المساعد الشخصي الرقمي

مشاهدة النسخة كاملة : ما هى أكبر صدمه فى حياتك؟؟؟


القيصر
31-07-2007, 12:08 PM
الرجاء الاجابه بكل صراحه,,,,,,,,,,,,,,,,



اكبر صدمه حصلت لى كانت من أعز اصدقائى
إكتشفت انو كان مصاحبنى لى مصلحه بعد قضى
مصلحتو بكل سهوله اتخلى عنى وانا كنت فى امس
الحوجه ليه.............

عليكم الله ما دنييا غداره................
مختار بازى
31-07-2007, 12:21 PM
بكل سهوله اتخلى عنى


زي دا يا القيصر ما بتندم عليهو بس بتعتبر بالنسبة ليك مسار تصحيحي
والله بي كل صراحة انا صدمتي كانت في زول ملكتو عمري كلو!!!!
القيصر
05-08-2007, 12:44 AM
تسلم يا مخو على المرور

والله إدى العافيه
حبيبة ودمدني
22-09-2007, 10:59 AM
اما انا اكبر صدمه لي كانت لي في اعز اصدقائي كنت بديها اسراري كلها وفي النهاية اكتشفت انو اسراري في ظرف ثانيه بتنتشر
امنية بكري
22-09-2007, 11:24 AM
اما انا صدمت في انسانه كانت محتاجه للناس جنبها ومجرد عرفنا كدا انا وزوجي كنا معاها

وضميناها واحتويتا في بيتي
شهرين بحالم

واول ما امورا اتعدلت وسافرت بدات تحاول تتقرب من زوجي

وطبعا انا عرفت منو واتخذت قرار اني ما حاقرب من اي وحده تانيه

عليكم الله شفتو جنس ده
عمر البشير
22-09-2007, 11:49 AM
اما انا فصدمتي الكبري انو تركته السودان وجيت السعودية وانصدمته بالواقع انو الشغل الكنت شغالوا في السودان احسن من السعودية.

وفي النهاية الله يجيب الفيهو الخير.
عاشقة الهلال
22-09-2007, 11:49 AM
اتصدمتة في شخص غريب واحد في ايام الجامعة كان اناالوحيده الفي الغرفة عندها جوال وفي بنت كانت بتحبه من كل قلبها وادته رقم جوالي على اساس انها تكلموا على راحته المهم عدت الايام ومرت
(طبعآ انا كنته بكلموا اذا اتصل عليها)في يوم طلب الاقيني مع أهله طبعآ أستغربته لاني عمري ماشفته وحتي كلامي معاه مااتعدى غير السلام بحجة انوا أهله عايزين أسألوا عن البنت البحبها بعدين طلعته انا وصديقة معانا في الغرفة أول ماقعدنا كان هو وأهله الأسأله بدور حولي انا فقط وبعدين قال لي طبعآ انا شفتك مره وعلى
طول حبيتك طبعآ ختاها ع البلاط
اتخيلوا بألله عليكم طبعآ انا اول مره كنت واو مصدومه ولا دهشة معقول في ناس كده وللاسف الشديد هو من خرجي هندسة الخرطوم بس الحمدلله البنت طلعت فاهمه جدآ
حبيبة ودمدني
22-09-2007, 12:02 PM
ياعمر البشير ما براك الي اتصدمته في السعوديه انت كويس انك جيت من السودان لاكن انا اتولدت في السعوديه وعمري كلو في السعوديه بمشي السودان اجازات بس لاكن احسن شي اني ما متاثره بي السعوديه بحب السودان جدا
عمر البشير
22-09-2007, 12:09 PM
ياعمر البشير ما براك الي اتصدمته في السعوديه انت كويس انك جيت من السودان لاكن انا اتولدت في السعوديه وعمري كلو في السعوديه بمشي السودان اجازات بس لاكن احسن شي اني ما متاثره بي السعوديه بحب السودان جدا

الله يكون في عونك. البشوف مصيبة غيرو تهون عليهو مصيبتو.
عبدالرحيم سعيد
22-09-2007, 08:38 PM
(جرح لا يندمل في خافقي)
محمد مصطفي
22-09-2007, 10:25 PM
هههههههههههههههههههههههههه


ده شنو يا ناس مدني كلكم مصدومين


القيصر ده منو ده الصدمك ده ههههههههههه

والصدمه كانت كيف قويه ولا خفيفه
كبير
22-09-2007, 11:11 PM
الصدمه أحححححححح الصدمة يا ناس ودمدني أشكال وأنواع مابتعرف انت وين وماشي وين من الصدمة يقول ليك واحد أنا انصدمت لمن حبوبتي ماتت والتاني لمن أبوي مات والتالت لمن قالوالي ماشين السودان

الكبير
كبير
22-09-2007, 11:13 PM
محمد مصطفى انت ما انصدمت مره اكتب رد بسرعة نشوف صدمتك دي شنو باردة ولا حارة
النيرو
22-09-2007, 11:16 PM
الزمن العلينا دا الواحد مفروض يعمل ليه يايات وشكبسوربات لامتصاص جميع الصدمات ..يعني تكون جاهز
كبير
22-09-2007, 11:19 PM
القيصر انت ما انصدمت ولا شنو ؟؟؟؟؟؟؟؟؟




الكبير
كبير
22-09-2007, 11:20 PM
الله أكبر ماترد أنا ماشي اصلي
كبير
22-09-2007, 11:24 PM
النيرو كيفك معاك الكبير انت ماانصدمت رد عليك الله
خطاب العبيد
23-09-2007, 12:58 AM
مرحب بيكم ياشباب ورمضان كريم
حقيقة زى ماقلتو الصدمه اشكال والوان لكن شرالبلية مايضحك .
ياناس السعودية واحدسعودى فى برنامج من سيربح المليون وعلى الهواءمباشرة سالوه عن عددصورالقران الكريم وأدوه اربع خيارات 1/ 112 صورة - 2/ 114 صورة - 3/ 113 صورة - 4/ 118 صورة إتخيلوقال شنو اول مرة قال أستعين بى صديق وقدكان فسالوالصديق ردالصديق وقال أعتقد أنه كذا يعنى مش متاكدحضرتو .


دى كانت اكبرصدمة مميتة جداًوخطرة للغاية .
امنية بكري
24-09-2007, 07:14 AM
والله صدقت

دي صدمه رهييييييييييييييييييييييييييبه
القيصر
24-09-2007, 10:29 AM
مرحب بيكم ياشباب ورمضان كريم
حقيقة زى ماقلتو الصدمه اشكال والوان لكن شرالبلية مايضحك .
ياناس السعودية واحدسعودى فى برنامج من سيربح المليون وعلى الهواءمباشرة سالوه عن عددصورالقران الكريم وأدوه اربع خيارات 1/ 112 صورة - 2/ 114 صورة - 3/ 113 صورة - 4/ 118 صورة إتخيلوقال شنو اول مرة قال أستعين بى صديق وقدكان فسالوالصديق ردالصديق وقال أعتقد أنه كذا يعنى مش متاكدحضرتو .


دى كانت اكبرصدمة مميتة جداًوخطرة للغاية .


دا كلام شنو يا خطاب بلاي في ناس بالطريقه دي
الله إدي الصحه..لكن نعمل شنو دا حال الدنيا

والله إصبرنا عليها.......
ودمتم بود ...........يا غالين
كبير
24-09-2007, 10:58 AM
يا خطاب العبيد تصدق انو السعوديين ديل البسمع بحالم دا كان الاجانب خلوها السعودية دي
GREY MAN
24-09-2007, 11:17 AM
يا قيصر ضربت في المكامن
فالكل هنا مصدوم اما بافشاء اسراره او بصداقة علي الماشي او الدخول الي المجهول او سرقة الحبيب فالحياه بجد اصبحت كالكمين يجب ان نسير بها بكل حرص.
لكن صدقني اقوي صدمه هي من صديق مهما كانت صغيره
النيرو
24-09-2007, 11:35 PM
النيرو كيفك معاك الكبير انت ماانصدمت رد عليك الله


عشان حلفتني حاردليك ...
مرة انصدمت صدمة مبالغة كلفتني وقت وجهد وسهر وكمان خسارة قرووش .
انت عارف الصدمني شنو ؟؟؟؟؟؟؟؟ :eek:
سواق رقشة :D:D
ههههههههههههههههههههههههههههه
حبيبة ودمدني
25-09-2007, 11:51 AM
على فكره السعوديه بقواوا انها بلد دين لاكن ماشافت الدين بعيون امريكا اخير منها
غريبه يامحمد مصطفى ما تكون اتعرضت لي صدمه
القيصر
26-09-2007, 12:03 AM
والله ياحبيبه
صدمة محمد مصطفي بعرفها انا بس
قلنا ليه الرجاء الاجابه بكل صراحه
انشاء الله أقول الحقيقه
معتز الريح
26-09-2007, 02:14 AM
اما انا صدمت في انسانه كانت محتاجه للناس جنبها ومجرد عرفنا كدا انا وزوجي كنا معاها
وضميناها واحتويتا في بيتي
شهرين بحالم
واول ما امورا اتعدلت وسافرت بدات تحاول تتقرب من زوجي
وطبعا انا عرفت منو واتخذت قرار اني ما حاقرب من اي وحده تانيه
عليكم الله شفتو جنس ده


الأخت الكريمة ..
أنا كنت قايل الحاجات دي في الأفلام بس ..
ربنا يهدي الجميع ..
حبيبة ودمدني
28-09-2007, 08:19 AM
تخيل يا القيصر قبل يومين اعز صحباتي ضربت سياره قبل يومين قدام عيوني وهي اس في العناية المركزه دي اكبر صدمه في تاريخ حياتي
((أبــوعاذر))
28-09-2007, 01:29 PM
طبعا ياشباب
ربنا قال( اتق شر من احسنت اليه)
وشي طبيعي انوا اي سوادني ساذج
وعلي نياته
المهم ربنا يجعله في ميزان حسناتكم
كل الحصل ليكم ده




انا مره في السعوديه اويت لي واحد كنت عزابي
وقبل ماانوم اديتوا قروش للعشاء ووصفت ليهوا الكفتريا
وفرشت ليه السرير
واديتوا بطانيتي لاني لنته ساكن براي ورقدته في الارض
ونومته خليته مشي اتعشي وجاؤ لقاني نائم
سرقني كل مااملك وقفلني من بره ومشي؟
((أبــوعاذر))
28-09-2007, 01:31 PM
المهم بعد سنتين لقيت الشخص ده بالصدفه
اتخيلوا عملته ليه شنو
((أبــوعاذر))
28-09-2007, 01:35 PM
والله كان في ناس بحترمهم وبقدر كلامهم
اليوم ده رفضت استمع لي اي كان حتي اندهشوا
وقالوا الزول ده زعلان شديد
اول شي كنت شايل لي بصتونه وبدق فيهوا وبقول ليه مع احترامي ليكم عاوزك ذي ماربنا خلقك تجري بسيبك من الضرب وفعلا نفذاخر صوت اديتوا ليه كان ذي ماطلبت منه وبعدها مافي زول شافه وترك الحاره
((أبــوعاذر))
28-09-2007, 01:38 PM
عندها ارتحته لاني والله كان امي وابي جايين عمره في تلك الايام ومريت بي فلس شديد
لانه حتي حق بترول ماخله لي واتحرجت مع اهلي وانا ماقادر اشتري ليهم ملابس العمره
((أبــوعاذر))
28-09-2007, 01:39 PM
المهم ربنا يقبل منهم بعته جوالي ومشت الامور الي اخر الشهر والحمد لله
القيصر
30-09-2007, 01:59 AM
انا مره في السعوديه اويت لي واحد كنت عزابي
وقبل ماانوم اديتوا قروش للعشاء ووصفت ليهوا الكفتريا
وفرشت ليه السرير
واديتوا بطانيتي لاني لنته ساكن براي ورقدته في الارض
ونومته خليته مشي اتعشي وجاؤ لقاني نائم
سرقني كل مااملك وقفلني من بره ومشي؟



معقوله يا (ود الام) دا كلو احصل وانت نايم
بعدين الزول الرسق منك ده ما حسيت بيه
انو محتال...........
بعدين قفلني من بره دي حلوه شديد
ههههههههههههههههه
جوجو22
30-09-2007, 08:07 AM
اكبر صدمة فى حياتى انى اراك يالقيصر
تكتب هزا الموضوع
القيصر
01-10-2007, 11:15 AM
كيف الكلام دا يا جوجو22
ما فهمتك
وتسلم علي المرور يا أنيق
taboo
19-02-2008, 04:13 PM
انا اتصدمت لما حبيبتي عرسوها