشاءالله غدا الساعه نسعه ونصف
في وداعة الله

[مرتضى يوسف العركي]

مرحب باخونا الريس
الشراني بتاع المشاكل
يعني اللاندركروزر والقطعتين السكنتين في داعي بعدهم للمراة دكتورة ومن اسرة مشهورة بدل ما نتمرد عليك خليت ام العيال تتمرد على وقالت لي خليك للمراة للدكتورة وسجل القطعتين باسمهما وما دايرة تجي لحد الان وانا ما بعرف اعمل شاي بس انت ما مؤمن يالادمن.
تخريمة
على فكرة عرضك لازال قائم ؟
الرئيس ابو سفروق جلاني ونام معاه ود الطاهر ودالمطامير في كل شيء

[نزار حسن محمد]

الرئيس ابو سفروق جلاني ونام معاه ود الطاهر ودالمطامير في كل شيء

سعادة المستشار ...وين نجلك انت يالحبيب
كدى امشى شوف لنا اخبار الدكوه والصعوط قبل ما تبقى علينا لا الحوته ..لا حبله ..

[هشام السماني إبراهيم]

حمد لله على السلامة

[بدر الدين محمد]

الف حمدا لله على السلامة ونحن هنا افتقدناك .. وفي الذاكرة ذلك اليوم المطير
اجتمعنا والحبايب حوالينا
وافترقنا والمطر بصب علينا
ان نسيتو حاشا حاشا مانسينا

[admin]

الله يسلمكم ياشباب .. والله الشوق بحر .. والشمار كتير كل زول يوم السبت الصباح يجيب حاجة يشيل فيها .. يعني شهر اجازة و11 شهر حكاوي عن الشهر دا هههههههه

[هيثم عبدالعال]

حمدا لله على السلامه ... يا ريسنا وفارسنا
يعني تاني الواحد ما يوقت إجازتو معاك عشان ما تخرت الجو كلو .. حته باسطه ما خليتا لينا ،، وكل مره طابق الكيس وعلى البيت عدل ونحن نتمطق ساكت .

[عوض صقير]

حمدلله على السلامة ياريس

كده أول حاجة قول لينا

وطبعا ده حسب التقارير الجاتنا بأنك ماخليت باسطة حايمة

أين نجد أجمل باسطة فى مدنى ؟

وبعد داك نشوف الشمار !

[محمد السر احمد]

حمد لله علي السلامة يا ريس
لكن عندي ليك خبر ما سمح
قالو حي المنيرة السيل ضربو
هههههههههههههههههههههههههههههههههه

[زيزي]

حمد الله على السلامة يا ابو حمادة
منور جدة

[abomazeen]

حمدلله على السلامة ياريس

كده أول حاجة قول لينا

وطبعا ده حسب التقارير الجاتنا بأنك ماخليت باسطة حايمة

أين نجد أجمل باسطة فى مدنى ؟

وبعد داك نشوف الشمار !


الف حمدا لله على السلامة يا ريس ... بين اهلك وصحابك
تخريمة : شنو حكاية الباسطة دي ؟؟؟

**** حركة في شكل وردة : يا ريس .. يا أدمن
بس انا خايف
إذا جيتك حكاية الباسطة من أيدي ( خمشي ) تطيع
وتعيش بعدك امل حياتي جفاف
مواسم لينا ما في خريف ؟؟
الود لك كله ...
المسالة فيها ( إن ) و ( أن ) و ( حيث ) وهلم جرا يا ريس ولا شنو ؟؟؟
شكلو الكلام معاك ح يجر ويجــر ؟؟

الف حمد الله على السلامة يا ريس مجداً
لك خالص حبي وسلامي ..

[الفارس البنفسجي]

ألف حمد لله على السلامة ياريس
ولك منا عقداً من الشوق المعتق

[ابوزيد محمد نور]

ألف حمد لله على السلامة ياريس
وخليك خفيف

[admin]

حمدا لله على السلامه ... يا ريسنا وفارسنا
يعني تاني الواحد ما يوقت إجازتو معاك عشان ما تخرت الجو كلو .. حته باسطه ما خليتا لينا ،، وكل مره طابق الكيس وعلى البيت عدل ونحن نتمطق ساكت .

هيثم كيفك تمام وحمدلله على السلامه .. كان بقت على الباسطة هينة .. المشكلة في الناس الماخلت ليها ماسورة مجاري حائمة .. ههههههههههههه

[admin]

حمدلله على السلامة ياريس

كده أول حاجة قول لينا

وطبعا ده حسب التقارير الجاتنا بأنك ماخليت باسطة حايمة

أين نجد أجمل باسطة فى مدنى ؟

وبعد داك نشوف الشمار !

الشانزليزية طبعا .. بس لازم تاكل ليك خمسة سندوتشات طعمية بالشطة اول .. جبتا ليك معاي حبه ما تخاف .. بس لازم تعرف حبة دي راجعة لشنو اول (باسطه ولا طعمية ولا شطة ولا باندول)

[admin]

حمد لله علي السلامة يا ريس
لكن عندي ليك خبر ما سمح
قالو حي المنيرة السيل ضربو
هههههههههههههههههههههههههههههههههه

يعني بيت ناس نزار حسن حايبيعهو .. عليك الله انا حاجز عشان عارف اخوك عايز يوسع وكدا


التسالي حقي وينو ياعلي بابا؟؟؟؟؟؟

[admin]

حمد الله على السلامة يا ابو حمادة
منور جدة

الله يسلمك ويخليك .. جدة ومكة والسعودية كلها منورة باهلها

[admin]

الف حمدا لله على السلامة يا ريس ... بين اهلك وصحابك
تخريمة : شنو حكاية الباسطة دي ؟؟؟

**** حركة في شكل وردة : يا ريس .. يا أدمن
بس انا خايف
إذا جيتك حكاية الباسطة من أيدي ( خمشي ) تطيع
وتعيش بعدك امل حياتي جفاف
مواسم لينا ما في خريف ؟؟
الود لك كله ...
المسالة فيها ( إن ) و ( أن ) و ( حيث ) وهلم جرا يا ريس ولا شنو ؟؟؟
شكلو الكلام معاك ح يجر ويجــر ؟؟

الف حمد الله على السلامة يا ريس مجداً
لك خالص حبي وسلامي ..

انتا داير باسطة يعني .. انا مافهمت كلامك غايتو الموضوع فيهو حزب الامة وفيهو ابوعركي وفيهو الحسين الحسن وفيهو باسطة .. فكان بقت على الباسطة نلف ليك كيلو طوالي .. واحتياطا كدا الله يسلمك ويبارك فيك ولك الود

[admin]

ألف حمد لله على السلامة ياريس
ولك منا عقداً من الشوق المعتق

الله يسلمك
ولك منى معتق الشوق عقداً

[بدر الدين محمد]

الف حمدا لله على السلامة ونحن هنا افتقدناك .. وفي الذاكرة ذلك اليوم المطير
اجتمعنا والحبايب حوالينا
وافترقنا والمطر بصب علينا
ان نسيتو حاشا حاشا مانسينا

من حسة وبقيت تنسى !!!!

[صلاح الدين]

حمدا لله على سلامة الوصول وجده نورت . إن شاءالله إجازه ممتعه . ياريت جبتا لينا معاك نسخه من حلقة التلفزيون.

[admin]

من حسة وبقيت تنسى !!!!

منو ؟ انا شايفك بس ناسي الاسم؟ ههههههههههه
والله اليوم داك كان يوم عجيب .. وانتا وصلتنا باعجوبة انا ما اتخيلتك حاتقدر تجي في المطرة التقيلة ديك .. غايتو الله يقدرنا على جزاك .. فقد بذلت جهد كبير للوصول الينا ومقابلتنا انا وسواح وابوزيد وما قصرت تابعتنا تلفونيا الى ان رجعنا الى مدني .. بارك الله فيك.

[admin]

حمدا لله على سلامة الوصول وجده نورت . إن شاءالله إجازه ممتعه . ياريت جبتا لينا معاك نسخه من حلقة التلفزيون.

الله يبارك فيك يا صلاح والصور والفيديو قريبا ان شاءالله

[مدنيّة]

ياادمن حمدا لله علي السلامة
لكن شغال بالمقلوب مالك ؟؟
بترد علي الناس من الاخر ؟؟ ياربي تكون نسيت آداب الردود علي الناس في المنتديات خلال الشهر دا :confused: دي ما باسطة دي :D

[admin]

ياادمن حمدا لله علي السلامة
لكن شغال بالمقلوب مالك ؟؟
بترد علي الناس من الاخر ؟؟ ياربي تكون نسيت آداب الردود علي الناس في المنتديات خلال الشهر دا دي ما باسطة دي

ما خلاص شالو مني الرئاسة تاني زول بكسر لي تلج مافي .. كر عليك يا ادمن دايرين يعلموك الادب بعد سمنك دا.. انتي بالمناسبة حقو يسموك مديدة بدل مدنية لانو ما حصل لاقيتك في بوست الا لقيتك شايله المديدة دي في يدك .. ودائما المديدة حارقاك .. سبحان الله طيب انتي عارفها مديدة وعارفها بتحرق شايلاها مالك ههههههه .. بعدين انا في المشاركة رقم 16 رديت على الناس الفوق لي كلهم بي فرد رد .. والجو ردو بعدي كلهم رديت ليهم واحد واحد ماعدا ابوزيد رديت عليهو بتلفون دولي .. اها ان شاءالله كوز الموية دا برد ليك المديدة حبه.

[مختار بازى]

ما خلاص شالو مني الرئاسة تاني زول بكسر لي تلج مافي
اها شالوا منك الرئاسة وادوك المالية ونحنا العايزين نعرس ديل الا المالية كمان ما دايرين غيرها

المدير الفنى والمالى للمنتدى

[محمد مصطفي]

يا ريس ان شاء الله تكون وصلته بخير

بعدين الالف جنيه الشلتها منك بتاعت الطباعه كنت داير ارجعها ليك لكن لقيتك رجعته

معليش في المره الجايه


ههههههههههههههههههههههههههههههههههههههههههه

والف حمدله علي السلامه

[صالح ابوشوارب]

حمدا لله على السلامة
ومنور السعودية
ومبروك البيت
وعقبال الارض الرابعة
ماشاء الله
دا الاغتراب ولا بلالالالالالالالالالالااش

[ابوالنور]

.. بعدين انا في المشاركة رقم 16 رديت على الناس الفوق لي كلهم بي فرد رد .. والجو ردو بعدي كلهم رديت ليهم واحد واحد ماعدا ابوزيد رديت عليهو بتلفون دولي .. .
يا ربي نحنا خلاص نسونا في مدني والله مدنيه ما غلطان عليك ابدا ما دكتور تاج السر ده
انا اتشكلتا معاه وتاني اصلو ما بمشي ليه ولا يكون ده البوش عماك بقيت بتشوف طشاش
هههههههههههههههههه

[admin]

اها شالوا منك الرئاسة وادوك المالية ونحنا العايزين نعرس ديل الا المالية كمان ما دايرين غيرها


ما تقول كمان لقيت خزينة المنتدي مليانة .. خليك قريب بس واختار العروسة اول

[admin]

يا ريس ان شاء الله تكون وصلته بخير

بعدين الالف جنيه الشلتها منك بتاعت الطباعه كنت داير ارجعها ليك لكن لقيتك رجعته

معليش في المره الجايه


ههههههههههههههههههههههههههههههههههههههههههه

والف حمدله علي السلامه

انترنتكم كعب وبطئ والبرنتر حقتكم مافيها حبر وخدمات مافي نهائي لابيبسي لا شاي .. وبعد دا بتشيلو قروش .. عشان كدا شردتا منكم نهائي
هانكس الريادة
هانكس القمة
هانكس التفرد
هانكس متعة التصفح
ههههههههههههههههههههههه

[admin]

يا ربي نحنا خلاص نسونا في مدني والله مدنيه ما غلطان عليك ابدا ما دكتور تاج السر ده
انا اتشكلتا معاه وتاني اصلو ما بمشي ليه ولا يكون ده البوش عماك بقيت بتشوف طشاش
هههههههههههههههههه


ممكن الزول ينسى أسمو
ينسى يومو الطالعه شمسو
ينسى ناسو وليهو ينسو
بس كيف ينساك إنتا
وإنتا نفسك ياها نفسو

[محمد عبد الله عبدالقادر]

حمد الله على السلامة يا ريس وانشاء الله اجازة جميلة وكل الاهل بخير. كان من المفترض الاقيك في المطار عشان زوجتي وولدي جوه معاك في نفس الطيارة ولاول مرة، لكن من شفت الاولاد طلعو طبيتهم في يدي وفللي.
المره قالت لي بكري ده مالو ما بساعدني كان يشيل الولد ولا حتى الشنطة!!؟؟؟ مالك فاتح ليها كده

[admin]

حمد الله على السلامة يا ريس وانشاء الله اجازة جميلة وكل الاهل بخير. كان من المفترض الاقيك في المطار عشان زوجتي وولدي جوه معاك في نفس الطيارة ولاول مرة، لكن من شفت الاولاد طلعو طبيتهم في يدي وفللي.
المره قالت لي بكري ده مالو ما بساعدني كان يشيل الولد ولا حتى الشنطة!!؟؟؟ مالك فاتح ليها كده

الله يسلمك وحمدلله على سلامة وصول اولادك .. اول ما طلعتا قلتا ليهم محمد وين؟ قالوا لي مشى .. الصراحة انا ما كنتا متوقع القاك مستنيني .. لكن بس الفيك اتعرفت .

[بورتبيل]

الـــــــــــــــسلام ... عليــــــــــــــــكم
وحمــــــــدا لله على الســـــــــلامة ,, وعــــــــايزين الصور
وانتا عارف انا كايـــــــــس لمنــــــــــو !!

حت الصور يا ابو بــــــــكر

[محمد السر احمد]

يعني بيت ناس نزار حسن حايبيعهو .. عليك الله انا حاجز عشان عارف اخوك عايز يوسع وكدا


التسالي حقي وينو ياعلي بابا؟؟؟؟؟؟


وين يا ريس

ناس عمك حسن اشتري كل القطع الجنبهم
ويعني قطعت راحت في خبر كان

والله انتو يا المغتربين تجو هنا تعملوها كل اكل تسالي
لمن اولادك يكرهو البلد ذاته
وبعدين يا عمك انت التسال بتكلو كم مرة

[خالد النور]

حمد لله على السلامه يا أدمن ومنتظرين نفحات أم المداين على لسانكم

[admin]

الـــــــــــــــسلام ... عليــــــــــــــــكم
وحمــــــــدا لله على الســـــــــلامة ,, وعــــــــايزين الصور
وانتا عارف انا كايـــــــــس لمنــــــــــو !!

حت الصور يا ابو بــــــــكر

بورتبيل انا راجيك تحول لي الخمسمائة ريال عشان تشوف الصور .. صدقني ادفع الليله قبل بكرة يجي زول يشتريها

[admin]

وين يا ريس

ناس عمك حسن اشتري كل القطع الجنبهم
ويعني قطعت راحت في خبر كان

والله انتو يا المغتربين تجو هنا تعملوها كل اكل تسالي
لمن اولادك يكرهو البلد ذاته
وبعدين يا عمك انت التسال بتكلو كم مرة

ياودالسر اخير ليك تديني التسالى حقى ولا تديني الخمسة الف الاديتيك ليها عشان تجيب بيها التسالي من قدام مسك الختام .. وشهودي قاعدين

[admin]

حمد لله على السلامه يا أدمن ومنتظرين نفحات أم المداين على لسانكم

الله يسلمك .. ياخي انا ذاتي دايرك ما تخسر فينا تلفون

[خالد النور]

الله يسلمك .. ياخي انا ذاتي دايرك ما تخسر فينا تلفون

الإتصال عشانكم وعشان أم المداين مكسب وليس خسارة

[الزبير محمد عبدالفضيل]

حللت أهلا ونزلت سهلالالالالالالالا أهلن بقدومك يا قائد الاسطول


والحمدالله علي السلامه

[محمد السر احمد]

ياودالسر اخير ليك تديني التسالى حقى ولا تديني الخمسة الف الاديتيك ليها عشان تجيب بيها التسالي من قدام مسك الختام .. وشهودي قاعدين

يا ريس كمان جابت ليها خمسة الف
انتي داير تسالي بخمسة داير تفرش بيهو في الحرم ولي شنو
بالله شوفو يا ناس حظو مشينا انا و ابو رجاء عشان نشتري ليهو التسالي ذوق منا سااااااااااي
لقينا مسك الختام مقفل
اها تاني