سمعته صوت في البيت بليل

[هشام السماني إبراهيم]

السؤال وين


سمعته صوت بليل في بيتك فممكن اكون شنو ؟

هل :


صوت الكديس

الكلب

باب الجيران

واحد من الاولاد راجع من السنما

الاولاد مانامو لسة



مع العلم انو الوقت متأخر

طيب ممكن يكون حرامي

حتعمل شنو ؟؟؟؟؟؟؟؟؟؟؟؟؟؟؟

[هشام السماني إبراهيم]

طيب سؤال تاني


حرامي دخل بيت ومشى وين غرفة النوم عشان دا المكان الفيو الدهب والقرروووش الراجل ومرتو نايمين المرا صحت بي صوت الحركة الحرامي ينكت في الودلاب صحت الراجل قوم في ((حراااااااااااامي )) الراجل كان ردو شنو







خليو لو قمتا بكتلو

الحرامي سمع الكلام قال لي المرا تعالي وريني حاجاتو وين المرا مع الخوفة نكتت حاجات راجلها كلها الحرامي شالها وفات ساب حاجاتها هي بس


هل يجوز ضرب الحرامي لدرجة الايذاء ام تسليمة للشرطة سليم معافى ؟؟

[رضا حسن محمد]

طيب سؤال تاني


حرامي دخل بيت ومشى وين غرفة النوم عشان دا المكان الفيو الدهب والقرروووش الراجل ومرتو نايمين المرا صحت بي صوت الحركة الحرامي ينكت في الودلاب صحت الراجل قوم في ((حراااااااااااامي )) الراجل كان ردو شنو







خليو لو قمتا بكتلو

الحرامي سمع الكلام قال لي المرا تعالي وريني حاجاتو وين المرا مع الخوفة نكتت حاجات راجلها كلها الحرامي شالها وفات ساب حاجاتها هي بس


هل يجوز ضرب الحرامي لدرجة الايذاء ام تسليمة للشرطة سليم معافى ؟؟
يا دوم ازيك
الحرامى البخشالبيت دة يستاهل يقععوهو حتت قبل ما يسلموهو الشرطة

[هشام السماني إبراهيم]

طيب مش في قانون ؟

ليه الاسلوب دا )) ضرب وجلد وشيي كهريب وشي مسامير

[عمر حسن]

ضربة وتسليمه للشرطة

[هشام السماني إبراهيم]

طيب ح تعمل شنو انتا لو قالو ليك في حرامي في البيت

[مختار بازى]

لو قدرتة تمسكو سلمو للشرطة


لو ضربتو ومات في يدك نقول شنو حرامي؟؟؟؟




البصدقك منو؟؟؟





وسرق منك شنو



عشان كدا لي سلامتك من القانون سلمو القانون



ان شاء بعد داك يدوهو حلاوة

[هشام السماني إبراهيم]

ضربة وتسليمه للشرطة


ليه بس ؟

مستنيك

[هشام السماني إبراهيم]

:D
لو قدرتة تمسكو سلمو للشرطة


لو ضربتو ومات في يدك نقول شنو حرامي؟؟؟؟




البصدقك منو؟؟؟





وسرق منك شنو



عشان كدا لي سلامتك من القانون سلمو القانون



ان شاء بعد داك يدوهو حلاوة




ياسلام عليك دا الكلام

تخريمة : حلاة ولا ببسي مافارقة :D

[هشام السماني إبراهيم]

يا دوم ازيك
الحرامى البخشالبيت دة يستاهل يقععوهو حتت قبل ما يسلموهو الشرطة


مرحب بيك

طيب والمابخش البيوت كيف :D

[صديق بلال]

طيب ممكن اكون حرامي

حتعمل شنو ؟؟؟؟؟؟؟؟؟؟؟؟؟؟؟


طبعا سوف أحييك بعصا وأضيفك أحسن ضيافة مكرم معزز في الزنزانة... وعينك ما تشوف إلا النور... يا جميل يارايق

[هشام السماني إبراهيم]

طبعا سوف أحييك بعصا وأضيفك أحسن ضيافة مكرم معزز في الزنزانة... وعينك ما تشوف إلا النور... يا جميل يارايق




هههههههههههههههه

يعني حكيتها للاخر

والله انتا اليوم الجميل ورايق :D :D :D :D

يارب دائما كدا

[الشريف الهندي]

يامختار انت بتقول في شنو
والله الحرامي فيهو حلاة دقه ..... وكما تعمل مس كول لناس الفريق البهناك يجو يضوقو معاك برضو
وبعد داك فكو وقول ليهو اكان بتقدر اجري واكان القومه غلتو فك ليك فيهو كلب خليهو يسكو لآخر الحلة

[الشريف الهندي]

في ناس بيقطعو اضنيهو وبيدخلوهو في شوال وبيجدعوهو في البحر
وناس بيعلقوهو في عمود الناس كلها تجي تضوق شويه
وفي ناس بيدخلوهو في حوش مع تور هاااااايج بس يجري والتور في قفا للصياح

[معتز الريح]

وفي ناس بخلوهو يغسل الهدوم ..
ويكمل أشغال البيت كلها ..
وبعد داك على الشرطة

[هشام السماني إبراهيم]

وفي ناس بخلوهو يغسل الهدوم ..
ويكمل أشغال البيت كلها ..
وبعد داك على الشرطة

طيب دا كلام جميل جدا كدا احسن من الدق

سلمت يالغالي :)

[هشام السماني إبراهيم]

يامختار انت بتقول في شنو
والله الحرامي فيهو حلاة دقه ..... وكما تعمل مس كول لناس الفريق البهناك يجو يضوقو معاك برضو
وبعد داك فكو وقول ليهو اكان بتقدر اجري واكان القومه غلتو فك ليك فيهو كلب خليهو يسكو لآخر الحلة



السبب يالحبيب ؟

[هشام السماني إبراهيم]

يامختار انت بتقول في شنو
والله الحرامي فيهو حلاة دقه ..... وكما تعمل مس كول لناس الفريق البهناك يجو يضوقو معاك برضو
وبعد داك فكو وقول ليهو اكان بتقدر اجري واكان القومه غلتو فك ليك فيهو كلب خليهو يسكو لآخر الحلة

ديل شكلهم ماعندهم موضوع ساي :d

[هشام السماني إبراهيم]

حرامي دخل بيت ومشى وين غرفة النوم عشان دا المكان الفيو الدهب والقرروووش الراجل ومرتو نايمين المرا صحت بي صوت الحركة الحرامي ينكت في الودلاب صحت الراجل قوم في ((حراااااااااااامي )) الراجل كان ردو شنو







خليو لو قمتا بكتلو

الحرامي سمع الكلام قال لي المرا تعالي وريني حاجاتو وين المرا مع الخوفة نكتت حاجات راجلها كلها الحرامي شالها وفات ساب حاجاتها هي بس


اها رايكم شنو زوجها دا عندو حق ؟

[مختار بازى]

يامختار انت بتقول في شنو
والله الحرامي فيهو حلاة دقه ..... وكما تعمل مس كول لناس الفريق البهناك يجو يضوقو معاك برضو
وبعد داك فكو وقول ليهو اكان بتقدر اجري واكان القومه غلتو فك ليك فيهو كلب خليهو يسكو لآخر الحلة

يا الشريف انتو في حاجة تانية ممكن تعملوها احسن من تدقو دقة الويكة دي لا قدر الله مات الكتلوا فيكم منو يا ناس الحلة ؟؟؟؟؟؟؟؟؟؟؟؟ وفي قصة زي دي حصلت في قرية من قري الجزيرة والله لي هسة لو جاهم حرامي يدو سرير ويعشو الصباح يقولوا ليهو الله معاك دا كلو بي سبب الجاهم المرة الاولي !!!!!!!!!!!
وبعدين الدق ما بيجيب معاهو نتيجة يعني بكرة تاني بيجي يسرق لكن في السجن اكيد لو ما خفي خالص بيقلل من السرقة كلما يتزكر السجن واسال ليك زول خشي السجن ؟؟!!

تخريمة :
في مرة كدا قبضو حرامي في الفريق بالليل الناس كلها اتلمت وبدو يدقوا فيهو في واحد اخونا كدا غطا وشو بالفنيلة وبدي في الحرامي كف قالوا لية مالك متغطي قال بكرة يلاقين بالنهار يخلص حقو:D :D

[مختار بازى]

يا اخوي في مثل بيقول ليك الخواف ربي عيالوا





طيب لو كان قام عليهو والحرامي طعنو

طبعا الحرامي كدا في نظر القانون بيدافع عن نفسو


ولا شنو يا ناس القانون

ومن راي انا احسن ليهو الكملت نومتو بكرة يجيب الاتسرق

[هشام السماني إبراهيم]

الناس دي بتخطط ويختو في الطوب السرقة بالنسبة ليهم مشروع تخرج بس :D

[طلال يوسف الحاج]

يا جماعة لو ختينا في إعتبارنا إنو الحرامي دة بشر وكل بشر فيهو الخير والشر والشخص دة ماسرق إلى هو في قمة العوز والفقر والحاجة أنا ما بقول الكلام دة عشان أبرئه بس ناخد الموضوع من ناحية إنسانية في الأول نحسسة بي عظمة الزنب الذي إرتكبة ونحاول نقومة عشان بكرة مايرجع للعملة ونشوف مشاكلة كلنا ناس الفريق صدقوني الشخص دة ماحايرجع حرامي أبداً وحيقدر للناس الجميل القدمه لهوا في حالة رجع مره تانية نقوم بالعمال البتقولو فيها دي ظرب شرطة زي ما تجي .

[هشام السماني إبراهيم]

يا جماعة لو ختينا في إعتبارنا إنو الحرامي دة بشر وكل بشر فيهو الخير والشر والشخص دة ماسرق إلى هو في قمة العوز والفقر والحاجة أنا ما بقول الكلام دة عشان أبرئه بس ناخد الموضوع من ناحية إنسانية في الأول نحسسة بي عظمة الزنب الذي إرتكبة ونحاول نقومة عشان بكرة مايرجع للعملة ونشوف مشاكلة كلنا ناس الفريق صدقوني الشخص دة ماحايرجع حرامي أبداً وحيقدر للناس الجميل القدمه لهوا في حالة رجع مره تانية نقوم بالعمال البتقولو فيها دي ظرب شرطة زي ما تجي .

والله كلامك جميل ومافي اي داعي للاسلوب العنيف وتغير فكرو فيهو فايدة اكتر

سلمت يالغالي


دمت في رعاية الله

[ruby]

هههههههههههههه
يعني الحرامي دا العايزين تضربو الا يكون اول مره يسرق
لكن الحراميه الخبره
بيجو ومعاهم سكاكينهم وسواطيرهم
اكيد عامل حسابه من حاجه زي دي وانا مابتكلم كلام في ساي لانه حقيقي جانا حرامي ومعاه سكاكين وسواطير لكن الحمد لله انا نومي تقيل
واحيانا لا قفل باب ولا اسلاك شايكه ولا كلاب بينفع بقو يدخلو من الباب طوالي ومعاهم نسخه من المفتاح عن طريق الشغالات يعني الحرامي جاي جاي

[هشام السماني إبراهيم]

هههههههههههههه
يعني الحرامي دا العايزين تضربو الا يكون اول مره يسرق
لكن الحراميه الخبره
بيجو ومعاهم سكاكينهم وسواطيرهم
اكيد عامل حسابه من حاجه زي دي وانا مابتكلم كلام في ساي لانه حقيقي جانا حرامي ومعاه سكاكين وسواطير لكن الحمد لله انا نومي تقيل
واحيانا لا قفل باب ولا اسلاك شايكه ولا كلاب بينفع بقو يدخلو من الباب طوالي ومعاهم نسخه من المفتاح عن طريق الشغالات يعني الحرامي جاي جاي


والله ياروبي قبل كدا اختي عاوزة تنوم وبعد رقدت عينها جات في الشباك الحرامي اعاين ليهم واخوي في الغرفة التانية في التلفزيون غلبها تكورك بعيد عنك اتخشبت في مكانها لما الحرامي مشى الكواريك اشتغلت :D
هههههههههههههههه

سلمت على المرور