رضيانة يا الغبيانة

[أبوياسر]

جدي حاج علي ود الحسين ماخد ليهو أربعة نسوان وعندو سبعة وتلاتين من ولد لي بت وقام سمي أحمد مرتين وفاطمة مرتين قالوا ليهو أحمد دا ما عندك ياحاج علي قال خلاص واحد نخليهو أحمد الطيب والتاني أحمد المبارك قالوا ليهو خلاص دي إنحلت أها فاطنة دي بتحلها كيفن عاد؟؟؟؟؟
دحين أ ناس وحسب علمي مش الرئيس نميري ماخد ليهو فرد مرة علا الجعلي قريبي دا ماخد ليهو مرتين.
واليومه ديك شفت الجماعة إتلبسوا والعمم جارة بالواطة في شنو يا ناس؟ قالوا دا الجنا ود الأمين ماشين ياخدوا ليهو مرة من الحوش . وكمان عاينت لي نسوان فريقنا لقيت جميلة جارتي ماخدنها من جزيرة الفيل ورجاء ماخدنها من القسم الأول وزينب ماخدنها من العشير علا البت سماهر داك الليلة جا واحد أخدها من الخرتوم وبنات فريقنا الماخدنهن من بره كتار خلاص ونسوان بره الماخدنهن في فريقنا برضو عييييييييييييييك كتار خلاص .
أها أنا جبت ليكم كلام الطير في الباقير دا عشان أوصل الناس حتة في غاية الأهمية بمر عليها الجميع مرور الكرام لذا سوف نضعها اليوم في الفوكس في هذا المقال حتي نقرأ إنعكاساتها من كل الزوايا بمنتهي الحرية بمنتهي الشفافية وفي النهاية هي وجهات نظر.
فأقول لك أختي حاملة الدكتوراة الماخدك منو؟ وأنتي أختي حاملة البكلاريوس أخدوك ولا لسع؟
وإنتي يا بنية ما سمعنا بدور ياخدك ود فلان؟
أخدها بدور ياخدها ماخدنها أخدوها عبارات بسيطة تجري علي ألسنتنا منذ زمن سحيق وإلي هذه اللحظة نتداولها بشكل يومي وبصورة طبيعية خالص لم أري أبدا أحدا وقف عندها وما تحمل من معاني فهل خلاصة ما تحمل جعل غض الطرف عن ظاهر المعني القبيح؟؟؟؟؟
فإذا كانت التاية في بداية القرن العشرين قبلت بكل ذلك لطيبة نفسها وبساطتها وقناعاتها إنو البسويهو أبوها دا مهما كان إسمو فهو خير لها بل هي سعيدة بذلك إنها ماخدها فلان.
والتاية في زمن الإستغلال لم تختلف كثيرا عن تايتنا الأولي وكانت ربكة الإنضمام للعمل السياسي بجانب الرجل هو الهاجس الأكبر فتاية نميري أقصد التاية في زمن نميري توسعت لها المنابر وأصبح لها كيان يعرف بإسمها وبدأ صوتها يعلو ولكن دهشة الخطابة صرفت عنها النظر كونها ماخدها فلان !!!!!!
ووصلنا لي جيل الإنقاذ 360 جامعة بمستوي أقل من إبتدائي في الزمن السمح كم بلا كيف عدد بلا إعداد سطحية وقضايا إنصرافية أدوات التجميل وأغاني روبي والفديو كلب أشهر من قصيدة لمحمد المكي ابراهيم أو أغنية وطنية للعطبراوي يصف فيها سالفات العصر ( نساء يقمن مقام الرجال فيا للجسارة أكرم بهن )
خلاصة القول:
هل أنتي موافقة علي هذا التجني المقصود والغير مقصود؟
قطعاً إجابتك لالالا ...... طيب عملتي شنو عشان تغيري في هذا الواقع ؟
هذه دعوة ليست لكي وحدك أيتها التاية ولكن حتي عبد الرضي نتمني أن نري رايه وبهمس في أذنك يا عبد الرضي زولةً إنت ماخدها تقوم بعد دا تغسل ليها العدة؟؟؟

[عثمان جلالة]

الحبيب أبو ياسر .. لك كل الود .. وشكرا جزيلا يا بحر ... على الطرح الجيد ... والمعالجة النصية الرائعة ... لكن .. قالوا يا هولاكو الزمن اتغير وسجن الخوف العالي وعاتي وقع اتكسر ... نعم تغير الزمن ... والتايه في زمنا دا بقت مع الرجل في مرتبة واحدة ... الكلام دا عندنا ... والمشاركة في الحياه الزوجيه ضرورية ومطلوبة ... وما فيها حرج .. لأنو أنا ما بدفع ليها راتب للغسيل والمكوه والمطبخ المسألة حسب رأي الشخصي مسألة تفاهم في المقام الأول ... وموضوعك جيد لكن فيهو وجهات نظر كتيره .. تقبل مروري

[abu_ola]

صبحك الله بالخير يا أبو ياسر

تعرف يا الحبيب مرة قبل 5 سنوات تقريباً كنت جالس مع واحد ( عمنا في الحي و هو راجل صاخر جداً ) و كان بحكي لي فلانة الماخدا فلان ،،،، فلانة دي زمان فلان كان داير ياخده و شي من هذا القبيل فقلت ليهو يا عمي ما ماخده قول متزوجه فلان قام عملك عاين لي كــــدا و قال لي على الطلاق ماخده .... انت قايل الأخد دا كيف أول شي تعزل زولتك الدايره و بعدين تدفع قروشك و تجيب ليك شهود حتن يكتبو ليك ورقتك و بعد داك يسلموك المرة اهو دا الاخد و لا أنا غلطان ... حقيقة ما لقيت جواب ساعتها و مشيت خليت عملك يصفق في يديهو و يبرم شنباتو



بمشي و بجيك بعد شوية عشان نشوف اعمامك ناس ابو فلان ديل ماخدين كاش و لا بنظام التأجير مع الوعد بالتميلك المتوافق مع أحكام الشريعة الإسلامية

[معتز الريح]

الحبيب أبو ياسر ..
يا حبيب ملاحظتك جميلة وحلوة ولكن ..
لم يتبادر إلى ذهني المعنى الطبيعي لكلمة ماخدها ..
كل ما اسمع فلانة ماخدها فلان أمشي على الزواج طوالي ..
وبس بدون لف حوالين المعنى ..
ومثلي كثير .. انت يا ابوياسر افترض حسن النية ..
وخذ المعنى المجازي ..

لكن تعال لي بي جاي ..
أنت قلبت ولا شنو؟ ..
حمد لله على السلامة ..
ومرحب بيك في مجموعتنا ..

[samar_taha]

الأخ أبو ياسر
دعني في البدء اسطر لك التحايا والإطراء على الموضوع الجميل
وثانياً أحييك على إنضمامك لمجموعة أخونا معتز (الحقانية ) والمناصرة لحقوق المرأة المهضومة في مجتمعنا الذكوري الحاد
بالنسبة لموضع الأخد وما الأخد فإن هذا المصطلح واحد من بين مصطلحات وأفكار و عادات عديدة خاطئة سادت في عصور أسلافنا وأجدادنا القدماء , ولكنها الان بادت واندثرت في معظم مناطق السودان (الا القليل ) , ولكن يا أخي الكريم دعني ألفت نظرك للمسألة الأهم من مسألة الألفاظ , ألا وهي مسألة الكيفية والطريقة التي يتم بها الزواج , ففي العهد الذي كانت تتداول فيه مثل هذه الكلمة كانت العروس اخر المعنين في مسألة زواجها و الذي يبدأ و ينتهي بموافقة وتخطيط وتنفيذ الأب والعم والنسيب ودون للرجوع للفتاه أو استشارتها حتى في أهم مسألة في حياتها .
أما الان فالوضع مختلف تماماً فالشابة تقابل الشاب و تتفق معاه ويجهزوا ويخططوا لكل صغيرة وكبيرة بدءاً من تفاصيل الزواج وحتى المدارس اللي حيدرسوا فيها الأولاد في المستقبل .
ومن ثم تأتي موافقة الأب والذي من المؤكد حيكون موافق بدون شروط لأنو ما صدق البت جاها عريس .
والعريس المسكين يدفع دم قلبو طائعاً مختاراً للدهب الماليزي والحمام المغربي و الزفة المصرية والأثيوبية والكوافيرة الهندية و اللبنانية والغناية والصالة المغلقة .
والأثاث الصيني والسجاد الإيراني وهلم جرا.........
يعني في الاخر يا استاذ ياسر مسألة اخدوها وماخدا دي مجرد لفظ متعارف عليهو يعبر عن الزواج لا أكثر وفي طريقو للإنقراض تماماً مثل عادة تزويج البنات بدون موافقتهن .

[معتز الريح]

لكن عندنا راي في العنوان ..
وكان ما عملت كده ما تبقى أبوياسر حبيبنا ..

[أبوياسر]

الحبيب أبو ياسر .. لك كل الود .. وشكرا جزيلا يا بحر ... على الطرح الجيد ... والمعالجة النصية الرائعة ... لكن .. قالوا يا هولاكو الزمن اتغير وسجن الخوف العالي وعاتي وقع اتكسر ... نعم تغير الزمن ... والتايه في زمنا دا بقت مع الرجل في مرتبة واحدة ... الكلام دا عندنا ... والمشاركة في الحياه الزوجيه ضرورية ومطلوبة ... وما فيها حرج .. لأنو أنا ما بدفع ليها راتب للغسيل والمكوه والمطبخ المسألة حسب رأي الشخصي مسألة تفاهم في المقام الأول ... وموضوعك جيد لكن فيهو وجهات نظر كتيره .. تقبل مروري
حبيبنا جلالة
أشكر ليك مرورك الأنيق
أما عن المشاركة فهي ليست قضيتنا في هذا الطرح وإنما نود النقاش حول الفهم لقضية مسمي الزواج بهذا اللفظ الغير لايق وهو (ماخدها أخدوها ماخدنها) وبعدين ياأخي غسل العدة بي راحتك في زول سألك براكم بتهبشوا في ريسينكم

[أبوياسر]

صبحك الله بالخير يا أبو ياسر

تعرف يا الحبيب مرة قبل 5 سنوات تقريباً كنت جالس مع واحد ( عمنا في الحي و هو راجل صاخر جداً ) و كان بحكي لي فلانة الماخدا فلان ،،،، فلانة دي زمان فلان كان داير ياخده و شي من هذا القبيل فقلت ليهو يا عمي ما ماخده قول متزوجه فلان قام عملك عاين لي كــــدا و قال لي على الطلاق ماخده .... انت قايل الأخد دا كيف أول شي تعزل زولتك الدايره و بعدين تدفع قروشك و تجيب ليك شهود حتن يكتبو ليك ورقتك و بعد داك يسلموك المرة اهو دا الاخد و لا أنا غلطان ... حقيقة ما لقيت جواب ساعتها و مشيت خليت عملك يصفق في يديهو و يبرم شنباتو



بمشي و بجيك بعد شوية عشان نشوف اعمامك ناس ابو فلان ديل ماخدين كاش و لا بنظام التأجير مع الوعد بالتميلك المتوافق مع أحكام الشريعة الإسلامية
حبيبنا أبوعلا
وينك يا مان قوية نظام التمليك دي أتاري الوحدة بتخلق الإبداع
منتظرك بس ما تطول

[أبوياسر]

الأخ أبو ياسر
دعني في البدء اسطر لك التحايا والإطراء على الموضوع الجميل
وثانياً أحييك على إنضمامك لمجموعة أخونا معتز (الحقانية ) والمناصرة لحقوق المرأة المهضومة في مجتمعنا الذكوري الحاد
بالنسبة لموضع الأخد وما الأخد فإن هذا المصطلح واحد من بين مصطلحات وأفكار و عادات عديدة خاطئة سادت في عصور أسلافنا وأجدادنا القدماء , ولكنها الان بادت واندثرت في معظم مناطق السودان (الا القليل ) , ولكن يا أخي الكريم دعني ألفت نظرك للمسألة الأهم من مسألة الألفاظ , ألا وهي مسألة الكيفية والطريقة التي يتم بها الزواج , ففي العهد الذي كانت تتداول فيه مثل هذه الكلمة كانت العروس اخر المعنين في مسألة زواجها و الذي يبدأ و ينتهي بموافقة وتخطيط وتنفيذ الأب والعم والنسيب ودون للرجوع للفتاه أو استشارتها حتى في أهم مسألة في حياتها .
أما الان فالوضع مختلف تماماً فالشابة تقابل الشاب و تتفق معاه ويجهزوا ويخططوا لكل صغيرة وكبيرة بدءاً من تفاصيل الزواج وحتى المدارس اللي حيدرسوا فيها الأولاد في المستقبل .
ومن ثم تأتي موافقة الأب والذي من المؤكد حيكون موافق بدون شروط لأنو ما صدق البت جاها عريس .
والعريس المسكين يدفع دم قلبو طائعاً مختاراً للدهب الماليزي والحمام المغربي و الزفة المصرية والأثيوبية والكوافيرة الهندية و اللبنانية والغناية والصالة المغلقة .
والأثاث الصيني والسجاد الإيراني وهلم جرا.........
يعني في الاخر يا استاذ ياسر مسألة اخدوها وماخدا دي مجرد لفظ متعارف عليهو يعبر عن الزواج لا أكثر وفي طريقو للإنقراض تماماً مثل عادة تزويج البنات بدون موافقتهن .
سمر
قولي آمين ياسمر ربي يديك الفي بالك ويكتر أمثالك
أولاً يابت طه أنا لم أنضم ولن أنضم لجمعية الرفق بالقوارير ومبروك عليكم معتز وخليفته رضا
ثانيا الحديث عن بعض الحقائق لا يعني تبني مواقف وبعدين إنتو آخر سطر همسته في أذن عبد الرضي ما قريتوا وبعين إنتي من زمن العريس البجيب الفرش الإيراني والطقم الصيني دا وحات سيدي الحسن مشي مع ناس جدي حاج علي الماخد ليهو أربعة نسوان

[أبوياسر]

الحبيب أبو ياسر ..
يا حبيب ملاحظتك جميلة وحلوة ولكن ..
لم يتبادر إلى ذهني المعنى الطبيعي لكلمة ماخدها ..
كل ما اسمع فلانة ماخدها فلان أمشي على الزواج طوالي ..
وبس بدون لف حوالين المعنى ..
ومثلي كثير .. انت يا ابوياسر افترض حسن النية ..
وخذ المعنى المجازي ..

لكن تعال لي بي جاي ..
أنت قلبت ولا شنو؟ ..
حمد لله على السلامة ..
ومرحب بيك في مجموعتنا ..
صديقي العزيز
عهدي بيك حاد الذكاء
ماذا جري؟
والله لوشكيتوها ودكيتوها عشرة مرات ما بقلب شايف
سمر برضو ذهبت لفهم مماثل أرجعوا وأقروا الموضوع تاني

[معتز الريح]

ابو ياسر الحبيب .. ماتغشنا ساي وتاكلنا بكلامك ده ..
أخدها بالدارجي بمعنى شالها ..
والكلمة ما عندها علاقة بالشراء والبيع ..
ما تخمنا يا حبيب ..

[أبوياسر]

ابو ياسر الحبيب .. ماتغشنا ساي وتاكلنا بكلامك ده ..
أخدها بالدارجي بمعنى شالها ..
والكلمة ما عندها علاقة بالشراء والبيع ..
ما تخمنا يا حبيب ..

الحبيب أبو ساطع
أنا لم أقم بشرح أو تبني موقف لمعني الأخد ولو أخدنا بكلامك دا والله أخدها بتمشي لأبعد من تزوجها أنا فهمي إنو الغاية نبيلة والوسلية قبيحة في كلمة أخدها ولو عايز نغوص في المعاني الدارجية ما عندي مانع بجيب ليك أستاذ صلاح ود الطاهر وطبقات ود ضيف الله ومعجم عون الشريف قاسم

[صلاح ودالطاهر]

موضوع في غاية الروعه لكن الماعرف يقول عدس

[رضا حسن محمد]

ابو ياسر يا فردة
مواضيعك دائما فى قمة الروعة مثلك
اما بالنسبة لى انا اجاوب سوالك
انو الماخدة انا مما شفتها زمان فى جامعةالخرتوم سنة .......
انا ماخدة لكن هى ماخدة قلبى تلعب بيهو
وعليك امان الله اجى داخل القاها بتفرك فى الخدرة اشيل منها المفراكة
واجضم ليك الفرك دة جنس جضيم
مش كدة وبس لو كانت مشغولة والبت السغيرة وسخت بغسلا وانا فى قمة السعادة
وعليك امان الله انا هى تيمان برقو الما بنقرو( تبارك الله)
حمد والديبة
وزى ما وعدت صاحبى ود الريح اقول الكلام دة فى المنتدى العام
اها قلتو شنو
وبعد دة جدى كاتل ليهو اسد
وانا ارجل واحد فى المنتدى دة
ويقد عينى ما فى زول مجضم الامور فى بيتو زى
( مرة قلت لعبد الرحمن خالى يقد عينى مافى زول هارش مرتو غيرى قال لى عينك نبرأ يا يا با )

[معتز الريح]

وانا ارجل واحد فى المنتدى دة


مافي شك ..

[أبوياسر]

موضوع في غاية الروعه لكن الماعرف يقول عدس

ود الطاهر
لا عدمناك يارجل وشايلنك للحصص والمحاضرات

[أبوياسر]

ابو ياسر يا فردة
مواضيعك دائما فى قمة الروعة مثلك
اما بالنسبة لى انا اجاوب سوالك
انو الماخدة انا مما شفتها زمان فى جامعةالخرتوم سنة .......
انا ماخدة لكن هى ماخدة قلبى تلعب بيهو
وعليك امان الله اجى داخل القاها بتفرك فى الخدرة اشيل منها المفراكة
واجضم ليك الفرك دة جنس جضيم
مش كدة وبس لو كانت مشغولة والبت السغيرة وسخت بغسلا وانا فى قمة السعادة
وعليك امان الله انا هى تيمان برقو الما بنقرو( تبارك الله)
حمد والديبة
وزى ما وعدت صاحبى ود الريح اقول الكلام دة فى المنتدى العام
اها قلتو شنو
وبعد دة جدى كاتل ليهو اسد
وانا ارجل واحد فى المنتدى دة
ويقد عينى ما فى زول مجضم الامور فى بيتو زى
( مرة قلت لعبد الرحمن خالى يقد عينى مافى زول هارش مرتو غيرى قال لى عينك نبرأ يا يا با )

سلامة عينك يا رضا ي أخوي
وسلامة سكين الجعلي

[المهاجم2]

كرا لك اخى ابو ياسر على الموضوع الرائع فعلا واللذى يحكى بعض التغييرات على الامة السودانية واود ان اقول ان هذا الموضوع القيم اللذى ترحطة بكل بساطة قد ضم عدة مواضيع فى غاية الاهمية
1/تعدد الزوجات
2/الجامعات السودانية
3/ انعكاسات التعلم على المرأة
4/ ضعف المناهج الجامعية
وغيرها كثير من المواضيع الجانبية ذات الصلة
حقيقة اخى الموضوع متشعب جدا
ولنا عودة

[samar_taha]

ابو ياسر يا فردة
مواضيعك دائما فى قمة الروعة مثلك
اما بالنسبة لى انا اجاوب سوالك
انو الماخدة انا مما شفتها زمان فى جامعةالخرتوم سنة .......
انا ماخدة لكن هى ماخدة قلبى تلعب بيهو
وعليك امان الله اجى داخل القاها بتفرك فى الخدرة اشيل منها المفراكة
واجضم ليك الفرك دة جنس جضيم
مش كدة وبس لو كانت مشغولة والبت السغيرة وسخت بغسلا وانا فى قمة السعادة
وعليك امان الله انا هى تيمان برقو الما بنقرو( تبارك الله)
حمد والديبة
وزى ما وعدت صاحبى ود الريح اقول الكلام دة فى المنتدى العام
اها قلتو شنو
وبعد دة جدى كاتل ليهو اسد
وانا ارجل واحد فى المنتدى دة
ويقد عينى ما فى زول مجضم الامور فى بيتو زى
( مرة قلت لعبد الرحمن خالى يقد عينى مافى زول هارش مرتو غيرى قال لى عينك نبرأ يا يا با )

رضا
هلا هلا
عفيييت منك يا ود عمي
واريتا الرجالة تطير ان ما بقت زي ده
والله كلامك ده ضربة لجمعية أبو ياسر المعادية في مقتل
ربنا يديمك لينا إنت وود الريح
ويكتر من أمثالكم

[طارق محمد الحسن]

اخى ابو ياسر السلام عليكم واللة موضوعك جميل ولكن لكل زمان رجال ونساء وانت بتتكلم عن الزمن الجميل والزمن داك ماكانت المرأة متعلمة زى الان ولكن باختلاف الزمان وانتشار التعليم على مستوى كبير وخصوصا المرأة اصبحت المراة اكثر وعيا وادراكا واصبحت من الارقام ففى جميع المجالات اما بخصوص اخدوها والمعنى انا بفتكر انو اللفظ مامشكلة لانو مابيجرح شعور المراة لانو دى من الثقافات المحلية المتعارف عليهافى السودان وفى النهاية اخدوها اوصافحوها اوعقدوليها اواتزوجوها كلها حاجة واحدة والمهم النتيجة النهائية وذلك المقصود ..........ولك ودى

[مصطفي دعوب]

رضا
هلا هلا
عفيييت منك يا ود عمي
واريتا الرجالة تطير ان ما بقت زي ده
والله كلامك ده ضربة لجمعية أبو ياسر المعادية في مقتل
ربنا يديمك لينا إنت وود الريح
ويكتر من أمثالكم

والله ذي ماقال اخونا ياسر سلامة عينك وسلامة سكين الجعلي
وانا كنت استنتج الأمور من كتاباتك لكن الليلة وقعت لي . فرك الخدرة وغسيل الشفع وهو نان غسيل ساي ده غسيل شافع موسخ ! وبرضو تقول لي جدك كتل الأسد !!!!!!!!!!!!!!
والله جدك ده كان لمه فيك وانت بتفركه ماكان تعب وكتل الأسد كان كتلك انت .
وتقول لي حمد والديبة . علي الطلاق نحن في البلد الراجل والمرة اصلو مابتلاقو ، في شهر العسل اول حاجة يمشي الراجل وبعد مايجي تمشي المره . وعلي الطلاق المرة اسم راجلا مابتجيبو في خشما ( ابو الوليدات ، ابونا ) .
ياخي انا كل ما أخش قسم في المنتدي القي جدك الكتل الاسد ( قديتنا قد بجدك ده ) وكان صحي جدك كتل ليهو اسد يبقي المثل صحيح ( النار بتلد الرماد ) جدك يكتل في الاسد وانت بتفرك في الخدرة وتغسل في الشفع وعامل لي فيها حمد والديبة ( بري يايمة من رجال الزمن ده ) . وعبدالرحمن خالك صدق والله ( تبرأ عينك يا يابا )
وفي جماعة يسخنو في الدلوكة ( هلا هلا عفييييييييت منك ياود عمي ) عاوزين كل الرجال يكونو زيك .

ومع ان الزمن تغير عما كان علية في الاول واصبحت المرأة تنادي بالمساواة مع الرجل . واصبحت تطالب بكامل الحقوق في اختيار شريك الحياة ولها حق الرفض والقبول . وزمان كنا نسمع ( البت لي بت عمها ، ود العم برجع السيرة ، الجنا ده حاجز البت دي ) وكلها مفاهيم بدأت تتغير مع تطور الزمن .
نأمل أن تزول مفاهيم خاطئة كانت تمارس في الماضي لكن ما لدرجة رضا ود حسن ( فرك عديل كده ؟ !!! ) .

[samar_taha]

مصطفى يا ودعوب
أنا يا خوي شاماك من ساعة شفتك عندي في العوانس بيهناك أسا رضا ود عمي ده سألك ؟؟؟
وعلي أنا الطلاق الما طلاقك طلاق بالأربعة كمان ( وحدة فوق البيعة :cool: )
رضا أخوي ده أبو الرجالة ذاتا وسيدا ومقدده
أها كيف ليك ؟؟؟

[مصطفي دعوب]

مصطفى يا ودعوب
أنا يا خوي شاماك من ساعة شفتك عندي في العوانس بيهناك أسا رضا ود عمي ده سألك ؟؟؟
وعلي أنا الطلاق الما طلاقك طلاق بالأربعة كمان ( وحدة فوق البيعة :cool: )
رضا أخوي ده أبو الرجالة ذاتا وسيدا ومقدده
أها كيف ليك ؟؟؟


تعرفي يابت طه انا بتكيف جداً لمن القي زول شاميني .
(هناك زول شاميك معناها انت في السلك )
ورضا ده مكرهني في ( جني وجن ) عشان كده انا بلاحقو في اي مكان محل مايمشي انا وراهو .
ورجالة رضا مبروكة عليكم .

واحد قال ليهو من هم ارجل ناس في الحلة ؟
قال ليهم ارجل ناس في الحلة خمسة :
( نمرة واحد مرتي ، نمرة اتنين فاضية ، تلاتة فاضية ، اربعة فاضية ، نمرة خمسة انا )

[رضا حسن محمد]

والله ذي ماقال اخونا ياسر سلامة عينك وسلامة سكين الجعلي
وانا كنت استنتج الأمور من كتاباتك لكن الليلة وقعت لي . فرك الخدرة وغسيل الشفع وهو نان غسيل ساي ده غسيل شافع موسخ ! وبرضو تقول لي جدك كتل الأسد !!!!!!!!!!!!!!
والله جدك ده كان لمه فيك وانت بتفركه ماكان تعب وكتل الأسد كان كتلك انت .
وتقول لي حمد والديبة . علي الطلاق نحن في البلد الراجل والمرة اصلو مابتلاقو ، في شهر العسل اول حاجة يمشي الراجل وبعد مايجي تمشي المره . وعلي الطلاق المرة اسم راجلا مابتجيبو في خشما ( ابو الوليدات ، ابونا ) .
ياخي انا كل ما أخش قسم في المنتدي القي جدك الكتل الاسد ( قديتنا قد بجدك ده ) وكان صحي جدك كتل ليهو اسد يبقي المثل صحيح ( النار بتلد الرماد ) جدك يكتل في الاسد وانت بتفرك في الخدرة وتغسل في الشفع وعامل لي فيها حمد والديبة ( بري يايمة من رجال الزمن ده ) . وعبدالرحمن خالك صدق والله ( تبرأ عينك يا يابا )
وفي جماعة يسخنو في الدلوكة ( هلا هلا عفييييييييت منك ياود عمي ) عاوزين كل الرجال يكونو زيك .

ومع ان الزمن تغير عما كان علية في الاول واصبحت المرأة تنادي بالمساواة مع الرجل . واصبحت تطالب بكامل الحقوق في اختيار شريك الحياة ولها حق الرفض والقبول . وزمان كنا نسمع ( البت لي بت عمها ، ود العم برجع السيرة ، الجنا ده حاجز البت دي ) وكلها مفاهيم بدأت تتغير مع تطور الزمن .
نأمل أن تزول مفاهيم خاطئة كانت تمارس في الماضي لكن ما لدرجة رضا ود حسن ( فرك عديل كده ؟ !!! ) .

اها جيتكيا المدقلب
يا ابو الشباب الراجل يشوف مرتو فى شهر العسل مرة واحدة دى مرة ولا تسريحة
والمرة ما تجيب اسم الراجل فى خشما دةاسم راجل ولا موية نار
والله انا مرتى ما تقول يا رضاى ما اتكيف
ولمان نختلف نكون بنطيع الصاح زى ما قال ابو الوروود
وبعدين تقول لى الجنا دة حاجز البت دى هى دى بت ولا صرفت صندوق
وتصدق وتامن بالله نحنا مطبقين الديمقراطية فى اروع صورا
والاحترام متبادل صغار وكبار
الحبكانة نار منقد
وانت تطلق شنو يا المدقلب الا تطلق كرعينك
تلم فى القروش وخايف من حق الكوافير
قال الجنا دو حاجز البت دى
الشى دولاب
هيييييييييييييع يا المدقلب

[رضا حسن محمد]

مصطفى يا ودعوب
أنا يا خوي شاماك من ساعة شفتك عندي في العوانس بيهناك أسا رضا ود عمي ده سألك ؟؟؟
وعلي أنا الطلاق الما طلاقك طلاق بالأربعة كمان ( وحدة فوق البيعة :cool: )
رضا أخوي ده أبو الرجالة ذاتا وسيدا ومقدده
أها كيف ليك ؟؟؟
يا مجلوبة فى قافلة رق
ما بستحمل صدرك رصاصة ظلم
يا صابة رحم الفال
يا قطعة حبل الحلم


وعلى الطلاق مش زى طلاق المدقلب دة
انتى تملى العين وتفضلى

[مصطفي دعوب]

يا مجلوبة فى قافلة رق
ما بستحمل صدرك رصاصة ظلم
يا صابة رحم الفال
يا قطعة حبل الحلم


وعلى الطلاق مش زى طلاق المدقلب دة
انتى تملى العين وتفضلى

يامجلوبة في صحن بوش
مابستحمل كلامك رضا المهبوش
ياصبة موية نار في رضا المهروش
يا حالقة شعر رضا المنفوش

هو العين دي يملوها ناس بت طه والا يملوها خدرة مفروكة .
قال ارجل واحد قال !!!

[رضا حسن محمد]

يامجلوبة في صحن بوش
مابستحمل كلامك رضا المهبوش
ياصبة موية نار في رضا المهروش
يا حالقة شعر رضا المنفوش

هو العين دي يملوها ناس بت طه والا يملوها خدرة مفروكة .
قال ارجل واحد قال !!!

وعليكالله يا المدقلب
العين دى كان ما ملوها ناس بت عم طه
البملاها منو
تملاها انت يا المدقلب ؟؟

[samar_taha]

يا مجلوبة فى قافلة رق
ما بستحمل صدرك رصاصة ظلم
يا صابة رحم الفال
يا قطعة حبل الحلم


وعلى الطلاق مش زى طلاق المدقلب دة
انتى تملى العين وتفضلى

تسلم يا عشاي يا أبو الرجال
الغدا جاهز أبقى مارق إنت والوليدات والمدام

[رضا حسن محمد]

تسلم يا عشاي يا أبو الرجال
الغدا جاهز أبقى مارق إنت والوليدات والمدام

ابشرى يا بت طه
انا قبل ساعة بس استلمت الجواز
خلاس ( يا قول مدنية ) جيتكم مارق تب

[تباريح الهوى]

الأخ أبو ياسر
دعني في البدء اسطر لك التحايا والإطراء على الموضوع الجميل
وثانياً أحييك على إنضمامك لمجموعة أخونا معتز (الحقانية ) والمناصرة لحقوق المرأة المهضومة في مجتمعنا الذكوري الحاد
بالنسبة لموضع الأخد وما الأخد فإن هذا المصطلح واحد من بين مصطلحات وأفكار و عادات عديدة خاطئة سادت في عصور أسلافنا وأجدادنا القدماء , ولكنها الان بادت واندثرت في معظم مناطق السودان (الا القليل ) , ولكن يا أخي الكريم دعني ألفت نظرك للمسألة الأهم من مسألة الألفاظ , ألا وهي مسألة الكيفية والطريقة التي يتم بها الزواج , ففي العهد الذي كانت تتداول فيه مثل هذه الكلمة كانت العروس اخر المعنين في مسألة زواجها و الذي يبدأ و ينتهي بموافقة وتخطيط وتنفيذ الأب والعم والنسيب ودون للرجوع للفتاه أو استشارتها حتى في أهم مسألة في حياتها .
أما الان فالوضع مختلف تماماً فالشابة تقابل الشاب و تتفق معاه ويجهزوا ويخططوا لكل صغيرة وكبيرة بدءاً من تفاصيل الزواج وحتى المدارس اللي حيدرسوا فيها الأولاد في المستقبل .
ومن ثم تأتي موافقة الأب والذي من المؤكد حيكون موافق بدون شروط لأنو ما صدق البت جاها عريس .
والعريس المسكين يدفع دم قلبو طائعاً مختاراً للدهب الماليزي والحمام المغربي و الزفة المصرية والأثيوبية والكوافيرة الهندية و اللبنانية والغناية والصالة المغلقة .
والأثاث الصيني والسجاد الإيراني وهلم جرا.........
يعني في الاخر يا استاذ ياسر مسألة اخدوها وماخدا دي مجرد لفظ متعارف عليهو يعبر عن الزواج لا أكثر وفي طريقو للإنقراض تماماً مثل عادة تزويج البنات بدون موافقتهن .

بعدين يابت طه قولى اخدوها دحين هو لو ماكانت عاجباه وعاجباه وتانى عاجباه ومكسرا وكاتله عديل كده كلن دفع دم قلبو وجاب وجاب ..... الناس ديل مايتكلموا ساى.
قال شنو رضيانة ياالغبيانة اناغبيانة انت يقولوا عليك شنو ماخد ليك واحدة غبيه ؟
غايتو نحن عندنا لو مالراجل غسل العدة و ورق الخدرة الكلام وراءه كلام .
وفوق ده ووداك ليهم كل الاحترام شايلنهم تاج فوق راسنا

دمتم بودوتقدير

[أبوياسر]

كرا لك اخى ابو ياسر على الموضوع الرائع فعلا واللذى يحكى بعض التغييرات على الامة السودانية واود ان اقول ان هذا الموضوع القيم اللذى ترحطة بكل بساطة قد ضم عدة مواضيع فى غاية الاهمية
1/تعدد الزوجات
2/الجامعات السودانية
3/ انعكاسات التعلم على المرأة
4/ ضعف المناهج الجامعية
وغيرها كثير من المواضيع الجانبية ذات الصلة
حقيقة اخى الموضوع متشعب جدا
ولنا عودة

أخي المهاجم
لك مني آلاف التحايا
لقد لامست جرحي تماما كتر الله من أمثالك

[أبوياسر]

تسلم يا عشاي يا أبو الرجال
الغدا جاهز أبقى مارق إنت والوليدات والمدام

سمر
علي الطلاق الما متل طلاقك أنا ووليداتي عازمين روحنا في الغداء دا
عشان يبقي الرأي والرأي الآخر ولا الإتجاه المعاكس

[أبوياسر]

اخى ابو ياسر السلام عليكم واللة موضوعك جميل ولكن لكل زمان رجال ونساء وانت بتتكلم عن الزمن الجميل والزمن داك ماكانت المرأة متعلمة زى الان ولكن باختلاف الزمان وانتشار التعليم على مستوى كبير وخصوصا المرأة اصبحت المراة اكثر وعيا وادراكا واصبحت من الارقام ففى جميع المجالات اما بخصوص اخدوها والمعنى انا بفتكر انو اللفظ مامشكلة لانو مابيجرح شعور المراة لانو دى من الثقافات المحلية المتعارف عليهافى السودان وفى النهاية اخدوها اوصافحوها اوعقدوليها اواتزوجوها كلها حاجة واحدة والمهم النتيجة النهائية وذلك المقصود ..........ولك ودى

أخي الفتي الرائع طارق
أشكر مرورك الأنيق وإضافتك في حق المرأة
لك خالص ودي وتقديري

[أبوياسر]

بعدين يابت طه قولى اخدوها دحين هو لو ماكانت عاجباه وعاجباه وتانى عاجباه ومكسرا وكاتله عديل كده كلن دفع دم قلبو وجاب وجاب ..... الناس ديل مايتكلموا ساى.
قال شنو رضيانة ياالغبيانة اناغبيانة انت يقولوا عليك شنو ماخد ليك واحدة غبيه ؟
غايتو نحن عندنا لو مالراجل غسل العدة و ورق الخدرة الكلام وراءه كلام .
وفوق ده ووداك ليهم كل الاحترام شايلنهم تاج فوق راسنا

دمتم بودوتقدير

شكراً جزيلا وبارك الله فيك

[أبوياسر]

والله ذي ماقال اخونا ياسر سلامة عينك وسلامة سكين الجعلي
وانا كنت استنتج الأمور من كتاباتك لكن الليلة وقعت لي . فرك الخدرة وغسيل الشفع وهو نان غسيل ساي ده غسيل شافع موسخ ! وبرضو تقول لي جدك كتل الأسد !!!!!!!!!!!!!!
والله جدك ده كان لمه فيك وانت بتفركه ماكان تعب وكتل الأسد كان كتلك انت .
وتقول لي حمد والديبة . علي الطلاق نحن في البلد الراجل والمرة اصلو مابتلاقو ، في شهر العسل اول حاجة يمشي الراجل وبعد مايجي تمشي المره . وعلي الطلاق المرة اسم راجلا مابتجيبو في خشما ( ابو الوليدات ، ابونا ) .
ياخي انا كل ما أخش قسم في المنتدي القي جدك الكتل الاسد ( قديتنا قد بجدك ده ) وكان صحي جدك كتل ليهو اسد يبقي المثل صحيح ( النار بتلد الرماد ) جدك يكتل في الاسد وانت بتفرك في الخدرة وتغسل في الشفع وعامل لي فيها حمد والديبة ( بري يايمة من رجال الزمن ده ) . وعبدالرحمن خالك صدق والله ( تبرأ عينك يا يابا )
وفي جماعة يسخنو في الدلوكة ( هلا هلا عفييييييييت منك ياود عمي ) عاوزين كل الرجال يكونو زيك .

ومع ان الزمن تغير عما كان علية في الاول واصبحت المرأة تنادي بالمساواة مع الرجل . واصبحت تطالب بكامل الحقوق في اختيار شريك الحياة ولها حق الرفض والقبول . وزمان كنا نسمع ( البت لي بت عمها ، ود العم برجع السيرة ، الجنا ده حاجز البت دي ) وكلها مفاهيم بدأت تتغير مع تطور الزمن .
نأمل أن تزول مفاهيم خاطئة كانت تمارس في الماضي لكن ما لدرجة رضا ود حسن ( فرك عديل كده ؟ !!! ) .

مصطفي يا أخوي
ما تتعب نفسك مع رضا ود حسن دا شغال بي خطة 4 2 4
يعني بطبق في نظرية بغسل عدتي وبورق خدرتي وبسمع كلام مرتي وبسلمها جوالي

[رضا حسن محمد]

مصطفي يا أخوي
ما تتعب نفسك مع رضا ود حسن دا شغال بي خطة 4 2 4
يعني بطبق في نظرية بغسل عدتي وبورق خدرتي وبسمع كلام مرتي وبسلمها جوالي

شيلوهو انبوبة الغاز
كر على منو
سفروهو ابحراز
كر على منو
شنب بارووكة قزاز
كر على منو
الهرشو وانغاز
كر على منو
شروهو السلسل الهزاز
كر على منو
عامل فيها استاذ
كرعلى منو
اب شنب اللاواز
كر على منو

[samar_taha]

بعدين يابت طه قولى اخدوها دحين هو لو ماكانت عاجباه وعاجباه وتانى عاجباه ومكسرا وكاتله عديل كده كلن دفع دم قلبو وجاب وجاب ..... الناس ديل مايتكلموا ساى.
قال شنو رضيانة ياالغبيانة اناغبيانة انت يقولوا عليك شنو ماخد ليك واحدة غبيه ؟
غايتو نحن عندنا لو مالراجل غسل العدة و ورق الخدرة الكلام وراءه كلام .
وفوق ده ووداك ليهم كل الاحترام شايلنهم تاج فوق راسنا

دمتم بودوتقدير

والله يا تباريح الهوى جبتي المفيد
إحنا فعلا شايلنهم فوق الرؤووس , وفيهم الناس البتقدر وتفهم كده و يردوا التقدير ده بي غسيل العدة كنوع من التقدير المتبادل , وفي ناس زي ناس أبو ياسر كده لا بعجبن العجب ولا الصيام في رجب

[samar_taha]

سمر
علي الطلاق الما متل طلاقك أنا ووليداتي عازمين روحنا في الغداء دا
عشان يبقي الرأي والرأي الآخر ولا الإتجاه المعاكس

والله يا أبو ياسر حبابك عشرة لكن جيب معاك ( حجاز ) أنا ومدنية ما بنقدر نحجزكم إنت ورضا
لكن يا خوي دحين بعد ما اشتريت الدهيبات فاضل ليك قروش تنزل بيها الإجازة
والله إنت فت الكبار والقدرك

[مصطفي دعوب]

معليش رضا المساهمة دي مكررة مفروض تكون هنا وانا نزلتها في جني وجن
يعني تمشي هناك تلقاها تجي هنا تلقاها


رضا حسن بغسل العدة

يلبس الفوطة ويكنس الاوضة
يجهز الاولاد يلحقو الروضة

رضا حسن بغسل العدة

بت طه قالت ليك جيب معاك دكوة
وأمشي للغسال إتناول المكوة

رضا حسن بغسل العدة

بت دبلوك في السرير تضرب المنكير
ورضا بالشغل حيلو انهدا

رضا حسن بغسل العدة

بت دبلوك قالت ليك اوع تتهدا
تضربو ام دلدوم وحلقو انسدا


رضا حسن بغسل العدة

في المكتب تمضي ورقة في ورقة
وفي البيت بتطبخ المرقة

رضا حسن بغسل العدة

[samar_taha]

بت طه قالت ليك جيب معاك دكوة
وأمشي للغسال إتناول المكوة

أسى أنا يا مصطفى مدخلني في الأوبريت ده ليه

[مصطفي دعوب]

بت طه قالت ليك جيب معاك دكوة
وأمشي للغسال إتناول المكوة

أسى أنا يا مصطفى مدخلني في الأوبريت ده ليه

والله انا رضا ده عدوي وذي ماقلت ( صديق رضا عدوي وعدو رضا صديقي )
بعدين الأسم جاء متناسق مع الاوبريت .
اه شنو ليك !!!