شاكوش مع سبق الاصرار والترصد

[عثمان جلالة]

كان يا ما كان في سالف العصر والأوان ... بنيه جميله كلما تطلع من بيتهم .. امها ترمي الودع .. من العين .. ومن تطلع ... أبوها يقول .. يا ساتر من الدعاتر ... أولاد الحله .. عاملين حراسه مشدده حول البيت وما جاوره ... قاعدين يرددوا حتجي البت الحريقه .. أقصد الحديقه ... أها .. البنيه السكريه حلاوه لبن .. عارفه .. ومتأكده من المعلومه دي .. إنها سمحه .. وتهفو لها القلوب .. واتخذت الموضوع دا .. وسيلة ضغط في كل ممارستها اليوميه .. من سيد الدكان .. للراعي .. البتأخر .. مخسوس .. ويأخر .. غنم الله .. في شان شوفة .. نوارة الفريق ... والحله .. تكورك .. الصباح الصباح .. أمونه جات .. أمونه فاتت .. أمونه اتقدم ليها فلان .. الشغال في الخرتوم .. محل الطياره بتقوم .. أمونه جاها مغترب امونه أمونه .. الصباح ..

محمد أحمد ود بلد .. سيد الرجال .. وزينة شباب الحله .. تلقاهو مع الناس في أفراحهم واتراحهم .. شيال تقيله .. أخو أخوان .. وأخو بنات .. .. همو .. الحقيقي .. الحله وناس الحله .. وهمو بيتهم وناس بيتهم .. وأبوه الشقيان من صباح الرحمن في الزراعه في شان هم يقروا .. والزراعه الما جايبا همها ...تأخد منك وما بتديك .. (الديك كراع الديك) .. وهمو ... الكبير والبخلي قلبو .. يرف .. التكنو بدور امرق .. أمونه والله زمن .. والله كلام .. وطول يا زمن وأقصر يا زمن وامونه .. بدور محمد أحمد ... والجنى بدور امونه .. والعرسان في شان امونه .. يدخلوا علي عمك الزين ... جماعات .. والبنيه .. ما بتوافق ... والحله عارفه كلها وعاجبها ... والحبوبات يمشن لي شيخن أب ضفيره ... يدعن .. يا شيخي أب ضفيره .. جبار الكسيره .. أمحمد أحمد .. يعرس امونه ....
أها وطول يا زمن واقصر يا زمن .. امونه .. دخلت الجامعة ... واتفلهمت .. ست البنات سماحه وجامعة ... وانغمست في مجتمع المدنية حتى .... زيت اللقيمات ... بقت بنات الحله .. عندها فيهن راي .. والحله عندها فيها الراي ... وحبيب القلب ... زينة الشباب ... قالت ليهو ... شوف ليك ريده تاني ... خلاص سيبني وأنساني .. شوف ليك جكس تاني ..
اليوم داك .. المطره تصب شوووووو أبت تقيف .. وشفع الحله كلهم ناموا من غير عشا ... والنغنم غرزن ... والهبوب دي تقول شوووو ..... أمونه ... شووووو ... محمد أحمد ... شوووو ... شووووو ... شوووو ..

أها وطول يا زمن وأقصر يا زمن ... والدنيا .. ماشه ... والحال في حاله ... ناس تقول شاكوش يفوت ولا حد يموت ... مثقفاتيه الحله يقولوا .. (ما لا يقتلني يقويني) ... مسلسل الساعة تسعة في تلفزيون العمده يقول ... (العيار اللي ما يصبش يدوش).

وعشان ما أحرق روحكم ... النوريكم الحاصل شنو أسي في التو واللحظه

أمونه ............ اتخرجت .. تحمد سيدا من الجامعة .. لكن ما جاها عريس لا من الحله ولا من بره .. ولسه في الانتظار (على قناة أبوظبي).

أمحمد أحمد ........ شوهد في إحدى دول الخليج العربي ..... مقتول.... بالشغل والكفيل والغسيل والشيل التقيل .... ومن الحله وناس الحله .... وأمونه .... (عامل شخيت وواقف بعيد).

الحله ... في حالها .... لكن فقدت وبشده ... ود البلد ... شيال التقيله .. البكون قدام الناس في الفرح والكره .. أخو الاخوان .. أخو البنات.

وهات يا زمن ... جيب كل أحزانك تعال جيب المحن .... طول يا أسي ... والله يرحمك يا شيخنا أب ضفيره ... ويرحم موتانا وموتى المسلمين ... حليله ... الزايله

وودعتكم الله

[معتز الريح]

قلت لي محمد أحمد حسه شغال في بنك؟؟ ..

[معتز الريح]

الحبيب عثمان (جلالة) ..
سردك جميل .. ومن أرض الواقع ..
تحس ان صاحبة هذه القصة تعرفها ..
وكذلك محمد ود أحمد ..
قريبين مننا ..
واصل إبداع .. واكشف لينا واقعنا ..

[عثمان جلالة]

قلت لي محمد أحمد حسه شغال في بنك؟؟ ..

هع هع هع .. حلوه يا ود الريح .. محمد أحمد داير افتح بس حساب في بنك :p

[عثمان جلالة]

الحبيب عثمان (جلالة) ..
سردك جميل .. ومن أرض الواقع ..
تحس ان صاحبة هذه القصة تعرفها ..
وكذلك محمد ود أحمد ..
قريبين مننا ..
واصل إبداع .. واكشف لينا واقعنا ..

ود الريح الرائع ... من الواقع .. وأسي شغال في المدينة المنوره .. أها عرفتو :p

[نزار حسن محمد]

جلاله ..ياجلاله يافنان ..وين من زمان داسى علينا هذا الابداع .. لو ما رشحت ..كنت رشحت هذا الموضوع للفوز بجائزة احسن بوست لشهر اغسطس ..اتمنى من الشباب ترشيح هذه البوست ..ومزيدا من الابداع اخى جلاله...

[عثمان جلالة]

جلاله ..ياجلاله يافنان ..وين من زمان داسى علينا هذا الابداع .. لو ما رشحت ..كنت رشحت هذا الموضوع للفوز بجائزة احسن بوست لشهر اغسطس ..اتمنى من الشباب ترشيح هذه البوست ..ومزيدا من الابداع اخى جلاله...

المتوهج دوما .. ود حسن .. لك الحب .. ونحن يكفينا شرف انو في أحسن منتدى ومع احسن ناس .. ناس مدني والجزيره ..

همسه

كدي زح سفروقك دا شويه ... بتشبه لي محمد ود أحمد الكان بحب أمونه:p

[مدنيّة]

.. لو ما رشحت ..كنت رشحت هذا الموضوع للفوز بجائزة احسن بوست لشهر اغسطس .....

ياود حسن
لك الحرية في ترشيح اي عدد من المواضيع تشجيعا للتنافس الشريف بين الاعضاء
بس بشرط انك ما ترشح موضوعين لعضو واحد

[معتز الريح]

رشح ترشيحك يا ود حسن ..
مافي حاجه بتمنع ..

وبيني وبينك الشاكوش يستاهل ..

[ابوالنور]

كل اللغات رفضت
و ابت كل الحروف ما توصفك

واخر قرار اخدو القلم لو يعتزل رسم الحروف
ابدا ما يوصفك

والحبر رفض النزول
لي سنه القلم التكون

اداة جريمه يوم تحاول
اغتيال لوحه جمالك بالوصف

[عثمان جلالة]

كل اللغات رفضت
و ابت كل الحروف ما توصفك

واخر قرار اخدو القلم لو يعتزل رسم الحروف
ابدا ما يوصفك

والحبر رفض النزول
لي سنه القلم التكون

اداة جريمه يوم تحاول
اغتيال لوحه جمالك بالوصف

الرائع ود العم ... بدون تعليق .......... جمال فوق الوصف ... سلمت

[مختار بازى]

أمحمد أحمد ........ شوهد في إحدى دول الخليج العربي ..... مقتول.... بالشغل والكفيل والغسيل والشيل التقيل .... ومن الحله وناس الحله .... وأمونه .... (عامل شخيت وواقف بعيد).

والله لو ما اخاف الكضب اقول بعرفو الزول دا من قولت الخليج دي
والله يا جلالة ابداع عدييييييييييييييييييييل لكن وين المشوكشين ما ظهرو
ههههههههههههههههههههههههههه

[هشام السماني إبراهيم]

جلالة صعب صعب صعب

[هشام السماني إبراهيم]

أها وطول يا زمن واقصر يا زمن .. امونه .. دخلت الجامعة ... واتفلهمت .. ست البنات سماحه وجامعة ... وانغمست في مجتمع المدنية حتى .... زيت اللقيمات ... بقت بنات الحله .. عندها فيهن راي ..

عليك الله سواتن دي ماجننتنا

[هشام السماني إبراهيم]

وحبيب القلب ... زينة الشباب ... قالت ليهو ... شوف ليك ريده تاني ... خلاص سيبني وأنساني .. شوف ليك جكس تاني

تاني هو في تاني والقلب مشغول بالاول

[عثمان جلالة]

والله لو ما اخاف الكضب اقول بعرفو الزول دا من قولت الخليج دي
والله يا جلالة ابداع عدييييييييييييييييييييل لكن وين المشوكشين ما ظهرو
ههههههههههههههههههههههههههه

عارفك بتعرفو يا البازي ... وأسي بجوا ناطين ... راس السوط ... بحرقهم وبقطع جلدهم :p

[هشام السماني إبراهيم]

اليوم داك .. المطره تصب شوووووو أبت تقيف .. وشفع الحله كلهم ناموا من غير عشا ... والنغنم غرزن ... والهبوب دي تقول شوووو ..... أمونه ... شووووو ... محمد أحمد ... شوووو ... شووووو ... شوووو

جلالة فتحت جروح بدت تفكر تندمل آه عليك يازمن

[عثمان جلالة]

جلالة صعب صعب صعب

أمانه عليك ... تقطع إضنيك يا هشو أصعب من الشاكوش والكفيل في ؟؟؟؟؟؟؟؟؟:p

[هشام السماني إبراهيم]

والله لو ما اخاف الكضب اقول بعرفو الزول دا من قولت الخليج دي
والله يا جلالة ابداع عدييييييييييييييييييييل لكن وين المشوكشين ما ظهرو
ههههههههههههههههههههههههههه

تعرفو وين مابتعرفو وما انا عشان ما اخليك ترتاح

ههههههههههههه

[هشام السماني إبراهيم]

عارفك بتعرفو يا البازي ... وأسي بجوا ناطين ... راس السوط ... بحرقهم وبقطع جلدهم

والله السوط علم في القلب

[مختار بازى]

تعرفو وين مابتعرفو وما انا عشان ما اخليك ترتاح

ههههههههههههه

هجم النمر هي ظهر الزوووووووووووووووول هههههههههههههههههههه

[هشام السماني إبراهيم]

أمانه عليك ... تقطع إضنيك يا هشو أصعب من الشاكوش والكفيل في

مااااااااااااااااااااااااااافي بس الكفيل مقدور عليو القول على الشاكوش الخلى القلب مكسور وياريت في دوا

[مختار بازى]

عارفك بتعرفو يا البازي ... وأسي بجوا ناطين ... راس السوط ... بحرقهم وبقطع جلدهم

هسي شنو هم جو من جبييييييييييييييييييييييل

[هشام السماني إبراهيم]

جم النمر هي ظهر الزوووووووووووووووول هههههههههههههههههههه

ود بازي لعلك معاي هو مافي غيري

هههههههههههههه

[مختار بازى]

مااااااااااااااااااااااااااافي بس الكفيل مقدور عليو القول على الشاكوش الخلى القلب مكسور وياريت في دوا

القال مافي منو قلنا ليك تعال كايرو ابيت

[هشام السماني إبراهيم]

هسي شنو هم جو من جبييييييييييييييييييييييل



والله من قبيل اخش البوست واطلع غلبني البقولو جلالة ضرب وتر حساس والنوم تاني كمن يوم مافي

[مختار بازى]

ود بازي لعلك معاي هو مافي غيري

هههههههههههههه

انتة بتتحسس مالك

[هشام السماني إبراهيم]

القال مافي منو قلنا ليك تعال كايرو ابيت

حبيبي لو في دوا كان اول واحد اتعالجته انتا ورجعتا السودان

[هشام السماني إبراهيم]

انا ماشي وبرجع بعدين غلبني


سلمت ياجلالة يا خطييييييييييييييييييييييييييييييير

[مختار بازى]

والله من قبيل اخش البوست واطلع غلبني البقولو جلالة ضرب وتر حساس والنوم تاني كمن يوم مافي

جلالة انا غلطان وقت سالتك من الجماعـــــــــــــــــة

[عثمان جلالة]

عليك الله سواتن دي ماجننتنا

والله بتجنن يا هشو ..... لكن قالوا التختاك اخير من التصيبك ... ان شاء الله ختاك الشر

[عثمان جلالة]

:D
تاني هو في تاني والقلب مشغول بالاول

مخوووو لو مافي طريقه نسيان تب ... ما تعمل هجمه مرتده ... أمونه لسه ما عرست في الانتظار (راجع الحكاية):D

[عثمان جلالة]

جلالة فتحت جروح بدت تفكر تندمل آه عليك يازمن


هشام أخوي انت الجروح دي لمتين ... مخليها .. متقرحه وشايله (خراج) نضف الجروح دي وخلي الدم .. يطلع .. عشان تطيب .. أوع تكون زي أمحمد أحمد (عامل شخيت وواقف بعيد)

[عثمان جلالة]

والله السوط علم في القلب

والله القلب ده يا هشو ... مليان حب للناس .... شوف علاقاته كيف مع ناس المنتدى شوف القلب ده ... أبدع كيف ... في رسالة إلى مختار بازي ... القلب يا هشو عندو الرغبه يحب تاني وتالت ويتحب ... بس عليك الله أديه فرصة تانية

[عثمان جلالة]

حبيبي لو في دوا كان اول واحد اتعالجته انتا ورجعتا السودان

حتى انت يا بروتس:p :D :D

[ابوالنور]

والله من قبيل اخش البوست واطلع غلبني البقولو جلالة ضرب وتر حساس والنوم تاني كمن يوم مافي .

معقوله بس يا هشام طيب قول وراي

امشي شوفوا .
كان لقيتو في . خلي تعال
وكان لقيتو مافي ... سوقوا جيبو
مشيت اجيبو .. لقيتو مافي
سقتو جبتو
رجع مني
رجعت اجيبو
لقيتو في
خليتو وجيت

<!-- / message -->

[عثمان جلالة]

جلالة انا غلطان وقت سالتك من الجماعـــــــــــــــــة

هم كتار يا البازي ... وهن كتيرات ... أنا منهم ... وانت زاتك منهم ... أسأل هشام .. لكن الحياه مستمره .... وما لا يقتلني يقويني :p

[عثمان جلالة]

.

معقوله بس يا هشام طيب قول وراي

امشي شوفوا .
كان لقيتو في . خلي تعال
وكان لقيتو مافي ... سوقوا جيبو
مشيت اجيبو .. لقيتو مافي
سقتو جبتو
رجع مني
رجعت اجيبو
لقيتو في
خليتو وجيت

<!-- / message -->


ود عمي دي مش معناها ... لا بدورك .... ولا بحمل براك ؟؟؟؟؟؟؟:p

[ابوالنور]

ود عمي دي مش معناها ... لا بدورك .... ولا بحمل براك ؟؟؟؟؟؟؟:p

نسوي شنو ونقول شنو

يا حبينا

انسى وعيش وشوف الحاجات الإيجابية

والله لو واصلت كدا

حا تخش في مشروع دبرسة ونهايتو لأجل ..........

[عثمان جلالة]

انا ماشي وبرجع بعدين غلبني


سلمت ياجلالة يا خطييييييييييييييييييييييييييييييير

منتظرنك يا هشام ... بس تعال خت الكوره واطه ... واحكي لينا سلبيات وايجابيات الشاكوش انا غايتو عني ....... استفدت منو فايده كبيره جدا ... لكن بيني وبينك .. لسه في حاجه كده بتنتح يعني بالمصري (بتنقح) علي:cool:

[مختار بازى]

حبيبي لو في دوا كان اول واحد اتعالجته انتا ورجعتا السودان

الحمد لله قالوا ما لا يقتلني يقويني انا جااااااااااااي في الشهر الجاي انت جاي متين؟؟

[مختار بازى]

حتى انت يا بروتس

هو بنات حواء ديل السلم منهن منو؟

[مختار بازى]

هم كتار يا البازي ... وهن كتيرات ... أنا منهم ... وانت زاتك منهم ... أسأل هشام .. لكن الحياه مستمره .... وما لا يقتلني يقويني

بالحيل والله

[مصطفي دعوب]

ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه

والله الجماعة ديل مفلقين جنس فليق

[عثمان جلالة]

هو بنات حواء ديل السلم منهن منو؟


معتز الريح .. قال سلم منهن قال ... دخل وطلع ... بدون تعليق .. الأيدو في المويه .....

[عثمان جلالة]

ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه

والله الجماعة ديل مفلقين جنس فليق

جني وجن المشوكش وداسي شاكوشو من ناس عثمان
وجني وجن الفي العيسلات كتب حبو في الشجر والعمدان

[مختار بازى]

ههههههههههههههههههههههههههههه
ههههههههههههههههههههههههههههه
ههههههههههههههههههههههههههههه

والله الجماعة ديل مفلقين جنس فليق


الله يجيبك يا استاذ صلاح عشان تفت لينا شمار مصطفي دا
علا بدور اسعلك يعني بالصح انت الجروح الفوق راسك ديل حقات شنو
هههههههههههههههههههه

[مختار بازى]

معتز الريح .. قال سلم منهن قال
معقولة ولا في زمن الافراح والاتراح في الجامعـــــــــــــــــــــــــة

[معتز الريح]

معقولة ولا في زمن الافراح والاتراح في الجامعـة

والله زي ضربة محمد أحمد ما حصلت علينا ..

[ود الاغبش]

جلالة
بالجد خطير
جدا رائع
و اروع حاجة
(((شوهد في إحدى دول الخليج العربي ..... مقتول.... بالشغل والكفيل والغسيل والشيل التقيل .... ومن الحله وناس الحله )))
- يا اخوي بي صراحة كده
دي مشكلة محمد احمد بره ؟؟؟؟
ما كنا محمد احمد - في الحتة دي -

[مختار بازى]

والله زي ضربة محمد أحمد ما حصلت علينا ..

يعني اخف قدر

[مختار بازى]

- يا اخوي بي صراحة كده
دي مشكلة محمد احمد بره ؟؟؟؟
ما كنا محمد احمد - في الحتة دي -




الله عليك ود الاغبش تعجبني الصراحة اها فت الباقي :D :D

[معتز الريح]

من الواضح انو مواضيع الشواكيش بجيب أكبر دخل ..
السبب شنو يا ربي ؟؟

[معتز الريح]

وما ملاحظين أنو الجنس اللطيف ما بتداخل معاكم ..
يكون السبب شنو يا جلالة ؟؟

[مختار بازى]

من الواضح انو مواضيع الشواكيش بجيب أكبر دخل ..
السبب شنو يا ربي ؟؟


الناس كلها موجعــــــــــــــــــــــــــــــــــــــة يا معتز

[مختار بازى]

وما ملاحظين أنو الجنس اللطيف ما بتداخل معاكم ..
عاد دي تجي كيفن يا معتز يقتلن الكتيل ويمشن في جنازتو

[مصطفي دعوب]

[QUOTE=جلالة;217934]جني وجن المشوكش وداسي شاكوشو من ناس عثمان
وجني وجن الفي العيسلات كتب حبو في الشجر والعمدان[/[ghg


جلالة وبازي بعد ما من مصر والسعودية اتكشو
قالو في شارع النيل عايزين يتمشو
شافو الجكس النضيف رقدو سلطة وطشو
كبو الحنان ولي مكناتهم فرشو
الشاكوش تل في نص الراس لمن اتعقدو ومن الناس ادسو
مساكين .... في درب الغرام اتغشو
بقو لافين في الشمس بالعرق اترشو
بايتين القوا لا أتغدو لا أتعشو

[مصطفي دعوب]

الله يجيبك يا استاذ صلاح عشان تفت لينا شمار مصطفي دا
علا بدور اسعلك يعني بالصح انت الجروح الفوق راسك ديل حقات شنو
هههههههههههههههههههه

انت النصيحة ليك شنو وراسك مفلق وورارم
ادوك كم شاكوش خلوك في القاهرة حايم
خلوك كجنتا الجكس وكل الحمام الدابو قايم
حقدت علي بنات حواء بس مقطعو في حشاك وكاتم
اخير ليك ترجع البلد تزرع وترعي بهايم

[صالح شرف]

امونة وينها هسه؟؟؟؟
بس وروني
ما فات شي
اياني محمد احمد اللسه قاعد

[هشام السماني إبراهيم]

عاد دي تجي كيفن يا معتز يقتلن الكتيل ويمشن في جنازتو

والله الرد عندك بتفرجن من برة بس

[هشام السماني إبراهيم]

والله بتجنن يا هشو ..... لكن قالوا التختاك اخير من التصيبك ... ان شاء الله ختاك الشر

سلمت يالغالي

[هشام السماني إبراهيم]

مخوووو لو مافي طريقه نسيان تب ... ما تعمل هجمه مرتده ... أمونه لسه ما عرست في الانتظار (راجع الحكاية)

جلالة اخوي كدي راجع انتا امونة وقفت بعييييييييييييييييييييييييد

[هشام السماني إبراهيم]

جلالة انا غلطان وقت سالتك من الجماعـــــــــــــــــة

مخو انتا ماغلطان غلطان انا الخليت قلبي يتكسر

[هشام السماني إبراهيم]

هشام أخوي انت الجروح دي لمتين ... مخليها .. متقرحه وشايله (خراج) نضف الجروح دي وخلي الدم .. يطلع .. عشان تطيب .. أوع تكون زي أمحمد أحمد (عامل شخيت وواقف بعيد)

جلالة اخوي كلامك جميل بالحيل بس وصفك للجرح شين ههههههههه

هي الابت والله يا جلالة ووقفت بعييييييييييييد

[هشام السماني إبراهيم]

والله القلب ده يا هشو ... مليان حب للناس .... شوف علاقاته كيف مع ناس المنتدى شوف القلب ده ... أبدع كيف ... في رسالة إلى مختار بازي ... القلب يا هشو عندو الرغبه يحب تاني وتالت ويتحب ... بس عليك الله أديه فرصة تانية

تعرف ياجلالة كل ما اقول اديو فرصه يرجع تاني يحن ويتزكر

[هشام السماني إبراهيم]

معقوله بس يا هشام طيب قول وراي

امشي شوفوا .
كان لقيتو في . خلي تعال
وكان لقيتو مافي ... سوقوا جيبو
مشيت اجيبو .. لقيتو مافي
سقتو جبتو
رجع مني
رجعت اجيبو
لقيتو في
خليتو وجيت

طيب وبعد كدا يا ابو النور


ود عمي دي مش معناها ... لا بدورك .... ولا بحمل براك ؟؟؟؟؟؟؟

دي يعني معاي ولا لا فهموني

انا راسي شطب ادييييييييييييل كدا ههههههههههههههه

[هشام السماني إبراهيم]

نسوي شنو ونقول شنو

يا حبينا

انسى وعيش وشوف الحاجات الإيجابية

والله يا ابو النور تراني ماشي لحدي وين ما معروف

[هشام السماني إبراهيم]

منتظرنك يا هشام ... بس تعال خت الكوره واطه ... واحكي لينا سلبيات وايجابيات الشاكوش

جلالة اخوي كان على السلبيات يا ها العايش فيها انا حسي قلب مكسور وخايف يحب وماعاوز

يتحب عشان ما يعمل الاتعمل فيو تنوم وتصحى بليل بالتفكير من غير سبب والحالة دي فرحان

قال نسالو كمن يوم والحال ياهو الحال ينسي يومين واتزكرسبعة يوم كانو قلبك بيقول ليك كيف

تنسى خليك عشمان ممكن ترجع بس ياريت ينفع العشم والباب الموارب اتقفل عديل والسلبيات

لي بكرة ما تخلص وبتختلف من شخص لاخر .

وزي ماقال ((ابكي واشكي لي مين .......))

[هشام السماني إبراهيم]

الحمد لله قالوا ما لا يقتلني يقويني انا جااااااااااااي في الشهر الجاي انت جاي متين؟؟

مخو بجي الخريف وال..................

[هشام السماني إبراهيم]

مصطفى
والله الجماعة ديل مفلقين جنس فليق

يعني ما اخدتا ليك حجر كاااااااااااااااااااااارب كدا وريني

[هشام السماني إبراهيم]

جني وجن المشوكش وداسي شاكوشو من ناس عثمان
وجني وجن الفي العيسلات كتب حبو في الشجر والعمدان

هههههههههههههههههههههههههههههههههههههههه مشتفى الكلام دا كيفن

[هشام السماني إبراهيم]

لكن بيني وبينك .. لسه في حاجه كده بتنتح يعني بالمصري (بتنقح) علي

هنا مربط الفرس يا جلالة النقح

[هشام السماني إبراهيم]

من الواضح انو مواضيع الشواكيش بجيب أكبر دخل ..
السبب شنو يا ربي ؟؟

بتيجب دخل يا معتز بس لحدي حسي مافي زول اعترف عدييييييل وقال الحصل معاو شنو

[هشام السماني إبراهيم]

وما ملاحظين أنو الجنس اللطيف ما بتداخل معاكم ..
يكون السبب شنو يا جلالة ؟؟

معتز
حسي كدي قول لي ما اخدته شاكوش مامهم شكلو المهم في الاخر يكون شاكوش

[مرتضى يوسف العركي]

الرائع جلالة
والله قمة في الابداع والامتاع واصل يا ارجل بهذه المفردات الحبيبة .

[عثمان جلالة]

والله زي ضربة محمد أحمد ما حصلت علينا ..

هي بيني وبينك ضربة تحت الحزام ... يا هي المحرمه في قوانين اللعب يا ود الريح:d

[عثمان جلالة]

جلالة
بالجد خطير
جدا رائع
و اروع حاجة
(((شوهد في إحدى دول الخليج العربي ..... مقتول.... بالشغل والكفيل والغسيل والشيل التقيل .... ومن الحله وناس الحله )))
- يا اخوي بي صراحة كده
دي مشكلة محمد احمد بره ؟؟؟؟
ما كنا محمد احمد - في الحتة دي -

ود الأغبش محمد ود أحمد موجود بره السودان وجوه السودان طالما في مفارقات اجتماعية واقتصادية بتقتل الحب وكل الحاجات الحلوه ... لكن مفروض نستفيد من الشاكوش ولا شنو ؟؟؟

[معتز الريح]

يا عثمان يا حبيب..
وشاكوش مع سبق الإصرار والترصد ده عقوبتو شنو؟؟ ..

[عثمان جلالة]

وما ملاحظين أنو الجنس اللطيف ما بتداخل معاكم ..
يكون السبب شنو يا جلالة ؟؟

تعرف يا ود الريح الأنثى دي كائن عجيب ... مع إنو الموضوع .. من صميم اهتماماتها .. وبهمها في المقام الأول لكن بتشوف بس وما بترد .. شوف عدد المشاهدات للموضوع أكثر من 150 زائر .. بأكد ليك إنو أكتر من نصهم نواعم ... ونوع أموووووونه كتير في الجنس الناعم لأنو بندهشو بالجديد .... وشعب كل حكومه ... (مع البهب النار) .. أسأل هشام ... وفي برضو كتير من النواعم ... زي محمد ود أحمد ... لكن ما مكن تعترف أنثى إنها اتشوكشت بموتن بيهو الشاكوش ... ولا سيرتو دى .. ما دايرات اسمعنها

[عثمان جلالة]

امونة وينها هسه؟؟؟؟
بس وروني
ما فات شي
اياني محمد احمد اللسه قاعد

العزيز صالح ود شرف كان انت بالجد محمد ود أحمد .. تاني أمونه كان جابوها ليك في خبر تلفزيوني ... تفطها ... من تسمع اسم أمونه .. تجيك طعنه .. وراسك .. يلف .. وتعرق .. ويجيك مغص ... وتقول ... ودووووني الدكتور :p

[عثمان جلالة]

جلالة اخوي كان على السلبيات يا ها العايش فيها انا حسي قلب مكسور وخايف يحب وماعاوز

يتحب عشان ما يعمل الاتعمل فيو تنوم وتصحى بليل بالتفكير من غير سبب والحالة دي فرحان

قال نسالو كمن يوم والحال ياهو الحال ينسي يومين واتزكرسبعة يوم كانو قلبك بيقول ليك كيف

تنسى خليك عشمان ممكن ترجع بس ياريت ينفع العشم والباب الموارب اتقفل عديل والسلبيات

لي بكرة ما تخلص وبتختلف من شخص لاخر .

وزي ماقال ((ابكي واشكي لي مين .......))

الرائع هشام ... زي ما قال ليك اخوك بازي .. أمشي مع (ما لا يقتلني يقويني) وأهو انت الحمد لله .. ميه الميه ... حساس ومرهف ... ومليان ريد وحنيه .. لو ما الشاكوش ده ما كان بقيت بتحس بآلام الناس وأحزانهم .. ولو ما الشاكوش ... ما خلقت صداقات وعلاقات وسيره طيبه وسط الناس .. لأنك .. متأكد إنو الخطأ ما منك.
الذكرى .. ظاهرة صحيه لكن مش عشان .. تخاف من أي تجربه جديده ... عشان تتعظ من أخطائك السابقه .. أو أخطاء الطرف التاني

افتح صفحة جديده وما تتعلق بأمل ... انقطع فيهو العشم .. أمة محمد بخير ... والجكس الزمن دا أحسن ومتفهم وواعي ... أبدأ بدايه جاده .. وربك بسهل باقي الأمور

هشام ... البعمل حادث كبير ... بركبوه العربية مرة تانيه عشان إسوق ما يبقى ليهو الحادث عقده مدى الحياه ... أطلع من العقده دي سريع ... بقصه جديدة

ومن لا يريد صعود الجبال ... يعيش أبد الدهر ......... عذابي:p

[عثمان جلالة]

الرائع جلالة
والله قمة في الابداع والامتاع واصل يا ارجل بهذه المفردات الحبيبة .


أستاذنا الحلامابي .. عندنا مشكلة حقيقيه .. هنا .. دايرين رأيك في الموضوع .. انتو يمكن صبقتونا بى جيل .. زمنكم كان في حكايات زي دي ... الزمن العلينا دا كترت ... ونصيحتك لى ناس هشام ديل شنو ؟؟؟؟ شكرا على كلماتك الرائعة

[عثمان جلالة]

يا عثمان يا حبيب..
وشاكوش مع سبق الإصرار والترصد ده عقوبتو شنو؟؟ ..

عقوبتو يا معتز ... للشاب ..... يكون عذابي .. وعامل فيها مبسوط .. يقول ليك أنا مرتاح من الهم ... مع إنو أكبر هم .. تجي خاش بيتك ... ما تلقى البرحب بيك ... والبقول ليك يا بابا ..

وعقوبتو للشابات ... تكون عانسه ..:p ...... وجنها مسلسلات مصريه .... وإلا ما تجي واحده بتبيع كريمات تكون اول مشتري ... والوش ميرندا وباقي الجسم بيبسي ...

ودي عقوبة الدنيا ... وعقوبة الآخره علمها عند ربك ...

[معتز الريح]

عقوبتو يا معتز ... للشاب ..... يكون عذابي .. وعامل فيها مبسوط .. يقول ليك أنا مرتاح من الهم ... مع إنو أكبر هم .. تجي خاش بيتك ... ما تلقى البرحب بيك ... والبقول ليك يا بابا ..

وعقوبتو للشابات ... تكون عانسه ..:p ...... وجنها مسلسلات مصريه .... وإلا ما تجي واحده بتبيع كريمات تكون اول مشتري ... والوش ميرندا وباقي الجسم بيبسي ...

ودي عقوبة الدنيا ... وعقوبة الآخره علمها عند ربك ...
والله يا حبيب ..
دي ما السجن مدى الحياه ذاتها ..

[معتز الريح]

أول مره ألاحظ أنو القتل العمد ..
وشاكوش سبق الإصرار ..

عقوبتهم واحده ..

[عثمان جلالة]

والله يا حبيب ..
دي ما السجن مدى الحياه ذاتها ..

100% معتز ... سجن في العزوبية .... مدى الحياه

[mozsaic]

قصة تستاهل ليها لقيمات من يد امي و لبن مقنن ريحتوا ضاربة في الفريق الوراني ---- و اهم شي تكون الكهربا قاطعة و القمر مدي النور.

[عثمان جلالة]

أول مره ألاحظ أنو القتل العمد ..
وشاكوش سبق الإصرار ..

عقوبتهم واحده ..


هههههه يعني فاكر العنوان جا ساكت ... شوف اغاني الحقيبه قلها بتتكلم عن الشاكوش أقصد القتل العمد .. أسأل دعوب .. كان فنان حقيبة زمان

تعرف يالحبيب في كتيرين ... ما شين .. بياكلوا ويشربوا .. لكن ماتوا من زمان ... أنا ما قاااااصد زووووول :p

[عثمان جلالة]

قصة تستاهل ليها لقيمات من يد امي و لبن مقنن ريحتوا ضاربة في الفريق الوراني ---- و اهم شي تكون الكهربا قاطعة و القمر مدي النور.

خلي أمك الله يديها العافية تجهز اللقيمات ... وكان على الكهرباء الزمن ده كلوا قاطعة .. داير تشتغل اسي تخرب لينا جلسة القمرا دي

أسمع :

أنا جايب معاي هشام ... والبازي .... ودعوب ... كتر اللقيمات والشاي بى لبن .. هشام داير أحكي لينا قصة شاكوشو ... بالتفصيل الممل ... والبازي ... برضو نفس الفلم ... ودعوب بريد اللقيمات بس .. جاي زول .. عزف منفرد ... وسفسفه ... الله يعينكم علينا:p

قلت لي اسمك منو ... العتب علي النظر

[عماد عبدالشكور]

شكرا يا محمد احمد اقصد جلالة على القصة الجميلة والواقعية

[مصطفي دعوب]

خلي أمك الله يديها العافية تجهز اللقيمات ... وكان على الكهرباء الزمن ده كلوا قاطعة .. داير تشتغل اسي تخرب لينا جلسة القمرا دي

أسمع :

أنا جايب معاي هشام ... والبازي .... ودعوب ... كتر اللقيمات والشاي بى لبن .. هشام داير أحكي لينا قصة شاكوشو ... بالتفصيل الممل ... والبازي ... برضو نفس الفلم ... ودعوب بريد اللقيمات بس .. جاي زول .. عزف منفرد ... وسفسفه ... الله يعينكم علينا:p

قلت لي اسمك منو ... العتب علي النظر


والله عايز الحقيقة
انا بموت في اللقيمات وبعضيها جنس عضة
واي واحد بعزمني لقيمات الله قال بي قولو
بس عليك الله ماتجيب هشام وبازي وود البشير


الضيق شنو !!!!

[مختار بازى]

خلي أمك الله يديها العافية تجهز اللقيمات ... وكان على الكهرباء الزمن ده كلوا قاطعة .. داير تشتغل اسي تخرب لينا جلسة القمرا دي

أسمع :

أنا جايب معاي هشام ... والبازي .... ودعوب ... كتر اللقيمات والشاي بى لبن .. هشام داير أحكي لينا قصة شاكوشو ... بالتفصيل الممل ... والبازي ... برضو نفس الفلم ... ودعوب بريد اللقيمات بس .. جاي زول .. عزف منفرد ... وسفسفه ... الله يعينكم علينا

والله بتكون ليلة عالمية يوم الواحد في حضرتكم الله بس لكن الزول دا جايبنو لي شنو دعوب دا كان لللقيمات لفو ليهو في كيس:D :D

[مختار بازى]

والله عايز الحقيقة
انا بموت في اللقيمات وبعضيها جنس عضة
واي واحد بعزمني لقيمات الله قال بي قولو
بس عليك الله ماتجيب هشام وبازي وود البشير


الضيق شنو !!!!

هسة امانة في زمتك المضايق اخو منو نحنا ولا انتة نحنا جايين ناس بكي وتقليب مواجع انت جاي تطفح اللقيمات وبرضو تقول لي نحنا ناس ضيق اللقيمات عاملينو عشانا بعد ما ننكت المواجع ونبكي ناكلو:D :D :D

[مختار بازى]

الي دووم المعـــــــــــــــــــــــزب في الارض :D



http://www.sudani.ws/music/osmanhussein/ayam.html

[ود ام تريبات]

ياجلالة ده شنو ده !!!
انت قاصد صاحبي صاح ؟؟

على الطلاق اكلمو ليك طوالي خليهو يجي بوريك شغلك ..
ما عرفتو !! شغال في العقارية !! انت خلاص انتهييييييييييت رسمي ..

[مختار بازى]

http://www.sudani.ws/music/isammohamednour/ma_baridk.html

[عثمان جلالة]

شكرا يا محمد احمد اقصد جلالة على القصة الجميلة والواقعية

يا أحمد ... أقصد عمده .. ما واقعية زي قصة (أحمد ومنى) ... والله يا العمده أمس الليل كلوا أفكر ليك في حل .. لا من المره قالت لي انت داير تعرس ولا شنو ؟؟؟ وغلبني تب آخد رايها في موضوعك ... لأنو بكون زي راي مدنيه .. أم آيه ... وبجيب لينا الهوا:p

[عثمان جلالة]

والله عايز الحقيقة
انا بموت في اللقيمات وبعضيها جنس عضة
واي واحد بعزمني لقيمات الله قال بي قولو
بس عليك الله ماتجيب هشام وبازي وود البشير


الضيق شنو !!!!

ما بجيبهم بس كلمني بالراحه في أضاني .... شاكوش جامعة أم درمان الأهليه ... يا هو الزعمطك كدي ... ولا ده أكل اللقيمات :p

[عثمان جلالة]

والله بتكون ليلة عالمية يوم الواحد في حضرتكم الله بس لكن الزول دا جايبنو لي شنو دعوب دا كان لللقيمات لفو ليهو في كيس:D :D

والله كلمتو يا معتز رفض تب ... قال أهم حاجه الريحه .... التقول ريحة .....
يعني هو شمام من الدرجه الأولى:D

[مصطفي دعوب]

والله بتكون ليلة عالمية يوم الواحد في حضرتكم الله بس لكن الزول دا جايبنو لي شنو دعوب دا كان لللقيمات لفو ليهو في كيس:D :D

هههههههههه
هههههههههه

اللقيمات كان لفوها في كيس بتفقد طعمها
وأكل اللقيمات ذي الجبنة لازم تكون معاها ونسه ومواضيع وشمارات عشان وانت بتتكلم تكون شغال في اللقيمات ذي فرامة اللحم وبتاكل اكبر كمية .

تقول لي لفو ليهو في كيس !!!!!!!!!!

[عثمان جلالة]

الي دووم المعـــــــــــــــــــــــزب في الارض :D



http://www.sudani.ws/music/osmanhussein/ayam.html

والله انتهيت منو أأأأأأأددديل كده .. يا خي الفيهو مكفيهو .. هشو جهز نفسك للعزومه

[عثمان جلالة]

ياجلالة ده شنو ده !!!
انت قاصد صاحبي صاح ؟؟

على الطلاق اكلمو ليك طوالي خليهو يجي بوريك شغلك ..
ما عرفتو !! شغال في العقارية !! انت خلاص انتهييييييييييت رسمي ..

والله قالوا الفي راسو .. شاكوش .. براهو بهبشو ... طبعا صاحبك راسو قايم شوك شوك من السوفت وير والهارد وير ... والأجهزة بأنواعها ..

همسه بطعم ... الكورنفلكس

قول ليهو تعال أحكي لينا قصتك .. هنا في رابطة المشوكشين العالمية لما وراء البحار:p

[عثمان جلالة]

طق طق طق .. مين في الباب ... نحن جينا .... دعوب .. وأبو النور مشوا يقطعوا الكهربا الابت تقطع دي .. خش يا هشو .. بازي .. ود ام تريبات معتز ... عمده .. باسطه .. وفي ناس جايين ورا
وكدي بعد ما نشرب المويه دايرين نخش في الموضوع طوالي

قبل البازي ما يبدا .. أنا أبدى ليكم حكاية شاكوشي


وبي صراحة ... زي ما قالوا ... والصراحة راحة

القوانين

عدم ذكر أسماء المحبوبات الأدننا شاكوش
عدم التجريح .. والفليت .. لأنو الجاتك في راسك ... سامحتك
عدم المقاطعة .. لحدي ما الواحد يفضفض تب .. والعندو سؤال .. يسألوا
ودي دعوة للجميع ....... عشان نتعلم من أخطأنا وأخطاء غيرنا

كي النشرب لي مويه وأحكي ليكم ...........

[مختار بازى]

اها فضلنا وحاتك منتظرين كمان وكمان

[عثمان جلالة]

أها حجيتكم ما بجيتكم ... خيرا جانا وجاكم .. أكل عشاكم ...

بعد ما اتخرجت من جامعة جوبا .. لفيت زي سنه كده وبعدها جاتني فرصة الاغتراب ... وطبعا الواحد كان .. خالي الوفاض .. كل الحب الفات الفات ... في ديلو سبعه لفات ... كان حب الجامعه على قول أخونا معتز ... أفراح واتراح .. انتهى مع التخرج .. لأنو العين بصيره والأيد قصيره .. وأنا يا هشام ما مقتنع على كلامك إنو الزول بحب مره واحده وبالذات الرجل ... لأنو تعدد الزوجات في الدين ما جا .... عبس .. لأنو الرجل قلبو بسع أكتر من حب ....
المهم .. مشيت السعوديه وهمي الاول .. تغيير الحالة الاقتصادية والاجتماعية لناس بيتنا .. خاصة وإنو انا كبير البيت .. والحمد الله اتوفقت .. وبنيت البيت لأهلي ولي نفسي خلال سنتين ونصف .. وأخواني الأصغر مني .. اتنين .. استغلوا غيابي .. ووجود الدعم المعنوي والمادي واتزوجو .. يعني بقى موقفي صعب .. قدام الأمم المتحدة ..

فكان لازم ... أنزل السودان ... وفي أقرب فرصة .. عشان أختار بت الحلال .. ما كنت عشمان في حب .. لأنو الواحد بتكون إجازتو مدتها بسيطه .. وبكون ملخوم .. والحب داير روقان ووقت كافي ... ولا شنو يا أبو النور... إلا الحب من أول نظره .. وده كان زمان .. زمن قفا نبك ...من ذكرى حبيب ومنزل ... المهم خلوني كدي أضرب خماسي في سداسي .. وأجهز حالي للسفر للسودان .. وبرجع أكمل ليكم القصة

[عثمان جلالة]

شفتو الحب من أول نظره .... ما اظنكم شفتوهو .. والجربو منو ... حب كده زي البرق البشلع في العينين داك ... خمسه دقائق ما تشوف ولا بتكون فاهم حاجه ..

ده يا هو الحصل على أخوكم ...

[مختار بازى]

بسم الله نبداء
التقيتها في مكان عام تبادلنا النظرات اعجبت بها ايما اعجاب ولجراتي تقدمت اليها وبدانا نتجازب الحديث كنا متفقين الي حد كبير في تجازب الحديث وكاننا نعرف بعض منذ عصور
تفارقنا علي موعد مسمي وكان اللقاء وكانت نقطة البداية في اعلان كل منا حبة للآخر,,,,
وبدينا والايام ماشا وكل يوم حبي ليها بيكبر وبيكبر اصبحت رقم لا يمكن تجاوزة في حياتي
وانا كذالك بالنسبة ليها ...!! كان,, حبي ليها بيعرفو كل من يعرف مختـ بازي ــــــــــــــــــــار
اقول ليكم وصلنا مرحلـــــــــــــــة والله لو حصل خلاف عادي بينا ما بنتحمل في اللحظة الانا بكون عايز اصالحا بتكون هي اتصلت عشان كدا ولو انا اتماديت في الزعل اكتر من تلاتة يوم
والله العظيم .. بترقد مريضة اتخن دكتور ما بيعرف ليها مرض ,,
والله اقول ليكم مبالغــــــــــــة لا فحوصات ولا علاجات ولا اي شيء الا العبد لله محسوبكم
مختار بازي يديها طلة والله بي مجرد ما ازورها خلاص تقوم زي الحصان..
وناس بيتهم بالاخص والدتها بقت كل ما تعيا والله تتصل بي تقول لي تعال شوف البت دي ,,,
والايام ماشة وماشة وما عارف القدر مخبي لي مصايب وانا اشيل واتكسر واكب في الحنان ,,
فجاءة صحيت من النوم لقيتا واقفة قدامي وياريتني ما صحيت قالت نمشي مشوار ....
ومشينا المشوار وهناك بدت تجدع في الكلام,,, واخوكم استاذ تفسير في الكلام طبعا ...
المهم بي خيرو وبي شرو قدرتة اتحكم في الزمن لحدي ما جا زمن العودة ..
وعايشين حلويين لحدي ما جات القنبلة القصمت ضهري ,,,!
يوم الاحـــــــــــــــــــــــــد,,, والله كل احد بتزكر اليوم داك.. صحبي عاطف قابلني طبعا عاطف دا ود جيرانهم طوالي اها بدا معاي كلام كدا زي ما تقولوا كلام الطير في الباقير ,, ماقدرتة افهم
منو اي شيء .. بيوحي لي انو في زول مات من ناس البيت وهو بيحاول يصبر فيني بي كلامو
دا يعني نظام مدخل لي خبر شييييييييييييييييييييييييييييييييييييييييييييييييي ييييييييييييييييييييييين,,,,
المهم انا زعلتة ليكم منو وكرضمتا وقلتة ليهو يا تخش في بيت القصيد عديل ولا بلاش من كلامك دا هو في شنو ؟؟؟
اخونا اترجل وفرقع لي اللقم,, وقال .. امس جابو خطوبة..................... من ابو ظبي واحد قريبهم,,,,,,,,,
قلتة ليهو يا زول انت بتحلم منو البتتخطب لي زول تاني غيري الا لو دي واحدة تانية ,,,
انت ما عارفها دي لو قرصوها بتقول بااااااااازي .... قال لي والله بتكلم معاك جادي ,,
واخونا بتاع الخليج دا الله يديهو العافية جاي مستعجل والله من اليوم الوصلني الخبر من عاطف تاني ما شفتها ... وفي خلال اسبوع الدلاليك دورت وانا لسة بطمن في روحي ,,,,
يكون الناس دي كلها اتفقت تعمل لي حرب اعصاااااااااااب وياريتهم حرقوا اعصابي جد جد..
وما انتظرتة اليوم داك ولا سمعتة ولا شفتة كل الحصل بام عيني وانا واقف من غير ما اتحرك
والله جاتني افكار شيطانية قلتة اعمل واعمل ...تاني رجعتة لعنت الشيطان واستهديت بالله ..
وبقيت اغني في غنا الحسرة والندامــــــــــــــــــــــــة وفي الاول قررتة احارب ليكم بنات حواء ديل حرب ضروس والله تاني رجعتة قلتة الباقيات زنبهن شنو في دا كلو....؟؟؟
وفي الآخر وصلتة لي
غلطة كانت غرامي ليكــــــــــ ,,,,,,,,,,,,

[عثمان جلالة]

أول شي يا بازي أخوي رغم انك قطعت لي قصتي لكن معليش صراحة قصتك محزنة جدا ... وانت عملت العليك وزيادة ... وكنت على قدر الحب والوفاء .. وربنا ستر ما اتهورت أي تهور .. وكلامك صحيح بنات حوا ما عندهن ذنب ... لكن بصراحه .. البركه البت دي الختتك .. لأنها ما بتستاهلك .. وربنا بعوضك الأحسن منها ... قول اللهم أجرني في مصيبتي .. وأخلف لي خيرا منها ... لك الود

[مختار بازى]

أول شي يا بازي أخوي رغم انك قطعت لي قصتي لكن معليش صراحة قصتك محزنة جدا ... وانت عملت العليك وزيادة ... وكنت على قدر الحب والوفاء .. وربنا ستر ما اتهورت أي تهور .. وكلامك صحيح بنات حوا ما عندهن ذنب ... لكن بصراحه .. البركه البت دي الختتك .. لأنها ما بتستاهلك .. وربنا بعوضك الأحسن منها ... قول اللهم أجرني في مصيبتي .. وأخلف لي خيرا منها ... لك الود


يا زول والله افتكرتك اختصرتا دا السبب
ومعليش وآسف جدا والله

[عثمان جلالة]

قلت ليك يا بازي مشيت السودان سكمن بكمن .. وعامل فيها سبعه بي قرش .. ود وجيه ومغترب .. وما في بت بتقدر عليهو .. لاقتني ليك البت دي والله نظره واحده بس أخوك رقد سلطه ... ونسيت ليك السعوديه والاغتراب .. والفيزا مدتها انتهت .. وقلت أصلوا ما برجع إلا .. أخطبها رسمي .. لانو هي مستقبلي .. والحياه من غيرها ما عندها معنى ... والكلام العارفو داك .. المهم .. قلت أحسن أقعد معاها أفهمها الحاصل .. وأحكي ليها .. ما بداخلي ... اتصلت عليها .. قلت ليها أنا دايرك في موضوع .. قالت لي أنا ذاتي دايراك في موضوع ... والله في اللحظه ديك .. قلبي كان داير يطير فر ... وجاء اليوم الموعود وكان برضو يوم... أحد ..... بعد مقدمات .. وقومه وقعده ... وريتها الحاصل ... قالت لي والله نفس الشعور ... وانت لو ما قلت أنا الكان قلت ليك ... يا زول حسيت إني مالك الدنيا وما فيها وبقيت انسان تاني ... لدرجة اني كنت بقيم الليل شكر لله .. وطلب من الله بالتوفيق .... بعدين كان لازم أرجع السعوديه .. لأنو .. المستقبل والعرس وكده ... ناس بيتنا .. وافقوا على إختياري .. لكن رايهم كان لازم تكون في خطوبه رسميه .. لأنو خايفين أخوك ... يضيع زمنو .. ولأنو أخواني الصغار عرسو .. المهم طلبتها من أبوها ... قال لي ما بقدر اديك أي كلمه حاليا لأنو البت صغيره (مع انها في الجامعة) ودايرنها تتخرج .. قلت ليهو انا داير كلمه بس بالموافقة أمشي عليها .. ونخت النقط فوق الحروف .. برضو رفض .. البت عملت إضراب عن الطعام .. والقصة بقت مشهورة في جلسات الجبنه .... انا قلت أهدي اللعب ... وسافرت .. كلمت البت إنو تحاول مع اهلها عشان آخد أنا ضوء أخضر ... ومرت سنتين وأنا بالحال دي .. ودخلت في حرج مع أهلي المنتظرني أتزوج .... وقلت أحسم الموضوع ... اتصلت عليها ... يا بت الناس دلوقت لينا سنتين ونحن في الحالة دي ... مافي خطوبه .. مكالماتنا بالدس .. الوضع دا يا بتقدري تحسميهو بموافقة اهلك .. يا السلام عليكم .. قالت لي .. ما بقدر حاليا ... قلت ليها إذن .. السلام عليكم .. والله لا من ختيت السماعة ... كنت فاكر إني حا أموت في التو واللحظة ... لكن الحمد الله كلو عدا واتجاوزت المرحلة ... وحبيت أم عيالي واتزوجتها ... وعندي بت حلووووووه وعسووووله .. مشمش.... وحاليا .. أسعد إنسان .. وبيتي .. مليان حب وحنيه ... قصة شاكوشي بالنسبه لي ذكرى فيها الحلو ... والمر ... ومازلت أكن كل التقدير والاحترام للبت وأهلها الشوكشوني

[ود المطامير]

أم عمرو أتت وبأنامل حانيه .... مسحت كل الجراحات القديمه
كأن لم يكن فى قلبى جرح ...... ولم تُظلل سمائى قبل اليوم غيمه
سقتنى بيديها رشفات الدواء .... فشفيت من سقمى بنواياها السليمه

وجدتنى وخلف الضلوع ..... بقايا روح فنفخت فيها أنفاسها الكريمه
فغدوت بعد أن كدت أهلك ... فارس فى حبها قوى الشكيمه
فوهبتها قلبى وروحى ... وعطفى وحنانى ومشاعر جد حميمه

[معتز الريح]

جلالة الحبيب ..
حسه وينو الشاكوش في قصتك ؟؟
انت كنت ماسك الشاكوش بيدك ..
ورفعتو فووووق وخبطت بيهو رأسك ..
يعني زي إصابات العمل ..
بس نقدر نقول مافي نصيب ..
والبركة في عيالك ..

[معتز الريح]

نسيت أقول ليك ..
الحب من أول نظره ده ..
عملت فيهو رسالة الدكتوراه حقتي ..

[معتز الريح]

أما حبيبنا مختار بازي ..
فشاكوشو بطاااااااال عديل ..

البحير الواحد أنو الحبيبه تحلف ليك بكل عزيز
أنو هي غيرك ما حتتزوج ..
والحليفة دي تتكسر عند أول خطيب ..

[هشام السماني إبراهيم]

والله انتهيت منو أأأأأأأددديل كده .. يا خي الفيهو مكفيهو .. هشو جهز نفسك للعزومه

ما خلى لي جمبة ارقد عليها


تخريمة
لو في لقيمات ماجاي :D

[مختار بازى]

أما حبيبنا مختار بازي ..
فشاكوشو بطاااااااال عديل ..

البحير الواحد أنو الحبيبه تحلف ليك بكل عزيز
أنو هي غيرك ما حتتزوج ..
والحليفة دي تتكسر عند أول خطيب ..

مش عليك الله يا معتز..
والمحيرني انا اكتر كنتة طبيبا الاول والآخير
شوف جات ازتني كيف,,,

[هشام السماني إبراهيم]

أم عمرو أتت وبأنامل حانيه .... مسحت كل الجراحات القديمه
كأن لم يكن فى قلبى جرح ...... ولم تُظلل سمائى قبل اليوم غيمه
سقتنى بيديها رشفات الدواء .... فشفيت من سقمى بنواياها السليمه

وجدتنى وخلف الضلوع ..... بقايا روح فنفخت فيها أنفاسها الكريمه
فغدوت بعد أن كدت أهلك ... فارس فى حبها قوى الشكيمه
فوهبتها قلبى وروحى ... وعطفى وحنانى ومشاعر جد حميمه

يا سلام عليك

والله كنتا عاوز اقول ليك ادينا فكرة عن شاكوشك بس كلامك سكتني

[هشام السماني إبراهيم]

والله طلعت حالتكم تحنن ولي زمن اقول ليكم مشوكشين وداسين كويس ما اي نواعم عدن بي

هنا ولا كان دقينا صيوان طوااااااااااااالي:rolleyes: :p

[هشام السماني إبراهيم]

مختار دي اسمها طعنة في الضهر يعني غير قانونية عديل انا افتكر انك كنتا محتاج تبرير منها على اسوا الفروض

[مختار بازى]

مختار دي اسمها طعنة في الضهر يعني غير قانونية عديل انا افتكر انك كنتا محتاج تبرير منها على اسوا الفروض

تبرير؟؟
الفاضي يسمع مبررات منو بعد الحصل دا
خلينا من دا كلو فضفض

[هشام السماني إبراهيم]

انتا عاوز تبقى ليلي سهر ولا شنو

[هشام السماني إبراهيم]

جلالة انا تهتا شوية حسي

مين الضرب التاني والله ياخوي انا شايفك ماسك الشاكوش في يدك البت كانت دايراك

:rolleyes: دا شاكوش قسمة ونصيب :p

بعدين دا مايعتبر شاكوشو رسمي الشاكوش الصاح بكون في زمن الصبا وزمن القرايه ام دق:p

ناس افراح واتراح :D


ماشاء الله والبركة في وليداتك

[عثمان جلالة]

أم عمرو أتت وبأنامل حانيه .... مسحت كل الجراحات القديمه
كأن لم يكن فى قلبى جرح ...... ولم تُظلل سمائى قبل اليوم غيمه
سقتنى بيديها رشفات الدواء .... فشفيت من سقمى بنواياها السليمه

وجدتنى وخلف الضلوع ..... بقايا روح فنفخت فيها أنفاسها الكريمه
فغدوت بعد أن كدت أهلك ... فارس فى حبها قوى الشكيمه
فوهبتها قلبى وروحى ... وعطفى وحنانى ومشاعر جد حميمه

يا سلام على حب الناس الكبار .... كسيرنم صعب صعب :p الله يخلي ليك أم عمر ويخليك ليها ويخليك لينا يا عمي ود الطاهر أقصد ود المطامير ... قول آآآآآآمين

[عثمان جلالة]

جلالة الحبيب ..
حسه وينو الشاكوش في قصتك ؟؟
انت كنت ماسك الشاكوش بيدك ..
ورفعتو فووووق وخبطت بيهو رأسك ..
يعني زي إصابات العمل ..
بس نقدر نقول مافي نصيب ..
والبركة في عيالك ..

الحبيب معتز .. تعرف الشاكوش أصلا كان جاي جاي ... يعني دي أسمها سياسة الفيك بدربو ... بيدي ولا بيد عمرو:p

[عثمان جلالة]

أما حبيبنا مختار بازي ..
فشاكوشو بطاااااااال عديل ..

البحير الواحد أنو الحبيبه تحلف ليك بكل عزيز
أنو هي غيرك ما حتتزوج ..
والحليفة دي تتكسر عند أول خطيب ..


فعلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حاجه تحير ... داير واحدة تجاوب لينا ؟؟؟

[عثمان جلالة]

ما خلى لي جمبة ارقد عليها


تخريمة
لو في لقيمات ماجاي :D


هشو داير تقول حكايتك قبل ما ناكل اللقيمات ... ولا بعد ما ناكلها ... الرجاء الرد

[عثمان جلالة]

تبرير؟؟
الفاضي يسمع مبررات منو بعد الحصل دا
خلينا من دا كلو فضفض

تعرف يا بازي ... التبرير ..مطلوب من زول ممكن يكون معاه خط رجعة ... لكن والله زولتك دي كانت بقت قبلة ... الواحد ما يقبل عليها ... تبرير شنو ؟؟؟؟

[عثمان جلالة]

انتا عاوز تبقى ليلي سهر ولا شنو

هشام ما في زوغانات ... الدور عليك .... وبنشجعك .... هشو هشو هشو ... حديد :p

[عثمان جلالة]

نسيت أقول ليك ..
الحب من أول نظره ده ..
عملت فيهو رسالة الدكتوراه حقتي ..

معتز .. عليك نور ... معناها جربتو .... ممكن تحكي لينا .. أو حتى مقتطفات من رسالة الدكتوراه حتى تعم الفائده:p

[عثمان جلالة]

جلالة انا تهتا شوية حسي

مين الضرب التاني والله ياخوي انا شايفك ماسك الشاكوش في يدك البت كانت دايراك

:rolleyes: دا شاكوش قسمة ونصيب :p

بعدين دا مايعتبر شاكوشو رسمي الشاكوش الصاح بكون في زمن الصبا وزمن القرايه ام دق:p

ناس افراح واتراح :D


ماشاء الله والبركة في وليداتك

الله يبارك فيك .. كدي ورينا شاكوشك حق أيام الصبا والقرايه أم دق ... أسكتو يا شباب .. دعوب .. ابو النور .. بازي والبقيه .... هشام داير احكي قصتو .. نسمع ...

[معتز الريح]

معتز .. عليك نور ... معناها جربتو .... ممكن تحكي لينا .. أو حتى مقتطفات من رسالة الدكتوراه حتى تعم الفائده:p

يا جلاله مش في دعاء بقول
اللهم إني أعوذ بك من موت الفجاءة ..
اها موت الفجاءه ده قريب من الحب من أول نظره ..
لأنو بعتمد على الإبهار القوي ..
والإبهار يؤدي إلى التحديق ..
والتحديق بجيب البلاوي ..
أها دي مقتطفات من الرسالة ..
وبجيك للتجارب ..

إضافة ..
لكن الحب من النظرة الأولى ..
بعتمد على وجاهة الحبيب وجمال الحبيبة ..
انت ظبطت معاك كيف؟؟

[معتز الريح]

يا جلالة أخوي ..
رسالتي بتاعة الماستر كانت في الحب من أول شمه ..
اها ده سمعت بيهو؟؟ ..

[عثمان جلالة]

يا جلاله مش في دعاء بقول
اللهم إني أعوذ بك من موت الفجاءة ..
اها موت الفجاءه ده قريب من الحب من أول نظره ..
لأنو بعتمد على الإبهار القوي ..
والإبهار يؤدي إلى التحديق ..
والتحديق بجيب البلاوي ..
أها دي مقتطفات من الرسالة ..
وبجيك للتجارب ..

إضافة ..
لكن الحب من النظرة الأولى ..
بعتمد على وجاهة الحبيب وجمال الحبيبة ..
انت ظبطت معاك كيف؟؟

الحبيب معتز ...ز يا خطير .. أولا خليني أشكرك على المفردات الجميلة .. وفعلا .. كلام خبره ... وبالنسبة للوجاهة طبعا أخوك ما بقصر .. لو مغالط أسأل دعوب ... لكن أنا في راي الشخصي .. إنو الأرواح ليها دور أكبر في مسألة الحب من أول نظرة لأنو .. بتكون عندك احساس كبير كأنك بتعرف المحبوب من زمان ... يعني من القرن الخامس عشر ... وانت نازل ..

[عثمان جلالة]

يا جلالة أخوي ..
رسالتي بتاعة الماستر كانت في الحب من أول شمه ..
اها ده سمعت بيهو؟؟ ..

ههههههههه والله دي رسالة عجيبه .. لكن اول مره أسمع بالحب من أول شمه (إلا حب دعوب .... للقيمات) .. تعرف عندي أخوي بشم أولاده واحد واحد ...مش ببوسهم (بشمهم) (طبعا دي حركة كدايس) ... أوع يا معتز تقول لي كنت بتجمع معلوماتك بدراسة الكدسه .. ولا الكلاب

[معتز الريح]

والله يا جلالة الحب بتاع الشم ده بين البني آدمين
ولو ما مصدقني ..
أقرا جريدة الشرق الأوسط بتاعة الأربعاء الفات ..
قالوا مرات الريحه بتوقع القلوب ..

وبجيك بالرابط ..

[عثمان جلالة]

والله يا جلالة الحب بتاع الشم ده بين البني آدمين
ولو ما مصدقني ..
أقرا جريدة الشرق الأوسط بتاعة الأربعاء الفات ..
قالوا مرات الريحه بتوقع القلوب ..

وبجيك بالرابط ..

شكيت محنك يا ود الريح ... بالريحه دي حا ترجعنا للبوست حق مسطوووووول ... أنا غايتو اكتر حاجه بتجذبني .. العيون ... والصوت ... يعني ممكن احب من خلال مكالمة :p

همسه :
حب الريحه دا يا معتز ... معناها لو مشيت في السوق العربي الخرطوم .. ممكن تلقى نفسك حبيت الشارع كلو ... (ظاهرة العطور القوية ... لدى الفتيات) ... بدون تعليق

[معتز الريح]

أنا غايتو اكتر حاجه بتجذبني .. العيون ... والصوت ...

وهو تاني في شنو؟
لو العيون جميلات تأكد الباقي حيظبط ..

[معتز الريح]

يعني ممكن احب من خلال مكالمة

لكن لقيتك كيس نايلون بس ..
خفيف خفة ..

[معتز الريح]

معناها لو مشيت في السوق العربي الخرطوم .. ممكن تلقى نفسك حبيت الشارع كلو ...

ما تاكلنا حنك يا جلالة ..
لو بنفس النظرية دي ..
وعلى حسب كلامك ..
لو مشيت في الشارع ..
وعينك جات في عين واحده .. حتحبها ؟؟ ..

[مصطفي دعوب]

... وبالنسبة للوجاهة طبعا أخوك ما بقصر .. لو مغالط أسأل دعوب ... ..

منو الوجيه ده
يطرشني ويبقي لي بأمر قبض الوجاهه بي صايد وانت بي صايد

قال أسأل دعوب ؟

[عثمان جلالة]

وهو تاني في شنو؟
لو العيون جميلات تأكد الباقي حيظبط ..

كلام خبره :D

[عثمان جلالة]

لكن لقيتك كيس نايلون بس ..
خفيف خفة ..


كان زمان .. زمن نبني فتهدمها الرياح .. فلا نضج ولا نثور ... حليل أيام .. الصبا

[عثمان جلالة]

منو الوجيه ده
يطرشني ويبقي لي بأمر قبض الوجاهه بي صايد وانت بي صايد

قال أسأل دعوب ؟

ما فهمتها يا زكي ... أسال دي معناها بالمقارنه ب ... دعوب ... أنا وجيه ....

كدى طلع رقبتك دي النشوفه ... والله صدق ... رضا .. الله يرحمه :p

[هشام السماني إبراهيم]

انتو بقيتو تتناقرو حتى هنا سيبو لينا الشاكوش دا يكون بي مزااااااااااااااااااااااج

هههههههههههه

[عثمان جلالة]

انتو بقيتو تتناقرو حتى هنا سيبو لينا الشاكوش دا يكون بي مزااااااااااااااااااااااج

هههههههههههه

هشو والله ما فضل لينا إلا نغني ليك حم حم يا حمام .. شتت ليك سكر ... منتظرنك !!!!!!!! :p

[هشام السماني إبراهيم]

هشو والله ما فضل لينا إلا نغني ليك حم حم يا حمام .. شتت ليك سكر ... منتظرنك !!!!!!!! :p


اخوي ارخي عشان البنسلين يمشي :p ;)

[عثمان جلالة]

ما تاكلنا حنك يا جلالة ..
لو بنفس النظرية دي ..
وعلى حسب كلامك ..
لو مشيت في الشارع ..
وعينك جات في عين واحده .. حتحبها ؟؟ ..

العيون ..... بتندسه ...... لكن ... الريحه ..... ما بتندسه ... بتفوح .... فوحان ...:p

[عثمان جلالة]

اخوي ارخي عشان البنسلين يمشي :p ;)


والله يا هشو نحن كان علينا ... ما محتاجين للبنسالين .. يا تمرجي .. هشام الحكيم .. شوف العندو لسه ... باقي .. التهابات منو ... انا وأخوك بازي .... (طلعنا) المرض ... صاح يا بازي:p

[معتز الريح]

العيون ..... بتندسه ...:p

في ذمتك العيون بتندسه ؟؟
يا جلالة أنت زول خبير ..
ومن زمن الحب أبوحمى ..

ما سمعت بالشاعر قال شنو ؟؟
السيف في غمده لا تخشى بواتره
و سيف عينيك في الحالين بتار ..

عليك الله الشاعر ده ما مجنون ؟؟..
ولو ما مجنون .. يكون بيتعاطى دواء الإبداع والخيال ..

[صالح شرف]

العزيز صالح ود شرف كان انت بالجد محمد ود أحمد .. تاني أمونه كان جابوها ليك في خبر تلفزيوني ... تفطها ... من تسمع اسم أمونه .. تجيك طعنه .. وراسك .. يلف .. وتعرق .. ويجيك مغص ... وتقول ... ودووووني الدكتور


والله يا ابو الجمال والفخر والجلال القلتو ده كلو حاصل والبركة في امونة واخواتها وبناتها واماتها كمان

[عثمان جلالة]

في ذمتك العيون بتندسه ؟؟
يا جلالة أنت زول خبير ..
ومن زمن الحب أبوحمى ..

ما سمعت بالشاعر قال شنو ؟؟
السيف في غمده لا تخشى بواتره
و سيف عينيك في الحالين بتار ..

عليك الله الشاعر ده ما مجنون ؟؟..
ولو ما مجنون .. يكون بيتعاطى دواء الإبداع والخيال ..

ود الريح ... السيف في غمده ... لا تخشى بواتره .. وسيف عينيك في الحالين بتار ... والله كلام ..يعني بالعربي .. في الحالتين أنا الضايع ... والله قدرت علي بالبيت ده ... فعلا ما بتندسه ويمكن لا من تندسه تكون ... ابتر .. قصدي أخطر ...:p

[حسن سادة]

العزيز جلالة
أنا ما بقطف زهورك بس بعاين بعيوني

[مختار بازى]

حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــني لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين

[عثمان جلالة]

العزيز صالح ود شرف كان انت بالجد محمد ود أحمد .. تاني أمونه كان جابوها ليك في خبر تلفزيوني ... تفطها ... من تسمع اسم أمونه .. تجيك طعنه .. وراسك .. يلف .. وتعرق .. ويجيك مغص ... وتقول ... ودووووني الدكتور


والله يا ابو الجمال والفخر والجلال القلتو ده كلو حاصل والبركة في امونة واخواتها وبناتها واماتها كمان

البركة فينا وفيكم يا ود شرف:p

[عثمان جلالة]

العزيز جلالة
أنا ما بقطف زهورك بس بعاين بعيوني

الرائع حسن ساده .. والله كان عارفين الشاكوش ده بجيبك ... لينا .. كان أخدناهو من زمان ... وينك ووين كتاباتك .. وين الابداع ووين الملايين .. الشعب العربي .. وين

[عثمان جلالة]

البازي ... يارائع ... شكرا على القصيده المعبره .. والله قطعت قلبنا ... لكن انت برضو .. صبرت سته سنين ؟؟؟ تعرف يا مختار زمان زمن الحب الوفي ... كان الناس بقولوا الحب 3 سنه / أربع سنين / ولو بالغت تب 5/ سنين لكن الزمن ده 6 سنين .. والله كتيره أدددددددددديييييييييييل كده

همسه :

لا تيأس ................ حاول مرة أخرى:p

[معتز الريح]

لكن الزمن ده 6 سنين .. :p

ليه بقرأ طب ؟؟

[عثمان جلالة]

ليه بقرأ طب ؟؟


هع هع هع ... والله ضحكتني جنس ضحك ... أها يعني نقول ليهو دكتور مختار بازي ... صلاح الدين ...:p

لكن ياود الريح ... قريبك ... بكون عندو دراسات عليا أأأأددديل كده .. من تسعة سنين وانت طالع ..:D

[عثمان جلالة]

العزيز صالح ود شرف كان انت بالجد محمد ود أحمد .. تاني أمونه كان جابوها ليك في خبر تلفزيوني ... تفطها ... من تسمع اسم أمونه .. تجيك طعنه .. وراسك .. يلف .. وتعرق .. ويجيك مغص ... وتقول ... ودووووني الدكتور


والله يا ابو الجمال والفخر والجلال القلتو ده كلو حاصل والبركة في امونة واخواتها وبناتها واماتها كمان

حاصل كيف يا ود شرف ... أشرح .. أبن ... انت زول إعلامي ... يعني أقدر في توصيل المطلوب .. وما تنسى ... ود الريح عندو دراسات في الموضوع ... ود عوب ما علق .. داسي الحصل عليهو .... وهشام ... عامل شخيت وواقف بعيد ... (لم يعد حتى الآن):p

[هشام السماني إبراهيم]

حاصل كيف يا ود شرف ... أشرح .. أبن ... انت زول إعلامي ... يعني أقدر في توصيل المطلوب .. وما تنسى ... ود الريح عندو دراسات في الموضوع ... ود عوب ما علق .. داسي الحصل عليهو .... وهشام ... عامل شخيت وواقف بعيد ... (لم يعد حتى الآن):p

منو القال انا هنا يا جلالة والدليل قدامك بس قريبي معتز مثبتني قال لي اكتم اها يقولو شنو بعد دا



تخريمة

دعوب شكلو ادو شواكيش لما حرد وحب اللقيمات :D


والله ليك وحشة وفاقدنك كتير ابقى اغشانا مرة حرام الجفا ارحم كفا :rolleyes:

[هشام السماني إبراهيم]

الحبيب معتز ...ز يا خطير .. أولا خليني أشكرك على المفردات الجميلة .. وفعلا .. كلام خبره ... وبالنسبة للوجاهة طبعا أخوك ما بقصر .. لو مغالط أسأل دعوب ... لكن أنا في راي الشخصي .. إنو الأرواح ليها دور أكبر في مسألة الحب من أول نظرة لأنو .. بتكون عندك احساس كبير كأنك بتعرف المحبوب من زمان ... يعني من القرن الخامس عشر ... وانت نازل ..


في راي الشخصي .. إنو الأرواح ليها دور أكبر في مسألة الحب من أول نظرة لأنو .. بتكون عندك احساس كبير كأنك بتعرف المحبوب من زمان ..


والله ياجلالة في دي عندك حق

عارف ردودي متأخرة بس راجع ليك بي مزاج بعد حفلة اللقيمات انتهت

[هشام السماني إبراهيم]

العزيز صالح ود شرف كان انت بالجد محمد ود أحمد .. تاني أمونه كان جابوها ليك في خبر تلفزيوني ... تفطها ... من تسمع اسم أمونه .. تجيك طعنه .. وراسك .. يلف .. وتعرق .. ويجيك مغص ... وتقول ... ودووووني الدكتور


والله يا ابو الجمال والفخر والجلال القلتو ده كلو حاصل والبركة في امونة واخواتها وبناتها واماتها كمان

هو لو قدرتا تقولو ودوني دي بتكون كتيرة منك يا قريبك

[عثمان جلالة]

والله ياجلالة في دي عندك حق

عارف ردودي متأخرة بس راجع ليك بي مزاج بعد حفلة اللقيمات انتهت


بركه الجيت بركه الجيت سمح انت ولقيمات .. يلا منتظرين .. بعدين بعد كده انت بقيت على المكشوف .. صورة + اسم حقيقي :p

[هشام السماني إبراهيم]

كدي روق المنقا وشوف الحصل
رن رن
الو

دعوب : هلا يا ابو الهش خبر
هشام : والله تمام جديدك شنو
دعوب : الجديد انا عاوز اكتب شاكوشي لجلالة :eek:
هشام : كلام جميل والله حسي الموضوع في بالي
دعوب: اها رايك شنو
هشام : دقيقة افهم بس راي في شنو
دعوب : اكتب شاكوشي ولا اطنش:confused:
هشام : دا كلام اكتبو لو ما عشانك عشان جلالة الزول دا عاين لو قاعد وصابر والابتسامة في وشو لي حسي:p
دعوب : يازول خير بكتبو والرهيفة التنقد
هشام : دا الكلام خليك قوي
دعوب : بس عندي شرط
هشام : قول يا حبيب ماعندك مشكلة
دعوب : انتي الاول وانا بقول وراك
هشام : كدي ارفع صوتك انا في العربية ماسامع
دعوب : عووووووووك احكي انتا الاول
هشام : منو عمر البشير:D
دعوب : بطل حركاتك دي
هشام : طيب يامنقا ماعندك مشكلة بس اهم شي ما تبيعني وتزوغ بشيل حالك في المنتدى دي
دعوب : افو انا ازوغ انا الاكلت لقيمات جلالة وحكيت بيها:cool: ازوغ معقولة بس
هشام : يا زول خير انا بقول اول
دعوب : يا قريبك خير الاحسن نفضفض
هشام : كلامك صح
هشام : يلا ياقريبك انا داخل على تفتيش سلام
دعوب : لي باكر لنا لقاء سلام
توت توت توت

اها يا جلجل بقينا اتنين:rolleyes:

[فدوى الحسن]

ونحن في الانتظار
يا هشاااااااام
ودعوووووب

[فدوى الحسن]

ونحن في الانتظار يا
هشااااام
ودعوووووووووووب

[mahagoub]

(ومن الجمال ما بور) لك التحية على الابداع

[امير عبدالباقي]

عثمان جلاله اخوي
القصه دي حصلت وين في جامعه جوبا ولاشنو

[mahagoub]

هع هع هع ... والله ضحكتني جنس ضحك ... أها يعني نقول ليهو دكتور مختار بازي ... صلاح الدين ...:p

لكن ياود الريح ... قريبك ... بكون عندو دراسات عليا أأأأددديل كده .. من تسعة سنين وانت طالع ..:D

انتو وين وزمن الحب ابو عشره وين

[mahagoub]

العزيز جلالة
أنا ما بقطف زهورك بس بعاين بعيوني

وداير تعمل شنو اكتر من المعاينه

[عثمان جلالة]

كدي روق المنقا وشوف الحصل
رن رن
الو

دعوب : هلا يا ابو الهش خبر
هشام : والله تمام جديدك شنو
دعوب : الجديد انا عاوز اكتب شاكوشي لجلالة :eek:
هشام : كلام جميل والله حسي الموضوع في بالي
دعوب: اها رايك شنو
هشام : دقيقة افهم بس راي في شنو
دعوب : اكتب شاكوشي ولا اطنش:confused:
هشام : دا كلام اكتبو لو ما عشانك عشان جلالة الزول دا عاين لو قاعد وصابر والابتسامة في وشو لي حسي:p
دعوب : يازول خير بكتبو والرهيفة التنقد
هشام : دا الكلام خليك قوي
دعوب : بس عندي شرط
هشام : قول يا حبيب ماعندك مشكلة
دعوب : انتي الاول وانا بقول وراك
هشام : كدي ارفع صوتك انا في العربية ماسامع
دعوب : عووووووووك احكي انتا الاول
هشام : منو عمر البشير:D
دعوب : بطل حركاتك دي
هشام : طيب يامنقا ماعندك مشكلة بس اهم شي ما تبيعني وتزوغ بشيل حالك في المنتدى دي
دعوب : افو انا ازوغ انا الاكلت لقيمات جلالة وحكيت بيها:cool: ازوغ معقولة بس
هشام : يا زول خير انا بقول اول
دعوب : يا قريبك خير الاحسن نفضفض
هشام : كلامك صح
هشام : يلا ياقريبك انا داخل على تفتيش سلام
دعوب : لي باكر لنا لقاء سلام
توت توت توت

اها يا جلجل بقينا اتنين:rolleyes:

زي ما قالت فدوى ... منتظرين ... لكن أنا ما أظن دعوب ده .. كا بحب قبل كده ... جضومو ديل ما جضوم شاكوش:p

[mahagoub]

محاوره جميله لكن بتقود فيهم لوين ؟؟؟؟؟؟؟؟

[عثمان جلالة]

ونحن في الانتظار يا
هشااااام
ودعوووووووووووب


تعالي بى جاي يا فدوى .. اقعدي في الركن داك .. عشان الشباب ديل يا خدوا راحتهم ... وجهزي الشاي ... ما تنسي ... بالنعناع:D

[عثمان جلالة]

(ومن الجمال ما بور) لك التحية على الابداع

ههههههه عمي المحبوب .. صدقت من الجمال ما بور .. من بار يبور بورا ... وهو باير ... :p

[عثمان جلالة]

عثمان جلاله اخوي
القصه دي حصلت وين في جامعه جوبا ولاشنو

حبيبنا أمير ... علي وعلى قلبي الكبير .. بركه الشفناك ... وطلتك بالبوست كلو .. أريتها كان حصلت في جامعة جوبا ... كان بتكون تبع الحب في زمن الجامعة ... والله يا أخوي حصلت ... بعد كبرنا وكبرت أحزانا ... لكن الجاتك في .. احلامك سامحتك ... وربنا الحمد لله أجارنا في مصيبتنا ... بالأحسن منها

[عثمان جلالة]

انتو وين وزمن الحب ابو عشره وين

هع هع هع .. حب أبو عشره .. أصلو حب ولا بندقيه :D

[mahagoub]

هع هع هع .. حب أبو عشره .. أصلو حب ولا بندقيه :D
بالمناسبه دى عشره سنين الاغنيه الجايه لود الامين

[هشام السماني إبراهيم]

بالمناسبه دى عشره سنين الاغنيه الجايه لود الامين

دي من تأليفك يا مجوب ولا شنو :eek::rolleyes::D

[mahagoub]

دي من تأليفك يا مجوب ولا شنو :eek::rolleyes::D

ما انت لسه ماجربت مع الغربه عشره شويه

[عثمان جلالة]

ما انت لسه ماجربت مع الغربه عشره شويه

عمنا المحجوب .. والله عشرة سنين في الغربة تمر يادوب تسأل نفسك ... أسي أنا داير أعمل شنو؟؟؟:p

[mahagoub]

عمنا المحجوب .. والله عشرة سنين في الغربة تمر يادوب تسأل نفسك ... أسي أنا داير أعمل شنو؟؟؟:p

يا اخوى انت دنقلاوى ولا شنو