المساعد الشخصي الرقمي

مشاهدة النسخة كاملة : هذا المساء 19/7/2007 الاحتفال بخمسينية وردي


بدر الدين محمد
19-07-2007, 10:50 AM
يحتشد الآن المئات امام المسرح القومي لحضور احتفالية خمسين عاما من الابداع وفنان افريقيا الاول وردي ...
وردي .. الميلاد صواردة -الولاية الشمالية درس في عبري وحلفا وعمل معلما ردحا من الزمان ..
ماذا تكتبوا عن وردي بهذه المناسبة ....
بدر الدين محمد
20-07-2007, 03:47 AM
القمر بوبا
اسماعيل حسن

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجيل
مابتحش قشة التناقير
مابتشيل جردل على الزير
الزراق فوقا تقول حرير
شتتي الشبال يا ام ضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حمى
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سايمة
يا غرق يا جيت حازمة
القمر بوبا عليك تقيل

القديما قديم الحمام
الوزيزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يا ام ختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي الناس شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مبشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العدى ونزل
مرة يسقي الفول والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الظهر
العليك ساسكت وفتر
شوفني جنيت ولا دستر
واي أنا المرضان مكنتر
جابو لي حكيم خير وشر
قالي يا زول مرضك كتر
سببك كم شلاخا خدر
القمر بوبا عليك تقيل
مدنيّة
20-07-2007, 10:54 PM
<embed width="281" height="79" src=http://www.sudaneseonline.com/SudaneseMusic/music/MohamedWardi/altair%20almuhagir.mp3>
طارق محمد الحسن
20-07-2007, 11:35 PM
يااخوتى غنو لنا اليوم يتربع هذا الانسان الذى لن يتكرر على عرش الغنا فى السودان فالتحية لهذا الانسان الذى علمنا ان يكون العشق للوطن وللحبييبة وللارض وللتراب اللهم ادم علية الصحة والعافية
بدر الدين محمد
21-07-2007, 07:25 AM
شكرا مدنية
شكرا طارق
فلنوفي هذا الهرم حقه
s nger
21-07-2007, 07:58 AM
التحيه الى الفنان العالمى والمبدع والسفير محمد وردى ومزيد من الابداع
عاشقة الهلال
21-07-2007, 08:00 AM
والله تعجز الكلمات عن وصف كل عظيم وردي
عظيم وقامه شامخه في وطننا الحبيب ويكفي
انو الفن الاصيل موجود في وجوده متعه الله
بالصحة والعافية,,,,,

عاشقة الهلال
عمر سعيد
21-07-2007, 09:11 PM
يحتشد الآن المئات امام المسرح القومي لحضور احتفالية خمسين عاما من الابداع وفنان افريقيا الاول وردي ...
وردي .. الميلاد صواردة -الولاية الشمالية درس في عبري وحلفا وعمل معلما ردحا من الزمان ..
ماذا تكتبوا عن وردي بهذه المناسبة ....

الفنان ( محمد وردي ) حالة فريدة في إبداعه وفنه .

ويتم تكريمه اليوم بعد ما أعطى مسيرة الإبداع أكثر من خمسين عاماً .... وبعد مشوار حافل بالعطاء والنجاح والتميز ، وبعد أن حقق السمعة العطرة للسودان ...

كم كنت أتوق ( أخي بدرالدين ) أن أشارك هذه الصفوة المباركة من أبناء وبنات بلادنا الحبيبة احتفاءهم بعلم من أعلام الفن والإبداع في بلادنا .

ونحن لا نملك إلاَّ الدعاء لهذا الفنان المبدع بتمام الصحة والعافية .. وطول العمر ليثري الساحة الفنية بإبداعاته .

ولك التحية والشكر أخي بدرالدين على هذه الإتاحة لنشارك من على البعد في تكريم هذا المبدع .
معتز الريح
22-07-2007, 11:45 PM
الفنان محمد وردي ..
قامة من قامات بلادي .. وعلم من أعلامها ..
فنان ..
له صوت يجعلك تذوب حنية ووداعة ..
صوت ينتقل بك إلى عوالم خيالية ..
صوت يرتفع بك درجات فوق الجميع ..
صوت يسمو بك لمصاف أعلى ..

عندما يغني وردي ..
ينصت القلب .. ويفتح أبوابه لتنساب الألحان ..
هذا الرجل الشامخ ..
سمعته بالأمس في احتفائيته ..
مازال صوته يحمل شيئا كثيراً منه
حتى بعد تلك السنوات .. وللسن أحكام ..
أدركت صعوبة ما يغنيه .. وجمال ما يغنية ..
وأدركت أن أغاني وردي لا يغنيها إلا وردي ..
أستـــــــــــــــاذ مبــــــــــــــدع ..
zoolfrda
23-07-2007, 12:07 AM
حقيقة يا أخوان كم كنت أتمنّى لو صوّرت هذه الإبداعات الوردية في أغاني فيديو كليبّات

فأنت حينما تسمع وردي يشدو بأغانيه ... تأتيك مجموعة من الصور الخلاّبة والمبدعة بخيالك

صورة النيل ... صورة الشجر ... الزهور ... الطبيعة الخلابة .... حوّاء السودانية

ياااااااه .... أدام الله عليك الصحة والعافية ... يا وردي الوطن
مصطفي دعوب
23-07-2007, 09:10 PM
فعلاً أخي بدر الدين السهرة كانت قمة في الروعة وإبداع في إبداع وأغنية الطير المهاجر وياطير ياطاير من الأغاني المحببة إلي نفسي وقلما يجود الزمان بمثل هذه الأغاني وتعتبر أغنية ياطير ياطاير أول أغنية قام بتسجيلها عملاق الفن السوداني محمد وردي في يوليو 1957 ومنها بدأ مشواره الفني الطويل ...

يا طير يا طاير

يا طير يا طاير من بعيد فوق الغمام
من ربوعي أحمل الشوق يا حمام

انشا الله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام
بدر الدين محمد
24-07-2007, 02:38 AM
لكم ايها الاخوة كل الود لحفظكم للود للفنان (وردي) ونأمل ان نحصل على تسجيل للاحتفالية