المساعد الشخصي الرقمي

مشاهدة النسخة كاملة : من يوم دخلت منتديات ودمدني ماسك موية في النفاج


عوض الكواكب
24-07-2007, 07:30 AM
والله انا في نفاج صحي صحي قدر ما أسد نفاج
انفتح نفاج انقاية النفاج الظاهر انو سقايته صعبة
براي ما بقدر امسك فيها موية
ود المطامير
24-07-2007, 08:10 AM
يازول إنت بصحك ؟
هو تومى صلاح ختوهو فى الكرسى الساخن ليه ؟
عشان يطفوا المعارضه .
عوض الكواكب
25-07-2007, 01:16 AM
طيب ياودالمطامير سد معاي نفاج واحد والباقي بتمو براي ولا اديني كف انا
اصلي ذي الانقلبت بي عربية
abu_ola
25-07-2007, 04:42 AM
الغالي عوض الكواكب

النفجات دي يا جنا حشاي فاتحة على القلوب و جايبة ريحة الطيبة و الأصالة و عبق التاريخ و زايدة الناس محنة على المحنة الفيها

كدي دحين وقت الله جابك افتح نفاج قلبك على باقي نفاجات القلوب الطاهرة دي و زيد ابتسامتك شبر و نم و دوبي معانا يا عشا البايتات
عثمان جلالة
25-07-2007, 05:00 AM
والله يا كواكب .. نحن ما بنشم الهوا السمح إلا في نفاجنا ده بنجي راسنا ده داير يطير .. ومن ندخل كدي نمشي .. بي نفاج بورتبيل تلقاهو كدي قاعد في بوتيكو تسمع ليك نضمه نضمتين وكلام أسكت ساي يرد الروح .. وتسرق روحك سرقه يلاقيك ود المطامير ورضا .. عاملين دوريه ... رضا بي عكازه ويقول ليك جني وجن وود المطاير بي سيفوا .. تحس بالأمان أها وتمشي .. على دكان عمك ود الطاهر .. هو صاح ما بديك كباية شاي ...لكن قلبو طيب ويشبكك حبايبي الحلوين أهلا جوني ... منها ... ودام تريبات .. في كنتينو .. لسه ما صدقوهو ليهو .. شايف ود المطامير ناقي منو .. بديك شاي مسيخ وبارد .. لكن بشبعك كلام خارم بارم .. وتقول كدي ...العصير تمشي علي كشكول أبو علا .. نان ما هو جنس تراث شعبي خليهو ساكت ده غير اللقيمات والشاي بي لبن ... ومن تمغرب .. وتبرد شويه يمرقوا الجنيات ويقعدوا فوق الرمله البدوبي يدوبي .. والبمدح يمدح .. والبنوت يغنن ساي .. حبيبي ساكت قصد عنادي .. أها آآ ود أمي بدورلك أحسن من نفاجنا دا :p
عوض الكواكب
26-07-2007, 11:08 AM
مشكور يا ابو علا وجلالة على المرور
وتسكينة الراس الكان تعبان ودايخ في النفاج
ودحين كدي زوروا الكشكول
صلاح ودالطاهر
28-07-2007, 10:44 PM
يازول إنت بصحك ؟
هو تومى صلاح ختوهو فى الكرسى الساخن ليه ؟
عشان يطفوا المعارضه .

هوووووووووووووووووووي يا المسجم وحاتك دي مبخر ما يطفوا قال يطفوا المعارضه قال
صلاح ودالطاهر
28-07-2007, 10:45 PM
مشكور يا ابو علا وجلالة على المرور

وتسكينة الراس الكان تعبان ودايخ في النفاج

ودحين كدي زوروا الكشكول


حبابك العوض وحاتك حبيتك لله لله اها امتعنا ونحن معك ماسكين انا واخوي الكاشف مويه
عبدالمنعم الصديق(خدرا)
05-08-2007, 09:00 AM
والله انا في نفاج صحي صحي قدر ما أسد نفاج
انفتح نفاج انقاية النفاج الظاهر انو سقايته صعبة
براي ما بقدر امسك فيها موية
العوض
حبابك
انت امسك المويه فى النفاج من اب عشرين
انا بجيبا ليك بهناك من التقنت بالناكوسى
اربعه اناقى عليك
والتلاته انا اكان بى لستر بجيب ليك خبرا
اتفقنا
كن بالف خير
عوض الكواكب
16-08-2007, 02:01 AM
حبابك
انا اكان بى لستر بجيب ليك خبرا



والله ياعبدالمنعم اخوي السنة الظاهر انو الخريف
مبشر لكن اللستر امكن نحتاجو كان العيش غرق
بزور بزرنخ وكان سواسيو بموت وكان فراريج بصفر
عشان كدة اللستر بنحتاجو السنة دي والله في البحر بي هناك نحتاجو
مع التروس المالية قفة الحلة
ابوالنور
19-10-2013, 07:41 AM
والله ياعبدالمنعم اخوي السنة الظاهر انو الخريف
مبشر لكن اللستر امكن نحتاجو كان العيش غرق
بزور بزرنخ وكان سواسيو بموت وكان فراريج بصفر
عشان كدة اللستر بنحتاجو السنة دي والله في البحر بي هناك نحتاجو
مع التروس المالية قفة الحلة

اها ي اللخو جبت اللستر ؟