استاذ بدر الدين اهلا بك في الكرسي الساااخن

[مدنيّة]

السلام عليكم ورحمة الله
اخواني واخواتي اعضاء المنتدي

نرحب با استاذ بدرالدين في الكرسي الساخن
وهو علم علي راسه ناااار
لا يحتاج مني لكلمات قد لا تنزله مقامه الرفيع
لذا اسمحوا لي ان اقدمه لكم لكي ننهل من معينه


<embed width="281" height="79" src=http://www.alnsri.com/upload/uploads/28320c4cdcfa0295aa51aad55d33c397.wmv>

[ابوالنور]

حمدالله علي السلامه اختي مدنيه
والف مرحب بي والدنا العزيز استاز بدر الدين وحقيقي الكرسي منور والله وانشاءالله نشوف ابداعات علي انقام المقطوعه الحلوة دي

[نزار حسن محمد]

مرحبا ..باستاذ الاجيال الراقــــــــــــــــــى الفنان الاستاذ... بدر الديـــــن

اخوانى تعـــــــــــــالوووو نستمتع بحديث الذكريات عن مدنى واهل مدنى من استاذنا بدرالدين
وانا متاكد من انكم سوف تحبونه وتحبون حديثه الشيق فهو فارس من فرسان الكلمه والحروف النديه وسيد من سادة الراى..واسع الالمام اصيل الثقافه.. والفنون ..مرحبا بك ...
البطاقه الشخصيه ياستاذ بدر الدين..

[بورتبيل]

اســــــتاذنا الرائـــــــع الفنــــان / بدر الديـــــــــــن

لكم اسرتنا ردودك المنمقة .. وحروفك المتألقة .. لك عاطر المنى .. وانت ضيفاً على الكرســـــــــي اذ انتظرنــــاك كثيــــــــــــراً يا اســــــتاذي

حتمــــــــــــاً سأعود اليك ... فانا في قمة الشوق .. للابحار معكم في دنياكم الخاصــــــــــــة ومعرفة المزيد عن شخصكم الرائع ... اذاً انتظرنــــــــــــي فلا تدع هذه السانحة ان تفوتنـــــــــــــي

ولك كل الاحترام وخالص الود

[عثمان جلالة]

مرحب بالاستاذ بدر الدين ... الفنان .. المرهف صاحب الردود الحكيمة والأنيقه ... ومنتظرين البطاقة ... عشان نجهز الاسئلة .. وان شاء الله كرسي ... باااااارد

[حسن سادة]

أحبتي لم ألج بوست الكرسي الساخن
لأسأل أستاذنا القامة السامية الرفيعة
بدر الهلال الهل بيد أنني وددت فقط
أن أعدل الكرسي قليلاً وأنثر فيه
الأزاهير والرياحين ليتضمخ أريجاً
فواحاً يليق بمقامة من سيعتليه
متربعاً كما السلاطين والملوك
فأنت الليلة البدر
وإنت بدر السماء في صفاك
قولي من عيني ما خفاك
ياحبيب متى وفاك ؟
ماله بدر السماء ما شروق ؟
من حماه ومنعه المروق
خده زهري وبسمه البروق
غير أشوفه أنا ما بروق
ياحبيب متى وفاك ؟
حاجبه يحكي النون والهلال
طرفه فيه معاني الدلال
انت كل الحيا والجمال
جيده أتلع ظبي التلال
ياحبيب متى وفاك ؟
يا حليل زمن الجهل
في رياض الربا في السهل
من سروفنا بنشرب نهل
يا زمان هل من عودة هل ؟
ياحبيب متى وفاك ؟

وحقاً في الليلة الظلماء يُفتقد البدر
وسر في علاك وأنشر ضياك
يا بدر ما أجمل بهاك

فهلا أنرت سماءنا ضياءاً باهراً

ولي عودة سوف لن يطول أمدها كثيراً

[صلاح الدين محمد]

قلعة الابداع / الاستاذ بدر الدين

مشكورا الاستاذة مدنية علي استضافتك في هذا البوست شارحا

وليس بي مجيب ويكفي فخرا علي تواضعك الجميل وجلوسك

لتسرد وتحكي عن جمال لوحة ودمدني دينيا وسياسيا واجتماعيا

[ابوندى]

الاستاذ الجليل بدر الدين
الشامخ دوماً بفنك وعلمك وتواضعك وتعليمك الذي لم تبخل لنا به , حتى اصبحنا ننهل من رياحينه وبساتينه , لك التجله والتقدير ,,,,,,,,,,,,عسي ان يكون الكرسي برداَ وسلاماً عليك:

لو لم تكن بدر الدين الفنان فماذا حبيت ان تكون؟؟؟

[ابوزيد محمد نور]

الاستاذ... بدر الديـــــن
لك الف تحية واحترام وكم تشوقت لرؤيتك ولكن الظروف لم تسمح بذلك ولكن سوف احاول مرة ثانية اللقاء بك الف مرحب بيك فى الكرسى البارد عليك انشاء الله
مع تمنياتي لك باسعد اللحظات وانت تجلس بيننا فى هذا الكرسى السحرى

ولنا عودة

[الفارس البنفسجي]

لمنتديات ومدني الفخر ، كل الفخر بأن يكون الفنان بدر الدين أحد رموزها الذين تربعوا على عرش الإبداع ونثروا هالات من هذا الإبداع في كل المنتديات والأقسام.فكان إضافة حقيقية لقيمة هذا المنتدى.
من على البعد أنقل تحياتي المسافرة للموقر أستاذنا بدر الدين

وأسأله
من يضيف للآخر ، هل يضيف المنتدى للمبدع
أم يضيف المبدع للمنتدى؟

ماذا أضاف لك هذا المنتدى؟

هل تعتقد أن المنتدى سرق منك بعضاً من زمنك؟

كيف يكون التأصيل للإبداع والمبدعين في مدني ؟

مبدعين تأثرت بهم؟

ثلاث محطات في مسيرة حياتك الفنية توقفت عندها أكثر؟

[مرتضى يوسف العركي]

رسلت لينا يا مدنية من بعيد نظرة من فنان بريد
اخي بدر الدين نورت الكرسي وجيت
للفرح للامسيات
السعادة لينا جات
يلا غنو يا بنات
لحلاوة الفن الما بنقدرها ولمدني الحنينة وسكرة
الجينا ليها نزكرها حفلة بدر لازم تحضرها
وبشبابو وفنو ينورها
ايها القامة بدر الدين
في حضرتكم تزدان الجخانين من حوش القدوراب لناس ياسين
باسيادها الزاهدين بروش صلاة ونار تقابه تسلم اتفضل يا با
بابواب مشروعة لحيشانها وجدران مزالة
من حدود جيرانها من الارض البكر الطين ومغامرات السطرتها لو للشواطين طواحين وشليل وينو ختفو الدود وشليل وين راح خطفو التمساح
سيما وان البحر بالجوار حدثنا عن مجتمع فريقنا القديم زكريات ، شخصيات مواقف ، علقات سخنة ؟
نحن تب منك ما فايتين
نسالك عن تجربة السنين
ما بين الجخانين والفنون علاقة ازلية كالتي بين الاصالة والانسان
كيف تمثلت هرجلة الجخانين في شخبتة التشكيل واين بدر بين هذا وذاك ومع انني قليل فهم للتشكيل نامل ان نري ابجديات لخارطة طريق للتامل واستدراك قليل من كثير ؟
لي عودة ان شاء الله
مرحبا بفخرنا العميد لكلية رائعة منثورة الجمال

[بدر الدين محمد]

كل هذه الحفاوة وكل هؤلاء الاحباب من حولي
لا اصدق
والله انا في غاية الزهو بهذا الترحاب وكأني ألج بيوتكم بيتا بيتا
سأجلس بينكم وأتحدث اليكم اخوتي وأبنائي ولن أبخل ابدا بأي حديث وسأبذل جهدي أن أكون خفبفا عليكم
وأنا على اتم الاستعداد للافصاح عن بدر الدين الذي تعرفونه والذي تودون أن تعرفونة
شكر أختي العزيزة مدنية على هذه السانحة
شكرا أخي ابو النور وحقيقة تمنيت أن التقي بك وحسدت الادمن على لقائه بكم وأكيد كانت ليلة لا تنسى
شكرا الحبيب نزار والله بمجرد ان لوحت اليك (بالوداع يومها ) اشتقت اليك
شكر الحبيب والقريب والنسيب بورتبيل
وحبابك ألف (جلالة) والبطاقة في البوست الجايي
(النجم حسن سادة) والله افتقدت طلتك في الماسنجر وسنلتقي هنا على هذا الكرسي الحفي – انشاء الله – كثيرا
والاخ الكريم (نسيبنا) صلاح لك ألف تحية وللابنة العزيزة(حرمكم المصون) ابنة الاخ العزيز
ولك التحية اخي العزيز ابو ندي ولـ (ندي والاسرة الكريمة)
واخي ابو زيد (محمد نور) من حسن الصدف بدر الدين (محمد نور) حقا انت اخي وانشاء الله نلتقي
وصلت اليك اخي الفارس البنفسجي لك الشكر على الحفاوة والترحيب ونشاء الله لدي لك ستة اجابات كافيات وافيات .. انتظر شوية
اما (الحلامابي) الجار العزيز والنبي وصى على الجار لك التحية الحارة حرارة الفريق اولاد الفريق .. حأرجع ليك
وحأرجع ليكم .. فقط طولوا لي بالكم
اكرر شعوري بالزهو الفخر بكم

[بدر الدين محمد]

اما البطاقة الشخصية في ثلاثة بطاقات
الاولى تم استخراجها في حي المدنيين (فريق الالسايطة)
الثانية : خطوات خطوتها في (كرش الفيل) الخرطوم ثم السعودية – جدة
اما البطاقة الثالثة فهي السيرة الذاتية العلمية والعملية

سأبدأ بأحب البطاقات
مسترجعا الابيات التي أهداها لي حسن سادة
يا حليل زمن الجهل
في ربوع الربا في السهل
من سروفنا بنشرب نهل
يا زمان هل من عودة هل ؟
في العام 1957 ولدت
في بيتنا في حي المدنيين وهو المربع الثاني من الزلط جنوب بيوت جيراننا المدنيين
قبل الانضباط في الطابور الصباحي كنا نرتع مع الاقران الذين تفرقت بهم السبل
لعبنا حتى كملنا اللعب .. كورة الشراب .. السك .. الرمة والحراس
من الصباح حتى يداهمنا النوم
في خلوة الجامع انتسبت لبعض الحين ثم هربت حين رأيت (الفكي) وهو يجلد احد الزملاء
وفي مدرسة النهر الاولية زمن الناظر أحمد محروقي ابتدأت تلك الرحلة ثم الناظر هجو (من القسم الاول)
السنوات الاربع التي تعلمنا فيها الكتابة والقراءة الرسم
الاميرية الوسطى بالعمة والجلابية البيضاء ولجناها صبية كبار .. درسنا فيها اولى وسطى وثانية وسطى ثم سنوات الثانوي العام الثلاثة
وفي النيل الازرق (السني) وبالعجلة الرالي بمحازاة الترعة ذهابا وأيابا لمدة ثلاثة سنوات كانت المرحلة الثانوية والتي شابها الكر والفر والاضرابات والاعتصامات
وبحمد الله نفذنا الى الجامعة
وفي السوق الصغير موقف بصات الخرطوم (زمان) رفعت شنطتي الوحيدة في اعلى بص (الركبي) ودعت البلد والاهل الام الحنون والوالد والاخوان والاقران والاحباب
وكتبت اول قصيدة حزينة
1976

وسوف اعود

[المكاشفى]

حبابك الف استاذ الاساتذه العزيز بدر الدين
الكرسى منور بى وجودك وعله سهلا
واسعفنا بالبطاقه الشخصيه واسهب
فيها وبادق التفاصيل لكى نستقى من
ذلك المعى صاحب الخبره والتجربه الثره
وكان حيين بنتلاقى........

[عمر سعيد]

حبابك ألف أيها الفنان الخلوق المهذب في الكرسي ( المنور بجلوسكم عليه ) ... ونتمنى أن يكون برداً وسلاماً عليكم .

نتطلع لأن نسترجع معكم ذكريات الصبا والشباب ... وأيام ودمدني الجميلة

ولك التحية والأحترام

[محمد أحمد الشيخ]

أستاذنا بدر الدين
هنئيا لنا بمتابعت سيرتكم الذاتية
ومنتظرين حكاوي ودمدني زمان وحي المدنيين وفريق الطملة والجخانيين .

[بدر الدين محمد]

مرحبا ..باستاذ الاجيال الراقــــــــــــــــــى الفنان الاستاذ... بدر الديـــــن

اخوانى تعـــــــــــــالوووو نستمتع بحديث الذكريات عن مدنى واهل مدنى من استاذنا بدرالدين
وانا متاكد من انكم سوف تحبونه وتحبون حديثه الشيق فهو فارس من فرسان الكلمه والحروف النديه وسيد من سادة الراى..واسع الالمام اصيل الثقافه.. والفنون ..مرحبا بك ...
البطاقه الشخصيه ياستاذ بدر الدين..

شكرا نزار والحديث يحلو عن الزكريات والتي صارت رؤاها ضبابية (افلام هندية)
شفت الجزء الاول من البطاقة؟؟؟

[بدر الدين محمد]

اســــــتاذنا الرائـــــــع الفنــــان / بدر الديـــــــــــن

لكم اسرتنا ردودك المنمقة .. وحروفك المتألقة .. لك عاطر المنى .. وانت ضيفاً على الكرســـــــــي اذ انتظرنــــاك كثيــــــــــــراً يا اســــــتاذي

حتمــــــــــــاً سأعود اليك ... فانا في قمة الشوق .. للابحار معكم في دنياكم الخاصــــــــــــة ومعرفة المزيد عن شخصكم الرائع ... اذاً انتظرنــــــــــــي فلا تدع هذه السانحة ان تفوتنـــــــــــــي

ولك كل الاحترام وخالص الود

أنا منتظر !!!!
اخي بورتبيل

[بدر الدين محمد]

حمدالله علي السلامه اختي مدنيه
والف مرحب بي والدنا العزيز استاز بدر الدين وحقيقي الكرسي منور والله وانشاءالله نشوف ابداعات علي انقام المقطوعه الحلوة دي

والف شكر على حفاوتك اخي واوعدك بالابداعات ..

[بدر الدين محمد]

مرحب بالاستاذ بدر الدين ... الفنان .. المرهف صاحب الردود الحكيمة والأنيقه ... ومنتظرين البطاقة ... عشان نجهز الاسئلة .. وان شاء الله كرسي ... باااااارد

البطاقة وصلت لكن عندي بطاقات متعددة ولك الشكر جلالة

[بدر الدين محمد]

من حماه يا حليل زمن الجهل
في رياض الربا في السهل
من سروفنا بنشرب نهل
يا زمان هل من عودة هل ؟

ولي عودة سوف لن يطول أمدها كثيراً

يا حليل زمن الجهل (بفتح الجيم والهاء لا بتسكينهما
ونلتقى مجددا

[بدر الدين محمد]

قلعة الابداع / الاستاذ بدر الدين

مشكورا الاستاذة مدنية علي استضافتك في هذا البوست شارحا

وليس بي مجيب ويكفي فخرا علي تواضعك الجميل وجلوسك

لتسرد وتحكي عن جمال لوحة ودمدني دينيا وسياسيا واجتماعيا

عدت اليك اخي صلاح
ونحن احوج ما نكون للتعارف لم نلتقي وكان بيننا النسب
شكر للمنتدى شكر لمدنية وللكرسي الساخن
لك الشكر

[بدر الدين محمد]

الاستاذ الجليل بدر الدين
الشامخ دوماً بفنك وعلمك وتواضعك وتعليمك الذي لم تبخل لنا به , حتى اصبحنا ننهل من رياحينه وبساتينه , لك التجله والتقدير ,,,,,,,,,,,,عسي ان يكون الكرسي برداَ وسلاماً عليك:

لو لم تكن بدر الدين الفنان فماذا حبيت ان تكون؟؟؟

كنت اعمل لاكون استاذ .. ألبس البنطلون الرمادي والقميص الابيض .. ولكن سارت الامورالى كلية الفنون
لك التحية الفنان ابو ندى

[بدر الدين محمد]

الاستاذ... بدر الديـــــن
لك الف تحية واحترام وكم تشوقت لرؤيتك ولكن الظروف لم تسمح بذلك ولكن سوف احاول مرة ثانية اللقاء بك الف مرحب بيك فى الكرسى البارد عليك انشاء الله
مع تمنياتي لك باسعد اللحظات وانت تجلس بيننا فى هذا الكرسى السحرى

ولنا عودة

الكريم اخي ابوزيد والله الكرسي (حفي) بوجودكم حولي وأنا منتظر العودة على نار

[بدر الدين محمد]

لمنتديات ومدني الفخر ، كل الفخر بأن يكون الفنان بدر الدين أحد رموزها الذين تربعوا على عرش الإبداع ونثروا هالات من هذا الإبداع في كل المنتديات والأقسام.فكان إضافة حقيقية لقيمة هذا المنتدى.
من على البعد أنقل تحياتي المسافرة للموقر أستاذنا بدر الدين

وأسأله
من يضيف للآخر ، هل يضيف المنتدى للمبدع
أم يضيف المبدع للمنتدى؟

ماذا أضاف لك هذا المنتدى؟

هل تعتقد أن المنتدى سرق منك بعضاً من زمنك؟

كيف يكون التأصيل للإبداع والمبدعين في مدني ؟

مبدعين تأثرت بهم؟

ثلاث محطات في مسيرة حياتك الفنية توقفت عندها أكثر؟

اولا: المنتدى اضاف الى حبا جديدا .. جدد العشق والشوق الى مدني .. حبا لأخوة لم أرهم ..
ثانيا : نعم .. المنتدى اخذ منى الزمن ولكن بالحق حاشاه ان يكون قد سرقه آتيه طوعا استمتع به
ثالثا: التأصيل للأبداع والمبدعين في مدني ضرورة خاصة وأن الخرطوم تتأبي علينا (وهي سيك سيك معلق فيك) ولابد من ان نجد وسبلة لذلك الهدف النبيل
رابعا: كل قد ترك بصمته على (بابكر صديق من مدني .. فوزي عرمان من مدني .. فريد) والقائمة تطول والواجب حفظ استاذيتهم
خامسا: المحطات كثيرة ومنها استفدت الكثير الاميرية .. الكلية.. المتحف وقد عملت به ردحا من الزمان .. السعودية

[ابوالنور]

استاز بدر الدين سلامات تاني
اها المره دي جايب لي سؤال سعنتوتي كده
احساسك وانت اتصلت علي استاز خالد الصول تقول ليه حمدالله علي السلامه كان كيف

[بدر الدين محمد]

رسلت لينا يا مدنية من بعيد نظرة من فنان بريد
اخي بدر الدين نورت الكرسي وجيت
للفرح للامسيات
السعادة لينا جات
يلا غنو يا بنات
لحلاوة الفن الما بنقدرها ولمدني الحنينة وسكرة
الجينا ليها نزكرها حفلة بدر لازم تحضرها
وبشبابو وفنو ينورها
ايها القامة بدر الدين
في حضرتكم تزدان الجخانين من حوش القدوراب لناس ياسين
باسيادها الزاهدين بروش صلاة ونار تقابه تسلم اتفضل يا با
بابواب مشروعة لحيشانها وجدران مزالة
من حدود جيرانها من الارض البكر الطين ومغامرات السطرتها لو للشواطين طواحين وشليل وينو ختفو الدود وشليل وين راح خطفو التمساح
سيما وان البحر بالجوار حدثنا عن مجتمع فريقنا القديم زكريات ، شخصيات مواقف ، علقات سخنة ؟
نحن تب منك ما فايتين
نسالك عن تجربة السنين
ما بين الجخانين والفنون علاقة ازلية كالتي بين الاصالة والانسان
كيف تمثلت هرجلة الجخانين في شخبتة التشكيل واين بدر بين هذا وذاك ومع انني قليل فهم للتشكيل نامل ان نري ابجديات لخارطة طريق للتامل واستدراك قليل من كثير ؟
لي عودة ان شاء الله
مرحبا بفخرنا العميد لكلية رائعة منثورة الجمال

الحلامابي العزيز .. والله ايام الصبا في حي المدنيين لا تنسى الحديث فيها انشاء الله سوف يتداعي حتى نهاية الاقعاد في الكرسي ..
اما العلقة التي لا انساها ,,
كنا صبية صغار وجينا من السوق راجعين بشارع النيل .. وعند وصولنا لمنطقة بيت عزت ابو العلا (قندق النيل حاليا) اتفقنا على رمي كلابهم بالحجارة ومن الشارع انطلقت الحجارة الى داخل الفيلا ووقع حجر على السيارة المارسيدس في داخل الحوش واذا بالغفير يطارنا ويترك كل الزملاء ليقبض علي ويحملني بين يديه ليقدمني للجلد ولكن لم يستمر الحال جاء الخال عبد المنعم الرفاعي ووجد الرجل وهو يحملني وانا اصرخ واحاول التملص فحررني وانهى الفيلم بإغارة على منزلهم من أهلي حتى تدخل الاجاويد

[بدر الدين محمد]

اسعفنا بالبطاقه الشخصيه واسهب
فيها وبادق التفاصيل لكى نستقى من
ذلك الالمعى صاحب الخبره والتجربه الثره
وكان حيين بنتلاقى........

مرحب المكاشفي .. راجع للسيرة وبالاسهاب

[بدر الدين محمد]

حبابك ألف أيها الفنان الخلوق المهذب في الكرسي ( المنور بجلوسكم عليه ) ... ونتمنى أن يكون برداً وسلاماً عليكم .

نتطلع لأن نسترجع معكم ذكريات الصبا والشباب ... وأيام ودمدني الجميلة

ولك التحية والأحترام

اخي الاكبر العزيز الحبيب عمر .. والله والحق يقال تعلمنا منكم في موقع (ودمدني) عندما رأيت مقالاتك وانت تعرف أهلنا واحداواحدا .( النجارين عبد الله وطه الرفاعي والمنجدين تاج الدين ومصطفى قدورة) ولدينا الكثير من الذكريات التي عشناها في الزمان الطيب بناسه الطيبين .. وللذكريات عودة وعودة
احييك اخي

[بدر الدين محمد]

أستاذنا بدر الدين
هنئيا لنا بمتابعت سيرتكم الذاتية
ومنتظرين حكاوي ودمدني زمان وحي المدنيين وفريق الطملة والجخانيين .

ود الشيخ .. سلام وتحية ..
فريقنا .. اجمل ما فيه الكر والفر اليومي بين اولا الفريق والسابلة الذن كانوا يتخذوا الجامع مأوى لهم .. غفر الله لنا رعونتنا
كنا عدما تبرد الواطا نتجمع ونحدد الهدف (فلان ) نذهب الى الجامع ثم نبدأ بقذفه بالحجارة والرد تكون مطاردة حامية الوطيس حتى صلاة العشاء .... أيام

[بدر الدين محمد]

استاز بدر الدين سلامات تاني
اها المره دي جايب لي سؤال سعنتوتي كده
احساسك وانت اتصلت علي استاز خالد الصول تقول ليه حمدالله علي السلامه كان كيف

مرحب ابو النور بالمناسبة اخوي الصغير ايضا اسمه انور النور ان عضو في فرقة المسرح المتجول مع كوجاك
اتصلت بخالد الصول بعد وقوع الحادث بشوية وكان مشغول بالاجراءات
كيف الحال انا بدر الدين وكان يرد في اتجاه آخر بيني وبين نفسي خفت الحادث يكون أثر على الذاكرة بتاعتو ختمت المحادثة وما خليتو يحس بانو خارج الشبكة قمت اتصلت على الادمن مباشرة وحكيت ليه .. مات الادمن من الضحك (رحمه الله) قال لي كان في اجراءات المرور
حتى وجدت الرد جاء من خلال ابو النور .. والحمد لله

[بدر الدين محمد]

في السوق الشعبي الخرطوم بدأت الرحلة ..
ركبنا بصات السجانة بالنص .. الى المعهد الفني الذي يضم كلية الفنون وسمي فيما بعد معهد الكليات التكنولوجية ثم جامعة السودان ..
امتحنت امتحان القدرات ونجحت وانتسبت الى الفنون
تسلمت الموقع في الداخلية والسرير وفوق رأسي مروحة ودولاب بباب
يا للروعة
أيضا سلمونا (بيسري) وهي اعانة تدفع كل شهر للطالب وكانت يومها خمستاشر جنيه .. مبلغ كبير
في كلية الفنون تعلمنا بالطبع (الفنون) الرسم والتلوين والتصميم .. الخ
تخصصت في التلوين ..
أيضا من خلال جعية الموسيقى تعلمنا الموسيقى (النوتة ) والعزف على مختلف الآلات الموسيقية وكونا فرقة (خطيرة) بس تركت ممارسة الموسيقى وتبقى لي (الاستماع فقط) واعمال بمواصفات معينة
في كلية الفنون سافرنا في الاتجاهات الاربع
منطقة الرصيرص والانقسنا والكرمك وقيسان وباو وخور الدليب
منطقة جبال النوبة الشرقية العباسية .. رشاد .. تلودي ..هيبان امروابة والرهد
منطقة البحر الاحمر ..اركويت ..سنكات ..سواكن .. جبيت
منطقة جبل مرة قلول نيرتتي مرتجلو
تخرجنا
عملت في المتحف القومي (مرمم آثار- جداريات)
ثم الى السعودية .. جدة عملت في المطابع وتجارة الثياب السودانية وفي العام 1991 كان القرار بالخروج بدون عودة
الى اهلي

[ابوالنور]

مرحب ابو النور بالمناسبة اخوي الصغير ايضا اسمه انور النور ان عضو في فرقة المسرح المتجول مع كوجاك
اتصلت بخالد الصول بعد وقوع الحادث بشوية وكان مشغول بالاجراءات
كيف الحال انا بدر الدين وكان يرد في اتجاه آخر بيني وبين نفسي خفت الحادث يكون أثر على الذاكرة بتاعتو ختمت المحادثة وما خليتو يحس بانو خارج الشبكة قمت اتصلت على الادمن مباشرة وحكيت ليه .. مات الادمن من الضحك (رحمه الله) قال لي كان في اجراءات المرور
حتى وجدت الرد جاء من خلال ابو النور .. والحمد لله
ههههههههههههههههههههههههههههه
والله يا بدر الدين انت زول راقي
اوريك انا الحصل شنو طبعا الزول ده عندو اصحابو في الرهد وعندمه مريض جايبنو من هناك وهو منتظر التلفون ده بي فارق الصبر لانو قاعد في العياده حاجز ليهم وهما اتصلو عليه الصباح وقالو ليه بيتصل عليك اخونا في السكه
اها امن جي التلفون بتاعك انت افتكرو تلفون الجماعه ديل وقام خشي فيك ليفت
وانا طبعا اتوقعتك تقول انو الزول ده اسر عليه الحادث
ياخي انا بحكي لينا فيها مت من الضحك
اها بمشي اخد لي لفه واجيك
اها نسيت اقول ليك انور اخوك اسمو انور ودالنور ولا اسمو انور والنور في الحالتين قول ليه ابوالنور قال ليك عاشت لاسامي

[بدرينا]

مرحب بيك أخونا بدر الدين في الكرسي الساخن ..
ولنا عودة

[بدر الدين محمد]

ههههههههههههههههههههههههههههه
والله يا بدر الدين انت زول راقي
اوريك انا الحصل شنو طبعا الزول ده عندو اصحابو في الرهد وعندمه مريض جايبنو من هناك وهو منتظر التلفون ده بي فارق الصبر لانو قاعد في العياده حاجز ليهم وهما اتصلو عليه الصباح وقالو ليه بيتصل عليك اخونا في السكه
اها امن جي التلفون بتاعك انت افتكرو تلفون الجماعه ديل وقام خشي فيك ليفت
وانا طبعا اتوقعتك تقول انو الزول ده اسر عليه الحادث
ياخي انا بحكي لينا فيها مت من الضحك
اها بمشي اخد لي لفه واجيك
اها نسيت اقول ليك انور اخوك اسمو انور ودالنور ولا اسمو انور والنور في الحالتين قول ليه ابوالنور قال ليك عاشت لاسامي

وانا لازلت أضحك وبالله افتح بيها بوست
اوي اسمه انور النور محمد من اولاد جليكم وكان في مدني فترة طويلة

[بدر الدين محمد]

مرحب بيك أخونا بدر الدين في الكرسي الساخن ..
ولنا عودة

ولك الشكر على الترحاب وانا منتظر عودتك على نار

[بدر الدين محمد]

السي في العملية

الميلاد: مدني 1957
المؤهل: كلية الفنون الجميلة والتطبيقية - تلوين 1980
العمل:
-استاذمتعاون بقسم التلوين كلية الفنون الجميلة
- مصمم
دورات وورش:
-دورة استخدام الحاسوب في التدريب 1997
- مجموعة ورش تصميم العملة السودانية 2005
عضوية:
-الاتحاد العام للتشكيليين السودانيين
-الجمعية التشكيلية السودانية
-مؤسسة اروقة للثقافة والعلوم-رواق التشكيل
معارض :
-كلية الفنون 1980م
- معرض الفن في معركة السلام 1981
- متحف السودان 1981-2000 ( جماعي)
- قنصلية السودان بجدة 84-85-86 ( جماعي)
- مركز شبرين(الافتتاح)
- معرض فردي -متحف السودان 1999
- افتتاح صالة الجمعية التشكيلية السودانية (جماعي) 2002
- معرض المولد - الجمعية التشكيلية السودانية2003 (جماعي)
- معرض فردي المركز الثقافي الالماني2003م
- معرض السلام- الجمعية التشكيلية السودانية (جماعي)2004
- معرض بالنادي الدبلوماسي ( جماعي) 2004
- معرض بمؤسسة اروقة ( جماعي) 2005
- معرض الجمعية القبطية ( جماعي) 2005
- معرض افتتاح دار اتحاد التشكيليين (جماعي) 2005
- معارض ( مدينة السد ، كريمة والحمداب الجديدة) (جماعي) 2005
- معرض ليالي الخرطوم الثقافية -جامعة القضارف (جماعي) 2005
- معرض فردي المجلس القومي للثقافة والفنون 2006
نشر:
- اصدارة السلام1981
- قاليري مجلة الخرطوم 1994
- مجلة سنابل 1996
- قاليري مجلة الخرطرم الجديدة2004
- قاليري اسرتي 2004
- قاليري السودانية 2004
- قاليري مجلة الخرطوم عاصمة الثقافة 2005
- قاليري مجلة اوراق
- الدوريات السودانية
- موقع ودمدني على الانترنت
جوائز:
- لوحة السلام -الفن في معركة السلام -المجلس القومي للتضامن والصداقة والسلام 1981م-
- شعار تلفزيون ولاية الخرطوم 1999-2003

[مختار بازى]

القامـــــــــــــــة بدر الدين محمد
حللت اهلا ونزلت سهلا في الكرسي الساخن واسال الله ان يكون بردا وسلاما عليك
ما عندي سؤال بس عندي طلب صغير لو امكن قلتة انتهز الفرصة بتاعت الكرسي دي
عايز لي لوحـــــــــــــــــــة فنية تحمل اسمي بالعربي (مختار بازي) عايز اضعها في مكان الصورة الرمزية في المنتدي ولك جل احترامي وشكري

[بدر الدين محمد]

القامـــــــــــــــة بدر الدين محمد
حللت اهلا ونزلت سهلا في الكرسي الساخن واسال الله ان يكون بردا وسلاما عليك
ما عندي سؤال بس عندي طلب صغير لو امكن قلتة انتهز الفرصة بتاعت الكرسي دي
عايز لي لوحـــــــــــــــــــة فنية تحمل اسمي بالعربي (مختار بازي) عايز اضعها في مكان الصورة الرمزية في المنتدي ولك جل احترامي وشكري

شكرا مختار على الطلة البهية .. وطلبك على العين والرأس

[بدرينا]

أستاذنا الرائع بدر الدين .. قد تكون هنالك علاقة بين الفن التشكيلي وفن الشعرفكلاهما فن للقلم .. وقد يكون في جانبك الآخر شاعر.. عايزين نعرف إن كان هنالك شيء في هذا القبيل داخل بدر الدين.. وإن لم يكن، فلمن من الشعراء السودانيين تستمتع .. وأحب الأبيات إلى نفسك.؟؟
ودمت ذخرا لهذا الوطن القارة..

[بدر الدين محمد]

أستاذنا الرائع بدر الدين .. قد تكون هنالك علاقة بين الفن التشكيلي وفن الشعرفكلاهما فن للقلم .. وقد يكون في جانبك الآخر شاعر.. عايزين نعرف إن كان هنالك شيء في هذا القبيل داخل بدر الدين.. وإن لم يكن، فلمن من الشعراء السودانيين تستمتع .. وأحب الأبيات إلى نفسك.؟؟
ودمت ذخرا لهذا الوطن القارة..

شكرا بدرينا
كتبت الشعر ورسمت الكلمات
أديك نموذج:
في خريف 88 كتبت
كأني تحت سماء سكوب
ثقالا ثقالا تسح القطر
وأني تحت ثقوب السقوف ووسط الرزاز وفوق الوحل
وأني أعالج لين التراب .. هزيم السحاب وهزو الرعود وهزر البلل
***
تلوح بيوت الفريق العتيق .. سرابا يسد على الافق
كأني شددت قلوع الحدق ..و أني شددت تجاه الغرق
إلام تكون رؤاي علق

والقصيدة الكاملة .. طوييييلة

[salwa]

استاذنا الموقر

بدر الدين

نورت وفخورين بامثالك وانت والله علم ويجدر بنا ان ناخذك قدوة وبعلمك وثقافتك بالجد بغرتنا ...الله يزيدك يارب ويجعلك للجميع منير علم وفنون

بنجيك ننهل من معينك المليان رسوووووم وفن راقي

[ود الاغبش]

و الله روعة
اهو دا السودان
قمم سامقة ... ابداع متواصل .... تاريخ عارم
لك التجلة .... يا فخرنا ... و شكرا للجزيرة ان انجبت امثالك
وفقك الله و سدد خطاك .... و ربي يجيب اليوم النشوفك تحتل مكانة بين الفنانيت العظام عالميا
السؤل : ( عذرا فمن انا كي اسالك _ يا قمة _ ؟ )

[بدر الدين محمد]

استاذنا الموقر

بدر الدين

نورت وفخورين بامثالك وانت والله علم ويجدر بنا ان ناخذك قدوة وبعلمك وثقافتك بالجد بغرتنا ...الله يزيدك يارب ويجعلك للجميع منير علم وفنون

بنجيك ننهل من معينك المليان رسوووووم وفن راقي

النور الحقيقي هو لمتكم حولي لترطيب الكرسي الساخن
,عاجز عن الشكر والله

[بدر الدين محمد]

و الله روعة
اهو دا السودان
قمم سامقة ... ابداع متواصل .... تاريخ عارم
لك التجلة .... يا فخرنا ... و شكرا للجزيرة ان انجبت امثالك
وفقك الله و سدد خطاك .... و ربي يجيب اليوم النشوفك تحتل مكانة بين الفنانيت العظام عالميا
السؤل : ( عذرا فمن انا كي اسالك _ يا قمة _ ؟ )

لك الشكر أخي الاغبش
وأسأل الله ان نكون نحن جميعا ابناء (مدني) اعلام في عطائنا ..
وأنا مستني (سوأل) فأنت بلا شك اخ وحبيب .. وتواضع

[Madanawi]

مليون مرحب باستاذنا بدر الدين .. كل الكلمات تتبعثر
وكل والحروف تذوب خجلا في حضرة الفنان الانسان
بدر الدين .. استرسل لتتحفنا بتاريخ فنك ونشأتك فنحن
نجيد التركيز والاستيعاب في مثل هذا المنبر ولمثل هذا
المقام.
تخريمة :
(أول مرة أعيد قراءة بوست لثلاث مرات متتالية)

[حسن سادة]

أستاذنا المبدع بدر الدين

عندما وجدت أنه:
"من القبلة لاح لي بدراً لمع
والصيد في الكرسي الساخن يا ناس اجتمعوا"
قلت لنفسي
" مابطيق القعدة والمايق دمع"
ورجعنالك وكيف نرفض رجوع القمرة لي وطن القماري
بي فرح عودتنا رفت وزغردت دمعات حنينة"

ولكنني جئت اليوم سائلاً
من هو بدر الدين بعيداًُ عن مجال الفن والإبداع
فهل يسكن في دواخلك إنسان آخر
وهل ثمة مواهب وملكات أخرى
لا زالت حبيسة الأغوار السحيقة
وتتمنى أن تتفجر ذات يوم كالبركان؟؟؟؟
ولك خالص المودة دون أن أضن بها

[بدر الدين محمد]

مليون مرحب باستاذنا بدر الدين .. كل الكلمات تتبعثر
وكل والحروف تذوب خجلا في حضرة الفنان الانسان
بدر الدين .. استرسل لتتحفنا بتاريخ فنك ونشأتك فنحن
نجيد التركيز والاستيعاب في مثل هذا المنبر ولمثل هذا
المقام.
تخريمة :
(أول مرة أعيد قراءة بوست لثلاث مرات متتالية)

مرحبا .. مدناوي
وبالاذن سوف استرسل طالما حولى هؤلاء الكوكبة المنورين ولدي لكم الكثير لأقوله فكلنا أبناء ام واحدة يجمعنا هذا..
الحوش الديمة مبشوش
بالزهور والورد معروش
بالحرير الاصلي مفروش
(منتدانا) الذي لا نطيق ان نفارقه
.. والذي يحلو فيه التسامر والتواصل
لك الود

[بدر الدين محمد]

ولكنني جئت اليوم سائلاً
من هو بدر الدين بعيداًُ عن مجال الفن والإبداع
فهل يسكن في دواخلك إنسان آخر
وهل ثمة مواهب وملكات أخرى
لا زالت حبيسة الأغوار السحيقة
وتتمنى أن تتفجر ذات يوم كالبركان؟؟؟؟
ولك خالص المودة دون أن أضن بها

بعيدا عن الفن والابداع ..
والفن - الحلال- يتدخل في كل شي في تكوين بدر الدين
وكل شئ يحتاج الى الزوق والبسموه الاوربيين الاتيكيت والذي هو ضرورة اسلامية ايمانية
ان الله يحب اذا عمل احدكم عملا ان يتقنة .. تعلمت من الاغتراب اتقان العمل من اجل المنافسة
تبسمك في وجه اخيك صدقة .. لضرورة التعامل والتآلف
والكثير
قرضت الشعر .. ايام الثانوي والجامعة وما صرت الآن أكتبه
عزفت الموسيقى ثم عزفت عنها .. لخوف من التمادي في اللهو ولكني مستمع حصيف أحب اغنيات وردي القديمة و سيد خليفة عندما يغني
ياملاك الحب مهلا ** انت في زهو الشباب
وانا قد صرت كهلا *** من جوى الوجد المذاب
لو هوانا كان عدلا *** ماجفا الثغر الشراب
لعبت الكرة
بالشراب في ميدان الجامع الكبير
وممثلا لكلية الفنون في عدة محافل
بس (تمامة الحداشر)
نلت جائزة مرة في كرة الطاولة (بالصدفة)
اي
اتسلى بالتريض ولسني بالرياضي

[ود الاغبش]

عدنا استاذنا الجليل و عساه عود احمد
كنت ذات مرة في جدة مع احد اعضاء دار الفنانين التشكليين في معرض للفنان الرائع الطيب حضيري و تحادثنا عن الفن التشكيلي
و كيف انه اضحي مفهوما اكثر مما مضي و له معجبوه من العامة
و لكن لفت نظري ان هذا الفنان قد لجأ الي الفن الفوتوغرافي
بي صراحة ما ظبطت معاي
كيف يعني الفن الفوتوغرافي ؟؟؟

[بدر الدين محمد]

نتطلع لأن نسترجع معكم ذكريات الصبا والشباب ... وأيام ودمدني الجميلة

ولك التحية والأحترام
`
اعود الى فخرنا وفكر المنتديات (الاستاذ عمر) ..
وأجتر من الذكريات هذه القصة ...
.. مرة كنا نتطارح الشعر وكان ذلك في منزل العم زين العابدين عبد الوهاب الساعاتي - دردق - برفقة ابنه صديقنا محي الدين ومعنا بهجت مدني ابراهيم وعبد المنعم سعدابي وعندما جاءني الدور ولم اجد من الابيات ما اطرحه ألّفت البيت التالي
دائي ودوائي حبيك *** وشفائي منك ومن فيك
ومر الموضوع على الجميع
ولما جاءني الدور أيضا ألّفت البيت التالي ..
عزي وعزائي في رؤيا *** ويداي تصافح أيديك
وبعد ان رجعت الي البيت أكملت القصيدة ..
شوقي وشقائي في دربك *** مادام بعيدا واديك
وأنا مازلت على ودي *** مازال القلب يناجيك
ان دق يدغدغ أنغاما *** فيعود الرجع يغنيك
ما دمت القلب وحيدته *** لن يبذل حبا لشريك
وأذكر منها..
يرقب من يرغب في لقيا *** يرقبنا دوما أهلوك

وكلها كانت على هذه الشاكلة (يرقب – يرغب)(دق-دغدغ)(شوقي – شقائي)(دائي – دوائي) الخ
وسوف أبحث عنها في اضابير الكتب وأكتبها كاملة انشاء الله

[بدر الدين محمد]

عدنا استاذنا الجليل و عساه عود احمد
كنت ذات مرة في جدة مع احد اعضاء دار الفنانين التشكليين في معرض للفنان الرائع الطيب حضيري و تحادثنا عن الفن التشكيلي
و كيف انه اضحي مفهوما اكثر مما مضي و له معجبوه من العامة
و لكن لفت نظري ان هذا الفنان قد لجأ الي الفن الفوتوغرافي
بي صراحة ما ظبطت معاي
كيف يعني الفن الفوتوغرافي ؟؟؟

عود أحمد والله
التصوير الفوتوغرافي من الفنون الحديثة والصورة الفوتوغرافية يمكن أن تكون في مستوى اللوحة لما تحمله من موضوع وظل ونور .. ومع التصوير الرقمي ظهر فن جديد (التلوين الرقمي) يعتمد على معالجة الصور بالفوتوشوب والبرامج المشابهه لعمل لوحات تجريدية
أضافة للبعد التوثيقي للصورة التقليدية ..
الطيب الحضيري الآن معنا بالسودان لاكمال فصل في رسالة الدكتوراه خاصته وهو صديق عزيز
لك الود

[بدر الدين محمد]

آخر صورة بشارع النيل الخرطوم .. المناسبة العربية قطعت بنزين هنا....>

http://www.9m.com/upload/14-08-2007/0.42614011825326.JPG

[حسن سادة]

عزيزي بدر الدين
نعم أنت الرحيق لنا
وأنت النور والعطر
وأنت السحر مقتدراً
وهل غير الهوى سحر
خذوا الدنيا بأجمعها
حبيب واحد ذخر
إذا أضاءت مطالعه
فكل سمائنا بدر
خذوا دنياكم هذي
فدنياواتنا كُثُر

لم ألج البوست سائلاً
ولكني وددت أقول صباح الخير
وأشوفك كيفن أصبحت
وأقول ليك كمان
الرابط بتاع الصورة ما شغال خير شر

ولك ولكافة المنتدين هنا خالص الود

[عوض صقير]

أخى
بدر الدين محمد نور

كلما أنظر لصورتك أتذكر مدنى المتمثلة فى حى المدنيين شمال
هذا الحى الذى كان بمثابة بيت واحد لكل أبنائه
ترعرعنا ونشأنا فى هذا الحى وكنتم لنا عون وأخوة
بكل ماتحمل هذه الكلمة من معنى
تعلمنا منكم الكثير والكثير
عرفنا من خلالكم الأدب


للحديث بقية

[عوض صقير]

بدرالدين محمد نور

مسكون بالأدب والفن والأبداع منذ عرفناه
يحترم الصغير ويوقر الكبير

محبوب ... محبوب .... محبوب

[بدر الدين محمد]

لم ألج البوست سائلاً
ولكني وددت أقول صباح الخير
وأشوفك كيفن أصبحت
وأقول ليك كمان
الرابط بتاعة الصورة ما شغالة خير شر

ولك ولكافة المنتدين هنا خالص الود

اصبحت في أمان الله عندما أطل ألقي انواركم تغمرني وطيبتكم وونساتكم تطربني
لك الشكر النجم (سادة) وحأعيد رفع الصورة

[بدر الدين محمد]

أخى
بدر الدين محمد نور

كلما أنظر لصورتك أتذكر مدنى المتمثلة فى حى المدنيين شمال
هذا الحى الذى كان بمثابة بيت واحد لكل أبنائه
ترعرعنا ونشأنا فى هذا الحى وكنتم لنا عون وأخوة
بكل ماتحمل هذه الكلمة من معنى
تعلمنا منكم الكثير والكثير
عرفنا من خلالكم الأدب

للحديث بقية

مرحب اخي عوض مرورك أسعدني وأهاج الكثير من الذكريات والصور القديمة المشرقة البهية وأنت وأنا والاحباب نقدل صباح مساء في الحي تجمعنا الونسات واللمات الحلوة الطيبة ومن الكرسي الساخن خذ تحياتي إلى الاحباب الاتراب الاصحاب احمد بندة .. عادل كديسو .. نجيب صقير .. والاخوان صغارهم وكبارهم حتى يجمعنا الله فنلتقي بالاحضان والدموع .. آمين

[معتز الريح]

الأستاذ بدرالدين محمد ..
يتشرف الكرسي الساخن بك ..
سؤالي ..
ماهو السبب الحقيقي الذي دفعك للتوقف عن المضي قدماً
في بوست الحب زمن الجامعة .. أفراح وأتراح .. لتحكي لنا
عن حب السبعينات .. ؟؟

أختر الإجابة الصحيحة ..
----------------------
1. التراجع عن نبش الماضي ..
2. عوامل خارجية شمت خبر عن الموضوع ..
3. تهديدات ..
4. كل ما ذكر أعلاه ..

ولك صادق محبتي ..

[بدر الدين محمد]

الأستاذ بدرالدين محمد ..
يتشرف الكرسي الساخن بك ..
سؤالي ..
ماهو السبب الحقيقي الذي دفعك للتوقف عن المضي قدماً
في بوست الحب زمن الجامعة .. أفراح وأتراح .. لتحكي لنا
عن حب السبعينات .. ؟؟

أختر الإجابة الصحيحة ..
----------------------
1. التراجع عن نبش الماضي ..
2. عوامل خارجية شمت خبر عن الموضوع ..
3. تهديدات ..
4. كل ما ذكر أعلاه ..

ولك صادق محبتي ..

كل ماذكر صحيح
والله يا معتز كل يوم افتح البوست واقدم كراع وأرجع كراع
لكن اوعدك (حأتشهد وأتلب في الموضوع .. موت موت .. حياة حياة
وما تكلم زول (زوجتي الاولى) من قصص الجامعة

[معتز الريح]

أستاذي .. سؤال فني ..
1. أسمع عن :
* الرسم التشكيلي ..
* الرسم التجريدي ..
* الرسم التكعيبي ..
* الرسم السريالي ..
امل منكم في شرح موجز لكل على حدا ..
وماهو الفن والإبداع في الرمزية العالية التي تصعب على
المشاهد البسيط ..

2. وماهو مقياس جمال اللوحة التشكيلية
أو التجريدية أو اي من الأنواع أعلاه ..
لأنني اعتقد أنها بدون مقاييس ..

ولك جزيل شكري

[بدر الدين محمد]

أستاذي .. سؤال فني ..
1. أسمع عن :
* الرسم التشكيلي ..
* الرسم التجريدي ..
* الرسم التكعيبي ..
* الرسم السريالي ..
امل منكم في شرح موجز لكل على حدا ..
وماهو الفن والإبداع في الرمزية العالية التي تصعب على
المشاهد البسيط ..

2. وماهو مقياس جمال اللوحة التشكيلية
أو التجريدية أو اي من الأنواع أعلاه ..
لأنني اعتقد أنها بدون مقاييس ..

ولك جزيل شكري

التتشكيل هو الرسم والنحت والخرف والتصميم .. الخ اى الفنون البصرية الساكنة
اما التجريدية والتكعيبية والسيريالية هي مدارس تشكيلية
والفن في النهاية انحصر في التجريد وقيمة اللوحة التجريدية تكمن في (الجمال فقط) قياسا على المتعة التي تحدثها الموسيقى وهي فن تجريدي (سماعي) والتشكيل في المقابل بصري والمتلقي عليه اليحث عن المتعة في الشكل واللون تماما مثل النغم والايقاع وساكتب بالتفصيل في ذلك في منتدى الفنون الجميلة ..
لك ودي

[اعتماد]

الكرسي منور يااستاذ بدرالدين واتمني ان تكون اضافة ثرة للمنتدي ارسل تحياتي لاستاذي الجليل بدرالدين

[بدر الدين محمد]

الكرسي منور يااستاذ بدرالدين واتمني ان تكون اضافة ثرة للمنتدي ارسل تحياتي لاستاذي الجليل بدرالدين

ألف شكر ابنتي اعتماد والنور دا من اللمة الحوالي

[بورتبيل]

استـــــــاذي ونسيبي بدر الديـــــــــــن
اعــــــــود اليك كما وعدتك واخشــــــى ان يكون هناك احد قد تطرق لاستفهاماتي هذه
1- خلال تنقلكم داخل الوطن الجميل في غربه وشرقه وجنوب النيل الازرق ما هو المكان الذي تعتقد انك تنتمى اليه اكثر؟
2- في ممارستكم للفنون والرسم والتشكيل هل هناك لوحــــــــــــة او عمل يحكى عن قصــــة واقعية مفرحــــــــة حدثت بالفعل؟ لو كان نعم ما هي القصــــة ؟

وسوف اعود ان كان في الوقت بقيــــــــة

[ود المطامير]

أخوى الحبيب ... بدرالدين ..
زمان فى واحده ( دكتوره ) طيرتنى من زيارة الكرسى الساخن
طيرة أبوالريش من الدريش ... أها
أبوالريش منو والدريش شنو
أعتبر سؤالى دا إستراحه مع فنجان شاى بين كل لوحه ولوحه .

[بدر الدين محمد]

أخوى الحبيب ... بدرالدين ..
زمان فى واحده ( دكتوره ) طيرتنى من زيارة الكرسى الساخن
طيرة أبوالريش من الدريش ... أها
أبوالريش منو والدريش شنو
أعتبر سؤالى دا إستراحه مع فنجان شاى بين كل لوحه ولوحه .

وووووين انت كنت
خفنا عليك بعد عودة الآدمن واختفاء النفاج مؤقتا
اها الحمد لله الادمن بقى امين مال والنفاج بقى قراش تاني ما ظنيتك تختفى
ابو الريش زمااان كان في مسلسل كويتي كوميدي بطله ابو اسمه ابو الريش ومحور المسلسل الدجاج والبيض ومقالب الزوجتين وبالطبع ابو الريش حسب المسلسل يكون (الدياي-الدجاج) اما الدريش ده الدافننو في بطن المطامير يا ود المطامير
سماعين حسن قال :
انت شن تشبه بلا الداسنوا في بطن المطامير
انت ما بدوك لي زولا مسيكين
الا زولا نخله مشرور في البساتين
...
ده قبل ما يصل المرحاكة ويبقى دريش
والله يجازي الدكتورة !!!
تحياتي

[بدر الدين محمد]

مرة اخرى عشان ناس البحرين وعشان حسن سادة
الصورة
وانا منتظر البنزين .. العربية قاطعة في شارع النيل

[حسن سادة]

يا بدر الدين من شوقي ليك
بقيت أشيل صورتك
وأقراها طول الليل
ذي نجمة نائية دليل
ضوايا فوق النيل
شبه البريدو جميل
تحمل شعوري بعيد
لخدار شباب نورتك
والصورة بالألوان
تختال تقود بستان
من ريدة من تحنان
شايل الزهور ألحان
خلاني أبدي وأعيد
يا منتهى الأفراح
يا شافي كل جراح
زفة عبير فواح
مليان طرب صداح


شكراً أستاذنا بدر الدين على الصورة
ودعني أهديك تحية خالصة
أحلى من لؤلؤة بضة صيدت من شط البحرين

نافذة للخروج
ماسنجراتي البوديها تقول لا بتمشي لا حاجة
رسلت ليك مليون مسيج والمسجات مشت وما جات
وبقيت أنا والكي بورد سوى نساهر ونتناجى
والناس اللي كانوا سبب نسوني وصبحوا فراجة
مسكين البدأ يأمل أملو يغلبوا تحقيقه!!!!!!

مع الإعتذار لشعراء ومطربي الأغاني الواردة أعلاه

[Madanawi]

الشكر أجزله لك أستاذنا بدر الدين على شفافية المبدأ والاسترسال في الردود بكل صراحة

اليوم سوف يكون آخر يوم في الكرسي الساخن للأستاذ عذب الحديث ونبيل الخصال بدر الدين

غداّ بإذن الله نشهد ميلاد ضيف جديد .. فترقبوا معنا

[معتز الريح]

مترقبين يا أبو أحمد

[بدر الدين محمد]

يا بدر الدين من شوقي ليك
بقيت أشيل صورتك
وأقراها طول الليل
ذي نجمة نائية دليل
ضوايا فوق النيل
شبه البريدو جميل
تحمل شعوري بعيد
لخدار شباب نورتك
والصورة بالألوان
تختال تقود بستان
من ريدة من تحنان
شايل الزهور ألحان
خلاني أبدي وأعيد
يا منتهى الأفراح
يا شافي كل جراح
زفة عبير فواح
مليان طرب صداح


شكراً أستاذنا بدر الدين على الصورة
ودعني أهديك تحية خالصة
أحلى من لؤلؤة بضة صيدت من شط البحرين

نافذة للخروج
ماسنجراتي البوديها تقول لا بتمشي لا حاجة
رسلت ليك مليون مسيج والمسجات مشت وما جات
وبقيت أنا والكي بورد سوى نساهر ونتناجى
والناس اللي كانوا سبب نسوني وصبحوا فراجة
مسكين البدأ يأمل أملو يغلبوا تحقيقه!!!!!!

مع الإعتذار لشعراء ومطربي الأغاني الواردة أعلاه



الشكر أجزله لك أستاذنا بدر الدين على شفافية المبدأ والاسترسال في الردود بكل صراحة

اليوم سوف يكون آخر يوم في الكرسي الساخن للأستاذ عذب الحديث ونبيل الخصال بدر الدين

غداّ بإذن الله نشهد ميلاد ضيف جديد .. فترقبوا معنا



مترقبين يا أبو أحمد


آخر المودعين
الاخوان الاكارم جميعا بدون فرز
لكم كل التحية والشكر على التواصل والاهتمام
وأنا استف في شنطي وألملم في اوراقي لمفارقة الكرسي الساخن فقد كنت اسعد الناس بكم واعد الكل بالاستجابة لكل ما طرح في الكرسي الساخن
وافتقدت الكثيرين الذيمن لم يعرجوا علىّ بسبب سفر البعض وانشغال الاخرين ولكن سنلتقي
بالامس قد كنا سقاة القوم بالكأس المرير
وغدا يحملنا أبناؤنا كي نستقي
فالذي تخلى له مضيفة الحي سيدعى لرحيل
كلما لاح ضيف في الافق
وكلا القائم والقادم في دفترها ابن سبيل
اترككم في امان الله وسوف أعود ضيفا لدي القادم الجديد

[بورتبيل]

استـــــــاذي ونسيبي بدر الديـــــــــــن
اعــــــــود اليك كما وعدتك واخشــــــى ان يكون هناك احد قد تطرق لاستفهاماتي هذه
1- خلال تنقلكم داخل الوطن الجميل في غربه وشرقه وجنوب النيل الازرق ما هو المكان الذي تعتقد انك تنتمى اليه اكثر؟
2- في ممارستكم للفنون والرسم والتشكيل هل هناك لوحــــــــــــة او عمل يحكى عن قصــــة واقعية مفرحــــــــة حدثت بالفعل؟ لو كان نعم ما هي القصــــة ؟

وسوف اعود ان كان في الوقت بقيــــــــة

مع انك فطيت مشــــــــــاركتي هذه - وهذا عن غير قصد منك - انا اعلم ذلك يا استاذي
اعود ثانيــــــــــــة واضفها ليك هنـــــــــــا من جديد.
استـــــــاذي ونسيبي بدر الديـــــــــــن
اعــــــــود اليك كما وعدتك واخشــــــى ان يكون هناك احد قد تطرق لاستفهاماتي هذه
1- خلال تنقلكم داخل الوطن الجميل في غربه وشرقه وجنوب النيل الازرق ما هو المكان الذي تعتقد انك تنتمى اليه اكثر؟
2- في ممارستكم للفنون والرسم والتشكيل هل هناك لوحــــــــــــة او عمل يحكى عن قصــــة واقعية مفرحــــــــة حدثت بالفعل؟ لو كان نعم ما هي القصــــة ؟

وسوف اعود ان كان في الوقت بقيــــــــة

[صلاح ودالطاهر]

استاذي بدرالدين لك العتبي حتي ترضي واسف علي التاخير لكن استاذ بمعني الكلمه

[بدر الدين محمد]

استاذي بدرالدين لك العتبي حتي ترضي واسف علي التاخير لكن استاذ بمعني الكلمه


مع انك فطيت مشــــــــــاركتي هذه - وهذا عن غير قصد منك - انا اعلم ذلك يا استاذي
اعود ثانيــــــــــــة واضفها ليك هنـــــــــــا من جديد.

الآن الساعة العاشة ليلا تبقت لي ساعتان في اليوم الاخير قبل اطفاء شموع هذا اليوم وولادة يوم جديد فيه اترجل عن هذا الكرسي الحميم واكون في تلك الثواني مع الاحباب بورتبيل وودالطاهر
فان لم يكفي الوقت سوف اهمس في الرسائل الخاصة والبريد الخاص والبوستات التانية وفي هذه العجالة لا يحضرني الا حب يغمرني لكم جميعا وكان بودي ان اصافح الجميع فردا فردا ولكن
الزمن يسرقني
الدقائق تتسارع ومن نافذة القطار ارى بورتبيل وود الطاهر يلوحون وهي آخر الوجوه النيرة الوضيئة ..
لكم كل الود
ولكم كل الود ومع السلامة وفي رعاية الله
مدنية
مدناوي وانشالله دايما عامرين

[حسن سادة]

أحبتي جماهير بدر الدين الجاثمين على المدرجات وسط التشجيع المدوي
أبشروا خيراً فقد رفع الحكم الرابع راية الوقت الإضافي وهو عبارة عن ست
ساعات إضافية لحسم المباراة بضربات الجزاء الترجيحية
فهلا بقي بدرنا مضيئاً يغطي نورة نور الإضاءة الكاشفة للملعب
وفوووق فوووق بدرنا فووووق
والبدر حبيبي على وزن العجب حبيبي
ووينو هلالكم أنا هلالي هاداك ظهر