ضيف الكرسي الساخن هذا الاسبوع

[aborawan]

ضيفنا لهذا الاسبوع هو صاحب وسام التمييز الاخ امبر عبدالباقي على كل من ليهم اى استفسار او سؤال للاخ امير بالدخول والاستفسار عن ما يريدون معرفته عن العضو امير لكم منى خالص التحايا واتمنى اني اكون وفيت وكفيت اثناء فترة جلوسي على الكرسي

تحياتي حبايب قلبي

طبعاً حا ابدا انا بسؤال خفيف كده البطاقة الشخصية اخوي امير
الاسم :
تاريخ الميلاد : الحقيقي طبعاً
الحالة الاجتماعية :
لو كنت متزوج اسماء اطفالك لوكنت ما متزوج عايز تسمي منو

[امير عبدالباقي]

مشكور اخوي ابوروان لااختيارك لي للجلوس في الكرسي
الاســــــــــــم :- امـــــــــــــــير عـــــــبدالـــــــــباقي
تاريخ الميلاد :- ودمدني 27/12/1967
الحاله الاجتماعيه :- متزوج
اسماء الاطفال ريان ورحيق ورغد ورهف
مشكور ابوريان

[aborawan]

ماشاء الله ربنا يحفظم ليك ويخليهم ليك ياابوريان ويتربو في عزك ادي الفرصة لغيري في السؤال وارجع ليك مرة تانية :)

[أبوريلان]

الأخ أمير صباح الفل

أتمنى أن تصف شكلك تماما ؟

بماذا تفكر الآن ؟

حسب ماذكرت لديك أربعة بنات ربنا يحفظهم ليك ماهو توقعك للمولود الخامس ذكر أم أنثى ؟

[امير عبدالباقي]

شكرا ابوريلان لسوالك
اصف شكلي اعتقد صعب لكن احاول
ماسمين ولاضعيف
مربوع القامه ؛ الجسم متناسق وماعندي كرش
لدي جلحات ؛ اخوك وسيم جدا صاحب عيون كبيره وناعسه قول ماشاءالله
اكبر اخوتي ؛بعدي اخوين توام ؛ ثم بنت ؛ ثم ولد ؛ثم بنت
ما افكر فيه الان ؟ الفاكس بتاع المكتب حصل فيه عطل الان افكر كيف اصلحه
اما عن توقيعي للمولود الخامس هذا من عند الله وحده عالم الغيب ؛ وصدقني احتمال اوقف عند هذا الحد من الزريه ؛والله ياابوريلان البنات نعمه من الله وربنا يحفظهم لي والله احن من البنات مافي ؛ عني اخوي عنده ولد وبنت الولد ضغير 5 سنوات لكن مكره حياته مره قالي خد الولد واعطيني بنتين
لك كل الشكر حبيبي

[admin]

ابو الراء (كل اسماء بناتك يبدو بحرف الراء) مرحبا بك على الكرسي الساخن .. وان شاءالله تكون عامل حسابك وجاي مردف وهاك الاسئلة دي :-
1- ماهي خطتك المستقبلية بخصوص الاغتراب؟
2- هل تعجبك تجربة الاخرين في تربية وتعليم ابنائهم في الغربة ام تعتقد ان تربيتهم وتعليمهم في وطنهم افضل حتى وان فقد الوالد اغلب اوقات السنة؟
3- لو جيت المكتب الصباح ولقيت انو جاءك خطاب بانك فزتا في اللوتري انتا واسرتك .. هل ستسافر وتبدا المشوار من جديد؟ ولا وضعك في بلد الاغتراب الحالي مرضى بالنسبة لك ويحقق كافة طموحاتك؟
4- ما رايك في التعليم للبنات ؟ هل تعتقد ان البنات نجحوا في التخصصات ذات الطبيعة الخشنة ميكانيكا ، كهرباء، مدنيه ، مساحة .. ام تعتقد ان هنالك تخصصات لايجب ان تكون متاحه للجنس اللطيف؟
5- اخيرا هل انت مع ختان الاناث ام ضد ذلك؟ ولم؟

ارجو اني ما اكون تقلتا عليك انا غايتو بتمني يجيبو لي بنت لكن الاسئلة اعله فعلا مهمه للجميع وكنا عايزين نعرف وجهة نظرك المحايدة في الموضوع
ربنا يخليك لاولادك ويخليهم ليك ويتربو في عزك

[مزوني]

وينك يا اخوي امير
رد سريع انا منتظر
عندي سؤال؟

[امير عبدالباقي]

اخوي ابوبكر مشكور علي الاسئله وانشاء الله تجد الاجابه بكل صراحه ومابحب الواحد يكون زي ود المويه انشاء الله نكون عند حسن ظنكم
الاجابه الاولي
خطتي المستقبليه والله بسيطه جدا الواحد يعمل ليه حاجه كويسه في الوطن عشان يرجع
السوال التاني
والله تربيه اولاد المغتربين ماعجباني بصراحه لانو فيها دلع زياده شديد والولد خاصه ؛من المفترض ان تكون هناك اجازه سنويه ينزلو فيها عشان يتشربو من العادات السودانيه من منبعها ؛ وذا مانزلو للسودان في اوقات الاجازات يعلمهم علي الاعتماد بالزات كيف يجد لهم بعص الشغل
اما بخصوص تعليمهم وتربيتهم في السودان في غياب الاب لا اوافق عليها اطلاقا لان التربيه من غير راعي مشكله كبيره ولك هذه القصيده تعبر عن الحال
رسالة خاصة من زوجة مغترب
مـعـزره لــو مــا كــان مـنـي الـكلام فـره
والــخــطــاب كــاتــبــاه مـــطـــره
حـــــرام انـــــت مــنــنـا تــبــرا
خـمـسه سـنـين تـفـوت تـجي فـيها فـد مـره
وراك انــا كــم شـقـيت وعـشـت فــي مـره
تـعـب مــع الـصـغار الـهـم لـلـعيون قــره
بــخـاف الــغـرق الــزول الـغـاص وري دره
قــالـوا ادب الـصـغـار والـعـقـده ومـخـضره
حـلـيـل الــزمـن زي خــاطـري مــا نـفـرا
خـمـسه سـنـين غـيـاب مــا بـتـحملا حـره
انــا الـحـاضنه الـعـزاب وامـالـي مـحـتضره
وانــت الـفـي الـنـعيم مـاخاتي لـلحساب بـكره
مـسـكـينه الـتـقـول فــي الاغـتـراب سـتـره
وتـتـناسا الـقـروش فــي يــوم تـكون ضـره
حـلـيـل زمــنـك وقــت عـايـشنا بـالاجـره
يــا ريـت لـو مـا عـرفت ومـاكان مـرق بـره
الـكاتمه فـي جـواي كـتير مـتملك الجوف والعصب
مـا كـنت دايـره اقـول لـيك لـكن لسان الحال غلب
مـا بـنسي يـوم ودعـتنا وسـافرت فـي غره رجب
خـلـيت الــدار وراك حـزيـن والـدمـع انـسكب
ولـلـه لــولا الـضـروره انــا مـا كـان كـتب
خـايفه فـي غـيابك الـضاع اكـون ضعفا ا لمكتسب
الـيـوم داك هـنـوني نـاس الـبلد شـايقيه وعـرب
قـالوا مـبروك وخـير جاك ربنا اكتب سلامته الاغترب
قـالـوا يــا دوب نـجم الـسعد طـلا بـعد احـتجب
يــادوب بـالك اسـتريح تـنسي الـعزابات والـتعب
وفـضلت احـسب فـي الـشهور قاعده في نيران لهب
صـابره حـريصه عـلي الـولاد لايـبقوا لـلريح مهب
سـديـتها خـانـك قـامـيها بـواجـبي كــأم واب
والأسـره يـضنيها الـمسير تـتهاوي لـو مافيها رب
و والله مــا بـنـكر جـميلك بـرضو ثـناك وجـب
مـوكب هـداياك ما انقطع كان ستره في الزمن الصعب
لابـسين و مـاكلين والـنعيم فـي يـوم مـا نـضب
وعـايـشين عـيشه الـمترفين مـا الـطبع اتـخرب
وحـامـدنه ولـلـه كــان لـلأكـل الـتين والـعنب
والـجـناين شـيـلها مـتـكي بـالـفواكه والـرطب
الـبيت مـفرش بـالحرير وفـي ايـدي لابـسها الدهب
لـكن خساره علي محل عايش سيده خمسه سنين عزب
الـشي الـمهم مـا قـلت ليك وانت ليه ما اظن حسب
كـبروا الـصغيرونين خلاص وخايفه ليهم الطبع الكعب
وصـلوا مـرحله الـخطر والأمـن مـا زال مـستتب
وانـا كـنت قادره عليهم زمان لكن بعد ما كبروا اتغلب
حـصـلني قـبل الـجد يـفوت دوبـهم فـوق الـعتب
قـبال نـحصد الـخير ندم وما بجدي كان لومته وعتب
خايفه ليهم الطيش في الدروس وما برضي لو واحد رسب
خـوفني والـمتعبني وكـبير بـعدين امـرقوا بـلا ادب
وريــتـك الـحـاصـل دون ثـــوره وغــضـب
شـأن الـحديث مـا ابـقي نـي والواحه يكتنفها الجدب
انـا قـلبي مـا زال لسع حي ونجمي الملهلج ما غرب
ومـا كـانت عـايزه اقـولا ليك لكن لسان الحال غلب
وأخـر كـلامي تـرده لـي لا ابـقي بـكره انا السبب
لسان حالة زوجة سافر زوجها وتاهة في دهاليز الغربة ارسلت له هذه الرسالة
السوا ل التالت
والله ياابوبكر حتي الان ماقدمت للتري لكن اذا جاني بابقول لا
السوا ل ا لرابع
والله البنات نجحو في جميع التخصصات وفي بعض التخصصات فاقو علي الرجال
السوال الخامس
انا ضد ختان البنات ولا اناقش فيه
مشكور اخي

[مزوني]

طبعا يا أمير مابتختلف معاي انه انه لكل انسان ماضي
وزي ما يقول المثل اللي ما عندو ما ضي ما عندو جديد
طيب يا طويل العمر
ممكن تحكي حاجة عن ماضيك هنا
خاصة في الثانوية
وبالتحديد سنة تالتة
ورحلة الهند بالمختصر المفيد
وعلى مهلك
"وسلامتكم"

[114]

عزيزي أمير

1- اين تقيم حالياً؟
2- كيف ولماذا اخترت هذا المكان لاغترابك؟
3- ماذا تفضل: البيبسي أم الكركدي؟ ولماذا
4- ما دمت انت وسيم كده- حسب وصفك لنفسك- ليه ما بقيت دون جوان؟
5- وأحكي لينا- بس من غير ام ريان تسمع- بعض شلهتة البنات بيك
6- ودرست الجامعة وين؟ ياتو بلد ويا تو مدينة وياتو جامعة

اتخيل لي كفاية كده عشان ادي الفرصة للباقين، وشكرا على سعة صدرك

[أبوريلان]

أبو ريان مشكور على الرد الظريف يا وسيم

بس خليك مع مزونى و 114 ولنا عودة .

[امير عبدالباقي]

مشكور مزوني علي الاسئله
اولا درست الثانوي في السعوديه وفي المدينه المنوره واعتقد انك درست في السعوديه يعني مافيها مواقف تحكي
ام عن دراستي في الهند
اولا الهند بلد جميله جدا وتعتبر من اجمل البلاد في العالم ؛ اول ماوصلت طبعا استقبلوني اولاد مدني هناك وذهبنا من بومبي الي مدينه اسمها بونا جلست فيها يومين ومنها الي مدراس مدينه ساحليه سكانها سمر
من موسسي رابطه ابناء مدني بالهند ؛ تقلتد منصب سكرتير عام الرابطه بمدرس
ومسئول شئون الطلبه بالاتحاد الطلابي السوداني بالسفاره السودانيه بالهند
اما عن تكمله الدراسه ستجد الاجابه عنها عن طريق اسئله 114
لك كل الود والتقدير اخي

[امير عبدالباقي]

لك كل الود اخي 114
اولا الاقامه الحاليه بالطائف
ثانيا انا مااخترت مكان الاغتراب ؛ انا جيت السعوديه صغير مرفق مع الوالد وكنا بالمدينه المنوره وهم الان بالمدينه جميع العائله
ببسي ولا كركدي طبعا كركدي ليه ماعشان اقوليك اقطع الببسي عشان امريكي لا والله بس في يوم كان في برنامج علمي وكان بتكلم عن اضرار الببسي هل تصدق ان الببسي ياكل جدار المعده من قوته ولي مواخذه احسن منظف لمراحيض المياه وتسليكها
اما السوال 4- 5 حكايه الوسامه دي بس قلتها دعابه لابوروان فقط
اما الدراسه كانت بالهند في مدينه مدراس باقليم تملنادو الجامعه اسمها تكراج كلج
مشكور 114 علي الاسئله وتكون راضي علي الاجابه

[aborawan]

ياراجل برضو الوسامة في شنو التواضع ده الغير طبعي ده ياخي :):)

[admin]

الاخ امير شكرا على الاجابة

[امير عبدالباقي]

مشكور ابوبكر
نحن تحت الخدمه

[aborawan]

امير بصراحة شديدة وبدون لف ولا دوران اكتر شخصية في المنتدى ما بترتاح ليها او بالاحرى ما متكيف ليها ؟ قول الصراحة واياك من السياسة بتاعت الزوغان ولي عودة انشاء الله

[امير عبدالباقي]

كل المنتدى حبايب قلبي واستحالة اكره لي زول من بيتنا لانو المنتدى ده بيتي الكبير

[aborawan]

طبعاً معليش يا حلوين السؤال اساساً معروفة اجابتو لانو الكل هنا حبايب بعض ومستحيل تكون في بغضاء او مشاحنات بين الاخوان والحبايب :D:)

[مازن الجمّال]

يا امير ..

انا بسعلك .. اكلت سندوتشات من الشول قبل كدا ولا لأ ؟!!

[114]

شكرا يا أمير الحسن على الإجابة
وانا مشيت الهند برضو، عشان كده سألتك عنها، مشيت شهر فبراير الماضي 2004 ، بومباي وبعدين بونا، وبعدين قوى الساحلية الجنوبية، طبعا اجمل الثلاثة هي قوى
وبرضو اول سنين غربتي في السعودية كانت في الطائف المأنوس، يا بختكم، برااااااااااااااااااااااااد ساكت (براد) دي بلغة اهل الطائف نفسهم، يعني الجو بارد

[امير عبدالباقي]

اخي Rasta man
اكلت من الشول مره او مرتين ؛ كنا بنتعشه عند التوري دائما
ماتلف ودور انت قلت انت من فريقنا عرفني بي اسمك
او رسل عن طريق AMIRDAF@HOTMAIL.COM
لك الشكر

[امير عبدالباقي]

114 لك الشكر اجزله
فعلا الهند جميله وقويْ من اجمل ممدن الهند
وعرفت من بعض الاخوه بانك كنت في الطائف وساكن الحويه
والطائف الايام دي اخر حلاوه فاقداك

[مازن الجمّال]

وحات الله يا امير انت ما جايب خبر ..

ايميلك مضاف عندي في الماسنجر ليك سنتين واتراسلنا مع بعض لاكتر من مرة ..

وطوالي بخش معاك ما سنجر

لاكين سجارتك شكلها سمحة ..

من ابو التومة دي ولا من وين !!؟؟ :rolleyes:



راســــ :cool: ــــتا

[aborawan]

امير طبعاً الشباب هنا فى المنتدى كلهم اخوان بعض يعني الكل حبايب بس طبعاً اكيد بتكون بترتاح لبعض الاعضاء اكتر المهم باختصار سؤالى اذكر لينا اسم عضو من بترتاح ليه جداً وبتكون متكيف وانتو بتدردش معاه ما يفوتك عايزين عضو من الشباب بذكر الاسم وكمان من الجنس اللطيف تختار لينا واحدة انت بترتاح ليها جدا وبتكون سعيد بالحديث معاها وما تخاف ام ريان نايمة زي المواعيد دي :):(

[امير عبدالباقي]

والله اكتر واحد وذلك بسبب وهو لما اقتراحت عمل شات للمنتدي والاعضاء اضافت الايميلت اكثر واحد احتكيت به وكل يوم بنتكلم مع بعض وبنتناقش عن المنتدي وعن احوالنا الشخصيه وحصل تعارف بالمحادثات التلفونيه
هو العضو محمد ابوروان فعلا اخ حبوب وصافي النفس ومرح للغايه وصاحب نكته ؛ بجد اعتقد جميع الاعضاء مثله واتمني من جميع الاعضاء يدخلو معانا باضافه ايميلاتهم معنا حتي يزدات التعارف؛
اما عن البنات للاسف مافي واحده من العضوات شاركن معانا ؛ واعتقد ابوروان اقترح بانهم لايكتبو ايميلاتهم بس يعملو اضافه لاحد الاعضاء
وكلهم فعلا حبايبي ولهم مني كل ود واحترام

[aborawan]

تسلم اخوي امير والشعور متبادل والله يديك الف عافية
بس كدي عيني في عينك معقولة ما بتعرف ولا واحدة من الاعضاء :D:D اعترف احسن ليك :):) وزي ما قلتا ليك ما تخاف ما حا اكلم ام ريان :D:)

[امير عبدالباقي]

مافي داعي لختت العين اعرف كل الاخوات الفي المنتدي بس ياريت اتعرف عليهم اكثر عن طريق شات ودمدني ذي مااتعرفت عليك وعلي مازن ورهيب وحمتو وابراهيم وابوريلان وراستا مان وابوبكر

[LighT^RosE]

شنو يا جماعة إنتو قلبتوا الموضوع ونسة أنا يا أخ أمير عندي سؤال أسأل ولا خلاص قمت من الكرسي؟؟؟

[امير عبدالباقي]

اختي الورده المضيه
اسئلي مايحلو لك نحن تحت الخدمه

[aborawan]

اسألي واخدي راحتك الكرسي القعدة فيه لمدة اسبوع يعني من السبت لحدى مساء الجمعة اسعلي سعالك يا اللخت والدور جايييك ياعشاي :D:D

انا برشحك انتي بعد امير مستعدة :):)

[ابوفيصل]

يا امير الوالد شغال شنو .. وحدد مكان منزلكم بالوصف الدقيق

[نونا]

كويس يا امير ما اتعرفتا على اى واحدة موش

[أبوريلان]

أمير والله نونا عملتها فيك ، وبعد كدا أبو روان لقى فرصتوا فيك ههههههههههههههههههههههههههههه

[aborawan]

اااااااااااااااااا وقعوا في بعضيهم بقى بلغة المصارية والشافع بضحك هع هع هع :):)

[امير عبدالباقي]

ابو فيصل مشكور
الوالد محضر عمليات بالمدينه المنوره

السكن مدني -- حي المدنين ----- تدخل من الزقاق الخلف القبه ون ناس موسي العربي وتمشي طوالي احد ماتصل بيت ناس عمك السني ابو محمد الصاروخ
وتمشي لقدام تصل فريق الحلبه في جامع الشيخ دفع الله بس وصلت

لك تحياتي

[ابوفيصل]

كتر خيرك يا امير وتب وقعت لي اتمنى ان يكون الوالد بخير وعافيه طبعا لينا زمن طويل ما تقابلنا .. وقتها كنت فرادي الان بقيت ابو البنات ربنا يخليهم ليك ويعطيك العافيه .. طبعا بتعرفني حق المعرفه .. انا ساكن جنب كبرى ابوطبيله يعني بتجي ماشي بعندنا .. ونحن اهل .. واخليك تفكر

[ابوفيصل]

يا امير ممكن نتقابل في الماسينجر www.osmaki2003@hotmail.com

[aborawan]

بخخخخخخخخخخخخخخخخخختك يا امير طلعتو معرفة :D:D
http://www.latef.net/Picture/files/aborawan-1097652621.jpg

[ابوفيصل]

ابوروان .. سلام .. وكتر خيرك على المداخله .. وفرصة الواحد يتعرف بيك ..

[ابومرام]

ابو روان دائماً بتتحفنا بعباراتك الحلوة وتنسينا هموم الغربة تعيش وشايفك طلعت معرفة مع ابوفيصل الظاهير داير يناسبك يعني شنو مرام دي ماجاها عريس للحين شوفونا معاكم يا ابوفيصل ماعندك غير فيصل واحد تاني ربنا يديم المعارف 00

[aborawan]

خلاص يا ابو مرام ولا يهمك انا حاجز مرام اها قلتا شنو
وحااسكنا ليك قريب عشان ما تبعد منك ( حا نسكن في الدوادمي ولا الشعراء ) :)

[نورا]

امير عبد الباقي أولا أهلا وسهلا بيك نورت الكرسي..
وأسمح لي أسألك سؤال يمكن يكون صعب شوية..
لو عند القدرة ترجع الزمن وتصلح خطأ ندمان عليه فايه هو الخطأ ده وحتصلحه كيف؟؟:)

[امير عبدالباقي]

الاخت نورا
هو مافي شي غلط ؛ بس كان المفروض ادرس في بلد غير الهند لكن يمكن كان لخير

[aborawan]

امير اتجرس امير اتجرس امير اتجرس :D:D ؟

[نورا]

لووول ابوروان كل ابن آدم خطاء وخير الخطائين التوابين...
امير والله اجابتك مااااا تامة كده...اها بلد غير الهند ليه وياتو بلد دي؟؟

:D

[ابومرام]

ابا روان تسلم انا داير اسكنا مدني بس هذا الخيار الوحيد كل الشروط متنازل عنها نحن دايرين نرتاح من الغربة وعزابا ونمشي لمدني الحنينة وننسى بين خضرة ربوعة وغربة كم طالت سنينا
ونتشرف بمعرفتك على الماسنجر h19869@hotmail.com

**********************
تسلم اباروان

[ابوفيصل]

ابو مرام .. سلام .. ورمضان كريم .. ولنا عظيم الشرف بمعرفتك
بس شنو حكاية البنات ده ابو مرام وابوروان وابو..................... .
والله انا عندي فاطمة كما لكن فيصل الكبير .. لكن ممكن تقيف في الصف مافي مشكلة

[امير عبدالباقي]

الاخت نورا
القصه طويله احكيه ليك باختصار بعد خلصت امتحانات الثانوي راسلت كليه في ال USA وجاني موافقه مبدئيه جامعه فلوريدا ؛ وكان عندي ابن خالتي بيدرس في الهند اتفق مع الوالد يعملي قبول هناك وفعلا عمل لي قبول في الهند ورسله للوالد وانا في الحظه دي كنت سافرت بعد امتحان الثانوي للسودان وبديت في اجراءت التاشيره لامريكا لكن الوالد منعني من السفر لامريكا وارسلني الي الهند ؛ وطبعا منعني من خوفه علي من بلاد الخواجات
انشاءالله تكون الاجابه تامه
اما موضوع ابوروان فهو كان معي في شات ودمدني واعطاني سوال وجاوبت عليه في الشات واقترح ينزله في الكرسي فرفضت لانه سوال خاص جدا جدا

[ابومرام]

تسلم ابو فيضل نحن لينا الشرف الاعظم بالمعرفة عموماًالايام جاية والجاي كتير انشاء الله ربنا يدينا ويديكم العافية تحياتي لفيصل 00
ماتنسي نحن واقفين في الصف نستحمل نعمل شنو الشباب الزمن دا صاروا غالين لما تحن الفرصة ادونا خبر الكلام دا سر بيني وبينك عشان الجماعة ما يقوموا يختفوا 00
***** ودي ***

[ابومرام]

سلام نورا : صراحة سوالك لـــ امير خلاني اسأل نفسي نفس السؤال لكن الغط الوحيد في حياتنا كونوا نحن تركنا مدني ومشينا لبلاد الغربة ***

[أبوريلان]

يا أمير سلام الكرسى كان ساخن شديد ولا سخونه محتمله .
السؤال ما هو أصعب سؤال قابلك من الأعضاء فى الكرسى الساخن وهل جاوبت عليه بكل صراحه أم زوغت منو ؟

[امير عبدالباقي]

مشكور ياسر
والله بصراح جميع الاسئله كانت مولعه نار وطبعا ولنسبه الصداقه الحميمه التي كونها المنتدي بين الاعضاء عامه وبصوره خاصه علاقتي بي ابوروان طبعا اصبح من اعز اصدقائي فعلا اخ حبوب وقلبه ابيض واتمني ان التقي به قريبا؛ ارجع للموضوع
الاسئله كانت تقريبا جميعها صعبه لكن ابوروان طعمها بشويه فكاه وفرفشه ده السهل علي الكرسي ؛ وبامانه جاوبت بكل صراحه
ونسبه ليومي الاخير اشكر الجمع ؛ واتمني للعضو المقبل ان يتقبل الموضوع بصدر رحب مهما كانت الاسئله ويجاوب بكل اريحيه
اشكر كل من شارك في هذا الموضوع واقبلو اعتزاري اذا سهوت في شي لكم مني كل الود والتقدير والاحترام احبتي ..ـــــــــــــــــــــــ

[LighT^RosE]

مرحبا أخ أمير طيب أنا سؤالي ليك إذا ما فيهو تطفل يعني ممكن نعرف قصتك مع أم ريان قبل الزواج يعني هل الزواج كان عن قصة حب و لا زوج تقليدي ؟؟ بالمناسبة إذا سؤالي ما عجبك ممكن ما ترد عادي والله.

[امير عبدالباقي]

الورده المضئه
مافي اي ازعاج ممكن نجاوب ؛ زواجي بداء بقصه حب ؛ بدت قصه حبنا وهي في سنه تالت متوسط وخطبتها وهي في سنه تاني ثانوي وانا ماشي ادرس الجامعه في الهند واتزوجتها وهي في جامعه جوبا في سنه اولي ورزقنا بريان وهي وهي داخله الامتحانات وكانت في في سنه تانيه وبعد ده تابعت هي وريان الجامعه حتي تخرجت بالمناسبه كانت بتمشي معاها وسموها ريان جوبا
مشكوره

[امير عبدالباقي]

اشكر جميع الاعضاء الذين شاركو بالاسئله
واتمني ان اكون عن حسن ظنكم وجاوبت بكل صراحه ؛ واتمني من العضو القادم ان يوسع صدره ويجازب بكل صراحه ؛
اتمني ان اكون خفيف الظل عليكم ولكم جميعا اطيب التحايا
وكــــــــــــــل عــــــــــــام الجميــــــــــــــع بخيــــــــــــــــــــــر
ورمضـــــــــــــــــــــــــــان كـــــــــــــــــــــــــــــريــــــــــــــــــ م

[Dove]

ضيف الكرسي الساخن
بالله عليك كم هي درجة حرارة الكرسي؟

رمضان كريم!!

[امير عبدالباقي]

الاخوه الاعضاء
كل عام وانتم بخير ؛ رمضان كريم ؛ ولقد انقضي منه يوم مر كل النسمه لم نشعر به ؛ربنا يتقبل من الجميع
اخوتي بما ان اكتمل فترتي علي الكرسي لقد اخترت العضو ابوريلان ضيف هذا الاسبوع وسوف اقوم بتوجيه له اول سوال
تعريف كامل بالبطاقه الشخصيه