العزوبية شر !!!!! [الأرشيف] - منتديات ودمدني

عثمان جلالة

31-07-2007, 03:00 AM

المشهد الاول :
قاعد وحالو ... تصعب على الكافر... السرير .. مليان ومحنقط ملايه معفصة ... والمخده التقول لمة فيها دانه .. الغلغل من القطن ما بتفرزو ... النعلات مجدعات كل واحده في اتجاه مختلف التقول متشاكلين .. والغرفه جايطه جنس جوطه ... زي أم دفسو لامن تجي الكشه

المشهد التاني

هشام العزابي ... موشح بالعذاب .. مصنقر في التراب
يردد (حليل الكان بهدي الغير ... صبح محتاج يكوس هداي

ولسه الفلم ما بدى .... والله فلم هندي ....... 6 ساعات ... وجنس بكا

المشهد الاخير والحلقة الاخيرة ونهاية البطل

وحيد ... حزين .. غريب .. في غربته ... حيران ... يغالب دمعتو ويتمنى ... طال بيهو الحنين .. طال بيهو الشجن .... واقف يردد من زمن ....

أريتو حالي .. حال ... معتز ... والبازي ... وجلالة

موسيقى تصويرية حزينة:p

مختار بازى

31-07-2007, 03:09 AM

بس عليك الله شفتة البوست دا نخلي تحت خطرات التاني داك
وبرضو تقول لي حياة عزوبية هوووووووي يا جلالة انا معاكم

عثمان جلالة

31-07-2007, 03:36 AM

[QUOTE=مختار بازى;212853]بس عليك الله شفتة البوست دا نخلي تحت خطرات التاني داك
وبرضو تقول لي حياة عزوبية هوووووووي يا جلالة انا معاكم[/QUO

أصلك معانا ... وقول للتاني داك ما تغشانا ... وعليك الله بس كل ما يجري من البوست ده حق صاحبنا داك ... كان انا مافي تخلي لي تحت خطراتو عشان يعرف حاجه ... قال العزوبية .. حلم جميل قال .... قول ليهو نتلاقى عند ناس عبد الجليل :D

مختار بازى

31-07-2007, 04:02 AM

عثمان جلالة

31-07-2007, 04:28 AM

[QUOTE=جلالة;212867]

الا يشوف ليهو لوكاندة:D :D

لوكانده .. أحسن الكمنجه .. شقه مفروشه بس وفي المدينة كلو غالي أسأل أخوك:p

عمر البشير

31-07-2007, 06:24 AM

يا خوانه حيرتونا واحد كاتب العزوبيه حلم جميل والتاني كاتب شر اها رسيتو علي شنو ولا خلونا النعرس احسن اذا ما لقيتو حل.

معتز الريح

31-07-2007, 06:31 AM

ود البشير الحبيب ..
جلالة ده زول خبير .. ما بتكلم ساي ..
قال ليك شر يعني شر ..
هشام ده ما لاقي ساي .. ولو لقى بجينا جاري ..

تخريمة :
جلالة المساندة دي ما عندها علاقة بالحساب ..

مختار بازى

31-07-2007, 08:13 AM

يا خوانه حيرتونا واحد كاتب العزوبيه حلم جميل والتاني كاتب شر اها رسيتو علي شنو ولا خلونا النعرس احسن اذا ما لقيتو حل.

يا اخوي عرس سااااااااااااااااي :D

مختار بازى

31-07-2007, 01:24 PM

جلالة المساندة دي ما عندها علاقة بالحساب ..

يا اخوانا نحنا ما عندنا نصيب ولا شنو انا معاكم:d

هشام السماني إبراهيم

31-07-2007, 01:50 PM

فهمني يا جلالة بس مختار دا حاسبو معاكم كيفن الكلام دا

لما يعرس بعداك سوقو حسي خلي معاي رفيق سلاح كلها كمن شهر وحيسلم النمر حقتو ويبقى ملاكي القاهرة :D :D

هشام السماني إبراهيم

31-07-2007, 01:53 PM

يا خوانه حيرتونا واحد كاتب العزوبيه حلم جميل والتاني كاتب شر اها رسيتو علي شنو ولا خلونا النعرس احسن اذا ما لقيتو حل.

ود البشير حيرتك دي معاي في السلك :D :rolleyes:

هشام السماني إبراهيم

31-07-2007, 01:57 PM

عندي احساس

انتو كلو واحد برد تحس الرد دا وراو المدام كلو مدييييييييييييييح سااااااااااااااااااااااي :D

هشام السماني إبراهيم

31-07-2007, 02:00 PM

ود البشير الحبيب ..
جلالة ده زول خبير .. ما بتكلم ساي ..
قال ليك شر يعني شر ..
هشام ده ما لاقي ساي .. ولو لقى بجينا جاري ..

تخريمة :
جلالة المساندة دي ما عندها علاقة بالحساب ..

انتو حسابكم دا لسة ماخلص معتز ما تنسى شوية :rolleyes:

هشام السماني إبراهيم

31-07-2007, 02:06 PM

تعرف يا جلالة انا اقوم اغير توقيعي واكتب

العزابي ((هــــــــشام ))

عشان الماعرفني بعد كدا يكون عرفني :D

تخريمة: الدافرك على هشام منو شكلك محرشنك:D

هشام السماني إبراهيم

31-07-2007, 02:12 PM

كافي البلا مافي اي عزابي وقف ساي كلهم اضايرو :o

والله طلعتو عزابة اي كلام :mad:

حسي لو معتز عمل موضوع ترشيح عزابي نجم شهر تلاقي الطوابير ماتديك الدرب:D :D

عثمان جلالة

31-07-2007, 08:56 PM

يا خوانه حيرتونا واحد كاتب العزوبيه حلم جميل والتاني كاتب شر اها رسيتو علي شنو ولا خلونا النعرس احسن اذا ما لقيتو حل.

ود البشير اخوي والله عرس الليلة قبل بكرة ... هشام عشان ما لاقي بس ... والكديس كان غلبو يلحق اللبن .. بقول كعب .. والله احسن من العرس مافي .. وبعدين كلو محصل بعضوا ... الليلة انت اسمك ود البشير ... معروف في المنتدى ناس الحلة .. لأنو البشير حي مدى الحياه بيك انت ... لكن هشام ده ... كان مات الليلة (بعد الشر) بنكتب عنو في المنتدى ده أسبوع ... عشره يوم .. بذكره صاحبه بازي ... قول 15 يوم .. وبعدها بكون مات ... :p

عثمان جلالة

31-07-2007, 11:43 PM

تخريمة :
جلالة المساندة دي ما عندها علاقة بالحساب ..[/QUOTE]

ود الريح المسانده دي لأنو الواقع بقول كده .. ساند أكتر عشان الرقم يكون مميز:p

باسطه

01-08-2007, 12:03 AM

تعرف يا جلالة انا اقوم اغير توقيعي واكتب

العزابي ((هــــــــشام ))

عشان الماعرفني بعد كدا يكون عرفني :D

تخريمة: الدافرك على هشام منو شكلك محرشنك:D

والله ياهشاااااام أنا ماقايلك باير للدرجه دي هههههههه والله بورتك دي ككه عديييييل كده :D :D حصل القطر مايفوتك قالوا القطر خله البنات وقبل على العزابه هههههههه

باسطه

01-08-2007, 12:04 AM

هووووووووووووووووووووووووووووووووووووووووووووي
أوعكم تفوتوني ضموني معاكم للبص ده لكن ماوريتونا ماشين على وين؟؟؟؟
لكن مامهم هو البسأل مننا منو؟
:D :D :D :D

عثمان جلالة

01-08-2007, 12:21 AM

فهمني يا جلالة بس مختار دا حاسبو معاكم كيفن الكلام دا

لما يعرس بعداك سوقو حسي خلي معاي رفيق سلاح كلها كمن شهر وحيسلم النمر حقتو ويبقى ملاكي القاهرة :D :D

حسبناهو لأنك براك قلتها ... حيبقى ملاكي القاهرة بعد شهر ... يعني ح يدخل القفض الذهبي وانت اقعد عديها لي ...العزوبيه شي جميل ... جميل بثينة:p

عثمان جلالة

01-08-2007, 02:08 AM

تعرف يا جلالة انا اقوم اغير توقيعي واكتب

العزابي ((هــــــــشام ))

عشان الماعرفني بعد كدا يكون عرفني :D

تخريمة: الدافرك على هشام منو شكلك محرشنك:D

ما في ليك طريقه ... تغير توقيعك .. تعمل مظاهرات .. ما بنحسبك معانا إلا تعرس ولا تهم بالعرس .. والمبدي بنتم ..

مشاققه
دافراني يا خوي ... بورتك دي الريحته طلعت

عثمان جلالة

01-08-2007, 02:44 AM

كافي البلا مافي اي عزابي وقف ساي كلهم اضايرو :o

والله طلعتو عزابة اي كلام :mad:

حسي لو معتز عمل موضوع ترشيح عزابي نجم شهر تلاقي الطوابير ماتديك الدرب:D :D

وقع ليك كلامي ما خلوك براك ... أها خم وصر .. بعدين يا خوي دايرين نعمل بوست ترشيح زوج نجم الشهر لأنو في حاجات جميله ممكن يحكيها لكن انت بتحكي شنو .. (غسل غسيلك .. بكره الخميس) :p

عثمان جلالة

01-08-2007, 02:50 AM

هووووووووووووووووووووووووووووووووووووووووووووي
أوعكم تفوتوني ضموني معاكم للبص ده لكن ماوريتونا ماشين على وين؟؟؟؟
لكن مامهم هو البسأل مننا منو؟
:D :D :D :D

انت معانا وراكب أساسي في البص .. في حد يعرس من غير بااااااااسطه .. حبيب الكل ... وما تخاف دي رحلة كلها ورود وزهور .. والبص متوجه على ... دنيا سعيده لا فيها مغسه ... ولا ناس يمغسوك زي هشام:p

هشام السماني إبراهيم

01-08-2007, 02:54 AM

لكن هشام ده ... كان مات الليلة (بعد الشر) بنكتب عنو في المنتدى ده أسبوع ... عشره يوم .. بذكره صاحبه بازي ... قول 15 يوم .. وبعدها بكون مات ...

شنو ياقريبك براحة شوية :p كتلتني عدييييييييييييييييييييييييييييل في البوست دا :D

هشام السماني إبراهيم

01-08-2007, 03:05 AM

اها مختار دق الصفايح والله يا جلاله اخر الزمن بقيت موضوع في جريدة في داعي لي بوست كامل كان تكتب تخريمة تنصح في الخاص في داعي لي شيلت الحال دي :D

http://wadmadani.com/vb/showthread.php?p=213297#post213297

عمر البشير

01-08-2007, 04:23 AM

ود البشير الحبيب ..
جلالة ده زول خبير .. ما بتكلم ساي ..
قال ليك شر يعني شر ..
هشام ده ما لاقي ساي .. ولو لقى بجينا جاري ..

تخريمة :
جلالة المساندة دي ما عندها علاقة بالحساب ..

والله برضو راي نحنا ناخذ بيهو بعين الاعتبار. بس ما بنذيد عليهو.

عثمان جلالة

01-08-2007, 04:47 AM

:p

شنو ياقريبك براحة شوية :p كتلتني عدييييييييييييييييييييييييييييل في البوست دا :D

هشو الحبيب تبرا من الموت ... لكن حق .... علينا .. أحسن يكون وراك وليدات يشيلو اسمك زي ما بقولوا ناسنا ديل (بذوره) .... من بذر .. يبذر ... يجيب شفع:D

عثمان جلالة

01-08-2007, 04:51 AM

:D :p
والله برضو راي نحنا ناخذ بيهو بعين الاعتبار. بس ما بنذيد عليهو.

الحبيب ود البشير ........... أسرع حصل الجماعة ..... وما تاخد بس .. أشرع في التنفيذ طوالي والله تلقى ردودك في البوستات ومشاركاتك في المنتدى ده .. بقت مختلفه ..... بتكون تريان :D

تخريمه : كان غلبك معنى تريان دي أسال عمك أبو علا بضم العين:D

عمر البشير

01-08-2007, 09:08 AM

:D :p

الحبيب ود البشير ........... أسرع حصل الجماعة ..... وما تاخد بس .. أشرع في التنفيذ طوالي والله تلقى ردودك في البوستات ومشاركاتك في المنتدى ده .. بقت مختلفه ..... بتكون تريان :D

تخريمه : كان غلبك معنى تريان دي أسال عمك أبو علا بضم العين:D

نحنا اولاد صغار لسا ما بنعرف معني تريان بس دورت في القاموس ولقيت معناها بدين

تخريمه :
كان غلبك معني بدين اسال عمك ابوعُلا. :D :D

عمر البشير

01-08-2007, 09:11 AM

يا اخوي عرس سااااااااااااااااي :D

هو في زول قال لينا هاكم ونحنا ابينا كدي جربونا بس يا ودباااازي بي عرسة واحده. :D :D

عمر البشير

01-08-2007, 09:15 AM

ود البشير حيرتك دي معاي في السلك :D :rolleyes:

ياتو سلك من السلوك يا عمي doom99 السلوك كتار منها السلك الدبلماسي والسلك الشاكوشي والسلك العزوبي والسلك الزواجي اوعدنا يارب، وغيرها ....

مختار بازى

01-08-2007, 09:17 AM

كان غلبك معني بدين اسال عمك ابوعُلا.

ولو سالو وقال ما عارف:d

مختار بازى

01-08-2007, 09:22 AM

هو في زول قال لينا هاكم ونحنا ابينا كدي جربونا بس يا ودباااازي بي عرسة واحده. :D :D

تمر الفكي السيدو شايلو ومشتهي :D
خلاص ارجي القرعة الجديدة!!

عمر البشير

01-08-2007, 09:24 AM

تمر الفكي السيدو شايلو ومشتهي :D
خلاص ارجي القرعة الجديدة!!

في شهر كم عشان نحضر شعورنا ونشوف لينا فكي كارب علشان تقع لينا. :D :D

مختار بازى

01-08-2007, 09:32 AM

في شهر كم عشان نحضر شعورنا ونشوف لينا فكي كارب علشان تقع لينا. :d :d

يا زول الشغلة ما محتاجة لا فكي ولا شيخ بس انتة تجيب نفسك:)

هشام السماني إبراهيم

01-08-2007, 01:32 PM

ياتو سلك من السلوك يا عمي doom99 السلوك كتار منها السلك الدبلماسي والسلك الشاكوشي والسلك العزوبي والسلك الزواجي اوعدنا يارب، وغيرها ....
:D
للعملوميه تم ضم السلكين الشاكوشي والعزوبي وبقى الاسم الكيبل الدبلماسي :rolleyes:

هشام السماني إبراهيم

01-08-2007, 01:37 PM

يا زول الشغلة ما محتاجة لا فكي ولا شيخ بس انتة تجيب نفسك:)

ياقريبك هو وييييييين اجي كدي ادينا تفاصيل وبطل اكل الحلل عشان المطر والكتاحة وكدا انا ماصدقتا وبعدين كترو الجكس عشان امورنا تمشي مامعروف :rolleyes: ;) :D

باسطه

03-08-2007, 05:08 AM

انت معانا وراكب أساسي في البص .. في حد يعرس من غير بااااااااسطه .. حبيب الكل ... وما تخاف دي رحلة كلها ورود وزهور .. والبص متوجه على ... دنيا سعيده لا فيها مغسه ... ولا ناس يمغسوك زي هشام:p

يديك العافية ياجلالة والله طمنتونا كان كده الواحد يبقى مارق سااااي وهشام ده بازات أوعه يتصلبط يقول داير معانا في البص ده ههههههههههه:D :D :D

عثمان جلالة

03-08-2007, 09:21 PM

ياتو سلك من السلوك يا عمي doom99 السلوك كتار منها السلك الدبلماسي والسلك الشاكوشي والسلك العزوبي والسلك الزواجي اوعدنا يارب، وغيرها ....

الرائع : ود البشير .. سعيد إنو إتعرفت عليك صورة وصوت ... لكن بي حالك دي ... وبرنامجك حق الشغل ... السكن ... معناها سلك ... شر .. بس (غسيل) :p

هشام السماني إبراهيم

04-08-2007, 02:17 AM

يديك العافية ياجلالة والله طمنتونا كان كده الواحد يبقى مارق سااااي وهشام ده بازات أوعه يتصلبط يقول داير معانا في البص ده ههههههههههه:D :D :D

تمشو وين بنفس لاستكو البص دا

وبعدين في حاجة انتا ماعارفها

اتصلبت وانتا قايل الكمساري منو

عثمان جلالة

04-08-2007, 09:30 PM

تمشو وين بنفس لاستكو البص دا

وبعدين في حاجة انتا ماعارفها

اتصلبت وانتا قايل الكمساري منو

الكمساري ود دعوب ... جضوم تبش أقصد عضلات تبش ... عندك كلام:p