يا شباب عندي راي

[ود الاغبش]

عندي فكرة

انو المغتربين يقدموا فرص عمل للموجودين في مدني

من خلال الفرص الموجودة في اماكن اغترابهم

و ناس مدني العندهم فرص استثمار يقدموها للمغتربين

و تبقي المنافع مشتركة .و يكون في قاعدة بيانات خاصة بالمنتدي

يكون فيها بيانات عن الوظائف او فرص العمل

و يكون فيها سيرة ذاتية للباحثين عن عمل

و يعم الخير لي مدني و ناسها

ممكن نتفاهم في الموضوع دا يا شباب ؟؟؟

[مختار بازى]

والله كلامك زين بس نسمع راي المغتربين شنو وفي ناس كتيرة بتايد الكلام دا انا عارف
وانتة وين هسة برا ولا جوا ؟؟

[ود الاغبش]

اولا شكرا جدا يا مخو علي المرور
انا في جدة

[مختار بازى]

انا في جدة

طيب ما خلاص نبدا بداية انا وانتة لو نجحنا الناس تسير علي نهجنا دا انتة شوف لي فرصة العمل وانا بشوف ليك المجالات الاستثمارية رايك شنو؟؟

[ود الاغبش]

و الله ما عندي مانع

[ود الاغبش]

و ربنا يوفقنا

[جيفارا]

كلام طيب ونحنا ننتظر النتائج

[مختار بازى]

كلام طيب ونحنا ننتظر النتائج


خلاص يا ود الاغبش ارح نبدا عشان الناس دي منتظرة النتايج

[ود الاغبش]

و انا جاهز
و في اقرب فرصة حتشوف
بس انا عايز يكون الموضوع اكبر مني
و منك و يشاركنا الجميع بالرأي
و بالعمل ...

[خطاب العبيد]

الاخوان ود الاغبش وبازى والله فكرة جميلة واصبتم كبد الحقيقة المؤلمة والبتأرق كل مغترب خارج السودان وهو هم العودة والشغل والحياة فى السودان حتكون كيف .
انابتواجهنى مشكلة عندى أشخاص من جنسيات تانية ومتفقين على انو نعمل بزنس مشترك فى السودان مدنى او الخرطوم وهم جادين أكترمنى بس ماعارف كيف الترتيبات بحيث لما نجى للسودان ماتكون هناك مشاكل من كل النواحى وده المقلقنى ومخلينى ماعارف ارد اقول ليهم شنو وخصوصا انو انانازل فى شهر عشرة تاريخ 04/10/2007 م ان شاء الله تعالى .فارجو الافاده لانو حتخلق فرص عمل لكثيرمن الشباب والفايده بتكون كبيرة لى ولباقى الشباب ونكفيهم ونفسى شر الغربة والاغتراب .


تخريمممممممممممممممممممممممممة ( انانازل أتزوج أن شاء الله والعرس بعد عيدرمضان اول خميس ان شاء الله ) دى دعوة ليكم ولى باقى المنتدى

[ود الاغبش]

الاخوان ود الاغبش وبازى والله فكرة جميلة واصبتم كبد الحقيقة المؤلمة والبتأرق كل مغترب خارج السودان وهو هم العودة والشغل والحياة فى السودان حتكون كيف .
انابتواجهنى مشكلة عندى أشخاص من جنسيات تانية ومتفقين على انو نعمل بزنس مشترك فى السودان مدنى او الخرطوم وهم جادين أكترمنى بس ماعارف كيف الترتيبات بحيث لما نجى للسودان ماتكون هناك مشاكل من كل النواحى وده المقلقنى ومخلينى ماعارف ارد اقول ليهم شنو وخصوصا انو انانازل فى شهر عشرة تاريخ 04/10/2007 م ان شاء الله تعالى .فارجو الافاده لانو حتخلق فرص عمل لكثيرمن الشباب والفايده بتكون كبيرة لى ولباقى الشباب ونكفيهم ونفسى شر الغربة والاغتراب .


تخريمممممممممممممممممممممممممة ( انانازل أتزوج أن شاء الله والعرس بعد عيدرمضان اول خميس ان شاء الله ) دى دعوة ليكم ولى باقى المنتدى

الاخ عريس الموسم
خطاب
اولا شكرا جدا علي المرور و المشاركة
ثانيا الف مبروك مقدما
ثالثا من احساسك دا نبعت الفكرة عشان كده اتمني من الاخوان الفي مدني يشاركو معانا و يقدموا اقتراحاتكم
خاصة و هم هنالك مواكبين للحاصل في البلد و عندو الافكار عايزين بس روؤس الاموال

ونحن من هنا ما بنقصر
بس اتحركوا معانا شوية ياشباب

تخريمه خارج النص
العروس جاهزة و لا نشوف واحدة واحدة من نواعم مدني

[خطاب العبيد]

والله ياود الاغبش مشكور كل الشكر على التوضيحات واناعلى اتم الاستعداد بس نلقى الشخص المناسب والجاد والنشيط والملم بالاشياء دى عشان نبدء وانا فى الاجازة دى ان شاء الله تعالى حاشوف السوق والاجواء والتسهيلات والمشاريع الماشة هناك شنو واصلاجاى بى فكرة بزنس من هنا لانو ده مجالى وبعدين فاهموكويس بس التخطيط السليم ودراسة الجدوة مهمة جداً فى الموضوع ده فارجو الافادة اذا كان هنالك شيء فات علينا .


تخرييييييييييييييييييمممة نواعم المنتدى جربناهم مية مرة وكانت النتيجة اول شاكوش يصرف على نطاق المنتدى كان من نصيبى والحمدلله فقررت وآثؤت الابتعاد بقدرالامكان عن المنتدى .

[ود الاغبش]

والله ياود الاغبش مشكور كل الشكر على التوضيحات واناعلى اتم الاستعداد بس نلقى الشخص المناسب والجاد والنشيط والملم بالاشياء دى عشان نبدء وانا فى الاجازة دى ان شاء الله تعالى حاشوف السوق والاجواء والتسهيلات والمشاريع الماشة هناك شنو واصلاجاى بى فكرة بزنس من هنا لانو ده مجالى وبعدين فاهموكويس بس التخطيط السليم ودراسة الجدوة مهمة جداً فى الموضوع ده فارجو الافادة اذا كان هنالك شيء فات علينا .


تخرييييييييييييييييييمممة نواعم المنتدى جربناهم مية مرة وكانت النتيجة اول شاكوش يصرف على نطاق المنتدى كان من نصيبى والحمدلله فقررت وآثؤت الابتعاد بقدرالامكان عن المنتدى .

شكرا جدا خطاب

يللا يا شباب ورونا همتكم

[ود الاغبش]

يا شباب عايزين
نسمع
نقرأ
قولوا لينا حاجة

[خطاب العبيد]

ياود الاغبش صلاتك على النبى ماتقرش صوتك ساكت ماتكورك الناس دى ناييييييييييييييمة نوم العافية ماشايف المنتدى بقى صانى كيف حتى مختاربازى مشى شاف ليه عنقريب تحت نيمة ونام الله يعينك .

[صديق بلال]

عندي فكرة

انو المغتربين يقدموا فرص عمل للموجودين في مدني

من خلال الفرص الموجودة في اماكن اغترابهم

و ناس مدني العندهم فرص استثمار يقدموها للمغتربين

و تبقي المنافع مشتركة .و يكون في قاعدة بيانات خاصة بالمنتدي

يكون فيها بيانات عن الوظائف او فرص العمل

و يكون فيها سيرة ذاتية للباحثين عن عمل

و يعم الخير لي مدني و ناسها

ممكن نتفاهم في الموضوع دا يا شباب ؟؟؟

يا سلام... يا ود الأغبش...
فعلا هي فكرة جميلة ورائدة لما فيها من المنفعة العامة... وياليت هذا الشئ يطبق ويفعل من المسئولين عن هذا المنتدى... مع دعواتي لكم بالتوفيق

[ود الاغبش]

يا سلام... يا ود الأغبش...
فعلا هي فكرة جميلة ورائدة لما فيها من المنفعة العامة... وياليت هذا الشئ يطبق ويفعل من المسئولين عن هذا المنتدى... مع دعواتي لكم بالتوفيق

شكرا ود بلال
انسمع رأي المسؤلين شن بقولوا

[عثمان جلالة]

ود الأغبش رأيك جميل .. موافقين حسب آلية العمل التالية
الشرائح المستهدفة :
1- منسوبي وزوار منتديات ود مدني بالداخل ... خريجين ... وعمال مهرة ألخ ..
2- المغتربين بالخارج .. الشريحة الأولى .. من يرغب في الاستقرار داخل السودان والشريحة الثانية .. من يرغب في الاستثمار داخل السودان

كيفية .. تنفيذ الفكرة

تخصيص .. قسم بالمنتدى .. خاص بفرص العمل .. داخل وخارج السودان

إرسال السيرة الذاتية للمتقدمين .... وتحديد الجهات التي بها فرص وظيفية

[ود الاغبش]

يا سلام... يا ود الأغبش...
فعلا هي فكرة جميلة ورائدة لما فيها من المنفعة العامة... وياليت هذا الشئ يطبق ويفعل من المسئولين عن هذا المنتدى... مع دعواتي لكم بالتوفيق

عارفك ما بتجي الا بارياك الروعة


كده ملامح الفكرة بدات تتبلور
شدو حيليكم يا مسؤلين

شكرا ليك مستر جلالة

[mohd.dafalla]

كلامكم سمح شباب بس كيف الرواتب عند ود العبيد واصاحبه بالدولار ولا الجنيه

بالله عليكم سجلونا معاكم علشان تفكونا من الحفرة دي (الغربة) ان شاء الله بلاش ان بشتغل بس يكون شغل وخلاص

[خطاب العبيد]

والله يامحمد الفاتح اناماعندى مانع طال مالفكرة الناس اخدتهابالجدية دى تاخد بالاسترلينى مافى مانع بس قول يالطيف .

والناس المعاى ديل همهم يلقو زول جادى وزول بتاع شغل يعنى فاهم هما عاوزين يعملو شنو وبثقوفى اى شخص بس يكون سودانى لانو مشهودلينا بالامانة والاخلاق العالية فى العالم والحمد لله واناهنا شغال معاهم فى الشركة وهم طلبو منى نعمل شغل فى السودان سواء فى الخرطوم او مدنى المهم يعملو شغل فى السودان .
وربك يهون

[Madanawi]

خطاب ود العبيد

أنا رأيي إنك تمشي السودان أولا وتقرأ الأوضاع على أرض الواقع
ومن ثم تتخذ قرارك مع الشركاء

عزيزي ود الاغبش

الفكرة عموما جميلة .. وأتمنى أن تجد التفاعل الأمثل،

[خطاب العبيد]

والله يامدناوى اناده الحأعملو ان شاء الله تعالى حانزل واشوف الاوضاع وعندى كم شخص كده صبقونى وهم اصداقاء لى من زمان واتعرفت بيهم فى الغربة هنا بس ناسى ديل هم حاجوبعد العيدعشان نشوف مع بعض ونتاكد انو الموضوع حيمشى بالطريقة الصحيحة بعدداك ناخد القرار النهائى .

مشكور على التنبيه فعلا دى خطوة مهمة