حلمنتيش

[ودكمبال]

الزمن الضائع
الزمن الضائع
متين يالله الم الفكه
اجيب الشيله واسوى الشبكة
وامى تزغرد بطول صوتها
وانا مبسوط وظابط الشكة
هدومى معطنه بالارياح
ريحة الخمرة وريحة الدلكة
واطبع للعيزومه كروت
وحاشاها الما زى كرت البنزين
جميلة وزاهيه فى ورق التوت
وتحت الامضاء مشكورين
لأنها لحظة ما بتفوت
والا تكونوا مبسوطين
ويجو الاولاد يى وجوها ناديه
ويقشوا الفسحه الواسعه وهاديه
ونركب فيها الصيوانات
ونعمل حفله بود الباديه
ولا زم من حفلة تكون صباحى
اشفى غليلى واداوى جراحى
من زمن العذابة الاغبر
السود عيشتى وزاد لنواحى
افك القيد من قلبى وأغنى
حبيب الروح وغنى يا صاحى
وفى العصريه نمرق سيرة
خلوق منتظمة ماشه مسيرة
زى صف دكان ناصية
فيهو سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن اصل بالسيف واتقدم
زى الفارس ماشى ملجم
وشى بينضح لمعه ونضرة
قميصى نضيف وماهو مجلبط بملاح خدرة
اهز فى البنوت بسيفى
وابخبخ فيهن لبن البدره
وفجأة يدوق صوت الدلوكه
وتبقى الناس بالجد مربوكه
واحدة تصفق واحدة تزغرد
واحدة تلوك فى لبان بازوكه
**********************
جابو عروسى وبدت الوقفه
وسرحت بعيد فى حق القفه
جابت قون برقه وخفه
ما اتجرست حاشا وكلا
الا هناك واقفين شماشه
قالوا اكيد شارب حرباشه
زعلت شديد وغلبنى اللعب
لانو كلامن كلو كضب
قاموا اصحابى بصوت عالى
يا عبدالله اطلع بره أشاعه ..أشاعه
وحتما يوم لى امك عائد
قونها حقيقى ما اف صايد
صوت اصحابى اثر فوقى
بحركة ذكيه جبت القون
وانا والحلوه بقينا درون
وفجأة اضفت الهدف التانى
وغمر الساحه فرح ربانى
مرقوا اصحابى يكوركوا ويهتفوا
فاتوا الفسحة وسدوا الشارع
صوتهم طاغى ظاهر وطالع
يا عبدالله هايل رائع
جبت القون فى الزمن الضائع
عبدو..عبدو..عبدو..عبدو
فى الليلة ديك
والقصة ذاتا بقت عليك
ياعبدووادوك( الشريط )
يوم قلنا ليك انضم معاها وانتظر
شوف اليكون ان شاءالله خير
ابيت تسمع كلامناوبقيت لميض
قلتا احسن اكون تقيل
انا ما جميل
باكر بعد باكر بكهربا ليك بنظرة قتيل
وبقيت تقيل لامن سقوك موية الغسيل
وقعدت يازينة الرجال
كهربجى قــــــــال
يوم جيت تلفلف زى زمان وتبارى بقعر الشجر
كيس كراسى الخيزان
والبت تجى وتمشى وتلف مرات تقيف
يازول معاها ولد حريف
وصاحبنا بالحساس عرف
وسالت والناس كلموك
ملعون ابوك دونيا ام قدود
بقت البقت
وقعدتا وفى شارع الزلط
تبكى وتجعر
والخدود اتورمـــــــت
ضهر القميص
كم القميص
يد القميص
حتى الفنيله اتشرطت
ياعبدوعيب
قوم ياخى صلى على الحبيب
يا اخوانا لا انا داير اموت اقع البحر
انا بنتحر
ياعبدو عيب الدنيا حر والمويه بتسخن عليك
تلاته ساعات كامله زولنا يسب ويكيل
ودموعو تخرخر تسيل
ودموعو سايلات بالكفوف
(وشرايطو )تلمع فى الكتوف
بقى فيلسوف
فى كلام عن الدنيا ام قدود
والعلاقة بين يوم السبت وعين الحسود
ومقارنات بين الجمال والجهل وسوء الاختيار
قال شينه قال
قال شينه قلنا كلام صحيح
وخطيبا زاتو ولد قبيـــــــــح
وكمان سنيح
بس ياخى قـــــــــوم
الواطه صبحت دار ننــوم
قام تانى جاب سيرة البحر

منقـــــــــــــــــــــــــــــــــــــــــــــــ ـــــــــــول
الشريط (الشاكوش)
ود
ك
م
ب
ا
ل



اه على قلبى وعلى امل حملتو دهور
قطعت بحور
سواد الليل على ليليـــــــــــــــــــــــــن
صبرت كتير وراجى النـــــــــــــــــــــور
ياقطعة البلور
يارنة الطنبــــــــور
يا سستر بنات الحـــور
يا صاحبة مسز شنتـور
ويا قصبة جروف اهلــى
عليك اسم الله يا حاكم على ماتجور
وشفتك يوم عجبتينى
قلت اقول انا الفى اولى داير اخطب
ده ما معقول
بقيت ساكت وفرحــــــــان بيكى
احدث زول وادس مــــــــــن زول
ده عاد حبا اصيل وعريـــــــــــــق
لف ودار عليهو الحـــــــــــــــــــول
لكن صحيح الدنيا مابتصفى وتروق لى زول
لو ربطو المعاك محلــــــــــــــــــــــــــــــــــول
اتقدم واتراجع واتردد
لمن حصل محصـــــول
اتمحن وفق
فكر مشلول قليبى المكيل بالملح مكيول
يا لينة يا شتلة فريع البـــــــــــــــــــــان
يا املا بنيتو عليك وعشتو زمـــــــــــــان
افكر فيهو لمن بــــــــــــــــــــــــــــــــــــان
وبقيت للحسرة والآهات
يادرة دامر المجذوب
يازينة الطالبات ويا امل السنين الفــــــات
ويا طفلى الرضيع المات
اتحسرت واتبهدلت ما خليت
ودمع العين نزل
وكت قالت لى oh to L ATE
ضيعنى الدكتور عشـــــــــا البايتات
وعاد خطبوكى لزولا عريض وكبير
وعلمو كتير ولابس ليهو نظارات
عربيتو تسوى حى وا ليــــــــــــــل
وحافظ الكيمياء فى راسو
وحاكى اشنابو نص ربــــــــــــــاط
وعاد شغال وحالتو كويسة بانى البيت
ورضيتى بيهو طوالــــــــــى
وما قلتيلو oh too L atte
وبعد الحصل قلتى لى يا مولانا ادعو لينامعاك
يجازيك الله يا فلانه
زمانى وفات ودايرانى اجيب ابريقى واتؤضا
وافرش الفرشه واتمسكن واصنقر ليكى للدعوات
زمان ما كت بدعو ليك وافكر فيك
لكن الليلة بدعو عليك
بركة البغدادى ودجابر وكية فيكى يافلانه
ابوكى لايرضى ولا يخاطر
ومن ماتجيبى شوط الخطبة فى خشمك
يعاين ليكى ويحمر فيكى يتكبرن
يشيل كرباجو يتكرب
ويمسكك من طريف التــــــــــــــــــــــــــــــــوب
طرفوا الطويل نازل حدا العرقوب
وامك عاد تقول حى ووب
وتتعارض
سجمنا الليله يا ابو فلانه
كان عارضينى طلقانــــــــه
تقولو لالا خليتك براك زعلان
وتقعد تج ويجرك كر على الديوان
وتصرخى جأك بـــــــــلا خجلة التقول شيطان
لامن يسمعو الجيران ينطوا الحوش يدقوا الباب
ويطانش تقول طرشان
يكسروا الباب يدخلوا عليهو
يقول ليهم حلفت يمن البصلنى قريب هدى السكين
يزحوا بعيد يختوا الخمسه فى الاتنيـــــــــــــــــــــــن
وتسمع جيت وتسمع واى ويابا كفاى عليك الله
وتسمع جو وتسمع حى وحى ىىىىىوووب وتسمع جيت وتسمع جو دميعاتك يصبن جو وامك بره تنبح هو
وقت ينقطع سوطو وتفترى تب يملص ليكى مركبو
ويقول فيك كب
ويمسكك طب
وكفتك طـــــــــاخ
ويكنكش فيـــــــــك
ويخنقك خنقة بت الكلب
منقول
ودكمبال

اجبر بخاطرى بس يازول
لوحتى بس بمس كــــــــــــــول
ليه اصبحت جافى وردك ماهو صافى
قول لى ايه يفيدك وانا قلبى البريدك
هو مشحون بحبك وانت ضعيف رصيدك
الدنيا بطالة ومادايمه احوالها
لو تعبان رصيدك فرحنى برساله
قزازة الريحه ريدتى معاك صريحه
بقى جسمو السلبتو ارق من الشريحه
بقى عقلى ما ثابت وفى عزول شامت
وما عرفت موبايلك محظور ولا صامت
وخليتنى مرتبك وبحرقه قلبى بكى
وكيف تسمع نداى وانت خارج الشبكة
لوترضى ياسيدى يبقى داك يوم عيدى
ولو جاتنى منك رساله بحول ليك رصيدى
منقول
ود
ك
م
ب
ا
ل


دنيا غريبة
ناس ضايقاها ماكنتوش
ونا دافساها صحنين بوش
وناس نادوها نرمين**نهى**ايمان**نذار هيثم
اشامى رشوش
وناس نادوها ياكلتوم ويافطوم ودبعشوموابوطربوش
اسامى بروش
ناس فى الحب بتدخل توش
بدونتقديم بدون تلميح معاها قروش
شبح موديل سنة 2007 بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ماعندو ماكنتوش
وتسمع لب ولب لب لب
وراسو يدوش ويبقى عموش
يقولوا عليهو شهيد فى الحب ومات مغشوش
وحالى البى اصبح كيف
ده من شقتك غشانى خريف
مطر من جسمى نازل شو
ويوم سيرتك يجيبوها
ابقى اخاف اكون رجاف
بدل رفدور ارش بف باف
قميصى الساوى لى غلبه
مسكتو لبستو بالقلبه
ادور انضم اتمتم زين
امرق الكلمة من علبه
واتلخبط
كراع جزمه واعاين القى التانية شبط
واكون ملخوم
اشوف سنير ..اقول برلوم
امش شمبات ..اقول ام دوم
اشوف شندى..اقول خرتوم
اقلب الحال
ليلى سهر..صباحى انوم
واحلم يوم
تكونى معاى ونطلع فى مكانا هاى
وتشربى كولا واقعد ساى
واتوه واسرح وانم دوباى
واسفاى وا اسفاى
على قليبى الصبح بكاى
وشن بنسوى لما نشوف قمر ضواى
يطلق النار يشع جواى
وابقى مناى اعاين ليك صباح ومساء
واجر السبحه اقول مدحه
سراى السراى
مناى اقاك يالسمحه
مناى تجودى بى عينيك فد لمحه
ولمن تلبسى الطرحه..تصاب معدتنا بالقرحه
ويجربو فينا كلو علاج:
هستامين ..كلوركوين
ده لا ينفعنا انتستين
ولا يشفعنا درب كينين
وما عارف انو علاجنا كافلجين
وكافلجين علاج لكل مرض خطرى
علاج للبشرى والبطرى
واشوف قدرى
أكان حبيت وشاع خبرى
أكان كفت الهموم كفرى
وقبل اموت اقول كلمات
واوصى بدفنى فى الاحفاد
ويبقى فراشى فى شمبات
منقول
ود
ك
م
ب
ا
ل

العذابه(منقول)
اقولها نصيحه ليك يابابا
أحذر جيرة العذابه
اهل الضمنه والكوتشينه
ديل اهل الطباع الشينه
ليهم مرة نحنا مشينا
لا اتغدينا لا اتعشينا
*************
ولو وقعت ما بتنحل
حتى كان بقيت ذى بله
ديل القوم فى اى محله
نص الليل يشدو الحله
يعبو البيت زى الباخرة
وما بعرفوا السراير الفاخره
دفاتر الكل عليهم ساخرة
اصلو خلاص بيقت دين آخرة
ويخلوا البيت مبشتن ديمه
يدخلوا فيهو عدة قديمه
كمان لو فى شجرة نيمه
يكون وسخان وحالتو اليمه
الملايه ما مفروشه
وجوه الاوضه قامت كوشه
ست البيت تكورك فيهم
ديل اخوانا ضربوا قروشا
*******************
الغسال يكورك فيهم
والتاجر ابا يديهم
والجزار مشرك ليهم
يا خوانا عرفوا الفيهم
زحمة شديده فى الشماعه
ريحه كريهه فى البلاعه
ديل فى الحله عملوا مجاعه
شفطوا القره فى نص ساعه
******
ضد العرس رفعوا الرايه
ديل انحلوا من الدايه
لا تطعيم كمان لا رعايه
مافى كرامه ولا سمايه
ود**كمبال

سماحتك عقدتنى عديل
اعاين ليك دموعى تسيل
أكر فى الحمدو عشرين مره
واقرأ معاها سورة الفيل
ولمن تمسكى المنديل وتمسحى بيو كحل عينيك
لمى الدمعه فوقوا تسيل
اعاين فى عيونك ديل
واقول اريتنى كان منديل
ما بنفع كلام ياريت
نوعى ده ما شبه منديل
ملامحى قريبه للصارقيل
كيفن بس اكون منديل
ولما تقومى منعدله
وتقدلى ليك كم قدله
افنجط بوراك ساى التقول سخلة
اعاين واقول همله
وحلاة القدله فى اهلها
حليوه وتمشى بى جهلها
وتتقصد مشى الآصلة
************
بره
(منقول)
قالت ليهو
بتاكل الرغيف صغار ..صغار انت فار
قال؟؟؟؟؟؟؟؟؟؟
بقيت مجنون بقيت محتار
بعد مازول طويل وعريض
اكون أنا الفار
يا احلى كديسه فى الدنيا
عليك ربك تبلعينى
وما تفضلى شىء
ولو ده حصل
بكون يا بره اسعد فار
وانطط حوه فى بطنك
وانقب فيها الاسرار
واقيف اتامل الكبده
والطوحال تقول رادار
اخزن جوه فى المعده
وافتش لى كسره
وما القى
اقلب جاى ده همبيرجر
كمان بجاى
جلى وكستر
اقلب جاى
عصير منقه وكمان اصفر
مصارينا عدال
مستفه بعسل...سكر
ما عامله ذى كوكو..مصارينو ملفلفه زى حبال بنبر
واطير ليك فو..فو
وفى الفشفاش اتحكر
وانط طوالى جنب قلبك
واشوف الدم داك احمر
ابحلق حوه فى قلبك
اعاين
القى صورتى انا
صورة الفار
هه يا عالم
ده ما سبب البلع ذاتو
اقول يابره خارجينى
تقول لى نو
بحبك ياخى خارجينى
تقول لى ناو
وتتوكل تطلعنى
من اجمل فيلا
واحلى سكن
يمين من جوه فيها بطن
مفرهده ذى زهور الفل
بتحمل نكهة النعناع
مطعمه بى طعم ليبتون
وفيها نسيم يجيك بارد
مكندشه بس تقول هيلتون
ده من جوه
ومن برا
تحلف بس تقول يازول
بس واحد..شال ليهو حبل
وربطوا فى القمرجرا
ولمن تجى وهناك تقعد
تقوم من تانى تنفرا
اطول وتانى انصرا
واشوف الخاش ماشى برا
وأحس بى قلبى فرر..فرا
سجنتينى؟ ما بنساك واتخلا
حت لو الزمن عاند
وحتى لو السهم جلا
بموت فيكى موت
لانك انتى افريقيا
وانا البهواك مانديلا