ادخل بس لازم تكتب تعليق! اولاتدخل!!

[DANY]

نحن شعب موصوف بالكسل !!
وهذه صفتنا عند معظم الشعوب!!
مثلما الشعب البريطانى موصوف بالبرور
والمانى بالغرور
الفرنسى بالفجور!!
التقطت من احدى المنتديات العربيه هذه الصوره والتى نسبت الينا زورا وبهتانا
ولاندرى مصدرها !!!
والله انها فعلا مضحكه !! ولكنها لن تكون ابدا فى السودان
فمارأيكم ياسادتى ؟؟؟؟؟؟؟؟

[محمد أحمد الشيخ]

تعرف يا داني الصورة دي قبل كده أنا شفتها في المنتدي
ولو في طريقة أنا كان شلتا فرع الشجرة الفي الواطة ده
عشان أبعد الشبهه مننا

[معتز الريح]

ياداني .. الصورة دي مافي السودان
لانو أصلاً نحنا ما بنخطط الزلط ..

[صديق بلال]

ياداني .. الصورة دي مافي السودان
لانو أصلاً نحنا ما بنخطط الزلط ..

بس كده يا أخ معتز الريح... إنت بتأكد بإجابتك التهمة... حيقولوا يا جماعة شوفوا من كسلهم ما يخططوا الزلط... فا لتهمة الأولى أرحم... لأنها ممكن نقول شخص واحد أثناء العمل تكاسل وما رفع فرع الشجر من الزلط... أما حكاية إنو أصلا ما نخطط الزلط هذه تهمة للجميع... ما تعليقك يا أخ معتز الريح... وخاصة ما شاء الله... إنت دقيق جدا في تعليقاتك... وما أدري كيف فاتتك هذه اللفتة... وتحياتي لك...

[الدنيا ربيع]

هــــــــــــــم مـــــــــــــــنو ديـــــــل الــــــــــوصــــــــــــــفونا بالــــــــــكـــــــــسل
وبعدين وريني ياتو شارع البتحفه الخضره من كل الجهات وخالي من الجماعه البتكلو تحت الظلال والله انا سمعته انو في حدائق في الخرطوم اسمها حدائق السلام شهرين بس نجيلتا حرقت من كتر القعاد
ولا رايك شنو

[معتز الريح]

يا صديق .. دي حقيقة
الزلط القدام بيتنا ما مخطط ..

[معتز الريح]

الحكاية ما كسل .. توفير بس ..

[صديق بلال]

يا صديق .. دي حقيقة
الزلط القدام بيتنا ما مخطط ..


الله يعين الجميع... فربما مثل هذه التهمة قد تولد العزيمة أكثر في إثبات العكس على مايقولون... فما زال الطريق أمام الجميع في إسكات مثل هذه الخزعبلات...

[ود المطامير]

الموضوع الجيد والشيّق والمفيد
هو اللى يجعل الناس يعلقوا من تلقاء أنفسهم
وليس بدعوه من كاتب الموضوع
أها .. الناس جو وردوا إنت وين ؟؟؟ .

لاحظت لك ثلاث مواضيع فى العام لم ترد على أى أحد
وتطالب الناس بالردود ؟؟

[المرتاااااح]

والله كلام نحنا الكسل دا محمدنا محمدنا وبعدين يا صديق بلال الشي شنو الواحد الكسل دا عاد الجميع كلهم يعني ولا شنو طيب لو ما رفع الفرع كل البقية ما شافو لولا شنو وبعدين ولا هو براهو بيخطط لو كدا والله القال نحنا كسالا دا نا بيعرفنا من شدة ما نشاط الزلط بيخططو زول واااااااااحد بس

[moh_alnour]

يا أخ داني موضوع الكسل الأرتبط بالسودانيين دا كذبة مصرية كبيرة أشاعوها في الخليج بعد ما شافوا انو كل الخليجيين بثقوا وبشيدوا بأمانة السودانيين ، والمصيبة أنو في بعض الناس بدوا يصدقوا المقولة دي فأنا والله رأيت سودانيين في السعودية بداوموا 12 ساعة ومرات أكتر ، هل في عربي او خليجي بداوم كدا أخيرا الحاسد يحسد والرازق يرزق

[حافظ الليبى]

اخى دانى........ سلام
لى لا ... نعلق معاك فى هذا الموضوع الجميل والى بهم كل سودانى
اول شى::::::::
فى بض الارا بان الأغلبية الساحقة..مقتنعين...إنو الشعب السوداني أبعد ما يكون عن الوطنية...وهذا الذي سبب كل المشاكل الحاصلة دى..يعنى بالعربى كسالا......
لكن يجب أن لا نقف عند هذا الحد.........
1/ما هو سبب في تكوين هذه العقلية عند السودانيين.....
هو عدم وعي....
أم أنهم الساسة و سياسة البلد التي لم تتعامل مع قضاية الوطن بوطنية....
::::::اليك بعض الكلمات :::::::::
كل امرئ يحتل في السودان غير مكانه
والناس أكفاء شجاع الرأي مثل جبانه
فالمال عند بخيله والسيف عند جبانه
والمرء ليس بأصغريه بقلبه ولسانه
بل بأكتمال ريائه ودهائه ودهانه
والعلم ليس براجح بالجهل في ميزانه
والفضل ليس مكارم الأخلاق من عنوانه
طن لو أن الحر لا يحنو على أوطانه
ما كان لي شأن بعزته ورفعة شأنه
هذة الأبيات للمهندس علي نور
ولك خالص احترامى وتقبل مرورى المتواضع

[هشام السماني إبراهيم]

الموضوع الجيد والشيّق والمفيد
هو اللى يجعل الناس يعلقوا من تلقاء أنفسهم
وليس بدعوه من كاتب الموضوع
أها .. الناس جو وردوا إنت وين ؟؟؟ .

لاحظت لك ثلاث مواضيع فى العام لم ترد على أى أحد
وتطالب الناس بالردود ؟؟

الكسل عندك


ولا ياربي بتوفر :rolleyes:

[خالد النور]

الكسل...هذه الصفة التى أطلقت على السودانيين زورا وبهتانا. لو السودانيين كسالى ما كانوا زرعوا هذه المساحة الشاسعة وبأقل موارد متاحة وبأقل إمكانيات، ثم هى إشاعة أطلقت علينا من قبل بعض الدول عندما شافو أننا متميزين فى شتى المجالات؟

[abomazeen]

تحياتي واحترامي للجميع
معليش يا ناس يا فاهمين ( الفهم قِــسـم ) أنا زول فهمي بسيط لحــدٍ ما .. ( ودي حقيقة ) بس عاوز أعرف الرابط في الصورة دي والكسل ؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاوز شرح مفصل ودقيق للحالة دي بالذات وبعدين نتناقش في الكسل وما أدراك ما الكسل ؟؟؟ ومنو الكسلان ومنو النشيط ؟؟؟
بالله عليكم وخصوصاً يا ( داني ) شرح بإسهاب و مفصل لعموم الفائدة ... ( للحالة دي ) :confused:

لكم حبي وتقديري

[ود الاغبش]

نشارك معاك يا اخ Dani
لانو موضوع يحتاج المشاركة
فعلا صفة الكسل اصبحت ملازمة للسوداني
و اظن ان سببها ليس المصريين لما شافو امانة السوداني
لكن يقولو انو عندنا ارض مليانة بالخيرات
و نيل يشق البلد طولا و اننا سلة غذاء العالم
و رغم كدة مافي اي استثمار ليها من هنا جات اشاعة
انو السوداني كسلان
دورنا كيف نثبت العكس؟؟؟؟

[ود الاغبش]

القصة يا اخ ابو مازن
انو كان في ناس بتعمل شارع ظلط
اها بعد عملوا الشارع فكروا يخططوا باللون الابيض
زي شوارع الظلط الفي الدنيا
جابو البوية البيضاء و عملوا خط ابيض
و اثناء ما هم شغالين لقوا شجرة واقعة في طرف الشارع
بدل يشلوا الشجرة و يكملوا الخط
قاموا خلوا الشجرة و لفوا منها
و بقي شكل الخط الابيض
زي ما هو في الصورة
اتمني انو الصورة واضحة كدة
و ياريت ضحكة بعد الفهم دا

[abomazeen]

القصة يا اخ ابو مازن
انو كان في ناس بتعمل شارع ظلط
اها بعد عملوا الشارع فكروا يخططوا باللون الابيض
زي شوارع الظلط الفي الدنيا
جابو البوية البيضاء و عملوا خط ابيض
و اثناء ما هم شغالين لقوا شجرة واقعة في طرف الشارع
بدل يشلوا الشجرة و يكملوا الخط
قاموا خلوا الشجرة و لفوا منها
و بقي شكل الخط الابيض
زي ما هو في الصورة
اتمني انو الصورة واضحة كدة
و ياريت ضحكة بعد الفهم دا


هاهاهاههاهاهاهاهاهاهاهاهاه
والله يا ود الأغبش ... أمانة ما وقع زول بالحيل !!!!!!!!! هاهاهاههاهاهاهاهاهاهاها

[abomazeen]

التقطت من احدى المنتديات العربيه هذه الصوره والتى نسبت الينا زورا وبهتانا
ولاندرى مصدرها !!!

؟؟؟؟؟؟؟؟


ده هو المصدر البغيط الحاقد والحاسد ( المابتلحقوا جدعــوا )
http://www.khwa6r.com/vb/showthread.php?t=6004

لا تعليق لدي (زعلان جداً من السخرية اللازعــة )