مليون دولار في يدك.....

[صديق بلال]

سؤال مطروح للجنسين...
إذا رزقكم الله تعالى فجأة بمبلغ مليون دولار...
فما هي الطريقة المثلى في إنفاق وإستثمار هذا المبلغ في نظركم؟

[ابوندى]

نصفه لرعاية مرضى السكرى بمدنى ونصفه الآخر لوالدى واولادى واهلى

[خالد النور]

بشترى بيهو بيت وبعمل مشروع يدر لى دخل وأنفق الباقى على المحتاجين

[مدنيّة]

والله ياصديق ياخوي كدي هو اللي يجي الاول وبعدين التقسيم ساااااااااااهل

[صديق بلال]

نصفه لرعاية مرضى السكرى بمدنى ونصفه الآخر لوالدى واولادى واهلى

أسأل الله تعالى أن يحقق لك هذه الأمنية... وشكرا على مرورك الطيب

[صديق بلال]

والله ياصديق ياخوي كدي هو اللي يجي الاول وبعدين التقسيم ساااااااااااهل

وما ذلك على الله بعزيز... وشكرا على المرور والتعقيب الجميل

[صديق بلال]

بشترى بيهو بيت وبعمل مشروع يدر لى دخل وأنفق الباقى على المحتاجين

أسأل الله لك ولنا ولكل من مر على هذا البوست أن يرزقنا الله من فضله وأن يبارك لنا في عمرنا وأن يحقق لنا جميعا كل ما نصبو إليه... إنه جواد كريم...

[ودكمبال]

الاخ/ صديق
لو ادونى مليون دولار بتبرع بيها لواحد مغترب صاحبى لكى يعود الى اهله نهائى وبعدين بكون منتظروا فى السودان وكلك نظر. حقنا وبرجع لينا
ود
ك
م
ب
ا
ل

[مختار بازى]

بعمل منها سكن للطلبة الوافدين من الولايات الآخري الي ولاية الجزيرة بالتحديد
وبالباقي بعيش بيهو

[ود الاغبش]

بقسمو نصين
نص لي الاخرة
و نص للدنيا
يعني ابني مسجد
ولا مستشفي
و اعيش بالباقي

[حافظ الليبى]

سؤال مطروح للجنسين...
إذا رزقكم الله تعالى فجأة بمبلغ مليون دولار...
فما هي الطريقة المثلى في إنفاق وإستثمار هذا المبلغ في نظركم؟
اخى الاستاذ ابو بلال............ سلام

يا حلم الصبا ،

وجذوة شبت في القلب الكسير
.
وفراشا هائما في رياض الشوق ، ونجما خافقا يلمع في أفق الكرى
وقمرا ضاحكا تعمد به حزن الغدير
يا هديلا يناغي أطياف السهى
..

وأمان عذاب تاهت بأحضان العمر القصير
خذيني بأفق عينيك ، خبئيني من لعنة الأقدار
ومن عيون البشر
خذيني نسمة صيف ، إلى ساقية لعوب ‘ تبث الوجد في ليالي السمر
خذيني لحن يمامة ، برحها الشوق ، وأعياها السفر
خذيني بلحظك ترنيمة عشق ، غنى لها الناي واهتز الوتر
خذيني إلى كروم الكرى ، فقد أعياني السهر
واجعلي من شفاهك خبزا ،

ومن عينيك حلما عابثا ومن أنفاسك عطر زهر
خذيني حيث سكون الليل يطوف بالكون
فلا عويل الريح ، ولا ..... نواح القدر
اخى ذى ما قالت الاستاذه مدنيه(( خليها تجى بس ))
وتقبل مرورى

[مرتضى يوسف العركي]

اخي العزيز صديق بلال
لو كان الامر كذلك فانني في وضع غير سوي من الحال والتفكير والمزاج
اولا ياخي الكريم ساستقطع من المبلغ اربعمائة الف دولار لعمل الخير خاصة لصالح الجراحات الدقيقة من ابناء الجزيرة فهو استثمار جيد لدى الله سبحانه وتعالي وما تقدموا من خير فلانفسكم وخمسون الف دولار واشتري كمية من البجامات والصابون واختار منتجع هادي اتخير فيه طعام جيد ونوم كثير ونظافة لمدة ستة اشهر على الاقل بعد ذلك تتفق معي على انني ساكون في وضع افضل للتفكير في ماذا افعل ببقية المبلغ بصورة جيدة بدون ما يغشني واحد في وضع انا فيه جائع ومتسخ وغير نظيف ولا رايكم شنو ؟

[صديق بلال]

الاخ/ صديق

لو ادونى مليون دولار بتبرع بيها لواحد مغترب صاحبى لكى يعود الى اهله نهائى وبعدين بكون منتظروا فى السودان وكلك نظر. حقنا وبرجع لينا
ود
ك
م
ب
ا
ل

الله... يا ود كمبال... على حبك ومعزتك لصاحبك الذي وددت أن تتبرع له حتى يعود للوطن من أجل إستقراره... الله يعطيك قد نيتك يا ود كمبال... وشكرا على المرور

[صديق بلال]

اخي العزيز صديق بلال
لو كان الامر كذلك فانني في وضع غير سوي من الحال والتفكير والمزاج
اولا ياخي الكريم ساستقطع من المبلغ اربعمائة الف دولار لعمل الخير خاصة لصالح الجراحات الدقيقة من ابناء الجزيرة فهو استثمار جيد لدى الله سبحانه وتعالي وما تقدموا من خير فلانفسكم وخمسون الف دولار واشتري كمية من البجامات والصابون واختار منتجع هادي اتخير فيه طعام جيد ونوم كثير ونظافة لمدة ستة اشهر على الاقل بعد ذلك تتفق معي على انني ساكون في وضع افضل للتفكير في ماذا افعل ببقية المبلغ بصورة جيدة بدون ما يغشني واحد في وضع انا فيه جائع ومتسخ وغير نظيف ولا رايكم شنو ؟

كلامك كان جميل جدا في البداية يا أخ الحلامابي... ولكن لماذا التشاؤم في النهاية... كن دائما متفائلا حتى يفتح الله عليك ويحقق لك مرادك... وأنا بدوري أسأل الله لك أن يوفقك وأن يحقق لك كل ما تصبو إليه.. وشكرا على المرور

[صديق بلال]

اخى الاستاذ ابو بلال............ سلام

يا حلم الصبا ،

وجذوة شبت في القلب الكسير
.
وفراشا هائما في رياض الشوق ، ونجما خافقا يلمع في أفق الكرى
وقمرا ضاحكا تعمد به حزن الغدير
يا هديلا يناغي أطياف السهى
..

وأمان عذاب تاهت بأحضان العمر القصير
خذيني بأفق عينيك ، خبئيني من لعنة الأقدار
ومن عيون البشر
خذيني نسمة صيف ، إلى ساقية لعوب ‘ تبث الوجد في ليالي السمر
خذيني لحن يمامة ، برحها الشوق ، وأعياها السفر
خذيني بلحظك ترنيمة عشق ، غنى لها الناي واهتز الوتر
خذيني إلى كروم الكرى ، فقد أعياني السهر
واجعلي من شفاهك خبزا ،

ومن عينيك حلما عابثا ومن أنفاسك عطر زهر
خذيني حيث سكون الليل يطوف بالكون
فلا عويل الريح ، ولا ..... نواح القدر
اخى ذى ما قالت الاستاذه مدنيه(( خليها تجى بس ))
وتقبل مرورى

يا سلام على الكلمات الجميلة والتي تبعث من معانيها أنغاما ترقص عليها أفئدة كل من تعمق وطاف بين أسطرها... وتشكر يا أخ حافظ الليبي... على المرور وعلى التعقيب الجميل

[صديق بلال]

بقسمو نصين
نص لي الاخرة
و نص للدنيا
يعني ابني مسجد
ولا مستشفي
و اعيش بالباقي

لك مني كل التحايا والأماني الطيبة... وشكرا على المرور الطيب... وعلى أمنياتك الأخروية والدنيوية... فقد كانت تلك التقسيمة عادلة... والله يحقق لك كل ما تصبو إليه...

[صديق بلال]

بعمل منها سكن للطلبة الوافدين من الولايات الآخري الي ولاية الجزيرة بالتحديد
وبالباقي بعيش بيهو

ما شاء الله يا أخ مختار البازي... على حبك لدعم الطلبة المغتربين فهذا بحد ذاته ثمين لأنه متناغم مع دعم التعليم في البلاد... ولك مني كل التحايا الطيبة العطرة المباركة... وشكرا على مرورك الطيب...

[معتز الريح]

لو ادونى مليون دولار بتبرع بيها لواحد مغترب صاحبى
يا ود كمبال .. تجيني في بوست حب الجامعة تبكي لي عشان تعرس
ولمان تجيك القروش تقول لي بتبرع بيها؟؟ ..
-------------------

الحبيب صديق ..
المبلغ كبير .. ويساوي اكتر من مليار ونص بالجنية (قديم) ..
أهم حاجه مراعاة الله في صرف المبلغ لكي يبارك فيه ..
واستكمال الضروريات ..

[صديق بلال]

يا ود كمبال .. تجيني في بوست حب الجامعة تبكي لي عشان تعرس
ولمان تجيك القروش تقول لي بتبرع بيها؟؟ ..
-------------------

الحبيب صديق ..
المبلغ كبير .. ويساوي اكتر من مليار ونص بالجنية (قديم) ..
أهم حاجه مراعاة الله في صرف المبلغ لكي يبارك فيه ..
واستكمال الضروريات ..


سبحان الله يا أخ معتز الريح... أنا في السابق ذكرت لك بأنك ما شاء الله مميز جدا في تعليقاتك والتي تتسم بالصراحة وفيها شئ من الطرافة...
حيث إنك إستطعت أن تصيد ود كمبال... وأن توقعه في الحرج... وعموما نحن منتظرين ود كمبال... للدفاع عن نفسه...أما من ناحية تعليقك عن المبلغ المذكور... نعم كل إنسان عاقل حكيم يجب أن يتماشى بما ذكرته من مراعاة الله في تصرفاته وأن يبتغي البركة من الله تعالى حتى تدوم نعمته... وشكرا على المرور الجميل وتعليقاتك الأجمل

[ودكمبال]

سبحان الله يا أخ معتز الريح... أنا في السابق ذكرت لك بأنك ما شاء الله مميز جدا في تعليقاتك والتي تتسم بالصراحة وفيها شئ من الطرافة...
حيث إنك إستطعت أن تصيد ود كمبال... وأن توقعه في الحرج... وعموما نحن منتظرين ود كمبال... للدفاع عن نفسه...أما من ناحية تعليقك عن المبلغ المذكور... نعم كل إنسان عاقل حكيم يجب أن يتماشى بما ذكرته من مراعاة الله في تصرفاته وأن يبتغي البركة من الله تعالى حتى تدوم نعمته... وشكرا على المرور الجميل وتعليقاتك الأجمل

العملاق ابدا /معتز
ياخى صديقى اخذته منا الغربة اللعينه وانا كلما امشى بيتهم امو من ما تشوفنى تبكى واقول ليك حاجة الفردة ده غربتو طالت وانا خايف تكون زى حرب البسوس وكم كنت بتمنى عودتو عشان اهلوا وامو الما صابره على فراقو والمرض شاكى من صبرها.ويا معتز نحن القروش ما واقفه فى طريق عرسنا لاننا من الناحيه دى متفاهمين بس بقولها للمرة المليون الله يكفينا شر الملاريا والمغتربين.والملاريا بتتعالج منها الا المغتربين اكان ضربوك شاكوش العلاج وين تلقى واعميهن الله مننا
وفى حاجات الانسان مابقدر يشترئها بالمال.وانت فاهمنى كويس.
ود
ك
م
ب
ا
ل

[صديق بلال]

العملاق ابدا /معتز
ياخى صديقى اخذته منا الغربة اللعينه وانا كلما امشى بيتهم امو من ما تشوفنى تبكى واقول ليك حاجة الفردة ده غربتو طالت وانا خايف تكون زى حرب البسوس وكم كنت بتمنى عودتو عشان اهلوا وامو الما صابره على فراقو والمرض شاكى من صبرها.ويا معتز نحن القروش ما واقفه فى طريق عرسنا لاننا من الناحيه دى متفاهمين بس بقولها للمرة المليون الله يكفينا شر الملاريا والمغتربين.والملاريا بتتعالج منها الا المغتربين اكان ضربوك شاكوش العلاج وين تلقى واعميهن الله مننا
وفى حاجات الانسان مابقدر يشترئها بالمال.وانت فاهمنى كويس.
ود
ك
م
ب
ا
ل


وينك يا أخ معتز الريح... الأخ ود كمبال... يرد على كلامك اللي أنت أحرجتو فيهو... وبرر موقفه... ونحن مستنين ردك يا أخ معتز الريح...

[معتز الريح]

الحبيب ودكمبال ..
ياخي شعورك نبيل وجميل وفيهو تضحية ..
لكن بيني وبينك صاحبك ده ما تدي المليون كلها ..
صاحبك ده لو تدي 100 ألف دولار
لو مغترب في القمر بجيك راجع ..
واستمتع بالباقي .. وكتر خيرك ..
-----------------------------
أها يا صديق الحبيب .. حل وسط ..

[صديق بلال]

الحبيب ودكمبال ..

ياخي شعورك نبيل وجميل وفيهو تضحية ..
لكن بيني وبينك صاحبك ده ما تدي المليون كلها ..
صاحبك ده لو تدي 100 ألف دولار
لو مغترب في القمر بجيك راجع ..
واستمتع بالباقي .. وكتر خيرك .. -----------------------------
أها يا صديق الحبيب .. حل وسط ..

عداك العيب يا إبن الريح.... إقتنعت يا ود كمبال؟

[الجمري]

والله بقسمن على نصفين النص الاول ببني مسجد و ( مدرسة أو مستشفى للأيتام والمساكين )
والنص الثاني نصفه ارفع بيهم أهلى المحتاجين
والنص الاخير ادخلو في مشروع استثماري

(( ربنا يحقق أماني الجميع إنشاء الله ))

[الجمري]

والله بقسمن على نصفين النص الاول ببني مسجد و ( مدرسة أو مستشفى للأيتام والمساكين )
والنص الثاني نصفه ارفع بيهم أهلى المحتاجين
والنص الاخير ادخلو في مشروع استثماري

(( ربنا يحقق أماني الجميع إنشاء الله ))

[ودكمبال]

عداك العيب يا إبن الريح.... إقتنعت يا ود كمبال؟

الغالى/ صديق بلال
الغنى بالقناعه وانا قلت بدفع المبلغ كامل لصاحبى عشان يرجع لوطنوا واهلو ولو كنت مكانى وعرفت كم جحم معاناة اهلوا لقلت لى معك حق وللمرة الاخيره فى حاجات ما بتشترى بالمال
وانتو ناس مغتربين وبتعرفوا تحسبوا الامور المادية كويس لانو ده سبب عذابكم وهمكم الاول والاخيرومتخصصين فى الشواكيش ونحن لينا الله ويعميكم مننا.
ود
ك
م
ب
ا
ل