عاوز اسالكم يانواعم

[أبو مهدي371]

انتوا في السودان في لبسة اسمها فصل الدين عن الدولة ؟
انا سمعت لكن ماشفت قالوا في الخرطوم البنات يلبسن اسكرتي وبلوزة مفصولات من النص
يعني زي الساري الهندي والله لو الكلام طلع صاح حليلك ياحبوبة وحليلك يابلد .

[مصباحيه]

اخى ابو المهتدى عايزه اقول لي حاجه العايز يلبس محتشم بلبس مهما تعددت الثقافات وغيرها وكمان العايز ما يلبس لو اقنعوه باى شى الحال فى حالوا فهمتنى

[مختار بازى]

والله يا قريبك في اي محل في وعليها السلام زي ما قلتة

[أبو مهدي371]

كلامك في محلوا لكن انا عندما قلت علي حبوبتي السلام ماقاصد البنت المتبرجة بعينها ولكن قاصد النظام وادب الشارع العام اما عن الاحتشام فهوا يرجع الي البيت الذي انجب هذه البنت وتختلف البيوت صاح ولا خطأ .
مشكووور علي المرور ياغالية

[أبو مهدي371]

الرماد كالنا نحنا يااخوي المغتربين التكنلوجيا دي كلها في السودان ونحنا نايمين
ربنا يصحينا من نوم الكهف .
مشكووور يامخوا علي المرور .

[عاشقة الهلال]

نحنا للاسف الشديد عندنا مشكلة التقليد الاعمي واذا كان في
لبسه زي ماقلته (فصل الدين عن الدوله)اكيد مع احترامي لحريات
الاخرين مافي بنت اهله مربنها حتلبس دي اللبسه والله احفظنا
واحفط عادلتنا واخواتنا وبناتنا يارب
عاشقة الهلال

[أبو مهدي371]

الاخ : عاشق الهلال والله الكلام دى حاصل اخر اخبار استطلاعات جريدة قلب الشارع مع الطالبات الجامعات منهن من تقول بلبسها لكن في حفلة خاصة رايك شنوا .
وشكرا علي المرور .

[ودكمبال]

ياخى الناس الزمن ده لو لابس ولاملابس ماعندها شغلة فيك والظاهر انو القيامه قامت فى السودان والناس ماعايزه تتفهم الوضع يعنى لوعايز اخوك فى مصلحه لازم يكون له نصيب الاسد فيها والناس فى بيت واحد يصدف شهرين ثلاثه وامكن اكثر ماتتقابل حتى لوكانوا فى دائره نصف قطرها 100متر .
و
د
ك
م
ب
ا
ل

[عوض الكواكب]

حسبنا الله ونعم الوكيل

[أبو مهدي371]

كلنا عرب جزيرة لكن الكلام دا في الجزيرة وصل ولا شنو الحكاية .
مشكور اخي عوض علي المرور .

[عوض الكواكب]

اماتنا زمان واخواتنا حاربن جقسة في خط ستة ياريت بنات الزمن دة يحاربن
فصل الدين عن الدولة

[أبو مهدي371]

ياعوض اخوي بنات الزمن دا يلبسن جكسة في خط واحد خلي في خط ستة .
وابقي عشرة علي بناتك .

[اعتماد]

والله ياابو المهتدي اللبسة دي ماسمعنا بيها لكن اري ان الشارع العام بخير واللبس ما شاء الله غير مخجل