شنو يعني هلالاب ؟؟؟

[ود الاغبش]

عذرا للعنوان السخيف دا
لكني ابحث عن اجابات
نحن في السودان لمن نجي ننسب واحد لي حاجة بنضيف (اب)
(هلال اب) (مريخ اب)
سؤالي :
( اب ) دي اصلها من وين ؟؟؟

[مدنيّة]

ود الاغبش سؤالك في محله:D




بس اعتقد الاضافات دي بتجي عشان ننسب الشخص للمنسوب اليه

[ابوالنور]

من جد طبعا يا ود الاغبش ولا كيف

[ود الاغبش]

[QUOTE][ود الاغبش سؤالك في محله




بس اعتقد الاضافات دي بتجي عشان ننسب الشخص للمنسوب اليه/QUOTE]
شكرا جدا اخت مدنية
لكن بي ياتو لغة
تتم اضافة (اب)
في اللغة العربية بنقول هلالي او مريخي
يعني بنضيف ياء النسب
المقصد اني عايز افتش في تراثنا و كده
و شكرا again

[خالد عبدالماجد]

الأخ ود الأغبش :
هي أخطاء في النسب وهي كثيرة ومنتشرة فالنسب إلى الهلال الإسم الرباعي السالم يكون بإضافة ي فيصبح الهلالي للفرد وللجماعة يصبح الهلاليين ولكن لعدم وجود حرص على التصحيح اللغوي ولسهولة نطق النسب الخاطئ بإضافة آب أصبح النسب بإستخدام آب متداولاً
وفي إنتظار ضلعاء اللغة العربية للتصحيح ..
تخريمة : بعدين ياودالأغبش ناس الهلال ديل ينسبو ذي ماعايزين هلالاب أهلة أسياد بلد وعلى كيفهم .

[ابوالنور]

الأخ ود الأغبش :
هي أخطاء في النسب وهي كثيرة ومنتشرة فالنسب إلى الهلال الإسم الرباعي السالم يكون بإضافة ي فيصبح الهلالي للفرد وللجماعة يصبح الهلاليين ولكن لعدم وجود حرص على التصحيح اللغوي ولسهولة نطق النسب الخاطئ بإضافة آب أصبح النسب بإستخدام آب متداولاً
وفي إنتظار ضلعاء اللغة العربية للتصحيح ..
تخريمة : بعدين ياودالأغبش ناس الهلال ديل ينسبو ذي ماعايزين هلالاب أهلة أسياد بلد وعلى كيفهم .

والله نحنا البلد دي ما عرفنا اسيادا منو زاتو

اها قلت لي اخبار صعودكم شنو يا اسياد البلد

[مدنيّة]

[QUOTE][ود الاغبش سؤالك في محله




بس اعتقد الاضافات دي بتجي عشان ننسب الشخص للمنسوب اليه/QUOTE]

شكرا جدا اخت مدنية
لكن بي ياتو لغة
تتم اضافة (اب)
في اللغة العربية بنقول هلالي او مريخي
يعني بنضيف ياء النسب
المقصد اني عايز افتش في تراثنا و كده
و شكرا again

بلغتنا العامية ياود الاغبش:D

[مدنيّة]

تخريمة : بعدين ياودالأغبش ناس الهلال ديل ينسبو ذي ماعايزين هلالاب أهلة أسياد بلد وعلى كيفهم .


تعرف ياخالد انا جيت علي اساس اني انقل البوست للرياضي بس لقيت الكلام غير :D
وعجبني السؤال جدا بالصيغة اللي سال بيها ( تبعا لشئ في نفس يعقوب :cool: )

[ود الاغبش]

الأخ ود الأغبش :
هي أخطاء في النسب وهي كثيرة ومنتشرة فالنسب إلى الهلال الإسم الرباعي السالم يكون بإضافة ي فيصبح الهلالي للفرد وللجماعة يصبح الهلاليين ولكن لعدم وجود حرص على التصحيح اللغوي ولسهولة نطق النسب الخاطئ بإضافة آب أصبح النسب بإستخدام آب متداولاً
وفي إنتظار ضلعاء اللغة العربية للتصحيح ..
تخريمة : بعدين ياودالأغبش ناس الهلال ديل ينسبو ذي ماعايزين هلالاب أهلة أسياد بلد وعلى كيفهم .


شكرا خلودي
و ما زال السؤال في محله
ما اظنها اخطاء لغوية و لكن اظنها تراث عميق جدا في (لسودنة)
من ناس بعانخي و كده
يا ريت يفتونا اهل العلم
يو تيرن
ايه العلاقة بين كسلا و مدني ؟؟؟

[ود الاغبش]

[QUOTE=ود الاغبش;217752]

بلغتنا العامية ياود الاغبش:D



طيب ليه بنقول لي الجعليين جعلي
و لي الشوايقة شايقي
( الكلام دخل الحوش)


ليه بس في النسب للكورة بنقول
اسياد بلد ( اقصد هلالاب )
و بنضيف ( اب)
عاميتنا دي عندها خيار و جزر(فقوس) و لا شنو يا مدنية )

[مدنيّة]

[QUOTE=مدنيّة;217759]


طيب ليه بنقول لي الجعليين جعلي
و لي الشوايقة شايقي
( الكلام دخل الحوش)


ليه بس في النسب للكورة بنقول
اسياد بلد ( اقصد هلالاب )
و بنضيف ( اب)
عاميتنا دي عندها خيار و جزر(فقوس) و لا شنو يا مدنية )

ماهي عامية يبقي ماعندها قاعدة ثابتة يا ود الاغبش

همسة : ما تمسك في اسياد بلد دي شديد:D

[خالد عبدالماجد]

والله نحنا البلد دي ما عرفنا اسيادا منو زاتو

اها قلت لي اخبار صعودكم شنو يا اسياد البلد
الحبيب أبو النور ..
تعال في الرياضي بي هناك نشوف أسياد البلد منو ؟ لكن على الطلاق البلد دي لو مااسياد كورتها الهلالاب تبقى في غيبوبة ...

[خالد عبدالماجد]

علاقة كسلا بي مدني ياودالأغبش هي علاقة السماء بالزرقة وعلاقة الصفو بالفجرية هي مدينتان تطبعتا على الجمال وإرتسما على محياهما البديع ..

[admin]

ودالاغبش ازيك .. بتعرف حيدر الاغبش ولا اسم على اسم ساكت .. كدي ادوني فرصة معاكم الننظر حبه
1-اب بتعني رجع .. يعني بنقول السفر ذهاب واياب .. عشان كدا كلمة هلالاب ومريخاب يعني يرجع هولاء للفريق المعني .. وتختلف طرق الربط حسب النوع وهذا طبيعي في اللغة العامية واللغة العربية.

2- ابى زيد ان يدفع بالابل للسقيا .. وهنا ابى وابت ترجع للرفض .. والشافع لما ترسلو بيقول ليك ابيت .. وهي دلالة على التعصب والرفض القاطع .. ولما نقول هلالاب معنا نابى ونرفض غير الهلال فريقاً.

3- ابي ووالدي .. اي تاتي من كلمة ابوة .. ولانقصد هنا المستحدثه منها مثل بابا ودادي كما تعودت انا اقول وغيرى من ابناء جيلي ههههههه .. وهنا نقول هلالاب لان الهلال بمثابة الاب الروحي لنا.

اذن القول نحن هلالاب يعني نحن متعصبين للهلال ابيين لغيره وهو ابو الاتيام وسيدهم

[خالد عبدالماجد]

الله أكبر ..

[بورتبيل]

ودالاغبش ازيك .. بتعرف حيدر الاغبش ولا اسم على اسم ساكت .. كدي ادوني فرصة معاكم الننظر حبه
1-اب بتعني رجع .. يعني بنقول السفر ذهاب واياب .. عشان كدا كلمة هلالاب ومريخاب يعني يرجع هولاء للفريق المعني .. وتختلف طرق الربط حسب النوع وهذا طبيعي في اللغة العامية واللغة العربية.

2- ابى زيد ان يدفع بالابل للسقيا .. وهنا ابى وابت ترجع للرفض .. والشافع لما ترسلو بيقول ليك ابيت .. وهي دلالة على التعصب والرفض القاطع .. ولما نقول هلالاب معنا نابى ونرفض غير الهلال فريقاً.

3- ابي ووالدي .. اي تاتي من كلمة ابوة .. ولانقصد هنا المستحدثه منها مثل بابا ودادي كما تعودت انا اقول وغيرى من ابناء جيلي ههههههه .. وهنا نقول هلالاب لان الهلال بمثابة الاب الروحي لنا.

اذن القول نحن هلالاب يعني نحن متعصبين للهلال ابيين لغيره وهو ابو الاتيام وسيدهم

ولله لكين برضو لقيت استـــــــــــاذ لغـــــات عاميـــــــــــــــــــة ودارجيـــــــــة

افتكـــــــــــــــــــــــــــــــر يا ود الاغبــــــــــش تاني ما عنــــدك اي استفسار بعد كلام الارباب دا

نحـــــــــنا برضــــــــــــــــو هلالاب (وهلاليين) وهلا هلا على الجد والجد هلا هلا عليه

[مدنيّة]

يعني ياود الاغبش فتحت لينا باب شكله ما ح يتسدا:D

[admin]

يعني ياود الاغبش فتحت لينا باب شكله ما ح يتسدا:D




قصدك انا سمين وكان خشيت الباب ما بتسدا صاح .. كتر خيرك وبارك الله فيك .. كان فطرتينا فطور زي الناس كان قلتي شنو ..

كنتا داير اخت ليك الوش الاحمر دا :mad: لكن عشان احمر مادايرنو وبنخت ليك دا :confused: :rolleyes: ;)

[ود الاغبش]

ودالاغبش ازيك .. بتعرف حيدر الاغبش ولا اسم على اسم ساكت .. كدي ادوني فرصة معاكم الننظر حبه
1-اب بتعني رجع .. يعني بنقول السفر ذهاب واياب .. عشان كدا كلمة هلالاب ومريخاب يعني يرجع هولاء للفريق المعني .. وتختلف طرق الربط حسب النوع وهذا طبيعي في اللغة العامية واللغة العربية.

2- ابى زيد ان يدفع بالابل للسقيا .. وهنا ابى وابت ترجع للرفض .. والشافع لما ترسلو بيقول ليك ابيت .. وهي دلالة على التعصب والرفض القاطع .. ولما نقول هلالاب معنا نابى ونرفض غير الهلال فريقاً.

3- ابي ووالدي .. اي تاتي من كلمة ابوة .. ولانقصد هنا المستحدثه منها مثل بابا ودادي كما تعودت انا اقول وغيرى من ابناء جيلي ههههههه .. وهنا نقول هلالاب لان الهلال بمثابة الاب الروحي لنا.

اذن القول نحن هلالاب يعني نحن متعصبين للهلال ابيين لغيره وهو ابو الاتيام وسيدهم


تعظيم سلام

و لا كلمة .....

قال ليك
(ماهي عامية يبقي ماعندها قاعدة ثابتة يا ود الاغبش)


يا ختي شوفي المنطق دا كيف
:D :D :D :D :D

شكرا يا ريس

[ود الاغبش]

يعني ياود الاغبش فتحت لينا باب شكله ما ح يتسدا:D






ان شاء الله ما يسده

بابا يجي منو
ADMIN

ومدنية

وبورتبيل


وخالد ود كسلا


و ابو النور


يا رب ما تقفلوا
اميييييين

[ود الاغبش]

ودالاغبش ازيك .. بتعرف حيدر الاغبش ولا اسم على اسم ساكت ..



مرحبتين حباب مرحب خريفنا الرازه
حباب شيخ العرب البيه القبائل عازه
حباب سيف النصر البيه هاشه وهازه
في يمينك قبيلتاً ما بتقبل فازه


الف مرحبتين يا ريس

ابداعك نساني افرح بي جيتك لينا

و اقدم واجب الترحيب بيك في بيتك

مع خالص الاسف اني ما بعرف حيدر الاغبش

لكن عندنا في العائلة حيدر اللغبيش من اولاد المزاد
ينفع ؟؟

[حسن سادة]

هذه التسمية ليست مقتصرة على الكورة
فحسب، بل شملت أيضاً بعض الأحياء والمدن
كأن نقول مثلاً الهاشماب السروراب
المسيكتاب العزوزاب وهلم جرا

وهلالي الهل وإتكمل
ووينو هلالكم أنا هلالي هاداك ظهر
والله ليا هلالو ظهر بان لي ليلة

والعجب حبيبي برضو

[ود الاغبش]

علاقة كسلا بي مدني ياودالأغبش هي علاقة السماء بالزرقة وعلاقة الصفو بالفجرية هي مدينتان تطبعتا على الجمال وإرتسما على محياهما البديع ..


اخوي خلودي

يا كلك روائع
يا البتشبه المدينتين

مدني و كسلا


انا درست في الاهلية

عشان كدا شربت من روعة توتيل
و جريت بين جناين فقيري
و عمت في البلبلة
(عذرا حديث خاص-نوعا ما )
لكن تبقي مدني هي الام


الف مرحب بيك اخوي

[ود الاغبش]

هذه التسمية ليست مقتصرة على الكورة
فحسب، بل شملت أيضاً بعض الأحياء والمدن
كأن نقول مثلاً الهاشماب السروراب
المسيكتاب العزوزاب وهلم جرا

وهلالي الهل وإتكمل
ووينو هلالكم أنا هلالي هاداك ظهر
والله ليا هلالو ظهر بان لي ليلة

والعجب حبيبي برضو


شكرا يا سادة
احساسي بيك يا اخي انك متمكن
يا ريت تتحفنا كمان و كمان

و شكرا علي التعقيب

[خالد عبدالماجد]

قل جامعة كسلا الأهلية المتوسطة للبنين
وأفخر كذلك أني من خريجي هذه المدرسة العريقة التي يزين لوحة الشرف فيها الإسم العملاق في كسلا والرمز الوطني الكبير ( محمد جبارة العوض ) وكفى .
أكيد ياودالأغبش فيك ريحة المدينتين .. ماهو باين

[ود الاغبش]

قل جامعة كسلا الأهلية المتوسطة للبنين
وأفخر كذلك أني من خريجي هذه المدرسة العريقة التي يزين لوحة الشرف فيها الإسم العملاق في كسلا والرمز الوطني الكبير ( محمد جبارة العوض ) وكفى .
أكيد ياودالأغبش فيك ريحة المدينتين .. ماهو باين

كلامك مظبوط
يا اخوي يمكن نكون في عصر واحد انت اتخرجت منها متين

[ود ام تريبات]

ربما اشتقت الكلمة من ابو فلان اي من أب نسبة الى الى الاب يعني في اللهجه العامية بتلقي ( اب رسوة ) (وابقدحاً ملان ) لو جيت نسبتة اولاد ابرسوه مثلاً ستجدها الرسواب ... هذا تحليل وربما هي اختلاط بين اللغة العربية واللهجات المحلية التي تقدم غالباً المؤخر وتؤخر المقدم في كثير من اللهجات المحلية حين يحاولون نطق اللغة العربية ..
هذا اجتهاد فقط وليس له اي مرجعية علمية

لك حبي

[خالد عبدالماجد]

ياخوي ودالأغبش الفي الصورة ديل لو وليداتك أحسن تعمل نايم أخوك لسه ننو ..
ياحبيب أنا تخرجت من الأهلية في يوليو1989منتقلاً لكسلا الثانوية
والله لوقلتة لي دفعتي تكون ضيعتني عديل :D
بالمناسبة لدى صديق من أبناء مدني يدعى ياسر لو لم تخني الذاكرة كان يجيد عزف الجيتار درس معنا بكسلا في تلك الفترة وهو من أبناء مدني لو تتعرف عليه ..
سلمت وربنا يحفظ من بالصورة ..

[ود الاغبش]

ياخوي ودالأغبش الفي الصورة ديل لو وليداتك أحسن تعمل نايم أخوك لسه ننو ..
ياحبيب أنا تخرجت من الأهلية في يوليو1989منتقلاً لكسلا الثانوية
والله لوقلتة لي دفعتي تكون ضيعتني عديل :D
بالمناسبة لدى صديق من أبناء مدني يدعى ياسر لو لم تخني الذاكرة كان يجيد عزف الجيتار درس معنا بكسلا في تلك الفترة وهو من أبناء مدني لو تتعرف عليه ..
سلمت وربنا يحفظ من بالصورة ..

يا اخوي خايف مالك
الفي صورة
الهميم و مها و ليداتي ربنا يحفظهم
لو قلت ليك انا اتخرجت في نفس العام بتصدق
استاذ عادل حامد الزين درست
له التجلة من علي البعد