لقاء الجمعة .. كوكبة من أعضاء المنتدى بدار جمعية مدني الخيرية

[عثمان جلالة]

صوت بدون صوره

الزمان : الجمعة 03/08/2007 / عقب صلاة المغرب
المكان : دار جمعية أبناء مدني الخيرية العامرة .. الرياض ... حي غبيرا .. الشارع العام

الحضور البهي ...... على سبيل الذكر لا الحصر

عمر سعيد النور / مرتضى الحلامابي / ود الطاهر / عماد محمد / باسطه / سنجر / ود أم تريبات / سوباوي / شيخ العرب / عباس مدني / ود دعوب / ود البشير ..... والبقية تأتي

تلاقى الجميع بحب .. مدني .. الجزيرة السودان ...

كان الحب ألقاً ... والألق ... ضحكة ... والضحة ... سعادة .. غمرت الجميع

وكان الهم .... هناك ... وإنسان هناك ... واطروحات للخير ... الكثير .. القادم .. مع كل صباح جديد .......

أناس عرفناهم رائعين من خلال أقلامهم .. وإزدادوا ... روعة ... بحضورهم هذا اللقاء

وانفض السامر .. على العهد دوما ... بالعطاء ... والتجديد .. والتقدم

وكان العهد ..... بالقاء ... في دارنا ... دار جمعية مدني الخيرية

وقفات من اللقاء

* تم تخصيص مكتب خاص باسم منتديات ود مدني داخل مباني الجمعية
* ود دعوب سيواصل حربه الضروس مع رضا رغم سفره
* لقيمات ود الطاهر .. طلعت شمار في مرقه
* باسطه .... ظهرت شخصيتو الحقيقية .. بعد ما كان متخفي
* سوباوي ... حضر رغم وقته المليان .. الله يديه العافية
* الحلامابي .. أحلام .. ومجهود جبار ... ومشاريع ... نتمنى أن ترى النور
* عمر سعيد النور ... ريسنا ... يا بيتنا ومدارسنا
* عماد محمد .... هاديء جدا ... على عكس ردوده في المنتدى
* سنجر .. مليون مبروك .. ابنتكم .. رفعت اسم الجزيرة عاليا
* شيخ العرب ... لك كل الحب .. روح شبابية عالية .. سيروا وعين الله ترعاكم
* مالية الجمعية ... وفقكم الله وسدد خطاكم
* عباس مدني .. إعلامي .. ومتحدث .. وهموم ..مدني والجزيرة
* ود البشير ... جاء متأخرا ... ولكن ... بحضور كبير
* أستاذنا ود الطاهر ... قام بتصوير اللقاء
* ود أم تريبات .... سكت دهرا ... ونطق كفرا ... تكلم .. فأوفى

* جلالة ... مراسلكم من غبيرا الشارع العام ..... قناة منتديات ودمدنى .....وإلى لقاء في رسالة أخرى

هذا وسيوافيكم زميلي ود الطاهر ... في نقل الحدث بالصورة والصوت فترقبوه

[مختار بازى]

ان شاء الله دايما عامرين ولكم وددت لو كنت بينكم ولكن
(النية واصلة)

[باسطه]

[QUOTE=جلالة;214287]* لقيمات ود الطاهر .. طلعت شمار في مرقه


يديك العافية يامراسلنا وخلي بالك من هسي شكلك كده حتمسك المكتب الإعلامي شماراتك بالنص ماتقول لي لكن
وبمناسبة لقيمات ود الطاهر دي أنا أمبارح نسيت أسألو الواحد أمس غداء ماإتغدينا قافلين على اللقيمات عمل لينا رايح هههههههههههه :D :D :D
* باسطه .... ظهرت شخصيتو الحقيقية .. بعد ما كان متخفي

بعدين ياجلالة أنا من أمبارح ملاوز من صور ود الطاهر دي عشان ماتكشف شخصيتنا الحقيقية عايزين نكتب في أجواء بها القليل من الغموض لكن ود الطاهر ماريحنا وماتقول لي بس ناوي ينشر اللقاء صوت وصورة هههههههه:D :D :D

[عثمان جلالة]

ان شاء الله دايما عامرين ولكم وددت لو كنت بينكم ولكن
(النية واصلة)

والله يا البازي ... اتذكرناك كأنك معانا ... وكل الشباب ... لكن في الجايات انشاء الله

همسه

ما تخاف ... نحن معاك:p

[عثمان جلالة]

:D بااااااااااااااااسطه
والله عملها فينا ود الطاهر ... لا لقيمات ... ولا كلمك كان جبت الباسطه يا باسطه ورجعنا طبعا متأخرين .. ونومونا من غير عشا هع هع هع :D



لكن .. بعد الصور دي يا باسطه ... ما عندك أي طريقه ... خليك على المكشوف .. وود الطاهر أظنو لا بد بالصور فوق راي ... الله يكضب الشينة

[هشام السماني إبراهيم]

مشاء الله وان شاء الله دايما ملمومين ومبسوطين

[عثمان جلالة]

مشاء الله وان شاء الله دايما ملمومين ومبسوطين


هشام جهز لقيماتك ... المره الجايه معاك ... منها نتلما .. ومنها نشوفك ... ونشوف بلد الرسول (ص) .... لكن لقيمات العزابه .. ما بتكون .. عجيبه:p

[هشام السماني إبراهيم]

باسطه .... ظهرت شخصيتو الحقيقية .. بعد ما كان متخفي


دا الكلام ياباسطة سمعتا صوتك وباقي الصور
الله يستر

ود دعوب سيواصل حربه الضروس مع رضا رغم سفره

الزول دا حكايتو شنو مع رضا
مصطفى انا لسة مستني رقم التلفون

[هشام السماني إبراهيم]

هو ياجلالة العرف يسوي الاكل الطاااااااااااعم غير العزابة منو

خليك مع ناس الملح عشان الضغط
والشطه تك عشان القرحة وبتتعب المعدة


انشاء الله نتقابل في ساعة خير

[ابوالنور]

جانا الخبر شايلو النسيم واليل يوشوش في الخمايل هش الزهر بكت الورود
انشاءالله دوام يا ربي
قلتي لي يا جلاله في كسرا ولا افتح الله

[عثمان جلالة]

هو ياجلالة العرف يسوي الاكل الطاااااااااااعم غير العزابة منو

خليك مع ناس الملح عشان الضغط
والشطه تك عشان القرحة وبتتعب المعدة


انشاء الله نتقابل في ساعة خير

إنشاء الله قريبا يا هشو بعدين كلنا شباب وما عندنا أي أعراض شيخوخه .. بس اعمل حساب لي أعمامك ... دعوب .. وودالطاهر:p

[عثمان جلالة]

جانا الخبر شايلو النسيم واليل يوشوش في الخمايل هش الزهر بكت الورود
انشاءالله دوام يا ربي
قلتي لي يا جلاله في كسرا ولا افتح الله

كلو شي يا ود العم .. فضلت خيرك ... كان داير لبن الطير ... نجيبو ليك .. انت هين ولا هين ;)

[مختار بازى]

والله يا البازي ... اتذكرناك كأنك معانا ... وكل الشباب ... لكن في الجايات انشاء الله

همسه

ما تخاف ... نحن معاك:p

يطراكم الله بالخير ان شاء الله وبالجد انا معاكم

الخوف من انو الانتظار يطول ويطول

[مصطفي دعوب]

فعلاً اخي جلالة اللقاء كان رائعاً والتقينا بشخصيات عظيمة في قامة استاذنا شيخ العرب متعة الله بالصحة والعافية وكذلك باقي العقد الفريد استاذنا عمر سعيد النور ومرتضي الحلامابي وود الطاهر ( يقال انه درس مرتضي الحلامابي ) واخونا عماد بالانجليزي وسنجر وسوباوي وعباس مدني وود البشير وود ام تريبات وباسطة وقصي سيد احمد وحاتم مرزوقي واخونا عثمان جلالة والراجل طلع معرفة اشتغلنا مع بعض في البنك الاهلي التجاري ولو لا هذا الاجتماع ماتعارفنا وكذلك الاخ سوباوي درسنا مع بعض في الاهلية .
وهذا اللقاء اتاح لنا فرصة للتلاقي والتعارف وكم كنا نتمني ان تكون هنالك شخصيات بيننا لكن بعد المسافة حال دون ذلك ولكنهم معنا وبين قلوبنا ( الاخ ابو علا ، الاخ رضا حسن عدوي اللدود ، doom99 هشام ، مختار بازي ، معتز الريح وعبدالمنعم عدوي الجديد ، ,المكاشفي وبقية الاخوان الاعزاء ) .
لهم التحية ولمدني التحية

[مصطفي دعوب]

الزول دا حكايتو شنو مع رضا
مصطفى انا لسة مستني رقم التلفون [/COLOR][/I][/B][/QUOTE]

حكايتي مع رضا ذي حكاية الكديس والفار هل يمكن يتفقو ؟
يعني هل يمكن ان تجد الكديس بتونس مع الفار وكابين الشمارات ؟
هل يمكن ان تجد الفار بسرح للكديس في شعرو .
هل يمكن ان تجد الكديس والفار بلعبو كتشينة راس ؟
هل يمكن ان تجد ود دعوب بكتب غزل في رضا ؟


التلفون بجيب لوك الصبر

[مصطفي دعوب]

إنشاء الله قريبا يا هشو بعدين كلنا شباب وما عندنا أي أعراض شيخوخه .. بس اعمل حساب لي أعمامك ... دعوب .. وودالطاهر:p


والله كلو بظهر يا جلالة الكبير بظهر والداسي صورتو بظهر
والشين بظهر والوجيه بظهر
بس يا عمر انتظر شمارات ود الطاهر والصور
طبعاً ود الطاهر جاي للشمارات وقعد يصور ليك في الجماعة شي بالجمبة وشئ بي قدام وشي من فوق . قعد يفنن فينا وقال ده كلو بيلاقيكم في حلفا .

[مصطفي دعوب]

يطراكم الله بالخير ان شاء الله وبالجد انا معاكم

الخوف من انو الانتظار يطول ويطول

دائماً انت بين قلوبنا اخونا بازي وانشاء مايطول الانتظار
ونريد ان نكحل اعيننا بشوفتك
كفاية انو القلب شافك قبل العينين

[ابوزيد محمد نور]

التحية للجميع
دوماً الى الامام وعقبال مكتب فى ام المدائن للجمعية والمنتدى معا فى مكان واحد

ولك التحية اخى جلاله

[مرتضى يوسف العركي]

الرائعون دوما (جلالة ،ود دعوب ، ود الطاهر .،باسطه . سوباوي، عماد محمد .
مجدي سنجر .. ود البشير ... ود أم تريبات .،... ابو النور ، مختار بازي ، Doom99)
الامل فيكم كبير والله
نسأل الله لنا ولكم التوفيق سيروا بهذا العمل الخيري الى الامام

[معتز الريح]

وهذا اللقاء اتاح لنا فرصة للتلاقي والتعارف وكم كنا نتمني ان تكون هنالك شخصيات بيننا لكن بعد المسافة حال دون ذلك ولكنهم معنا وبين قلوبنا ( الاخ ابو علا ، الاخ رضا حسن عدوي اللدود ، doom99 هشام ، مختار بازي ، معتز الريح وعبدالمنعم عدوي الجديد ، ,المكاشفي وبقية الاخوان الاعزاء ) .


وكم تمنينا أن نكون مع هذا الجمع الكريم .. لنراهم عياناً بياناً ..
ونمتع نظرنا ببهجة اللقاء ونبل الأهداف ..
وطالما النية موجوده فأكيد حنلتقي ..

[عثمان جلالة]

فعلاً اخي جلالة اللقاء كان رائعاً والتقينا بشخصيات عظيمة في قامة استاذنا شيخ العرب متعة الله بالصحة والعافية وكذلك باقي العقد الفريد استاذنا عمر سعيد النور ومرتضي الحلامابي وود الطاهر ( يقال انه درس مرتضي الحلامابي ) واخونا عماد بالانجليزي وسنجر وسوباوي وعباس مدني وود البشير وود ام تريبات وباسطة وقصي سيد احمد وحاتم مرزوقي واخونا عثمان جلالة والراجل طلع معرفة اشتغلنا مع بعض في البنك الاهلي التجاري ولو لا هذا الاجتماع ماتعارفنا وكذلك الاخ سوباوي درسنا مع بعض في الاهلية .
وهذا اللقاء اتاح لنا فرصة للتلاقي والتعارف وكم كنا نتمني ان تكون هنالك شخصيات بيننا لكن بعد المسافة حال دون ذلك ولكنهم معنا وبين قلوبنا ( الاخ ابو علا ، الاخ رضا حسن عدوي اللدود ، doom99 هشام ، مختار بازي ، معتز الريح وعبدالمنعم عدوي الجديد ، ,المكاشفي وبقية الاخوان الاعزاء ) .
لهم التحية ولمدني التحية

الرائع ... الحبيب .. دعوب .. والله صورتك المصغره 10 مرات في الفوتوشوب زي ما قال رضا ... خلتنا أصلو ما نعرفك .. كلام رضا وود الطاهر صاح ... طبعا انت الوحيد الما عندك علاقه مباشرة بى مدني ... يا ريت لوتحكي لينا كيف دخلت المنتدى ... (وجني وجن أبو عيون منططات)
وجني وجن .. البقابض في المنتديات) ... لك الود :p

[عمر سعيد]

الرائع جلاله

أولاً جزاءك الله عنا خيراً وأنتم تنقلون لنـا ـ هذا النقل الحي ـ أحداث ( لقاء الجمعة ) ... والذي جعلني أكثر قناعة ... وأطمنئت نفسي لمسألة تسليم الرأية ... وأنا أرى أمامي ماشاء الله شباباً أفذاذاً .. بدءأً بالشاب الأستاذ ود الطاهر ، ومروراً بود الفريق ( مجدي سنجر ) ، حاتم فتحي ، قصي سيد أحمد ، سوباوي ، ود أم تريبات ، جلاله ، عماد محمد ، ود دعوب ، ود البشير ، باسطة ( إبن الأخ الصديق وود الفريق / التاج محمد الحسن الجناح الطائر للأهلي في الثمانينات ) .

وهي مناسبة تجعلني اؤكد ما التزمنا به في إجتماع الجمعة ... ونوجه من خلالها سعادة الأمين العام للجمعية الأستاذ مدني عباس يسن بالشروع الفوري في تجهيز وإعداد ( مكتب المنتديات ) بالجمعيــة ليكون جاهزاً قبل الاجتماع المشترك القادم .

وسيروا وعين الله ترعاكم مع الشكر

[عثمان جلالة]

التحية للجميع
دوماً الى الامام وعقبال مكتب فى ام المدائن للجمعية والمنتدى معا فى مكان واحد

ولك التحية اخى جلاله

المتفرد أبو يزيد .. نحن على دربكم سائرون وطبعا انتو برضو بتتحفونا ... بالقاءات والنشاطات العديدة .. وعقبال ما نقابلكم هناك اعضاء منتدى الداخل زي ما بقولو ناس السياسة :D

[عثمان جلالة]

الرائعون دوما (جلالة ،ود دعوب ، ود الطاهر .،باسطه . سوباوي، عماد محمد .
مجدي سنجر .. ود البشير ... ود أم تريبات .،... ابو النور ، مختار بازي ، Doom99)
الامل فيكم كبير والله
نسأل الله لنا ولكم التوفيق سيروا بهذا العمل الخيري الى الامام

أستاذنا الحلامابي ... لكم التحية وانتم شمعة تحترق لتضيء الدرب .. تحملون هموم إنسان حاضرة الجزيرة وإنسان الجزيرة .. رغم الصعوبات ومن وقتكم الخاص ... ومزيدا من الأمل .. ومزيدا من الإنجاز

[عثمان جلالة]

الرائع جلاله

أولاً جزاءك الله عنا خيراً وأنتم تنقلون لنـا ـ هذا النقل الحي ـ أحداث ( لقاء الجمعة ) ... والذي جعلني أكثر قناعة ... وأطمنئت نفسي لمسألة تسليم الرأية ... وأنا أرى أمامي ماشاء الله شباباً أفذاذاً .. بدءأً بالشاب الأستاذ ود الطاهر ، ومروراً بود الفريق ( مجدي سنجر ) ، حاتم فتحي ، قصي سيد أحمد ، سوباوي ، ود أم تريبات ، جلاله ، عماد محمد ، ود دعوب ، ود البشير ، باسطة ( إبن الأخ الصديق وود الفريق / التاج محمد الحسن الجناح الطائر للأهلي في الثمانينات ) .

وهي مناسبة تجعلني اؤكد ما التزمنا به في إجتماع الجمعة ... ونوجه من خلالها سعادة الأمين العام للجمعية الأستاذ مدني عباس يسن بالشروع الفوري في تجهيز وإعداد ( مكتب المنتديات ) بالجمعيــة ليكون جاهزاً قبل الاجتماع المشترك القادم .

وسيروا وعين الله ترعاكم مع الشكر

ريسنا .. لك التحية .. والود كله .. ونحنا ما انقطع عشمنا فيك ... عشان تسلم الراية ..
هنالك الكثير .. الكثير .. الذي يحتاج لجهدكم ... وخبرتكم الطويلة ... وعلاقاتكم المتميزة للنهوض بالمنطقة ... وبكم تمضي المسيرة

[مصطفي دعوب]

التحية لك اخي جلالة ولكل الأخوان في دار مدني وكل الأخوان في المنتدي وكل الأهل بمدني .
حقيقة أنا كنت الوحيد الذي لا انتمي لمدني في اجتماع الجمعة . ولكن بدفء الإخوة الذي لمسته منكم حسيت كأنني شيخ مدني وحسيت كأنني انتمي لمدني منذ وقت طويل . وكل ذلك بكرم وطيبة وبشاشة الأخوان .
وأنا بالصدفة وجدت منتدي مدني قبل فترة طويلة وكنت ادخل في المنتدي لاتصفح فيه بدون ان أسجل كعضو . حتي جآتني دعوة كريمة من عزيز لدي أن أسجل في المنتدي وفعلاً سجلت بدون اي تردد ومنذ اليوم الأول شاركت في المنتدي وماهي لحظات حتي وجدت رسالة خاصة من الأخ العزيز admen يرحب بي وكان ذلك دافعاً قوياً للمواصلة في المنتدي واستمرت المشاركات واستمرت رسائل الترحيب من الأخوان بدون أن يعرفوني فقط لانني جديد في المنتدي .
وفي فترة وجيزة وجدت إنني كونت أصدقاء بصورة كبيرة جداً وامتدت خارج المنتدي ووجدت أن هنالك رجال تفخر بمعرفتهم معدنهم أصيل قلوبهم صافية يمدون أيديهم بيضاء للجميع . هؤلاء هم شباب مدني وهؤلاء هم أصدقاء مدني .
وأنا لم ازور مدني في حياتي لكنها بين جوانحي اكن لها كل الاحترام وأريد أن أكحل عيني برؤيتها ورؤية أهلها وخاصة أعضاء المنتدي .
وتمت دعوتي الي اجتماع الجمعة من العزيز ود الطاهر ولم أتردد في تلبية الدعوة كنت منتظر هذه الفرصة وأتتني علي طبق من ذهب وأكرمني ربي برؤية كوكبة من النجوم .

في يوم الجمعة اتلاقينا
وفي دار مدني اتلمينا
وبي لقيمات ود الطاهر ما اتعشينا
وفي وجاهة جلالة اتغشينا
وبي شوفة الحلامابي لي شوقنا بلينا
شيخ العرب بقربو انجمينا
عمر سعيد النور الله يخليهو لينا
ومن جضوم عماد مرقتنا كرعينا
قصي بالهندسة للخطط رسم لينا
ومن تأخير ود البشير اشتكينا
وبي نجاح بت مجدي سنجر اهتمينا
وحاتم مرزوقي بالقانون افتي لينا
ومن وجاهة باسطة الله لينا
ود امتريبات لي تأبين شاعرهم نوينا
ووجود سوباوي معانا بكفينا
عباس مدني في نشاطو وكرمو ارتمينا

أذن العشاء مشينا للجامع صلينا
رجعنا للدار من جديد اتلمينا
والعصير للضيوف المتاخرين سقينا
بدأنا الكلام قلنا العلينا
الحلامابي لي مقابلة الوالي شرح لينا
ودالطاهر بالصور والفلاش طشش عينينا
من سماحة القعدة الساعة عشرة جات مامشينا
لقيمات ود الطاهر ريحة ساي ماشمينا
عباس مدني بالضيافة يقوم ويقع لينا
جلالة قدانا قد قاعد ينظر لينا
في نهاية الاجتماع اتعاهدنا نعمل العلينا

بعد الاجتماع قعدنا شلة للشمار حتينا
Doom99 لي شمارو فتينا
وهو بي هناك في حبالو وفي الحر شارينا
ودعنا شيخ العرب المن فيضو روينا
باقي العمالقة ودعناهم لحدي الباب بي كرعينا
ياشباب يوم الجمعة الجاية في دار مدني تلاقينا
وياناس المنتدي بي قلوبكم ادعوا لينا
الله يوفقنا وندي مدني من دينها العلينا

[مجدى سنجر]

ما أروع يا مصطفى دعوب ويا فرحت اهل مدنى بانتمائك.
لقد اوجزت اللقاء شعرا حلوا بالسهل الممتنع.

[باسطه]

:D بااااااااااااااااسطه
والله عملها فينا ود الطاهر ... لا لقيمات ... ولا كلمك كان جبت الباسطه يا باسطه ورجعنا طبعا متأخرين .. ونومونا من غير عشا هع هع هع :D



لكن .. بعد الصور دي يا باسطه ... ما عندك أي طريقه ... خليك على المكشوف .. وود الطاهر أظنو لا بد بالصور فوق راي ... الله يكضب الشينة

عليك الله ياجلالة بعد الوجوه النيرة واللقاء العظيم ده في نفس لي عشاء تاني والله بوجودكم معانا ولمت الشباب الحلوه دي قهمتنا من العشاء لكن كان مصرين على الباسطة أنا عازمك باسطة بعد إجتماع الجمعة الجاية لو ربنا أحيانا إنشاء الله , وبعدين ود الطاهر من بعد الإجتماع داك غتس تاني وماشفنا قدر مافتشته ليهو في البوست ده مالقيتو

[باسطه]

في يوم الجمعة اتلاقينا
وفي دار مدني اتلمينا
وبي لقيمات ود الطاهر ما اتعشينا
وفي وجاهة جلالة اتغشينا
وبي شوفة الحلامابي لي شوقنا بلينا
شيخ العرب بقربو انجمينا
عمر سعيد النور الله يخليهو لينا
ومن جضوم عماد مرقتنا كرعينا
قصي بالهندسة للخطط رسم لينا
ومن تأخير ود البشير اشتكينا
وبي نجاح بت مجدي سنجر اهتمينا
وحاتم مرزوقي بالقانون افتي لينا
ومن وجاهة باسطة الله لينا
ود امتريبات لي تأبين شاعرهم نوينا
ووجود سوباوي معانا بكفينا
عباس مدني في نشاطو وكرمو ارتمينا

أذن العشاء مشينا للجامع صلينا
رجعنا للدار من جديد اتلمينا
والعصير للضيوف المتاخرين سقينا
بدأنا الكلام قلنا العلينا
الحلامابي لي مقابلة الوالي شرح لينا
ودالطاهر بالصور والفلاش طشش عينينا
من سماحة القعدة الساعة عشرة جات مامشينا
لقيمات ود الطاهر ريحة ساي ماشمينا
عباس مدني بالضيافة يقوم ويقع لينا
جلالة قدانا قد قاعد ينظر لينا
في نهاية الاجتماع اتعاهدنا نعمل العلينا

بعد الاجتماع قعدنا شلة للشمار حتينا
Doom99 لي شمارو فتينا
وهو بي هناك في حبالو وفي الحر شارينا
ودعنا شيخ العرب المن فيضو روينا
باقي العمالقة ودعناهم لحدي الباب بي كرعينا
ياشباب يوم الجمعة الجاية في دار مدني تلاقينا
وياناس المنتدي بي قلوبكم ادعوا لينا
الله يوفقنا وندي مدني من دينها العلينا

تسلم يامصطفى دعوب على الكلمات الرائعة دي وزي ماقالو الشباب البشوف كتاباتك في المنتدى مايشوف شخصيتك الرزينة والهادئة ولا ده زي مابقولو الهدوء الذي يسبق العاصفة
:D :D :D :D

[عثمان جلالة]

وكم تمنينا أن نكون مع هذا الجمع الكريم .. لنراهم عياناً بياناً ..
ونمتع نظرنا ببهجة اللقاء ونبل الأهداف ..
وطالما النية موجوده فأكيد حنلتقي ..

الرائع الحبيب معتز ... أنا إتأخرت أرد عليك لأنو عندي إقتراح ... نعمل لقاء عام يعني ناس جده والرياض .. وكل المناطق الأخرى ... ودايرنك تمسك التنسيق رايك شنو؟؟؟؟

[عثمان جلالة]

التحية لك اخي جلالة ولكل الأخوان في دار مدني وكل الأخوان في المنتدي وكل الأهل بمدني .
حقيقة أنا كنت الوحيد الذي لا انتمي لمدني في اجتماع الجمعة . ولكن بدفء الإخوة الذي لمسته منكم حسيت كأنني شيخ مدني وحسيت كأنني انتمي لمدني منذ وقت طويل . وكل ذلك بكرم وطيبة وبشاشة الأخوان .
وأنا بالصدفة وجدت منتدي مدني قبل فترة طويلة وكنت ادخل في المنتدي لاتصفح فيه بدون ان أسجل كعضو . حتي جآتني دعوة كريمة من عزيز لدي أن أسجل في المنتدي وفعلاً سجلت بدون اي تردد ومنذ اليوم الأول شاركت في المنتدي وماهي لحظات حتي وجدت رسالة خاصة من الأخ العزيز admen يرحب بي وكان ذلك دافعاً قوياً للمواصلة في المنتدي واستمرت المشاركات واستمرت رسائل الترحيب من الأخوان بدون أن يعرفوني فقط لانني جديد في المنتدي .
وفي فترة وجيزة وجدت إنني كونت أصدقاء بصورة كبيرة جداً وامتدت خارج المنتدي ووجدت أن هنالك رجال تفخر بمعرفتهم معدنهم أصيل قلوبهم صافية يمدون أيديهم بيضاء للجميع . هؤلاء هم شباب مدني وهؤلاء هم أصدقاء مدني .
وأنا لم ازور مدني في حياتي لكنها بين جوانحي اكن لها كل الاحترام وأريد أن أكحل عيني برؤيتها ورؤية أهلها وخاصة أعضاء المنتدي .
وتمت دعوتي الي اجتماع الجمعة من العزيز ود الطاهر ولم أتردد في تلبية الدعوة كنت منتظر هذه الفرصة وأتتني علي طبق من ذهب وأكرمني ربي برؤية كوكبة من النجوم .

في يوم الجمعة اتلاقينا
وفي دار مدني اتلمينا
وبي لقيمات ود الطاهر ما اتعشينا
وفي وجاهة جلالة اتغشينا
وبي شوفة الحلامابي لي شوقنا بلينا
شيخ العرب بقربو انجمينا
عمر سعيد النور الله يخليهو لينا
ومن جضوم عماد مرقتنا كرعينا
قصي بالهندسة للخطط رسم لينا
ومن تأخير ود البشير اشتكينا
وبي نجاح بت مجدي سنجر اهتمينا
وحاتم مرزوقي بالقانون افتي لينا
ومن وجاهة باسطة الله لينا
ود امتريبات لي تأبين شاعرهم نوينا
ووجود سوباوي معانا بكفينا
عباس مدني في نشاطو وكرمو ارتمينا

أذن العشاء مشينا للجامع صلينا
رجعنا للدار من جديد اتلمينا
والعصير للضيوف المتاخرين سقينا
بدأنا الكلام قلنا العلينا
الحلامابي لي مقابلة الوالي شرح لينا
ودالطاهر بالصور والفلاش طشش عينينا
من سماحة القعدة الساعة عشرة جات مامشينا
لقيمات ود الطاهر ريحة ساي ماشمينا
عباس مدني بالضيافة يقوم ويقع لينا
جلالة قدانا قد قاعد ينظر لينا
في نهاية الاجتماع اتعاهدنا نعمل العلينا

بعد الاجتماع قعدنا شلة للشمار حتينا
Doom99 لي شمارو فتينا
وهو بي هناك في حبالو وفي الحر شارينا
ودعنا شيخ العرب المن فيضو روينا
باقي العمالقة ودعناهم لحدي الباب بي كرعينا
ياشباب يوم الجمعة الجاية في دار مدني تلاقينا
وياناس المنتدي بي قلوبكم ادعوا لينا
الله يوفقنا وندي مدني من دينها العلينا

دعوبنا المبدع .... بى شوفتك اتهنينا
وزعل اللقيمات .... أبشر بالخير ... تعويضو علينا
جاي بالجلابيه والطاقيه ... وداسي صلعتك علينا
وحاة مدني والجزيره ... بى جضومك ديل ... نشيلك في عينينا
لأنك أصيل ... وشاعر .... ومبدع ... وكيه للمابينا:p :p :p

[عثمان جلالة]

عليك الله ياجلالة بعد الوجوه النيرة واللقاء العظيم ده في نفس لي عشاء تاني والله بوجودكم معانا ولمت الشباب الحلوه دي قهمتنا من العشاء لكن كان مصرين على الباسطة أنا عازمك باسطة بعد إجتماع الجمعة الجاية لو ربنا أحيانا إنشاء الله , وبعدين ود الطاهر من بعد الإجتماع داك غتس تاني وماشفنا قدر مافتشته ليهو في البوست ده مالقيتو

قلت ليك يا باسطه ... غتست ود الطاهر دي أنا ما مطمن ليها ... وحتى ود البشير ... برضو مختفي كان بنسألوا ... الله يكضب الشينه

[معتز الريح]

أنا إتأخرت أرد عليك لأنو عندي إقتراح ... نعمل لقاء عام يعني ناس جده والرياض .. وكل المناطق الأخرى ... ودايرنك تمسك التنسيق رايك شنو؟؟؟؟

الحبيب عثمان (جلالة)
اقتراحك جميل جداً .. وسنسعى في تنفيذه ولكن بعد عودة ناس الإجازات .. وأكيد اللقاء حيكون في جده .. عشان تجو تعمروا وبعد داك نشوف البرنامج ..

كدي خلينا نضع التصور العام .. ونتناقش فيهو ..

[عثمان جلالة]

ما أروع يا مصطفى دعوب ويا فرحت اهل مدنى بانتمائك.
لقد اوجزت اللقاء شعرا حلوا بالسهل الممتنع.

الرائع مجدي سنجر ... مبروك للمره المليون للتفوق الكبير الذي أحرزته إبنتكم .. ورفعت بيهو راسنا فوق ...فوق .. ومزيدا من الإبداع والتفوق

[علي عبد الرحمن]

التحية لودمدني هذا الحضن الدفئ ولكل أبناءها في كل المهاجر وأخص بالتحية الأساتذة عمر سعيد النور ومدني عباس وحاتم مرزوق والمهندس قصي سيد أحمد وشيخ العرب لأنهم الأكثر غيرة وهماً بودمني والتحية لكم أنتم إخوتي في المنتدي ونطمع في أن نرى هذا المنتدى من أهم روافد العطاء في هذه المدينة الحبيبة لها وبها تحلو الحياة ...
التحية لكل ذرة من ترابها ...
محبتي ودمتم في لقاء وحبور ... أما ود الطاهر فلا تعشموا في شئ منه لأنني أعرفه جيداً
تقديري لكم جميعاً

[عثمان جلالة]

التحية لودمدني هذا الحضن الدفئ ولكل أبناءها في كل المهاجر وأخص بالتحية الأساتذة عمر سعيد النور ومدني عباس وحاتم مرزوق والمهندس قصي سيد أحمد وشيخ العرب لأنهم الأكثر غيرة وهماً بودمني والتحية لكم أنتم إخوتي في المنتدي ونطمع في أن نرى هذا المنتدى من أهم روافد العطاء في هذه المدينة الحبيبة لها وبها تحلو الحياة ...
التحية لكل ذرة من ترابها ...
محبتي ودمتم في لقاء وحبور ... أما ود الطاهر فلا تعشموا في شئ منه لأنني أعرفه جيداً
تقديري لكم جميعاً

الأستاذ علي عبد الرحمن شكرا لكم ... وانتم تحملون مدني وانسان مدني والجزيرة في عيونكم ... والبركة فيكم ان شاء الله .. والبركه الوريتنا ود الطاهر .... خليك قريب .. ما دام عارفو كويس .. بنحتاج ليك وبالمناسبة عندنا يوم الجمعة الجاية لقاء في دار الجمعية ... نتشرف بحضوركم

[سوباوي]

الجميل .. جلالة ..

لك من التحيات أنضرها ولك الصباحات البهية وللمتداخلين

أضعافها .. ستظل اللقاءات الحميمة كأجمل إيقاع للحن الانتماء .. وأبلغ

الحضور حين تعبقه أنفاس محبي تلك المدينة ومريديها ونحن دراويش في

حضرتها نلتحف جبة إخاء خضراء مرقوعة بألوان معزات لا يعلم مداها إلا

الحي .. إيقاع نوبة يؤلف قلوب من يغشاها ويحلق "طار" مسافة تتصافح الأيدي

.. هناك بدار جمعية أبناء مدني الخيرية أبواب مشرعة للخير لا يعلم سرها إلا

من يلج عوالمها .. يدرجون الخير بأحزمة بيضاء تعكس لون نواياهم .. بهم

تطمئن بلد يا جلالة .. وتعلن أفراحها في فضاءآتهم ويرقص نيل .. وهكذا

يعلنون حفاوتهم بالجميع حين يقولون كما قالوا من قبل كل أعضاء المنتدى

ومرتاديه هم أعضاء أصيلين بجمعية ود مدني الخيرية .. هكذا شروط

استقطابهم للآخر خاطر مفتوح وانتماء حدوده السماء وحميمية مطلقة أنه

إنسان الوسط في أنقى حالاته نموذجاً للعطاء وكف يلوح نحو الخير فتجدهم

قوادم ..

التحيات النواضر للجميع ولهم سامق الود ..

[nasir]

اخي الاستاذ ود الطاهر
اولا اهنئ نفسي اولا ومن ثم اهلي بودمدني
بتجمعكم ورؤاكم المستقبلية
لم اكن حضورا لظروف جدا ملحة ( الرحول في بوم الجمعة الجامعة)
ولكنني كنت معكم بقلبي وروحي
اخي صلاح لك العتبي حتي ترضي
وانشاء الله نكون حضور معكم لاحقا
هنيئا لمدني بكم وهنيئا لكم بام المدائن