لو في بنت انتا خاطبها و البنت دي.............

[حافظ الليبى]

لو في بنت انتا خاطبها و البنت دي في منتها الجمال و كل الناس كانت بتحسدك أنك مرتبط بها.... من كثر جمالها و أدبها و أنها محترمة و فجأة البنت دي حصلت حادثة لها وشوهتها و بقى منظرها بشع ........ موقفك إيه حتكمل و تتجوزوا ولا حتنسحب
أرجو من كل شخص يدخل أن يشارك بصدق تام يعنى يخت نفسه في مكانت الخاطب البنت ديى.

[حافظ الليبى]

ياحبايب
السوأل صعب عليكم

[أبو مهدي371]

المعادلة صعبة طيب لو الحادث حصل لي انا البت بتكمل والا بتديني شاكوش .
اسأل البنات بعدين انا بجاوب علي سؤالك .

[هشام السماني إبراهيم]

سلام

انا شخصيا لا اجد مانع من الارتباط بها طالما احببتها فالشكل غير مهم



سلمت يالغالي

[ابوندى]

اواصل معها المشوار واوازرها في محنتها واكون اول الواقفين بجانبها ,,,,,,ويكفى فالمعنى واصل

[حافظ الليبى]

اخوى ابومهدى. سلام
قالو الرجال اقومنا من النساء
انتا السؤال صعب عليك يا أخوى
ولك تحيتى على مرورك

[حافظ الليبى]

اخى دوم يا اصيل .. سلام
والله ده الكلام......... وقالو
الصادقون في عواطفهم .. لا يبالون بالمظاهر
وتحيتى

[حافظ الليبى]

التحيه ليك ياابوندى
والله بالجد النفوس القوية .. لا تعرف اليأس
والحياه تحب من يحبها ..
والتعاطف أساس الأخلاق ..
والصدق لغة التفاهم...
وتحيتى

[حسن السيد]

والله أكون بجانبها وأتزوجها والجوهر هو الهدف الاسمي والجمال جمال الروح
والاخلاق كما ذكرت أخي وموضوع يستحق التعليق

[ابوموفق]

لو في بنت انتا خاطبها .


الزول الخاطب البت دي حسب تقديري لابد ان يتزوجها00 ورغم ان ذلك كان افتراضا ( لـــو )00 يأخي انما الجمال في الاخلاق والادب والذي هو من صفات مخطوبته فهناك من البنات من هي أغلى من الذهب في اخلاقها الرفيعة وادبها .

[مدنيّة]

علي حسب الحاجة اللي شدته للبت علي مااعتقد
اذا كان شداه ليها جمالها
فما اعتقد انه ح يواصل معاها
اما لو شداه ليها اخلاقها واصلها ودينها
فاكيد ما ح يهتم بالمظهر كتير
لان اللي بيهمه هو الجوهر

[همسة شوق]

انا بكون اول واح يقيف جمبها
وإستحالة اتخلى عنها
وبعدين دة قدر ويمكن يحصل بعد الزواج كمان


همسة :
لو كان الحب بالجمال بس كان الناس دى كلها حبت بنت واحدة بس

[طارق محمد الحسن]

اخى الكريم واللة لوانت حابى البت دى بصدق اصلو ماحاتتلفت وحاتزوجا طوالى لانو انت بتكون حبيت الجوهر لاالمظهر والجمال زايل لكن الاخلاق مابتزول ولاشنو........غايتو لو دا انا حرم اتزوجها الليلة قبل بكرة ......ولك ودى

[حساام]

والله بواصل معاها ومابحسسها بي أي شي إنشاالله
لي أسباب كتييييره ومن ضمنها .. هس لو الحادث ده حصل لي انا؟ طبعا بكون عايزها تواصل معاي صاح؟؟

تحياتي

[صديق بلال]

لو في بنت انتا خاطبها و البنت دي في منتها الجمال و كل الناس كانت بتحسدك أنك مرتبط بها.... من كثر جمالها و أدبها و أنها محترمة و فجأة البنت دي حصلت حادثة لها وشوهتها و بقى منظرها بشع ........ موقفك إيه حتكمل و تتجوزوا ولا حتنسحب
أرجو من كل شخص يدخل أن يشارك بصدق تام يعنى يخت نفسه في مكانت الخاطب البنت ديى.
أشكرك يا أخي الفاضل المبدع الحافظ الليبي...
والله في الحقيقة إنني سعدت جدا بهذا السؤال الجيد والذي نستطيع تحديد معادن الناس من خلاله...
فبالنسبة لي أنا شخصيا... فإنني لن أنسحب بل أتمسك بها لأنني ما وددت الإرتباط بها فقط لجمالها كما أسلفت أنت يا أخي الحافظ الليبي.. حيث أنك ذكرت إضافة إلى جمالها أدبها وأنها محترمة أيضا... فهل ترضى نفسك بأن تتركها في هذه المحنة وهي أشد حاجة للوقوف بجانبها والتخفيف من محنتها... وعموما أرجو من كل إنسان أن يضع نفسه في هذا المكان فكيف سيكون رد فعله؟؟

[حافظ الليبى]

اخى حسن السيد. سلام
لك التحيه على مرورك
مشاركتك

[حافظ الليبى]

اخى ابو موفق. سلام
اخى كل الشكر ليك على المرور
والمشاركه
وتقبل تحيتى

[حافظ الليبى]

اختى الاستاذه مدنيه. سلام
لكى كل التقدير والاحترام
على مرورك . ومشاركتك
وقالو يااختى واعوزبالله من كلمه قالو
ما تبنيه الأيدي .. تهدمه أيدي أَخرى
وتقبلى تحيتى

[حافظ الليبى]

انا بكون اول واح يقيف جمبها
وإستحالة اتخلى عنها
وبعدين دة قدر ويمكن يحصل بعد الزواج كمان


همسة :
لو كان الحب بالجمال بس كان الناس دى كلها حبت بنت واحدة بس
لك تحيتى اخوى
لكن يقولون ان بين السعادة والكراهية خيط من دخان .. قد ينقطع بنسمة هواء
وتحيتى

[حافظ الليبى]

اخى الكريم واللة لوانت حابى البت دى بصدق اصلو ماحاتتلفت وحاتزوجا طوالى لانو انت بتكون حبيت الجوهر لاالمظهر والجمال زايل لكن الاخلاق مابتزول ولاشنو........غايتو لو دا انا حرم اتزوجها الليلة قبل بكرة ......ولك ودى
اخى طارق .. سلام
اول شى انا بقول ليك وبى صراحه.....وبدون زعل.
:::::::::::::::::::::::::::::::::::::::::
(( حينما نكذب .. فإننا نكذب على أنفسنا ))
تانى شى انتا حلفت بالطلاق. وقالو لو حلفت
فااحلف بالولى .......
ولا دى كانت جدعه بس....
ولك تحيتى

[حافظ الليبى]

اخى حسام الدين.. سلام
تسلم اخى على المشاركه . دى الاصاله ياحبيب
::::::::::: وبرضو قالو واعوز بالله ::::::::::::::
من القواله لكن دى قوالا فى الصالح العام .. قالو يااخى
(( من السهل أن ترى الناس على حقيقتهم .. ومن الصعب أن ترى نفسك على حقيقتها ))
ولك تحيتى

[حافظ الليبى]

اخى الراقى ابو بلال. لك سلامى
شوف الكلام دا(( من كثر جمالها و أدبها و أنها محترمة )) يعنى بنت ولا كل البنات..
والامثال قالت (( اذا ضحك لك الزمان فكن عليه حذر .. لأن الزمان لا يضحك طويلاً ))
وبرضو قالت (( ليس من الصعب أن تضحي من أجل ......... ولكن من الصعب أن ....................يستحق التضحية ))
اخى لك خالص احترامى وتقديرى على مشاركتك .. وتحيتى

[معتز الريح]

حافظ الليبي ..
حتى لو تزوجت واحده جميلة بمرور الوقت الجمال بيزول ..
ويتبقى جمال روحها ..
وبما ان الرجل المذكور في قصتك خطيبها ومعجب بها فأكيد ليس الشكل وحده هو سبب ارتباطه بها .. بل واحد من منظومة أسباب كثيرة ..

ولو زول فاهم حيتزوجها ..
ولو أفقو ضيق فحيتراجع وسيتعذر بألف سبب وسبب ..

[حافظ الليبى]

حافظ الليبي ..
حتى لو تزوجت واحده جميلة بمرور الوقت الجمال بيزول ..
ويتبقى جمال روحها ..
وبما ان الرجل المذكور في قصتك خطيبها ومعجب بها فأكيد ليس الشكل وحده هو سبب ارتباطه بها .. بل واحد من منظومة أسباب كثيرة ..

ولو زول فاهم حيتزوجها ..
ولو أفقو ضيق فحيتراجع وسيتعذر بألف سبب وسبب ..
اخى .. سلام
انتا غاصد بان يقول ليهـــــــــــــــــاء ...............اللـــــــــه معاك يابنت الناس
(( أصعب كلمه ممكن تخرجها من قلبك؟؟ ))
لا أتــحمـــــــــــلك.......
ابحثى عن قلب غيرى ............
قررت ارحل من عالمك ..........
وكما زكرت لو فاهم .. وازيدك ولو راجل وبن قبايل ما بتركها.
ولك تحيتى

[الشريف الهندي]

الغالي حافظ الليبي
مادمت خطبت يعني حبيت ونويت تتزوج
ومادمت حبيت ونويت تتزوج لابد تواصل
ومادام حصل قدر الله لازم تكمل وترضى
ولو اتشلت ولو فقدت الذاكرة ولو مرضت لكل امراض الدنيا
حاظل كما كنت في اول يوم ابد العمر

[مزوني]

حبيبنا الليبي

أنسى الجمال ,,, والمهم الأخلاق ,,,

وكفى

[حافظ الليبى]

اخى الشريف.... سلام
لك تحيه طيبه على مشاركتك ومرورك

[حافظ الليبى]

حبيبنا مزونى....... سلام
اخى والله زى ما قلت الاخلاق اهم شى
وتحيتى

[حافظ الليبى]

الغالي حافظ الليبي
مادمت خطبت يعني حبيت ونويت تتزوج
ومادمت حبيت ونويت تتزوج لابد تواصل
ومادام حصل قدر الله لازم تكمل وترضى
ولو اتشلت ولو فقدت الذاكرة ولو مرضت لكل امراض الدنيا
حاظل كما كنت في اول يوم ابد العمر

الصادقون في عواطفهم .. لا يبالون بالمظاهر

[عصام عثمان شمعون]

لو في بنت انتا خاطبها و البنت دي في منتها الجمال و كل الناس كانت بتحسدك أنك مرتبط بها.... من كثر جمالها و أدبها و أنها محترمة و فجأة البنت دي حصلت حادثة لها وشوهتها و بقى منظرها بشع ........ موقفك إيه حتكمل و تتجوزوا ولا حتنسحب
أرجو من كل شخص يدخل أن يشارك بصدق تام يعنى يخت نفسه في مكانت الخاطب البنت ديى.
حا انسحب .. لان الشئ الذي كان يحسدني فيه الناس عليها قد ذهب ..
ليس للوفاء دور هنا .. فصورتها بعد الحادثة قطعا لن تكون مثل التي قبلها ..
حتي الذكريات سوف تذبل وتنتهي ..
سؤال صعب واجابته الأصعب ..
دمت ود الليبي نصيرا للحب ؟؟

شمعون ..

[تغريد]

لينظر كل شخص بنفس الطريقة التي يحب ان يعامل بهااذا وضع في نفس الموقف فهذا يقصر المسافة كثييرا تقبل مروري اخي الكريم

[تغريد]

حا انسحب .. لان الشئ الذي كان يحسدني فيه الناس عليها قد ذهب ..

وهل خطبتها فقط يا شمعتي لكي يحسدك الناس عليها فقط حتي اذا زال الحسد زال السبب في الخطوبة والزواج :confused:

ليس للوفاء دور هنا .. فصورتها بعد الحادثة قطعا لن تكون مثل التي قبلها ..


الصورة قشرة تخفي وراءها المعدن فلو كان المعدن صدئا لن تستطيع اي قوة في الكون صقله وتلميعه فلو كان هدفك الصورة فقط قد تجد ما تبحث عنه ولكن قد تكوت الدواخل مملوئة بالصدأ وليس هناك علاقة انسانية يجافيها الوفاء مهما كانت صورتها او قشرتها

حتي الذكريات سوف تذبل وتنتهي ..

في رايئ لن تزبل زكريات كتبت بماء القلب ورويت بدموع الحب والوفاء هيهات لحب بارح حدود الشكل والجسد وتسرب حتي مداخل الروح ان تنتهي زكرياته
سؤال صعب واجابته الأصعب ..
دمت ود الليبي نصيرا للحب ؟؟

شمعون ..

شمعون اعتزر لك كثيرا علي اقتباسي لكلامك ولكن وجدت في النفس شيئا لم استطيع احتماله فخرجت الكلمات قسرا دمت بود

[محمد عبد الله عبدالقادر]

واصل معاها للنهاية واتزوجه
واهو كان سمحة ولا شينه
كلو في ميزان حسناتك

ورمضان كريم

[عصام عثمان شمعون]

شمعون اعتزر لك كثيرا علي اقتباسي لكلامك ولكن وجدت في النفس شيئا لم استطيع احتماله فخرجت الكلمات قسرا دمت بود
الاخت تغريد ..
لك ما اردت من اقتباس .. فالكلمات ليست لي .. بل المفهوم والفكرة ..
ولك ايضا مطلق الحرية في البوح برأيك حتي ولو كان تعقيبا علي مداخلتي ..
لك الود ..

[ابوخالد]

نصف شقاء الناس من محاولتهم إظهار ما ليس فيهم

أخى / حافظ الليبى ..

فى الحالة دى بيكون لتقييم حجم الإصابة عامل مهم جدآ جدآ ...

والسبب إنو الدين الحنيف بيوصى بالولود ....

أما موضوع الحب والتضحية ممكن تجى بعدين ...

********

بالثقافى يوجد بوست للرائع abomazeen ...

بعنوان هل كانت تستحق التضحية ؟؟

أرجو الإطلاع عليه ..

ودمت بألف خير ..

[الجندي المجهول]

انا بكون اول واح يقيف جمبها
وإستحالة اتخلى عنها
وبعدين دة قدر ويمكن يحصل بعد الزواج كمان


همسة :
لو كان الحب بالجمال بس كان الناس دى كلها حبت بنت واحدة بس

وانا ببصم معاك بالعشرة وصوتي معاك يافردة

[محب]

انا بكون اول واح يقيف جمبها
وإستحالة اتخلى عنها
وبعدين دة قدر ويمكن يحصل بعد الزواج كمان



url=http://www.l22l.com]http://www.l22l.com/uploads/a190e35baf.gif[/url]

[ود الجعلي]

لو في بنت انتا خاطبها و البنت دي في منتها الجمال و كل الناس كانت بتحسدك أنك مرتبط بها.... من كثر جمالها و أدبها و أنها محترمة و فجأة البنت دي حصلت حادثة لها وشوهتها و بقى منظرها بشع ........ موقفك إيه حتكمل و تتجوزوا ولا حتنسحب
أرجو من كل شخص يدخل أن يشارك بصدق تام يعنى يخت نفسه في مكانت الخاطب البنت ديى.


علي بالحرام ما بخليها

حتى

لو بقت كفتة

[تيسير]

الاخ ( حافظ ) بعد التحية ............
سا حكى لك هذه القصة فى البدء ذكرت احدى زميلاتى انها كانت مخطوبة وشاءت الاقدار ان تمرض مرضا شديدا ادخلها فى غيبوبة كانت تستيقظ منها للحظات تعى من حولها لترجع مرة اخرىالى غيبوبتها علما بانها بدأت فى شراء اثاث منزلها ولكن يا سيدى لم يزرها خطيبها الا مرتين فقط وكان اول مافعلته بعد قيامها بعد شهرين هو ان سلمته دبلته .........التى ماصان حق ودادها ولا عشرة ايامها .........( لاحظ هى مرضت فقط ولم تشوه )
صراحة اشك تماما فى ان هذا الشخص سيواصل اتعرف لماذا لاننا فقدنا معنى الحب فينا اصبح مجرد كلمات مستهلكة نتقن قولها ولا نعرف معناها الحقيقى ..........
على فكرة هذا ليس تشاؤما ولا تعقيدا من هذى القصص الشوهاء التى نسمعها كل يوم عن الخيانة والغدر ولكنا لسنا فى زمن تلك المرأة التى عندما يراها زوجها يحمد الله على ان اعطاه امراة جميلة مثلها وعندما تراه تقول عسى ان يكافأنى الله على صبرى على قبحه ............
ولك خالص الود